လက်ရှိဈေးကွက်အခြေအနေကတော့ ကုန်ကြမ်းဝယ်ရတဲ့ ဈေးကတက်နေတော့ အချောထုတ်တဲ့ဈေးတွေတအားလိုက်မြင့်နေတော့ အဆင်မပြေဖြစ်နေတယ်။ ထိန်းလုပ်နေရ‌တာပေါ့

#Local_News
‌Published_ 26 October 2023
#ပုသိမ်ထီးကုန်ကြမ်းဈေးမြင့်တက် #ကုန်ချောဈေးပုံမှန်အတိုင်းရှိနေ
#YMG/ NN #Yangon_Times

ကိုဗစ်ကာလနောက်ပိုင်း လူကုန်ကူးမှုဖြစ်စဉ်နည်းသွားခဲ့တဲ့ မူဆယ်မြို့နယ်မှာ နယ်စပ်ဂိတ်တွေ ပြန်ဖွင့်လာတဲ့အတွက် လူကုန်ကူးရန်အစပျိုးတဲ့ အနေအထားရှိနေတာကြောင့် တားဆီးကာကွယ်ရေးလုပ်ငန်းများကို ထိရောက်စွာလုပ်ဆောင်ပေးနေတယ်လို့ လူကုန်ကူးမှုတားဆီးနှိမ်နှင်းရေး ရဲတပ်ဖွဲထံက သိရပါတယ်။
#Local_News
Published_ 26 October 2023
#မူဆယ်မြို့နယ် #လူကုန်ကူးမှုတားဆီးနှိမ်နှင်းရေး
#YMG/LW #Yangon_Times

‘မကွေးမှနှုတ်ခမ်းကွဲ၊ အာခေါင်ကွဲကလေးငယ်(၃၄)ဦးကို အောက်တိုဘာလ ၃၀ ရက်မှာ နေပြည်တော်ကို ကားနဲ့စီစဉ်ပို့ဆောင်ပြီး မကွေးတိုင်းကဆရာဝန်(၅)ဦးနဲ့အတူ ကိုရီးယား-မြန်မာဆရာဝန်တွေနဲ့ အခမဲ့ခွဲစိတ် ကုသစေမှာဖြစ်တယ်။ ကျန်ကလေး(၁၂၁)ဦးကိုမကွေးသိုအပတ်စဉ်၊လစဉ်လာရောက်အခမဲ့ခွဲစိတ်ပေးမယ်’
ဒေါက်တာနန္ဒဝင်း မကွေးတိုင်း၊ ပြည်သူ့ကျန်းမာရေးဦးစီးဌာနမှူး
#Local_News
Published_ 26 October 2023
#နှုတ်ခမ်းကွဲ၊အာခေါင်ကွဲ #အခမဲ့ခွဲစိတ်ကုသပေး
#tthl #Yangon_Times

#Local_News
Published-26 Oct 2023

ပြည်နယ်နှင့်တိုင်း ၇ ခုမှ လုပ်ငန်းရှင် ၂၀ကျော်သို့ ချေးငွေ ကျပ်သန်းပေါင်း ၁၇၇၀ကျော် ထုတ်ချေးထားပြီးဖြစ်ကြောင်း စီမံကိန်းနှင့် ဘဏ္ဍာရေးဝန်ကြီးဌာန မှသိရသည်။

နိုင်ငံတော်အကြီးအကဲ၏ လမ်းညွှန်မှုဖြင့် အတိုးနှုန်းသက်သာမှုရှိသော ဆီစက်လုပ်ငန်းများ ဖွံ့ဖြိုးရေးချေးငွေကို ချေးငွေဆိုင်ရာလုပ်ထုံးလုပ်နည်း၊ စည်းမျဉ်းစည်းကမ်းများနှင့်အညီ ထုတ်ချေးပေးလျက်ရှိရာ ၂၀၂၃ ခုနှစ်ဇူလိုင်လမှ အောက်တိုဘာလအထိ နေပြည်တော်ကောင်စီနယ်မြေအပါအဝင် တိုင်းဒေသကြီး/ပြည်နယ် ခုနစ်ခုမှ လုပ်ငန်းရှင် ၂၁ ဦးသို့ ချေးငွေ ကျပ် ၁၇၇၃ သန်း ထုတ်ချေးပေးခဲ့ပြီးဖြစ်ကြောင်း သိရသည်။

ထို့အပြင် ဆီစက်လုပ်ငန်းများ ဖွံ့ဖြိုးရေးချေးငွေ ဒုတိယအကြိမ် အဆိုပြုလွှာများကို ၂၀၂၃ ခုနှစ် စက်တင်ဘာ ၂၄ ရက်တွင် နိုင်ငံပိုင်သတင်းစာများမှ ထပ်မံခေါ်ယူထားပြီးဖြစ်ရာချေးငွေစံသတ်မှတ်ချက်များနှင့်ကိုက်ညီသော လုပ်ငန်းရှင်များသို့ ဆီစက်လုပ်ငန်းများ ဖွံ့ဖြိုးရေးချေးငွေကို ဆက်လက်ထုတ်ချေးသွားမည်ဖြစ်ကြောင်း သိရသည်။

နိုင်ငံတော်မှ ချမှတ်ထားသည့် စီးပွားရေးမူဝါဒများနှင့်အညီ ပြည်တွင်းစားသုံးဆီဖူလုံရေးနှင့် ပြည်ပမှ စားသုံးဆီဝယ်ယူတင်သွင်းရမှုကို လျှော့ချနိုင်ရေးတို့အတွက် ဆီထွက်သီးနှံများ တိုးချဲ့စိုက်ပျိုးလျက်ရှိကြောင်း သိရသည်။

ထိုနည်းတူပြည်တွင်းဆီစက်ကြီးငယ်များကိုလည်း လုပ်ငန်းလည်ပတ်ရန်နှင့် လုပ်ငန်းတိုးချဲ့ရန်အတွက် နိုင်ငံတော်က မတည်ပေးသည့် ရန်ပုံငြွေဖင့် တစ်နှစ်လျှင် အတိုးနှုန်း ၅ ရာခိုင်နှုန်းအထိသာ ရယူသော ဆီစက်လုပ်ငန်းများ ဖွံ့ဖြိုးရေးချေးငွေများကို စည်းမျဉ်းစည်းကမ်းများချမှတ်၍ ထုတ်ချေးပေးလျက်ရှိရာ ဆီစက်လုပ်ငန်းရှင်များအနေဖြင့် မြန်မာနိုင်ငံဆီစက်လုပ်ငန်းများ ဖွံ့ဖြိုးရေးချေးငွေ စီမံခန့်ခွဲမှုလုပ်ငန်းအဖွဲ့သို့ ဆက်သွယ်၍ ချေးငွေလျှောက်ထားနိုင်ကြောင်း သိရသည်။

#Local_News #ပြည်နယ်နှင့်တိုင်း၇ခု #ငွေကျပ်သန်းပေါင်း၁၇၇၀ကျော်ထုတ်ချေး #YMG/ NN #Yangon Times

#Local_News
Published_ 26 October 2023

ရန်ကုန်တိုင်းဒေသကြီး မရမ်းကုန်းမြို့နယ်၊ မြစံပယ်လမ်းဘေးတွင် အချင်းတန်းလန်းဖြင့် စွန့်ပစ်ခဲ့သည့် မွေးကင်းစ ကလေးငယ်ကို မခိုင်နှင်းဝေက ခေါ်ယူစောင့်ရှောက်ခဲ့ပေမယ့် သေဆုံးသွားကြောင်း မခိုင်နှင်းဝေ၏ လူမှုကွန်ယက်စာမျက်နှာတွင် ဖေါ်ပြချက်အရ သိရသည်။

အဆိုပါ ကလေးငယ်ကို အောက်တိုဘာ ၂၃ ရက် ည ၉နာရီခန့် က အချင်းတန်းလန်းဖြင့် မွေးကင်းစ မိန်းကလေးငယ် တစ်ဦးစွန်ပစ်ခံခဲ့ရကြောင်း မြန်မာကြယ်ဖြူလူမှုကူညီရေးအသင်းထံကို ရပ်ကွက်မှအကြောင်းကြားခဲ့ပြီး ယင်းလူမှုကူညီရေးအသင်းက မခိုင်နှင်းဝေထံ ဖုန်းဆက်အကြောင်းကြားခဲ့ရာ မခိုင်နှင်းဝေမှ ညတွင်းချင်းသွားရောက်ခေါ်ယူပြီး ကလေးငယ်ကို ကျန်းမာရေးစောင့်ရှောက်မှုများ လုပ်ဆောင်ပေးခဲ့သော်လည်း သေဆုံးခဲ့ခြင်း ဖြစ်သည်။

ပရဟိတ မင်းသမီး မခိုင်နှင်းဝေ၏ လူမှုကွန်ယက်စာမျက်နှာတွင် အဆိုပါ မွေးကင်းစသမီးငယ်လေးကို အတတ်နိုင်ဆုံး ကြိုးစားကုသပေးခဲ့သော်လည်း အသက်မကယ်နိုင်လိုက်ကြောင်း၊ ၄ရက်သာအသက်ရှင်ခွင့်ရခဲ့ သော်လည်း နောက်ဘ၀ဆက်တိုင်း ယခုကဲ့သို့အဖြစ်ဆိုးမှ ကင်းဝေးစေဖို့ ဆုတောင်းပြုရေးသားထားသည်ကို တွေ့ရသည်။

#Local_News #မွေးကင်းစကလေးငယ်သေဆုံး #YMG/LW #Yangon_Times

#Local_News
Published_ 26 October 2023

FAM Tripခရီးစဉ်အဖြစ် မြန်မာနိုင်ငံမှ ဖိတ်ခေါ်ထားသော ရုရှားခရီးသွားကုမ္ပဏီများ၊ မီဒီယာကိုယ်စားလှယ် များသည်ပုဂံ၊အင်းလေး၊ကော့သောင်းအပါအဝင်မြန်မာနိုင်ငံရှိဒေသ(၇)ခုသို့သွားရောက်လည်ပတ်ကြမည်ဖြစ်ကြောင်း ဟိုတယ်နှင့်ခရီးသွားလာရေးဝန်ကြီးဌာနမှသိရသည်။

ဟိုတယ်နှင့်ခရီးသွားလာရေးဝန်ကြီးဌာနမှ မြန်မာ-ရုရှားခရီးသွားမြှင့်တင်ရေးရင်းနှီးကျွမ်းဝင်မှုဆိုင်ရာ ခရီးစဉ် (Familiarization Trip-FAM Trip) အစီအစဉ်ဖြင့် မြန်မာနိုင်ငံသို့ ဖိတ်ခေါ်သည့် ခရီးစဉ်တွင်လိုက်ပါလာသည့် ရုရှားခရီးသွားကိုယ်စားလှယ်များ မြန်မာနိုင်ငံသို့ရောက်ရှိနေပြီဖြစ်ပြီး မန္တလေးတိုင်းဝန်ကြီးချုပ်နှင့်ရုရှား အဖွဲ့ဝင်များနှင့် အတူ ဟိုတယ်နှင့်ခရီးသွား‌လာရေးဝန်ကြီးဌာနမှ ပြည်ထောင်စုဝန်ကြီး ဒေါက်တာ သက်သက်ခိုင်မှသွားရောက် ကြိုဆိုခဲ့ပြီး ကြိုဆိုပွဲအခမ်းအနားပြုလုပ်ခဲ့သည်ဟု ဆိုသည်။

အခမ်းအနားတွင် ဟိုတယ်နှင့်ခရီးသွားလာရေးဝန်ကြီးဌာန၊ ပြည်တောင်စုဝန်ကြီးက ‘ဝန်ကြီးဌာနအနေဖြင့် မြန်မာ-ရုရှားချစ်ကြည်ရေးအသင်းနှင့် ပူးပေါင်း၍ “Welcome Russia Program in Myanmar” အစီအစဉ်ကို မြန်မာနိုင်ငံ၏ ခရီးစဉ်ဒေသများသို့ ရုရှားခရီးသွားဧည့်သည်များ ပိုမိုသိရှိလာရောက်လည်ပတ်စေရန်နှင့် မြန်မာနိုင်ငံ၏ ခရီးသွားဆွဲဆောင်မှုများကို ရုရှားခရီးသွား ဈေးကွက်တွင် မြှင့်တင်နိုင်ရန် ရည်ရွယ်ချက်များဖြင့် အကောင်အထည်ဖော်ဆောင်ရွက်လျက်ရှိကြောင်း။

ယခု FAM Trip ခရီးစဉ်တွင် ရုရှားဖက်ဒရေးရှင်းနိုင်ငံ စီးပွားရေးဖွံ့ဖြိုးတိုးတက်မှုဝန်ကြီးဌာနမှ တာဝန်ရှိသူများ၊ လိုင်စင်ရပြည်ပခရီးစဉ်ဆောင်ရွက်သူများ၊ သတင်းနှင့်ရုပ်သံဌာနတို့မှ ကိုယ်စားလှယ်(၄၃)ဦးတို့ ပါဝင်ပြီး ရုရှားဖက်ဒရေးရှင်းနိုင်ငံ၊ မော်စကို၊ ဗလာဒီဗော့စတော့၊ နိုဗိုစီဗစ်နှင့် ဆိုက်ဘေးရီးယား၊ အီတာရင်ဘတ် အစရှိသော ဒေသများက ခရီးသွားကုမ္ပဏီများနှင့် မီဒီယာများမှ ကိုယ်စားလှယ်များပါဝင်ကြောင်း။

မြန်မာနိုင်ငံ၏ အထင်ကရခရီးစဉ် ဒေသများဖြစ်သော ရန်ကုန်၊ မန္တလေး၊ ပုဂံ၊ အင်းလေး၊ ကော့သောင်း၊ ငပလီ၊ ငွေဆောင်အစရှိသည့် ခရီးစဉ်ဒေသများကို သွားရောက်လည်ပတ်ကြမည်ဖြစ်ရာ ဒေသအလိုက် ခရီးသွား ဆွဲဆောင်မှုများ နှင့် အတွေ့အကြုံများ၊ ရိုးရာအစားအစာများကို ခံစားမြည်းစမ်းကြရမှာ ဖြစ်ကြောင်း။

ထို့အပြင် ရုရှားခရီးသွားများ မြန်မာနိုင်ငံသို့ ပိုမိုလည်ပတ်နိုင်ရန် ရန်ကုန်-မန္တလေး - နိုဗိုစီဗစ် - မန္တလေး - ရန်ကုန် တိုက်ရိုက်လေကြောင်းခရီးစဉ်ကို MAIမှပျံသန်းပြေးဆွဲလျက်ရှိသောကြောင့် FAM Trip ကို လိုက်ပါတဲ့ ကိုယ်စားလှယ်များအနေဖြင့် မြန်မာနိုင်ငံသို့ လာရောက်လည်ပတ်နိုင်ရန် ခရီးစဉ်များရေးဆွဲရာတွင် ကူညီဆောင်ရွက်ပေးစေလိုကြောင်း၊ မိမိတို့နိုင်ငံကို ပြန်လည်ရောက်ရှိသည့်အခါ မြန်မာနိုင်ငံ၏ သာယာအေးချမ်းမှု၊ လုံခြုံစိတ်ချစွာ သွားလာလည်ပတ်နိုင်မှု၊ စိတ်ဝင်စားဖွယ်ကောင်းသော ခရီးစဉ်ဒေသများအကြောင်းကို မြန်မာနိုင်ငံသို့ လာရောက်လည်ပတ်လိုသည့် ရုရှားခရီးသွားဧည့်သည်များကို သတင်းစကား ပြန်လည်မျှဝေပေးစေလိုကြောင်းထည့်သွင်းပြောကြားခဲ့ကြောင်းသိရသည်။

#Local_News #ရုရှားခရီးသွားကုမ္ပဏီ #FAM Tripခရီးစဉ် #tthl #Yangon_Times

#World_News
Published 26 October 2023

မြေပြင်ကျူးကျော်မှု ပြုလုပ်ရန် စီစဥ်နေတဲ့ အစ္စရေးလ်တို့က ဟားမတ်စ်တို့ကို ပစ်မှတ်ထားပြီး အမြောက်များဖြင့် ပစ်ခတ်ခဲ့ရာ စစ်ပွဲပဋိပက္ခက အရှေ့အလယ်ပိုင်းကို ကျော်လွန်ပြီး ပျံ့နှံ့လာနိုင်တယ်လို့ ရုရှားကသတိပေးလိုက်ကာ ကမ္ဘာ့အင်အားကြီး နိုင်ငံများကလည်း ဝိုင်းရံခံထားရတဲ့ ဂါဇာကမ်းမြောင်သို့ အရေးပေါ် လူသားချင်းစာနာထောက်ထားခြင်း အကူအညီများကို ပေးပို့မယ့်အစီအစဥ် ပျက်သုဥ်းခဲ့ပါတယ်။

ပါလက်စ်တိုင်းနဲ့ အစ္စရေးလ်တို့ဟာ ဘေးကင်းလုံခြုံစွာဖြင့် ဘေးချင်းကပ်လျက် ရပ်တည်ဖို့ တန်းတူညီမျှ ထိုက်တန်မှုရှိကြောင်း ဘိုင်ဒင်က ဝါရှင်တန်ရှိ သတင်းစာရှင်းလင်းပွဲတစ်ခုမှာ ပြောကြားလိုက်ပါတယ်။

အစ္စရေးလ်တောင်ပိုင်းကို ဟားမတ်စ်စစ်သွေးကြွများ တိုက်ခိုက်ပြီး လူပေါင်း ၁,၄၀၀ ကျော်သတ်ဖြတ်ကာ ဓားစာခံ ၂၀၀ ကျော် ခေါ်ဆောင်သွားရတဲ့ ရည်ရွယ်ချက်က အစ္စရေးလ်နဲ့ ဆော်ဒီအာရေဗျတို့ ဆက်ဆံရေး ပြန်လည်သင့်မြတ်မှုကို မလိုလားတာကြောင့် ဖြစ်မယ်လို့ ဘိုင်ဒင်က ယူဆထားပါတယ်။

ရုရှားသမ္မတပူတင်က ထိုပဋိပက္ခဟာ အရှေ့အလယ်ပိုင်းကို ကျော်လွန်လာနိုင်ကြောင်း သတိပေးလိုက်ကာ အခြားသူတွေ ပြုခဲ့တဲ့ ရာဇဝတ်မှုတွေအတွက် ဂါဇာမှာရှိတဲ့ အပြစ်မဲ့အရပ်သားတွေ ထိခိုက်ပျက်စီးနေရတာ မဖြစ်သင့်ဘူးလို့ ဆိုလိုက်ပါတယ်။

အခုအချိန်မှာ အဓိကတာဝန်က အသက်တွေ သေကြေပျက်စီးနေတာကို ရပ်တန့်ဖို့ဖြစ်ကြောင်း၊ ဒီလိုမှ မရပ်တန့်နိုင်ရင် အလွန်ဆိုးကျိုးများတဲ့ နောက်ဆက်တွဲတွေ ဖြစ်ပျက်လာနိုင်ကြောင်း အရှေ့အလယ်ပိုင်း နယ်စပ်ကို ဖြတ်ကျော်လာနိုင်ကြောင်း ပူတင်က ပြောကြားသွားပါတယ်။

ထိုဒေသအတွင်း အမေရိကန်တပ်များကို ကာကွယ်နိုင်ရန် အမေရိကန် လေကြောင်းကာကွယ်ရေးစနစ်များ နေရာမချမချင်း ဂါဇာကိုကျူးကျော်ရန် စောင့်ဆိုင်းမယ်လို့ အစ္စရေးလ်က သဘောတူညီခဲ့ကြောင်း Wall Street ဂျာနယ်က ဖော်ပြထားပါတယ်။

အီရန်နဲ့ အီရန်ကျောထောက်နောက်ခံပြု အစ္စလာမ်အဖွဲ့တွေ အရှေ့အလယ်ပိုင်းရှိ အမေရိကန်တပ်များကို တိုက်ခိုက်ပြီး ပဋိပက္ခတင်းမာလာမှာကို အမေရိကန်က စိုးရိမ်နေပါတယ်။

ဂါဇာစစ်ပွဲက ပါလက်စ်တိုင်း နယ်နိမိတ်တွေကို ကျော်လွန်နေပြီဖြစ်ပြီး အစ္စရေးလ်တို့က ဆီးရီးယားကို လက်တုန့်ပြန်တဲ့အနေဖြင့် စစ်လေယာဥ်များဖြင့် ဗုဒ္ဓဟူးနေ့က တိုက်ခိုက်ခဲ့သလို ဆီးရီးယားမှ အလက်ပိုလေဆိပ်နဲ့ လက်ဘနွန်ရှိ အီရန်ကျောထောက်နောက်ခံပြု ဟက်ဇ်ဘိုလာအဖွဲ့တို့ကို ပစ်မှတ်ထားပါတယ်။

အစ္စရေးလ်ရဲ့ အဓိကရန်သူ အီရန်ဟာ ဒေသတဝိုက် အသာစီးရဖို့အတွက် ဆီးရီးယား၊ လက်ဘနွန်တို့ရှိ လက်နက်ကိုင် အဖွဲ့အစည်းများသာမက ဟားမတ်စ်တို့ကိုလည်း ထောက်ပံ့နေခဲ့ပါတယ်။

နောက်ထပ် အကြောင်းအရာကတော့ ပါလက်စ်တိုင်း အရပ်သားများထံ စားနပ်ရိက္ခာ၊ ရေ၊ ဆေးဝါးများ ပေးပို့ခွင့်ရရှိရန် စစ်ပွဲယာယီရပ်ဆိုင်းရေးအတွက် အမေရိကန်က ကုလသမဂ္ဂ လုံခြုံရေးကောင်စီ ဖြေရှင်းဆုံးဖြတ်ချက်တစ်ရပ်ကို မူကြမ်းတင်ပြခဲ့ရာ တရုတ်နဲ့ ရုရှားတို့က ဗီတိုအာဏာသုံးပြီး ပယ်ချခဲ့ပါတယ်။

ရုရှားကလည်း အပစ်အခတ် ရပ်စဲရေးအတွက် အပြိုင်တင်ပြခဲ့ပေမယ့် လိုအပ်တဲ့ အနည်းဆုံးမဲဆန္ဒ အရေအတွက် မရရှိခဲ့ပါဘူး။

အစ္စရေးလ်ကတော့ အဆိုပါမူကြမ်း ၂ ရပ်စလုံးကို ငြင်းဆိုကာ ဟားမတ်စ်တို့က ဒါကိုအခွင့်ကောင်းယူပြီး နောက်ထပ်အန္တရာယ်တွေ ခြိမ်းခြောက်လာလိမ့်မယ်လို့ ဆိုလိုက်ပါတယ်။

ဂါဇာကို အစ္စရေးလ်ကျူးကျော်မယ့် အစီအစဥ်ကို အချိန်ဆွဲဖို့ နိုင်ငံတကာက ဖိအားပေးလာရတာဟာ ဟားမတ်စ်တို့ ဖမ်းဆီးထားတဲ့ ဓားစာခံ ၂၂၀ ထဲက တဝက်လောက်ဟာ နိုင်ငံ ၂၅ နိုင်ငံမှ နိုင်ငံကူးလက်မှတ် ကိုင်ဆောင်ထားသူများဖြစ်ပြီး အတော်များများက အစ္စရေးလ်နိုင်ငံသား ခံယူခွင့်ပူးတွဲ ကိုင်ဆောင်ထားတယ်လို့ ယူဆရပါတယ်။

#World_News #စစ်ပွဲဂယက်ပျံ့နှံ့ #ပူတင်သတိပေး #Source: Reuters

#World_Health
Published 26 October 2023

အိုမင်းရင့်ရော်လာတယ်ဆိုတာ သက်ရှိတိုင်းမှာ သဘာဝအတိုင်း ဖြစ်ပျက်နေတာဖြစ်ပြီး အချိန်ကြာလာတာနဲ့အမျှ ခန္ဓာကိုယ်ထဲက စနစ်တွေ တဖြည်းဖြည်း ယိုယွင်းလာကာ ရုပ်ပိုင်းဆိုင်ရာရော ဦးနှောက်ပိုင်းဆိုင်ရာမှာပါ လုပ်ဆောင်ချက်တွေ ကျဆင်းလာပါတယ်။

အိုမင်းရင့်ရော်ခြင်းကို လုံးဝရပ်တန့်ဖို့ မဖြစ်နိုင်ပေမယ့် စားသောက် နေထိုင်မှုပုံစံတွေ၊ အချို့သော အစားအစာများဖြင့် ဒီဖြစ်စဥ်ကို နှောင့်နှေးအောင် ပြုလုပ်နိုင်ပါတယ်။

အိုမင်းရင့်ရော်ခြင်းကို နှောင့်နှေးအောင် ပြုလုပ်နိုင်ဖွယ်ရှိတဲ့ စားစရာတွေထဲမှာ ..

 
(၁) ဒိန်ချဥ်

အစာအိမ်အူလမ်းကြောင်း ကျန်းမာရေးကို မြှင့်တင်ပေးခြင်း၊ အစာခြေခြင်းကို ထောက်ပံ့ပေးခြင်း၊ ကိုယ်ခံအားစနစ် ကောင်းမွန်စေခြင်း၊ အရေပြားကျန်းမာစေခြင်းတို့ ပေးစွမ်းနိုင်ပါတယ်။

 
(၂) ဘယ်ရီသီးများ

အမျိုးမျိုးသော ဘယ်ရီသီးတွေမှာ ဓာတ်တိုးဆန့်ကျင်ပစ္စည်းများ ပါဝင်ပြီး အိုမင်းခြင်းနဲ့ သက်ဆိုင်တဲ့ရောဂါများမှ ကာကွယ်ပေးပါတယ်။
 
(၃) ထောပတ်သီး

ကျန်းမာရေးနဲ့ ညီညွတ်တဲ့အဆီများ၊ ဗိုက်တာမင်များ၊ ဓာတ်တိုးဆန့်ကျင်ပစ္စည်းများ ပါဝင်ပြီး အရေပြားနဲ့ နှလုံးကျန်းမာရေးတို့ကို အားဖြည့်ပေးကာ ဦးနှောက်လုပ်ဆောင်ချက်များကို ထောက်ပံ့ပေးပါတယ်။

 
(၄) အဆီပါသောငါးများ

ဆယ်လ်မွန်၊ ငါးကွမ်းရှပ်၊ ငါးသေတ္တာတို့မှာ အိုမီဂါ၃ ဖက်တီးအက်ဆစ်များ ပါဝင်ပြီး ဦးနှောက်ကျန်းမာရေးကို မြှင့်တင်ပေးကာ အသားအရည် ဝင်းဝါစေပါတယ်။
 
(၅) အခွံမာသီးများနှင့် အစေ့များ

သစ်ကြားသီး၊ ဗာဒံသီး၊ လျှော်စေ့၊ ချီယာစေ့တို့ဟာ ကျန်းမာရေးအတွက် သင့်လျော်တဲ့ အဆီများ၊ အမျှင်ဓာတ်၊ ဓာတ်တိုးဆန့်ကျင်ပစ္စည်းများ ပါဝင်ပြီး ယေဘုယျကျန်းမာရေးကို ကောင်းမွန်စေပါတယ်။

 
(၆) ကောက်ပဲသီးနှံများ

ဆန်ညိုနဲ့ ပေါင်မုန့်ကြမ်းတို့မှာ မရှိမဖြစ်လိုအပ်တဲ့ အာဟာရဓာတ်များ၊ အမျှင်ဓာတ်များ၊ ဓာတ်တိုးဆန့်ကျင်ပစ္စည်းများ ပါဝင်ပြီး ကိုယ်ခံအားကို မြှင့်တင်ပေးကာ သွေးတွင်းသကြားဓာတ်ကို ထိန်းညှိပေးပါတယ်။
 
(၇) နနွင်း

ဓာတ်တိုးဆန့်ကျင်ပစ္စည်း ကာကူမင်ပါဝင်တာကြောင့် အိုမင်းခြင်းလက္ခဏာများကို လျှော့ချပေးကာ နာတာရှည်ရောဂါများမှ ကာကွယ်ပေးပါတယ်။

 
(၈) ချောကလက်မည်း

သင့်တင့်မျှတစွာ စားသုံးပေးပါက ဓာတ်တိုးဆန့်ကျင်ပစ္စည်းများ ရရှိနိုင်ပြီး နှလုံးကျန်းမာရေးကို ကောင်းမွန်စေပါတယ်။

 
(၉) လက်ဖက်စိမ်း

သူ့မှာပါဝင်တဲ့ ဓာတ်တိုးဆန့်ကျင်ပစ္စည်းက ခန္ဓာကိုယ်ထဲက ဆဲလ်ပျက်စီးမှုကို ကာကွယ်ပေးကာ နှလုံးကို ကျန်းမာစေပါတယ်။

#World_Health #အိုမင်းရင့်ရော်ခြင်းလက္ခဏာ #အစားအစာ #Source: DoctorNDTV

#Local_News
Published-25 October 2023

ရေကြောင်းလုံခြုံရေးပင်လယ်ပြင်လေ့ကျင့်ခန်း (Maritime Security Exercise) ဆောင်ရွက်မည်ဖြစ်၍ ရေကြောင်းသတိပေးချက်နှင့် လေကြောင်းသတိပေးချက်ကို နစက သတင်းထုတ်ပြန်ရေးအဖွဲ့က ထုတ်ပြန်လိုက်သည်။

ရေကြောင်းလုံခြုံရေးပင်လယ်ပြင်လေ့ကျင့်ခန်းကို နိုဝင်ဘာလ ၇ ရက်မှ ၉ ရက်ထိကာလအတွင်း ကပ္ပလီပင် လယ်ပြင် မြောက်ပိုင်းရေပြင်၌ ရေပြင်၊ ဝေဟင်၊ ရေအောက်လေ့ကျင့်ခန်းများနှင့် လက်တွေ့ပစ်ခတ်ခြင်း များ(Live Firing) ဆောင်ရွက်သွားမည်ဖြစ်ကြောင်း ယင်းတွင်ဖော်ပြထားသည်။

လေ့ကျင့်ခန်း ဧရိယာအဖြစ် Point A မြောက်လတ္တီတွဒ် ၁၁ ဒီဂရီ ၅၁ မိနစ်၊ အရှေ့လောင်ဂျီတွဒ် ၉၆ ဒီဂရီ ၄၀ မိနစ်၊ Point B မြောက်လတ္တီတွဒ် ၁၁ ဒီဂရီ ၅၁ မိနစ်၊ အရှေ့လောင်ဂျီတွဒ် ၉၇ ဒီဂရီ ၄၀၊ Point C မြောက် လတ္တီ တွဒ် ၁၂ ဒီဂရီ ၅၁ မိနစ်၊ အရှေ့လောင်ဂျီတွဒ် ၉၇ ဒီဂရီ ၄၀ မိနစ်၊ Point D မြောက်လတ္တီတွဒ် ၁၂ ဒီဂရီ ၅၁ မိနစ်၊ အရှေ့လောင်ဂျီတွဒ် ၉၆ ဒီဂရီ ၄၀ မိနစ်စသည့် Coordinates အမှတ်များ ဆက်ဆွဲထားသည့် ဧရိယာ ကို သတ်မှတ်ထားရှိပြီး ရေကြောင်းသတိပေးချက်နှင့် လေကြောင်းသတိပေးချက်တို့အား ထုတ်ပြန်ကြေညာထားရှိပြီးဖြစ်ကြောင်းလည်း သိရသည်။

ယင်းကြာင့် လေ့ကျင့်ခန်းဆောင်ရွက်စဉ်ကာလအတွင်း ဘေးအန္တရာယ်ကင်းရှင်း စေရေးအတွက် အဆိုပါဧရိ ယာ မှ ၅ မိုင်ပတ်လည်တွင် သင်္ဘောကြီး သင်္ဘောငယ်များ၊ ကုန်တင်စက်လှေများ၊ ငါးဖမ်းသင်္ဘောများ၊ စက် တပ်သမ္ဗာန်များ ဖြတ်သန်းသွားလာခြင်း၊ ကျောက်ချရပ်နားခြင်း၊ ငါးဖမ်းခြင်း၊ ငါးဖမ်းကိရိယာများချထားခြင်း မရှိစေရန်နှင့် လေယာဉ်၊ ရဟတ်ယာဉ်များအမြင့်ပေ ၁၅၀၀၀(တစ်သောင်းငါးထောင်) အောက် ဖြတ်ကျော်ပျံသန်းခြင်းမပြုကြရန် အသိပေးကြေညာထားကြောင်း သိရသည်။

#Local_News #ရေကြောင်းလုံခြုံရေး #လေကြောင်းသတိပေးချက် #Yangon_Times/PP

#World_Health
Published 26 October 2023

ဝက်ရဲ့နှလုံးဖြင့် အစားထိုးခွဲစိတ်မှုခံယူခဲ့တဲ့ ဒုတိယမြောက်လူနာဟာ တစ်လကြာပြီးနောက်မှာ နလန်ပြန်ထူဖို့ ဆေးရုံမှာ ကြိုးစားနေတာတွေကို သေကြာနေ့က ဗီဒီယိုကနေ မြင်တွေ့ခဲ့ရပါတယ်။

မယ်ရီလန်းမှ လောရန့်ဖော့ဆက်ဟာ နှလုံးအလုပ်မလုပ်တဲ့ ရောဂါကြောင့် သေလုနီးပါးဖြစ်နေပြီး အခြားကျန်းမာရေး ပြဿနာများကြောင့် သာမန်နှလုံးခွဲစိတ်မှုမျိုး ပြုလုပ်လို့မရတဲ့အချိန်မှာ မယ်ရီလန်းဆေးတက္ကသိုလ်မှ ဆရာဝန်များက အန္တရာယ်များတဲ့ စမ်းသပ်ခွဲစိတ်မှုကို အကြံပြုခဲ့ပါတယ်။

စက်တင်ဘာ ၂၀ ရက်နေ့ ခွဲစိတ်မှု ပြုလုပ်ခဲ့တာဖြစ်ပြီး ယခုဆေးရုံမှဗီဒီယိုထဲမှာ ရုပ်ပိုင်းဆိုင်ရာ ကုသရေးမှူး ခရစ္စဝဲလ်စ်က သူ့ကိုစက်ဘီးခြေနင်း လေ့ကျင့်ခန်းလုပ်ခိုင်းနေစဥ် ပြုံးနေခိုင်းဖို့ ပြောပြနေတာကို တွေ့ရပါတယ်။

ဒီလိုလုပ်ရတာ ခက်ခဲပေမယ့် ရအောင်လုပ်မယ်လို့ အသက် ၅၈ နှစ်ရှိဖော့ဆက်က အသက်ပြင်းပြင်းရှူရင်း ပြောပြသွားပါတယ်။

မယ်ရီလန်းဆေးတက္ကသိုလ်အဖွဲ့ဟာ ယမန်နှစ်က ပထမဆုံးနှလုံးအစားထိုး ခွဲစိတ်မှုကို ပြုလုပ်ခဲ့ပြီး မျိုးရိုးဗီဇပြုပြင်ထားတဲ့ ဝက်ထံမှနှလုံးကို သေလုနီးပါးဖြစ်နေတဲ့ လူနာမှာ အစားထိုးခဲ့ပါတယ်။

၂ လကြာအသက်ရှင်ခဲ့ပြီးနောက် နှလုံးအလုပ်မလုပ်တော့ကာ နှလုံးအတွင်းမှ ဝက်ဗိုင်းရပ်စ်တစ်မျိုးရဲ့ လက္ခဏာတွေကို နောက်ပိုင်းမှာ တွေ့ရှိခဲ့ပါတယ်။

ပထမအခေါက်က အတွေ့အကြုံကို သင်ခန်းစာယူခဲ့ပြီး အခုတစ်ခေါက်မှာ ဗိုင်းရပ်စ်စမ်းသပ်မှု အပါအဝင် ပြောင်းလဲမှုများ ပြုလုပ်ခဲ့ပါတယ်။

တိရိစ္ဆာန်များမှ လူထံသို့ အင်္ဂါအစားထိုးခြင်း နည်းလမ်းတွေဟာ ဆယ်စုနှစ်တွေကြာအောင် မအောင်မြင်ခဲ့ဘဲ လူသားတွေရဲ့ ကိုယ်ခံအားစနစ်က ပြင်ပတစ်ရှူးတွေကို ချက်ချင်းဖျက်ဆီးပစ်လိုက်ပါတယ်။

အခုအခါမှာ ဝက်ရဲ့နှလုံးကို လူသားတွေနဲ့ ပိုမိုဆင်တူလာအောင် မျိုးရိုးဗီဇပြုပြင် ဖန်တီးလာကြပါတယ်။

ဝက်ရဲ့နှလုံးကို ခန္ဓာကိုယ်ထဲမှာ လက်မခံတာမျိုး မတွေ့ရဘူးလို့ ဆရာဝန်များက ဆိုပါတယ်။

ဖော့ဆက်ဟာ မတ်တပ်ရပ်နိုင်ပြီဖြစ်ပြီး ကုသရေးပညာရှင်များက လမ်းပြန်လျှောက်နိုင်ရန် လိုအပ်တဲ့ခွန်အား ရရှိဖို့ကို ကူညီပေးနေကြောင်း ဆေးရုံမှ ပြောရေးဆိုခွင့်ရှိသူတစ်ဦးက ဆိုပါတယ်။

ဒီလိုမျိုး အစားထိုးခွဲစိတ်မှုများဖြင့် လူသားအင်္ဂါ ရှားပါးလာတာကို အစားထိုးနိုင်မယ်လို့ သိပ္ပံပညာရှင်များ မျှော်လင့်နေကြပါတယ်။

အမေရိကန်ပြည်ထောင်စုမှာ အစားထိုးခွဲစိတ်မှု ပြုလုပ်ရန် လူနာပေါင်း ၁ သိန်းကျော်ရှိနေပြီး အများစုက ကျောက်ကပ်အင်္ဂါတွေ ဖြစ်ပါတယ်။

အစားအစာနဲ့ ဆေးဝါးကွပ်ကဲရေးအနေနဲ့ ပိုမိုလေ့လာခွင့်ရရှိစေရန် ရည်ရွယ်ကာ သိပ္ပံပညာရှင်အဖွဲ့အချို့က ဝက်ကျောက်ကပ်နဲ့ နှလုံးတွေကို မျောက်တွေနဲ့ လှူဒါန်းထားတဲ့ လူခန္ဓာကိုယ်အလောင်းတွေမှာ စမ်းသပ်နေကြပါတယ်။

#World_Health #ဒုတိယမြောက်ဝက်နှလုံးအစားထိုးခွဲစိတ်မှု #လေ့ကျင့်ခန်းပြန်လုပ်နေနိုင်ပြီ  #Source: New York Post

ဆီနီဂေါနပန်းအားကစားသမားတွေဟာ ဆင်းရဲတဲ့အခြေအနေကနေ ရုန်းထွက်ချင်နေကြပြီး မြိုတော်ဒါကာရှိ တရုတ်မှဆောက်လုပ်ပေးထားတဲ့ အားကစားကွင်းကြီးထဲက ပရိသတ်များစွာရှေ့မှောက်မှာ သူတိုရဲ့ ခွန်အားကို ပြသချင်နေကြပါတယ်။
#World_Sports
Published_ 25 October 2023
#ဆီနီဂေါနပန်းအားကစား #အမျိုးသားနပန်းအားကစားကွင်းကြီး

#Daily_News
Published_ 25 October 2023

၁။ သရေခေတ္တရာပျူမြို့ဟောင်းဇုန်အတွင်း ခရီးသွားများအတွက် သန့်စင်ခန်း Public Toilet နှစ်ခုတည်ဆောက်ရန်စီစဉ်နေ

၂။ မိုးများပြီးကွမ်းခြံတွေ ပျက်စီးမှုများပေမယ့် ဝယ်လိုအားမရှိတာကြောင့် ယမန်နှစ်လောက်ကွမ်းဈေးမြင့်မရရှိ

၃။ ကျိုက်ထီးရိုးနှင့် ပုဂံအပါအဝင်ရှေးဟောင်းယဉ်ကျေးမှုနယ်မြေများအတွင်း ဆေးလိပ်ကင်းစင်နယ်မြေများအဖြစ်သတ်မှတ်ဆောင်ရွက်နေပြီး အောင်မြင်မှုများရှိနေ

၄။ ဆီနီဂေါနပန်းအားကစားကို တစ်ခေတ်ဆန်းလာစေသည့်အမျိုးသား နပန်းအားကစားကွင်းကြီး ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG