#Local_News
Published_13 June 2023

မြ၀တီမြို့မှာ ဖွင့်လှစ်ထားတဲ့ စည်ပင်သာယာနယ်နိမိတ်အတွင်းရှိ တက်တူးဆိုင်များကို ဇွန်လ ၁၀ရက်နေ့ကစပြီး ပိတ်သိမ်းပေးရန် ညွှန်ကြားချင်တစ်ဆောင် ထွက်လာကြောင်း မြ၀တီမြို့ခံတွေက YMG ကိုပြောပါတယ်။

#Local_News #မြ၀တီမြို့ # စည်ပင်နယ်နိမိတ် #တက်တူးဆိုင်များအားဖြတ်သိမ်းရန်ညွှန်ကြားချက် #YMG #Yangon_Media_Group

#Daily_News
Published_ 13 June 2023

၁။ မြ၀တီမြို့ရှိ စည်ပင်နယ်နိမိတ်အတွင်း ဖွင့်လှစ်ထားသည့် တက်တူးဆိုင်များအား ဖြတ်သိမ်းရန်ညွှန်ကြားချက်ထွက်ပေါ်

၂။ လမ်းဘေးကလေးငယ် (၁၀၀) ဦးကို ပညာသင်ကြားပေးနေ

၃။ ကမ္ဘာ့ရွှေစျေးမြင့်တက်နေပြီး ပြည်တွင်းရွှေစျေးကွက် အရောင်း၀ယ်အေးစက်နေ

၄။ ရွက်တိုင်မြင့်သင်္ဘောကြီးများ စုဝေးရာ (၈) ကြိမ်မြောက် အာမာဒါပြပွဲကြီးကို နော်မန်ဒီတွင်ပြသ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

#Local_News
Published_ 13 June 2023

လာမည့် ၂၀၂၃ - ၂၀၂၄ ပြောင်းရာသီတွင် ဧရာဝတီတိုင်းဒေသကြီးမှ ထွက်ရှိတဲ့ အစေ့ထုတ် ပြောင်းများကို ပုသိမ်စက်မှုစီမံကိန်း ဆိပ်ကမ်းမှတဆင့် ထိုင်းကိုတင်ပိုနိုင်ဖို့အတွက် ထိုင်းကုန်သည်များနဲ့ မြန်မာကုန်သည်များတွေ့ဆုံပြီး ဈေးနှုန်းနဲ့တင်ပိုမှုပိုင်းဆိုင်ရာများကို ဆွေးနွေးနေကြောင်း စီးပွားကူးသန်း၀န်ကြီးဌာနမှ သိရပါတယ်။

#Local_News #ဧရာ၀တီတိုင်း #အစေ့ထုတ်ပြောင်းတွေ #ထိုင်းနိုင်ငံသို့ရေကြောင်းဖြင့်ပထမဆုံးတင်ပို့
#YMG #Yangon_Media_Group

#Local_News
Published_ 13 June 2023

၇၆ နှစ်မြောက် အာဇာနည် နေ့အခမ်းအနားအား ဇူလိုင်လ ၁၉ ရက်နေ့တွင်းကျင်းပသွားမှာဖြစ်ပြီး ဗဟန်းမြို့နယ် အာဇာနည်ဗိမာန် ပြင်ဆင်နေမှုများပြုလုပ်နေကြောင်း ရန်ကုန်မြို့တော်စည်ပင်သာယာရေးကော်မတီမှသိရသည်။

အဆိုပါပြင်ဆင်မူများအား ဇွန်လ ၁၁ရက်နေ့ မွန်းလွဲ ၂ နာရီခန့်က ရန်ကုန် တိုင်းဒေသကြီး ဝန်ကြီးချုပ် ဦးစိုးသိန်းနှင့်တိုင်းဒေသကြီး ဝန်ကြီးများက သွားရောက် ကြည့်ရှုစစ်ဆေးကြကြောင်း သိရသည်။

အာဇာနည်မိသား စုတွေ့ဆုံခန်းမတွင် ဗိုလ်ချုပ် အောင်ဆန်း၊ သခင်မြ၊ ဒီးဒုတ် ဦးဘချို၊ ဦးဘဝင်း၊ မန်းဘခိုင်၊ မိုင်းပွန်စော်ဘွားစပ်စံထွန်း၊ ဦးရာဇတ်၊ ဦးအုန်းမောင်၊ရဲဘော် ကိုထွေးမိသားစုများကို နိုင်ငံတော် အကြီးအကဲမှ တွေ့ဆုံမည့် နေရာ ခင်းကျင်းမည့်ပုံစံများကိုလည်း ကောင်း၊ အရေးကြီးပုဂ္ဂိုလ်များ နားနေခန်းခင်းကျင်းမည့် ပုံစံ များကိုလည်းကောင်း၊ ၇၆ နှစ် မြောက်အာဇာနည်နေ့ နိုင်ငံတော် အခမ်းအနားလွမ်းသူပန်းခွေချ အလေးပြု အခမ်းအနားဆောင် ရွက်မည့် နေရာယူမှုပုံစံနှင့် အရေးကြီး ပုဂ္ဂိုလ်အပါအဝင် ခြောက်ဦးနှင့် အလေးပြုအခမ်း အနားတက်ရောက်မည့် ၃၆ ဦး တို့၏ နေရာများကို ပြင်ဆင်နေကြောင်းလည်းသိရသည်။

ကွပ်ကဲရေးရုံးပြင် ဆင်နေမှုများ၊အာဇာနည် ပုဂ္ဂိုလ်ကြီးများအား လာရောက် ဂါဝရပြုမည့်ပြည်သူ များ၏ အဝင် အထွက် ဂိတ်ပြင် ဆင်နေမှုများကိုလည်းကောင်း၊ အာဇာနည်ဗိမာန်ပေါ်နှင့်အာဇာ နည်ကုန်းအတွင်းရှိပတ်ဝန်ကျင် သန့်ရှင်းသာယာမှုရှိရေး ဆောင် ရွက်နေကြောင်း ရန်ကုန်မြို့တော်စည်ပင်သာယာရေးကော်မတီမှသသတင်းထုတ်ပြန်ထားသည်။
ymg/ynzw
#Local_News #၇၆နှစ်မြောက် #အာဇာနည်နေ့အခမ်းအနားကျင်းပ #အာဇာနည်ဗိမာန်
#YMG #Yangon_Media_Group

#Local_News
Published_ 13 June 2023

ရန်ကုန်တိုင်းဒေသကြီး၊ ဧရာဝတီတိုင်းဒေသကြီးနှင့် ရခိုင်ပြည်နယ်တို့တွင် မိုးတိမ်တောင်များဖြစ်ထွန်းမှုအားကောင်းနေကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှသိရသည်။

အဆိုပါဒေသများတွင် မိုးတိမ်တောင်များအားကောင်းနေသဖြင့် မိုးတိမ်တောင်များရွေ့လျားရာနေရာတစ်လျှောက် မိုးရွာသွန်းခြင်းနှင့်အတူလေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းများဖြစ်ပေါ်မည်ဟုဆိုသည်။

မနက်ဖြန်ဇွန်လ၁၄ရက်နံနက်အထိခန့်မှန်းချက်အနေဖြင့်စစ်ကိုင်းတိုင်းဒေသကြီးအောက်ပိုင်း၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ချင်းပြည်နယ်နှင့် ကယားပြည်နယ်တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့အပြားမိုးထစ်ချုန်းရွာပြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊တနင်္သာရီတိုင်းဒေသကြီး၊ ကချင်ပြည်နယ်၊ ရခိုင်ပြည်နယ်နှင့် မွန်ပြည်နယ်တို့တွင် ဒေသအလိုက်နှင့် စစ်ကိုင်းတိုင်းဒေသကြီးအထက်ပိုင်း၊ ရှမ်းပြည်နယ်(မြောက်ပိုင်း)နှင့် ကရင်ပြည်နယ်တို့တွင် နေရာကွက်၍ မိုးကြီးနိုင်ကြောင်းသိရသည်။

မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံ မိုးသက်လေပြင်းများကျရောက်ပြီးလှိုင်းကြီးနိုင်သည်ဟုထုတ်ပြန်ချက်တွင် ဖော်ပြပါရှိသည်။
ymg/tthl
#Local_News #ရန်ကုန်၊ ဧရာဝတီ၊ ရခိုင်တို့တွင် မိုးသည်း #လေပြင်းတိုက်နိုင်
#YMG #Yangon_Media_Group

#Local_News
Published_ 13 June 2023

မန္တလေးမြို့၊အောင်မြေသာစံမြို့နယ်၊ဒေါနဘွားရပ်ကွက်၊၆၃လမ်း၊၁၄လမ်းနှင့်၁၅လမ်းကြားရှိ အမှတ်(၁၇)အခြေခံပညာအထက်တန်းကျောင်းတွင် ကွန်းခိုရာ Foundation က လှူဒါန်းတည်ဆောက်ထားသော ကျောင်းဆောင်သစ်ကို ယနေ့ ဇွန်လ ၁၃ ရက်တွင်ပညာရေးဝန်ကြီးဌာနသို့ လွှဲပြောင်းပေးအပ်ခဲ့ကြောင်း သိရသည်။

ယင်း Haven Foundationက လှူဒါန်းသော ကျောင်းဆောင်သစ်ကို အမှတ်(၁၇)အခြေခံပညာအထက်တန်းကျောင်းတွင် ၂၀၁၉ ခုနှစ်အောက်တိုဘာလက စတင်ဆောက်လုပ်ခဲ့ခြင်းဖြစ်ပြီး အဆောက်အဦးမှာ အလျား (၁၃၂) ပေ အနံ(၃၆) ပေသံဖရိန် (၂)ထပ် အဆောက်အဦးဖြစ်ကြောင်း၊ပန်းအလှပြင်ခုံ ပန်းများနှင့် အလှဆင်ခြင်း ၊ ကျောင်း၏ ရုံးလုပ်ငန်းများ အသုံးပြုရန် ကွန်ပျူတာနှင့် ကွန်းခိုရာ ခန်းမအတွင်း အသုံးပြုရန် အသံချဲ့စက်နှင့် Sound Box ဆက်စပ်ပစ္စည့်းများ အပါအဝင် တန်ဖိုး စုစုပေါင်း သိန်း သုံးထောင်ကျော် ကုန်ကျခဲ့ကြောင်း သိရသည်။

"နှစ်စဉ် ကျင်းပတဲ့ မြတ်ဆရာ ပူဇော်ပွဲအခမ်းအနားမှာ ဆရာကြီးဆရာမကြီးတွေကိုဂါရဝပြုဖို့တက်ရောက်လာရင်း နဂိုရှိပြီးသားခန်းမ က အနည်းငယ်ကျဉ်းမြောင်းတာကြောင့် ပိုပြီးကျယ်ဝန်းတဲ့ခန်းမသစ်နဲ့ ကျောင်းဆောင် ဆောက်လုပ်လှူဒါန်းဖို့ စေတနာ သဒ္ဒါတရားများဖြစ်ပေါ်ခဲ့တာကြောင့် စေတနာရှင် “ကွန်းခိုရာ” ဖောင်ဒေးရှင်း (Haven Foundation) အသင်းသူအသင်းသားတွေဟာ Covid ကာလ အခက်အခဲတွေကို ကျော်ဖြတ်ပြီးတော့ စုပေါင်းလှူဒါန်း ကြတယ်လို့ သိရတာကြောင့် ဝမ်းမြောက်ဂုဏ်ယူမိပါတယ်"ဟု မန္တလေးတိုင်းဒေသကြီး အစိုးရအဖွဲ့ရုံးဝန်ကြီးချုပ် ဦးမျိုးအောင် က ကျောင်းဆောင်သစ်ကို ပညာရေးဝန်ကြီးဌာနသို့ လွှဲပြောင်းပေးသည့် အခမ်းအနားတွင် ပြောကြားခဲ့သည်။
ymg/BM
#YMG #Yangon_Media_Group