#Local_News
Published_ 8 June 2023

ရခိုင်ပြည်နယ်၊ စစ်တွေမြို့နယ်တွင် မိုခါမုန်တိုင်းဒဏ်ကြောင့် နေအများအပြားပျက်စီးခဲ့တာဖြစ်ပါတယ်။ ပြန်လည်တည်ဆောက်ရေးလုပ်ငန်းများ စတင်ချိန်မှာတော့ စျေးနှုန်းအဆမတန်မြင့်တက်ခဲ့တက်တယ်လို့ စစ်တွေဒေသခံတွေက YMG ကို ပြောပါတယ်။

#Local_News #အိမ်ဆောက်ပစ္စည်းစျေးအနည်းငယ်ပြန်ကျ
#YMG #Yangon_Media_Group

#Daily_News
Published_ 8 June 2023

၁။ စစ်တွေတွင် အိမ်ဆောက်ပစ္စည်းတချို့စျေးအနည်းငယ်ပြန်ကျ

၂။ မူးယစ်ဆေးဖြတ်ချင်လို အွန်လိုင်းကနေအကူအညီတောင်းခံသူများ နေ့စဥ်ရှိနေ

၃။ ဒေါ်လာစျေး အမြင့်ပိုင်းမှာရှိနေသည့်အတွက် ပြည်ပရွှေစျေး မြင့်တက်နေတာဖြစ်

၄။ (၃,၅၀၀)ဒေါ်လာတန်ဖိုးရှိ Vision Pro နားကြပ်ကို Apple ထုတ်ဖော်ပြသ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

Published 8 June 2023

မြန်မာနိုင်ငံနှင့် တရုတ်ပြည်သူ့သမ္မတနိုင်ငံတို့အကြား ယနေ့ ဇွန်လ(၈)ရက်နေ့တွင်ကျရောက်သည့် သံတမန်ဆက်ဆံရေးထူထောင်ခြင်း (၇၃)နှစ်ပြည့် အထိမ်းအမှတ်အဖြစ် နှစ်နိုင်ငံအကြား နယ်ပယ်စုံ ပူးပေါင်း ဆောင်ရွက်မှု စာချုပ်များလက်မှတ်ရေးထိုးခဲ့ကြတယ်လို့ တရုတ်သံရုံးရဲ့ သတင်းထုတ်ပြန်ချက်အရသိရပါတယ်။

နေပြည်တော်မှာ ဒီကနေ့ကျင်းပတဲ့ အဲဒီအခမ်းအနားကို မြန်မာနိုင်ငံ နစက နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးသန်းဆွေ၊ ကျန်းမာရေးဝန်ကြီးဌာန၊ သိပ္ပံနှင့်နည်းပညာဝန်ကြီးဌာန၊ အားကစားနှင့် လူငယ်ရေးရာဝန်ကြီးဌာန အပါအဝင် ဝန်ကြီးဌာနတွေက ပြည်ထောင်စုဝန်ကြီးတွေနှင့်အတူ  မြန်မာနိုင်ငံဆိုင်ရာ တရုတ်သံအမတ်ကြီး Mr. Chen Hai တက်ရောက်ခဲ့ပါတယ်။

အဲဒီအခမ်းအနားမှာ လန်ချန်း-မဲခေါင်ပူးပေါင်းဆောင်ရွက်မှုအထူးရန်ပုံငွေဖြင့်ပံ့ပိုးသည့် မြန်မာနိုင်ငံစီမံကိန်းများ၊ တရုတ်နိုင်ငံမှ မြန်မာနိုင်ငံအား ကိုဗစ်-၁၉ ကာကွယ်ဆေး အကြိမ်ရေ (Doses) ၃ သန်း လှူဒါန်းခြင်း၊ မြန်မာနိုင်ငံ အစိုးရနည်းပညာကောလိပ် (မန္တလေး) အား လက်တွေ့စမ်းသပ်ခန်း စက်ပစ္စည်းနှင့် အွန်လိုင်းလေ့ကျင့်ပေးမှုများ ပေးအပ်ခြင်း၊ တရုတ်နိုင်ငံ၏အကူအညီဖြင့် အောင်ဆန်းအားကစားကွင်း ပြန်လည်တည်ဆောက်ခြင်း ဖြစ်နိုင်ခြေလေ့လာမှုအစရှတဲ့  တရုတ်-မြန်မာ ပူးပေါင်းဆောင်ရွက်မှုစာချုပ်များ လက်မှတ်ရေးထိုးခြင်းနှင့် လဲလှယ် ခြင်းတွေပြုလုပ်ခဲ့ကြတယ်လို့ သတင်းထုတ်ပြန်ချက်မှာဖော်ပြထားပါတယ်။

နိုင်ငံခြားရေးဝန်ကြီး ဦးသန်းဆွေက အမှာစကားပြောကြားရာတွင် မြန်မာ-တရုတ်နှစ်နိုင်ငံသည် ရဲ့ ဆွေမျိုးပေါက်ဖော်ချစ်ကြည်ရေး သံယောဇဉ်နက်ရှိုင်းလှကြောင်း၊ သံတမန်ဆက်ဆံရေး ထူထောင်လာကတည်းက နှစ်နိုင်ငံသည် ငြိမ်းချမ်းစွာအတူယှဉ်တွဲနေထိုင်ရေး မူကြီးငါးရပ်ကို အမြဲတစေကျင့်သုံး၍ အပြန်အလှန်လေးစားကာ တန်းတူညီမျှဆက်ဆံကြောင်း၊ အကျိုးတူပူးပေါင်းဆောင်ရွက်မှုအား အဆက်မပြတ်နက်ရှိုင်းလာစေပြီး နိုင်ငံတကာ စင်မြင့်ထက်တွင် အပြန်အလှန် ထောက်ခံအားပေးခဲ့ကြောင်း၊ တရုတ်နိုင်ငံအစိုးရနှင့်ပြည်သူများက မြန်မာနိုင်ငံ မိုခါဆိုင်ကလုန်းမုန်တိုင်းဒဏ်သင့်ပြီးနောက် သဒ္ဓါတရားထက်သန်စွာလှူဒါန်းပေးအပ်မှုကို ကျေးဇူးတင်ရှိပါ ကြောင်းပြောကြားခဲ့ပါတယ်။

ဝန်ကြီးဦးသန်းဆွေက မြန်မာ-တရုတ်နှစ်နိုင်ငံ၏ အခက်အခဲများ အတူကျော်ဖြတ်သည့် အေးအတူပူအမျှ  အသိုက် အဝန်းစိတ်ဓာတ်ကိုထင်ဟပ်စေကြောင်း၊ ယနေ့ လက်မှတ်ရေးထိုးလဲလှယ်သည့် ပူးပေါင်းဆောင်ရွက်မှု  စာချုပ်များ  သည် မြန်မာ-တရုတ် ပူးပေါင်းဆောင်ရွက်မှု၏ ကောင်းမွန်သောရလဒ်များကို ပေါ်လွင်စေကာ မြန်မာနိုင်ငံ လူမှုစီးပွားဖွံ့ဖြိုးတိုးတက်မှုအား အထောက်အကူပြုမည်ဖြစ်ကြောင်း၊ မြန်မာနိုင်ငံသည် တရုတ်နိုင်ငံသမ္မတ ရှီကျင့်ဖျင်အဆိုပြုသည့် ကမ္ဘာလုံးဆိုင်ရာဖွံ့ဖြိုးတိုးတက်မှု အဆိုပြုချက်၊ ကမ္ဘာလုံးဆိုင်ရာ လုံခြုံရေးအဆိုပြုချက်၊ ကမ္ဘာလုံးဆိုင်ရာ လူမှုရေးနှင့်ယဉ်ကျေးမှု အဆိုပြုချက်များကို ပြတ်သားစွာထောက်ခံအားပေးကြောင်း၊ တရုတ်နိုင်ငံနှင့် အခြားနိုင်ငံများနှင့်အတူ ၎င်းအဆိုပြုချက်များအား အကောင်အထည်ဖော်ဆောင်ကာ ပိုမိုငြိမ်းချမ်း၊ လုံခြုံ၍စည်ပင်ဝပြောသောကမ္ဘာကြီးကို အတူတည်ဆောက်သွားလိုကြောင်းလည်းဆက်လက်  ပြောကြားခဲ့  ပါ  တယ်။

သံအမတ်ကြီး Mr. Chen Hai ကလည်း တရုတ်-မြန်မာ သံတမန်ဆက်ဆံရေး ထူထောင်လာကတည်းက ချစ်ကြည်ရင်းနှီးစွာကူးလူးဆက်ဆံသည့် သမိုင်းကိုပြန်လည်ပြောကြားခဲ့ပါတယ်။ အဲဒီနောက်သူက  “ယနေ့  ပူးပေါင်းဆောင်ရွက်မှုစာချုပ်များအား လက်မှတ်ရေးထိုးလဲလှယ်ခြင်းသည် နှစ်နိုင်ငံ သံတမန်ဆက်ဆံရေး ထူထောင်မှု (၇၃) နှစ်ပြည့်အား လက်တွေ့လှုပ်ရှားမှုဖြင့် ဂုဏ်ပြုဆိုကာ တရုတ်-မြန်မာ ဆွေမျိုးပေါက်ဖော် သံယောဇဉ်ကို လက်ဆင့်ကမ်းပြန့်ပွားရန် ဆောင်ရွက်၍ တရုတ်-မြန်မာပူးပေါင်းဆောင်ရွက်မှုများ ရလဒ်အသစ်များ ရရှိရန်ဆောင်ရွက်ခြင်းဖြစ်ကြောင်း၊ တရုတ်နိုင်ငံသည် မြန်မာနိုင်ငံအပေါ် ချစ်ကြည်ရင်းနှီးသည့်မူဝါဒသည် မြန်မာပြည်သူတစ်ရပ်လုံးအပေါ်ဖြစ်ကြောင်း၊ လန်ချန်း-မဲခေါင်ပူးပေါင်းဆောင်ရွက်မှုနှင့် တရုတ်နိုင်ငံအကူ အညီ   ဖြင့် မြန်မာနိုင်ငံ၌ဆောင်ရွက်သည့်စီမံကိန်းများသည်လည်း အေးအတူပူအမျှ၊ အတူလက်တွဲရှေ့သို့ချီတက်သည့် တရုတ်-မြန်မာ အေးအတူပူအမျှအသိုက်အဝန်းစိတ်ဓာတ်ကို ထင်ဟပ်စေကြောင်းပြောကြားခဲ့ပါတယ်။

တရုတ်နိုင်ငံက မြန်မာနိုင်ငံ လူမှုစီးပွား ဖွံ့ဖြိုးတိုးတက်မှုနှင့် ပြည်သူလူနေမှုဘဝ ကောင်းမွန်လာစေရေးတို့အား လက်တွေ့ကျကူညီပေးမယ်လို့လည်း တရုတ်သံအမတ်ကြီးကပြောပါတယ်။

မြန်မာနိုင်ငံအားကူညီသည့် အသစ်တစ်သုတ် ကိုဗစ်-၁၉ ကာကွယ်ဆေး အကြိမ်ရေ (Doses) ၃ သန်းသည် ဇွန်လ ၇ ရက်နေ့ညတွင် ရန်ကုန်သို့ ပို့ဆောင်ရောက်ရှိပြီဖြစ်ကြောင်း၊ တရုတ်နိုင်ငံအစိုးရမှ မြန်မာနိုင်ထံ လှူဒါန်းပေးအပ်သည့် ပထမအသုတ် သဘာဝဘေးအန္တရာယ် ကယ်ဆယ်ရေးပစ္စည်းများသည်လည်း ဇွန်လ ၁၂ ရက်နေ့တွင်ပို့ဆောင်ရောက်ရှိ၍လွှဲပြောင်းပေးအပ်မည်ဖြစ်ကြောင်း၊ တရုတ်နိုင်ငံသည် မြန်မာနိုင်ငံဖွံ့ဖြိုးတိုးတက်မှု    အတွက် တတ်စွမ်းသမျှကူညီမှုများ ဆက်လက်ပေးအပ်သွားပြီး မြန်မာနိုင်ငံနှင့်အတူ နှစ်နိုင်ငံ ကဏ္ဍအသီးသီး၌ ကူးလူးဖလှယ်ပူးပေါင်းဆောင်ရွက်မှုများ ပိုများသည့်လက်တွေ့ကျကျရလဒ်များရရှိရေးဖော်ဆောင်ကာ နှစ်နိုင်ငံနှင့် နှစ်နိုင်ငံပြည်သူများ အကျိုးဖြစ်ထွန်းစေရန် ဆောင်ရွက်သွားလိုတယ်လို့ဆက်လက်ပြောကြားခဲ့တယ်လို့ သတင်း  ထုတ်ပြန်ချက်မှာဖော်ပြထားပါတယ်။

လက်မှတ်ရေးထိုးပွဲအခမ်းအနားပြီးတဲ့ နောက် သံအမတ်ကြီး Mr. Chen Hai သည် မြန်မာနိုင်ငံသက်ဆိုင်ရာဌာနမှ တာဝန်ရှိပုဂ္ဂိုလ်များနှင့်အတူ တရုတ်-မြန်မာကဏ္ဍပေါင်းစုံတွင် ကူးလူးဖလှယ်ပူးပေါင်းဆောင်ရွက်မှုနှင့်စပ်လျဉ်း၍ အမြင်ချင်းဖလှယ်ခဲ့ကြတယ်လို့သိရပါတယ်။

-ymg/knl

#တရုတ်-မြန်မာသံတမန်ဆက်ဆံရေး (၇၃)နှစ်ပြည့်

#တရုတ်-မြန်မာဆက်ဆံရေး

#YangonMediaGroup

#Local_News
Published_ 8 June 2023

ကပ္ပလီပင်လယ်ပြင်၊ ဘင်္ဂလားပင်လယ်အော်တောင် ပိုင်း၊ အရှေ့အလယ်ပိုင်းနဲ့ အရှေ့မြောက်ပိုင်းတို့မှာ မုတ်သုံလေ အားကောင်းရာမှ အားအလွန်ကောင်းနေတဲ့အတွက် မြန်မာနိုင်ငံအတွင်းရှိမြို့ကြီးများ အပါအ၀င် ပြည်နယ်နဲ့တိုင်း၁၂ ခုမှာမိုးကြီးနိုင်တယ်လို့ မိုးလေ၀နှင့်ဇလဗေဒညွှန်ကြားမှုဦးဌာနက ဇွန်လ ၈ ရက်နေ့မှာထုတ်ပြန်လိုက်ပါတယ်။

#Local_News #ပြည်နှင့်တိုင်း၁၂ခုတွင်မိုးကြီး
#YMG #Yangon_Media_Group

#Local_News
Published_ 8 June 2023

ရှမ်းပြည်နယ်အရှေ့ပိုင်း ၊ တာချီလိတ်မြို့၊ မယ်ခေါင်ရပ်ကွက်၊ မြို့ပတ်လမ်းရှိ KTV ဆိုင်တစ်ဆိုင်တွင် ဇွန်လ ၇ရက်နေ့ နံနက်ပိုင်း၌ သတင်းအရ သက်သေများနှင့်အတူ၀င်ရောက်ရှာဖွေရာ အိုက်၀မ်း နှင့် စိုင်းလှိုင်းဦး(ခ)ထွန်းဦး တို့ထံမှ စိတ်ပြောင်းဆေးဝါး(Happy Water) များဖမ်းဆီးရမိခဲ့ကြောင်း မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ ထုတ်ပြန်ထားသည်။

ဖမ်းဆီးမိသည့် မူးယစ်ဆေးဝါးပမာဏမှာအလေးချိန် ၄၂၀ ဂရမ်(ဒေသကာလပေါက်ဈေးတန်ဖိုးငွေကျပ် ၄၆၂ သိန်း)နှင့် လက်ကိုင်ဖုန်း ၂ လုံးတို့အား တွေ့ရှိသိမ်းဆည်းရမိခဲ့ပြီး စစ်ဆေးဖော်ထုတ်ချက်အရ စိုင်းဆိုင်တစ်(ခ)စိုင်းဆိုင်ခေး အား အဆိုပါ ရပ်ကွက်၊ မြို့ပတ်လမ်းရှိ KTV ဆိုင်ရှေ့တွင် မော်တော်ဆိုင်ကယ် ၁ စီး၊ စိတ်ပြောင်းဆေးဝါး(Happy Water) အလေးချိန် ၉၈၀ ဂရမ်(ဒေသကာလပေါက်ဈေးတန်ဖိုးငွေကျပ် ၁၀၇၈ သိန်း)၊ လက်ကိုင်ဖုန်း လုံးတို့နှင့်အတူ ထပ်မံ တွေ့ရှိသိမ်းဆည်းရမိခဲ့ကြောင်း သိရသည်။

အဆိုပါ ဖမ်းဆီးရမိသူများဖြစ်သည့်အိုက်၀မ်း(၂၀)နှစ်၊ စိုင်းလှိုင်းဦး(ခ)ထွန်းဦး(၃၇)နှစ် နှင့် စိုင်းဆိုင်တစ်(ခ)စိုင်းဆိုင်ခေး (၂၆)နှစ်တို့အား တာချီလိတ်မြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေအရ အမှုဖွင့် အရေးယူထားရှိပြီး ကွင်းဆက်များ ဖော်ထုတ်လျက်ရှိကြောင်း မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ ထုတ်ပြန်ထားသည်။

#ymg/ynzw #Local_News #(Happy Water)များဖမ်းဆီးရမိ
#YMG #Yangon_Media_Group

#Local_News
Published-8 June2023

တရုတ်နိုင်ငံအစိုးရမှ မြန်မာနိုင်ငံသို့ ပံ့ပိုးကူညီသော ကိုဗစ်-၁၉ ကာကွယ်ဆေး အကြိမ်ရေ (Doses) ၃ သန်း  ရန်ကုန်အပြည်ပြည်ဆိုင်ရာလေဆိပ်သို့ ရောက်ရှိပြီဖြစ်​ကြောင်း မြန်မာနိုင်ငံဆိုင်ရာ တရုတ်သံရုံးက(ယနေ့)ထုတ်ပြန်ထားသည်။

ဇွန်လ ၇ ရက်တွင် ကာကွယ်ဆေးအကြိမ်ရေ(Doses)၃ သန်း ရန်ကုန်အပြည်ပြည်ဆိုင်ရာလေဆိပ်သို့ရောက်ရှိခဲ့ပြီး ကိုဗစ်-၁၉ ရောဂါ ဖြစ်ပွားချိန်မှစ၍ တရုတ်နိုင်ငံအစိုးရသည် မြန်မာနိုင်ငံအတွက် ကိုဗစ်-၁၉ ကာကွယ်ဆေး အကြိမ်ရေ ၆၄ သန်းနှင့် ကပ်ရောဂါကာကွယ်ရေးပစ္စည်းအများအပြားကို တိုက်ရိုက် သို့မဟုတ် တစ်ဆင့်ခံ ပံ့ပိုးပေးခဲ့ပြီးဖြစ်ကြောင်း သံရုံး၏စာရင်းများအရ သိရသည်။

မြန်မာနိုင်ငံအစိုးရသည် ကိုဗစ်-၁၉ ကာကွယ်ဆေးများ နောက်ထပ်အကူအညီပေးရန် တရုတ်နိုင်ငံသို့ တောင်းဆိုခဲ့ပြီး အဆိုပါကာကွယ်ဆေးများကို သက်ကြီးရွယ်အိုများ စသည့်အားနည်းသောအုပ်စုများအတွက် အသုံးပြုနိုင်ရန် မျှော်လင့်ထားကြောင်းလည်း သံရုံးကထုတ်ပြန်ထားသည်။

#ymg/BM #Local_News #ကိုဗစ်-၁၉ ကာကွယ်ဆေး၃သန်းရန်ကုန်သို့ရောက်ရှိ၊
#YMG #Yangon-Media-Group