Published 26 January 2024

ယခု၂၀၂၄နှစ်နှစ်ဆန်းပိုင်းအတွင်း ဗဟိုဘဏ်မှ ကန်ဒေါ်လာ၆၃သန်းကျော်နှင့်ထိုင်းဘတ် သန်း၃၀၀ရောင်းချပေးထား ကြောင်းယင်းဘဏ်၏ ထုတ်ပြန်ချက်များအရသိရသည်။

ထိုသို့ရောင်းချရာတွင် ၂၀၂၄ ခုနှစ် ဇန်နဝါရီ ၁ ရက်တွင် ဒေါ်လာ ၁၂ ဒသမ ၉၄ သန်း၊ ဇန်နဝါရီလ ၅ ရက်တွင် ဒေါ်လာ ၁၆ သန်း၊ ဇန်နဝါရီ ၁၅ ရက်တွင် ဒေါ်လာ ၁၅ သန်း နှင့် ဇန်နဝါရီ ၂၅ ရက်တွင် ဒေါ်လာ ၉ သန်း၊ ဇန်နဝါရီ ၂၆ရက်
ဒေါ်လာ ၅သန်း ရောင်းချပေးထားခြင်းဖြစ်သည်။

ထို့အပြင် ဇန်နဝါရီ ၁၉ ရက်တွင် ထိုင်းဘတ်သန်း ၅၀ ၊ ဇန်နဝါရီ ၂၅ ရက်တွင်ထိုင်းဘတ်ငွေ သန်း ၂၀၀နှင့် ဇန်နဝါရီ ၂၆ ရက်တွင်ထိုင်းဘတ်ငွေ သန်း ၅၀ထပ်မံ ရောင်းချပေးထားခဲ့ခြင်း ဖြစ်သည်။

၄အပြင် အမေရိကန်ဒေါ်လာ ၄ သန်းနှင့်ညီမျှသော တရုတ်ယွမ်ငွေအား SWAP Facility (ကျပ်ငွေကို အပေါင်ယူပြီး ၄နှင့်ညီမျှသော နိုင်ငံခြား ငွေထုတ်ပေးခြင်း) စနစ်ဖြင့် ဗဟိုဘဏ်ကထုတ်ရောင်းပေးထားကြောင်းသိရသည်။

ဗဟိုဘဏ်သည် ငွေကြေးဈေးကွက် အတွင်းဈေးနှုန်းများမြင့်မားနေချိန်၌ ဒေါ်လာနှင့် ဘတ်ငွေများထုတ်ရောင်းပေးလာခြင်းဖြစ်သော်လည်း သွင်းကုန်လုပ်ငန်းများအတွက်များစွာ ထိရောက်မှုမရှိကြောင်း သွင်းကုန်လုပ်ငန်းရှင်အချို့ကဆိုသည်။

လက်တလောတွင် ငွေကြေးဈေးကွက်အတွင်း ထိုင်းဘတ် တစ်ဘတ်လျှင် ၁၀၀ ကျပ်ဝန်းကျင်၊ အမေရိကန်တစ်ဒေါ်လာလျှင် ၃၅၃၀ နှင့်တရုတ်ငွေတစ် ယွမ်လျှင် ၄၀၃ကျပ်အထိ ပေါက်ဈေးရှိနေကြောင်း သိရသည်။
Yangon Times/NN
#Local_News
#Published_ 26 January 2024
#YMG #Yangon_Times #Yangon_Media_Group

အင်းဝကို နိုင်ငံခြားသားခရီးသွားဝင်ရောက်နှုန်းတက်လာ "အင်းဝကို အရင်က နိုင်ငံခြားသားခရီးသွားတစ်လကို ဆယ်ဂဏာန်းဝင်ရောက်ခဲ့ပေမယ့် အခုချိန်မှာတော့ တစ်ထောင်နီးပါးဝင်ရောက်လာတယ်"
မန္တလေးရှေးဟောင်းသုတေသနနှင့်အမျိုးသားပြတိုက်ဦးစီးဌာန၊ညွှန်ကြားရေးမှူးဒေါက်တာသန်းထိုက်
Yangon Times/tthl
#Local_News
#Published_ 26 January 2024
#YMG #Yangon_Times #Yangon_Media_Group

တရုတ်နယ်စပ်ကို ဝင်ရောက်နိုင်မယ့်  ယာယီ ဖြတ်သန်းခွင့် လက်မှတ် TBP အတွက် ကြိုတင်ရက်ချိန်းယူရသည့် စနစ်ကို ယခုလကုန် ဖျက်သိမ်းမှာဖြစ်ကာ သွားရောက်လိုသူတွေအနေနဲ့ တခါတည်း တန်းစီးပြီး တရုတ်နိုင်ငံထဲကို ဝင်ရောက်နိုင်တော့မှာ ဖြစ်တယ်လို့ ဒေသခံလူမှုကူညီရေးအဖွဲ့တွေထံက သိရပါတယ်။
Yangon Times/LW
#Local_News
#Published_ 26 January 2024
#YMG #Yangon_Times #Yangon_Media_Group

Published 26 January 2024

မကွေးတိုင်းဒေသကြီး အောင်လံမြို့နယ်မှာ အဝေးပြေးယာဉ်ရပ်နားစခန်း တည်ဆောက်ရေးစီမံကိန်း အပိုင်း (၁)အားလာမည့်ဇူလိုင်လအတွင်းအပြီးသတ်တည်ဆောက်သွားရန် မျှော်မှန်းထားကြောင်း အောင်လံမြို့နယ် စည်ပင်သာယာ
ရေးအဖွဲ့မှ သိရသည်။

အဆိုပါ အဝေးပြေးယာဉ်ရပ်နားစခန်းအား အောင်လံမြို့နယ် စည်ပင်သာယာရေးအဖွဲ့၏ ကြီးကြပ်မှုဖြင့် အပိုင်း ၃ ပိုင်း ခွဲ၍ တည်ဆောက်နေခြင်းဖြစ်ကာ ယာဉ်ရပ်နားစခန်းအတွင်း Express အဝေးပြေးကားကြီးဂိတ် ၁၆ ခန်း၊ ကားလေးဂိတ် ၁၀ ခန်း၊ ကုန်တင်ကားဂိတ် ၅ ခန်း၊ ဈေးဆိုင်ခန်း ၅၆ ခန်း၊ စားသောက်ဆိုင်ခန်း ၁၈ ခန်းနှင့် ပွဲရုံနေရာ ၂၁ ခန်း၊ စုစုပေါင်း ၁၂၆ ခန်း ပါဝင်ပြီး ကနဦးအနေဖြင့် စီမံကိန်းအပိုင်း ၁ တွင် စုစုပေါင်းအခန်း ၃၆ ခန်းကို တည်ဆောက်‌နေကြောင်းသိရသည်။

အဝေးပြေးယာဉ်ရပ်နားစခန်း တည်ဆောက်ရေးစီမံကိန်း အပိုင်း (၁) ကို ၂၀၂၃ ခုနှစ် စက်တင်ဘာလ ၁ ရက်မှစတင်ပြီး မြေဧရိယာ ၁၀.၀၄ ဧကပေါ်တွင် အကောင်အထည်ဖော် ဆောင်ရွက်လျက်ရှိရာ လုပ်ငန်းများလုပ်ဆောင်လျှက်ရှိရာ လက်ရှိတွင် ၂၅ ရာခိုင်နှုန်းခန့် ပြီးစီးနေပြီဖြစ်ပြီး ယခုနှစ် ဇူလိုင်လမကုန်မီ အပြီးတည်ဆောက်မည်ဖြစ်ကြောင်း သိရသည်။

ထို့အပြင် ကျန်ရှိသည့် စီမံကိန်းအပိုင်း ၂ နှင့် အပိုင်း ၃ တို့ကိုလည်း လာမည့် သုံး နှစ်အတွင်း အပြီးတည်ဆောက်နိုင်ရန် အောင်လံမြို့နယ်စည်ပင်သာယာရေးအဖွဲ့မှ မျှော်မှန်းထားကြောင်းသိရသည်။

အဆိုပါစီမံကိန်းအားအောင်လံမြို့တွင်း ယာဉ်ကြောပိတ်ဆို့မှုနှင့် ယာဉ်အန္တရာယ်ဖြစ်ပွားမှုများ လျှော့ချနိုင်စေရန်၊ အဝေးပြေးယာဉ်ကြီး၊ ယာဉ်များ စနစ်တကျ ဝင်ထွက်သွားလာနိုင်စေရန်၊ ကူးသန်းရောင်းဝယ်မှုနှင့်ကုန်စည်စီးဆင်းမှု လွယ်ကူမြန်ဆန်စေရန်၊ ဒေသခံပြည်သူများအတွက် စီးပွားရေးအခွင့်အလမ်းများ ဖွံ့ဖြိုးတိုးတက်လာစေရန် ရည်ရွယ်တည်ဆောက်နေခြင်းဖြစ်ကြောင်းသိရသည်။
Yangon Times/NN
#Local_News
#Published_ 26 January 2024
#YMG #Yangon_Times #Yangon_Media_Group

  ' လက်ထဲစပါးကျန်တဲ့ တောင်သူက ၁၀ရာခိုင်နှုန်း‌လောက်ပဲ ကျန်တော့တယ်၊ ၉၀ရာခိုင်နှုန်းက မရှိတော့ဘူး၊ ဒီနှစ်အနေအထားက တစ်ဖြည်းဖြည်းတစ်ရိပ်ရိပ်တက်လာတာ၊ ဒီနေ့ဒီအချိန်မှာတော့ တောင်သူအများစု လက်ထဲစပါးမရှိတော့ဘူး၊ ဒါပေမယ့် ရိတ်တုန်းသိမ်းတုန်းမှာပဲ တစ်ဖြည်းဖြည်းနဲ့ ဈေးကတက်လာတာ၊ စရိတ်တုန်းကသယ်ယူရေးအခက်အခဲကြောင့် ကွင်းထဲကနေရလိုက်တဲ့ ဈေးက အောက်ခြေ ၁၄သိန်းခွဲလောက်က စရခဲ့တယ်။
Yangon Times/NN
#Local_News
#Published_ 26 January 2024
#YMG #Yangon_Times #Yangon_Media_Group

Published_ 26 January 2024

ရှမ်းပြည်နယ်(တောင်ပိုင်း)၊ နမ့်စန်မြို့ပတ်ဝန်းကျင်တွင် တရားမဝင် ဝင်ရောက် နေထိုင်သည့် တရုတ်နိုင်ငံသား တစ်ထောင်ကျော် ထပ်မံဖမ်းဆီးရမိခဲ့ကြောင်း နစက သတင်းထုတ်ပြန်ရေးအဖွဲ့က သိရသည်။

လုံခြုံရေး တပ်ဖွဲ့ဝင်များပါဝင်သော ပူးပေါင်းအဖွဲ့က ဇန်နဝါရီလ ၂၃ ရက်စ၍ ရှောင်တခင်စစ်ဆေး ရှာဖွေဖမ်း ဆီး ခြင်းများ ဆောင်ရွက်ခဲ့ရာ နမ့်စန်မြို့ပတ်ဝန်းကျင်ရှိ နေရာ ၃ နေရာမှ တရားမဝင် ဝင်ရောက်နေထိုင်နေ သည့် တရုတ်နိုင်ငံသား ကျား ၁၀၀၂ ဦး ၊ မ ၃၆ ဦး စုစုပေါင်း ၁၀၃၈ ဦးကို ထပ်မံဖမ်းဆီး ရမိခဲ့ခြင်း ဖြစ်ကြောင်း သိရသည်။

ယင်းကြောင့် လိုအပ်သည့် စစ်ဆေးမှုများ ပြုလုပ်လျက်ရှိပြီး ဥပဒေ၊ လုပ်ထုံး လုပ်နည်းများနှင့်အညီ ဆက်လက် ဆောင်ရွက်လျက်ရှိကြောင်း အဆိုပါ သတင်းထုတ်ပြန်ချက်တွင် ဖော်ပြထားသည်။
Yangon_Times/PP
#Local_News
#Published_ 26 January 2024
#YMG #Yangon_Times #Yangon_Media_Group

ဇန်နဝါရီလ ၂၆ ရက်နေ့ရဲ့ စက်သုံးဆီဈေးနှုန်းတွေဟာ ဇန်နဝါရီလ ၂၅ ရက်နေ့ကထက် ကျပ်တစ်ရာကျော် မြင့်တက်လာတယ်လို့ စက်သုံးဆီ တင်သွင်းသိုလှောင် ဖြန့်ဖြူးခြင်းလုပ်ငန်းကြီးကြပ်ရေး ကော်မတီက ထုတ်ပြန်တဲ့ ဈေးနှုန်းတွေအရ သိရပါတယ်။
Yangon Times/LW
#Local_News
#Published_ 26 January 2024
#YMG #Yangon_Times #Yangon_Media_Group

ဒေသ(၉)ခု၌ ဆောင်းမိုးထစ်ချုန်းရွာဦးမည်။ "စစ်ကိုင်းအထက်ပိုင်း၊ အောက်ပိုင်းနှင့်တနင်္သာရီ၊ ကချင် ၊ချင်း၊ ရှမ်း(မြောက်နှင့် အရှေ့)၊ ကရင်နှင့် မွန်တို့မှာ  မိုးထစ်ချုန်းရွာနိုင်တယ်။ မိုးကြိုးပစ်ခြင်း၊ လျှပ်စီး လက်ခြင်းနှင့် မိုးသီးကြွေခြင်းဖြစ်နိုင်တယ်" မိုးလေဝသနှင့်‌ ဇလဗေဒညွှန်ကြားမှုဦးစီးဌာန ၊ညွှန်ကြားရေးမှူးဦးလှထွန်း
Yangon Times/tthl
#Local_News
#Published_ 26 January 2024
#YMG #Yangon_Times #Yangon_Media_Group

Published_ 26 January 2024

ရွှေတိဂုံစေတီ‌တော်အနောက်ဘက်မုခ်နှင့် ပြည်သူ့ရင်ပြင် ပန်းခြံကြားမြေအောက်လမ်းကူးလူသွား ဥမင် (Underpass) အဆောက်အဦတည်ဆောက်လျက်ရှိပြီးတည်ဆောက်မှု၊ ပြီးစီးမှုရာခိုင်နှုန်း(၃၀) ရှိပြီဖြစ်ကြောင်းမြို့တော်စည်ပင်သာယာရေးကော်မတီမှသိရသည်။

အဆိုပါ စီမံကိန်း၏ ခန့်မှန်းလျာထားကာလ မှာ ၁၄ လခန့် ကြာမြင့်မည်ဖြစ်ပြီး ၂၃ ပေအကျယ်ရှိသည့် မြေအောက်လမ်းကူး လူသွား ဥမင်သီးသန့်အဖြစ် တည်ဆောက်သွားမည်ဖြစ်သည်။

ယခုတည်‌ဆောက်နေသည့် မြေအောက်လမ်းကူး လူသွား ဥမင်သည်တစ်နာရီလျှင် လူဦးရေ ၁၄,၀၀၀ ဦး ဖြတ်သန်း သွားလာနိုင်မည်ဖြစ်ကာ ရွေ့လျား စက်လှေကားလေးစင်းနှင့် မသန်စွမ်း သူများ အသုံးပြုရန် ၁၀ ယောက်စီး ဓာတ်လှေကား နှစ်စင်းပါရှိကြောင်းသိရသည်။

ရွှေတိဂုံစေတီတော်နှင့် ပြည်သူ့ရင်ပြင်သို့ ပြည်သူများ သွားလာရာတွင် ယာဉ်အန္တရာယ်၊ လမ်းအန္တရာယ် ကင်းရှင်းစေပြီး သက်သောင့်သက်သာ ဖြတ်သန်း သွားလာနိုင်ရေးနှင့် ခေတ်မီ အခြေခံအဆောက်အဦ တစ်ခု ပေါ်ပေါက်လာစေရန် ရည်ရွယ်၍ တည်ဆောက်ခြင်းဖြစ်ကြောင်း သိရသည်။

ရန်ကုန်တိုင်းဒေသကြီး ဝန်ကြီးချုပ် မြေအောက်လမ်းကူး လူသွားဥမင် (Underpass) တည်ဆောက်နေမှု ကြည့်ရှုစစ်ဆေးခဲ့ပြီး စံချိန်စံညွှန်း ကိုက်ညီစွာဖြင့် ဆောင်ရွက်ရေး၊ လုပ်ငန်းဆောင်ရွက်နေစဉ် ယာဉ် ကြော ကျပ်တည်းမှုမရှိစေရေး နှင့်    လုပ်ငန်းလိုအပ်ချက်များ မှာကြားခဲ့ကြောင်းသိရသည်။
Yangon Times/tthl
#Local_News
#Published_ 26 January 2024
#YMG #Yangon_Times #Yangon_Media_Group

Published 26 January 2024

  ရန်ကုန်- မန္တလေးအမြန်လမ်းမကြီး၊ မိုင်တိုင်အမှတ် (၃၅/၅) နှင့် (၃၅/၆) ကြားတွင် ယာဉ်(၁)စီးတိမ်းမှောက်မှုဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့၏ သတင်းထုတ်ပြန်ချက်အရ သိရသည်။

  ဇန်နဝါရီ ၂၆ရက် နံနက် ၇နာရီ ခန့်က ဖြစ်ပွားခဲ့ ခြင်း ဖြစ်ပြီး ယာဉ်(၁)စီးတိမ်းမှောက်မှုဖြစ်ပွား‌ကြောင်း သတင်းရရှိသဖြင့် ဘောနတ်ကြီးအမြန်လမ်းမီးသတ်စခန်းမှ မီးသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် သွားရောက်ကူညီဆောင်ရွက်ခဲ့ကြောင်း သိရသည်။

 အဆိုပါ ယာဉ်တိမ်းမှောက်မှုကြောင့် ယာဉ်ပေါ်ပါ သံဃာ(၃)ပါး၊ အမျိုးသား (၅)ဦးနှင့် ကလေးငယ် ကျား(၁)ဦး၊ အမျိုးသမီး (၈)ဦး စုစုပေါင်း(၁၇)ဦးအနက် (၇)ဦး ထိခိုက်ဒဏ်ရာ ရရှိခဲ့ကြောင်း သိရသည်။

  ထိခိုက်ဒဏ်ရာရရှိသူ တို့အား 192 သူနာတင်ယာဉ်ဖြင့် ပဲခူးပြည်သူ့ဆေးရုံသို့ ကူညီပို့ဆောင်ပေးခဲ့ကြောင်း သိရသည်။
Yangon Times/LW
#Local_News
#Published_ 26 January 2024
#YMG #Yangon_Times #Yangon_Media_Group

Published 26 January 2024

တောင်ကိုရီးယားသမ္မတ ယွန်ဆော့ယောရဲ့ ဇနီးဖြစ်သူက သင်းအုပ်ဆရာတစ်ဦးထံကနေ တန်ဖိုးကြီးလက်ကိုင်အိတ်တစ်လုံး လက်ခံရယူပုံကို ဗီဒီယိုကင်မရာဖြင့် ဖမ်းယူရရှိပြီးနောက် လူသိရှင်ကြား တောင်းပန်ရန် သမ္မတကြီးကို ဖိအားပေးလာကြပါတယ်။

ဒီအဖြစ်အပျက်ကြောင့် လာမယ့် ပါလီမန်ရွေးကောက်ပွဲတွေမှာ အာဏာရကွန်ဆာဗေးတစ်တွေအတွက် အထိနာလိမ့်မယ်လို့ သုံးသပ်ရေးများက ဆိုလိုက်ပါတယ်။

သမ္မတကတော် ကင်မ်ကီယွန်ဟီက အမေရိကန် သင်းအုပ်ဆရာမှပေးတဲ့ ဒေါ်လာ ၂၂၀၀ တန် Dior လက်ကိုင်အိတ်ကို လက်ခံရယူနေတဲ့ ဗီဒီယိုတစ်ခုဟာ အွန်လိုင်းမှာ တက်လာခဲ့တာ ဖြစ်ပါတယ်။

သင်းအုပ်ဆရာကတော့ သမ္မတကတော် အကျင့်ပျက်ခြစားတယ်ဆိုတာကို  သက်သေဖို့အတွက် ဒီအထောက်အထားကို လျှို့ဝှက်စွာ ဗီဒီယိုရိုက်ကူးခဲ့တာဖြစ်ကြောင်း ဆိုပါတယ်။

ယွန်ဆော့ယောက ဒီပြဿနာဟာ အလိုလိုပြေပျောက်သွားမယ်လို့ မျှော်လင့်နေပေမယ့် မဲဆန္ဒရှင်တွေ ပိုမိုစိတ်ပျက်လာတဲ့ အခြေအနေတွေကြောင့် လျစ်လျူရှုထားလို့ မရတော့ပါဘူး။

သမ္မတကတော် လုပ်ရပ်မှားတွေနဲ့ ပတ်သက်ပြီး စွပ်စွဲချက်တွေ ပျံ့နှံ့နေချိန်မှာ သမ္မတကတော်တစ်ယောက်အနေနဲ့ တန်ဖိုးကြီးလက်ကိုင်အိတ်တစ်လုံး လက်ခံရယူပုံ မှတ်တမ်းတင်တွေ့ရှိတာဟာ ဒါပထမဆုံး ဖြစ်ရပ်ပါပဲလို့ ဆိုးလ်မြို့ရှိ အစိုးရသမ္မတရဲ့ အကြံပေးအဖွဲ့အစည်း အကြီးအကဲ ချွဲဂျင်က ပြောပြသွားပါတယ်။
Source: South China Morning Post
#World_News
#Published_ 26 January 2024
#YMG #Yangon_Times #Yangon_Media_Group

Published_ 26 January 2024

မြန်မာနိုင်ငံသည် တရုတ်နိုင်ငံအတွက် အေးအတူ၊ ပူအမျှအသိုက်အဝန်းတည်ဆောက်ရေးအတွက် အရေးပါ‌သောအဖွဲ့ဝင်နိုင်ငံဖြစ်ကြောင်း မြန်မာနိုင်ငံဆိုင်ရာတရုတ်သံရုံးမှသိရသည်။

 တရုတ်နိုင်ငံ၏ သမ္မတကြီး ရှီကျင့်ဖျင်ကတရုတ်ကွန်မြူနစ်ပါတီ ဗဟိုကော်မတီ နိုင်ငံခြားရေးလုပ်ငန်း အစည်းအဝေး၌ အရေးပါသောအမှာစကားအဖြစ် "အေးအတူပူအမျှအသိုက်အဝန်း တည်ဆောက်ခြင်းသည် တရုတ်သံတမန်ဆက်ဆံရေး၏ မြင့်မြတ် သော ရည်မှန်းချက် ဖြစ်သည်ဟု အလေးပေးပြောကြားခဲ့ကြောင်း၊ မြန်မာနိုင်ငံသည် အေးအတူပူအမျှအသိုက်အဝန်း တည်ဆောက်ရေးအတွက် အရေးပါအဖွဲ့ဝင်ဖြစ်ကြောင်း ပြောကြားခဲ့သည်"ဟု မြန်မာနိုင်ငံဆိုင်ရာတရုတ်သံရုံးမှ သံမှူးကြီး Dr. Zheng Zhihongကတရုတ်-မြန်မာ မီဒီယာတွေ့ဆုံပွဲ၌ ထည့်သွင်းပြောကြားခဲ့သည်။

ယင်းအပြင်  တန်းတူညီမျှဖြစ်ပြီး စနစ်ကျသော ဗဟုဝင်ရိုးကမ္ဘာနှင့် ကျယ်ကျယ်ပြန့်ပြန့်အကျိုးပြု၍ အားလုံးပါဝင်သည့် စီးပွားရေးဂလိုဘယ်လိုက်ဇေးရှင်းကို အဆိုပြုတင်ပြခဲ့ကြောင်း၊

၊ တရုတ်-မြန်မာဆက်ဆံရေးသည် တရုတ်-မြန်မာ အေးအတူပူအမျှအသိုက်အဝန်း တည်ဆောက်ရေး လုပ်ငန်းစဉ်မှ တိုးတက်မှုအသစ်များရရှိခဲ့ကြောင်း၊

 “Belt and Road”  ပူးပေါင်းဆောင်ရွက်မှုဖြင့် ဆွေမျိုးပေါက်ဖော်ချစ်ကြည်ရေးအတွက် ခေတ်၏အနှစ်သာရသစ်များ တိုးများလာစေကြောင်း၊ မိမိတို့သည် ဗဟိုကော်မတီ နိုင်ငံခြားရေးလုပ်ငန်း အစည်းအဝေး၏စိတ်ဓာတ်ကို ကျင့်သုံးပြီး တရုတ်-မြန်မာချစ်ကြည်ရင်းနှီးစွာဆက်ဆံသည့် အစဉ်အလာကို ပြန့်ပွားစေမည်ဖြစ်ကြောင်း၊ ချစ်ခင်ရင်းနှီးခြင်း၊ ရိုးသားစွာဆက်ဆံခြင်း၊ အပြန်အလှန်အကျိုးဖြစ်ထွန်းခြင်း၊ အားလုံးပါဝင်ခြင်း ဟူသည့် အိမ်နီးချင်း သံတမန်ဆက်ဆံရေးမူဝါဒကို လက်တွေ့ဖော်ဆောင်ပြီး တရုတ်-မြန်မာ အေးအတူပူအမျှအသိုက်အဝန်း တည်ဆောက်မှု ခိုင်ခံ့နက်ရှိုင်းလာစေရန် တွန်းအားပေးသွားမည် ဖြစ်ကြောင်း ပြောကြားခဲ့သည်။

တရုတ်သံရုံး ယဉ်ကျေးမှုဌာန၊ စီးပွားရေးဌာနတို့မှ လူငယ်သံတမန်များက တရုတ်-မြန်မာ ပြည်သူအချင်းချင်း ကူးလူးဖလှယ်ရေး၊ စီးပွားရေးနှင့် ပြည်သူအကျိုးပြုပူးပေါင်းဆောင်ရွက်မှု အခြေအနေများကို မိတ်ဆက်ရှင်းလင်းပြောကြားခဲ့ရာ တရုတ်-မြန်မာ နှစ်နိုင်ငံဗုဒ္ဓဘာသာ ကူးလူးဖလှယ်မှုသည် သမိုင်းကြာရှည်ကြောင်း၊ တရုတ်နိုင်ငံမှ မြန်မာနိုင်ငံ ပြည်သူ့အကျိုးပြု လုပ်ငန်းများအတွက် ကူညီပေးမှုသည် အခြေခံအဆောက်အအုံ၊ သဘာဝဘေးအန္တရာယ် ကာကွယ်လျော့ချခြင်း၊ အများပြည်သူကျန်းမာရေး၊ ဆင်းရဲနွမ်းပါးမှုပပျောက်၍ ချမ်းသာကြွယ်ဝလာခြင်း စသည့် ကဏ္ဍများပါဝင်ကြောင်း၊ တရုတ်နိုင်ငံသည် မြန်မာနိုင်ငံနှင့်အတူ ပြည်သူအချင်းချင်း ကူးလူးဖလှယ်မှု၊ စီးပွားရေး၊ ပြည်သူ့အကျိုးပြု စသည့်ကဏ္ဍများတွင် ပိုမိုနက်ရှိုင်းစွာ ကူးလူးဖလှယ် ပူးပေါင်းဆောင်ရွက်ပြီး နှစ်နိုင်ငံပြည်သူများအတွက်  ပိုမိုများပြားသည့် လက်တွေ့ကျကျ အကျိုးကျေးဇူးများသယ်ဆောင်လာပေးကာ အတူတကွဖွံ့ဖြိုးတိုးတက်မှုနှင့် ပြည်သူများစိတ်နှလုံးချင်းဆက်နွယ်မှုကို မြှင့်တင်သွားမည်ဖြစ်ကြောင်း ပြောကြားခဲ့သည်။ 

 
မီဒီယာကိုယ်စားလှယ်များက တရုတ်-မြန်မာချစ်ကြည်ရေးနှင့် မီဒီယာပူးပေါင်းဆောင်ရွက်ရေး စသည့် အကြောင်းအရာများနှင့်စပ်လျဉ်း၍ ချစ်ကြည်ရင်းနှီးစွာ ကူးလူးဖလှယ်ခဲ့ကြပြီး တရုတ်-မြန်မာ ဆွေမျိုးပေါက်ဖော်ချစ်ကြည်ရေးသည် နှစ်ပေါင်းထောင်ချီ လက်ဆင့်ကမ်းခဲ့ကာ တရုတ်-မြန်မာ အကျိုးတူပူးပေါင်းဆောင်ရွက်မှုသည် ပြည်သူများနှလုံးသားထဲတွင် နက်ရှိုင်းစွာအမြစ်တွယ်နေကြောင်း၊   လက်ရှိတွင် ကမ္ဘာကြီးသည် ကြီးမားသော စိန်ခေါ်မှုနှင့်ရင်ဆိုင်နေရပြီး သတင်းတုသတင်းမှားများစွာ ပျံ့နှံ့နေကြောင်း၊ မီဒီယာများက တက်ကြွသည့်အခန်းကဏ္ဍမှပါဝင်ကာ တရုတ်-မြန်မာချစ်ကြည်ရေး အကြောင်းအရာများကို ပြန့်ပွားစေပြီး နှစ်နိုင်ငံချစ်ကြည်ရင်းနှီးစွာ ကူးလူးဖလှယ် ပူးပေါင်းဆောင်ရွက်မှုအတွက် အကျိုးထမ်းဆောင်ပေးလိုကြောင်း ပြောကြားခဲ့သည်။

ရန်ကုန်မြို့၌ ကျင်းပခဲ့သည့်တရုတ်-မြန်မာ မီဒီယာတွေ့ဆုံပွဲသို့ မြန်မာနိုင်ငံဆိုင်ရာတရုတ်သံရုံးမှ သံမှူးကြီး Dr. Zheng Zhihong တက်ရောက်အမှာစကားပြောကြားခဲ့ပြီး မြန်မာနိုင်ငံ ပြန်ကြားရေးဝန်ကြီးဌာန မီဒီယာဖွံ့ဖြိုးတိုးတက်ရေးဦးစီးဌာန ဒုတိယညွှန်ကြားရေးမှူးချုပ် ဦးဇေယျာ၊ မြန်မာနိုင်ငံ သတင်းမီဒီယာကောင်စီ ဥက္ကဋ္ဌ ဦးအုန်းမောင်၊ မြန်မာ့အလင်း၊ The Global New Light of Myanmar၊ စံတော်ချိန်၊ ဆွေမျိုးပေါက်ဖော်မဂ္ဂဇင်း၊ Myanmar Insider၊ One News စသည့် မြန်မာမီဒီယာပေါင်း ၁၀ ခုကျော် နှင့် မြန်မာနိုင်ငံအခြေစိုက် တရုတ်မီဒီယာ ကိုယ်စားလှယ်များနှင့် သံရုံးမှ လူငယ်သံတမန်များအပါအဝင် စုစုပေါင်း လူ ၃၀ ခန့် တက်ရောက်ခဲ့ကြ‌ ကြောင်းသိရသည်။  
Yangon Times/tthl
#Local_News
#Published_ 26 January 2024
#YMG #Yangon_Times #Yangon_Media_Group