#Local_News
Published 22 December 2023
တိုင်းရင်းဆေးဆရာများကို ဆေးကုသခွင့်လိုင်စင်များထုတ်ပေးနိုင်ရန် စီစဉ်ဆောင်ရွက်လျက်ရှိကြောင်း မြန်မာနိုင်ငံတိုင်းရင်းဆေးကောင်စီမှသိရသည်။

(၂၂)ကြိမ်မြောက် မြန်မာ့တိုင်းရင်းဆေးသမားတော်များညီလာခံနှင့် မြန်မာ့တိုင်းရင်းဆေးပညာနှီးနှောဖလှယ်ပွဲကို တက်ရောက်လာသည့် မြန်မာနိုင်ငံတိုင်းရင်းဆေးကောင်စီ၊ဥက္ကဌဦးမြင့်ဦး၏ပြောကြားချက်အရသိရခြင်းဖြစ်သည်။

‘‘ယခုညီလာခံမှာ မြန်မာနိုင်ငံတိုင်းရင်းဆေးကောင်စီအဖွဲ့ဝင်တွေ ပါဝင်တက်ရောက်ခဲ့ပါတယ်။ ညီလာခံ အကြိုအနေနဲ့ ဆောင်ရွက်တဲ့ ကွင်းဆင်းဆေးကုသမှုတွေမှာလည်း ကောင်စီက ပူးပေါင်းဆောင်ရွက်ခဲ့ပါတယ်။ ညီလာခံအကြိုအနေနဲ့ ဆောင်ရွက်တဲ့ ကွင်းဆင်းဆေးကုသမှုတွေမှာလည်း မြန်မာနိုင်ငံတိုင်းရင်းဆေး ကောင်စီကပူးပေါင်းဆောင်ရွက်ခဲ့ပါတယ်။အဆို၊အထောက်ဆွေးနွေးမှုတွေမှာလည်း ပါဝင်ဆွေးနွေးမှုတွေ ဆောင်ရွက်ပါတယ်။ လက်ရှိအနေနဲ့ တိုင်းရင်းဆေးဖွံ့ဖြိုးတိုးတက်ဖို့ နိုင်ငံအတွင်းမှာရှိတဲ့ တိုင်းရင်းဆေးဆရာ တွေကိုကုသခွင့်လိုင်စင်တွေ ထုတ်ပေးနိုင်ဖို့ ဆောင်ရွက်နေပါတယ်။ တိုင်းရင်းဆေးဆရာ သက်တမ်းတိုးခြင်း လုပ်ငန်းတွေကိုလည်း ပုံမှန်ဆောင်ရွက်ပေးနေပါတယ်”ဟုမြန်မာနိုင်ငံတိုင်းရင်းဆေးကောင်စီ၊ဥက္ကဌဦးမြင့်ဦး ကပြောသည်။

မြန်မာနိုင်ငံတွင် တိုင်းရင်းဆေးတက္ကသိုလ်ကြီးကို ၂၀၀၂ခုနှစ်ပညာသင်နှစ်ကနေဖွင့်လှစ်ခဲ့ရာ ယခုဆိုရင် (၂၁) နှစ်ရှိပြီဖြစ်ပြီး တိုင်းရင်းဆေးပညာဘွဲ့ရများ၊တိုင်းရင်းဆေးပညာမဟာဘွဲ့၊Ph.Dအထိပေးလျက်ရှိကြောင်း သိရသည်။

ကျောင်းပြီးသွားသူများအနေဖြင့် ကိုယ်ပိုင်တိုင်းရင်းဆေးခန်း၊ဆေးရုံဖွင့်နိုင်ခြင်း၊ကိုယ်ပိုင်ဆေးဝါးထုတ်လုပ်ဖြန့်ဖြူး ရောင်းချနိုင်ခြင်း၊တိုင်းရင်းဆေးဝါးထုတ်လုပ်ရေးလုပ်ငန်းများတွင် ကြီးကြပ်သူ၊အရည်အသွေးစစ်သူ၊သုတေသီများ အဖြစ်ဆောင်ရွက်နိုင်ခြင်း၊တိုင်းရင်းဆေးတက္ကသိုလ်တွင်သင်ကြားရေးဆရာ၊ဆရာမများအဖြစ်လည်းကောင်း ၊တိုင်းရင်းဆေးပညာဦးစီးဌာန၏ကုသရေးတိုင်းရင်းဆေးရုံ၊ဆေးခန်းများတွင် ဆရာ၊ဆရာမများအဖြစ်လည်း ကောင်း၊သုတေသီများအဖြစ်လည်းကောင်း၊ပြည်တွင်း၊ပြည်ပတွင်ဆေးပညာဆိုင်ရာဘွဲ့လွန်များဆက်လက် ဆည်းပူခွင့်ရှိမည်ဖြစ်ကြောင်းကို တိုင်းရင်းဆေးတက္ကသိုလ်၊ပါမောက္ခချုပ်ဦးသိန်းဇော်လင်း၏ပြောကြားချက် အရသိရသည်။

#Local_News #တိုင်းရင်းဆေးဆရာများ #ဆေးကုသခွင့်လိုင်စင်ထုတ်ပေး #tthl #Yangon_Times

#World_News
Published 22 December 2023

အသက် ၂၄ နှစ်အရွယ် ချက်လူမျိုး ကျောင်းသားတစ်ဦးဟာ ကြာသပတေးနေ့က ကလေးအဖေတစ်ဦးနဲ့ ပရက်ဂ်တက္ကသိုလ်ရှိ လူ ၁၄ ဦးကို ပစ်သတ်ခဲ့ပြီး ၂၅ ဦးကို ဒဏ်ရာရရှိစေခဲ့ကာ သူ့ကိုယ်သူ အဆုံးစီရင်သွားကြောင်း ရဲတပ်ဖွဲ့က ပြောကြားခဲ့ပါတယ်။

ဒါဟာ ချက်နိုင်ငံမှာ အဆိုးရွားဆုံး လူအစုလိုက် သတ်ဖြတ်မှုတစ်ခု ဖြစ်လာပါတယ်။

အစိုးရက ကွယ်လွန်သွားသူတွေကို အမှတ်ရတဲ့အနေနဲ့ ဒီဇင်ဘာ ၂၃ ရက်နေ့ကို ဝမ်းနည်းပူဆွေးခြင်း အထိမ်းအမှတ်နေ့အဖြစ် ကြေညာရန် သမ္မတပီတာပေဗယ်လ်က ဝန်ကြီးများနဲ့ အထူးတွေ့ဆုံဆွေးနွေးမှုမှာ ဆုံးဖြတ်လိုက်ပါတယ်။

ငယ်ရွယ်တဲ့ လူငယ်မျိုးဆက်သစ်များ မလိုလားအပ်ဘဲ ဆုံးရှုံးရတဲ့အတွက် အလွန်ဝမ်းနည်းရကြောင်း၊ ကွယ်လွန်သွားသူတွေရဲ့ ဆွေမျိုးအားလုံး ဒီဖြစ်ရပ်ဆိုးကြီးမှာ ပါဝင်ခဲ့သူအားလုံးကို တောင်းပန်အပ်ကြောင်း၊ ချက်ပြည်သူ့သမ္မတနိုင်ငံသမိုင်းမှာ အဆိုးရွားဆုံး ဖြစ်ရပ်ဆိုးဖြစ်ကြောင်း ပေဗယ်လ်က ပြောပြသွားပါတယ်။

ပစ်ခတ်မှုဖြစ်ပွားတဲ့ ပရက်ဂ်ချားလ်စ်တက္ကသိုလ် အဆောက်အအုံမှာ လက်နက်အများအပြားကို ရဲတပ်ဖွဲ့က တွေ့ရှိခဲ့ပြီး တရားခံက သူ့ကိုယ်သူအဆုံးစီရင်ရန် ရည်ရွယ်ချက်ဖြင့် ကလက်ဒ်နိုရှိ သူ့နေရပ်မြို့ကနေ ပရက်ဂ်မြို့သို့ ဦးတည်ထွက်ခွာဖို့များတယ်လို့ ထိုနေ့အစောပိုင်းက သတင်းကြားမိခဲ့ကြပါတယ်။

သေနတ်သမား အတန်းတက်ရောက်ရမယ့် အနုပညာအဆောက်အအုံမှ လူတွေကို ရဲတွေက ဖယ်ရှားရှင်းလင်းခဲ့ပေမယ့် ဒီထက်ပိုကြီးတဲ့ အဆောက်အအုံကနေ အကူအညီတောင်းခဲ့ကြရာ ပစ်ခတ်မှုအကြောင်း တိုင်ကြားပြီးနောက်မိနစ်ပိုင်းအတွင်း ရောက်ရှိလာကြကြောင်း ရဲတပ်ဖွဲ့ဥက္ကဌ မာတင်ဗွန်ဒရာဆက်ခ်က ပြောပြခဲ့ပါတယ်။

ဒါ့အပြင် လူတစ်ဦးနဲ့ ၂ လသားအရွယ်ကလေး တစ်ယောက်တို့ကိုလည်း ပရက်ဂ်မြို့အပြင်ဘက် ရွာတစ်ရွာက တောအုပ်ထဲမှာ အသေပစ်သတ်ခဲ့တာကို ပြီးခဲ့တဲ့အပတ်က တွေ့ရှိထားရာမှာ ထိုသေနတ်သမားကိုပဲ သံသယရှိထားပါတယ်။

သေနတ်သမား သေဆုံးရတာဟာ ကိုယ့်ကိုယ်ကို အဆုံးစီရင်တာ ဖြစ်နိုင်သလို ရဲတွေပြန်ပစ်လို့ သေဆုံးတာလားဆိုတာ အာဏာပိုင်တွေ စုံစမ်းနေပါတယ်။

သေနတ်သမားဟာ အောင်မြင်မှုကြီးကြီးမားမား ရရှိထားတဲ့ ကျောင်းသားတစ်ဦးဖြစ်ပြီး ယခင်က ပြစ်မှုကျူးလွန်ထားတာ မရှိဘဲ တစ်ဦးတည်း လှုပ်ရှားခဲ့တာ ဖြစ်တယ်လို့ ရဲတွေက ဆိုပါတယ်။

အဆိုပါ ပစ်ခတ်မှုက အပြည်ပြည်ဆိုင်ရာ အကြမ်းဖက်မှုတွေနဲ့ ဆက်စပ်ခြင်းမရှိဘူးလို့ ပြည်ထဲရေးဝန်ကြီး ဗစ်ရာကူဆန်က ပြောပြလိုက်ပါတယ်။

အခင်းဖြစ်ပွားရာ အဆောက်အအုံ ဝန်းကျင်နေရာမှာ အတားအဆီးများ ချထားပါတယ်။

မျက်မြင်သက်သေတစ်ဦးဖြစ်တဲ့ အသက် ၄၃ နှစ်ရှိ အီဗိုဟက်ဗ်နာရက်က အဆောက်အအုံထဲကနေ ကျောင်းသားတွေ ဆရာတွေ ရုတ်တရက် ပြေးထွက်လာကြတာ မြင်ရကြောင်း၊ ပရက်ဂ်မှာ ဒီလိုပစ်ခတ်မှုမျိုး ဖြစ်မယ်လို့ မထင်မိကြောင်း၊ ရိုင်ဖယ်သေနတ်တွေကိုင်ပြီး ရဲတွေပါလာတော့မှ တကယ်ဖြစ်နေတယ်ဆိုတာ သိရကြောင်း ပြောပြသွားပါတယ်။

ချက်ပြည်သူ့သမ္မတနိုင်ငံဟာ သေနတ်ပစ်ခတ်မှု အလွန်ရှားပါးတဲ့ နိုင်ငံတစ်နိုင်ငံဖြစ်ပါတယ်။

#World_News #ချက်နိုင်ငံပရက်ဂ်တက္ကသိုလ် #သေနတ်ဖြင့်ပစ်ခတ်မှုဖြစ် #လူ(၁၄)ဦးသေဆုံး #Source: Reuters

#Local_News
Published 22 December 2023

ထိုင်းနိုင်ငံရောက်  မြန်မာအလုပ်သမားများအတွက် မည်သူမည်ဝါဖြစ်ကြောင်း သက်သေခံလက်မှတ် (Certificate of Identity-CI ) ထုတ်ပေးရေး စခန်း (၅) ခုနှင့် မိုဘိုင်းယူနစ် (၃) ခု ဖွင့်လှစ်မည်ဖြစ်ကြောင်း အလုပ်သမားသံအရာရှိရုံးနှင့် မြန်မာသံရုံးမှ အသိပေးထုတ်ပြန်ထားသည်။

မြန်မာရွှေ့ပြောင်းအလုပ်သမားများအတွက် CI စခန်း (၅)ခုနှင့် Mobile Unit (၃)ခုတို့ကို လာမည့် ၂၀၂၄ ခုနှစ် ဇန်နဝါရီလ (၄) ရက်တွင် စတင်ဖွင့်လှစ်မည်ဖြစ်ကြောင်း အသိပေးကြေညာထားသည်။

အဆိုပါ စခန်း (၅) ခုကို စမွတ်စခွန်၊ စမွတ်ပရာကန်၊ ချွန်ပူရီ၊ ပထုံဌာနီ၊ ဆူရတ်ဌာနီတိုတွင် ဖွင့်လှစ်သွားမည်ဖြစ်ပြီး Mobile Unit စခန်း (၃)ခုကို ချင်းမိုင်၊ နခွန်စဝမ်မိုဘိုင်း၊ ဆုန်ခလာတို့တွင် ဖွင့်လှစ်ပေးသွားမည်ဖြစ်ကြောင်း သိရသည်။

ထိုင်းနိုင်ငံတွင် ရောက်ရှိနေသည့် အလုပ်သမားများအား ဥပဒေနှင့်အညီ work permit နှင့် ဗီဇာရရှိစေရေး၊ တရားဝင်အလုပ်သမားများ၏ အခွင့်အရေးများ ရရှိခံစားနိုင်စေရေး၊ မြန်မာနိုင်ငံသို့ပြန်ရန်မလိုဘဲ ထိုင်းနိုင်ငံအတွင်း၌ အထောက်အထားရရှိစေရေး ဆောင်ရွက်သွားမည်ဖြစ်သဖြင့် ကုန်ကျစရိတ်နှင့် အချိန်ကုန်သက်သာစေရန်အတွက် CI စာအုပ်ထုတ်ပေးခြင်းလုပ်ငန်းစဉ်အား ဆောင်ရွက်ပေးခြင်းဖြစ်ကြောင်းသိရသည်။

ပြည်ထဲရေးဝန်ကြီးဌာန၊ လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာနနှင့် အလုပ်သမားဝန်ကြီးဌာနမှ စုစုပေါင်း အရာထမ်း၊ အမှုထမ်း (၄၀) နှင့် စီမံကိန်းနှင့် ဘဏ္ဍာရေးဝန်ကြီး ဌာန၊ ပြည်တွင်းအခွန်များဦးစီးဌာနမှ အရာထမ်း၊ အမှုထမ်း (၁၃) ဦးတို့ တာဝန်ထမ်းဆောင်နိုင်ရေး စေလွှတ်မည်ဖြစ်ကြောင်း သိရသည်။

#Local_News #ထိုင်းရောက်မြန်မာလုပ်သား #မိုဘိုင်းယူနစ်(၃)ခု #YMG/LW #Yangon_Times

#Local_News
Published 22 December 2023

တနင်္သာရီတိုင်းဒေသကြီး၊ လောင်းလုံးမြို့အတွင်း လက်လုပ်စိန်ပြောင်းများဖြင့်ပစ်ခတ်ခဲ့ကြ၍ ဒေသခံ၂ ဦး သေဆုံးကာ ကလေးငယ် ၄ ဦးအပါအဝင် ၈ ဦးဒဏ်ရာရခဲ့ကြောင်း သိရသည်။

ယနေ့ ဒီဇင်ဘာလ ၂၁ ရက်နံနက် ၉ နာရီခန့်က လောင်းလုံးမြို့ရှိ စစ်မှုထမ်းဟောင်းအဖွဲ့ရုံးကို PDF များက မီးရှို့ဖျက်ဆီးပြီး ပြန်လည်ဆုတ်ခွာထွက်ပြေးသွားစဉ် မြို့ပြင်အရောက်၌ ရပ်ကွက်အတွင်းသို့ လက်လုပ်စိန်ပြောင်းဖြင့် အကြောင်းမဲ့ပစ်ခတ်ခဲ့ခြင်းဖြစ်ကြောင်း နစက သတင်းထုတ်ပြန်ရေးအဖွဲ့က ထုတ်ပြန်ထားသည်။

ယင်းကြောင့် လောင်းလုံးမြို့(ခ)ရပ်ကွက်၊ အောင်ချမ်းသာ ဘုရားကြီးအနီးရှိ ဆောက်လုပ်ရေးကုမ္ပဏီမှ အလုပ်သမားတန်းလျားသို့ ကျရောက်ပေါက်ကွဲခဲ့သဖြင့် အဆိုပါ အလုပ်သမားတန်းလျားတွင် နေထိုင်သည့် အမျိုးသားတစ်ဦးနှင့် အမျိုးသမီးတစ်ဦးတို့ သေဆုံးကာ အပြစ်မဲ့ကလေးငယ် ၄ ဦးအပါအဝင် ၈ ဦး ဗုံးစ ထိမှန်ဒဏ်ရာများ ရရှိခဲ့ခြင်း ဖြစ်ကြောင်း သိရသည်။

ယခုအခါ အဆိုပါ ထိခိုက်ဒဏ်ရာရရှိသူများအား လုံခြုံရေးတပ်ဖွဲ့ဝင်များနှင့် ပရဟိတ အသင်းအဖွဲ့များက လောင်း လုံးမြို့မှ ထားဝယ်ပြည်သူ့ဆေးရုံကြီးသို့ ပို့ဆောင်၍ ဆေးကုသမှုခံယူလျက်ရှိကြောင်းသိရှိရသည်။

#Local_News #လက်လုပ်စိန်ပြောင်းများဖြင့်ပစ်ခတ် #၂ဦး သေဆုံး #၈ဦးဒဏ်ရာရ #Yangon_Times/PP

#World_Health
Published 22 December 2023

ရောဂါကူးစက်မှုများ၊ မအီမသာဖြစ်ခြင်းများ မဖြစ်စေရန်အတွက် သန့်စင်ခန်းကို မှန်ကန်စွာ သန့်ရှင်းအောင်ထားဖို့က အရေးကြီးပါတယ်။

အိမ်သာသုံးစက္ကူများအစား ရေပန်းအသုံးပြုဖို့ကို ဂျပန်သိပ္ပံပညာရှင်များ အကြံပြုနေကြပြီး ဒီနည်းလမ်းက ရောဂါကူးစက်မှုတွေကို သိသိသာသာ လျှော့ချနိုင်တယ်လို့ ဆိုပါတယ်။

အိမ်သာသုံးစက္ကူ အသုံးပြုသူတွေထက် ရေပန်းအသုံးပြုသူတွေဟာ လက်တွေဟာ ဘက်တီးရီးယားပါနိုင်ခြေ ၁၀ ဆပိုနည်းကြောင်း တွေ့ရှိဖော်ပြခဲ့ကြပါတယ်။

အိမ်သာသုံးစက္ကူ အသုံးပြုခြင်းကြောင့် Clostridium difficile ဘက်တီးရီးယား ပျံ့နှံ့စေပြီး ဝမ်းပျော့စေကာ အူလမ်းကြောင်း ရောင်ရမ်းခြင်းရောဂါများ ဖြစ်နိုင်ပါတယ်။

အမေရိကမှာ C.difficile ကူးစက်သူ နှစ်စဥ်ငါးသိန်းခန့်ရှိနေပြီး သေဆုံးသူသောင်းဂဏန်းခန့် ရှိပါတယ်။

နယူးယော့ခ်မှ ဒေါက်တာ အီဗန်ဂိုးလ်စတိုင်းက အိမ်သာသုံးစက္ကူတွေဟာ ထင်ထားသလို မသန့်ရှင်းကြောင်း၊ ရေပန်းအသုံးပြုဖို့ကို တိုက်တွန်းလိုကြောင်း ပြောပြခဲ့ပါတယ်။

ရေပန်းပြောင်းလဲဖို့ အခက်အခဲရှိသူတွေအနေနဲ့ မှန်ကန်တဲ့ စက္ကူအမျိုးအစားနဲ့ သုတ်ပုံသုတ်နည်း အသုံးပြုခြင်းဖြင့် ရောဂါကူးစက်မှုများကို ကာကွယ်နိုင်မှာ ဖြစ်ပါတယ်။

တစ်ရွက်တည်းပါတဲ့ တစ်ရှူးစက္ကူတွေဆိုရင် မျက်နှာပြင်ကြမ်းတမ်းတာကြောင့် ဒဏ်ရာအနာတရများ ဖြစ်စေနိုင်ပါတယ်။

ဒီအတွက် ထူထဲပျော့ပျောင်းပြီး စုပ်ယူနိုင်စွမ်းကောင်းတဲ့ အိမ်သာသုံးတစ်ရှူးများ အသုံးပြုဖို့ ကျွမ်းကျင်သူများ အကြံပြုထားပါတယ်။

ပြင်းပြင်းထန်ထန် သုတ်ပါက ထိုနေရာမှာ ပွန်းပဲ့ဒဏ်ရာ ဖြစ်နိုင်ပါတယ်။

စအိုတဝိုက်နေရာကို အိမ်သာတက်ပြီးတိုင်း သန့်ရှင်းရေးလုပ်သင့်ပေမယ့် ညင်သာစွာ ပြုလုပ်သင့်ပါတယ်။

အမျိုးသမီးတွေ သန့်ရှင်းရေးလုပ်တဲ့အခါမှာ အရှေ့ကနေ အနောက်သို့ သုတ်သွားမှသာ ဆီးလမ်းကြောင်းထဲ ပိုးဝင်တာမျိုး ကာကွယ်နိုင်မှာ ဖြစ်ပါတယ်။

အမျိုးသမီးတွေရဲ့ ဆီးလမ်းပြွန်က တိုတာကြောင့် ဆီးလမ်းကြောင်းပိုးဝင်တာ အဖြစ်များပေမယ့် အမျိုးသားတွေမှာလည်း ပိုးဝင်တာမျိုး ရှိတတ်ပါတယ်။

ဘိုထိုင်အိမ်သာတွေမှာ ရေဆွဲချတဲ့အခါ အဖုံးမပိတ်ဘဲ ရေဆွဲပါက အဖုံးပိတ်တာထက် ဘက်တီးရီးယား ကူးစက်နိုင်ခြေ ၁၂ ဆ ပိုများပါတယ်။

ထိုကဲ့သို့ မှန်ကန်တဲ့ အိမ်သာသုံးစက္ကူ၊ သင့်လျော်တဲ့ သုတ်ပုံသုတ်နည်း၊ ရေမဆွဲချခင် အဖုံးပိတ်ခြင်းတို့က လူတစ်ဦးချင်းစီနဲ့ လူအများရဲ့ ကျန်းမာရေးကို ကာကွယ်ပေးသွားမှာ ဖြစ်ပါတယ်။

#World_Health #ရောဂါကူးစက်မှု #အိမ်သာသန့်ရှင်းမှုနည်းလမ်း #Source: The Jerusalem Post

#World_Technology
Published 22 December 2023

ဩစတြေးလျမှ သုတေသီတွေဟာ ကမ္ဘာ့ပထမဆုံး လူ့ဦးနှောက်အဆင့်ကွန်ပျူတာကို တည်ဆောက်နေပြီး လာမယ့်နှစ်မှာ အွန်လိုင်းမှာ အသုံးပြုသွားမှာဖြစ်ပါတယ်။

DeepSouth လို့ခေါ်တဲ့ စူပါကွန်ပျူတာကို ဆစ်ဒနီရှိ နိုင်ငံတကာနျူရိုမောဖစ်စနစ်စင်တာ (ICNS)က Intel ၊ Dell တို့နဲ့ပူးပေါင်းကာ ဆစ်ဒနီအနောက်ပိုင်းတက္ကသိုလ်မှာ တည်ဆောက်မှာ ဖြစ်ပါတယ်။

သာမန်ကွန်ပျူတာတွေနဲ့ မတူတာက DeepSouth ဟာ့ဒ်ဝဲဆားကစ်ပြားတွေဟာ လူ့ဦးနှောက်က အာရုံကြောကလပ်စည်းတွေ လုပ်ဆောင်တဲ့ပုံစံမျိုး အသုံးချပြီး ဖန်တီးထားတာ ဖြစ်ပါတယ်။

အလားတူ ကွန်ပျူတာမျိုးကို ယခင်ကလည်း ပြုလုပ်ဖူးပေမယ့် DeepSouth ကတော့ လက်ရှိမှာ အကြီးမားဆုံးဖြစ်ပါတယ်။

ယခုစူပါကွန်ပျူတာဟာ လူ့ဦးနှောက်တစ်ခုမှာ လုပ်ဆောင်တဲ့ အာရုံကြောကလပ်စည်း အရေအတွက်နဲ့ တူညီတဲ့ ၂၂၈ ထရီလီယံအထိ စွမ်းဆောင်နိုင်မှာ ဖြစ်ပါတယ်။

DeepSouth က လက်ရှိစူပါကွန်ပျူတာတွေထက် ပိုမိုစွမ်းဆောင်ရည် ကောင်းတာမျိုး မဟုတ်ပေမယ့် လူ့ဦးနှောက်မှာ ဘယ်လိုအလုပ်လုပ်လဲဆိုတာကို ပိုမိုလေ့လာနိုင်မှာ ဖြစ်တယ်လို့ ICNS အဖွဲ့မှ ပရောဂျက်ခေါင်းဆောင် အန်ဒရီဗန်ရှိတ်ခ်က ပြောပြသွားပါတယ်။

သုတေသီများအနေနဲ့ ဦးနှောက်ကို စမ်းသပ်ချင်တဲ့အခါ ဒီကွန်ပျူတာကို အသုံးချနိုင်ပြီး လူလုပ်အသိဉာဏ်(AI) ပုံစံသစ်များ ဖန်တီးဖို့အတွက်လည်း အသုံးဝင်လာနိုင်ပါတယ်။

DeepSouth ဟာ အလွန်မြန်ဆန်ပြီး အလွန်ကျယ်ပြန့်တဲ့ အပြိုင်လုပ်ဆောင်ချက်များကို ဓာတ်အားနည်းပါးစွာဖြင့် ထောက်ကူပေးနိုင်မှာ ဖြစ်ပါတယ်။

ပိုမိုကြီးမားတဲ့ စနစ်အတွက် တိုးချဲ့ခြင်းဖြစ်ဖြစ် ပိုမိုသေးငယ်တဲ့စနစ်အတွက် ခွဲခြမ်းပိုင်းဖြတ်ခြင်းဖြစ်ဖြစ် ပြုလုပ်နိုင်မှာ ဖြစ်ပါတယ်။

ဦးနှောက်ပုံစံကို အတုယူပြီး လက်ရှိပုံစံများထက် AI လုပ်ဆောင်ချက်များကို ပိုမိုထိရောက်တဲ့နည်းလမ်းများဖြင့် ဖန်တီးနိုင်မှာလည်း ဖြစ်ပါတယ်။

#World_Technology #လူ့ဦးနှောက်အဆင့်ကွန်ပျူတာ #Source: WION

အီတလီနိုင်ငံ ဘိုလော့ဂ်နာမြို့ရှိ အထင်ကရမျှော်စင်ကြီး ၂ ခုထဲက တစ်ခုဖြစ်တဲ့ ဂါရီဆင်ဒါမျှော်စင်ဟာ ပြိုကျနိုင်တဲ့အန္တရာယ်ရှိတယ်လို့ အာဏာပိုင်များတွေ့ရှိခဲ့ပြီးနောက် အရေးပေါ်ထိန်းသိမ်းပြုပြင်ရန် ပိတ်သိမ်းလိုက်ပါတယ်။
#World_Attraction
Published 21 December 2023
#ဘိုလော့ဂ်နာမြို့ #မျှော်စင်ပြိုကျနိုင်

#Daily_News
Published 21 December 2023

၁။ မြန်မာများထိုင်းနိုင်ငံကို အများဆုံးသွားရောက်လည်ပတ်‌နေ၊ ဗုဒ္ဓဂါယာခရီးစဉ်သွားသူများပုံမှန်သာရှိ

၂။ ပလင်းကမ်းသာယာဆင်စခန်း၌ခရစ္စမတ်နှင့် နှစ်သစ်ကူးပွဲတော်ကာလများတွင် ခရီးသွားများအပန်းဖြေနိုင်ရန် ပြင်ဆင်မှုများတိုးမြှင့်ဆောင်ရွက်နေ

၃။ ပြောင်းဈေး မြင့်လာသော်လည်း သယ်ယူပို့ဆောင်ရေးစရိတ်များလာသဖြင့် တောင်သူတွေအကျိုးအမြတ်နည်းဟုဆို

၄။ ဘိုလော့ဂ်နာမြို့ရှိနာမည်ကျော်မျှော်စင်ပြိုကျနိုင်သည့် အန္တရာယ်ရှိသဖြင့် ပိတ်သိမ်းထားရကာ အတားအဆီးများဖြင့်ကာကွယ်ထား ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

အကြောင်းအမျိုးမျိုးကြောင့် ပိုဆောင်ရေးလမ်းကြောင်းတွေ ပိတ်နေတဲ့အတွက် ပြည်တွင်းမှာမွေးမြူထွက်ရှိတဲ့ ဇီဝဇိုး ငှက်သိုက်ကုန်ကြမ်းကို တရုတ်ကို တင်ပို့မှုရပ်ထားရကာ ပြည်တွင်းဈေးကွက်ကိုသာ အားထားနေရတယ်လို့ ဇီဝဇိုးဌက်သိုက်မွေးမြူထုတ်လုပ်သူတွေထံက သိရပါတယ်။
#Local_News
Published 21 December 2023
#ဇီဝဇိုးငှက်သိုက် #တရုတ်ကိုတင်ပို့မှုရပ်ထား
#YMG/LW #Yangon_Times

"ကချင်၊ ချင်း၊ စစ်ကိုင်းတိုင်း(အထက်ပိုင်း) စတဲ့ မြန်မာနိုင်ငံအထက်ပိုင်းမှာ အအေးဓာတ်များရရှိနေပြီဖြစ်ပေမယ့် ရန်ကုန်၊ ပဲခူး၊ တနင်္သာရီစတဲ့ မြန်မာနိုင်ငံအောက်ပိုင်းဒေသတွေကတော့ ခရစ္စမတ်ဒီဇင်ဘာ(၂၅)ရက်ဝန်းကျင်မှ ဇန်နဝါရီလအတွင်း အေးလာတော့မှာဖြစ်တယ်" မိုးလေဝသနှင့်ဇလဗေဒညွှန်ကြားမှုဦးစီး‌ဌာန၊ ညွှန်ကြားရေးမှူးဦးလှထွန်း
#Local_News
Published 21 December 2023
#ဒေသအချို့မိုးရွာ #ရန်ကုန်ပါအေးလာ
#tthl #Yangon_Times

#Local_News
#Published 21 December 2023

ခရစ္စမတ်နေ့အထိမ်းအမှတ်အဖြစ် ရန်ကုန် တိရစ္ဆာန်ဥယျာဉ်တွင် Christmas Party ပွဲကိုဒီဇင်ဘာလ(၂၃)ရက်ကနေ(၂၅)ရက်နေ့အထိ (၃)ရက်တိုင်တိုင်ကျင်းပမည်ဖြစ်ကြောင်း တိရစ္ဆာန်ဥယျာဉ်(ရန်ကုန်)မှသိရသည်။

ယင်းခရစ်စမတ်ပွဲ Yangon zoo “CHRISTMAS PARTY”ပွဲတွင် ဖျော်ဖြေရေးအစီအစဉ်များနှင့် စည်ကားသိုက်မြိုက်စွာ ကျင်းပသွားမည်ဖြစ်ပြီး

• Magic Show မျက်လှည့်

• Kids Talent Show ကလေးငယ်များTalent Show

• Photo Session With Birds ငှက်များဖြင့်ဓာတ်ပုံရိုက်ခြင်း

• Carol Singing 

• ခေတ်ပေါ် အကများဖြင့်ဖျော်ဖြေခြင်း 

• တေးဂီတအဖွဲ့များ၏ ဖျော်ဖြေခြင်းများအပြင်

လာရောက်လည်ပတ်သူများအတွက် လူသုံးကုန်ပစ္စည်းများနှင့် စားသောက်ဖွယ်ရာများ ရောင်းချပေးမည့် ဈေးဆိုင်ခန်းများစွာလည်းပါဝင်မည်ဖြစ်ကြောင်း သိရသည်။

#Local_News #တိရစ္ဆာန်ဥယျာဉ်(ရန်ကုန်) #Christmas Party #tthl #Yangon_Times

#Local_News
Published-21 December 2023

ရန်ကုန်တိုင်းဒေသကြီး၊ တာမွေမြို့နယ်၊ နတ်ချောင်းရပ်ကွက်၊ ကမ်းနားလမ်းတွင် နေအိမ်တိုက်ခန်း တစ်ခန်း မီးလောင်မှုဖြစ်ပွားကြောင်း မြန်မာနိုင်ငံ မီးသတ်တပ်ဖွဲ့က သိရသည်။

တာမွေမြို့နယ်၊ နတ်ချောင်းရပ်ကွက်၊ ကမ်းနားလမ်း၊ ဈေးလမ်းတွင် ဒီဇင်ဘာ (၂၁)ရက်၊ နေ့လည် (၁၂)နာရီခွဲခန့် အချိန်က နေအိမ်တိုက်ခန်း တစ်ခန်း မီးလောင်မှုဖြစ်ပွားကြောင်း သတင်းအရ တာမွေမြို့နယ် မီးသတ်စခန်းမှ မီးသတ်ယာဉ်(၂)စီးနှင့် မင်္ဂလာတောင်ညွန့်မြို့နယ် မီးသတ်စခန်းမှ မီးသတ်ယာဉ်(၁)စီးတိုဖြင့် ထွက်ခွာငြှိမ်းသတ်ခဲ့ရာ နေ့လည် (၁၂)နာရီ (၃၈)မိနစ်အချိန်တွင် မီးထိန်းနိုင်ခဲ့ပြီး နေ့လည် (၁၂)နာရီ (၃၉)မိနစ်အချိန် မီးငြှိမ်းသတ်နိုင်ခဲ့ကြောင်း သိရသည်။

အဆိုပါ တိုက်ခန်း မီးလောင်မှုကြောင့် လူ/တိရိစ္ဆာန် ထိခိုက်မှု တစ်စုံတစ်ရာမရှိကြောင်း၊ ဖြစ်စဉ်နှင့် ပတ်သက်၍ မီးသတ်တပ်ဖွဲ့မှ လိုအပ်သည်များ ဆက်လက် လုပ်ဆောင်သွားမည်ဖြစ်ကြောင်း သိရသည်။

#Local_News #တိုက်ခန်းမီးလောင်မှုဖြစ်ပွား #YMG/ NN #Yangon_Times