‘ မိုးကာလမှာထွက်ရှိခဲ့တဲ့ မြေပဲတစ်တင်းကို ကျပ်သုံးသောင်းကျော်ပေးခဲ့ပေမယ့် အခုဆောင်းမြေပဲကိုတော့ တစ်တင်းကို ကျပ်တစ်သောင်း၊တစ်သောင်းခွဲသာ တောင်သူတွေကိုကုန်သည်တွေက ပေးဝယ်တဲ့အတွက် တောင်သူတွေအခက်တွေ့နေတာတယ်။အချို့ဆို မရောင်းတော့ဘဲ ဆီပွတ်စား(ဆီကြိတ်စား)လိုက်တာတို့၊ ဈေးကောင်းရတဲ့အထိ စောင့်နေတာတို့ရှိတယ်’ မကွေးတိုင်းရှိ မြေပဲစိုက်တောင်သူတစ်ဦး
Yangon-Times/tthl
#Local_News
#Published 14 December 2023
#Yangon_Times #Daily_News #YMG_News #Yangon_Media_Group

Published-14 December 2023

တနင်္သာရီတိုင်း၊ ထားဝယ်မြို့၌ရေခဲပို့သည့် ကားတစ်စီး အရှိန်လွန်ပြီး နေအိမ်ဈေးဆိုင်ကို ဝင်တိုက်ခဲ့သဖြင့် လူခြောက်ဦး ဒဏ်ရာရှိခဲ့ကြောင်း ဒေသခံများနှင့် လူမှုကူညီရေးအသင်းများမှ သိရသည်။

ဖြစ်စဉ်မှာ ဒီဇင်ဘာလ ၁၃ ရက်၊ နေ့လည် ၁၂ နာရီခွဲ ခန့်တွင် ထားဝယ်မြို့၊ ဗျောတောဝလမ်းဆုံ အနီး၌ ရေခဲပို့သည့်ကားတစ်စီး အရှိန်လွန်ပြီး နေအိမ်ဈေးဆိုင်ကို ဝင်တိုက်ခဲ့ကြောင်းသိရသည်။

အဆိုပါဖြစ်စဉ်ကြောင့် ယာဉ်မောင်းနှင့် ယာဉ်‌နောက်လိုက်မှာ ခေါင်းကွဲဒဏ်ရာနှင့် ဈေးဆိုင်ပိုင်ရှင်နှင့် ဈေးဝယ်သူအမျိုးသမီးလေးဦးမှာ ထိခိုက်ဒဏ်ရာများရရှိခဲ့သောကြောင့် ထားဝယ်ဆေးရုံသို့ ပို့ဆောင်ခဲ့ရကြောင်း ပရဟိတအသင်းတစ်ခုမှ တာဝန်ရှိသူတစ်ဦးကပြောသည်။

ထို့အပြင် ယာဉ်မောင်းနှင့်ယာဉ်နောက်လိုက်အား သက်ဆိုင်ရာမှ စစ်ဆေးနေပြီး ထားဝယ်မြို့မ ရဲစခန်းတွင် အမှုဖွင့်လှစ်ဆောင်ရွက်ထားကြောင်း သိရသည်။
Yangon-Times/NN
#Local_News
#Published 14 December 2023
#Yangon_Times #Daily_News #YMG_News #Yangon_Media_Group

Published 14 December 2023

လန်ချန်း - မဲခေါင် ပူးပေါင်းဆောင်ရွက်ရေး အထူးရန်ပုံငြွေဖင့် ထိုင်းနိုင်ငံ Khon Kaen University က အကောင်အထည်ဖော် ဆောင်ရွက်မည့် LMC Strengthening Dairy Innovation (SDI) Programme စီမံကိန်းကို လာမည့် ၂၀၂၄ ခုနှစ်တွင် စတင်မည် ဖြစ်ကာ အဆိုပါစီမံကိန်း အနေဖြင့် လန်ချန်း - မဲခေါင် မြစ်ဝှမ်းဒေသအတွင်းရှိ တရုတ်၊ ထိုင်း၊ မြန်မာ၊ လာအို၊ ဗီယက်နမ်၊ ကမ္ဘောဒီးယား နိုင်ငံ များမှ နို့စားနွားမွေးမြူရေးနှင့် နို့နှင့် နို့ထွက်ပစ္စည်း ထု
တ်လုပ်မှု လုပ်ငန်းများ အဆင့်မြှင့်တင်ရေးကို ဆောင်ရွက်သွားမည် ဖြစ်ကြောင်း မြန်မာနိုင်ငံမွေးမြူရေးလုပ်ငန်းအဖွဲ့ချုပ် မြန်မာနိုင်ငံနို့လုပ်ငန်းအသင်းမှ သိရသည်။

စီမံကိန်းအရ (၁) သက်ဆိုင်ရာနိုင်ငံများမှ မွေးမြူရေးဆိုင်ရာ ကျွမ်းကျင်သူများ၊ နို့စားနွားမွေးမြူသူများ၊ နို့ နှင့် နို့ထွက်ပစ္စည်းထုတ်လုပ်သူများအား နည်းပညာသင်တန်းများ ပို့ချပေးခြင်း၊ (၂) နည်းပညာဆိုင်ရာ အလုပ်ရုံ ဆွေးနွေးပွဲများ ကျင်းပခြင်း၊ (၃) မဲခေါင် - လန်ချန်းဒေသတွင်း နိုင်ငံများအကြား နို့စားနွားမွေးမြူရေးနှင့်၊ နို့ နှင့် နို့ထွက်ပစ္စည်းထုတ်လုပ်ရေးဆိုင်ရာ ကွန်ယက် ဖွဲ့စည်းတည်ထောင်ခြင်း လုပ်ငန်းများကို ဆောင်ရွက်သွားမည် ဖြစ်ကြောင်း သိရ
သည်။

အဆိုပါ သင်တန်းများနှင့်အလုပ်ရုံဆွေးနွေးပွဲများ ကို ၂၀၂၄ ခုနှစ် မေလ တွင် စတင်နိုင်ရန် ပြင်ဆင်ထားသောကြောင့် ယင်း သင်တန်းများ နဲ့ အလုပ်ရုံဆွေးနွေးပွဲကို မြန်မာနိုင်ငံမှ သင်တန်းသားများ စေလွှတ်နိုင်ရေး အတွက် မြန်မာနိုင်ငံမွေးမြူရေးလုပ်ငန်းအဖွဲ့ချုပ်၊ မြန်မာနိုင်ငံနို့လုပ်ငန်း အသင်းတို့က သက်ဆိုင်ရာအဖွဲ့အစည်းများသို့ ဆက်သွယ်ညှိနှိုင်းဆောင်ရွက်လျက်ရှိက စိတ်ပါဝင်စားသည့် နို့စားနွားမွေးမြူသူများ၊ နို့နှင့် နို့ထွက်ပစ္စည်း ထုတ်လုပ်သူများအနေဖြင့် သင်တန်းသွားရောက်ရန်နိုင်ငံကူးလက်မှတ် အပါအဝင် အခြား လိုအပ်နိုင်သည့် စာရွက်စာတမ်းများကို ကြိုတင်ပြင်ဆင်ထားရန်အတွက် မြန်မာနိုင်ငံမွေးမြူရေးလုပ်ငန်းအဖွဲ့ချုပ်၊ မြန်မာနိုင်ငံ နို့လုပ်ငန်းအသင်းမှ သတိပေးထုတ်ပြန်ထားသည်။
Yangon-Times/LW
#Local_News
#Published 14 December 2023
#Yangon_Times #Daily_News #YMG_News #Yangon_Media_Group

Published_ 14 December 2023

(၁၀)ကြိမ်မြောက် တရုတ်-အာဆီယံ (နန်နင်း) ဇာတ်သဘင် ရက်သတ္တပတ်သို့ မြန်မာနိုင်ငံမှ ယဉ်ကျေးမှု ကိုယ်စားလှယ်အဖွဲ့ပါဝင်တက်ရောက်ခဲ့ပြီး မြန်မာ့ရိုးရာအကအလှများဖြင့် ဖျော်ဖြေတင်ဆက်ခဲ့ကြောင်း မြန်မာနိုင်ငံခြားရေးဝန်ကြီးဌာနမှသိရသည်။

အဆိုပါဖျော်ဖြေပွဲ၌ မြန်မာ့ဇာတ်သဘင်အဖွဲ့ဝင်များက မြန်မာ့ဆိုင်းဝိုင်း၊ မြန်မာ့ရုပ်သေး၊ နှစ်ပါးသွားအက၊ မဟော်သဓာဇာတ် စသည့် မြန်မာ့ရိုးရာ ယဉ်ကျေးမှုအကအလှများဖြင့် ဖျော်ဖြေခဲ့ကြပြီး သာသနာရေးနှင့် ယဉ်ကျေးမှုဝန်ကြီးဌာန၊ အနုပညာဦးစီးဌာန၊ ညွှန်ကြားရေးမှူးချုပ် ဦးညွန့်ဝင်းက အဖွင့်အမှာစကား ပြောကြားခဲ့သည်ဟုဆိုသည်။

တရုတ်နိုင်ငံ၊ ကွမ်ရှီးကျွမ့်ကိုယ်ပိုင်အုပ်ချုပ်ခွင့်ရဒေသ၊ နန်နင်းမြို့၌ ၂၀၂၃ ခုနှစ်၊ ဒီဇင်ဘာလ (၅)ရက်နေ့မှ (၁၀)ရက်နေ့အထိ ကျင်းပသည့် (၁၀)ကြိမ်မြောက် တရုတ်-အာဆီယံ (နန်နင်း) ဇာတ်သဘင်ရက်သတ္တပတ်သို့ သာသနာရေးနှင့် ယဉ်ကျေးမှုဝန်ကြီးဌာန၊ အနုပညာဦးစီးဌာန၊ ညွှန်ကြားရေးမှူးချုပ် ဦးညွန့်ဝင်းနှင့် မြန်မာနိုင်ငံသဘင်အစည်းအရုံး ဥက္ကဋ္ဌ ဦးဖိုးချစ်တို့ ဦးဆောင်သည့် မြန်မာ့ယဉ်ကျေးမှုကိုယ်စားလှယ်အဖွဲ့ ပါဝင်ဖျော်ဖြေခဲ့ခြင်းဖြစ်သည်။

(၁၀)ကြိမ်မြောက် တရုတ်-အာဆီယံ (နန်နင်း) ဇာတ်သဘင်ရက်သတ္တပတ် ဖွင့်ပွဲအခမ်းအနားကို ၆-၁၂-၂၀၂၃ ရက်နေ့၌ ကျင်းပခဲ့ပြီးနောက် ၇-၁၂-၂၀၂၃ ရက်နေ့တွင် Guangxi Culture and Art Center ၌ မြန်မာ့ယဉ်ကျေးမှု ကိုယ်စားလှယ်အဖွဲ့၏ ဇာတ်သဘင်ဖျော်ဖြေပွဲကို ကျင်းပခဲ့ရာ နန်နင်း ကွန်မြူနစ်ပါတီကော်မတီ အမြဲတမ်း အဖွဲ့ဝင်နှင့် ပြန်ကြားရေးဌာနမှ ညွှန်ကြားရေးမှူးချုပ်ဖြစ်သူ Mr. Zhao Yongfu နှင့် ဒုတိယညွှန်ကြားရေးမှူး ချုပ်ဖြစ်သူ Ms. Fan Qin စသည့်အရာရှိကြီးများ၊ အနုပညာဦးစီးဌာန ညွှန်ကြားရေးမှူးချုပ် ဦးညွန့်ဝင်း၊ ကောင်စစ် ဝန်ချုပ်ရုံး မိသားစုများ၊ ကောင်စစ်ဝန်ချုပ်ရုံးမှ ဖိတ်ကြားထားသော နန်နင်းမြို့ရှိ ကွမ်ရှီးတိုင်းရင်းသားလူမျိုးစု တက္ကသိုလ်၌ မြန်မာဘာသာ သင်ယူနေသည့် တရုတ်ကျောင်းသား/သူများ၊ ဆရာ/ဆရာမများ၊ ပညာတော်သင် ရောက်ရှိနေသော မြန်မာကျောင်းသား/သူများ၊ နန်နင်းအခြေစိုက် Panorama မဂ္ဂဇင်းမှ သတင်းမီဒီယာအဖွဲ့များ စသဖြင့် ဧည့်ပရိသတ် (၄၀၀)ကျော် တက်ရောက်ခဲ့ကြကြောင်းသိရသည်။

လာရောက်ကြည့်ရှုကြသည့် တရုတ်၊ မြန်မာပရိသတ်များအား တွေ့ဆုံမေးမြန်းမှုများ ပြုလုပ်ခဲ့ကြပြီး ကွမ်ရှီးမီဒီယာများတွင် ထုတ်လွှင့်ပြသနိုင်ရန် စီစဉ်ဆောင်ရွက်လျက် ရှိကြောင်းနှင့် တရုတ်-အာဆီယံ (နန်နင်း) ဇာတ်သဘင်ရက်သတ္တပတ် ပိတ်ပွဲအခမ်းအနားကို ဒီဇင်ဘာလ၁၀ရက်တွင် အောင်မြင်စွာ ကျင်းပပြီးစီးခဲ့ကြောင်း သိရသည်။
Yangon_Times/tthl
#Published_ 14 December 2023
#YMG #Yangon_Times #YMG_News
#Yangon_Media_Group

Published 14 December 2023

အမေရိကန်သမ္မတ ဂျိုးဘိုင်ဒင်အပေါ် စွပ်စွဲပြစ်တင်ထားတာနဲ့ ပတ်သက်ပြီး စုံစမ်းစစ်ဆေးမှုကို တရားဝင်ခွင့်ပြုချက်ရရန် အမေရိကန် အောက်လွှတ်တော်က ဗုဒ္ဓဟူးနေ့မှာ မဲဆန္ဒပြုခဲ့ကြပါတယ်။

ဒီမိုကရက်တစ်ဦးဖြစ်တဲ့ ဂျိုးဘိုင်ဒင်ရဲ့ လုပ်ရပ်မှားတွေအကြောင်း အထောက်အထား မတွေ့ရှိထားပေမယ့် ရီပတ်ဘလစ်ကန်တွေကတော့ စည်းလုံးညီညွတ်စွာ ကြိုးပမ်းအားထုတ်နေကြတာ ဖြစ်ပါတယ်။

ရီပတ်ဘလစ်ကန်တွေ ထိန်းချုပ်ထားတဲ့ အောက်လွှတ်တော်က ဘိုင်ဒင်စုံစမ်းစစ်ဆေးမှုကို အတည်ပြုဖို့အတွက် ၂၂၁-၂၁၂ မဲဆန္ဒပြုခဲ့ကြပါတယ်။

ဂျိုးဘိုင်ဒင်ရဲ့သား ဟန်တာဘိုင်ဒင်ဟာ တံခါးပိတ်သက်သေခံ ထွက်ဆိုရန် ငြင်းဆန်ပြီးနောက် ဂျိုးဘိုင်ဒင်က သားဖြစ်သူရဲ့ နိုင်ငံခြားစီးပွားရေးတွေကနေ မမှန်မကန် အကျိုးအမြတ် ရယူခဲ့လားဆိုတာကို စုံစမ်းစစ်ဆေးနေတာ ဖြစ်ပါတယ်။

အိမ်ဖြူတော်ကတော့ ဒီစုံစမ်းမှုဟာ အကျိုးအကြောင်း မဆီလျော်ဘဲ နိုင်ငံရေးအရ လှုံ့ဆော်နေတာဆိုပြီး အသိအမှတ် မပြုပါဘူး။

ဘိုင်ဒင်ဟာ ၂၀၂၄ ရွေးကောက်ပွဲမှာ ယှဥ်ပြိုင်ဖို့ ပြင်ဆင်နေပြီး ရီပတ်ဘလစ်ကန် သမ္မတဟောင်း ဒေါ်နယ်ထရမ့်နဲ့ ထပ်မံယှဥ်ပြိုင်ရဖွယ် ရှိနေပါတယ်။

ထရမ့်ဟာ အမေရိကန်သမိုင်းမှာ စွပ်စွဲချက် ၂ ကြိမ်တိုင်တင်ခံရတဲ့ ပထမဆုံးသမ္မတဟောင်း ဖြစ်လာပြီး လက်ရှိမှာလည်း နောက်ထပ် ရာဇဝတ်စစ်ဆေးမှု ၄ ခုအတွက် ပြင်ဆင်နေပါတယ်။

အောက်လွှတ်တော်က သမ္မတကို စွပ်စွဲချက်တင်ဖို့ မဲဆန္ဒပြုကြရင်တောင် အထက်လွှတ်တော်မှာ မဲဆန္ဒ ၃ ပုံ ၂ ပုံရရှိရန် လိုအပ်တာကြောင့် အဆိုပါအားထုတ်မှုဟာ အောင်မြင်ဖို့ အလွန်အခွင့်နည်းနေပါတယ်။

အထက်လွှတ်တော်မှာ ဘိုင်ဒင်ရဲ့ ဒီမိုကရက်တွေက ၅၁-၄၉ ဖြင့် ထိန်းချုပ်ထားတာကြောင့် ဖြစ်ပါတယ်။

ဒါပေမဲ့ ၂၀၂၄ ရွေးကောက်ပွဲ စည်းရုံးရေးတွေမှာ အကျင့်ပျက်မှု စွပ်စွဲချက်များကို အသုံးချသွားဖွယ် ရှိနေပါတယ်။

ရီပတ်ဘလစ်ကန်တွေက စစ်ဆေးမှုကို တရားဝင်စတင်ပြီးနောက် ၃ လအကြာမှာ မဲဆန္ဒပြုခြင်း ပြုလုပ်လာတာဖြစ်ပြီး ဒါဟာ သမ္မတကို ရာထူးမှဖယ်ရှားဖို့ လိုအပ်တဲ့လုပ်ရပ် မဟုတ်ပါဘူး။

၂၀၀၉ မှ ၂၀၁၇ သမ္မတဘာရက်အိုဘာမား လက်ထက်မှာ ဒုသမ္မတအဖြစ် တာဝန်ထမ်းဆောင်ခဲ့တဲ့ ဂျိုးဘိုင်ဒင်နဲ့ ယင်းမိသားစုဟာ နိုင်ငံခြားလုပ်ငန်းတွေကနေ အကျိုးအမြတ်ရခဲ့တယ်လို့ အောက်လွှတ်တော် ရီပတ်ဘလစ်ကန်တွေက စွပ်စွဲထားကြပြီး ထိုကာလအတွင်း ယူကရိန်းနဲ့ တရုတ်တို့မှာ ဟန်တာဘိုင်ဒင်ရဲ့ စီးပွားရေးများအပေါ် အာရုံစိုက်နေကြတာ ဖြစ်ပါတယ်။

ဒါပေမဲ့ ထိုလုပ်ငန်းတွေကို ထောက်ပံ့ပေးတဲ့ လုပ်ရပ်တွေ၊ ထိုကနေ အကျိုးအမြတ်ရခဲ့တယ်ဆိုတဲ့ အထောက်အထားတွေကိုတော့ မပြနိုင်ခဲ့ပါဘူး။

ထိုစွပ်စွဲချက်နဲ့ ပတ်သက်ပြီး ဂျိုးဘိုင်ဒင်ရဲ့မှတ်ချက်က ‘’အောက်လွှတ်တော်ဟာ တိုင်းပြည်အုပ်ချုပ်ရေးနဲ့ ပတ်သက်ပြီး အကူအညီမပေးဘဲ ကျွန်ုပ်ကို အလိမ်အညာတွေနဲ့ စွပ်စွဲနေကြပါတယ်’’ လို့ ဆိုပါတယ်။

ဟန်တာဘိုင်ဒင်ဟာ မူးယစ်ဆေး၊ အရက်သေစာ စွဲလမ်းခြင်းကိစ္စများနဲ့ ပတ်သက်ပြီး ရာဇဝတ်စစ်ဆေးမှုများကို နှစ်တွေတိုင်အောင် ရင်ဆိုင်နေရသူ ဖြစ်ပါတယ်။
Source: Reuters
#World_News
#Published_ 14 December 2023
#YMG #Yangon_Times #YMG_News
#Yangon_Media_Group

Published-14 December 2023

ယခုဒီဇင်ဘာ ၁၀ရက်တာကာလအတွင်း ကံပိုင်တည်ကုန်သွယ်ရေးစခန်းမှ ကုန်သွယ်မှု လျာထားချက် အပေါ် ၃၄ရာခိုင်နှုန်းကျော် ဆောင်ရွက်ထားကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ စာရင်းများအရ သိရသည်။

ထိုသို့ဆောင်ရွက်ထားရာတွင် ကံပိုင်တည်ကုန်သွယ်ရေးစခန်းမှ ၂၀၂၃ ခုနှစ်၊ ဒီဇင်ဘာလ ကုန်သွယ်မှုလျာထားချက်မှာ ပို့ကုန် (၁၆.၀၀၀) ဒေါ်လာသန်းနှင့် သွင်းကုန် (၂.၅၀၀) ဒေါ်လာသန်းဖြင့် စုစုပေါင်း (၁၈.၅၀၀) ဒေါ်လာသန်း ဖြစ်ရာ ဒီဇင်ဘာလ (၁၀) ရက်နေ့အထိ အမှန်ကုန်သွယ်မှုမှာ ပို့ကုန် (၅.၁၆၉) ဒေါ်လာသန်း၊ သွင်းကုန်(၁.၂၀၂)ဒေါ်လာသန်း၊ စုစုပေါင်း (၆.၃၇၁) ဒေါ်လာသန်းဖြစ်သဖြင့် ကုန်သွယ်မှု လျာထားချက် အပေါ် (၃၄.၄၃၈%) ဆောင်ရွက်ပြီးဖြစ်ကြောင်းသိရသည်။

ထို့အပြင် ဒီဇင်ဘာလ (၁၀)ရက်အတွင်း ပို့ကုန်အမယ်များအနေဖြင့် တစ်သျှူးငှက်ပျော၊ ဖရဲသီး၊ ရော်ဘာ၊ ရှောက်ကောပါကောနှင့် ဧည့်မထဆန်များကို တင်ပို့နိုင်ခဲ့ပြီး၊ သွင်းကုန်အမယ်များအနေဖြင့် ရင်းနှီးမြှုပ်နှံမှု ပစ္စည်းများ၊ လုပ်ငန်းသုံးပစ္စည်းများ၊ ဆောက်လုပ်ရေးလုပ်ငန်းသုံးပစ္စည်းများ၊ လူသုံးကုန်အဝတ်အထည်များနှင့် သစ်သီးများ တင်သွင်းနိုင်ခဲ့ကြောင်းသိရသည်။
Yangon-Times/NN
#Local_News
#Published 14 December 2023
#Yangon_Times #Daily_News #YMG_News #Yangon_Media_Group

Published 14 December 2023

ကိုဘာလာမင်လို့ခေါ်တဲ့ ဗိုက်တာမင် ဘီ၁၂ ဟာ ခန္ဓာကိုယ်ရဲ့ လုပ်ဆောင်ချက် အမျိုးမျိုးမှာ ပါဝင်နေပါတယ်။

ဒါကြောင့် ဗိုက်တာမင် ဘီ၁၂ ချို့တဲ့တဲ့အခါ ကျန်းမာရေးကို ထိခိုက်စေပါတယ်။

ဘီ၁၂ ချို့တဲ့တဲ့လက္ခဏာတွေကတော့..
(၁) အားအင်ကုန်ခမ်းပြီး ပင်ပန်းနွမ်းနယ်တာဟာ ဘီ၁၂ ချို့တဲ့တဲ့လက္ခဏာ ဖြစ်ပြီး နေ့စဥ်လုပ်ဆောင်နိုင်စွမ်းကို ထိခိုက်စေပါတယ်။

(၂) ဘီ၁၂ ချို့တဲ့ရင် သွေးနီဥထုတ်လုပ်မှု နည်းပါးသွားကာ အရေပြားဖျော့ခြင်း၊ ဝါခြင်းတို့ ဖြစ်တတ်ပါတယ်။

(၃) သွေးတွေထဲမှာ အောက်ဆီဂျင် သယ်ယူနိုင်စွမ်း ကျဆင်းသွားတာကြောင့် အသက်ရှူမဝခြင်းမျိုး ဖြစ်တတ်ပါတယ်။

(၄) အောက်ဆီဂျင်မလုံလောက်တာကြောင့် မကြာခဏ မူးဝေခြင်းနဲ့ ခေါင်းကိုက်ခြင်းတို့ ဖြစ်တတ်ပါတယ်။

(၅) လျှာမှာ ဖောရောင်ပြီး အရောင်ပြောင်းသွားကာ ရောင်ရမ်းခြင်း ဖြစ်နိုင်ပါတယ်။

(၆) အစာခြေပြဿနာဖြစ်နိုင်ကာ ဝမ်းလျှောခြင်း၊ ဝမ်းပိတ်ခြင်း၊ စားချင်စိတ်လျော့နည်းခြင်းတို့ ဖြစ်နိုင်ပါတယ်။

(၇) အာရုံကြောစနစ်ရဲ့ လုပ်ဆောင်ချက်ကို ထိခိုက်စေပြီး ထုံကျဥ်ခြင်း၊ ခြေလက်တွေမှာ စူးရှခြင်းခံစားချက်မျိုး ခံစားရတတ်ပါတယ်။

(၈) မှတ်ဉာဏ်ဆုံးရှုံးခြင်း၊ အာရုံစူးစိုက်ရန် ခက်ခဲခြင်း၊ ဦးနှောက်သိရှိမှု လျော့ကျခြင်းတို့ ခံစားရတတ်ပါတယ်။

(၉) စိတ်ဓာတ်ကျခြင်း၊ အထိမခံနိုင်ခြင်း၊ စိတ်အပြောင်းအလဲဖြစ်ခြင်းတို့ ဖြစ်တတ်ပါတယ်။

(၁၀) နှလုံးရောဂါဖြစ်နိုင်ခြေကိုလည်း များစေပါတယ်။
 
ဗိုက်တာမင် ဘီ၁၂ ချို့တဲ့မှုကို ဖြေရှင်းနိုင်မယ့်နည်းလမ်းတွေကတော့ ..
-        အသား၊ ငါး၊ ပင်လယ်စာ၊ နို့ထွက်ပစ္စည်းများက ဘီ၁၂ ကြွယ်ဝတဲ့ အစားအစာတွေဖြစ်ပြီး များများ စားပေးသင့်ပါတယ်။

-        ကျွမ်းကျင်ပညာရှင်နဲ့ တိုင်ပင်ပြီး ဘီ၁၂ ဖြည့်စွက်စာများကို သောက်သုံးခြင်း၊ ဆေးထိုးခြင်းတို့ ပြုလုပ်နိုင်ပါတယ်။

-        ကွေကာနဲ့ ကောက်ပဲသီးနှံများ၊ အပင်အခြေပြုနို့များ၊ အာဟာရအတောင့်များ စားပေးနိုင်ပါတယ်။

-        ဘီ၁၂ စုပ်ယူမှုပြဿနာရှိနေသူများအတွက် နှာခေါင်းအစက်ချဆေး အသုံးပြုဖို့ အကြံပြုပါတယ်။

-        သွေးစစ်ဆေးမှုများ ပြုလုပ်ပြီး ဘီ၁၂ ပမာဏကို ပုံမှန်စစ်ဆေးနိုင်ပါတယ်။
Source: NDTV
#World_Health
#Published 14 December 2023
#Yangon_Times #Daily_News #YMG_News #Yangon_Media_Group

 

 

၂၀၂၃ ကမ္ဘာ့စွမ်းအင်သစ်ယာဥ်များကွန်ဂရက် (WNEVC)ဟာ တရုတ်နိုင်ငံတောင်ပိုင်း ဟိုင်ကော်မှာ စနေနေ့က ပြီးဆုံးခဲ့ပြီး စွမ်းအင်သစ် မော်တော်ယာဥ်လုပ်ငန်းကဏ္ဍရဲ့ နောက်ဆုံးပေါ်တိုးတက်မှုများနဲ့ အနာဂတ်လမ်းကြောင်းများကို ပြသခဲ့ပါတယ်။

၃ ရက်တာပွဲမှာ စတီယာရင်မပါတဲ့ အဆင့်မြင့်မောင်းသူမဲ့ယာဥ်များနဲ့ သတ်မှတ်ထားတဲ့ လမ်းကြောင်းတွေကနေ အဓိကနဲ့ နေရာခွဲများကြား စီးနင်းသူများကို လမ်းပြပေးပါတယ်။
#Asia_Industry
#Published 13 December 2023
#Yangon_Times #Daily_News #YMG_News #Yangon_Media_Group

၁၃ ဒီဇင်ဘာ ၂၀၂၃

KNLA နှင့် PDFများမြဝတီမြို့နယ်၊ သင်္ကန်းညီနောင်ရှိ 230 KV ဓာတ်အားခွဲရုံအား Drop Bomb များဖြင့် ပစ်ချတိုက်ခိုက်ဖျက်ဆီး

ကျောက်တံခါးမြို့နယ်အတွင်း မန္တလေး-ရန်ကုန် လူစီး ရထားအား ရီမုမိုင်းဖြင့် ဖောက်ခွဲတိုက်ခိုက်ဖျက်ဆီးခံရ

၁၃-၁၂-၂၀၂၃ ရက်နေ့ ရှမ်းပြည်နယ်(မြောက်ပိုင်း)နမ့်ဆန်မြို့၊ နမ့်ခမ်းမြို့၊ ရခိုင်ပြည်နယ် ယဉ်ကျေးမှုအမွေအနှစ်နယ်မြေ မြောက်ဦးမြို့နှင့် ပဲခူးတိုင်းဒေသကြီး ဖြူးမြို့နယ်၊ ညောင်ပင်သာရဲစခန်းတို့တွင် ထိတွေ့တိုက်ပွဲဖြစ်ပွားမှုအခြေအနေများနှင့်

ပတ်သက်၍ နစကသတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ် ဇော်မင်းထွန်း၏ ပြောကြားချက်အပြည့်အစုံကို ပြန်လည် ဖော်ပြပေးအပ်ပါတယ်။

-ymg/knl

 

#Daily_News
Published 13 December 2023

၁။ ကျိုက်ထီးရိုးသို့ ပိတ်ရက်ဘုရားဖူးတစ်ထောင်ခန့် ဝင်ရောက်၊ ဇန်နဝါရီလ၌ ပဌာန်းပွဲ၊ ဆီမီးကိုးထောင်ပူဇော်ပွဲများရှိ 

၂။ ရန်ကုန်ကားဈေးကွက် အရောင်းအဝယ်အေးနေပြီး ပွဲတော်ချိန်များ၌ ဈေးမာနိုင်

၃။ ကော့ကရိတ်မြို့နယ်အတွင်း တိုက်ပွဲများကြောင့် စစ်ဘေးရှောင်သူများပြားနေပြီး စစ်ရှောင်များအတွက် စားနပ်ရိက္ခာနှင့် ဆေးဝါးများ လိုအပ်နေဟုဆို

၄။ ကမ္ဘာ့စွမ်းအင်သစ်ယာဥ်များ ကွန်ဂရက်တွင် နောက်ဆုံးပေါ်ထုတ်လုပ်မှုများနှင့် အနာဂတ်လမ်းကြောင်းများ ပြသ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

13 December 2023

In a recent incident reported by Myanmar State media, the Mandalay-Yangon passenger train fell victim to an attack involving remote mines in Kyauktagar township. Fortunately, no casualties were reported in the aftermath.

The train, led by locomotive No. DF/2083 and helmed by locomotive driver U Khin Maung Than, departed from Mandalay Station at 5 pm on December 12 bound for Yangon. According to the report, at approximately 3:45 am on December 13, as the train traversed between railway mile post No. 103 mile 24 furlong and 104 mile 1 furlong, roughly 7500 meters southeast of Kyauktagar township, it came under attack by KNLA and PDF forces who deployed remote mines from both sides of the tracks, said report.

The explosive impact caused the locomotive and two coaches to derail, resulting in significant damage to the train tracks and sleeper blocks. However, despite the derailment, both railway staff and passengers emerged unharmed from the incident.

Efforts are underway by relevant authorities to promptly initiate repair work at the site of the railway damage. Additionally, security forces are intensifying measures to ensure the area's security in light of this attack.

-ymg/knl