#Local_News
Published 21 July 2023

ဂျပန်နိုင်ငံ ချီဘားမြို့တွင် လာမည့် ဩဂုတ်လ ၂၄ ရက်မှ ၂၇ ရက်အထိ ကျင်းပပြလုပ်မည့် ၁၁ ကြိမ်မြောက် U12 Junior Soccer World Challenge 2023 ပြိုင်ပွဲ၌ သွားရောက်ယှဉ်ပြိုင်ရန် ပဏာမ မြန်မာ့လက်ရွေးစင် ယူ၁၂ ကစားသမား (၄၀)ဦး ထွက်ပေါ်လာသည်။

ယူ၁၂ ကစားသမား ရွေးချယ်ရေးအဖွဲ့နှင့် ယူ၁၂ နည်းပြအဖွဲ့တို့သည် ပြီးခဲ့သည့် ဇူလိုင် ၁၄၊ ၁၅၊ ၁၆၊ ၁၇ ရက်နေ့များက အထက်မြန်မာပြည်နှင့် အောက်မြန်မာပြည် ဇုန်(၂)ခုခွဲ၍ ကစားသမား ရွေးချယ်ပွဲများ ပြုလုပ်ခဲ့ပြီး ပဏာမစာရင်းကို ကနဦး စိစစ်၍ ဇူလိုင်လ ၂၀ ရက်တွင် အထက်ပါအတိုင်း ထုတ်ပြန်ခဲ့ခြင်း ဖြစ်သည်။

ပဏာမစာရင်းတွင် ပြင်ပမှ လာရောက်ရွေးချယ်ခံသူ ၂၃ ဦး၊ အကယ်ဒမီများမှ ၁၇ ဦး၊ စုစုပေါင်း (၄၀)ဦးရွေး ချယ်ခံခဲ့ရပြီး အဆိုပါ ကစားသမားများအား မြန်မာ့လက်ရွေးစင် အသင်းများအဆောင်တွင် စခန်းဝင် လေ့ကျင့်စေပြီးနောက် ကစားသမား(၂၅)ဦးအား ထပ်မံရွေးထုတ်သွားမည် ဖြစ်ကြောင်း သိရသည်။

အဆိုပါ ၂၅ ဦးလူစာရင်းအတိုင်း လေ့ကျင့်မှုများ ဆက်လက်ပြုလုပ်ပြီး ဩဂုတ်လ ဒုတိယအပတ်အတွင်း အပြီးသတ် ကစားသမား (၁၈)ဦးကို ရွေးချယ်ထုတ်ပြန်ကာ ဂျပန်နိုင်ငံသို့ U12 Junior Soccer World Challenge 2023 ပြိုင်ပွဲသို့ သွားရောက်ယှဉ်ပြိုင်မည် ဖြစ်ကြောင်းနှင့် မြန်မာ ယူ၁၂ အသင်း၏ ဂျပန်ခရီးစဉ်ကို AYA Bank မှ ပံ့ပိုးကူညီသွားမည်ဖြစ်ကြောင်း မြန်မာနိုင်ငံဘောလုံးအဖွဲ့ချုပ်က ထုတ်ပြန်ထားသည်။

#Local_News #ပဏာမမြန်မာ့လက်ရွေးစင်ယူ၁၂ကစားသမား (၄၀)ဦးထွက်ပေါ်
#Yangon_Times/PP

#World_Health
Published 21 July 2023

အမျိုးသမီးများ ကလေးမွေးဖွားရန် အသင့်လျော်ဆုံး အသက်အရွယ်က ၂၃ နှစ်မှ ၃၂ နှစ်ကြားဖြစ်ကြောင်း သုတေသနရှာဖွေ တွေ့ရှိခဲ့ပါတယ်။

သန္ဓေသားပုံမှန်မဟုတ်ခြင်း အန္တရာယ်က အမျိုးသမီးတွေရဲ့ အသက် ၂၃ နှစ်မှ ၃၂ နှစ်ကြားမှာ ဖြစ်နိုင်ချေ အနည်းဆုံးဖြစ်တယ်လို့ Nature ဂျာနယ်မှာ ဖော်ပြခဲ့ပါတယ်။

အသက် ၃၂ နှစ်အထက် အမျိုးသမီးတွေမှာ ဒီလိုအန္တရာယ်ဖြစ်နိုင်ချေ ၁၅ ရာခိုင်နှုန်းပိုများကာ ငယ်ရွယ်သူတွေမှာတော့ ၂၀ ရာခိုင်နှုန်း ပိုများပါတယ်။

၁၉၈၀ နဲ့ ၂၀၀၈ ခုနှစ်အတွင်း ကိုယ်ဝန်ပေါင်း ၂.၈ သန်းကို ခွဲခြမ်းလေ့လာခဲ့ကြပါတယ်။

ကလေးမွေးဖွားတဲ့အချိန် အသက်အရွယ်ကို လေ့လာကာ တစ်နှစ်ချင်းစီမှာ သန္ဓေသားပုံမှန်မဟုတ်တဲ့ ဖြစ်စဉ်ဖြစ်နိုင်ချေကို တွက်ချက်ခဲ့ကြပါတယ်။

ပျမ်းမျှအားဖြင့် ကလေးအယောက် ၁၀၀ မှာ ၁ ယောက် ဒီလိုရောဂါဖြစ်ခဲ့တယ်လို့ တွေ့ရှိခဲ့ကြပါတယ်။

မိခင်အသက်ကြီးလာတာနဲ့အမျှ ကလေးတွေမှာ ဒေါင်းဆင်ဒရုမ်း၊ နှလုံးရောဂါ၊ နှုတ်ခမ်းကွဲ အာခေါင်ကွဲစတဲ့ အခြေအနေများ ဖြစ်နိုင်ချေပိုများနေပါတယ်။

ငယ်ရွယ်လွန်းတဲ့ မိခင်တွေမွေးဖွားရာမှာတော့ သူတို့ရဲ့ကလေးတွေမှာ ဗဟိုအာရုံကြောစနစ် ချို့ယွင်းတာမျိုး ဖြစ်တတ်ကြောင်း ဘူဒါပတ်စ်ရှိ ဆမ်မယ်ဝစ္စလေ့လာချက်မှာ တွေ့ရှိခဲ့ပါတယ်။

အသက်ကြီးအမျိုးသမီးတွေမှာ ဒီလိုဖြစ်နိုင်ချေများတာက သူတို့ရဲ့မမျိုးဥသက်တမ်းကြောင့် ဖြစ်မယ်လို့ ယူဆရပါတယ်။

အသက်ငယ်လွန်းတဲ့ အမျိုးသမီးတွေမှာတော့ ဆေးလိပ်၊ မူးယစ်ဆေး၊ အရက်သေစာတွေကြောင့် အန္တရာယ်ပိုများနေပါတယ်။

အခြားအကြောင်းအရာတွေ အနေနဲ့ ရေညစ်ညမ်းခြင်း၊ အာဟာရဓာတ် မလုံလောက်ခြင်း၊ သန္ဓေသားဖွံ့ဖြိုးမှု ကာလအတွင်း အဆိပ်အတောက် ညစ်ညမ်းပစ္စည်း ဓာတ်ရောင်ခြည်များ ထိတွေ့ခြင်းတို့လည်း ပါဝင်နေပါတယ်။

၂၀၂၂ လေ့လာချက်မှာတော့ အမျိုးသမီးများအနေနဲ့ ပထမဆုံးကလေးရယူရန် အသင့်လျော်ဆုံးအချိန်က အသက် ၂၄ နဲ့ ၂၅ နှစ်ကြားဖြစ်ကြောင်း သုတေသီတွေ ဆိုထားပါတယ်။

ထိုအသက်အရွယ် အပိုင်းအခြားထက် စောမွေးသူများ ဒါမှမဟုတ် နောက်ကျပြီး မွေးသူများဟာ ၁၈ နှစ်အတွင်း အကြောင်းအမျိုးမျိုးကြောင့် အသက်သေဆုံးနိုင်ကြောင်း ၅ ရာခိုင်နှုန်း ပိုများနေကြောင်း တွေ့ရှိခဲ့ပါတယ်။

#World_Health #ဘေးကင်းစိတ်အချရဆုံး အသက်အရွယ်အပိုင်းအခြား
Source: The Jerusalem Post

တရုတ်နိုင်ငံရဲ့ ပထမဆုံးပြည်တွင်းထုတ် ဧရာမအပျော်စီးသင်္ဘောကြီး Adora Magic City ဟာ အစမ်းခရီးစဉ်ထွက်ခွာရန် ရှန်ဟိုင်းကနေ တနင်္လာနေ့က ဆိပ်ကမ်းမှထွက်လာပါတယ်။

Published 20 July 2023
#Asia_Travel #ပြည်တွင်းဆောက်လုပ်အပျော်စီးသင်္ဘောကြီး၏စမ်းသပ်ခရီးစဉ်တနင်္လာနေ့ကစတင်ထွက်ခွာ

#Daily_News
Published_ 20 July 2023

၁။ ကံပိုက်တည်ကုန်သွယ်ရေးစခန်းမှ ယခုလအတွက်ရည်မှန်းလျာထားသည့် ကုန်သွယ်မှုပမာဏပြည့်တော့မည်

၂။ ယခုဘဏ္ဍာနှစ် ပထမသုံးလတာကာလအတွင်း ပြည်ပသို့ ပျားရည်တန်ချိန် ၅၀၀ ကျော်တင်ပို့နိုင်ခဲ့

၃။ အသည်းနှင့်ကျောက်ကပ်လူနာ(၃)ဦးအား အောင်မြင်စွာ အစားထိုးကုသပေးနိုင်ခဲ့

၄။ တရုတ်ပြည်မှ ပထမဆုံးသောပြည်တွင်းဆောက်လုပ် အပျော်စီးသင်္ဘောကြီး၏ စမ်းသပ်ခရီးစဉ် တနင်္လာနေ့ကစတင်ထွက်ခွာ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

#Local_News
Published-20 July 2023

ရှမ်းပြည်နယ်၊ တာချီလိတ်မြို့၌    လမ်းဘေးတွင် တောင်းရမ်းသော အမျိုးသား ၁ဦးနှင့်အမျိုးသမီး ၁ ဦးကို ကားတစ်စီးကဝင်တိုက် မိ၍နေရာတွင်ပင်ပွဲချင်းပြီး သေဆုံးခဲ့ကြောင်း ဦးလှမိုး (တာချီလိတ်)လူမှုကူညီရေးအသင်းက သိရသည်။

ဇူလိုင်လ ၁၉ ရက် ည ၁၀ နာရီဝန်းကျင်က တာချီလိတ်မြို့အထွက် ဗျူဟာကုန်းအဆင်းတွင် လမ်းဘေးတွင်တောင်းရမ်းစားသောက်နေသူ ၃ဦးကို မော်တော်ယာဥ်တစ်စီးက အရှိန်လွန်၍ ဝင်တိုက်၍ ၂ဦးမှာ နေရာ၌ပင်ပွဲချင်းပြီးသေဆုံး၍ ၁ဦးထိခိုက် များဒဏ်ရာများရရှိခဲ့ကြောင်း သိရသည်။

"၂ဦးက ပွဲချင်းပြီးသေဆုံးသွားတာ။ ၁ဦးကတော့ ဒဏ်ရာရရှိခဲ့တယ်။ တိုက်ပြေးသွားတဲ့ယာဥ်မောင်းကို မဖမ်းမိသေးပါဘူး"ဟု ယင်းအသင်းကသိရသည်။

ယာဥ်တိုက် မှုကြောင့်သေဆုံးသွားသူ ၂ဦး၏ရုပ်အလောင်းကို ဦးလှမိုးတာချီလိတ် လူမှုကူညီရေးအသင်းမှ တာချီလိတ်ပြည်သူ့ဆေးရုံကြီး မော်ကြူရီထဲသို့ ပို့ဆောင်ပေးခဲ့ကြောင်းသိရသည်။.

#Yangon_Times/BM #Local_News #တောင်းရမ်းသောအမျိုးသား၁ဦးနှင့်အမျိုးသမီး၁ဦးကိုကားတစ်စီးကတိုက်ပြေး

#Local_News
Published 20.7.2023

တောင်ကိုရီးယားနိုင်ငံရှိ ထိပ်တန်း ရုပ်သံလိုင်းတစ်ခုဖြစ်သော SBS က ကျင်းပနေသည့် Survival Show တစ်ခုတွင် သီချင်းဆို ပြိုင်ပွဲဝင်ရန် မြန်မာကျောင်းသူတစ်ဦးရွေးချယ်ခံထားရကြောင်း Universe Ticket က အသိပေးထုတ်ပြန်ထားသည်။

အဆိုပါ ပြိုင်ပွဲတွင် တောင်ကိုရီးယားနိုင်ငံသူများ အပါအဝင် နိုင်ငံပေါင်းစုံရှိ ပြိုင်ပွဲဝင် (၄၁)ဉီး ရွေးချယ်ခံထားရကာ၊ ယင်းအနက် မြန်မာကျောင်းသူ နန်းဧကရီရွှေသည် ရီအယ်လ် (Riel)အမည်ဖြင့်  ဝင်ရောက်ယှဉ်ပြိုင်နေခြင်းဖြစ်သည်။

အဆိုပါ ပြိုင်ပွဲတွင် အနိုင်ရရှိသူ ဇကာတင်(၈)ဦးကိုရွေးချယ်၍ Girls Band ဖွဲ့စည်းကာ F & F Entertainment Promotion အနေဖြင့် နှစ်နှစ်ကျော်ကြာလုပ်ဆောင်ပေးသွားဖြစ်သည်ဟုလည်း သိရသည်။

ပြိုင်ပွဲအတွက် ကိုရီးယားနိုင်ငံသူ (၂၄)ဦး၊ ဂျပန်နိုင်ငံသူ (၇)ဦး၊ ဖိလစ်ပိုင်နိုင်ငံသူ (၂)ဦးနှင့် မြန်မာ၊ ထိုင်း၊ မလေးရှား၊ ဗီယက်နမ်၊ တရုတ်၊ အင်ဒိုနီးရှား၊ ဩစတြေးလျ နှင့် ကနေဒါနိုင်ငံတို့မှ တစ်ဦးစီရွေးချယ်ခံခဲ့ရခြင်းဖြစ်သည်။

နန်းဧကရီရွှေ (ခေါ်) ရီအယ်လ် (Riel) သည် ရန်ကုန်စီးပွားရေးတက္ကသိုလ်(ရွာသာကြီး)ကျောင်းသူဟောင်းတစ်ဦးဖြစ်ပြီး၊ လက်ရှိတွင် တောင်ကိုရီးယားတက္ကသိုလ် ၊ သိပ္ပံနှင့်နည်းပညာဘာသာရပ်ကို သင်ကြားနေသော ကျောင်းသူတစ်ဦးဖြစ်ကြောင်း သိရသည်။

#YMG/my #Local_News #Survival Show ပြိုင်ပွဲတွင် မြန်မာကျောင်းသူတစ်ဦးရွေးချယ်ခံရ
#Yangon _Times

 ‘ရှမ်းပြည်နယ်၊ ကွတ်ခိုင်မှာမိုးသည်းထန်ပြီး လေပြင်းတိုက်ခတ်လို သီလရှင်ကျောင်းဆောင် တွေပြိုကျပျက်စီးခဲ့တယ်။ မိုးကြိုးထိမှန်လို့ ကလေးတစ်ဦးသေဆုံးမှုဖြစ်ပွားခဲ့တယ်’ကွတ်ခိုင်ဒေသခံတစ်ဦး

Published 20 July 2023
#Local_News
#လေပြင်းကြောင့်ကျောင်းဆောင်များပြိုကျ
#tthl #Yangon_Times

စိုးမိုးကျော်ဟာ ယခုရက်ပိုင်းအတွင်းမှာဘဲ အသင်းနဲ့ပူပေါင်းဖို့ ကမ္ဘောဒီးယားနိုင်ငံကို ထွက်ခွာသွားပြီဖြစ်
Published 20 July 2023
#Local_News
#စိုးမိုးကျော်ဟာပရော်ဖက်ရှင်နယ်ကစားသမားဘဝ
#YMG/my #Yangon_Times

#Local_News
Published 20 July 2023

ဇူလိုင်လ(၂၀)ရက်မနက်ပိုင်းမှစ၍ ဘင်္ဂလားပင်လယ်အော်တွင်လေဖိအားနည်းရပ်ဝန်းစတင်ဖြစ်ပေါ်လာပြီဖြစ် ကြောင်းမိုးလေဝသနှင့်ဇလဗေဒညွှန်ကြားမှုဦးစီးဌာနမှသိရသည်။

မုတ်သုန်အားလည်းအလွန်ကောင်းနေပြီး လေဖိအားနည်းရပ်ဝန်း၏အရှိန်များလည်းသက်ရောက်မှုရှိမည်ဖြစ် သောကြောင့်ဒေသတော်တော်များများတွင် လေပြင်းတိုက်ခတ်ခြင်း၊မိုးကြီးခြင်း၊မိုးသီးကြွေခြင်းများ ဆက်တိုက် ဖြစ်ပေါ်မည်ဟုဆိုသည်။

ကမ်းရိုးတန်းဒေသများတွင် မိုးသက်လေပြင်းများကျရောက်နိုင်ခြေလည်းရှိပြီး အထူးသဖြင့် မွန်၊ကရင်၊ တနင်္သာရီ ဒေသများနှင့် စစ်ကိုင်းတိုင်းအထက်ပိုင်း၊မန္တလေးတိုင်း၊ဧရာဝတီတိုင်း၊ကချင်ပြည်နယ်၊ရခိုင်ပြည်နယ်တို့တွင် နေရာကွက်ပြီး မိုးကြီးနိုင်ကြောင်းသိရသည်။

မိုးသည်းထန်မှုကြောင့် မြစ်ရေကြီးမှုများလည်းဖြစ်ပွားနိုင်သဖြင့် မြစ်နား၊ကမ်းနားနေထိုင်သူများလည်း အထူးသတိပြုနေထိုင်ကြရန်လိုအပ်ကြောင်းသိရသည်။

#tthl #လေပြင်းတိုက်ပြီးမိုးကြီးခြင်းများဖြစ်ပေါ်
#Yangon_Time

#Local_News
Published 20 July 2023

ဂျပန်နိုင်ငံတွင်ကျင်းပခဲ့သည့် (၆၄)ကြိမ်မြောက် နိုင်ငံတကာ သင်္ချာအိုလံပစ် ပြိုင်ပွဲတွင်  မြန်မာနိုင်ငံမှ ပြိုင်ပွဲဝင် ကျောင်းသူ၊ ကျောင်းသား (၂)ဦး ဂုဏ်ပြုလက် မှတ် (Honorable Mention) ရရှိခဲ့ကြကြောင်း သိရသည်။

ဂျပန်နိုင်ငံ၊ ချီဘမြို့တွင် အဆိုပါပြိုင်ပွဲကို ဇူလိုင်လ ၂ရက် မှ (၁၃)ရက်အထိ ကျင်းပခဲ့ရာတွင် မောင်စိုးသွေးကိုနှင့် မဆုဝတ်ရည်တို့ (၂)ဦးသည် အဆင့် (၈၈)ဖြင့် ဂုဏ်​ြပ ုဆုလက် မှတ် ရရှိခဲ့ကြောင်းသိရပြီး ၎င်းတို့၂ဦးသည်အသက်အရွယ်အရ နောက်ထပ် ၂ နှစ် အင်္ဂလန်နိုင်ငံတွင် ကျင်းပမည့် (၆၅)ကြိမ်မြောက် IMO 2024 , ဩစတေးလျနိုင်ငံတွင် ကျင်းပမည့် (၆၆)ကြိမ်မြောက် lMO 2025 တို့တွင် ထပ်မံယှဉ်ပြိုင်ရန် အခွင့်အရေးများ ရှိနေသေးကြောင်း သိရသည်။

ပြိုင်ပွဲတွင် တရုတ်နိုင်ငံကအမှတ်ပေါင်း (၂၄၀)အဆင့်(၁)ရရှိခဲ့ပြီး အမေရိကန်က (၂၂၂)မှတ်ဖြင့် အဆင့်(၂)ရရှိခဲ့သည်ဟု သိရပြီး ထိပ်ဆုံး ၁၀ နိုင်ငံစာရင်းဝင်ကြသည့် နိုင်ငံများမှာ တောင်ကိုရီးယား၊ ရိုမေးနီးယား၊ ကနေဒါ၊ ဂျပန်၊ ဗီယက်နမ်၊ တူရကီ၊ အိန္ဒိယနှင့် ထိုင်ဝမ်တို့ ဖြစ်ကြကြောင်းသိရသည်။

အရှေ့တောင်အာရှ နိုင်ငံများထဲတွင် ဗီယက်နမ်က အဆင့်(၇)နှင့် ထိပ်ဆုံးတွင် ရှိနေပြီး စင်္ကာပူက အဆင့်(၁၂)၊ ထိုင်းက အဆင့်(၁၉)၊ ဖိလစ်ပိုင်က(၂၆)၊ အင်ဒိုနီးရှား(၃၉)၊ မလေးရှား(၄၄)တို့ ဖြစ်ကြ၍ နိုင်ငံပေါင်း( ၁၁၂)ပါဝင်ကြောင်းသိရသည်။

International Mathematical Olympiad (IMO) ဆိုသည်မှာ တက္ကသိုလ် မတက်ရသေးသည့် ကျောင်းသားများ တစ်နည်းအားဖြင့် အထက်တန်းကျောင်းသားများအတွက် ကျင်းပပေးသည့် နိုင်ငံတကာသင်္ချာပြိုင်ပွဲတစ်ခုဖြစ်ပြီး ကမ္ဘာ့ပထမဆုံး နိုင်ငံတကာ သိပ္ပံဆိုင်ရာ အိုလံပစ်ပြိုင်ပွဲလည်း ဖြစ်သည်။

#Local_News #နိုင်ငံတကာသင်္ချာအိုလံပစ်ပြိုင်ပွဲတွင်မြန်မာကျောင်းသားနှစ်ဦးဂုဏ်ပြုလက်မှတ်ရရှိ
#Yangon_Times/BM

‘အသည်းလူနာ(၂)ဦးကို မင်္ဂလာဒုံမြို့နယ်ရှိ အမှတ်(၁)တပ်မတော် ဆေးရုံကြီး(ခုတင်၁၀၀၀)ဆံ့မှာ အောင်မြင်စွာ အစားထိုးကုသနိုင်ခဲ့တယ်။ ကျန်တစ်ဦးကို အစားထိုးခွဲစိတ်ကုသမှုဆက်လက်ဆောင်ရွက်မယ်။ ကျောက်ကပ်လူနာ(၁)ဦးကို အထူးကုဆေးရုံကြီးကုတင် (၅၀၀)ဆံ့(ရန်ကုန်)မှာအောင်မြင်စွာအစားထိုးကုသနိုင်ခဲ့တယ်’

Published 20 July 2023
#Local_News
#အသည်းနှင့်ကျောက်ကပ်အစားထိုးကုသမှုများအောင်မြင်ခဲ့
#tthl #Yangon_Times

ဧပြီလအတွင်း  (၁၀၀ ဒသမ ၄၁ )တန်၊ မေလအတွင်း ( ၃၃၆ ဒသမ ၇ )တန်နဲ့ ဇွန်လအတွင်း တန် (၈၀) ကျော်ကို  ဂျပန်နိုင်ငံ၊ တောင်ကိုရီးယားနိုင်ငံ၊ ထိုင်းနိုင်ငံ၊ အမေရိကန်နိုင်ငံနဲ့  စင်ကာပူနိုင်ငံတွေကို တင်ပို့နိုင်
Published 20 July 2023
#Local_News
#ပြည်ပသို့ ပျားရည်တန်ချိန် ၅၀၀ ကျော်တင်ပို့နိုင်ခဲ့
#YMG/my #Yangon_Times