#Local_News
Published_ 7 April 2023

ဇွန်လ ၆ရက်နေ့ ညပိုင်းက ပုဂံတွင်မိုးသည်းထန်စွာရွာသွန်းခဲ့ မိုးကြိုးများပစ်ခတ်မှုကြောင့် ဗူးဘုရား ရဲ့ကိုယ်လုံးတော်တွင် မိုးကြိုး ၅ချက်ခန့် ချက်ထိမှန်ခဲ့ကြောင်း ပုဂံဒေသလူမှုကူညီကယ်ဆယ်ရေးအသင်း တာ၀န်ခံကYMG ကို အတည်ပြုပြောကြားပါတယ်။

#Local_News #မိုးကြိုးပစ်ခတ်မှုကြောင့် ဗူးဘုရားမိုးကြိုးခ
#YMG #Yangon_Media_Group

#Daily_News
Published_ 7 June 2023

၁။ ပုဂံတွင် မိုးသည်းထန်စွာရွာသွန်းပြီး မိုးကြိုးပစ်ခတ်မှုကြောင့် ဗူးဘုရားမိုးကြိုးခ

၂။ ပြည်တွင်းရွှေစျေးနှုန်းများ မြင့်တက်နေမှုကြောင့် ပြည်ပရွှေတင်ပို့မှုရပ်နားထား

၃။ ဘင်္ဂလားပင်လယ်အော်အရှေ့အလယ်ပိုင်းတွင် လေဖိအားနည်းဆဲလ်တစ်ခုဖြစ်ပေါ်နေ

၄။ လူထောင်ပေါင်းများစွာ ပါဝင်ယှဉ်ပြိုင်သည့် စာလုံးပေါင်းသတ်ပုံပြိုင်ပွဲကြီး ပဲရစ်တွင်ကျင်းပ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

#Local_News
Published_ 7 April 2023

ဇွန်လ ၆ ရက်နေ့ညပိုင်းက မိုးကြိုးစက်ကွင်းထိမှန်ခဲ့တဲ့ဗူးဘုရားကို အချိန်နဲ့တပြေးညီပြုပြင်နေပြီး တစ်ပတ်အကြာတွင် ပြီးစီးမှာဖြစ်တယ်လို့ရှေးဟောင်းသုတေသနနှင့် အမျိုးပြတိုက်ဦးစီးဌာန (ပုဂံဌာနခွဲ)မှ သိရပါတယ်။

#Local_News #ပုဂံဗူးဘုရားအားအချိန်နှင့်တပြေးညီပြုပြင်နေ
#YMG #Yangon_Media_Group

#Local_News
Published_ 7 April 2023

ရန်ကုန်မြို့တွင် ယနေ့ ဇွန်လ ၇ ရက်နေ့ ညနေ ၄ နာရီကျော်ခန့်က ငလျင်လှုပ်ခတ်သွားကြောင်း ရန်ကုန်နေမြို့ပြည်သူတချို့က YMG ကိုပြောသည်။

ငလျင်လှုပ်ခတ်သွားသည့်ဒဏ်ကို ရန်ကုန်မြို့၏ မြို့နယ်တော်တော်များများမှာခံစားသိရှိရကြောင်း မြို့ခံတွေပြောသည်။ ရန်ကုန်မြို့ ရဲ့ တာမွေ၊ ဗဟန်း ၊ အင်းစိန်၊စမ်းချောင်းစသည့်မြို့နယ်များအပြင် ရန်ကုန်မြို့နှင့်နီးစပ်သည့် မြို့နယ်များမှာပါငလျင်ဒဏ်ကိုသိသိသာသာခံစားခဲ့ရကြောင်း လူမှုကွန်ယက်စာမျက်နှာများတွင်မျှဝေနေကြသည်။

ရန်ကုန်မြို့ ပုလဲကွန်ဒိုနေထိုင်နေသူများကို မေးမြန်းချက်အရ ယနေ့ညနေ ၄နာရီကျော်ခန့်မှာ လှုပ်ခတ်သွားပြီး ခေါင်းမူးသွားခဲ့ကြောင်း ပုလဲကွန်ဒိုတွင် အလုပ်လုပ်ကိုင်နေသူများထံမှာသိရသည်။

မိုးဇလ၏ထုတ်ပြန်ချက်မှာ

မြေငလျင်သတင်း

၂၀၂၃ ခုနှစ်၊ ဇွန်လ (၇) ရက်နေ့၊ မြန်မာစံတော်ချိန် (၁၆)နာရီ၊ (၂၃)မိနစ်၊ (၅၁) စက္ကန့် အချိန်တွင် ကမ္ဘာအေးမြေငလျင်စခန်းမှ အနောက်-အနောက်မြောက်ဘက် (၃၃) မိုင်ခန့်အကွာ၊ မြန်မာနိုင်ငံပြည်တွင်း (ညောင်တုန်းမြို့၏ တောင်-အရှေ့တောင်ဘက် (၅) မိုင်ခန့်အကွာ) မြောက်လတ္တီတွဒ် (၁၆.၉၈) ဒီဂရီ၊ အရှေ့လောင်ဂျီတွဒ် (၉၅.၆၇)ဒီဂရီ၊ အနက် (၁၀) ကီလိုမီတာကို ဗဟိုပြု၍ အင်အားရစ်(ခ်)တာစကေး (၄.၈) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွားကြောင်း တိုင်းထွာရရှိပါသည်။

#ymg/ynzw #Local_News #ညနေပိုင်းတွင်ငလျင်လှုပ်ခတ်
#YMG #Yangon_Media_Group

#Local_News
Published 7 June 2023

MPT ဆင်းမ်ကတ်များ မှတ်ပုံတင် တင်ပြီးသော်လည်း မတင်ရသေးဆိုကာ ဖုန်းဆက်အကြောင်းကြားမှုများကြောင့် သုံးစွဲသူအတော်များများ အခက်တွေ့နေကြရကြောင်းသိရပါတယ်။

“ ကျွန်တော့် ဆင်းမ်ကတ်က မှတ်ပုံတင်ထားပြီးသားပါ။ အဲဒီတုန်းကလည်း ပြန်စစ်တော့ မှတ်ပုံတင်ထားပြီးသားပါလို့ ပြန်ဖြေတယ်။ အခု ဖုန်းတွေနှင့်ပြန်ခေါ်တယ်။ လူကြီးမင်းဖုန်းက လဝက အချက်အလက်တွေနှင့် လွဲနေတယ်။ မတူဘူး။မှတ်ပုံပြန်တင်ပါတဲ့။ ဘာဖြစ်တာလဲ ဟု သုံးစွဲသူ တစ်ဦးက သူ၏ ဖေ့စ်ဘုတ်တွင်ရေးသားထားရာ အဆိုပါ ပို့စ်အောက်တွင် အလားတူဖြစ်နေကြသူများကလည်း ဟုတ်မှန်ကြောင်း ပြစ်တင်ရေးသားထားကြပါတယ်။

“ကျွန်တော့်ဖုန်းလည်းအဲသလိုဖြစ်တယ်။ မှတ်ပုံတင်ပြီးသားကို မတင်ရသေးဘူးတဲ့။ အဲဒါနှင့် MPT4Uနှင့် အမျိုးသား မှတ်ပုံတင်ကတ်ပါ သူတို့ခိုင်းတဲ့အတိုင်းလုပ်ပြီး မှတ်ပုံပြန်တင်တော့လည်း မှတ်ပုံတင်ကတ်က မမှန်ပါဘူးတဲ့” ဟု အခြားသုံးစွဲသူတစ်ဦးက ပြောပါတယ်။ မှတ်ပုံတင်ခိုင်း၍ ပြန်တင်ကြသူတော်တော်များများမှာ အလားတူအဖြစ်မျိုးကြုံနေကြရတယ်လို့လည်း သိရပါတယ်။

မှတ်ပုံတင်ထားပြီး၍ စစ်ဆေးပြီးသူများကို မှတ်ပုံမတင်ရသေးဟုဆိုကာ ထပ်မံမှတ်ပုံတင်ခိုင်းခြင်းနှင့် အချက်အလက်များကွဲလွဲနေသည်ဟုဆိုကာ ပြန်လည်မှတ်ပုံတင်ခိုင်းခြင်းတွေ ယခုတလောများပြားလာတာဖြစ်ပါတယ်။

“ကျွန်တော့်လည်းအဲသလိုအကြောင်းကြားလို့ MPT ဆိုင်သွားပြီး မှတ်ပုံတင်ပြ မှတ်ပုံတင်ထပ်တင်လိုက်တယ်။ အခုထက်ထိတော့ ဘာမှထပ်အကြောင်းမကြားသေးဘူး” ဟု မကြာသေးမီက မှတ်ပုံပြန်တင်ခဲ့သူတစ်ဦးက YMGကို ပြောပါတယ်။ ဟိုးအရင်က ဖုန်းတွေ “၅၀xxx” နှင့်စတာတွေ အဖြစ်များနေတယ်လို့ကြားတယ်ဟုလည်းသူကပြောပါတယ်။

MPTဘက်က ယင်းကဲ့သို့ ဖြစ်ပေါ်နေခြင်းအပေါ် သတင်းထုတ်ပြန်ချက်များထုတ်ပြန်သည်ကိုမတွေ့သေးပါ။ တစ်လအတွင်းပြန်လည်မှတ်ပုံမတင်ပါက ဖုန်းခေါ်ဆိုမှုနှင့် ဒေတာသုံးစွဲမှုများကန့်သတ် သွားမယ်လို့လည်း MPTမှ သုံးစွဲသူများထံ ဖုန်းဆက်သွယ်ခေါ်ဆိုမှုတွင် သတိပေးထားကြောင်းသိရပါတယ်။

#ymg/knl #Local_News #မှတ်ပုံတင်ထားပြီးMPTဆင်းကတ်များကို မှတ်ပုံပြန်တင်ခိုင်း #YMG #Yangon_Media_Group

#Local_News
Published- 6 June 2023

၂၀၂၃ ခုနှစ်၊ မေလအတွင်း ရန်ကုန် - မန္တလေးအမြန်လမ်းမကြီးတွင် ယာဉ်မတော်တဆမှု (၁၆) မှုဖြစ်ပွားခဲ့ပြီးသေဆုံးသူ၇ဦးရှိခဲ့ကြောင်း အမြန်လမ်းရဲတပ်ဖွဲ့မှူးရုံးမှ သိရသည်။

အမြန်လမ်းမကြီးတွင် ဇန်နဝါရီလက ယာဉ်မတော်တဆမှု(၁၃) မှု ဖြစ်ပွားခဲ့ပြီး ဒဏ်ရာရရှိသူ (၁၄)ဦးနှင့် သေဆုံးသူ (၈) ဦးရှိခဲ့ကြောင်း၊ ဖေဖော်ဝါရီလက (၁၂) မှု ဖြစ်ပွားခဲ့ပြီး ဒဏ်ရာရရှိသူ (၁၅) ဦးနှင့် သေဆုံးသူ (၁၁) ဦး၊ မတ်လက (၁၅) မှုဖြစ်ပွားခဲ့ပြီး ဒဏ်ရာရရှိသူ (၆၀) ဦးနှင့် သေဆုံးသူ (၁၁) ဦး၊ ဧပြီလက (၁၈) မှုဖြစ်ပွားခဲ့ပြီး ဒဏ်ရာရရှိသူ (၃၅) ဦးနှင့် သေဆုံးသူ (၁၃) ဦးရှိခဲ့ကြောင်းနှင့် မေလက (၁၆) မှုဖြစ်ပွားခဲ့ပြီး ဒဏ်ရာရရှိသူ (၂၉) ဦးနှင့် သေဆုံးသူ (၇) ဦးရှိခဲ့ကြောင်း သိရသည်။

၂၀၂၃ ခုနှစ် ဇန်နဝါရီလ မှ မေလ လကုန်ပိုင်းအထိ အမြန်လမ်းမကြီးပေါ်တွင် သတ်မှတ်အရှိန်နှုန်းထက် ပိုမိုမောင်းနှင်သည့် ယာဉ်အစီးရေ ၅၅၉၇ စီးကို  အရေးယူဆောင်ရွက်ထားကြောင်း အမြန်လမ်း ရဲတပ်ဖွဲ့မှူးရုံးမှ သတင်းအချက်အလက်အရ သိရသည်။

ယာဉ်မတော်တဆမှု ဖြစ်ပွားရသည့် အကြောင်းအရင်းများအနက် သတ်မှတ်ထားသည့် အရှိန်နှုန်းထက် ပိုမိုမောင်းနှင်ခြင်း၊ ယာဉ်ကြံ့ခိုင်မှုမရှိခြင်းနှင့် ယာဉ်မောင်းပေါ့ဆမှုတို့ကြောင့် အများဆုံးဖြစ်ပြီး ယာဉ်မတော်တဆမှုများတွင် အိမ်စီးကားများ အများဆုံးပါဝင်နေကြောင်း သိရသည်။

#ymg/BM #Local_News #အမြန်လမ်းမကြီးတွင်ယာဉ်မတော်တဆမှု(၁၆)မှုဖြစ် #YMG #Yangon_Media_Group