Published 28 January 2024

သက်န်းကျွန်းမြို့နယ်၊လေးထောင့်ကန်ရပ်ကွက်အနီးရှိလက်ဆည်ကန်၌ လူတစ်ဦး ‌ေ-သဆုံးမှုယ‌နေ့မနက်ပိုင်းကဖြစ်ပွားခဲ့ကြောင်းmedical လူငယ်များအဖွဲ့မှသိရသည်။

ယနေ့မနက် ၁၂နာရီဝန်းကျင်ခန့်က သက်န်းကျွန်းမြို့နယ်၊လေးထောင့်ကန်ရပ်ကွက်အနီးရှိလက်ဆည်ကန်အတွင်း၌ လူတစ်ဦး ‌ေ-သဆုံးကြောင်း သတင်းရရှိသဖြင့် သွားရောက်ကူညီခဲ့ခြင်း ဖြစ်ကြောင်းသိရသည်။

'လူတစ်ဦး ‌ေ-သဆုံးတယ်လို့ သတင်းရလို့ ကူညီသယ်‌ဆောင်ပေးဖို့ သွားတာပါ၊‌အမှန်က ရေထဲခုန်ချသွားတာပါ၊ အခုသက်န်းကျွန်းစံပြဆေးရုံကို dead _bodyကိုပို့ဆောင်ခဲ့ပါပြီ ' ဟု medical လူငယ်များအဖွဲ့မှတာဝန်ရှိသူတစ်ဦးကပြောသည်။

အဆိုပါ ‌ေ-သဆုံးသူသည် လူလတ်ပိုင်းတစ်ဦးဖြစ် ‌ေ-သဆုံးသူအား သက်န်းကျွန်းမြို့နယ်ရှိ စံပြဆေးရုံသို့ ပို့ဆောင်ခဲ့ကြောင်းသိရသည်။
Yangon_Times/NN
#Local_News
#Published_ 28 January 2024
#YMG #Yangon_Times #Yangon_Media_Group

Published 28 January 2024

မန္တလေးမြို့၌ တောင်သမန် မယ်ဇယ်လွင်ပြင်အလှ ဓါတ်ပုံပြိုင်ပွဲကို ကျင်းပသွားမည်ဖြစ်ရာ ပြိုင်ပွဲဝင်ဓာတ်ပုံများကို ဇန်နဝါရီ၂၉ရက်နေ့နောက်ဆုံးထားပေးပို့ရမည်ဖြစ်ကြောင်း မန္တလေးမြို့တော်စည်ပင်သာယာရေးကော်မတီမှသိရသည်။

အဆိုပါပြိုင်ပွဲကို မန္တလေးမြို့တော်စည်ပင်သာယာရေးကော်မတီမှ ဦးစီးပြီး ကျင်းပမည်ဖြစ်ရာ ပြိုင်ပွဲဝင်ဓါတ်ပုံများကိုဇန်နဝါရီလ(၂၉) ရက်နေ့ မနက်(၁၀)နာရီမှ ညနေ (၄)နာရီအတွင်း မန္တလေးမြို့တော်စည်ပင်သာယာရေးကော်မတီ၊ ပြည်သူ့ဆက်ဆံရေးနှင့် ပြန်ကြားရေးဌာန၊ ဌာနမှူးရုံးခန်းသို့ ပေးပို့ရမည်ဖြစ်ပြီး ဓါတ်ပုံဆု ရွေးချယ်ခြင်းကို ဇန်နဝါရီလ(၃၀)ရက်နေ့ တွင် ပြုလုပ်မည်ဖြစ်ကြောင်းသိရသည်။

ပြိုင်ပွဲဝင်သူများအနေဖြင့်ကိုယ်တိုင် ရိုက်ကူးထားသော ဓာတ်ပုံများကိုသာ တာဝန်ယူယှဉ်ပြိုင်ရမည်ဖြစ်ပြီး ပိုင်ဆိုင်မှုနှင့် ပတ်သက်၍ အရှုပ်အရှင်း ပြဿနာပေါ်လာပါက ပြိုင်ပွဲဝင်သူက တာဝန်ယူဖြေရှင်းရမည်ဖြစ်ကာ ပေးအပ်ထားသောဆုကို ပြန်လည်ရုပ်သိမ်းမည်ဖြစ်သည့်အပြင် ပုံဟောင်းများ ပါဝင်ယှဉ်ပြိုင်ခွင့်မပြုကြောင်းကော်မတီမှ ထုတ်ပြန်ထားသည်။

ပြိုင်ပွဲဝင်တစ်ဉီးလျင် ၁၀ လက်မ၊ ၁၄ လက်မအရွယ်ရောင်စုံဓာတ်ပုံ (၄) ပုံ အထိ တင်သွင်းယှဉ်ပြိုင်နိုင်ပြီး ပြိုင်ပွဲဝင်အမည်တစ်ခုထက် ပိုပြီးမယှဉ်ပြိုင်ကြရန်နှင့် ယှဉ်ပြိုင်သည်ကိုတွေ့ရှိပါက ဆုစာရင်းမှ ပယ်ဖျက်မည်ဖြစ်ကြောင်း၊ပြိုင်ပွဲဝင်ဓာတ်ပုံများသည် Digital DSLR နှင့် Mirrarless ကင်မရာများဖြင့် ရိုက်ကူးယှဉ်ပြိုင်ခွင့်ပြုပြီး ပြိုင်ပွဲဝင်ရိုက်ကူးထားသော မူရင်းဖိုင်ကို CD ဖြင့် တင်ပြရမည်ဖြစ်သည်။

တောင်သမန်အင်းနှင့်မယ်ဇယ်တန်းသည် ခေတ်အဆက်ဆက်၏ သမိုင်းဝင်နေရာတခုဖြစ်သကဲ့သို့ မြန်မာနိုင်ငံတွင်သာမက ကမ္ဘာကပါအထင်ကရနှင့်စိတ်ဝင်စားကြသည့်အတွက်တောင်သမန်မယ်ဇယ်လွင်ပြင် ဓါတ်ပုံပြိုင်ပွဲမှ တဆင့် ကမ္ဘာတဝှမ်းကပါသိရှိစေလိုသည့်ရည်ရွယ်ချက်ဖြင့် ဓါတ်ပုံပြိုင်ပွဲကျင်းပပေးတာဖြစ်ကြောင်းသိရသည်။

ယခုအခါ တောင်သမန်အင်းနှင့် မယ်ဇယ်တန်းတွင် ဓါတ်ပုံပြိုင်ပွဲဝင်မည့်သူများက ကြိုတင်ပြင်ဆင် ရိုက်ကူးလျက်ရှိပြီးပြိုင်ပွဲတွင်ဆုရရှိသူများကို ဆုများထိုက်တန်စွာချီးမြှင့်သွားမည်ဖြစ်ကြောင်းသိရသည်။
Yangon_Times/NN
#Local_News
#Published_ 28 January 2024
#YMG #Yangon_Times #Yangon_Media_Group

Published 28 January 2024

   ရန်ကုန်တိုင်းဒေသကြီး လှိုင်သာယာ အရှေ့ပိုင်း စက်မှုဇုန် ၄ တွင် ယာဉ်တစ်စီး မီးလောင်မှုဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့ ထံ က သိရသည်။

  ဇန်နဝါရီ ၂၈ရက် မနက် ၁၁နာရီ ၄၀ မိနစ်ခန့်က လှိုင်သာယာ(အရှေ့ပိုင်း)မြို့နယ်၊ စက်မှုဇုန်(၄)၊ ပင်စည်မင်းသားကြီးလမ်းတွင် ကားမီးလောင်မှုဖြစ်ပွားခဲ့ ကြောင်း သိရသည်။

  အဆိုပါ မီးလောင်မှု ဖြစ်ပွားကြောင်း သတင်းရရှိသဖြင့် လှိုင်သာယာမြို့နယ်မီးသတ်စခန်းမှ မီးသတ်ယာဉ်(၁)စီး ထွက်ခွာငြိမ်းသတ်ခဲ့ရာ ၁၁နာရီ ၄၈မိနစ် တွင် မီးငြိမ်းခဲ့ကြောင်း သိရသည်။

     မီးလောင်မှု အကြောင်းရာနှင့်ဆုံးရှုံးမှု တန်ဖိုး ကို သက်ဆိုင်ရာက စစ်ဆေးလျက်ရှိကြောင်း သိရသည်။
Yangon_Times/NN
#Local_News
#Published_ 28 January 2024
#YMG #Yangon_Times #Yangon_Media_Group

' ၂၀၂၃ ခရီးသွားရာသီအစမှာ ဂါယာဘုရားဖူး ခရီးသည်များပြားနေခဲ့ပေမယ့် ပြီးခဲ့တဲ့ လဒီဇင်ဘာလအတွင်းက အိန္ဒိယနိုင်ငံမှ ညအရမ်းအေးတာကြောင့် ဗုဒ္ဓဂါယာဘုရားဖူးခရီးစဉ်အတွက် မြန်မာဘုရားဖူးခရီးသည်‌တွေ သွားရောက်မှု‌ လျော့သွားပေမယ့် လာမယ့်ဖေဖော်ဝါရီမှာတော့ တော်တော်လေး တိုးတက်လာတာကို တွေ့ရပါတယ် '
Yangon Times/NN
#Local_News
#Published_ 27 January 2024
#YMG #Yangon_Times #Yangon_Media_Group

၂၈ ဇန်နဝါရီ ၂၀၂၄

အိန္ဒိယနိုင်ငံ မီဇိုရမ်ပြည်နယ် ရဲတပ်ဖွဲ့က ဒေသခံတစ်ဦးကို သတ်မှုဖြင့် AA လက်နက်ကိုင်အဖွဲ့နှင့်ဆက်စပ်သည်ဟုမှတ်ယူထား သည့် မြန်မာနိုင်ငံသား (၄)ဦးကို ဖမ်းဆီးခဲ့တယ်လို့ အိန္ဒိယပြည်တွင်းသတင်းမီဒီယာများက သတင်းရေးသားပါတယ်။

အဆိုပါ (၄)ဦးထဲမှ (၃)ဦးကို ပြီးခဲ့တဲ့ ကြာသပတေးနေ့က ဖမ်းဆီးရမိခဲ့ပြီးနောက်  သောကြာနေ့မှာ နောက်တစ်ဦးကို မီဇိုရမ် တောင်ပိုင်း ဆီယာဟာမြို့ပြင်မှာ တွေ့ရှိဖမ်းဆီးနိုင်ခဲ့တယ်လို့ ရဲတပ်ဖွဲ့ကပြောပါတယ်။

အသတ်ခံရတဲ့ ဆီယာဟာမြို့ဒေသခံ ကေအယ်လ် ဇိုအာရှာသည် အဲဒီမြန်မာတွေကို သူမောင်းနှင်တဲ့ သုံးဘီးယာဉ်ဖြင့် မြန်မာ နယ်စပ်အနီး လောက်လိုင် Lawngtlai မြို့ကို  ဗုဒ္ဓဟူးနေ့က ပို့ဆောင်ပေးခဲ့ခြင်းဖြစ်တယ်လို့ ရဲကဖြည့်စွက်ပြောပါတယ်။

အဲဒီညမှာ ဇိုအာရှာ အိမ်ပြန်ရောက်မလာလို့ မိသားစုတွေက စိတ်ပူပြီး ဖုန်းဆက်ပေမယ့်  ဇိုအာရှာဖုန်းကပိတ်ထားပါတယ်။

ကြာသပတေးနေ့မနက်မှာတော့ သူ့သုံးဘီးယာဉ်ကို ဆီယာဟာမြို့ပြင်မှာ ပြန်တွေ့ရပြီး အဲဒီနေ့ညနေပိုင်းမှာတော့ သူ့အလောင်းကို လောင်လိုင်းမြို့အနီးမှာရှာတွေ့ခဲ့ပါတယ်လို့ ရဲကပြောပါတယ်။

မီဇိုရမ်ရဲ့ ဦးဆောင် ကျောင်းသားအဖွဲ့အစည်းတစ်ခုဖြစ်တဲ့ မီဇိုဇီယာလိုင်းပေါ Mizo Zirlai Pawl (MZP)က အဆိုပြစ်မှု ကျူးလွန်သူတွေဟာ မြန်မာနိုင်ငံ ရခိုင်ပြည်နယ်ကလာကြသူတွေဖြစ်ပြီး လက်နက်ကိုင်အဖွဲ့အစည်း Arakan Army (AA) နှင့် ပတ်သက်သူတွေဖြစ်တယ်လို့ စွပ်စွဲထားပါတယ်။ ပြီးတော့ အဲဒီသူတွေဟာ ဒုက္ခသည်တွေမဟုတ်ဘဲ မီဇိုရမ်ကို အလုပ်ကိစ္စနှင့် ရောက်လာခဲ့ကြတာလို့လည်း MZP ကျောင်းသားအဖွဲ့ကဆက်ပြော့ပါတယ်။

@ymg/knl

Published 28 January 2024

အမျိုးသားတွေမှာ အသက်အရွယ် ကြီးလာတာနဲ့အမျှ ဟော်မုန်းပြောင်းလဲလာပြီး သွေးဆုံးတာမျိုး ရှိတယ်လို့ Mayo Clinic က ဖော်ပြလိုက်ပါတယ်။

အသက် ၄၀ နောက်ပိုင်းကစပြီး တစ်နှစ်ကို တက်စ်တိုစတီရုန်း ကျားဟော်မုန်း ပျမ်းမျှ ၁ ရာခိုင်နှုန်းစီ ကျဆင်းနေတယ်လို့ ဆိုပါတယ်။

ဒီလိုနဲ့ အသက်ကြီးလာတာနဲ့အမျှ ဆက်လက်ကျဆင်းနေပြီး အသက် ၇၀ အရွယ်မှာ ၅၀ ရာခိုင်နှုန်းလောက်အထိ ကျဆင်းသွားတတ်ပါတယ်။

အမျိုးသားတွေရော အမျိုးသမီးတွေမှာပါ ဟော်မုန်းပြောင်းလဲကြပေမယ့် အမျိုးသမီးတွေမှာ ပိုသိသာပါတယ်။

အမျိုးသားတွေမှာ ဟော်မုန်းပြောင်းလဲတဲ့အခါ လိင်စိတ်ဆန္ဒလျော့နည်းခြင်း၊ ပင်ပန်းနွမ်းနယ်ခြင်း၊ စိတ်ပြောင်းလဲခြင်း၊ ထောင်မတ်ရာမှာ ပြဿနာရှိခြင်း၊ မျိုးမအောင်ခြင်းနဲ့ ကြွက်သားထုလျော့နည်းခြင်းတို့ ဖြစ်လာပါတယ်။

အမျိုးသားများ လိင်စိတ်ကုန်ခမ်းခြင်းအတွက် ကုသနည်းမရှိပေမယ့် တက်စ်တိုစတီရုန်း အစားထိုးခြင်း၊ စားသောက်နေထိုင်မှုပုံစံ ပြောင်းလဲခြင်းတို့ဖြင့် ဟော်မုန်းတွေကို ပြန်လည်ပြည့်ဖြိုးစေနိုင်ပါတယ်။

ခံစားရမှုလက္ခဏာတွေ ပြင်းထန်တယ်ဆိုရင်တော့ ဓာတ်ခွဲခန်းစမ်းသပ်မှု ခံယူသင့်တယ်လို့ ဒေါက်တာ အိုလယ်ရီက ဆိုလိုက်ပါတယ်။

လေ့ကျင့်ခန်းပုံမှန် ပြုလုပ်ခြင်း၊ ညီညွတ်မျှတစွာ စားခြင်း၊ ကောင်းစွာအိပ်စက်ခြင်းတို့ဖြင့် တက်စ်တိုစတီရုန်းပမာဏ ထိန်းသိမ်းနိုင်မှာ ဖြစ်ပါတယ်။

အဝလွန်တဲ့ အမျိုးသားတွေက တက်စ်တိုစတီရုန်းနည်းပါးခြင်း ပိုဖြစ်နိုင်ပြီး ကိုယ်အလေးချိန်လျှော့ခြင်းဖြင့် ဟော်မုန်းပြန်တက်လာနိုင်ပါတယ်။

အမျိုးသားအများစုက ထောင်မတ်မှုပြဿနာနဲ့ ပတ်သက်ပြီး ဝန်မခံချင်ကြဘူးလို့ စိတ်ပိုင်းဆိုင်ရာ ဆရာဝန် ဂျက်ဒိုင်းမွန်းက ပြောကြားလိုက်ပါတယ်။
Source: New York Post
#World_Health
#Published_ 28 January 2024
#YMG #Yangon_Times #Yangon_Media_Group

တရုတ်နိုင်ငံအနေနဲ့နှစ်သစ်မှာ ဗဟိုကော်မတီနိုင်ငံခြားရေးမူဝါဒကို ကျင့်သုံးကာ မြန်မာကို ချစ်ကြည်ရင်းနှီးစွာ ဆက်ဆံပြီး ဉာဏ်ပညာနဲ့ အတွေ့ အကြုံ‌တွေမျှဝေသွားမှာဖြစ်တယ်လို့ မြန်မာနိုင်ငံဆိုင်ရာ တရုတ်သံရုံးမှသိရပါတယ်။
Yangon Times/tthl
#Local_News
#Published_ 27 January 2024
#YMG #Yangon_Times #Yangon_Media_Group

Published 28 January 2024

သားအိမ်ခေါင်းကင်ဆာက အိန္ဒိယမှာ စိုးရိမ်စရာရောဂါကြီးတစ်ခု ဖြစ်နေပြီး နေထိုင်မှုစနစ်ကလည်း များစွာ အရေးပါနေပါတယ်။

အသက် ၁၅ နှစ်မှ ၄၄ နှစ်ကြား အိန္ဒိယအမျိုးသမီးတွေကြား ဒုတိယအဖြစ်အများဆုံး ကင်ဆာဖြစ်တဲ့ သားအိမ်ခေါင်းကင်ဆာအကြောင်း ထိန်းသိမ်းကာကွယ်ရေးနည်းလမ်းများ နားလည်ထားရန် လိုအပ်ပါတယ်။

ထိုကင်ဆာက အမျိုးသမီး အယောက်တစ်သိန်းမှာ ၁၄.၇ ဦးနှုန်း ဖြစ်ပွားပြီး သေဆုံးမှုနှုန်းက ၉.၂ ဦးနှုန်း ရှိနေပါတယ်။

သားအိမ်ခေါင်းကင်ဆာဆိုတာက သားအိမ်အောက်ဆုံးအပိုင်းဖြစ်တဲ့ သားအိမ်ခေါင်းမှာ အကျိတ်ဖြစ်ပေါ်တာဖြစ်ပြီး HPV ရောဂါပိုးကူးစက်တဲ့အခါ ကင်ဆာဖြစ်တတ်ပါတယ်။

စကင်ဖတ်ခြင်း၊ HPV ကာကွယ်ဆေးထိုးခြင်းတို့ဖြင့် ကင်ဆာကို ကာကွယ်နိုင်ပါတယ်။

သားအိမ်ခေါင်းကင်ဆာက အစောပိုင်းမှာ လက္ခဏာမပြတတ်ဘဲ ရောဂါဆိုးရွားလာတဲ့အခါ ယောနိကနေ ပုံမှန်မဟုတ်ဘဲ သွေးထွက်ခြင်း၊ အရည်ထွက်ခြင်း၊ အနံ့ဆိုးထွက်ခြင်း၊ တင်ပါးကိုက်ခဲခြင်းတို့ ဖြစ်တတ်ပါတယ်။

အစောပိုင်းလက္ခဏာအနေနဲ့ ဆေးစစ်တဲ့အခါ သားအိမ်ခေါင်းမှာ အနာဖြစ်ခြင်းနဲ့ မျက်နှာပြင် ပုံမှန်မဟုတ်ခြင်းတို့ ပေါ်တတ်ပါတယ်။

ဒီကင်ဆာက အဖြစ်များပြီး လိင်မှုပြုလုပ်သူအားလုံးနီးပါး တစ်ချိန်ချိန်မှာ ဖြစ်ပွားတတ်ပါတယ်။

အချို့နေထိုင်မှုပုံစံတွေက HPV ကူးစက်နိုင်ခြေနဲ့ ကင်ဆာရောဂါဖြစ်နိုင်ခြေတို့ကို များစေတာကြောင့် ဆင်ခြင်နိုင်တဲ့ နည်းလမ်းတွေလည်း ရှိပါတယ်။

ဆေးလိပ်သောက်ခြင်းက ကင်ဆာဖြစ်စေနိုင်တဲ့ ဒြပ်ပေါင်းများပါဝင်ကာ ဆေးလိပ်ဖြတ်ခြင်းဖြင့် ဖြစ်နိုင်ခြေလျော့ကျစေပါတယ်။

ပုံမှန်လေ့ကျင့်ခန်း ပြုလုပ်ခြင်းဖြင့် ကိုယ်ခံအားစနစ်နဲ့ ကျန်းမာရေးကို ကောင်းမွန်စေကာ ကိုယ်အလေးချိန် ကျစေပါတယ်။

ကိုယ်ဝန်တားဆေးလို ဆေးတွေက သားအိမ်ခေါင်းကင်ဆာ ဖြစ်နိုင်ခြေ များစေတယ်လို့ သားဖွားမီးယပ်ဆရာဝန် ပူဂျာမက်တာက ပြောပြထားပါတယ်။

လိင်မှုကိစ္စဆက်ဆံသူ အရေအတွက် လျှော့ချခြင်းဖြင့် HPV ဗိုင်းရပ်စ် ကူးစက်နိုင်ခြေ နည်းပါးကာ သားအိမ်ခေါင်းကင်ဆာ ဖြစ်နိုင်ခြေ လျော့နည်းစေပါတယ်။

အသက် ၃၀ နောက်ပိုင်း ပုံမှန်ဆေးစစ်ဆေးခြင်းများ ပြုလုပ်ခြင်းဖြင့် ရောဂါစောစီးစွာ တွေ့ရှိနိုင်ပြီး ကုသမှုခံယူနိုင်မှာ ဖြစ်ပါတယ်။

ဟင်းသီးဟင်ရွက်၊ အသီးအနှံ၊ အားရှိတဲ့ အစားအစာတွေက ကင်ဆာဖြစ်နိုင်ခြေ လျော့နည်းစေပါတယ်။
Source: India Today.
#World_Health
#Published_ 28 January 2024
#YMG #Yangon_Times #Yangon_Media_Group

၂၇ ဇန်နဝါရီ ၂၀၂၄

ပညာရေးဝန်ကြီးဌာန၊ (၂၃) ကြိမ်မြောက် ဝိဇ္ဇာနှင့်သိပ္ပံ သုတေသနညီလာခံတွင် တင်သွင်းခဲ့ကြသည့် စာတမ်းများအနက် ထူးချွန်စာတမ်းရှင်များကို ဆုများချီးမြှင့်ခဲ့ကြောင်းသိရှိရပါတယ်။

ယနေ့ ဇန်နဝါရီ ၂၇ ရက်ညက နေပြည်တော်ရှိ Naypyitaw State Academy တွင်ကျင်းပတဲ့ ပညာရေးဝန်ကြီးဌာန၊ (၂၃) ကြိမ်မြောက် ဝိဇ္ဇာနှင့်သိပ္ပံ သုတေသနညီလာခံ ဆုချီးမြှင့်ပွဲနှင့် ဂုဏ်ပြူညစာစားပွဲအခမ်းအနားတွင် နစက ဥက္ကဋ္ဌ ၊ နိုင်ငံတော် ဝန်ကြီးချုပ်ဗိုလ်ချုပ်မှူးကြီးမင်းအောင်လှိုင်နှင့် တာဝန်ရှိသူတွေက ဆုများချီးမြှင့်ခဲ့တာ ဖြစ်ပါတယ်။

ဗိုလ်ချုပ်မှူးကြီးက (၁၇)ကြိမ်မြောက် မြန်မာနိုင်ငံ ဝိဇ္ဇာနှင့်သိပ္ပံပညာရှင် အဖွဲ့ဆုရရှိသူများဖြစ်ကြသည့်ဒေါက်တာ ထက်ထက်သန်းစိန်းဒေါက်တာ ဇော်ဇော်သိန်း၊ဒေါက်တာ အိအိဖြိုး၊ဒေါက်တာ ဝင့်ဝါဝါထွန်း၊ ဒေါက်တာ နန်းယဉ်ယဉ်မိုး၊ ဒေါက်တာချိုမာလွင်၊ဒေါက်တာ ခင်မို့မို့နှင့် ဒေါက်တာ ဟိန်းလတ် တို့ကိုဆုတွေချီးမြှင့်ခဲ့တယ်လို့ သတင်းထုတ်ပြန်ချက်မှာ ဖော်ပြထားပါတယ်။

အဲဒီနောက် နစကဥက္ကဋ္ဌ၏ဇနီးကလည်း မြန်မာဘာသာရပ်နှင့်အင်္ဂလိပ်ဘာသာရပ် တို့တွင်အကောင်းဆုံးစာတမ်းဆုများရရှိကြ သည့် ဒေါက်တာမြမြဝင်း၊ ဒေါက်တာ အေးစုငြိမ်း; ဦးခင်အေး နှင့် ဒေါ်ကေခိုင်ငြိမ်း တို့ကိုလည်းကောင်းဆုများအသီးသီးပေးအပ် ချီးမြှင့်ခဲ့ပါတယ်။ တက်ရောက်လာကြတဲ့ နစက ကောင်စီဝင်များနှင့် ပြည်ထောင်စုဝန်ကြီးတွေကလည်းဘာသာရပ်အလိုက် စာတမ်းဆုရသူများကို ဆုတွေချီးမြှင်ခဲ့ကြတယ်လို့သိရပါတယ်။

အဆိုပါညီလာခံကို ဇန်နဝါရီ ၂၅ ရက်မှစတင်ကာကျင်းပခဲ့ပြီး ပညာရှင်များစွာတို့က သုတေနစာတမ်းများကို ဖတ်ကြား ဆွေးနွေးခဲ့ကြတာဖြစ်ပါတယ်။
-ymh/knl
#Local_News
#Published_ 27 January 2024
#YMG #Yangon_Times #Yangon_Media_Group

အယ်လ်နီညို ရာသီဥတုဖြစ်စဥ်ကြောင့် ကိုလံဘီယာမြိုတော် ဘိုဂိုတာအထက်ရှိ တောင်တန်းတွေမှာ တနင်္လာနေ့က တောမီးလောင်ကျွမ်းမှုများ ဖြစ်ပေါ်ခဲ့ပြီး ခန့်မှန်းမရတဲ့ လေတိုက်ခတ်မှုများကြောင့် မီးသတ်သမားများ ခက်ခက်ခဲခဲ ဆောင်ရွက်ကြရပါတယ်။
#World_Climate
#Published_ 27 January 2024
#YMG #Yangon_Times #Yangon_Media_Group

ပြည်သူ့ပါတီဗဟိုဌာနချုပ် ရုံးခန်းသစ်ဖွင့်လှစ် "နိုင်ငံရေးမှတ်ပုံတင်နိုင်ဖို့အတွက်  ဥပဒေရဲ့ ပြဌာန်းချက်အတိုင်း တကယ့်မြေပြင်မှာလုပ်ကိုင် ဆောင်ရွက်ဖို့ အခက်အခဲ‌တွေ တွေ့ရကြောင်းတွေကိုတင်ပြခဲ့ရာ နစက ဥက္ကဌ၊ဗိုလ်ချုပ်မှူးကြီး မင်းအောင်လှိုင်မှ အတတ်နိုင်ဆုံး  ဖြေလျော့ ဆောင်ရွက်ပေးဖို့ စဉ်းစား‌ဆောင်ရွက်လျက်ရှိတယ်လို့ ပြောပါတယ်" ပြည်သူ့ပါတီဥက္ကဌဦးကိုကိုကြီး
Yangon_Times/tthl
#Local_News
#Published_ 27 January 2024
#YMG #Yangon_Times #Yangon_Media_Group

#Daily_News
Published_ 27 January 2024

၁။ တိုက်ပွဲရှောင်များကြောင့် တောင်ကြီးအိမ်ခြံမြေဈေးကွက် အငှားအပြင် အဝယ်ပါလိုက်ပြီး လှုပ်ခတ်နေ

၂။ ရန်ကုန်တိရစ္ဆာန်ဥယျာဉ်၏ (၁၁၈)နှစ်ပြည့်ပွဲတော် ဆက်လက် ကျင်းပနေ၊(၁၁၈)ယောက်မြောက် ကချင်မှဧည့်သည်ကို လက်ဆောင်ပေးအပ်ခဲ့

၃။ ရန်ကုန်တိုင်းအတွင်း စိုက်ပျိုးသည့် ပဲတီစိမ်း ပြည်ပ၀ယ်လိုအားကောင်းသဖြင့် တစ်တင်းလျှင် ကျပ် ၈၆၀၀၀ကျော် အထိ ဈေးမြင့်လာ

၄။ အယ်လ်နီညိုရာသီဥတုကြောင့် ကိုလံဘီယာမြို့တော် တောင်ကုန်းများတွင် တောမီးလောင်ကျွမ်းခြင်းများ ကြုံတွေ့နေ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group