၁၁ ဧပြီ ၂၀၂၄

ဗီယက်နမ် အိမ်ခြံမြေလုပ်ငန်းရှင်သူဋ္ဌေးမကြီးတစ်ဦးကို ဗီယက်နမ်တရားရုံးတစ်ခုက ငွေကြေးလိမ်လည်မှုဖြင့် သေဒဏ်  အပြစ်  ပေးခဲ့ကြောင်း နိုင်ငံပိုင်မီဒီယာများက သတင်းထုတ်ပြန်ပါတယ်။

အိမ်ခြံမြေ လုပ်ငန်းရှင် ထရွန်မိုင်လန်ဟာ ဗီယက်နန် ဒွန်ငွေ ၃၀၄ထရီလီယံ( အမေရိကန် ဒေါ်လာ ၁၂.၄၆ ဘီလျံ)တန်ဖိုးရှိတဲ့ ဗီယက်နမ်ရဲ့ အကြီးမားဆုံးသော ငွေကြေးလိမ်လည်မှုကို ကျူးလွန်ခဲ့တဲ့အတွက် သူမကို သေဒဏ်အပြစ်ပေးခဲ့တာဖြစ်ပါတယ်။

လန်ဟာ ဗီယက်နမ်ရဲ့  အိမ်ခြံမြေလုပ်ငန်းကြီးဖြစ်တဲ့ ဗန်သင်ပက်ဟိုးလ်ဒင်း အုပ်စုကြီးရဲ့ ဥက္ကဋ္ဌဖြစ်ပါတယ်။ သူမဟာ ငွေကြေး  အလွဲသုံးစားပြုမှု၊လာဘ်ပေးလာဘ်ယူမှုနှင့် ဘဏ်စည်းမျဉ်းစည်းကမ်းတွေကိုချိုးဖောက်မှုတို့ဖြင့် အပြစ်ရှိကြောင်း ဟိုချီမင်းမြို့ မှာရှိတဲ့ တရားရုံးက တရားစီရင်ခဲ့တာပါ။

မတ်လ ၅ရက်နေ့က စတင်ခဲ့တဲ့ တရားရုံးစစ်ဆေးမှုဟာ သတ်မှတ်ထားတဲ့ အချိန်ကာလထက် စောပြီး စစ်ဆေးပြီးစီးခဲ့ပါတယ်။ သူမရဲ့အမှုနှင့်ဆက်စပ်ပြီး အစိုးရထိပ်ပိုင်းအရာရှိကြီးတွေနှင့် နာမည်ကြီး စီးပွားရေးလုပ်ငန်းအကြီးအကဲတွေလည်း တရားစွဲခံရ တာတွေ၊ ရာထူးပြုတ်သွားတာတွေဖြစ်ခဲ့ရပါတယ်။

လန်နှင့်သူမရဲ့ကြံရာပါတွေဟာ ဆိုင်းဂုံပူးတွဲစတော့ခ်ကော်မာရှယ်ဘဏ်( အက်စ်စီဘီ)ကနေ ၃၀၄ ထရီလီယံဒွန်ငွေတွေကို ထုတ် နုတ်ယူခဲ့ကြပါတယ်။အဲဒီဘဏ်ကို သူမဟာ သူမရဲ့ ကြားခံကိုယ်စားလှယ်လူတစ်ဒါဇင်ကျော်ကနေတစ်ဆင့် ထိန်းချုပ် ခဲ့တာဖြစ်ပါတယ်လို့ အမှုစစ်ဆေးသူတွေထံမှသိရပါတယ်။

၂၀၁၈ခုနှစ်စောစောပိုင်းကနေ့ ၂၀၂၂ အောက်တိုဘာအထိ လန်ဟာ ကုမ္ပဏီတွေကို အကာအကွယ်ပေးဖို့အတွက် ဥပဒေမဲ့ ချေးငွေများစွာကို စီစဉ်ပြီး အဲဒီဘဏ်ကနေ ငွေကြေး အကြီးအကျယ်ထုတ်ယူခဲ့ပါတယ်။ အဲဒါကြောင့် ဘဏ်မှာ အာမခံငွေတွေ ကုန်ဆုံးသွားတဲ့အတွက် နိုင်ငံတော်က ဝင်ပြီး အာမခံပေးဆောင်ခဲ့ရပါတယ်။

လန်က တရားရုံးဆုံးဖြတ်ချက်အပေါ် အယူခံတင်သွင်းမယ်လို့ မိသားစုဝင်တွေက ရိုက်တာသတင်းဌာနကိုပြောပါတယ်။

Source Reuters

#World_Health
Published 11 April 2024

အမျှင်ဓာတ်ကြွယ်ဝတဲ့ အစားအစာများ စားသုံးခြင်းဖြင့် အစာခြေစနစ် ကောင်းမွန်စေခြင်း၊ ကိုယ်အလေးချိန်ထိန်းခြင်း၊ နာတာရှည်ရောဂါများ ကာကွယ်ပေးနိုင်ကာ အူလမ်းကြောင်း ကျန်းမာရေးကို ကောင်းမွန်စေပါတယ်။

အမျှင်ဓာတ်ထောက်ပံ့ပေးမယ့် အစားအစာတွေကတော့ ..

(၁) ငှက်ပျောသီး

ငှက်ပျောသီးမှာ ပါဝင်တဲ့ အမျှင်ဓာတ်တွေက သွေးတွင်းသကြားဓာတ်ကို ထိန်းသိမ်းပေးပြီး အစာကြေစေပါတယ်။

(၂) အုတ်စပါး

အုတ်စပါးမှာပါဝင်တဲ့ ပျော်ဝင်အမျှင်ဓာတ်က  ကိုလက်စထရောလ် ကျစေပြီး ဗိုက်ပြည့်ဝနေစေပါတယ်။

(၃) ပဲအမျိုးမျိုး

ပဲကြီး၊ ပဲနီလေး၊ ကုလားပဲတို့က အမျှင်ဓာတ်ကြွယ်ဝပြီး ဗိုက်ပြည့်ဝနေစေကာ ကိုယ်အလေးချိန် ထိန်းသိမ်းနိုင်ပါတယ်။

(၄) ပန်းဂေါ်ဖီစိမ်း

ဝမ်းကိုပျော့စေကာ ပုံမှန်ဝမ်းသွားစေပြီး ကိုလက်စထရောလ် လျှော့ချပေးနိုင်ပါတယ်။

(၅) ဘယ်ရီသီးများ

စတော်ဘယ်ရီသီး၊ ရက်စ်ဘယ်ရီသီး၊ ဘလူးဘယ်ရီသီးတို့ဟာ အမျှင်ဓာတ်ကြွယ်ဝတဲ့အပြင် ဓာတ်တိုးဆန့်ကျင်ပစ္စည်းများ၊ ဗိုက်တာမင်၊ သတ္တုဓာတ်များလည်း ပါဝင်ပါတယ်။

(၆) ကွီနိုအာ

ဂလူတန်မပါတဲ့ စပါးမျိုးဖြစ်ပြီး အစာခြေခြင်းကို ကူညီပေးကာ ဗိုက်ပြည့်ဝနေစေပါတယ်။

(၇) ကန်စွန်းဥ

အမျှင်ဓာတ် ပေါများစွာပါဝင်ပြီး သွေးတွင်းသကြားဓာတ် ထိန်းသိမ်းပေးကာ အာဟာရဓာတ်များ ရရှိစေပါတယ်။

(၈) ချီယာစေ့

ပျော်ဝင်စေတဲ့ အမျှင်ဓာတ်များပါဝင်ကာ အစာခြေခြင်းကို ကူညီပေးပြီး ဗိုက်ပြည့်ဝနေစေပါတယ်။

(၉) ဂျုံစပါးမျိုးများ

ဆန်ညို၊ ဘာလီ၊ ဂျုံတို့ဟာ သွေးတွင်းသကြားဓာတ်ကို ထိန်းညှိပေးပြီး ဗိုက်ပြည့်တင်းစေပါတယ်။

(၁၀) အခွံမာသီးများနှင့်အစေ့များ

ဗာဒံစေ့၊ လျှော်စေ့၊ ဖရုံစေ့တို့ဟာ အမျှင်ဓာတ်ပေါများပြီး အာဟာရဓာတ်အမျိုးမျိုး ပါဝင်ပါတယ်။

#World_Health #အမျှင်ဓာတ်ကြွယ်ဝ #ပုံမှန်စားသုံးသင့်သည့်အစားအစာ #Source: DoctorNDTV

#World_News
Published 11 April 2024

ဗုဒ္ဓဟူးနေ့က ဂါဇာကမ်းမြောင်မှာ အစ္စရေးလ်တို့ လေကြောင်းတိုက်ခိုက်ရေး ပြုလုပ်ခဲ့ရာမှာ ဟားမတ်စ်ခေါင်းဆောင် အစ္စမေးလ်ဟာနီယက်ရဲ့ သား ၃ ဦးသေဆုံးသွားခဲ့ကြောင်း ပါလက်စ်တိုင်း အစ္စလာမ်အဖွဲ့နဲ့ ဟာနီယက်မိသားစုတို့က ပြောကြားလိုက်ပါတယ်။

အစ္စရေးလ်စစ်တပ်က တိုက်ခိုက်မှုပြုလုပ်ခဲ့ကြောင်း အတည်ပြုလိုက်ကာ ဟားမတ်စ်လက်နက်ကိုင်အဖွဲ့ထဲမှ ထို ၃ ဦးကို ပစ်မှတ်ထားခဲ့တာ ဖြစ်တယ်လို့ ဖော်ပြခဲ့ပါတယ်။

ဟာဇမ်၊ အေမီယာ၊ မိုဟာမက်တို့ ၃ ဦးဟာ ဂါဇာမှ အယ်လ်ရှာတီစခန်းမှာ ကားမောင်းနေစဥ် ဗုံးကျဲခံရကာ သေဆုံးခဲ့တာ ဖြစ်တယ်လို့ ဟားမတ်စ်တို့က ဆိုပါတယ်။

ဟာနီယက်ရဲ့ မြေးယောက်ျားလေး တစ်ဦးနဲ့ မြေးမိန်းကလေး ၃ ဦးတို့ဟာလည်း တိုက်ခိုက်မှုအတွင်း သေဆုံးခဲ့တယ်လို့ ဆိုပါတယ်။

သား ၃ ဦးနဲ့ မြေး ၄ ဦးတို့ဟာ မွတ်ဆလင်အစ်အယ်လ်ဖီတာ အားလပ်ရက် ပထမနေ့အတွင်း ရှာတီမှာ မိသားစုလည်ပတ်နေတာ ဖြစ်ပါတယ်။

၆ လကျော်ကြာမြင့်ပြီဖြစ်တဲ့ ဂါဇာစစ်ပွဲသက်တမ်းမှာ အစ္စရေးလ်ရဲ့ အပစ်အခတ်ရပ်စဲရေး အဆိုပြုချက်ကို ဟားမတ်စ်တို့ လေ့လာနေခဲ့တာဖြစ်ပြီး ပါလက်စ်တိုင်း လိုအပ်ချက်တွေနဲ့ တစ်ခုမှ မကိုက်ညီဘူးလို့ အင်္ဂါနေ့က ဆိုလိုက်ပါတယ်။

အစ္စရေးလ်တို့က ဂါဇာကို ဖျက်ဆီးထားပြီး ဟားမတ်စ်တို့က အစ္စရေးလ် စစ်ရေးလှုပ်ရှားမှုရပ်ဆိုင်းရေး၊ ကမ်းမြောင်မှ ဆုတ်ခွာရေး၊ စစ်ဘေးရှောင် ပါလက်စ်တိုင်းများ အိမ်ပြန်နိုင်ရေးတို့ကို အလိုရှိနေပါတယ်။

ဟာနီယက်ရဲ့ အကြီးဆုံးသားက သူ့ညီတွေ အသတ်ခံရတာကို အတည်ပြုလိုက်ပါတယ်။

အစ္စရေးလ်က ဟားမတ်စ်ခေါင်းဆောင်ပိုင်းတွေကို အကြမ်းဖက်သမားများအဖြစ် သတ်မှတ်လိုက်ကာ ဟာနီယက်နဲ့ အခြားခေါင်းဆောင်တွေက ဟားမတ်စ်အကြမ်းဖက် အဖွဲ့အစည်းကို ကြိုးကိုင်နေတယ်လို့ စွပ်စွဲလိုက်ပါတယ်။

#World_News #အစ္စရေးလ်လေကြောင်းတိုက်ခိုက်မှု #ဟားမတ်စ်ခေါင်းဆောင်၏သားသုံးဦးသေဆုံး #Source: Reuters

#Local_News
Published_ 11 April 2024

အမျိုးသားပို့ကုန်မဟာဗျူဟာ ဒုတိယအဆင့်ဖြစ်သော ၂၀၂၀-၂၀၂၅ ကာလအတွက် ကဏ္ဍ (၁၈) ခုကို ထိရောက်စွာ အကောင်အထည်ဖော်ဖို့ အမျိုးသား ပို့ကုန်မဟာဗျူဟာ အစိုးရ-ပုဂ္ဂလိက ပို့ကုန်မြှင့်တင်ရေးကော်မတီဥက္ကဋ္ဌ နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌရုံး ဝန်ကြီးဌာန-၂ ဝန်ကြီး ဦးအောင်နိုင်ဦးက ပြောကြားခဲ့ပါတယ်။

အမျိုးသားပို့ကုန် မဟာဗျူဟာ အစိုးရ-ပုဂ္ဂလိက ပို့ကုန်မြှင့်တင်ရေးကော်မတီ၏ (၂/၂၀၂၄)ကြိမ်မြောက် အစည်းအဝေးကို ဧပြီ (၁၀)ရက်တွင် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၌ ကျင်းပစဉ်ပြောကြားခဲ့တာ ဖြစ်ပါတယ်။

ကဏ္ဍအလိုက် ဖွဲ့စည်းထားတဲ့ ပို့ကုန်ဖွံ့ဖြိုးတိုးတက်ရေးကော်မတီများ ကျစ်လျစ်စွာ ပြန်လည်ဖွဲ့စည်းရေး၊ ကဏ္ဍအလိုက်လုပ်ငန်းစီမံချက်များအနက် လက်တွေ့လျင်မြန်စွာ အကျိုးဖြစ်ထွန်းနိုင်မည့် လုပ်ငန်းစဉ်များ ရွေးချယ်ဆောင်ရွက်နိုင်ရေးတို့ကို ဦးစွာဆောင်ရွက်ပြီး အကောင်အထည်ဖော်ဖို့ ဝန်ကြီးက ပြောဆိုပါတယ်။

ထို့ပြင် ဦးစားပေးရွေးချယ်ဆောင်ရွက်မည့် လုပ်ငန်းများက ပို့ကုန်တိုးမြှင့်တင်ပို့နိုင်ရေးကို အချိန်တိုအတွင်း အထောက်အကူပြုနိုင်မည့် လုပ်ငန်းများဖြစ်ဖို့လည်း လိုအပ်တယ်လို့ ဝန်ကြီးကဆိုပါတယ်။

ဆက်လက်၍ မြန်မာကုန်သွယ်မှု မြှင့်တင်ရေးအဖွဲ့ ညွှန်ကြားရေးမှူးချုပ်က အမျိုးသားပို့ကုန်မဟာဗျူဟာ ကဏ္ဍအလိုက် ကော်မတီများ ပြန်လည်ဖွဲ့စည်းမှုပိုင်းနှင့် လုပ်ငန်းစီမံချက်များ ပြင်ဆင်ရေးဆွဲမှုများကို ရှင်းလင်းတင်ပြခဲ့ပါတယ်။

ကဏ္ဍအလိုက် ကော်မတီဥက္ကဋ္ဌများက သက်ဆိုင်ရာကဏ္ဍများအလိုက် ကော်မတီများ ပြန်လည်ဖွဲ့စည်းထားရှိမှုနှင့် လုပ်ငန်းစီမံချက်များ ပြင်ဆင်ရေးဆွဲ ဆောင်ရွက်ထားမှုများ၊ ဦးစားပေးဆောင်ရွက်မည့် လုပ်ငန်းများ ရွေးချယ်ထားရှိမှုများကို ရှင်းလင်းတင်ပြကြရာ အမျိုးသားပို့ကုန်မဟာဗျူဟာ အစိုးရ-ပုဂ္ဂလိက ပို့ကုန်မြှင့်တင်ရေး ကော်မတီအဖွဲ့ဝင်များက ပြန်လည်သုံးသပ်ဆွေးနွေးခဲ့ကြောင်း သတင်းရရှိပါတယ်။

#Local_News #အမျိုးသားပို့ကုန်မဟာဗျူဟာ #ပို့ကုန်မြှင့်တင်ရေးကော်မတီ #Ymg_mnn #Yangon_Media_Group

#World_Health
Published 11 April 2024

ဆီးချိုရောဂါအတွက် အသုံးပြုတဲ့ဆေးတစ်မျိုးဟာ ပါကင်ဆန်ရောဂါ လက္ခဏာ ဆိုးရွားလာခြင်းကို နှောင့်နှေးစေနိုင်ကြောင်း သုတေသီများ တွေ့ရှိထားပါတယ်။

ပါကင်ဆန်ရောဂါ ဆိုတာဟာ ဦးနှောက်မှာ အာရုံကြောဆဲလ်များ တဖြည်းဖြည်း ဆုံးရှုံးလာပြီး ရွေ့လျားမှု၊ ဟန်ချက်ထိန်းခြင်း၊ မှတ်ဉာဏ်ပိုင်းတို့မှာ ပြဿနာရှိလာကာ ကမ္ဘာပေါ်မှာ လူပေါင်း ၁၀ သန်းကျော် ခံစားနေရပါတယ်။

ဆီးချိုရောဂါ ဒုတိယအမျိုးအစားအတွက် အသုံးပြုတဲ့ exenatide လိုမျိုးဆေးဟာ လူအချို့မှာ လှုပ်ရှားမှုဆိုင်ရာ လက္ခဏာများ ဆိုးရွားလာခြင်းကို နှောင့်နှေးစေတယ်လို့ မကြာသေးမီက တွေ့ရှိထားပါတယ်။

ဆီးချိုရောဂါအတွက် နောက်ထပ်ဆေးတစ်မျိုးဖြစ်တဲ့ lixisenatide ဟာလည်း အလားတူသက်ရောက်မှုရှိပြီး ပါကင်ဆန်ရောဂါဟာ ဦးနှောက်ထဲက အင်ဆူလင်မတိုးတာနဲ့ ဆက်စပ်နေတယ်လို့ ကောက်ချက်ချနိုင်ပါတယ်။

ပြင်သစ်သုတေသီများက ပါကင်ဆန်ရောဂါရှိသူ ၁၅၆ ဦးကို အဖွဲ့နှစ်ဖွဲ့အဖြစ် အညီအမျှ ပိုင်းခြားလိုက်ပါတယ်။

နှစ်ဖွဲ့စလုံးကို ပုံမှန်အတိုင်း ပါကင်ဆန်ရောဂါ ဆေးများပေးထားကာ တစ်ဖွဲ့ကို lixisenatide နေ့စဥ်ဆေးထိုးပေးကာ နောက်တစ်ဖွဲ့ကိုတော့ အာနိသင်မရှိတဲ့ဆေး ပေးခဲ့ပါတယ်။

၁၂ လကြာပြီးနောက် lixisenatide ထိုးတဲ့လူနာတွေမှာ လှုပ်ရှားမှုပြဿနာ ပိုမိုဆိုးရွားလာခြင်းမရှိဘဲ အာနိသင်မဲ့ဆေးပေးတဲ့ သူတွေမှာတော့ ရောဂါလက္ခဏာများ ဆိုးရွားလာပါတယ်။

Lixisenatide ထိုးတဲ့သူတွေက အာရုံကြောဆိုင်ရာ ဆုံးရှုံးခြင်းမှ ကာကွယ်နိုင်ပြီး လူနာ ၁၃ ရာခိုင်နှုန်းလောက်ကတော့ အော့အန်ခြင်းနဲ့ တဝက်လောက်က မူးဝေခြင်း ခံစားခဲ့ရပါတယ်။

ထိုဆေးက ပါကင်ဆန်ရောဂါ လက္ခဏာများ ဆိုးရွားလာခြင်းကို အမှန်တကယ် နှောင့်နှေးစေသလားဆိုတာကို ဆုံးဖြတ်ဖို့အတွက် နောက်ထပ်လေ့လာမှုများ ပြုလုပ်ရန် လိုအပ်ပါသေးတယ်။

#World_Health #ပါကင်ဆန်ရောဂါလက္ခဏာဆိုးရွားလာခြင်း #Source: WION

ဂျပန်နိုင်ငံရှိနေရာအများစု၏ မြေအောက်ရေထဲတွင် PFA ဓာတုပစ္စည်းများ သတ်မှတ်စံနှုန်းထက်အဆများစွာကျော်လွန်လျက်ရှိ

မကြာသေးမီက ဂျပန်လေ့လာချက်တစ်ခုအရ တိုကျိုမှ နေရာ ၂၁ နေရာမှာ ပါဖလိုရိုအယ်လ်ကိုင်းနဲ့ ပိုလီဖလိုရိုအယ်လ်ကိုင်း (PFA)ပစ္စည်းများက စံညွှန်းသတ်မှတ်ချက်ကို ကျော်လွန်နေကာ ဒေသခံပြည်သူတွေရဲ့ ကျန်းမာရေးကို ခြိမ်းခြောက်နေပါတယ်။
#Asia_Health
Published_ 10 April 2024
#PFA ဓာတုပစ္စည်း #ဂျပန်နိုင်ငံရှိနေရာအများစု
#Yangon_Times #YMG_News #Yangon_Media_Group

#Daily_News
Published_ 10 April 2024

၁။ နေ့အပူချိန်ပြင်းနေသည့် ရန်ကုန်အပါအဝင် ဒေသ(၁၀)ခု၌ မိုးထစ်ချုန်းရွာမည်

၂။ စက်သုံးဆီဈေးငြိမ်နေသော်လည်း ဝယ်လိုအားများနေဟုဆို

၃။ ဇီးဝဇိုးဌက်သိုက် ခိုးယူခံရမှုများလာသဖြင့် ငှက်အိမ်ဆောက်လုပ်မှုတွင် လုံခြုံရေးအတွက်ပါထည့်သွင်းဆောက်လုပ်လာရဟုဆို

၄။ ဂျပန်နိုင်ငံရှိနေရာအများစု၏ မြေအောက်ရေထဲတွင် PFA ဓာတုပစ္စည်းများ သတ်မှတ်စံနှုန်းထက်အဆများစွာကျော်လွန်လျက်ရှိ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

နှစ်ဆန်းတစ်ရက်နေ့ဧပြီ(၁၇)ရက်ကလွဲလို ကျန်နှစ်သစ်ကူးသင်္ကြန်ပိတ်ရက်တွေမှာ ကုန်ပစ္စည်းတင်ပို့၊ တင်သွင်းဖို့ အချိန်ပို (Overtime) လျှောက်ထားပါက ဆောင်ရွက်ပေးသွားမှာဖြစ်တယ်။
#Local_News
Published_ 10 April 2024
#ပို့ကုန်/သွင်းကုန်ပစ္စည်း #သင်္ကြန်ပိတ်ရက်
#tthl #Yangon_Times

သင်္ကြန်ကာလနီးသော်လည်း ဈေးအကျဘက် တွင်သာရှိနေပါတယ် ကွမ်းစိုက်တောင်သူတွေအနေနဲ့ ပိုးသတ်ဆေး ပေါင်းသတ်ဆေးစတဲ့ စိုက်ပျိုးကုန်ကျစရိတ်တွေဟာ ယမန်နှစ်ထက် ပိုမိုကုန်ကျပေမယ့် ကွမ်းဈေးမှာ ဈေးကျနေတာကြောင့် စိုက်စရိတ်ရပေမယ့် လုပ်အားခအရှုံးပေါ်တဲ့ အနေထားဖြစ်နေတယ်လို့ ဧရာဝတီတိုင်းဒေသကြီး ရှိ ကွမ်းစိုက်တောင်သူတွေထံက သိရပါတယ်။
#Local_News
Published_ 10 April 2024
#ကွမ်းဈေးအကျ #လုပ်အားခအရှုံးပေါ်
#YMG/LW #Yangon_Times

#Local_News
Published_10 April 2024

တစ်မျိုးသားလုံးအရေးကို ငြိမ်းချမ်းရေးအသွင် ဖော်ဆောင်နိုင်ကြစေရန် ဆရာတော်ကြီးများက KNU,KNLA(ကရင်အမျိုးသားလွတ်မြောက်ရေးတပ်မတော်) စစ်ဦးစီးချုပ်အား လိပ်မူ၍ အထူးမေတ္တာရပ်ခံပန်ကြားသိစေအပ်ပါသည် ဟု ယင်းမေတ္တာရပ်ခံချက်ထုတ်ပြန်လိုက်သည်။

အဆိုပါမေတ္တာရပ်ခံချက်ကို ကရင်ပြည်နယ်၊ မဟာထေရ် ဆရာတော်ကြီးများ၏ ဩဝါဒကို ခံယူလျက် ဘားအံမြို့၊တောင်ကလေးဆရာတော် ဘဒ္ဒန္တပညာသာမိ ၊ဘားအံမြို့၊ ဗုဒ္ဓဂယာဆရာတော် ဘဒ္ဒန္တစန္ဒာဝရ ၊ လှိုင်းဘွဲ့မြို့၊ မဲဆမိတ်ဆရာတော် ဘဒ္ဒန္တစန္ဒရ ၊ဘားအံမြို့၊ လမင်းပရိယတ္တိစာသင်တိုက် ဘဒ္ဒန္တကေသရိန္ဒ ၊ဘားအံမြို့၊ လောကအတုလမာရ်အောင်ဆရာတော် ဘဒ္ဒန္တသောဘိတ ၊ လှိုင်းဘွဲမြို့၊ ကမော့လဲဆရာတော် ဘဒ္ဒန္တဝေပုလ္လ ၊ လှိုင်းဘွဲမြို့၊ ပြည်နယ်ဥက္ကဋ္ဌဆရာတော် ဘဒ္ဒန္တခေမိဿရာလင်္ကာရ ၊ လှိုင်းဘွဲမြို့၊ မြို့နယ်အကျိုး တော်ဆောင်ဆရာတော် ဘဒ္ဒန္တအဂ္ဂဝံသ ၊ ဘားအံမြို့၊ ဘုရားလုံဆရာတော် ဘဒ္ဒန္တအရိယဉာဏ ၊ ဘားအံမြို့၊ ချမ်းသာအေးဆရာတော် ဘဒ္ဒန္တစန္ဒာဝရ ၊ ဘားအံမြို့၊ ခွဲကဘောင်ပညာဥယျာဉ်ကျောင်းဆရာတော် ဘဒ္ဒန္တနာဂဝံသ တို့က အာသီသဆန္ဒတူ လက်မှတ်ရေးထိုး၍ ထုတ်ပြန်ထားခြင်း ဖြစ်ကြောင်း သိရသည်။

ငြိမ်းချမ်းရေး အထူးမေတ္တာရပ်ခံချက်တွင် ကရင်ပြည်နယ်၊ ရဟန်းရှင်လူ ပြည်သူ တစ်ရပ်လုံး၏ လိုလားတောင့်တချက်ဖြစ်သည့် ထာဝရငြိမ်းချမ်းရေးရရှိရန် ဦးတည်၍ ကရင်ပြည်နယ်၊ ဘားအံမြို့၊ လှာကဒေါင်ကျေးရွာအုပ်စု၊ လှိုင်းပုံရွာ၊ လမင်းပရိယတ္တိစာသင်တိုက်၌ ဧပြီလ ၅ ရက်တွင် ကျင်းပသော ကရင်ပြည်နယ်အတွင်းရှိ ဗုဒ္ဓဘာသာရဟန်း သံဃာတော်များ၏ လိုလား တောင့်တချက် ၃ ချက်ကို ယင်း မေတ္တာရပ်ခံချက်တွင် ထည့်သွင်းဖော်ပြထားသည်။

၎င်းအချက် ၃ ချက်မှာ တစ်မျိုးသားလုံး ငြိမ်းချမ်းရေး ၊ အလုံးစုံ သွေးစည်းညီညွတ်ရေး နှင့် ထာဝစဉ်အမြဲငြိမ်း ချမ်း ရေးအတွက် လိုလားနှစ်သက်တော်မူကြသည့်အလျှောက်ကရင်ပြည်နယ်တွင် ဖြစ်ပွားလျက်ရှိသော စစ်ဘေးစစ်ဒဏ်များတို့ဖြင့် ဘာသာရေး အဆောက်အဦးများ၊ဆက်သွယ်ရေး လမ်းတံတားများပညာ သင်ကြား ရေး စာသင်ကျောင်းများ၊ပြည်သူများ၏ အသက်အိုးအိမ်စည်းစိမ်များ စစ်ဘေးရှောင် ပြည်သူများတို့၏ ဘဝဘေး ဒဏ်များ ကင်းဝေးစေနိုင်ရေးအတွက် ကရင်ပြည်နယ်အတွင်းရှိ ဗုဒ္ဓဘာသာရဟန်းတော်များ အနေဖြင့် အထူး မေတ္တာရပ်ခံ ပန်ကြားအပ်ကြောင်း ဖော်ပြထားသည်။

အလားတူ လူသားချင်း ကိုယ်ချင်းစာနာထောက်ထားရေးကို ရှေးရှုလျက် ပဋိပက္ခဆောင် အချင်းချင်း တို့၏ ထာဝရငြိမ်းချမ်းရေးမဏ္ဍိုင် ပူးပေါင်းတည်ဆောက်နိုင်စေရေးနှင့် တစ်မျိုးသားလုံးအရေးအား ငြိမ်းချမ်းရေးအသွင် ဖော်ဆောင်နိုင်ကြစေရန် အထူးမေတ္တာရပ်ခံပန်ကြားသိစေအပ်ကြောင်းလည်း ဖော်ပြထားကြောင်း သိရသည်။

#Local_News ဆရာတော်ကြီးများ # KNU,KNLA ထံ မေတ္တာရပ်ခံ #Yangon_Times/PP

ဇီဝဇိုးငှက်အိမ်ဆောက်လုပ်မွေးမြူတာတွေများလာသလို ငှက်အိမ်များအတွင်း ဝင်ရောက်ပြီး ငှက်သိုက်ခိုးယူတာတွေ လည်းများလာတယ်လို့ ဇီဝဇိုးငှက်မွေးမြူသူတွေထံက သိရပါတယ်။ အခုလို ငှက်သိုက်တွေ ခိုးဝင်ခွာယူတာတွေရှိ လာတဲ့အတွက် ငှက်အိမ်တွေ ဆောက်လုပ်တဲ့အခါမှာ လုံခြုံရေးအတွက်ကိုပါ ထည့်သွင်းစဉ်းစားဆောက်လုပ်လာရတယ်လို့ ဆိုပါတယ်။
#Local_News
Published_ 10 April 2024
#ဇီဝဇိုးငှက်မွေးမြူသူ
#YMG/LW #Yangon Times

အခုရက်ပိုင်းအတွင်း စက်သုံးဆီဈေးငြိမ်နေသော်လည်းသက်ြန်ကာလနီးကပ်နေတာကြောင့်  ဝယ်လိုအားများနေတယ်လို တစ်နိုင်တစ်ပိုင်ရောင်းချသူတွေထံကသိရပါတယ်။
#Local_News
Published_ 10 April 2024
#စက်သုံးဆီဈေးငြိမ်နေ #ဝယ်လိုအားများနေ
#YMG/NN #Yangon-Times