#WorldHealth
Published 8 June 2022

Mirati Therapeutics ကုမ္ပဏီကစမ်းသပ်နေတဲ့ဆေးဟာ မျိုးရိုးဗီဇပြောင်းလဲမှုကို ပစ်မှတ်ထားထုတ်လုပ်ထားတာဖြစ်ပြီး လက်တွေ့စမ်းသပ်မှုပြုလုပ်ရာမှာ အဆုတ်ကင်ဆာကနေ ဦးနှောက်အထိပျံ့ပွားနေတဲ့လူနာ ၃ ပုံ ၁ ပုံခန့်မှာ ထိရောက်မှုရှိခဲ့ကြောင်း တနင်္လာနေ့ကဖော်ပြခဲ့ပါတယ်။

Adagrasib ဆေးဖြင့် လူနာ ၁၉ ဦးကိုစမ်းသပ်ခဲ့ရာမှာ ၃ ဦးက ပင်မအာရုံကြောစနစ်ကင်ဆာပျံ့ပွားခြင်း လုံးဝသက်သာသွားခဲ့ပြီး နောက် ၃ ဦးကတော့ အကျိတ်သေးကျုံသွားကြောင်း တွေ့ရှိခဲ့ရတယ်လို့ American Society of Clinical Oncology နှစ်ပတ်လည်အစည်းအဝေးမှာ Mirati ကတင်ပြခဲ့ပါတယ်။

၆ လကျော်ထပ်မံစောင့်ကြည့်ခဲ့ရာမှာ နောက်ထပ်လူနာ ၁၀ ဦးက ဦးနှောက်ကင်ဆာအကျိတ်ပျံ့ပွားခြင်းအခြေအနေ တည်ငြိမ်သွားခဲ့ပါတယ်။

adagrasib ဆေးအသုံးပြုတဲ့လူနာ ၃၆ ရာခိုင်နှုန်းမှာ ပြင်းထန်တဲ့ဘေးထွက်ဆိုးကျိုးတွေ ခံစားခဲ့ရပါတယ်။

အဆိုပါသောက်ဆေးဟာ အဖြစ်အများဆုံးအဆုတ်ကင်ဆာအမျိုးအစားရဲ့ ၁၃ ရာခိုင်နှုန်းလောက်မှာတွေ့ရတတ်တဲ့ KRAS လို့ခေါ်တဲ့ မျိုးရိုးဗီဇပြောင်းလဲမှုကို ပစ်မှတ်ထားထုတ်လုပ်ထားတာဖြစ်ပါတယ်။

ဗီဇပြောင်း KRAS အဆုတ်ကင်ဆာရှိတဲ့ လူနာ ၃ ပုံ ၁ ပုံကျော်လောက်က ဦးနှောက်ကင်ဆာပျံ့ပွားခြင်းဖြစ်ပေါ်တတ်ကြောင်း Mirati အမှုဆောင်ချုပ်'ဒေးဗစ်မိခ်'က အင်တာဗျူးမှာပြောကြားခဲ့ပါတယ်။

ဒီလူနာတွေမှာ အသက်ရှင်နေထိုင်နိုင်ချိန် ၅ လခန့်ရှိတယ်လို့ နယူးယော့ခ်မှ သုတေသီဒေါက်တာ'ဂျိုရှူအာဆာဘာရီ'က ဆိုပါတယ်။

adagrasib ဆေးဖြင့် စမ်းသပ်ချက်များအရ အဆုတ်ကင်ဆာလူနာ ၁၁၂ ဦးမှာ ၄၃ ရာခိုင်နှုန်းက အကျိတ်ကျုံသေးသွားခဲ့ပါတယ်။

ဒါပေမဲ့ ၄၆ ရာခိုင်နှုန်းသောသူတွေမှာ အသည်းအဆိပ်သင့်ခြင်း၊ သွေးအာနည်းခြင်းစတဲ့ ဘေးထွက်ဆိုးကျိုးများ ခံစားရပြီး ကုမ္ပဏီရှယ်ယာတန်ဖိုးအတော်လေးကျဆင်းသွားခဲ့ပါတယ်။

Mirati ကနေ အရင်ထုတ်လုပ်ထားတဲ့ Lumakras ကင်ဆာဆေးကို ပြီးခဲ့တဲ့နှစ်က အမေရိကန် FDA က အသိအမှတ်ပြု ခဲ့ပါတယ်။

ဒီဆေးတွေက ဘယ်အင်္ဂါကနေ ကင်ဆာအစပြုသည်ဖြစ်စေ မျိုးရိုးဗီဇပြောင်းလဲခြင်းကို ပစ်မှတ်ထားတဲ့ဆေးတွေ ဖြစ်ပါတယ်။

Mirati ရဲ့ဆေးကို ဒီဇင်ဘာလလယ်လောက်မှာ FDA အသိအမှတ်ပြုခွင့်ရဖို့ မျှော်မှန်းထားပါတယ်။

ကယ်လီဖိုးနီးယားအခြေစိုက် Mirati ကုမ္ပဏီက ကင်ဆာကုသရေးအတွက် adagrasib ဆေးကို သူတစ်မျိုးတည်းရော၊ Merck & Co ကထုတ်လုပ်တဲ့ Keytruda နဲ့ပါပေါင်းစပ်စမ်းသပ်နေပါတယ်။

Source: Reuters.
#Yangon_Media_Group

#Local_News
Published_ 8 June 2022

ရှမ်းပြည်နယ်(မြောက်ပိုင်း)၊ နောင်ချိုမြို့နယ်တွင် ငွေကျပ်သိန်း ၃၂၀၀ ကျော်တန်ဖိုးရှိ ဘိန်းဖြူ ၂၁ ဒသမ ၆ ကီလို ဖမ်းဆီးရမိခဲ့ကြောင်း မြန်မာနိုင်ငံရဲတပ်ဖွဲ့က သတင်းထုတ်ပြန်ထားပါတယ်။

မူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့မှ တပ်ဖွဲ့ဝင်များနှင့် ပူးပေါင်းအဖွဲ့သည် ဇွန် ၃ ရက် မွန်းလွဲ ၂ နာရီအချိန် ရှမ်းပြည်နယ်(မြောက်ပိုင်း)၊ နောင်ချိုမြို့နယ်၊ မန္တလေး-လားရှိုးသွားကားလမ်း၊ နောင်ချိုမြို့အဝင် အိုရီယမ်တယ်တိုးဂိတ်အနီးတွင် သီပေါမှ မန္တလေးဘက်သို့ရဲကျော်သူရ မောင်းနှင်လာသည့် FUSO ၁၂ ဘီး မော်တော်ယာဉ်အား သတင်းအရရှာဖွေခဲ့ပါတယ်။

ထိုသို့ရှာဖွေရာ ယာဉ်ပေါ်မှ ဒေသကာလတန်ဖိုးငွေကျပ်သိန်း ၃၂၀၀ ကျော်တန်ဖိုးရှိ ဘိန်းဖြူ ၂၁ ဒသမ ၆ ကီလို သိမ်းဆည်းရမိခဲ့ပါတယ်။

စစ်ဆေးဖော်ထုတ်ချက်အရ သိမ်းဆည်းရမိ ဘိန်းဖြူများအား ရှမ်းပြည်နယ် (မြောက်ပိုင်း)မှ မန္တလေး တိုင်းဒေသကြီးသို့ သယ်ဆောင်ခြင်းဖြစ်ကြောင်းသိရှိရပါတယ်။

ဖမ်းဆီးရမိသူအား ဥပဒေအရ အရေးယူထားပြီး ကွင်းဆက်ပြစ်မှုကျူးလွန်သူများ အား ဆက်လက်စစ်ဆေးဖော်ထုတ်လျက်ရှိကြောင်း မြန်မာနိုင်ငံရဲတပ်ဖွဲ့က သတင်းထုတ် ပြန်ထားပါတယ်။

ymg-mnn
#Yangon_Media_Group

#LocalNews
Published_ 8 June 2022

ထိုင်းနိုင်ငံတွင် အကြောင်းအမျိုးမျိုးကြောင့် ပြစ်ဒဏ်ကျခံပြီး လွတ်ရက်စေ့ မြန်မာရွှေ့‌‌ ပြောင်းလုပ်သား ၁၅၉ ဦး ဇွန်လ ၇ ရက်က ပြည်တော်ပြန်ခွင့် ရရှိခဲ့ကြကြောင်း သိရသည်။

ထိုင်းနိုင်ငံမှ မြန်မာနိုင်ငံဆိုင်ရာ အလုပ်သမားသံအရာရှိ ဦးရဲလင်းထက်၊ နယ်ခြားကော်မတီမှ တာဝန်ရှိသူများ၊ ရနောင်းခရိုင်လူဝင်မှု ကြီးကြပ်ရေးဌာနမှ တာဝန်ရှိသူများ၊ နယ်စပ်ဖြတ်ကျော်အထူးတပ်ဖွဲ့မှ တာဝန်ရှိသူများက ယင်းတို့အား ရနောင်းမြို့မှ ကော့သောင်းမြို့သို့ ပဲ့ချိတ်လှေ (၁၀) စီးဖြင့် ပြန်လည်ပို့ဆောင်ပေးခဲ့ခြင်းဖြစ်ကြောင်းသိရသည်။

ပြန်လည်ရောက်ရှိလာခဲ့ကြသော မြန်မာရွှေ့‌‌ ပြောင်းလုပ်သားအရေအတွက်မှာ အမျိုးသား ၉၂ ၊အမျိုးသမီး ၆၇ ဦး တို့အပြင် ကလေး (ကျား) ၄ ဦး၊ (မ) ၆ ဦး တို့လည်းပါဝင်ကြောင်း သိရသည်။

ymg/mt
#Yangon_Media_Group

#LocalNews
Published_7 June 2022

YBS စီး ခရီးသွားများအပေါ် အုပ်စုဖွဲ့ခါးပိုက်နှိုက် လုယက်သူတွေကို ရဲတပ်ဖွဲ့က အသွင်ယူဖမ်းဆီးတာတွေ စတင်နေပြီလို့ ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေးကြီးကြပ်မှုကော်မတီ (YRTC) က သိရပါတယ်။

#Yangon_Media_Group

#LocalNews
Published - 7 June 2022

အခုမိုးရာသီမှာကြုံတွေ့နိုင်တဲ့သဘာဝဘေးကြောင့် ထိခိုက်မှုတွေကို ကူညီကယ်ဆယ်နိုင်ဖို့ ရန်ကုန်တိုင်းရှိ လူမှုကူညီရေးအဖွဲ့တွေ ကြိုတင်ပြင်ဆင်ထားတယ်လို့ ရန်ကုန်တိုင်းလူမှုကူညီရေးအဖွဲ့ဥက္ကဌ ဦးထွန်းထွန်းဦးက ပြောပါတယ်၊၊

#Yangon_Media_Group

#LocalNews
Pulished _ 7 June 2022

၂၀၂၁-၂၀၂၂ ပြောင်းစိုက်ရာသီမှာ ပင်လယ်ရေကြောင်းနဲ့ နယ်စပ်ကုန်သွယ်ရေးလမ်းကြောင်းတွေကနေ တန်ချိန် ၁၆ သိန်းနီးပါး တင်ပို့ ထားတယ်လို့ မြန်မာနိုင်ငံ ပဲမျိုးစုံ၊ ပြောင်းနှင့်နှမ်းကုန်သည်များအသင်းက သိရပါတယ်။

#Yangon_Media_Group