#World_Health
Published 2 December 2024

▪️ သွေးပေါင်ချိန်များခြင်း (သွေးတိုးခြင်း)ကို ထိန်းချုပ်နိုင်မယ့် ပေါင်းစပ်ဆေးဝါးကို အိန္ဒိယမှာ လေ့လာစမ်းသပ်နေတာ အပြီးသတ်ခါနီးပြီ ဖြစ်ပါတယ်။

▪️ အိန္ဒိယဆေးဝါးသိပ္ပံတက္ကသိုလ် (AIIMS)၊ အင်ပီရီယယ်ကောလိပ်လန်ဒန်နဲ့ NGO စင်တာတို့မှ ပညာရှင်များက ပြုလုပ်ခဲ့ကြတာ ဖြစ်ပါတယ်။

▪️ စမ်းသပ်ချက်မှာ အသုံးများတဲ့ ဆေးဝါးနှစ်မျိုးပေါင်းစပ်မှုတွေကတော့..
- Amlodipine/Perindopril
- Perindopril/Indapamide
- Amlodipine/Indapamide တို့ဖြစ်ပါတယ်။

▪️ ထိုပေါင်းစပ်မှုတွေက သွေးပေါင်ချိန်လျှော့ခြင်းနဲ့ နှလုံးပြဿနာများ ဖြစ်နိုင်ခြေ လျော့နည်းခြင်းတို့ ပေးစွမ်းနိုင်တာကြောင့် ရွေးချယ်ထားတာ ဖြစ်ပါတယ်။

▪️ ဆေးတစ်မျိုးထက်စာရင် ပေါင်းစပ်အသုံးပြုခြင်းက သွေးပေါင်ချိန်ကို ပိုမိုလျင်မြန်စွာ ထိန်းချုပ်နိုင်ပြီး ဘေးထွက်ဆိုးကျိုး ပိုနည်းစေပါတယ်။

▪️ စမ်းသပ်ခံတဲ့သူတွေကို အစပိုင်းမှာ ဆေးပမာဏအနည်းငယ် စပေးပြီး ၂လအပြီးမှာ တိုးမြှင့်လာပါတယ်။

▪️ ၆လအကြာမှာတော့ ဆေးပမာဏအပြည့်အတိုင်း နှိုင်းယှဉ်ခဲ့ကြပါတယ်။
ဒီလေ့လာချက်ဟာ သွေးပေါင်ချိန် လျော့ကျဖို့ကိုပဲ အာရုံစိုက်ခဲ့ကြကာ နှလုံးကျန်းမာရေး ရေရှည်အတွက်တော့ မစဉ်းစားခဲ့ပါဘူး။

▪️ ဒါ့အပြင် ယခုစမ်းသပ်တဲ့ လူတွေကလည်း အခြားလူမျိုးတွေထက်စာရင် ကျန်းမာရေးထူးခြားတတ်တဲ့ အိန္ဒိယတွေ ဖြစ်နေပါတယ်။

#Source: India Today

#World_Health
Published 2 December 2024

▪️ Analgesics လို့ခေါ်တဲ့ အကိုက်အခဲပျောက်ဆေးတွေဟာ ကမ္ဘာပေါ်မှာ လူသုံးများတဲ့ဆေးဖြစ်ပြီး နာကျင်ကိုက်ခဲမှုကို သက်သာစေပေမယ့် ကြာရှည်အသုံးပြုရင်တော့ ကျန်းမာရေးပြဿနာ ဖြစ်စေနိုင်ပါတယ်။

▪️ လွဲမှားစွာ အသုံးပြုပါက အတွင်းအင်္ဂါများ လုပ်ဆောင်ချက်ကို နှောင့်ယှက်စေပါတယ်။

▪️ အကိုက်အခဲပျောက်ဆေးများ ကြာရှည်အသုံးပြုခြင်းကို ကျောက်ကပ်နဲ့ အစာအိမ်တို့က အဓိကဒဏ်ခံရပါတယ်။

▪️ (၁) ကျောက်ကပ်ထိခိုက်ပြီး လုပ်ဆောင်ချက်ကျဆင်းခြင်း
နာတာရှည် ကျောက်ကပ်ရောဂါ ဖြစ်စေနိုင်ကာ ကျောက်ကပ်သို့ သွေးစီးဆင်းစေတဲ့ ဟော်မုန်းများကို တားဆီးတာကြောင့် ကျောက်ကပ်ခမ်းခြောက်ပြီး ကျောက်ကပ်ထိခိုက်စေပါတယ်။

▪️ (၂) ကျောက်ကပ်ကျောက်တည်နိုင်ခြင်း
အချို့ အကိုက်အခဲ ပျောက်ဆေးတွေက ဆီးထဲမှာ ကယ်လ်စီယမ်ပမာဏကို မြင့်တက်စေကာ ကျောက်ဖြစ်ပေါ်စေနိုင်ပါတယ်။

▪️ (၃) အစာအိမ်အနာနှင့် သွေးထွက်ခြင်း
အစာအိမ်နံရံကို ထိခိုက်စေသဖြင့် အက်ဆစ်ဓာတ် မြင့်မားလာပြီး အစာအိမ် သွေးထွက်ခြင်းနဲ့ အနာဖြစ်ခြင်းတို့ ဖြစ်လာနိုင်ပါတယ်။

▪️ (၄) အစာအိမ်အူလမ်းကြောင်း ရောင်ရမ်းခြင်း
အလွန်အကျွံ သုံးစွဲမိပါက အစာအိမ်အူလမ်းကြောင်း ရောင်ရမ်းကာ မူးဝေအော့အန်ခြင်း၊ မအီမသာဖြစ်ခြင်းတို့ ဖြစ်စေနိုင်ပါတယ်။

▪️ (၅) အစာအိမ်စုပ်ယူမှုလျော့နည်းခြင်း
အစာအိမ်ရဲ့ အာဟာရဓာတ်စုပ်ယူမှုကို ထိခိုက်စေကာ အာဟာရဓာတ် ချို့တဲ့မှုများ ဖြစ်လာနိုင်ပါတယ်။

▪️ (၆) ကျောက်ကပ်ရောဂါပိုးဝင်ခြင်း
ခန္ဓာကိုယ်ထဲမှ စစ်ထုတ်စနစ်ကို ပြောင်းလဲစေသဖြင့် ဘက်တီးရီးယား ဝင်ရောက်ကာ ကျောက်ကပ်ထဲ ရောက်လာနိုင်ပါတယ်။

▪️ (၇) အစာအိမ်ကင်ဆာဖြစ်နိုင်ခြင်း
အက်ဆစ်ဓာတ် များစေပြီး ရောင်ရမ်းခြင်း ဖြစ်စေတာကြောင့် အစာအိမ်နံရံမှာ ဆဲလ်များပြောင်းလဲကာ အစာအိမ်ကင်ဆာ ဖြစ်စေနိုင်ပါတယ်။

▪️ (၈) အီလက်ထရိုလိုက် မညီမျှခြင်း
ကျောက်ကပ်က ခန္ဓာကိုယ်ထဲက အီလက်ထရိုလိုက်တွေကို ထိန်းညှိပေးတာကြောင့် အကိုက်အခဲပျောက်ဆေးက ဒါကိုနှောင့်ယှက်ပြီး ကြွက်သားအားနည်းခြင်း၊ နှလုံးခုန်မမှန်ခြင်း၊ နွမ်းနယ်ခြင်းတို့ ခံစားရစေပါတယ်။

#Source: DoctorNDTV

၁ ဒီဇင်ဘာ ၂၀၂၄ ယူကရိန်းအရှေ့ပိုင်းက နောက်ထပ် ရွာလေးရွာကို ပြီးခဲ့တဲ့ ရက်သတ္တပတ်အတွင်းမှာ ထပ်မံထိန်းချုပ် သိမ်းပိုက်လိုက်နိုင်တယ်လို ရုရှားက ‌ပြောလိုက်တာနှင့်တစ်ပြိုင်တည်းလိုပဲ ယူကရိန်းကလည်း ယင်းတိုရဲ့ တပ်တွေဟာ ရုရှားပိုင်နက်ထဲက ရေနံသိုလှောင်စခန်းတစ်ခုကို တိုက်ခိုက်လိုက်နိုင်တယ်လို ကြေညာ ပါတယ်။

Source CCTV+

၁ ဒီဇင်ဘာ ၂၀၂၄

စပိန်နိုင်ငံမှမှာယူခဲ့တဲ့ ဒီဇယ်လျှပ်စစ်ရထား DEMU တွဲသစ်များဖြင့် ရန်ကုန်မြို့ပတ်ရထားလမ်းမှာ နိုဝင်ဘာ ၂၉ ရက်က စတင်ပြေးဆွဲနေပါတယ်။

YMG ဝိုင်းတော်သားတစ်ဦးက ဒီဇင်ဘာ ၁ရက် မနက်မှာ အဲဒီမြို့ပတ်ရထားတစ်စီးကို စမ်းသပ်စီးနင်း  ကြည့်ပြီး မြင်ကွင်းများကို တင်ပြထားပါတယ်။

@mnn/ymg

#World_Health
Published 1 December 2024

▪️ ဘင်ဂူရီယန်တက္ကသိုလ်မှ ဦးဆောင်ပြီး နိုင်ငံတကာ လေ့လာချက်တစ်ခု ပြုလုပ်ရာမှာ သွေးတွင်းသကြားဓာတ် ထိန်းချုပ်ခြင်းနဲ့ ဦးနှောက်ကျန်းမာရေးတို့ကြား ဆက်စပ်မှုရှိတာကို တွေ့ရှိခဲ့ကြပါတယ်။

▪️ Diet စားသောက်မှုပုံစံအချို့က အသက်အရွယ်ကြောင့် ဦးနှောက်အသိဉာဏ် ကျဆင်းလာခြင်းကို လျော့ပါးစေနိုင်တယ်လို့ တွေ့ရှိခဲ့ပါတယ်။

▪️ အသက်ကြီးတာနဲ့အမျှ ဦးနှောက်ကျုံ့လာပြီး စွမ်းရည်တွေကျဆင်းလာတာဟာ မလွှဲမရှောင်သာ ဖြစ်ပေမယ့် နေထိုင်စားသောက်မှုပုံစံ ပြောင်းလဲခြင်းဖြင့် ဒါကိုလျှော့ချနိုင်ပါတယ်။

▪️ ပရော်ဖက်ဆာ အိုင်းရစ်ရှိုင်နဲ့ ဘွဲ့ရကျောင်းသား ဒက်ဖ်နာပက်ချ်တာတို့က ဦးနှောက်ကာကွယ်ဖို့အတွက် သွေးတွင်းသကြားဓာတ် ထိန်းချုပ်ဖို့ အရေးကြီးပုံကို ဖော်ပြလိုက်ပါတယ်။

▪️ အထူးသဖြင့် မက်ဒီတာရေးနီးယန်း စားသောက်ပုံစံက အသက်အရွယ်ကြောင့် ဦးနှောက်ကျုံ့ခြင်းကို သိသိသာသာ လျှော့ချပေးနိုင်တယ်လို့ ရှိုင်က ရှင်းပြပါတယ်။

▪️ ဒီလိုလျှော့ချဖို့အတွက် သွေးတွင်းသကြားဓာတ် ထိန်းချုပ်ဖို့က အဓိကဖြစ်တယ်လို့ ဆိုပါတယ်။

▪️ သွေးတွင်းသကြားဓာတ်က ကျန်းမာတဲ့သူတွေမှာပင် အသက်ကြီးလာတာနဲ့အမျှ တဖြည်းဖြည်းတက်လာတာ ဖြစ်ပါတယ်။

▪️ ဒါကြောင့် ကျန်းမာရေးနဲ့ ညီညွတ်စွာ စားသုံးပြီး လှုပ်လှုပ်ရှားရှားနေဖို့က အလွန်အရေးကြီးကာ အချို့လျှော့စားဖို့ အရေးကြီးတယ်လို့ ပက်ချ်တာက ပြောပါတယ်။

▪️ သွေးတွင်းသကြားဓာတ် နည်းလေလေ ဦးနှောက်ကျန်းမာရေးအတွက် ပိုကောင်းလေဖြစ်ပြီး ပုံမှန်ပမာဏ ရှိရုံဖြင့်ပင် ဦးနှောက်ကို တိုးတက်စေနိုင်တယ်လို့ ပြောထားပါတယ်။

▪️ မက်ဒီတာရေးနီးယန်း စားသောက်မှုပုံစံထဲမှာ ဟင်းရွက်များ၊ အသီးများ၊ အခွံမာသီးများ၊ သံလွင်ဆီ၊ လက်ဖက်စိမ်း၊ အစေ့အဆံများ၊ ထောပတ်သီးတို့ ပါဝင်ပြီး အချိုဓာတ်နဲ့ သားကြီးငါးကြီး နည်းပါးတဲ့ ပုံစံဖြစ်ပါတယ်။

▪️ မှတ်ဉာဏ်ချို့ယွင်းလာခြင်းက ဦးနှောက်ကျန်းမာရေး ကျဆင်းလာခြင်းရဲ့ အစောဆုံး လက္ခဏာတွေဖြစ်ပြီး သွေးတွင်းသကြားဓာတ်က ကျန်းမာရေးကဏ္ဍ အမျိုးမျိုးအပေါ် သက်ရောက်နေတယ်လို့ ဆိုပါတယ်။

▪️ စားသောက်မှုပုံစံက အရေးကြီးသလို ကိုယ်လက်လှုပ်ရှားမှုကလည်း မေ့ထားလို့မရပါဘူး။

▪️ ဆေးဘက်ဆိုင်ရာ နည်းပညာတွေကြောင့် အသက်ရှည်လာကြပေမယ့် ဦးနှောက်ကျန်းမာရေးကိုလည်း ပိုမိုထိန်းသိမ်းသင့်ကာ ငယ်စဉ်ကတည်းက နေထိုင်စားသောက်မှုပုံစံကို ဂရုပြုသင့်တယ်လို့ ပြောသွားပါတယ်။

#Source: The Jerusalem Post

#World_Health
Published 1 December 2024

▪️ ကမ္ဘာတဝှမ်းမှာ စိတ်ဓာတ်ကျရောဂါ ပြဿနာက အဖြစ်များနေပြီး လူ ၆ ဦးမှာ ၁ ဦးနှုန်းက ဘဝမှာ စိတ်ကျရောဂါ ဖြစ်ဖူးကြကာ တွေ့ကြုံသမျှအများဆုံး စိတ်ရောဂါတစ်ခု ဖြစ်နေပါတယ်။

▪️ ဒီပြဿနာနဲ့ ပတ်သက်ပြီး ဦးနှောက်ထဲမှာ ဖြစ်ပျက်တာတွေကို သုတေသနရှာဖွေနေကြပေမယ့် မသိသေးတာတွေ အများကြီး ရှိပါသေးတယ်။

▪️ ဂျေရုဆလမ် ဟီဘရူးတက္ကသိုလ်မှ စိတ်ကျန်းမာရေး ပညာရှင်များက ရောင်ရမ်းခြင်းနဲ့ စိတ်ဓာတ်ကျခြင်းတို့ကြား ဆက်စပ်မှုကို တွေ့ရှိခဲ့ပါတယ်။

▪️ ကိုယ်ခံအားစနစ် မညီမျှခြင်းက စိတ်ကျလက္ခဏာများ ဖြစ်စေနိုင်တယ်လို့ တွေ့ရှိလာပါတယ်။

▪️ ဒီသုတေသနကနေ ရောင်ရမ်းခြင်းအတွက် ကုသနည်းအသစ်တွေ ဖြစ်လာနိုင်ပါတယ်။

▪️ ဦးနှောက်ထဲက ဓာတုပစ္စည်းတွေဖြစ်တဲ့ ဆယ်ရိုတိုနင်၊ နော်အက်ပီနက်ဖရင်တို့လို အရာတွေ ချို့တဲ့လာတဲ့အခါ စိတ်ကျဝေဒနာ ဖြစ်လာပါတယ်။

▪️ သမားရိုးကျ စိတ်ကျဆန့်ကျင်ကုသမှုတွေက လူနာအများစုမှာ အလုပ်မဖြစ်တာ တွေ့ရပါတယ်။

▪️ ဒီအတွက် သုတေသီတွေက ရောင်ရမ်းခြင်းကြောင့်လို့ ပြောနေကြပါတယ်။
စိတ်ကျဝေဒနာ ခံစားရသူတွေဟာ ကိုယ်ခံအားပြဿနာလည်း ဖြစ်တတ်ကြတာကို တွေ့ထားပါတယ်။

▪️ ကင်ဆာနဲ့ အသည်းရောင်ရောဂါတို့အတွက် ကိုယ်ခံအားမြှင့်ပေးတဲ့ ကုသမှုတွေက လူနာတွေမှာ စိတ်ကျလက္ခဏာ ပြင်းထန်စေတာကို တွေ့ရှိရပါတယ်။
ခန္ဓာကိုယ်မှာ တုံ့ပြန်တဲ့ပရိုတိန်း (CRP)က နည်းသင့်ပေမယ့် စိတ်ကျဝေဒနာ ခံစားရသူတွေမှာတော့ မြင့်မားနေပါတယ်။

▪️ CRP များတဲ့အခါ ခန္ဓာကိုယ်ထဲမှာ ရောင်ရမ်းခြင်းတွေ ဖြစ်လာပြီး ကျန်းမာရေးပြဿနာများ ဖြစ်နိုင်ပါတယ်။

▪️ သက်ကြီးရွယ်အိုတွေ၊ စိတ်ကျန်းမာရေး မကောင်းသူတွေဟာ ရောင်ရမ်းခြင်းကြောင့် စိတ်ကျရောဂါ ဖြစ်နိုင်ခြေ ပိုများပါတယ်။

▪️ ဒါကြောင့် ယခုတွေ့ရှိချက်တွေက လူနာတွေရဲ့ ရောင်ရမ်းခြင်းအခြေအနေကို အရင်ရှာဖွေကုသကာ ရောဂါရင်းမြစ်ကို ကုသရာရောက်တယ်လို့ ပရော်ဖက်ဆာ ရက်ဇ်ယာမီယာက ပြောသွားပါတယ်။

#Source: The Jerusalem Post

စစ်ဘေးသင့် ဂါဇာကမ်းမြောက်ကနေ ရွှေ့ပြောင်းလာတဲ့ ပါလက်စ်တိုင်းအရပ်သားများအနေနဲ့ ဆောင်းရာသီ မိုးသည်းထန်စွာရွာသွန်းပြီး ရေကြီးနေတာကြောင့် ဂါဇာတောင်ပိုင်း ခန်ယူနစ်အနောက်ဘက်ကမ်းခြေမှ မိသားစုများ အိမ်ခြေဆုံးရှုံးရကာ ခိုလှုံနေအိမ်နဲ့ အခြေခံလိုအပ်ချက်များ ရှာတွေ့ဖို ရုန်းကန်နေရပါတယ်။
#World_Crisis
Published 30 November 2024
#စစ်ဘေးသင့်ဂါဇာပြည်သူများ #အိမ်ခြေဆုံးရှုံး
#YMG #Yangon_Times #Yangon_Media_Group

#Daily_News
Published 30 November 2024

၁။ သီတဂူအခမဲ့ မျက်စိအလင်းအလှူတော်တွင် မျက်စိဝေ‌ဒနာရှင်၃၃၀၀ကျော်အား အလင်းရောင်ဖွင့်ပေးခဲ့

၂။ ပုဂံရှေးဟောင်းသုတေသနပြတိုက်သို့ နှစ်လတာအတွင်း ခရီးသွားတစ်သောင်းကျော်ဝင်ရောက်

၃။ ပြည်တွင်းစားသုံးမှုများပြားသည့် ပေါ်ဆန်းဆန် ကွန်တိန်နာနှစ်လုံးခန့်သာ ပြည်ပသို့တင်ပို့နေ

၄။ ဆောင်းရာသီမိုးသည်းထန်စွာရွာသွန်းသဖြင့် ရေကြီးရေလျှံဖြစ်ကာ စစ်ဘေးသင့်ဂါဇာပြည်သူများ ခိုလှုံစရာမရှိဖြစ်နေ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 30 November 2024

▪️ ရန်ကုန်ဆိပ်ကမ်းအတွင်း ဒီဇင်ဘာလ၌ နိုင်ငံတကာကုန်သေတ္တာတင် သင်္ဘော၆၀ စီး ဝင်ရောက်ဆိုက်ကပ်မည်ဖြစ်ကြောင်း မြန်မာ့ဆိပ်ကမ်းအာဏာပိုင်အဖွဲ့မှ သိရသည်။

▪️ ပို့ကုန်များ တိုးမြှင့်တင်ပို့နိုင်ရေးအတွက်လည်းကောင်း၊ ပြည်တွင်းလို အပ်ချက် အရ သွင်းကုန်များလည်း တိုးမြှင့်တင်သွင်းနိုင်ရန်အတွက်လည်းကောင်း၊ ကုန်သေတ္တာ သင်္ဘောလိုင်းအသီးသီးမှ ခရီးစဉ်များပြန်လည် တိုးချဲ့ပြေးဆွဲရန် စီစဉ်ထားရှိရာ နိုဝင်ဘာလထပ် ကုန်သေတ္တာတင် သင်္ဘော ၃ စီး ပိုမိုဝင်ရောက်ဆိုက်ကပ်မည်ဖြစ်ကြောင်း သိရသည်။

▪️ ယခုနှစ်ဇန်နဝါရီလမှ နိုဝင်ဘာလအတွင်း ပြည်တွင်းသို့ နိုင်ငံတကာကုန် သေတ္တာတင် သင်္ဘော၅၇၃ စီး ဝင်ရောက်ဆိုက်ကပ်ပြီးဖြစ်ကြောင်း၊ မြန်မာ့ကမ်းရိုးတန်း တစ်လျှောက်တွင် ဆိပ်ကမ်း(၉)ခုရှိသည့်အနက် ရန်ကုန်ဆိပ်ကမ်း သည် အဓိက နိုင်ငံတကာ ဆိပ်ကမ်းတစ်ခုဖြစ်ပြီး မြန်မာနိုင်ငံရေကြောင်းဖြင့် ကုန်သွယ်မှုပမာဏ၏ ၉၀ ရာခိုင်နှုန်းကျော်အား ကိုင်တွယ်ဆောင်ရွက်ပေးလျှက်ရှိသည့် ဆိပ်ကမ်းဖြစ်ကြောင်း၊ ရန်ကုန်ဆိပ်ကမ်း၊ ရန်ကုန်အတွင်း ဆိပ်ကမ်း ဧရိယာတွင် အပြည်ပြည်ဆိုင်ရာရေယာဉ်ကြီးများ ဆိုက်ကပ်နိုင်သည့် ဆိပ်ကမ်းတံတား (၂၈)စင်း နှင့် သီလဝါ အပြင်ဆိပ်ကမ်းဧရိယာတွင် ဆိပ်ကမ်းတံတား (၂၀)စင်း စုစုပေါင်း သင်္ဘောကြီး (၄၈)စင်းအား တစ်ပြိုင်နက်တည်း ဆိုက်ကပ်ဝန်ဆောင်မှုပေးလျှက်ရှိကြောင်း သိရသည်။

#YMG/SW#Yangon_Times

မြန်မာ့လယ်ယာထွက်ကုန်ပစ္စည်းတွေကို ပင်လယ်ရေကြောင်းကနေ အဓိကတင်ပို့နေပြီး ခုနှစ်လတာအတွင်းအမေရိကန်ဒေါ်လာသန်းပေါင်းနှစ်ထောင်ကျော်ရရှိထားတယ်လို့ စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနကနေ သိရပါတယ်။
#Local_News
Published 30 November 2024
#မြန်မာ့လယ်ယာထွက်ကုန် #ပင်လယ်ရေကြောင်း
#YMG/NN #Yangon_Times

ပြည်တွင်းမှာ စားသုံးမှုများပြားတဲ့ ပေါ်ဆန်းဆန်တစ်လကို ကွန်တိန်နာနှစ်လုံးခန့်သာ မြန်မာနိုင်ငံသားအများစုရှိတဲ့ ပြည်ပနိုင်ငံတွေကို တင်ပို့နေတယ်လို့ မြန်မာနိုင်ငံဆန်စပါးအသင်းချုပ်က သိရပါတယ်။
#Local_News
Published 30 November 2024
#ပြည်တွင်းစားသုံးမှု #မြန်မာနိုင်ငံဆန်စပါးအသင်းချုပ်
#YMG/NN #Yangon_Times

#Local_News
Published 30 November 2024

▪️ မြန်မာနိုင်ငံ ရေဘေးသင့်ဒေသများရှိ ရပ်ကွက်ကျေးရွာများသန့်ရှင်းရေးနှင့် စိုက်ပျိုးမြေများပြန်လည် ရှင်သန်ရေးအတွက် ဂျပန်နည်းပညာသုံး EM များလှူဒါန်းသွားမည်ဖြစ်ကြောင်း မြန်မာနိုင်ငံဟင်းသီးဟင်းရွက်နှင့် သစ်သီးဝလံ စိုက်ပျိုးထုတ်လုပ်တင်ပို့ရောင်းချသူများအသင်းမှ သိရသည်။

▪️ အဆိုပါ ဂျပန်နည်းပညာသုံး မိုက်ခရိုအော်ဂဲနစ်တစ်မျိုးဖြစ်သည့် Japan EM ကို မြန်မာနိုင်ငံ ရေဘေးသင့် ဒေသများရှိ ရပ်ကွက်ကျေးရွာများသန့်ရှင်းရေးနှင့် စိုက်ပျိုးမြေများပြန်လည် ရှင်သန်ရေးအတွက် ဂျပန်အီးအမ် (Japan EM) နည်းပညာပံ့ပိုးမှုစီမံကိန်းအတွက် ဂျပန်နိုင်ငံ EM Research Organization (EMRO) မှ Professor Dr. Higa က မြန်မာနိုင်ငံ ဟင်းသီးဟင်းရွက်နှင့် သစ်သီးဝလံ စိုက်ပျိုးထုတ်လုပ်တင်ပို့ရောင်းချသူများအသင်းသို့ လှူဒါန်းခဲ့ခြင်းဖြစ်ကြောင်းသိရသည်။

▪️ အသင်းအနေဖြင့် ထို OEM များကို CEM အဖြစ်ဆပွားဆောင်ရွက်ပြီး ရေဘေးသင့်ဒေသများဖြစ်သည့် ရှမ်းပြည်နယ်တောင်ပိုင်း ဟိုပုံးဒေသ၊ ပင်းတယ ဒေသနှင့် အင်းလေးဒေသတို့ရှိ ရေလွှမ်းမိုးပျက်ဆီးခဲ့သည့် စိုက်ပျိုးမြေများရှိသည့် ကျေးရွာများကို စတင်လှူဒါန်းသွားမည်ဖြစ်ကြောင်း သိရသည်။

#YMG/SW#Yangon_Times