#World_Research
Published 21 January 2024

ခွေးတွေ အမြီးလှုပ်ပြတာဟာ ပျော်ရွှင်မှုကို ဖော်ပြချင်ရုံသာမက အခြားသော ရှုပ်ထွေးတဲ့ ခံစားချက်များကိုလည်း ပြောပြချင်တဲ့ သဘောဖြစ်နေနိုင်ကြောင်း မကြာသေးမီက လေ့လာမှုမှာ တွေ့ရပါတယ်။

ခွေးတွေမှာ အမြီးလှုပ်တာနဲ့ ပတ်သက်ပြီး ဖြစ်ပေါ်လာပုံ အဓိကသီအိုရီကြီး ၂ မျိုးကို ဥရောပသုတေသနအဖွဲ့က လေ့လာဖော်ပြခဲ့ပါတယ်။

လေ့လာချက်အရ ခွေးတွေဟာ ကောင်းမွန်တဲ့ ခံစားချက်ရတဲ့အခါ အမြီးကို လက်ယာဘက်သို့ ပိုစောင်းကာလှုပ်လေ့ရှိပြီး မကောင်းတဲ့ ခံစားချက်မျိုးဆိုရင်တော့ လက်ဝဲဘက်သို့ ပိုစောင်းကာ အမြီးလှုပ်ကြပါတယ်။

 အမြီးလှုပ်ခြင်းနဲ့ ဟော်မုန်းထွက်ရှိမှုတွေက ဆက်စပ်နေနိုင်ပြီး အထူးသဖြင့် ဖိစီးမှုဟော်မုန်းဖြစ်တဲ့ ကော်တီဆောလ်နဲ့ ဆက်စပ်နေနိုင်တယ်လို့ ဖော်ပြထားပါတယ်။

တိရိစ္ဆာန်အများစုက သူတို့ရဲ့အမြီးတွေကို လှုပ်ရှားခြင်း၊ ဟန်ချက်ထိန်းခြင်း၊ ပိုးမွှားဖယ်ရှားခြင်းတို့အတွက် အသုံးပြုကြပေမယ့် လူတွေနဲ့ ယဥ်ပါးလာတဲ့ ခွေးတွေကတော့ သူတို့ရဲ့အမြီးကို ဖော်ထုတ်ပြောပြဖို့အတွက် အဓိကအသုံးပြုကြတယ်လို့ မက်စ်ပလန့်ခ်တက္ကသိုလ်မှ သုတေသနပြုစုသူ ဆီလ်ဗီယာလီယိုနက်တီက ပြောပြခဲ့ပါတယ်။

ဝံပုလွေတွေနဲ့ ယှဥ်ရင် ခွေးတွေက ငယ်စဥ်ကတည်းက မကြာခဏ အမြီးလှုပ်တတ်ပြီး လူတွေက စတင်မွေးစားလိုက်ပြီးနောက် ဒီလိုအပြုအမူ ပြောင်းလဲဖြစ်ပေါ်လာတာ ဖြစ်နိုင်ကာ သူတို့ရဲ့သခင်တွေနဲ့ ပြောဆိုဆက်ဆံရန် အမြီးလှုပ်တဲ့ အလေ့အကျင့် ပေါ်ပေါက်လာတာ ဖြစ်နိုင်ပါတယ်။

နောက်ထပ်လေ့လာချက်မှာ ခွေးတွေက အစားစားချင်တဲ့အချိန် လူတွေရှိတဲ့အချိန်နဲ့ မရှိတဲ့အချိန်တို့ကို နှိုင်းယှဥ်ရာမှာ လူတွေရှိတဲ့အခါ အမြီးလှုပ်ကြပြီး ဒါဟာ တောင်းဆိုချင်တဲ့ လက္ခဏာလည်း ဖြစ်နေပါတယ်။

ဒါတွေကိုအခြေခံပြီး လူတွေကနေ မွေးစားလိုက်ခြင်းက ခန္ဓာဗေဒနဲ့ အပြုအမူပိုင်းတို့မှာ ပြောင်းလဲမှုများ ဖြစ်ပေါ်လာပြီး အမြီးလှုပ်တဲ့ အလေ့အကျင့် ပြောင်းလဲလာစေတယ်လို့ ဖော်ပြထားပါတယ်။

ခွေးတွေအမြီးလှုပ်တဲ့အကြောင်း ယူဆလို့ရလာပေမယ့် အခုမှ အပေါ်ယံလေးသာ တွေ့ရှိထားတာဖြစ်တယ်လို့ အန်ဒရီယာရာဗစ်နာနီက ဆိုပါတယ်။

ခွေးတွေက သူတို့ရဲ့အပြုအမူတွေကို ဘယ်လိုထိန်းချုပ်လဲ၊ အခြားခွေးတွေကြား အမြီးလှုပ်ပြီး ဘယ်လိုအဓိပ္ပာယ်ဖော်နိုင်လဲ ဆိုတာတွေက စဥ်းစားစရာ ဖြစ်နေပါတယ်။

#World_Research #ခွေးများအမြီးလှုပ်ခြင်း #ပျော်ရွှင်မှုထက်ပိုသောခံစားချက် #Source: WION

#Local_News
Published 21 January 2024

ပုသိမ် - ချောင်းသာ၊ ပုသိမ်-ငွေဆောင်လမ်းကြောင်းပေါ်ရှိ ဘေလီတံတားအားနှင့် ရန်ကုန် - ပုသိမ်လမ်းကြောင်းအား အဆင့်မြှင့်တင်မှုများ ဆောင်ရွက်မည်ဖြစ်ကြောင်း သိရပါတယ်။

ဇန်နဝါရီ ၂၀ ရက်က ဧရာဝတီတိုင်းဒေသကြီး ပုသိမ်မြို့သို့ရောက်ရှိနေတဲ့ နစက ဥက္ကဋ္ဌ၊ နိုင်ငံတော်ဝန်ကြီးချုပ် ဗိုလ်ချူပ်မှူးကြီးမင်းအောင်လှိုင်က မြို့မိမြို့ဖများနှင့်တွေ့ဆုံစဉ် ယင်းတို့၏တင်ပြချက်များအပေါ် သက်ဆိုင်ရာပြည်ထောင်စုဝန်ကြီးများက ပြန်လည်ရှင်းလင်းဖြေကြားရာတွင် ရေရှည်စီမံချက်များချမှတ်၍ နှစ်အလိုက်ခွင့်ပြုဘတ်ဂျက်များဖြင့် စီမံဆောင်ရွက်ပေးသွားမယ်လို့ ကတိပေး ပြောကြားခဲ့တာဖြစ်တဲ့အကြောင်း သတင်းထုတ်ပြန်ချက်များမှာ ဖော်ပြထားပါတယ်။

ဗိုလ်ချုပ်မှူးကြီးနှင့်တွေ့ဆုံရာတွင် ဒေသခံများက ပုသိမ် - ချောင်းသာနှင့် ပုသိမ် - ငွေဆောင်တို့အား ဆက်သွယ်ထားရှိသည့် လမ်းကြောင်းများပေါ်ရှိ ဘေလီတံတားနှစ်စင်းကို အဆင့်မြှင့်တင်ဆောင်ရွက်ပေးစေဖို့၊ ရန်ကုန် - ပုသိမ်ကားလမ်း အဆင့်မြှင့်တင်ဆောင်ရွက်ပေးစေဖို့နှင့် ကုန်စည်ကူးသန်းရောင်းဝယ်မှုများ ပိုမိုလျင်မြန်ချောမွေ့စေရေးအတွက် ပုသိမ်မြို့အဝင်၌ အဆင့်မြင့်ကုန်စည်ကားဝင်းတစ်ခု ဆောင်ရွက်ပေးဖို့ တင်ပြခဲ့ကြတာဖြစ်ပါတယ်။

ဗိုလ်ချုပ်မှူးကြီးက ဒေသဖွံ့ဖြိုးတိုးတက်ရေးအတွက် ပုသိမ်လေဆိပ်ကို အဆင့်မြှင့်တင်ဆောင်ရွက်ပေးသွားမည်ဖြစ်ပြီး နိုင်ငံတကာမှ လေယာဉ်များဆင်းသက်နိုင်သည်အထိ ဆောင်ရွက်ပေးနိုင်ရေး စီမံလျက်ရှိကြောင်းပြောကြားခဲ့ပါတယ်။

ဒေသတွင်းခရီးသွားလာရေးလုပ်ငန်း ဖွံ့ဖြိုးတိုးတက်ရေးအတွက် ဆက်သွယ်ရေးလမ်းကြောင်းများကို အဆင့်မြှင့်တင် ပေးသွားမည်ဖြစ်သဖြင့် လမ်းကြောင်းများပေါ်ရှိ မြို့ရွာများ စနစ်ကျနမှုရှိစေရေး၊ သန့်ရှင်းသာယာလှပရေးကို ဆောင်ရွက်ကြရန်လိုပြီး မြို့ပြစီမံကိန်းများအနေဖြင့် စနစ်ကျနရန် လိုအပ်မယ်လို့လည်း ဗိုလ်ချုပ်မှူးကြီးက မှာကြားပါတယ်။

ဗိုလ်ချုပ်မှူးကြီးနှင့် အဖွဲ့ဝင်များသည် ပုသိမ်မြို့နယ်အတွင်းရှိ ပုသိမ်လေဆိပ်အဆင့်မြှင့်တင် ဆောင်ရွက် နေသည့်လုပ်ငန်းများ၊လမ်းပန်းဆက်သွယ်ရေးလမ်းကြောင်းများနှင့် တံတားများ၊ မြို့ပြဖွံ့ဖြိုးတိုးတက်မှုများ၊ ဧရာဝတီအပြည်ပြည်ဆိုင်ရာ စက်မှုဆိပ်ကမ်းနှင့် စက်မှုဇုန်များအား မော်တော်ယာဉ်များဖြင့် လှည့်လည်ကြည့်ရှုခဲ့ကြတယ်လို့လည်း သတင်းထုတ်ပြန်ချက်မှာဖော်ပြထားပါတယ်။

#Local_News #ပုသိမ်-ချောင်းသာ #ရန်ကုန်-ပုသိမ်လမ်းကိုအဆင့်မြှင့်မည် #-ymg/knl

#Local_News
Published 21 January 2024

အာဏာကိုဖြတ်လမ်းနည်းဖြင့် ရယူရန်ကြိုးပမ်းကြသည့်အတွက် အရှေ့မြောက်ဒေသတွင် တိုင်းရင်းသားလက်နက်ကိုင် ပဋိပက္ခတွေဖြစ်ပေါ်လျက်ရှိနေတယ်လို့ နစက ဥက္ကဋ္ဌ၊တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က ပြောကြားပါတယ်။

အနောက်တောင်တိုင်းစစ်ဌာနချုပ် ပုသိမ်တပ်နယ်မှ အရာရှိ၊ စစ်သည်၊ မိသားစုများအား တိုင်းစစ်ဌာနချုပ် ဧရာဝတီခန်းမ၌ ယမန်နေ့ ဇန်နဝါရီ ၂၀ ရက်က တွေ့ဆုံအမှာစကား ပြောကြားစဉ် ဗိုလ်ချုပ်မှူးကြီးက ရှင်းလင်းပြောကြားခဲ့ခြင်းဖြစ်ပါတယ်။

မြန်မာနိုင်ငံသည် ပြည်သူတစ်ရပ်လုံး လိုလားလျက်ရှိသည့် ပါတီစုံဒီမိုကရေစီစနစ်ပေါ်တွင် လျှောက်လှမ်းနေခြင်း ဖြစ်သည့်အတွက် ဒီမိုကရေစီကျင့်စဉ်နှင့် နည်းလမ်းများကို လေးစားလိုက်နာရန် လိုတယ်လို့လည်း တပ်ချုပ်က ဆက်လက်ပြောကြားတဲ့အကြောင်း သတင်းထုတ်ပြန်ချက်မှာဖော်ပြထားပါတယ်။

အဲဒါကြောင့် လွတ်လပ်၍ တရားမျှတသည့် ပါတီစုံဒီမိုကရေစီအထွေထွေရွေးကောက်ပွဲ ကျင်းပပြီးစီးပါက ထွက်ပေါ်လာသည့်အစိုးရအား နိုင်ငံတော်တာဝန်လွှဲအပ်နိုင်ရေးကို ဦးတည်ချက်ထား၍ ဆောင်ရွက်လျက်ရှိတယ်လို့လည်း ဗိုလ်ချုပ်မှူးကြီးက ပြောပါတယ်။

ဦးစီးခေါင်းဆောင်များအနေဖြင့်လည်း မိမိတို့၏လက်အောက်မှ အရာရှိ၊ စစ်သည်၊ မိသားစုများအတွက် ပတ်ဝန်းကျင်ကောင်းများ ဖန်တီးပေးနိုင်ရမည်ဖြစ်ပြီး ညီညွတ်မျှတသည့် အုပ်ချုပ်မှုပုံစံရှိရမည်ဖြစ်ကြောင်း၊ တပ်မှူးကောင်းသဖွယ် စိတ်ဓာတ်၊ ဖခင်သဖွယ်စိတ်ဓာတ်ဖြင့် ကွပ်ကဲအုပ်ချုပ်ရမည်ဖြစ်တယ်လို့လည်း တပ်ချုပ်က မှာကြားပါတယ်။

အမြဲတမ်းတိုက်ပွဲဝင်အသင့်ဖြစ်စေရေးအတွက် လေ့ကျင့်နေရမည်ဖြစ်ပြီး တာဝန်ထမ်းဆောင်ရာတွင် စစ်သားကောင်းစိတ်ဓာတ်မွေး၍ နေထိုင်ကျင့်ကြံဆောင်ရွက်ကြရန်နှင့် သင်ကြားပေးထားသည့် စစ်အတတ်ပညာများကို လက်တွေ့နယ်ပယ်တွင် ထိရောက်စွာအသုံးချရန်လိုတယ်လို့လည်း ဗိုလ်ချုပ်မှူးကြီးက ပြောတဲ့အကြောင်း သတင်းထုတ်ပြန်ချက်အရသိရပါတယ်။

အဆိုပါတွေ့ဆုံပွဲသို့ ဗိုလ်ချုပ်မှူးကြီးနှင့်အတူဇနီး ဒေါ်ကြူကြူလှ၊ ကာကွယ်ရေးဦးစီးချုပ် (ရေ) ဒုတိယဗိုလ်ချုပ်ကြီးဇွဲဝင်းမြင့်နှင့် ဇနီး၊ ကာကွယ်ရေးဦးစီးချုပ် (လေ) ဗိုလ်ချုပ်ကြီးထွန်းအောင်နှင့် ဇနီး၊ ကာကွယ်ရေးဦးစီးချုပ်ရုံးမှ အဆင့်မြင့်တပ်မတော်အရာရှိကြီးများနှင့် ဇနီးများ၊ အနောက်တောင်တိုင်းစစ်ဌာနချုပ်တိုင်းမှူး ဗိုလ်မှူးချုပ်ဝေလင်းနှင့် တာဝန်ရှိသူများ၊ ပုသိမ်တပ်နယ်မှ အရာရှိ၊ စစ်သည်၊ မိသားစုဝင်များ တက်ရောက်ခဲ့ကြတယ်လို့ သတင်းရရှိပါတယ်။

#Local_News #အရှေ့မြောက်ဒေသ #ပဋိပက္ခများ ဖြစ်ပေါ်နေ #ဗိုလ်ချုပ်မှူးကြီးပြော #-ymg/knl #Yangon_Media_Group #YMG_News #Yangon_Times

#World_Research
Published 21 January 2024

အမေရိကန်နဲ့ အစ္စရေးလ်တို့မှာ အချို့စုံတွဲတွေက မိမိနဲ့ သဘောထားဆန့်ကျင်သူတွေကို လက်မထပ်ရုံမက ကွဲလွဲမှုတွေကြောင့် ပြတ်စဲကြတာတွေ ရှိပါတယ်။

ခန့်မှန်းချက်တစ်ခုအရ အမေရိကန်တွေထဲက ၃၀ ရာခိုင်နှုန်းလောက်ဟာ မိမိနဲ့ နိုင်ငံရေးရှုထောင့် မတူညီသူများနဲ့ မေတ္တာသက်ဝင်နေကြပါတယ်။

ဒီမိုကရက်တစ်လိုလားသူတွေနဲ့ ရီပတ်ဘလစ်ကန်ဆန်သူတွေက ပြောဆိုဆက်ဆံရန် ခက်ခဲကြပြီး မီဒီယာဖော်ပြချက်တွေအကြောင်း ရှုမြင်ပုံတွေက အစွန်းရောက်နေကြပါတယ်။

 မိတ်ဆွေပေါင်းသင်းရေးတွေမှာလည်း နိုင်ငံရေးရှုထောင့် မတူညီတာကြောင့် အဆင်မပြေတာတွေ ရှိနေပါတယ်။

အီလီနွိုက်စ်မှ ပရော်ဖက်ဆာ အမ်မလီဗန်ဒင်းက နိုင်ငံရေးအမြင်မတူတဲ့ စုံတွဲမိတ်ဖက် ၆၇ ဦးကို ထဲထဲဝင်ဝင် မေးမြန်းလေ့လာခဲ့ပါတယ်။

နိုင်ငံရေးအကြောင်းနဲ့ မီဒီယာဖော်ပြချက်များအကြောင်း လူတွေပြောဆိုလိုခြင်း မပြောဆိုလိုခြင်းတို့အကြောင်းတွေကို လေ့လာဖော်ထုတ်ခဲ့ပါတယ်။

လူတွေက သူတို့လိုလားတဲ့ နိုင်ငံရေးရှုထောင့်ကနေ ဖော်ပြတဲ့ မီဒီယာတွေကို အားပေးကြတယ်လို့ ဆိုပါတယ်။

သတင်းဖော်ပြချက်တွေကြောင့် စုံတွဲများကြား ကွဲလွဲမှုများဖြစ်ပေါ်ကာ ကတောက်ကဆ ဖြစ်ကြပါတယ်။

စမ်းသပ်ပါဝင်သူတွေက သတင်းလာတဲ့အခါ မေတ္တာရေးမှာ အနှောင့်အယှက် ဖြစ်မယ်လို့ထင်ရင် မကြည့်ဘဲနေဖို့ ဆုံးဖြတ်ကြပါတယ်။

အချို့စုံတွဲတွေက သတင်းဖော်ပြချက်တွေကို မီဒီယာတစ်ခုကနေ အတူတူကြည့်ကြသလို အချို့တွေကတော့ သပ်သပ်စီ ကြည့်ရှုတတ်ကြပါတယ်။

စုံတွဲတွေကြား စကားများရတာဟာ မီဒီယာတွေရဲ့ နိုင်ငံရေးဖော်ပြချက်တွေကြောင့် အဓိကဖြစ်နေပါတယ်။

အချို့စုံတွဲတွေက နိုင်ငံရေးအမြင်မတူတာကို သိရှိထားကြပေမယ့် အချို့ကတော့ အမြင်ပြောင်းလဲသွားချိန်မှာတောင် ထုံးစံအတိုင်း သတင်းအတူတူမျှဝေတာမျိုး ပြုလုပ်တတ်ကြပါတယ်။

#World_Research #နိုင်ငံရေးအမြင်မတူခြင်း #မေတ္တာရေးတွင်ထိခိုက်လာ #Source: The Jerusalem Post

"ကားစင်းလုံးလိုက်ခိုးယူပြေးမှုကို နယ်မြေခံရဲစခန်းမှာ အမှုဖွင့်ထားရာ CCTVကို ကြည့်ရူစစ်ဆေးရာ ပေါင်ဘက်ကိုထွက်သွားကြောင်းတွေ့ရပြီး  ရန်ကြီးတောင်‌ကျေးရွာမှ အုပ်ချုပ်ရေးမှူးတွေကကားကိုတွေ့ထားလို့ ကားကိုသိမ်းထားပြီး ပြန်ပေးထားတယ်" မော်လမြိုင်မြို့ရှိ လူမှုကူညီရေးအဖွဲ့မှ တာဝန်ရှိသူတစ်ဦး
#Local_News
Published_ 20 January 2024
#ကားခိုးယူမှုဖြစ် #သိန်း(၄၀)ကိုခိုးယူထွက်ပြေး
#tthl #Yangon_Times

၂၀ ဇန်နဝါရီ ၂၀၂၄

အိန္ဒိယနှင့်မြန်မာနယ်စပ်တလျောက် ဗဟိုအစိုးရအနေနှင့် ခြံစည်းရိုးများခတ်တော့မည်ဖြစ်ကြောင်း အိန္ဒိယနိုင်ငံ ပြည်ထောင်စု ပြည်ထဲရေး ဝန်ကြီး အမ်မစ်ရှားက ပြောပါတယ်။ အိန္ဒိယပြည်ထဲရေးဝန်ကြီးဟာ  ဂူဝါဟတီမှာကျင်းပတဲ့ အာသံရဲကော်မန်ဒို တပ်ဖွဲ့ စစ်ရေးပြအခမ်းအနားတစ်ခုမှာ ယနေ့ ဇန်နဝါရီ ၂၀ရက်မှာ ပြောခဲ့တာဖြစ်တယ်လို့ အိန္ဒိယပြည်တွင်းသတင်းဌာနများမှ သတင်းများအရသိရပါတယ်။

အိန္ဒိယဟာ အိမ်နီးချင်းဘင်္ဂလားဒေ့ရှ် နယ်စပ်တစ်လျောက် လွတ်လပ်စွာသွားလာခွင့်ကိုထိန်းချုပ်ဖို့ အတားအဆီးတွေချထား အပြီး မြန်မာနယ်စပ်ခြံစည်းရိုးခတ်ဖို့ ဆုံးဖြတ်ချက်ချခဲ့တာဖြစ်ပါတယ်။

“ အိန္ဒိယနှင့်မြန်မာနယ်စပ်ကို မကြာမီမှာ ဘင်္ဂလားဒေ့ရှ်နယ်စပ်လိုဘဲ ကာကွယ်တော့မယ်။ အာသံက ကျွန်တော့်မိတ်ဆွေ တွေကို ပြောချင်တာက နာရင်ဒရာမိုဒီအစိုးရဟာ မြန်မာနှင့်နယ်စပ်ကို ခြံစည်းရိုးခတ်ဖို့ဆုံးဖြတ်ခဲ့တယ်ဆိုတာပဲဖြစ်ပါတယ်။ ဘင်္ဂလားဒေ့ရှ်လိုပဲပေါ့။ အစိုးရအနေနှင့် မြန်မာနှင့်သဘောတူထားခဲ့တဲ့ အက်ဖ်အမ်ဂျီ ( လွတ်လပ်စွာလှုပ်ရှားသွားလာမှု) Free Movement Regime ကို မကြာမီအဆုံးသတ်ဖို့ ပြန်စဉ်းစားနေပါတယ်” လို့ အာမစ်ရှားက ပြောပါတယ်။

အဲဒီသဘောတူညီချက်အရ မြန်မာနှင့်အိန္ဒိယနိုင်ငံတွေမှသူတွေဟာ နယ်စပ်ပိုင်နယ်တစ်ဖက်ချင်းစီကို ဗီဇာမပါဘဲ ၁၆ကီလို  မီတာအထိ သွားလာခွင့်ပေးထားတာပဲဖြစ်ပါတယ်။

အိန္ဒိယနှင့်မြန်မာနိုင်ငံတို့ဟာ နယ်စပ်ချင်း ၁၆၄၃ ကီလိုမီတာထိစပ်နေကြပါတယ်။ အိန္ဒိယဘက်က မီဇိုရမ်၊မဏိပူ၊နာဂလန်းနှင့် အာရွမ်နာချာပရာဒေ့ရှ်စတာတွေနှင့်ထိစပ်နေတာပါ။ အဲဒီပြည်နယ်တွေဟာ လွတ်လပ်စွာသွားလာခွင့်ကြောင့် အကျိုး  အမြတ်တွေရှိနေခဲ့ကြတာဖြစ်ပါတယ်။

မြန်မာ-အိန္ဒိယနယ်စပ်မှာ တိုက်ပွဲတွေနှင့်မတည်ငြိမ်မှုတွေဖြစ်နေပြီး မြန်မာနိုင်ငံမှ ဒုက္ခသည်တွေ အိန္ဒိယထဲ ဝင်ရောက်လာပြီး နောက် မိုဒီအစိုးရက ယခုလိုဆုံးဖြတ်ခဲ့တာလို့ သိရပါတယ်။

-ymg/knl

အမေရိကန်ဒေါ်လာအစား ပြည်တွင်းငွေကြေးများတိုးမြှင့်သုံးစွဲရန် BRICS ၏ ဘဏ်အသစ်မှကြိုးပမ်းဆောင်ရွက်လျက်ရှိ

နိုင်ငံတကာ ကုန်သွယ်ရေးနဲ့ ဘဏ္ဍာရေးကိစ္စတွေမှာ အမေရိကန်ဒေါ်လာအပေါ် မှီခိုအားထားနေရတာကို လျှော့ချရန် ကြိုးပမ်းတဲ့အနေဖြင့် BRICS အဖွဲ့ကိုကိုယ်စားပြုတဲ့ ဖွံ့ဖြိုးတိုးတက်ရေးဘဏ်သစ် (NDB)ဟာ ပြည်တွင်းငွေကြေးများဖြင့် အပေးအယူလုပ်ဖို့ကို မြှင့်တင်ဆောင်ရွက်လျက်ရှိကြောင်း ဘဏ်ဒုဥက္ကဌက ဆိုပါတယ်။
#World_Business
Published_ 20 January 2024
#အမေရိကန်ဒေါ်လာ #ပြည်တွင်းငွေကြေးများတိုးမြှင့်သုံးစွဲ
#Yangon_Times #YMG_News #Yangon_Media_Group

#Daily_News
Published_ 20 January 2024

၁။ တရုတ်၏ကုန်ကျစရိတ်ဖြင့် မြန်မာအပါအဝင်လန်ချမ်း-မဲခေါင်(၆)နိုင်ငံပူးပေါင်းပြီး ရုပ်ရှင်ဇာတ်ကားကြီးရိုက်မည်

၂။ ၂၀၂၃ ခုနှစ်အတွင်း ပြည်ပခရီးသွား ၁၃သိန်းနီးပါး ဝင်ရောက်ခဲ့

၃။ ယခုလအတွင်း နှမ်းမျိုးစုံဈေးကွက်အမြင့်ဘက်သို့ ရောက်ရှိလာ

၄။ အမေရိကန်ဒေါ်လာအစား ပြည်တွင်းငွေကြေးများတိုးမြှင့်သုံးစွဲရန် BRICS ၏ ဘဏ်အသစ်မှကြိုးပမ်းဆောင်ရွက်လျက်ရှိ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

#Local_News
Published_ 20 January 2024

မွန်ဘုရင်မကြီးရှင်စောပုလှူဒါန်းပူဇော်ထားသည့် အောင်သိဒ္ဓိသစ္စာရှင်၊ အောင်သိဒ္ဓိစကြာရှင်၊ အောင်သိဒ္ဓိမေတ္တာရှင်၊ အောင်စကြာမုနိအစရှိသည့် ဗုဒ္ဓရုပ်ပွားတော် (၄)ဆူကိုရန်ကုန်မြို့သို့ ပင့်‌ဆောင်ပူဇော်ရန်ရှိကြောင်း ရန်ကုန်မြို့‌တော်စည်ပင်သာ ယာရေးကော်မတီမှသိရသည်။

ရုပ်ပွားတော်မြတ်များအား ရန်ကုန်မြို့တော်ခန်းမတွင် ဇန်နဝါရီ ၂၁ ရက်မှ ၂၂  ရက်အထိ ပင့်ဆောင်အပူဇော်ခံထားရှိရေး ညှိနှိုင်းအစည်းအဝေးကို ယနေ့နံနက် ၁၀ နာရီခွဲက မြို့တော်ခန်းမ ပထမထပ်ရှိ အစည်းအဝေးခန်းမ(၃)၌ ကျင်းပပြုလုပ်ခဲ့သည်ဟုဆိုသည်။

အစည်းအဝေးတွင် အတွင်းရေးမှူးက အမှာစကားပြောကြားရာ “အောင်သိဒ္ဓိသစ္စာရှင်၊ အောင်သိဒ္ဓိစကြာရှင်၊ အောင်သိဒ္ဓိမေတ္တာရှင်၊ အောင်စကြာမုနိ ဗုဒ္ဓရုပ်ပွားတော်မြတ်များအား  ရန်ကုန်မြို့တော်စည်ပင်သာယာရေးကော်မတီမှ ဝန်ထမ်းများဖူးမြော်ကြည်ညိုနိုင်ရန် ဇန်နဝါရီ ၂၁ ရက်နှင့် ၂၂ ရက်များတွင် ပင့်ဆောင်ပူဇော်မည်ဖြစ်ကြောင်း၊ ဗုဒ္ဓရုပ်ပွားတော်မြတ်များ ပူဇော်ခံထားရှိစဉ် ဝတ်ရွတ်အဖွဲ့များမှ ရွတ်ပွားကုသိုလ်ပြုနိုင်ရေးဌာနများ ပူးပေါင်းဆောင်ရွက်ရန်လိုအပ်ကြောင်း၊ ဗုဒ္ဓရုပ်ပွားတော်မြတ်များအား ဆွမ်းဆက်ကပ်ပူဇော်ရေး၊ ကန်တော့ပွဲနှင့်ပန်းများ ဆက်ကပ်ပူဇော်ရေးကိစ္စရပ်များ အား အဆင်ပြေစွာလုပ်ဆောင်ကြရန် လိုအပ်ကြောင်း၊ ဗုဒ္ဓရုပ်ပွားတော်မြတ်များ ပင့်ဆောင်ပူဇော်ရေး ကိစ္စရပ်များအဆင်ပြေစေရန် ဗုဒ္ဓရုပ်ပွားတော်မြတ်များ ထိန်းသိမ်းစောင့်ရှောက်ရေးအဖွဲ့မှ တာဝန်ရှိ သူများနှင့် ပူးပေါင်းညှိနှိုင်းဆောင်ရွက်ရန် လိုအပ်ကြောင်း” ပြောကြားသည်။

ထို့နောက် စီမံရေးရာဌာန၊ ဌာနမှူး ဦးကျော်မင်းက ဗုဒ္ဓရုပ်ပွားတော်မြတ်များ ပင့်ဆောင်ပူဇော်ရေးကိစ္စရပ်များ၊ ဗုဒ္ဓရုပ်ပွားတော်မြတ်များ ဆွမ်းဆက်ကပ်လှူဒါန်းရေးကိစ္စရပ်များ၊ ဗုဒ္ဓရုပ်ပွားတော်မြတ်များ သီတင်းသုံးစဉ်ကာလအတွင်း ဝတ်ရွတ်အဖွဲ့များဖြင့် ရွတ်ပွားပူဇော်ရေးကိစ္စရပ်များ၊ အခမ်းအနားပြင်ဆင်ရေးကိစ္စရပ်များ၊ ဘုရားဖူးများဧည့်ခံကျွေးမွေးရေးကိစ္စရပ်များ၊ လျှပ်စစ်မီး၊ လုံခြုံရေးနှင့် သန့်ရှင်းရေးကိစ္စရပ်များ၊ ဗုဒ္ဓရုပ်ပွားတော်မြတ်များ ပြန်လည်ကြွချီရာတွင် လုပ်ဆောင်ရမည့် ကိစ္စရပ်များနှင့်ပတ်သက်၍ ကြိုတင်စီမံဆောင်ရွက်ထားရှိမှုများအား ဆွေးနွေးတင်ပြခဲ့ကြောင်း သိရသည်။

#Local_News #ဗုဒ္ဓရုပ်ပွားတော် (၄)ဆူ #နှစ်ရက်ကြာအပူဇော်ခံထားရှိ #tthl #Yangon_Times

နှမ်းမျိုးစုံအနက် နှမ်းညိုမှာ ဆောင်းနှမ်းအဝင်နည်းသေးခြင်းနဲ့ ဆီစက်သမားတွေ အဝယ်ပုံမှန်ရှိခြင်းကြောင့် ၄၅ ပိဿာ တစ်အိပ် ကို ၂၉၅၀၀၀ ကျပ်မှ ၃၂၀၀၀၀ ကျပ်သို့ ဈေးမြင့်သွားပြီး နှမ်းနက်မှာ အသစ်မဝင်သေးခြင်း လက်ကျန်နည်းခြင်းကြောင့် အရည်အသွေးအကောင်းဆုံး ၄၅ ပိဿာတစ်အိပ်ကို ၃၄၀၀၀၀ ကျပ်မှ ၃၈၅၀၀၀ ကျပ်သို့ ဈေးမြင့်ရရှိနေတယ်လို့ ဆိုပါတယ်။
#Local_News
Published_ 20 January 2024
#နှမ်းမျိုးစုံဈေးကွက် #အဝယ်ပုံမှန်ရှိ
#YMG/LW #Yangon_Times

#Local_News
Published 20 January 2024

မန္တလေးတိုင်းဒေသကြီး၊ ညောင်ဦးမြို့နယ်၊ တောင်ဇင်းအုပ်စု၊ ရွှေလှိုင်းကျေးရွာတွင် နေအိမ် မီးလောင်မှုကြောင့် ရက်သားအရွယ် ကလေးငယ်တစ်ဦး​ေ-သဆုံးခဲ့ကြောင်း
ညောင်ဦးမြို့နယ် မီးသတ်တပ်ဖွဲ့ထံက သိရသည်။

ဇန်နဝါရီ ၂၀ရက် နံနက် ၉ နာရီ ၅ မိနစ်ခန့်က ဖြစ်ပွားခဲ့ခြင်း ဖြစ်ကာ သတင်းရရှိသဖြင့် တောင်ဇင်းနယ်မြေ မီးသတ်စခန်းမှ မီးငြှိမ်းသတ်ယာဉ်(၁)စီး၊ ရေသယ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များဖြင့် ထွက်ခွာငြှိမ်းသတ်ခဲ့ရာ၉နာရီ ၁၇ မိနစ်အချိန်တွင် မီးငြှိမ်းခဲ့ကြောင်း သိရသည်။

အဆိုပါ မီးလောင်မှုကြောင့်၁၅ ပေပတ်လည် သွပ်မိုး၊ ထရံကာ ၁ ထပ် လူနေအိမ် ၁ လုံးမီးလောင်ကျွမ်းခဲ့ကြောင်းနှင့် ၁၅ ရက်သားအရွယ် ကလေးငယ်(မ)တစ်ဦး မီးလောင်ပြင်တွင် ​ေ-သဆုံးခဲ့ကြောင်းညောင်ဦးမြို့နယ်မီးသတ်တပ်ဖွဲ့သတင်းထုတ်ပြန်ချက်အရ သိရှိရသည်။

#Local_News #နေအိမ်မီးလောင် #ကလေးငယ်​ေ-သဆုံး #YMG/LW #Yangon_Times

'လေကြောင်း၊ သင်္ဘော၊ နယ်စပ်ဝင်ပေါက်တွေကဗီဇာနဲ့ ၂သိန်း ၈သောင်းကျော်ဝင်ရောက်ပြီး နယ်စပ်ဖြတ်သန်းခွင့်လက်မှတ်တွေနဲ့ ၁၀သိန်းနီးပါးအထိ ဝင်ရောက်ခဲ့ပါတယ်'
#Local_News
Published_ 20 January 2024
#ပြည်ပခရီးသွား၁၃သိန်းနီးပါးဝင်ရောက်
#YMG/NN #Yangon_Times