၂၇ အောက်တိုဘာ ၂၀၂၃

တရုတ်ဝန်ကြီးချုပ်ဟောင်း လီကာချန်း Li Keqiang သည် သောကြာနေ့က နှလုံးဖောက်ပြီး ကွယ်လွန်သွားပါတယ်။ သူဟာ ကွယ်လွန်ချိန်မှာ အသက် ၆၈နှစ်ရှိပြီဖြစ်ပါတယ်။ ဝန်ကြီးချုပ်ဟောင်းလီကာချန်းဟာ ဆယ်စုနှစ်တစ်စုအထိ ဝန်ကြီးချုပ်  လုပ်ခဲ့ရာ မှ အနားယူပြီး ၁၀လခန့်အကြာမှာ နှလုံးရောဂါကြောင့်သေဆုံးခဲ့ရတာလို့ ရိုက်တာကသတင်းဖော်ပြပါတယ်။

တစ်ကြိမ်တစ်ခါက တရုတ်ကွန်မြူနစ်ပါတီ ထိပ်တန်းခေါင်းဆောင်မှုမှာ အပြိုင်ဖြစ်ခဲ့တယ်လို့ မြင်ခဲ့ကြတဲ့ လီဟာ ပြီးခဲ့တဲ့နှစ်များအတွင်း သမ္မတရှီကျင့် ဖျင်နှင့် ဘေးချင်းကပ်အတူရှိခဲ့သူတစ်ဦးဖြစ်ပါတယ်။

ပီကင်းတက္ကသိုလ်မှ စီးပွားရေးဘွဲ့ရ လီကာချန်းကို လစ်ဘရယ်ဈေးကွက်စီးပွားရေးကို ထောက်ခံသူတစ်ဦးအဖြစ်မြင်ခဲ့ရပေမယ့် ရှီနှစ်သက်တဲ့ နိုင်ငံတော်ကထိန်းချုပ်တဲ့စနစ်ကို ညွတ်တိမ်းခဲ့ရသူဖြစ်တယ်လို့လည်း သတင်းကရေးသားပါတယ်။

“ ရှန်ဟိုင်းတွင် ယခုရက်များအတွင် အနားယူနေသည့် ရဲဘော်ကြီးလီကာရှန်းသည် အောက်တိုဘာ ၂၆ ရက်တွင် ရုတ်တရက် နှလုံးဖောက်လာခဲ့ပါတယ်။ သူ့ကိုအစွမ်းကုန်ကြိုးစားကုသသော်လည်း နောက်ဆုံးတွင် အောက်တိုဘာ ၂၇ ရက် ညသန်းခေါင်ယံ၌ ရှန်ဟိုင်းတွင်ကွယ်လွန်ခဲ့ပါတယ်” လို့ နိုင်ငံပိုင်ရုပ်သံ CCTV က သတင်းထုတ်ပြန်သွားပါတယ်။

မတ်လတွင် ရာထူးမှမဆင်းမီအထိ လီသည် တရုတ်နိုင်ငံဝန်ကြီးချုပ်နှင့် ဝန်ကြီးအဖွဲ့အကြီးအကဲအဖြစ် ရှီ၏ လက်အောက်တွင် ဆယ်စုနှစ်တစ်စု တာဝန်ထမ်းဆောင်ခဲ့သူဖြစ်ပါတယ်။

 “ ယန်စီမြစ်နှင့် မြစ်ဝါမြစ်တို့သည် ဘယ်တော့မှနောက်ပြန်စီးဆင်းမည်မဟုတ်” လို့ သူ့ကို လူအများရှေ့နောက်ဆုံးတွေ့ရတဲ့ မတ်လ သတင်းစာရှင်းလင်းပွဲမှာ သူကပြောခဲ့ပါတယ်။

သူ့ကို တရုတ်နိုင်ငံရဲ့  အရှေ့ပိုင်း အန်ဟွေးပြည်နယ်တွင် မွေးဖွားခဲ့ပါတယ်။ သူ့ဖခင်ဟာ အစိုးရအရာရှိတစ်ဦးဖြစ်ပြီး လီဟာ ယဉ်ကျေးမှုတော်လှန်ရေးအတွင်း လယ်ကွင်းတွေထဲ အလုပ်ကြမ်းလုပ်ဖို့ စေလွှတ်ခံခဲ့ရသူဖြစ်ပါတယ်။

Source Reuters

၂၆ အောက်တိုဘာ ၂၀၂၃

ယနေ့ကာလအထိ အမေရိကန်နိုင်ငံအနေဖြင့် မြန်မာနိုင်ငံအားရန်သူသဖွယ်သဘောထားခြင်းမှာ ကြီးမားသောနောက်ခံ အကြောင်း ရှိတယ်လို့  ဗိုလ်ချုပ်မှူးကြီးမင်းအောင်လှိုင်ကပြောကြားတယ်လို့ နစကရဲ့သတင်းထုတ်ပြန်ချက်မှာ   ဖော်ပြထားပါ  တယ်။

အောက်တိုဘာ ၂၆ ရက်ယနေ့နံနက်က နေပြည်တော် နစက ဥက္ကဋ္ဌရုံးတွင် ကျင်းပတဲ့ နိုင်ငံတော်စီမံအုပ်ချုပ်ရေး   ကောင်စီအစည်းအဝေး(၅/၂၀၂၃) ၌ နစက ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် အမှာစကား   ပြောကြားရာမှာထည့်သွင်းပြောကြားခဲ့တာဖြစ်ပါတယ်။

အရှေ့တောင်အာရှဒေသတွင် အမေရိကန်ဦးဆောင်သော SEATO အဖွဲ့ကို ၁၉၅၄ ခုနှစ်တွင်ဖွဲ့စည်းခဲ့ပြီး အဓိကရည်ရွယ်ချက်မှာ အရှေ့တောင် အာရှဒေသအတွင်း ကွန်မြူနစ်စနစ်မပြန့်ပွားရေးပင်ဖြစ်ကြောင်းနှင့် ၁၉၇၇ ခုနှစ်၊ ဇွန်လ မှ ၎င်းအဖွဲ့ကိုဖျက်သိမ်းခဲ့ကြောင်းဗိုလ်ချုပ်မှူးကြီးကပြောပါတယ်။ ၁၉၄၇ ခုနှစ် ဖွဲ့စည်းအုပ်ချုပ်ပုံဥပဒေပါ ပြည်နယ် များခွဲထွက်ခွင့်၊ ၎င်းအပေါ်မူတည်၍ ၁၉၆၁ -၁၉၆၂ ခုနှစ် တွင် ဖြစ်လာသည့် ပြည်နယ် များ၏ တောင်းဆိုမှုများကို SEATO ဖြစ်စဉ်နှင့် ဆက်စပ်ကြည့်ပါက မြန်မာ့နိုင်ငံရေး၏ ရှုပ်ထွေးမှုကို သဘောပေါက်နိုင်မည်ဖြစ်တယ်လို့ ဗိုလ်ချုပ်မှူးကြီးက ထောက်ပြပြောဆိုတဲ့အကြောင်း သတင်းထုတ်ပြန်ထားပါတယ်။

အမေရိကန်ဟာ မြန်မာနိုင်ငံအရေးနှင့်ပတ်သက်၍ ၎င်းတို့ဖြစ်စေချင်သည့်အတိုင်း မဖြစ်သည့်အခါ ယင်းကဲ့သို့မဖြစ်အောင်   ကာကွယ်နိုင်သည့် အင်အားစုများကို ရန်ပြုခြင်းမှာ မြင်သာသည့် အကြောင်းအရာပင်ဖြစ်တယ်လို့လည်း ဗိုလ်ချုပ်မှူးကြီးက သုံးသပ်ပြောဆိုပါတယ်။

မြန်မာနိုင်ငံအရေးနှင့် ပတ်သက်၍ ဝင်ရောက်စွက်ဖက်မှုများကို အမေရိကန်ဦးဆောင်သည့် အနောက်အုပ်စုမှ စဉ်ဆက်မပြတ်ပြုလုပ်ခဲ့မှုများ ရှိကြောင်း၊ မြန်မာနှင့်အမေရိကန်သည် ရန်ဘက်နိုင်ငံများ မဟုတ်ကြောင်း၊ စစ်ဖြစ်ပွားဖူးခြင်းလည်း မရှိကြောင်း၊ ယုတ်ဆွအဆုံး အရှေ့တောင် အာရှတွင် အမေရိကန်ကျူးကျော်မှုကြောင့် ဖြစ်ပွားခဲ့သော ဗီယက်နမ်စစ်ပွဲ၌ပင် မြန်မာ တို့ပါဝင်ပတ်သက်မှုမရှိခဲ့ကြောင်းလည်း ဗိုလ်ချုပ်မှူးကြီးက အတိတ်သမိုင်းကို ပြန်ပြောင်းပြောဆို ပါတယ်။

ယခုလက်ရှိအခြေအနေတွင်လည်း အမေရိကန်ဦးဆောင်သော အုပ်စု၏ ရည်မှန်းချက် မှာ မြန်မာနိုင်ငံ၏ အိမ်နီးချင်း နိုင်ငံဖြစ်သော တရုတ်နိုင်ငံကို ထိန်းချုပ်နိုင်ရေး  (China Containment Policy) ပင်ဖြစ်လို့ မြန်မာနိုင်ငံ၌ ၎င်းတို့လိုလားသော အစိုးရ/အုပ်စု အာဏာရရှိရေးကို တစ်စိုက်မတ်မတ်ဆောင်ရွက်ခြင်းဖြစ်ပြီးမရရှိခဲ့ပါက မြန်မာနိုင်ငံ၌ ကဏ္ဍပေါင်းစုံ မငြိမ် မသက်ဖြစ်အောင် ဆောင်ရွက်နေတာဖြစ်တယ်လို့ ဗိုလ်ချုပ်မှူးကြီးက ဝေဖန်ပြောဆိုပါတယ်။

ယင်းအပြင် အမေရိကန်နိုင်ငံကိုယ်တိုင်က အကြမ်းဖက်အဖွဲ့များကို ခေါင်းစဉ်အမျိုးမျိုး အကြောင်းအမျိုးမျိုးဖြင့် ကူညီနေကြောင်း၊ အိန္ဒိယ၊ ထိုင်း၊ စင်ကာပူ၊ မလေးရှား၊ အင်ဒိုနီးရှား စသောနိုင်ငံများသည် သမိုင်းအစဉ်အလာအရ ရင်းနှီးသောမိတ်ဆွေ နိုင်ငံများဖြစ်ကြောင်း၊ သို့သော် အမေရိကန်၏ဩဇာလွှမ်းမိုးမှုကိုမလွန်ဆန်နိုင်သော နိုင်ငံများက မိမိတို့နိုင်ငံအပေါ် ကုန်သွယ်မှု၊ ဘဏ္ဍာရေး၊ နိုင်ငံခြားရေး ပိတ်ဆို့မှုများ ပြုလုပ် ခဲ့ကြတယ်လို့လည်း ဗိုလ်ချုပ်မှူးကြီးက ဆက်လက်ပြောဆိုတာကို သတင်းထုတ်ပြန်ချက်မှာဖော်ပြထားပါတယ်။

နစကအနေနှင့် အရေးပေါ်ကာလဆိုင်ရာပြဋ္ဌာန်းချက်များနှင့်အညီ ဆောင်ရွက်ပြီးစီးပါက လွတ်လပ်ပြီး တရားမျှတသော ပါတီစုံဒီမိုကရေစီအထွေထွေ ရွေးကောက်ပွဲကျင်းပ၍ ထွက်ပေါ်လာ သည့်အစိုးရအား နိုင်ငံတော်တာဝန်လွှဲအပ်နိုင်ရေး ဆက်လက်ဆောင်ရွက်သွားမည် ဖြစ်ကြောင်း ထည့်သွင်းထားပြီး ပါတီစုံဒီမိုကရေစီစနစ်အတွက် တိုင်းသိပြည်သိ အာမခံ ထားတယ်လို့လည်း ဗိုလ်ချုပ်မှူးကြီးက ထပ်လောင်းပြောဆိုပါတယ်။

နိုင်ငံတကာအနေဖြင့် မြန်မာနိုင်ငံ၏အခြေအနေကို ယခုထက်ပိုမို ကောင်းမွန်စေ လိုလျှင်ပိုမိုပူးပေါင်းဆောင်ရွက်  သင့်ပြီးအကြမ်းဖက်အဖွဲ့အစည်းများကို တိုက် ရိုက်(သို့မဟုတ်)သွယ်ဝိုက်အားပေးနေခြင်းသည် ပြည်သူတို့၏ဆန္ဒဖြစ်သော ပါတီစုံ ဒီမိုကရေစီစနစ် ခိုင်မာရေးနှင့် နိုင်ငံဖွံ့ဖြိုးတိုးတက်ရေးလုပ်ငန်းများ အကောင်အထည် ဖော်ရာတွင် နှောင့်နှေးသွားနိုင်တယ်လို့ ဗိုလ်ချုပ်မှူးကြီးက ပြောကြားခဲ့ပါတယ်။

အစည်းအဝေးတွင် ကောင်စီဝင်များက တိုင်ဒေသကြီးနှင့် ပြည်နယ်အလိုက် နယ်မြေ ဖွံ့ဖြိုးတိုးတက်ရေးကိစ္စရပ်များ ကွင်းဆင်းဆောင်ရွက်ခဲ့မှုနှင့် ဆက်လက်ဆောင်ရွက် သွားမည့် အခြေအနေများကို ရှင်းလင်းတင်ပြခဲ့ကြပြီး

ကောင်စီတွဲဖက်အတွင်းရေးမှူး က ၂၀၂၃ ခုနှစ် အောက်တိုဘာလ တွင်း နိုင်ငံတော်၏ တည်ငြိမ်အေးချမ်းရေးနှင့် တရားဥပဒေစိုးမိုးရေးကိစ္စရပ်များကို ရှင်းလင်းတင်ပြခဲ့တယ်လို့ သတင်းထုတ်ပြန်ချက်မှာဖော်ပြထားပါတယ်။

#ymg/knl

ကမ္ဘာတဝှမ်းမှ အရည်အသွေးမြင့် ထုတ်ကုန်ပစ္စည်းများ တင်သွင်းခြင်းကို ထောက်ပံ့ပြီး နိုင်ငံအတွင်း အဆင့်မြင့်နည်းပညာများ၊ လူသုံးကုန်ပစ္စည်းများ၊ ဝန်ဆောင်မှုများ ပိုမိုမြင့်မားလာစေရန် အတိုင်းအတာ လုပ်ဆောင်ချက်များ ချမှတ်သွားမှာဖြစ်ကြောင်း ကုန်သွယ်ရေး လက်ထောက်ဝန်ကြီး ရှန်ချူပင်က တနင်္လာနေ့မှာ ပြောကြားလိုက်ပါတယ်။

#Asia_Business
Published_ 26 October 2023
#လူသုံးကုန်ပစ္စည်း #တရုတ်ကတိုးမြှင့်တင်သွင်း

#Daily_News
Published_ 26 October 2023

၁။ မကွေးမှနှုတ်ခမ်းကွဲ၊ အာခေါင်ကွဲကလေးငယ်(၁၀၀)ကျော် ကိုရီးယား-မြန်မာဆရာဝန်များနှင့် အခမဲ့ခွဲစိတ်ကုသခွင့်ရ

၂။ နယ်စပ်ဂိတ်များ ပြန်ဖွင့်လာတာကြောင့် မူဆယ်မြို့နယ်အတွင်း လူကုန်ကူးမှုအသိပညာပေးလုပ်ငန်းတွေ ထိရောက်စွာလုပ်ဆောင်ပေးနေ

၃။ ပုသိမ်ထီးကုန်ကြမ်းဈေးမြင့်တက်ပြီး ကုန်ချောဈေးပုံမှန်အတိုင်းရှိသောကြောင့် တစ်နိုင်တစ်ပိုင်လုပ်ငန်းများတွက်ခြေကိုက်မှုနည်းပါးနေ

၄။ နိုင်ငံခြားမှ အဆင့်မြင့်နည်းပညာများ၊ လူသုံးကုန်ပစ္စည်းများ တရုတ်ကတိုးမြှင့်တင်သွင်းသွားမည်ဟုဆို... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

#Local_News
Published 26 October 2023

ထိုင်းနိုင်ငံအတွင်း ရောက်ရှိနေသည့် မြန်မာအလုပ်သမားများ၏ အသက်၁၈နှစ်အောက် သားသမီးများကို မိဘများ အား သတ်မှတ်ထားသည့် ကာလအတိုင်းနေထိုင်ခွင့်ပြုပြီး အသက် ၁၈နှစ် ပြည့်ပြီးသည့် သားသမီးများကိုလဲ အလုပ်လုပ်ကိုင်လိုပါက လုပ်ကိုင်ခွင့်တင်ပြလျှောက်ထားနိုင်ကြောင်း ထိုင်းအစိုးရအဖွဲ့၏ အစည်းဝေးဆုံးဖြတ်ချက်အရ သိရသည်။

ထိုင်းအစိုးရမှ မြန်မာအပါအဝင် နိုင်ငံခြားသားလုပ်သားများကို နေထိုင်ခွင့်အလုပ်လုပ်ကိုင်ခွင့်သက်တမ်းတိုးမြင့်ပေးခြင်းနှင့် ပတ်သက်ပြီး ထိုင်းအစိုးရအဖွဲ့၏ အစည်းဝေးဆုံးဖြတ်ချက်ကို ထိုင်းနိုင်ငံရှိ မြန်မာနိုင်ငံဆိုင်ရာ အလုပ်သမား သံရုံးက အောက်တိုဘာ ၂၅ ရက်က ထုတ်ပြန်ပေးခဲ့သည်။

အဆိုပါ ထုတ်ပြန်ချက်တွင် ထိုင်းနိုင်ငံရောက် မြန်မာရွှေ့ပြောင်းလုပ်သားများအား ၂၀၂ ၃ ခုနှစ် အောက်တိုဘာ (၁) ရက်မှ ၂၀၂၅ ခုနှစ် ဖေဖော်ဝါရီ (၁၃)ရက်အထိ ယာယီနေထိုင် အလုပ်လုပ်ကိုင်ခွင့်ပြုပေးထားပြီး ဖြစ်တာကြောင့်အလုပ်ရှင်များအနေဖြင့် ၂၀၂၃ ခုနှစ် ဇန်နဝါရီ (၁၈) ရက်မှ ၂၀၂၄ ခုနှစ် ဇန်နဝါရီ (၁၅) ရက်အတွင်း အလုပ်လုပ်ကိုင်ခွင့်ရရန် အမည်စာရင်း တင်ပြလျှောက်ထားရမည်ဖြစ်ကြောင်း သိရသည်။

ထို့ကြောင့် ယခုအချက်အလက်များနှင့် လုပ်ဆောင်ရမည့်ကိစ္စရပ်များကို ထိုင်းနိုင်ငံတွင် အလုပ်လုပ်ကိုင်နေသော မြန်မာအလုပ်သမားများ အနေဖြင့် သက်ဆိုင်ရာ အလုပ်ရှင်၊ စက်ရုံအလုပ်ရုံမှ တာဝန်ရှိသူများကို ထပ်ဆင့်ပြောကြား ဖို့ကိုလည်း ထိုင်းနိုင်ငံရှိ မြန်မာအလုပ်သမားသံရုံးမှ တိုက်တွန်းထားသည်။

#Local_News #ထိုင်းရောက်မြန်မာအလုပ်သမားများ #YMG/LW #Yangon_Times

#Local_News
Published-26 Oct 2023

ရန်ကုန်-မန္တလေး အမြန်လမ်းတွင် ခရီးသည်ယာဉ်များအသုံးပြုရန် Telematics စနစ်အတွက် ပြည်တွင်းကုမ္ပဏီများကို တင်ဒါခေါ်ယူသွားမည်ဖြစ်‌ကြောင်း ဆောက်လုပ်ရေးဝန်ကြီးဌာန၏ ကြေညာချက်အရသိရသည်။

အဆိုပါ အမြန်လမ်းမကြီးတစ်လျှောက်တွင် မော်တော်ယာဉ်များ သွားလာနေမှုကို Command Centre မှ ထိန်းချုပ်သည့် (Telematics) စနစ်ကို အသုံးပြုသွားမည်ဖြစ်သောကြောင့် မြန်မာနိုင်ငံသား တိုင်းရင်းသားလုပ်ငန်းရှင် ပုဂ္ဂလိကကုမ္ပဏီများအား တင်ဒါခေါ်ယူသွားမည်ဖြစ်ကြောင်း သိရသည်။

ထို့သို့တင်ဒါ‌ ခေါ်ယူရခြင်းမှာ ရန်ကုန်-မန္တလေးအမြန်လမ်းမကြီးတွင် သွားလာလျက်ရှိသော ခရီးသည်တင်မော်တော်ယာဉ်များ ဘေးအန္တရာယ်ကင်းရှင်းစေရေးအတွက် အဓိကရည်ရွယ်ဆောင်ရွက်ခြင်းဖြစ်ပြီး အဓိကထိန်းချုပ်ရေး အချက်အလက်များကို ဆောက်လုပ်ရေးဝန်ကြီးဌာနတွင်လည်းကောင်း၊ အမြန်လမ်းထိန်းချုပ်ရေးရုံးခန်းအား ရန်ကုန်-မန္တလေး အမြန်လမ်း မိုင်တိုင်အမှတ် (၂၀၁/၅ နှင့် ၂၀၁/၆) ကြားရှိ စီလမ်းဆုံတွင်လည်းကောင်း တည်ဆောက်သွားမည်ဖြစ်ကြောင်း သိရသည်။

ထို့အပြင်တင်ဒါတင်သွင်းမည့် ကုမ္ပဏီများအနေဖြင့် ညွှန်ကြားရေးမှူး(မြို့ပြ)ရုံး၊ အမြန်လမ်းကြီး ထိန်းသိမ်းပြုပြင်ရေးနှင့် ကြီးကြပ်ရေးအဖွဲ့၊ နေပြည်တော်၊ စီလမ်းဆုံသို့ ၂၀၂၃ ခုနှစ်၊ နိုဝင်ဘာလ ၆ ရက် ညနေ ၄ နာရီ နောက်ဆုံးထား၍ ပေးပို့ရမည်ဖြစ်ကြောင်း၊ တင်ဒါလျှောက်ထားမည့် ကုမ္မဏီများအနေဖြင့် ကုမ္ပဏီမှတ်ပုံတင်မိတ္တူ၊ ကုမ္ပဏီ Profile၊ အသုံးပြုမည့် Telematics စနစ်၏ နိုင်ငံတကာဝန်ဆောင်မှုအတွေ့အကြုံ အနည်းဆုံး ၅ နှစ်နှင့်အထက်၊ နိုင်ငံတကာအသိအမှတ်ပြုလက်မှတ်၊ မြန်မာနိုင်ငံတွင် စမ်းသပ်ထားသော နမူနာမှတ်တမ်းများ၊ အသုံးပြုမည့်ပစ္စည်းနမူနာ၊ စနစ်၏ လုပ်ဆောင်မှုအသေးစိတ် (မြန်မာ/အင်္ဂလိပ် နှစ်ဘာသာဖြင့်)၊ အလုံးစုံပါဝင်သည့် ဝန်ဆောင်မှုအဆိုပြုပုံစံ၊ ကုမ္ပဏီမှတပ်ဆင်သုံးစွဲမည့် ကိရိယာ (Devices) များ၏ ထုတ်လုပ်သည့် မူရင်းနိုင်ငံ (Country Origin)၊ ဈေးနှုန်းအဆိုပြုလွှာ (မြန်မာကျပ်‌ငွေဖြင့်) စသည့်အချက်များကို ပူးတွဲတင်ပြရမည်ဖြစ်ကြောင်း သိရသည်။

#Local_News #Telematicsစနစ် #တင်ဒါခေါ်ယူ #YMG/ NN #Yangon_Times

အသီးသက်တမ်းနုသေးတာ၊ ဆေးသုံးမှုနည်းပါးပြီး မိရိုးဖလာနည်းတွေနဲ့သာ အစိုက်များတာကြောင့် လက်ရှိအချိန်အထိ အချဉ်ဖက်လုတဲ့ အသီးတွေသာထွက်ရှိ‌နေသေး
#Local_News
‌Published_ 26 October 2023
#လိမ္မော်သီး #မိရိုးဖလာနည်း
#YMG/ NN #Yangon_Times

ပြည်ပနိုင်ငံတွေက ဝယ်လိုအား နည်းနေပေမယ့် ဒေါ်လာငွေ ပြင်ပလဲလှယ်နှုန်းထားဟာ အစိုးရသတ်မှတ်တဲ့ နှုန်းထား နဲ့ကွာဟမှုနည်းလာတဲ့အတွက် ပြောင်းဆံဈေးနှုန်း ပိုရလာတယ်လို့ မြန်မာနိုင်ငံပြောင်းစိုက်ပျိုးထုတ်လုပ်ရောင်းဝယ်ရေးအသင်းထံက သိရပါတယ်။

#Local_News
Published_ 26 October 2023
#ပြောင်းဈေးပိုရလာ #ဝယ်လိုအားနည်း
#YMG/LW #Yangon_Times

#Local_News
Published_ 26 October 2023

အစားအသောက်နှင့် ဆေးဝါးကွပ်ကဲရေးဦးစီးဌာန (FDA) ၏ တရားမဝင် Online စောင့်ကြည့်ရေးအဖွဲ့မှ Online Media မှ အစားအသောက်များ ကြော်ငြာရောင်းချနေမှုများကို စိစစ်ခဲ့ရာ မြန်မာနိုင်ငံတွင် သွင်းကုန်ထောက်ခံချက် ရရှိထားခြင်းမရှိသော အစားအသောက်များကို ရောင်းချနေသည် တွေ့ရှိခဲ့ရပါသည်။

စိစစ်ချက်အရ အစားအသောက်နှင့်ဆေးဝါးကွပ်ကဲရေးဦးစီးဌာန၏ ထောက်ခံချက်အတုများပြုလုပ်၍ ကြော်ငြာရောင်းချခြင်း၊ ရောင်းချသည့် Online Page တွင် လိပ်စာအပြည့်အစုံဖော်ပြထားမှု မရှိခြင်းတို့အပြင် နာမည်ကြီး လူသိများ၊ ထင်ရှားကျော်ကြားသော အတတ်ပညာရှင်၊ အသိပညာရှင်များ၏ ရုပ်ပုံများ၊ ဗီဒီယိုများကို အသုံးပြု၍ မိမိ၏ ကုန်ပစ္စည်းအမှတ်တံဆိပ်များ ထည့်သွင်းကာ လိမ်လည်ကြောငြာရောင်းချခြင်း၊ ရောဂါရှာဖွေ၊ ကုသ၊ ပျောက်ကင်း၊ သက်သာ၊ ကာကွယ်စေရန်အတွက် မဟုတ်သည့် ဓာတ်စာ၊ ဖြည့်စွက်စာများကို "ရောဂါကုသပျောက်ကင်းနိုင်သည်" ဟူသော စာသားဖြင့် အလွန်အကျွံကြော်ငြာခြင်းများဖြင့် ရောင်းချနေကြတာဖြစ်သည်။

စားသုံးသူများအနေဖြင့် အဆိုပါ အချက်များဖြင့် ကြော်ငြာရောင်းချနေသော သွင်းကုန်ထောက်ခံချက် မှတ်ပုံတင်ထားခြင်း မရှိသော အစားအသောက်များကို ဝယ်ယူသုံးစွဲခြင်းမပြုဘဲ ဆင်ခြင်သုံးစွဲရန်အတွက် ကုန်ပစ္စည်းများကို https://esubmission.fda.gov.mm/search-product တွင် တိုက်ဆိုင်ကြည့်ရှုစစ်ဆေး နိုင်ပါသည်။

သုံးစွဲနေသော အစားအသောက်နှင့်ပတ်သက်၍ သံသယဖြစ်ဖွယ် တစ်စုံတစ်ရာတွေ့ရှိပါက အစားအသောက်နှင့် ဆေးဝါးကွပ်ကဲရေးဦးစီးဌာန၊ နေပြည်တော်သို့ ရုံးချိန်အတွင်း သတင်းပေးပို့အကြောင်းကြားနိုင်ကြောင်း သိရသည်။

#Local_News #FDA #သတင်းပေးပို့အကြောင်းကြားနိုင် #Yangon_Times/PP

လက်ရှိဈေးကွက်အခြေအနေကတော့ ကုန်ကြမ်းဝယ်ရတဲ့ ဈေးကတက်နေတော့ အချောထုတ်တဲ့ဈေးတွေတအားလိုက်မြင့်နေတော့ အဆင်မပြေဖြစ်နေတယ်။ ထိန်းလုပ်နေရ‌တာပေါ့

#Local_News
‌Published_ 26 October 2023
#ပုသိမ်ထီးကုန်ကြမ်းဈေးမြင့်တက် #ကုန်ချောဈေးပုံမှန်အတိုင်းရှိနေ
#YMG/ NN #Yangon_Times

ကိုဗစ်ကာလနောက်ပိုင်း လူကုန်ကူးမှုဖြစ်စဉ်နည်းသွားခဲ့တဲ့ မူဆယ်မြို့နယ်မှာ နယ်စပ်ဂိတ်တွေ ပြန်ဖွင့်လာတဲ့အတွက် လူကုန်ကူးရန်အစပျိုးတဲ့ အနေအထားရှိနေတာကြောင့် တားဆီးကာကွယ်ရေးလုပ်ငန်းများကို ထိရောက်စွာလုပ်ဆောင်ပေးနေတယ်လို့ လူကုန်ကူးမှုတားဆီးနှိမ်နှင်းရေး ရဲတပ်ဖွဲထံက သိရပါတယ်။
#Local_News
Published_ 26 October 2023
#မူဆယ်မြို့နယ် #လူကုန်ကူးမှုတားဆီးနှိမ်နှင်းရေး
#YMG/LW #Yangon_Times

‘မကွေးမှနှုတ်ခမ်းကွဲ၊ အာခေါင်ကွဲကလေးငယ်(၃၄)ဦးကို အောက်တိုဘာလ ၃၀ ရက်မှာ နေပြည်တော်ကို ကားနဲ့စီစဉ်ပို့ဆောင်ပြီး မကွေးတိုင်းကဆရာဝန်(၅)ဦးနဲ့အတူ ကိုရီးယား-မြန်မာဆရာဝန်တွေနဲ့ အခမဲ့ခွဲစိတ် ကုသစေမှာဖြစ်တယ်။ ကျန်ကလေး(၁၂၁)ဦးကိုမကွေးသိုအပတ်စဉ်၊လစဉ်လာရောက်အခမဲ့ခွဲစိတ်ပေးမယ်’
ဒေါက်တာနန္ဒဝင်း မကွေးတိုင်း၊ ပြည်သူ့ကျန်းမာရေးဦးစီးဌာနမှူး
#Local_News
Published_ 26 October 2023
#နှုတ်ခမ်းကွဲ၊အာခေါင်ကွဲ #အခမဲ့ခွဲစိတ်ကုသပေး
#tthl #Yangon_Times