Published 25 September 2023

အူလမ်းကြောင်း ဘက်တီးရီးယားတွေနဲ့ ကျန်းမာရေးအခြေအနေကြား ပတ်သက်နေပုံကို လတ်တလောနှစ်တွေမှာ သုတေသနပြုထားပါတယ်။

အူလမ်းကြောင်း ကျန်းမာရေးကို အထောက်အကူပြုတဲ့ ပရီဘိုင်အိုတစ်နဲ့ ပရိုဘိုင်အိုတစ်တို့ ကြွယ်ဝစွာ ပါဝင်တဲ့ အစားအစာတွေကို ဖော်ထုတ်ခဲ့ကြပါတယ်။

ပရီဘိုင်အိုတစ် ကြွယ်ဝတဲ့ အစားအစာတွေကို လေ့လာပြီးနောက် ပမာဏများစွာ ပါဝင်တဲ့ အရာတွေကတော့ ဒုဓလီပန်း၊ ပဲပိုးတီ၊ ကြက်သွန်ဖြူ၊ ကြက်သွန်မြိတ်၊ ကြက်သွန်နီတို့ ဖြစ်ပါတယ်။

အမျှင်ဓာတ်ပါဝင်တဲ့ အစားအစာတွေမှာ ပရိုဘိုင်အိုတစ် ကြွယ်ဝပြီး အူလမ်းကြောင်းကျန်းမာရေးကို ထောက်ပံ့ပေးကြောင်း အမေရိကန် ဆေးဝါးနဲ့ အစားအစာကွပ်ကဲရေးမှ ပြောကြားထားပါတယ်။

ကောင်းကျိုးပြု ပိုးမွှားများထွက်ရှိစေပြီး အမျှင်ဓာတ်ပါဝင်တဲ့ အစားအစာများက ထင်ထားတာထက်ပိုပြီး ကောင်းကျိုးပြုပါတယ်။

အချဥ်ဖောက်အစားအစာတွေမှာ ပါဝင်တဲ့ ပရိုဘိုင်အိုတစ်တွေက ကောင်းကျိုးပြု ဘက်တီးရီးယားများ ပါဝင်ပြီး အစာအိမ်အူလမ်းကြောင်း ရောင်ရမ်းခြင်းကို သက်သာစေကာ ကိုယ်ခံအားစနစ်ကို ထိန်းညှိပေးပါတယ်။

မှားယွင်းယူဆနေကြတာက ပရိုဘိုင်အိုတစ်တွေက အူလမ်းကြောင်း ဘက်တီးရီးယားများ ဖွဲ့စည်းခြင်းကို သိသိသာသာ မပြောင်းလဲပေးပါဘူး။

ဒီပြောင်းလဲမှုကို ပရီဘိုင်အိုတစ်တွေက ပြုလုပ်ပေးတာဖြစ်ပြီး အူလမ်းကြောင်းရှိ ကောင်းကျိုးပြု ဘက်တီးရီးယားများ ပွားများလာအောင် ပြုလုပ်ပေးပါတယ်။

ပရီဘိုင်အိုတစ် အများဆုံးပါဝင်တဲ့ အစားအစာပေါင်း ၈ ထောင်ကျော်ကို လေ့လာခဲ့ကြပါတယ်။

ပရီဘိုင်အိုတစ် အများဆုံးပါဝင်နေတာကတော့ ဒုဓလီ၊ ပဲပိုးတီ၊ ကြက်သွန်ဖြူ၊ ကြက်သွန်မြိတ်၊ ကြက်သွန်နီတို့ ဖြစ်ပါတယ်။

ထိုစားစရာတွေက တစ်ဂရမ်မှာ ပရီဘိုင်အိုတစ်ပါဝင်မှု ၁၀၀ - ၂၄၀ မီလီဂရမ်ရှိပါတယ်။

ပရီဘိုင်အိုတစ် အနည်းဆုံးပါဝင်တာကတော့ နို့ထွက်ပစ္စည်းတွေနဲ့ အသားတွေ ဖြစ်ပါတယ်။

တစ်နေ့တာ အနည်းဆုံးလိုအပ်တဲ့ ပရီဘိုင်အိုတစ်တွေ ရရှိရန် ကြက်သွန်နီဥတဝက်၊ ကြက်သွန်ဖြူ ၆ - ၇ မွှာ၊ ကြက်သွန်မြိတ် ၄ ပုံ ၁ ပုံ၊ ဒုဓလီခွက်တဝက်၊ ပဲပိုးတီ ၄ ပုံ ၁ ပုံခန့် စားသုံးရန် လိုအပ်ပါတယ်။
Source: The Jerusalem Post.
#World_Health
#YMG #Yangon_Times

ကိုဗစ်ပြီးနောက်ပိုင်း ရန်ကုန်အပါအဝင် တိုင်းနှင့်ပြည်နယ်တို့တွင် ဇီဝဇိုးဌက် မွေးမြူရေး လုပ်ငန်း လုပ်ကိုင်သူ ပိုများလာ

ဇီဝဇိုးငှက်ဟာ ကမ်းရိုတန်းပင်လယ်ပျော် ငှက်တွေဖြစ်ပေမယ့် အခက်ခဲ အမျိုးမျိုးတွေကြောင့် ဘေးကင်းတဲ့နေရာများကို လာရောက်နေထိုင်ရာမှ ခေတ်မှီနည်းပညာများ နဲ့ ငှက်များလာရောက် အသိုက်ဆောက်နေထိုင်ဖို့ ဆောင်ရွက်ပေးခြင်းဖြင့် ငှက်သိုက် ရရှိနိုင်တဲ့အတွက် ဇီဝဇိုးမွေးမြူရေး လုပ်ငန်းကို စိတ်ဝင်စားသူ များလာတယ်လို့ ဆိုပါတယ်။
#Yangon_Times/LW
#Published_ 23 September 2023
#Local_News
#YMG #Yangon_Times #Yangon_Media_Group

၂၄ စက်တင်ဘာ ၂၀၂၃

တရုတ်နိုင်ငံ ကျက်ကျန်းပြည်နယ်မြို့တော် ဟန်ကျူးတွင် စက်တင်ဘာ ၂၃ ရက်ညနေက ၁၉ကြိမ်မြောက် အာရှအားကစားပွဲ ဖွင့်ပွဲကျင်းပခဲ့ရာ တရုတ်သမ္မတ ရှီကျင့်ဖျင် တက်ရောက်ဖွင့်လှစ်ပေးခဲ့ပါတယ်။

Source CCTV+

Published_ 24 September 2023

 စက်တင်ဘာလအတွင်း ပြည်ပအလုပ်အကိုင်အေဂျင်စီ ၁၀ခုကို လုပ်ငန်းလုပ်ကိုင်ခွင့် ထပ်တိုးခွင့်ပြုပေးခဲ့ကြောင်း အလုပ်သမားဝန်ကြီးဌာန၏ စာရင်း ထုတ်ပြန်မှုအရသိရသည်။

      လက်ရှိမှာ ပြည်ပအလုပ်အကိုင်ရှာဖွေရေးအေဂျင်စီ ၄၈၀ နီးပါးရှိလာပြီး သြဂုတ်လအတွင်း အေဂျင်စီအသစ် ၁၂ခု ထပ်တိုးဖွင့်လှစ်ခဲ့ကာ စက်တင်ဘာလမှာလည်းနောက်ထပ်၁၀ခုထပ်တိုးလာ ခြင်းဖြစ်ကြောင်းသိရသည်။

       ပြည်ပအလုပ်အကိုင်ရှာဖွေရေးအေဂျင်စီအရေအတွက် မှာ ကိုဗစ်မဖြစ်ခင်ကာလ က၃၀၀လောက်သာရှိခဲ့ပြီးကိုဗစ်ဖြစ်ပြီးနောက်ပိုင်းတွင်ပိုမိုများပြားလာခြင်း ဖြစ်သည်။

 "" ကိုဗစ်ဖြစ်ပြီး နောက်ပိုင်းမှာ အေဂျင်စီအသစ်တွေ ပိုများလာတယ် ပြည်ပထွက်ပြီး
အလုပ်လုပ်တဲ့သူကလဲ အရမ်းများလာတယ်ဒါကြောင့်  စီးပွားရေးသမား အချို့က 
ဒီဘက်မှာ လာပြီး လုပ်ကိုင်လာကျတယ်၊လက်တလော ပြည်ပအလုပ်အကိုင် ဈေးကွက်က ပုံမှန်ပါဘဲ အရမ်းကောင်းနေတာမျိုးမဟုတ်ပါဘူး""ဟု ပြည်ပအလုပ်အကိုင်ရှာဖွေရေးအေဂျင်စီတစ်ခုမှ တာဝန်ရှိသူတစ်ဦးကပြောသည်။

    ပြည်ပအလုပ်အကိုင်အေဂျင်စီလိုင်စင်လျှောက်ထားရာတွင် အာမခံငွေကျပ်သိန်း၂၀၀အပြင် မန်နေဂျင်းဒါရိုက်တာ တဦးတည်းအမည်ဖြင့်ဘဏ်ထဲတွင် ကျပ်သိန်းတထောင်စုဆောင်းထားရှိကြောင်းသက်သေပြရမည်ဖြစ်ကာ လစဥ်ငွေရှိနေမူအခြေအနေကိုလည်းတင်ပြရမည်ဖြစ်သည်။

    အဆိုပါ ငွေကျပ်သိန်းတစ်ထောင်ကိုခြောက်လပြည့်ပြီးပါက ဘဏ်ကနေထုတ်ပြီးလှည့်လည်သုံးစွဲခွင့်ရှိသော်လည်းလိုင်စင်သက်တမ်းတိုးလျှောက်ရာတွင် ဘဏ်ထဲကျပ်သိန်းတထောင်ရှိသည့် အချက်အလက်ပြန်ပြရမည်ဖြစ်ကြောင်း အလုပ်သမားညွန်ကြားရေးဦးစီးဌာနကထုတ်ပြန်ထားသည်။

     လိုင်စင်ရရှိပါက နိူင်ငံအလိုက် နှစ်စဥ်အနည်းဆုံးပို့ရမယ့် အလုပ်သမားစာရင်း
များမှာ  ထိုင်း  ၁၅၀ဦး၊ မလေးရှား ၄၀ဦး၊ ဂျော်ဒန်၂၅ဦး၊ စင်ကာပူ၊ယူအေအီး၊ကာတာ၊ မကာအို  ၁၀ဦးစီနှင့်ဂျပန်ကို ၆ဦး ပို့ပေးနိူင်ရမည်ဟု သတ်မှတ်ထားကြောင်းသိရသည်။
Yangon Time/LW
#Local_News
#YMG #Yangon_Times

Published 24 September 2023

အိပ်ရေးပျက်ခြင်း အခြေအနေဟာ နှလုံးကျန်းမာရေးကို ဆိုးရွားစွာ ထိခိုက်စေပါတယ်။

အိပ်ချိန် မလုံလောက်ခြင်းကြောင့် နှလုံးသွေးကြောရောဂါများဖြစ်တဲ့ သွေးပေါင်ချိန်များခြင်း၊ အဝလွန်ခြင်း၊ နှလုံးရောဂါ၊ လေဖြတ်ခြင်းတို့နဲ့ ဆက်စပ်နေကြောင်း သုတေသန တွေ့ရှိထားပါတယ်။

၂၀၂၁ လေ့လာချက်မှာလည်း အိပ်မပျော်ခြင်းကြောင့် နှလုံးကို ထိခိုက်စေနိုင်ကာ ဖိစီးမှုများခြင်း၊ လှုပ်ရှားချင်စိတ် မရှိခြင်း၊ ကျန်းမာရေးနဲ့ မညီညွတ်တဲ့ အစားအစာများ စားမိခြင်းတို့ ဖြစ်လာနိုင်တယ်လို့ တွေ့ရှိထားပါတယ်။

ဒါ့အပြင် တစ်ညကို အိပ်ချိန် ၇ နာရီအောက်သာ ရှိတဲ့သူတွေဟာ နှလုံးဖောက်ခြင်း၊ စိတ်ဓာတ်ကျခြင်းစတဲ့ ပြဿနာများ ပိုမိုကြုံတွေ့ရနိုင်ကာ နှလုံးရောဂါနဲ့ လေဖြတ်ခြင်းအန္တရာယ်များ များလာစေပါတယ်။

အိပ်ရေးပျက်တာ ပုံမှန်ဖြစ်လာပါက သွေးပေါင်ချိန်များခြင်း၊ နှလုံးအလုပ်မလုပ်ခြင်း၊ ကျောက်ကပ်ရောဂါတို့ ဖြစ်လာစေပါတယ်။

အရွယ်ရောက်ပြီးသူ အများစုဟာ တစ်ညကို ၇  - ၉ နာရီကြား အိပ်ချိန်ရှိသင့်တယ်လို့ အမေရိကန်နှလုံးအဖွဲ့အစည်းက အကြံပြုထားပါတယ်။

အိပ်စက်မှု အခြေအနေကလည်း အရေးပါနေပြီး တစ်နေ့တာ လုပ်ဆောင်ချက်၊ ခံစားမှုများအပေါ် သက်ရောက်နေပါတယ်။

နယူးဒေလီ ဖော်တစ်အက်စ်ကော့ဆေးရုံမှ နှလုံးအထူးကု ဒေါက်တာမိုဟစ်တန်ဒန်က ‘’ခန္ဓာကိုယ်ဟာ အိပ်နေစဥ်မှာ အလိုအလျောက် ပြုပြင်ထိန်းသိမ်းပေးပြီး သွေးပေါင်ချိန်၊ နှလုံးခုန်နှုန်း၊ သွေးတွင်းသကြားဓာတ်များကို ထိန်းညှိပေးတာကြောင့် အိပ်ချိန်မလုံလောက်တဲ့အခါ နှလုံးရောဂါများ ဖြစ်နိုင်ချေများပါတယ်’’ လို့ ပြောပြခဲ့ပါတယ်။

အိပ်ရေးမဝတဲ့အခါ ခန္ဓာကိုယ်ကနေ ဖိစီးမှုဟော်မုန်းတွေ ထွက်ရှိစေပြီး သွေးကြောများကျဥ်းစေကာ သွေးပေါင်ချိန် မြင့်တက်စေပါတယ်။

နှလုံးနဲ့ သွေးကြောတွေက ပြန်လည်ပြုပြင်ချိန်မရတော့ဘဲ ရောင်ရမ်းခြင်း၊ ဓာတ်တိုးဖိစီးခြင်း၊ ဟော်မုန်းမညီမျှခြင်းတို့ ဖြစ်စေကာ နှလုံးသွေးကြောစနစ်ကို ထိခိုက်စေပါတယ်။

နှစ်ခြိုက်စွာအိပ်ပျော်နိုင်စေမယ့် အကြံပြုချက်များကတော့..
(၁) အိပ်ချိန်ထချိန် ပုံမှန်သတ်မှတ်ကျင့်ကြံပါ။

(၂) ညမအိပ်ခင်မှာ ကော်ဖီ၊ အယ်လ်ကိုဟော၊ အလွန်အကျွံစားသုံးခြင်းတို့ကို ရှောင်ရှားပါ။

(၃) အိပ်ခန်းကို သက်တောင့်သက်သာဖြစ်အောင် ဖန်တီးပါ။

(၄) အိပ်ခါနီး ဖုန်း၊ ကွန်ပျူတာ၊ တီဗီတို့ ကြည့်ရှုခြင်း မပြုလုပ်ပါနှင့်။

(၅) လေ့ကျင့်ခန်းပုံမှန်ပြုလုပ်ပေးပြီး ညမအိပ်ခင် ၃ နာရီခွာပြီး ပြုလုပ်ပါ။

(၆) နေ့ခင်းတစ်ရေးအိပ်ခြင်းကို အကန့်အသတ်ဖြင့်သာ အိပ်စက်ပါ။

(၇) ပုံမှန်အိပ်ပျော်ရန် ခက်ခဲလျှင် ဆရာဝန်နှင့် တိုင်ပင်ဆွေးနွေးပါ။
Source: India Today.
#World_Health
#YMG #Yangon_Times #Yangon_Media_Group

Published_ 24 September 2023

ရန်ကုန်တိုင်းအတွင်း ယနေ့ နံနက် ပိုင်းတွင် အချို့မြို့နယ်များ၌နောက်ဆက်တွဲ ငလျင် ထပ်မံ လှုပ်ခတ်သွားကြောင်း ရန်ကုန်မြို့နေပြည်သူများထံကသိရသည်။

  စက်တင်ဘာ၂၃ရက် ည၈နာရီ၅၃မိနစ်ခန့်ကအနောက်တောင်ဘက် ၁၂ မိုင် ခန့် အကွာ ဗဟိုပြု၍ အင်အား ရစ်(ခ်)တာစကေး ၅ ဒသမ ၁ အဆင့်ရှိ အင်အား အသင့် အတင့်ရှိသော မြေငလျင် လှုပ်ရှားခဲ့ပြီးနောက် ဆက်လက်လှုပ်ခပ်ခြင်း ဖြစ်သည်။

""တိုက်ကြီး မှာတော့ စက်တင်ဘာ၂၄ရက် နံနက်၂နာရီ၁၁မိနစ်လောက်မှာတကြိမ်၊၂နာရီ
၅၃မိနစ်မှာတစ်ကြိမ်  ၅နာရီ၁၀မိနစ်လောက်မှာတကြိမ် လှုပ်တယ် ညက လှုပ်တာလောက်တော့မပြင်းဘူး နောက်ဆက်တွဲ ငလျင်အသေးစား လှုပ်တာထင်တယ် ""ဟု တိုက်ကြီးမြို့နယ်ရှိ ပြည်သူတစ်ဦးကပြောသည်။

   စက်တင်ဘာ၂၃ရက် ည၈နာရီ၅၃မိနစ်ကလှုပ်ခတ်ခဲ့သည့်ငလျင် ကြောင့်တိုက်ကြီးမြို့နယ်ရှိ  ပန်းတပွင့်တောင်ဗုဒ္ဓသာသနာပြုတက္ကသိုလ် ဝန်းအတွင်းရှိကျောင်းအဆောက်အဦး တစ်ခုလဲ အုတ်နံရံပြိုကျမှုဖြစ်ခဲ့ကြောင်း သိရသည်။
   
     ရန်ကုန်နှင့်ပဲခူးတို့တွင် ငလျင်များ လှုပ်ခတ်လျက်ရှိရာ စက်တင်ဘာ၂၃ရက် ညနေ ၅ နာရီ ၃၃ မိနစ် ဝန်းကျင်အချိန်က ပဲခူးတိုင်း၊ ဒိုက်ဦးမြို့၏ အနောက်ဘက် ၂၁ မိုင် အကွာကို ဗဟိုပြု၍ အင်အား ရစ်ချ်တာစကေး ၃ ဒသမ ၇ ငလျင် နှင့်ယမန်နေ့ည ၈ နာရီ ၅၄ မိနစ်အချိန် ပဲခူးမြို့၏ အနောက်တောင်ဘက် ၁၂ မိုင် ခန့် အကွာ ဗဟိုပြု၍ အင်အား ရစ်(ခ်)တာစကေး ၅ ဒသမ ၁ အဆင့်ရှိ အင်အား အသင့် အတင့်ရှိသော မြေငလျင် လှုပ်ရှားခဲ့ကြောင်း မိုးလေဝသနှင့် ဇလဗေဒညွှန်ကြားမှု ဦးစီးဌာနက သတင်းထုတ်ပြန်ထား ပြီး စက်တင်ဘာ၂၄ရက်နံနက်၆နာရီ၃၀မိနစ်အထိ ဆက်လက်ထုတ်ပြန်သတင်းထုတ်ပြန်ခြင်းမရှိသေးကြောင်းသိရသည်။
Yangon Time/LW
#Local_News
#YMG #Yangon_Times

ပုပ္ပားအဘထွက်ပွဲသို့ သွားရောက်လိုသူများ ထောင်ချီရှိ

‘အဘထွက်ပွဲကို မသွားရတာကြာပြီဖြစ်တဲ့ ပြည်တွင်း၊ပြည်ပမှ အဘရဲ့သားသမီးတွေလည်း အခုနှစ်မှာ ပုပ္ပား အဘထွက်ပွဲကို သွားရောက်ပူဇော်ကန်တော့ကြမှာဖြစ်ပါတယ်။ကြိုတင်ဘိုကင်တင်ထားသူ ထောင်ချီရှိပါ တယ်’ ပြည်တွင်းဘုရားဖူးလုပ်ငန်း(ရွှေလမ်းခရီး)မှ တာဝန်ရှိသူတစ်ဦး
#Yangon_Times/tthl
#Published_ 23 September 2023
#Local_News
#YMG #Yangon_Times #Yangon_Media_Group

Published_ 24 September 2023

ညဘက်နောက်ကျမှ အချို့သော စားစရာတွေ စားသောက်ခြင်းဖြင့် အိပ်ပျော်ဖို့ ခက်ခဲစေတတ်ပြီး ဒီလိုမျိုး ညဘက်အိပ်ပျော်ဖို့ကို အနှောင့်အယှက်ဖြစ်စေတဲ့ စားစရာ  ၅ မျိုးကို Benenden Health မှာ ဖော်ပြထားပါတယ်။

ညဘက်နောက်ကျမှ မစားသောက်သင့်သလို ဗိုက်ဟောင်းလောင်းအနေနဲ့လည်း မအိပ်သင့်ကြောင်း၊ စားသောက်တဲ့ ပမာဏကို အချိုးကျ ပိုင်းခြားသင့်သလို ညအိပ်ခါနီးချိန်မှ ကော်ဖီနဲ့ သကြားစားသောက်တာကိုလည်း ရှောင်ရှားသင့်တယ်လို့ ပညာရှင်များက မှတ်ချက်ပြုထားပါတယ်။

ဒါကြောင့် ညအိပ်ခါနီး မစားသင့်တဲ့ စားစရာများကို ဖော်ပြလိုက်ပါတယ်။
 
(၁) ချောကလက်
ချောကလက်မှာ ကဖင်းဓာတ်ပါဝင်တာကြောင့် ညအိပ်စက်မှုစက်ဝန်းကို အနှောင့်အယှက်ဖြစ်စေပါတယ်။
 
(၂) ဒိန်ခဲ
အချို့သော ချိစ်တွေနဲ့ ဝက်ပေါင်ခြောက်၊ ကြက်သားနဲ့ ပက်ပါရိုနီတို့လို ထိန်းသိမ်းထားတဲ့ အသားတွေမှာ တိုင်ရာမင်းပမာဏ မြင့်မားစွာပါဝင်ပြီး နာရီအချို့ကြာတဲ့အထိ နိုးကြားနေစေပါတယ်။
 
(၃) အချို့သောဟင်းလျာ
ဟင်းလျာတွေနဲ့ အစပ်ပါဝင်တဲ့ စားစရာတွေမှာ ကပ်ဆိုင်စင်ပါဝင်ပြီး ခန္ဓာကိုယ်အပူချိန် ထိန်းညှိခြင်း ဖြစ်ပေါ်စေတာကြောင့် အိပ်စက်မှုကို နှောင့်ယှက်စေပါတယ်။
 
(၄) ရေခဲမုန့်
လူတွေက ထမင်းစားပြီးရင် အချိုပွဲအနေနဲ့ ရေခဲမုန့်လေး စားချင်ကြပေမယ့် အိပ်ချိန်နဲ့ အရမ်းကြီး နီးကပ်မနေဖို့ လိုအပ်ပါတယ်။
ဒီလိုစားစရာတွေက သွေးထဲက သကြားဓာတ်ကို မြင့်တက်စေကာ အိပ်ပျော်ကာစအချိန်မှာ ထိုးကျသွားပြီး ခန္ဓာကိုယ်ကို နိုးကြားစေပါတယ်။
 
(၅) အာလူးကြော်
အငန်ဓာတ်ပါဝင်တဲ့ စားစရာတွေထဲက ဆားဓာတ်ကြောင့် ရေခန်းခြောက်ခြင်း ဖြစ်ပေါ်စေပြီး ရေပိုမိုဆွဲထားကာ ပင်ပန်းနွမ်းနယ်စေပါတယ်။
ဒါဟာ ပိုမိုအိပ်ပျော်စေတယ်လို့ ထင်ရပေမယ့် တကယ်တမ်းမှာ အိပ်စက်မှုကို အနှောင့်အယှက် ဖြစ်စေတယ်လို့ European Society of Endocrinology က လေ့လာဖော်ပြထားပါတယ်။
 
ချယ်ရီသီး၊ ပျားရည်၊ ငှက်ပျောသီး၊ ကြက်ဆင်၊ ဗာဒံသီးတို့ကတော့ မယ်လာတိုနင် ပိုမိုထွက်ရှိစေကာ အိပ်စက်ခြင်းကို အထောက်အကူဖြစ်စေတယ်လို့ ဖော်ပြထားပါတယ်။
Source: New York Post.
#World_Health
#YMG #Yangon_Times #Yangon_Media_Group

တရုတ်၌ကျင်းပသည့် ဂိုးလ်ဒင်းပန်ဒါဆုပေးပွဲတွင် နိုင်ငံဒေသအသီးသီးမှယဥ်ကျေးမှုများ ဖလှယ်ခွင့်ရရန် နိုင်ငံတကာရုပ်ရှင်ထုတ်လုပ်သူများမျှော်လင့်

တရုတ်နိုင်ငံ အနောက်တောင်ပိုင်း စီချွမ်ပြည်နယ်မှာ ကျင်းပပြုလုပ်တဲ့ ဂိုးလ်ဒင်းပန်ဒါဆုပေးပွဲ အခမ်းအနားကို တက်ရောက်လာတဲ့ နိုင်ငံတကာမှ ရုပ်ရှင်ထုတ်လုပ်သူများဟာ ရုပ်မြင်ဇာတ်ကားများရဲ့ စွမ်းအားများဖြင့် ကမ္ဘာလုံးဆိုင်ရာ နားလည်မှုများ ပိုမိုရရှိရန် အကူအညီဖြစ်စေပြီး ယဥ်ကျေးမှုဖလှယ်မှုများ ရရှိရန် မျှော်လင့်နေကြပါတယ်။
#World_Event
#Published_ 23 September 2023
#YMG #Yangon_Times #Yangon_Media_Group

၂၃ စက်တင်ဘာ ၂၀၂၃

စာဆိုတော် ရှင်မဟာရဋ္ဌသာရ၏ ၅၅၅ နှစ်မြောက်မွေးနေ့ အထိမ်းအမှတ် အခမ်းအနားကို စက်တင်ဘာ ၂၃ ရက် မနက်က နေပြည်တော်ရှိ မြန်မာ အပြည်ပြည်ဆိုင်ရာ ကွန်ဗင်းရှင်းဗဟိုဌာန-၂ ၌ ကျင်းပပြုလုပ်နစက ဥက္ကဋ္ဌ နိုင်ငံတော်ဝန်ကြီးချုပ်ဗိုလ်ချုပ်မှူးကြီးမင်းအောင်လှိုင်နှင့်ဇနီးဒေါ်ကြူကြူလှတို့ တက်ရောက်ခဲ့ပါတယ်။

ရှေးဦးစွာ ဗိုလ်ချုပ်မှူးကြီးသည် စာဆိုတော် ရှင်မဟာရဋ္ဌသာရ ၅၅၅ နှစ်မြောက် မွေးနေ့အထိမ်းအမှတ်ပြခန်းအတွင်း လှည့်လည်၍ စာဆိုတော် ရှင်မဟာရဋ္ဌသာရ၏ ဘဝမှတ်တမ်းများ၊ မှတ်တမ်းဓာတ်ပုံများ၊ ရေးသား ပြုစုတော်မူခဲ့သည့် စာပေနှင့် ပေကျမ်းများ၊ ခေတ်ပြိုင်စာဆိုတော်များ၊ စာဆိုတော် ရှင်မဟာရဋ္ဌသာရ ကို ဂုဏ်ပြုရေး သားထားသည့်  ဆောင်းပါးများ ခင်းကျင်းပြသ ထားရှိမှုကို စိတ်ဝင်တစား ကြည့်ရှုလေ့လာခဲ့တယ်လို့ နစကရဲ့သတင်းထုတ်ပြန်ချက်အရသိရပါတယ်။

အဲဒီနောက် စာဆိုတော် ရှင်မဟာရဋ္ဌသာရ ၅၅၅ နှစ်မြောက်မွေးနေ့ အထိမ်း အမှတ် စာတမ်းဖတ်ပွဲ ဖွင့်ပွဲအခမ်းအနားကို ဆက်လက် ကျင်းပရာ သာသနာရေးနှင့် ယဉ်ကျေးမှု ဝန်ကြီးဌာန ပြည်ထောင်စုဝန်ကြီး ဦးတင်ဦးလွင် က အဆိုပါအခမ်းအနားကျင်းပရခြင်းနှင့် စပ်လျဉ်း၍ ရှင်းလင်း တင်ပြခဲ့ပါတယ်။

အဲဒီနောက် သမိုင်းသုတေသနနှင့် အမျိုးသား စာကြည့်တိုက်များဦးစီးဌာန ညွှန်ကြားရေးမှူး ဒေါက်တာ လဲ့လဲ့ဝင်း၊ ဦးအမ်းယုမောင် (မောင်လူမွှေး-မြန်မာမှု)၊သမိုင်းသုတေသနနှင့် အမျိုးသား စာကြည့်တိုက်များ ဦးစီးဌာန ညွှန်ကြားရေးမှူး ဒေါက်တာ ထွန်းထွန်းဦးနှင့် ပြင်ပပညာရှင် ဦးသူရဇော် က ရှင်မဟာ ရဋ္ဌသာရနှင့်ပတ်သက်သည့် စာတမ်းအသီးသီးကိုဖတ်ကြားခဲ့ကြပါတယ်။

နစကဥက္ကဋ္ဌနှင့် တက်ရောက်လာကြသူတွေဟာ စာဆိုတော် ရှင်မဟာရဋ္ဌသာရ ၅၅၅ နှစ်မြောက် မွေးနေ့အထိမ်းအမှတ် ကပြဖျော်ဖြေတင်ဆက်ကြသည့် “ကျေးဇူးသစ္စာ ပန်းအလင်္ကာ” ဂုဏ်ပြု တေးဂီတ ကဇာတ် ကိုကြည့်ရှု   အားပေးခဲ့ကြတယ်လို့သတင်းထုတ်ပြန်ချက်မှာဖော်ပြထားပါတယ်။

မြန်မာတို့၏ စာပေသမိုင်းတွင် ယနေ့ထက်တိုင် အမြတ်တနိုး တန်ဖိုးထား၍ လေ့ လာဖတ်ရှုပြီး အတုယူစံထားရသည့် စာပေပညာရှင်များ အမြောက်အများ ပေါ်ထွန်းခဲ့  ယင်းစာပေပညာရှင်များအနက် အင်းဝခေတ် သက္ကရာဇ်(၈၃၀) က ပေါ်ထွန်းခဲ့သည့် ရှင်မဟာရဋ္ဌသာရ သည်လည်း တစ်ပါးအပါအဝင်ဖြစ်ပါတယ်။

စာဆိုတော် ရှင်မဟာရဋ္ဌသာရ ရေးသားခဲ့တဲ့ ကဗျာလင်္ကာများအနက် မြန်မာနိုင်ငံ စာပေသင်ကြားမှုသမိုင်းတွင် အထင်ကရ ရှိခဲ့သည့် သင်ကြားမှုနည်းစနစ်တစ်ခုမှာ “သု၊ စိ၊ ပု၊ ဘာ၊ ဝိ၊ လိ၊ သိ၊ ဓာ” “အက္ခရာစွဲသုံး ဤရှစ်လုံးကို သီကုံးပန်းသွင် နေ့တိုင်းဆင်လော့” ဟူသည့် ဆုံးမစာ လင်္ကာသွားပင်ဖြစ်ကြောင်းသိရှိရပါတယ်။

Knl/ymg

#Daily_News
Published_ 23 September 2023

၁။ ယခုနှစ်အတွက် လှည်းကူးမြို့၌ ခရီးသွားSiteများ ပြင်ဆင်ထားပြီဖြစ်၊ ဒါးပိန်ပန်းပုရွာ၊ ဆုံဆီ၊ ကနုကမာနှင့် ကြိမ်ထည်လုပ်ငန်းများ လေ့လာနိုင်ဟုဆို

၂။ YUFLမှ ဖွင့်လှစ်မည့် နိုင်ငံခြားသာသာအွန်လိုင်းသင်တန်းများနှင့် Face to Faceသင်တန်းများကျောင်းအပ်လက်ခံရက် ထပ်မံတိုးမြှင့်

၃။ ဒညင်းကုန်း လက်ကားဈေးကြီးမှ ကုန်ပစ္စည်းများကို အဝယ်တော်အပလီကေးရှင်း ကနေလက်လီ လက်ကားဝယ်ယူ နိုင်တယ်လို့ဆို

၄။ တရုတ်၌ကျင်းပသည့် ဂိုးလ်ဒင်းပန်ဒါဆုပေးပွဲတွင် နိုင်ငံဒေသအသီးသီးမှ ယဥ်ကျေးမှုများဖလှယ်ခွင့်ရရန် နိုင်ငံတကာရုပ်ရှင်ထုတ်လုပ်သူများ မျှော်လင့် .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

Published_ 23 September 2023

ဆီးဂိမ်းရွှေတံဆိပ်ဆုရှင် မြန်မာ့လက်ရွေးစင်ဘိလိယက်ကစားသမား ဦးပေါက်စကို နည်းပြအဖြစ် အင်ဒိုနီးရှားနိုင်ငံမှ ငှားရမ်းခဲ့ပြီး စက်တင်ဘာလ၁၆ရက်တွင် အင်ဒိုနီးရှားနိုင်ငံသို့ထွက်ခွာသွားပြီဖြစ် ကြောင်းမြန်မာဘိလိယက်နှင့်စနူကာအဖွဲ့မှသိရသည်။

အင်ဒိုနီးရှားနိုင်ငံမှ နည်းပြအဖြစ်Contract စာချုပ်ချုပ်ဆိုပြီး စာချုပ်အရစားရိတ်ငြိမ်း(4)လ၊တစ်လလျှင် US$ dollar 3000ဖြင့်သွားရောက်သင်ကြားပေးရမည်ဟုဆိုသည်။

မြန်မာ့လက်ရွေးစင်ဘိလိယက်ကစားသမား ဦးပေါက်စသည် တိတ်တဆိတ်လူသတ်သမား(Silent killer)ဆိုတဲ့ (nick name) နဲ့နိုင်ငံတကာ အားကစားသမားတွေကြား လူသိများသူဖြစ်ပြီး အမှတ် (1000) break ထိုးနိုင်သူ ဖြစ်ကြောင်း၊ ယနေ့ကာလတွင်အမှတ်(1000)break ထိုးနိုင်သူ ကမ္ဘာတလွှား တွင်ပင်သက်ရှိထင်ရှား (5)ယောက်ပင်မရှိတော့ကြောင်း မြန်မာဘိလိယက်နှင့်စနူကာအဖွဲ့ဥက္ကဌ၏ရေးသားချက်အရသိရသည်။

‘‘မြန်မာအားကစားသမားတယောက် နိုင်ငံခြားထွက်ပြီးနည်းပြပေးရတာ တစ်ခြားနိုင်ငံတစ်ခုက မြန်မာတစ် ယောက်ကိုနည်းပြအဖြစ်ခေါ်ယူ ငှားရမ်းခဲ့တာ ကျွန်တော်မကြားဘူးပါ၊ရှိခဲ့ရင်လည်း ရှားရှားပါးပါးဘဲဖြစ်မှာပါ’’ဟု မြန်မာဘိလိယက်နှင့်စနူကာအဖွဲ့ဥက္ကဌမှသူ၏လူမှုကွန်ရက်ပေါ်တွင်သုံးသပ်ရေးသားထားသည်။

ဦးပေါက်စသည်2022 Vietnam နိုင်ငံမှာ ကျင်းပတဲ့ SEA Games ပြိုင်ပွဲနှင့်2023 Cambodia နိုင်ငံမှာကျင်းပတဲ့ SEA Games ပြိုင်ပွဲ ဘိလိယက်တစ်ဦးချင်းပြိုင်ပွဲများမှ နိုင်ငံအတွက်ရွှေတံဆိပ် (2)ခုရယူပေးနိုင်သူတစ်ဦး ဖြစ်ပြီး ဇူလိုင်လတုန်းကလည်းမလေးရှားနိုင်ငံသို့ နည်းပြအဖြစ် သွားရောက်ခဲ့ပြီးပြီဖြစ်ကြောင်းလည်းသိရသည်။
#Yangon_Times/tthl
#Local_News
#YMG #Yangon_Times #Yangon_Media_Group