Published_ 23 March 2024

ယခု၂၀၂၃-၂၀၂၄ဘဏ္ဍာနှစ်အတွင်းဂျပန်သို့ မြန်မာ့ပဲမျိုးစုံတန်ချိန် ၂ဝ,ဝဝဝခန့်တင်ပို့ထားပြီး လာမည့်၂၀၂၄-၂၀၂၄ ဘဏ္ဍာနှစ်တွင်လည်း ဂျပန်အပါအဝင် နိုင်ငံစုံသို့ တိုးမြှင့်တင်ပို့နိုင်ရန်စီစဉ်နေကြောင်း စီးပွားရေးနှင့်ကူးသန်းရေး ရောင်းဝယ်ရေးဝန်ကြီးဌာနမှ သိရသည်။

ယခုဘဏ္ဍာနှစ်မှ လက်ရှိအချိန်ထိ မြန်မာနိုင်ငံမှ ပဲမျိုးစုံတန်ချိန် ၂ဝ,ဝဝဝ နီးပါးကို ဂျပန်နိုင်ငံသို့ တင်ပို့နိုင်ခဲ့ခြင်းဖြစ်ပြီး ဂျပန်နိုင်ငံမှ လာရောက်အသိပညာပေး ပြောကြားသည့်အတိုင်း ပြည်တွင်း၌ ပဲမျိုးစုံစိုက်ပျိုး၊ ထုတ်လုပ်၊ သိုလှောင်၊ တင်ပို့သည့် လုပ်ငန်းစဉ်အတိုင်း လိုက်နာကျင့်သုံးဆောင်ရွက်ကာ ဂျပန်နိုင်ငံသာမက တခြားပြည်ပနိုင်ငံများသို့ လည်း အရည်အသွေးမြင့်ပဲများ ထုတ်လုပ်တင်ပို့နိုင်ရန် ရည်မှန်းထား ကြောင်းသိရသည်။

စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန စာရင်းများအရ ယခုဘဏ္ဍာနှစ်တွင် မြန်မာနိုင်ငံမှ ဂျပန်နိုင်ငံအပြင် တရုတ်၊ အိန္ဒိယ၊ စင်ကာပူ၊ ဗီယက်နမ်နှင့် ဥရောပသမဂ္ဂစသည့် ပြည်ပနိုင်ငံများသို့ စုစုပေါင်းပဲမျိုးစုံတန်ချိန် တစ်သန်းခန့် တင်ပို့ နိုင်ခဲ့ကာ အမေရိကန်ဒေါ်လာ တစ်ဘီလီယံခန့်ရရှိခဲ့ကြောင်းသိရသည်။

မြန်မာနိုင်ငံမှ ပဲမျိုးစုံကို အိန္ဒိယ၊ တရုတ်၊ ဂျပန်၊ စင်ကာပူ၊ ဗီယက်နမ်၊ ဥရောပသမဂ္ဂနှင့် တခြားပြည်ပနိုင်ငံများသို့ နယ်စပ်ကုန်သွယ်ရေးလမ်းကြောင်းနှင့်  ပုံမှန်ကုန်သွယ်ရေးလမ်းကြောင်းများမှလည်း နှစ်စဉ်တင်ပို့လျက်ရှိပြီး စုစုပေါင်း ကမ္ဘာ့ပဲ မျိုးစုံ တင်ပို့မှု၏ ၁၂ ရာခိုင်နှုန်းခန့်ကို မြန်မာနိုင်ငံမှ တင်ပို့ခွင့်ရရှိထားကြောင်း သိရသည် ။
Yangon Times/NN
#Local_News
#Published_ 23 March 2024
#YMG_News #Yangon_Times #Yangon_Media_Group

Published_ 23 March 2024

တရားမဝင် လျှပ်စစ်ဓာတ်အားသုံးစွဲမှုရှိမရှိ ရန်ကုန်မြို့တွင်စီမံချက်ဖြင့် အဖွဲ့လိုက်ကွင်းဆင်း စစ်ဆေးနေ ကြောင်းရန်ကုန်လျှပ်စစ်ဓာတ်အားပေးရေးကော်ပိုရေးရှင်း၏သတင်း‌ဖော်ပြချက်အရသိရသည်။

ရန်ကုန်လျှပ်စစ်ဓာတ်အားပေးရေးကော်ပိုရေးရှင်း၊ အရှေ့ပိုင်း ခရိုင်ကွပ်ကဲမှုအောက်ရှိ မြို့နယ်များတွင် ဓာတ်အားပျောက်ဆုံးမှု လျော့နည်းကျဆင်းရေး၊ တရားမဝင် ဓာတ်အားသုံးစွဲမှုများမရှိ စေရေး၊ ဓာတ်အားခကြွေးကျန်များ လျော့နည်းကျဆင်းရေးတို့ အတွက် အရှေ့ပိုင်းခရိုင် လျှပ်စစ်မန်နေဂျာရုံး၏ ကြီးကြပ်မှုဖြင့် စစ်ဆေးဆောင်ရွက်လျက်ရှိသည်ဟုဆိုသည်။

  မတ် ၂၀ ရက်မှ ၂၁ ရက်အထိ ဒဂုံမြို့သစ် (မြောက်ပိုင်း) မြို့နယ်အတွင်း ခရိုင်စုဖွဲ့မြို့နယ်များဖြင့်  စီမံချက်အဖွဲ့ ၁၄ ဖွဲ့ ဖွဲ့စည်းပြီး အဖွဲ့လိုက်နယ်မြေများသတ်မှတ် ကာ ခရိုင်လျှပ်စစ်မန်နေဂျာနှင့် ခရိုင်လျှပ်စစ်အင်ဂျင်နီယာတို့က ဦးဆောင်၍ တရားမဝင်ဓာတ်အားသုံးစွဲမှုများရှိ/မရှိ၊ မီတာများ Auto ဖတ်ရှု၍ ရ/မရ၊ GPS Point များ၊ တိုင်အမှတ်များ မှန်ကန်မှု ရှိ/မရှိ၊ ရပ်ကွက်အလိုက် လမ်းအလိုက် ကွင်းဆင်းစစ်ဆေးဆောင်ရွက် ခဲ့ရာ မီးသုံးသူ ၂၁၅၅ ဦးအား စစ်ဆေးခဲ့ကြောင်း သိရသည်။
Yangon Times/tthl
#Local_News
#Published_ 23 March 2024
#YMG_News #Yangon_Times #Yangon_Media_Group

လန်ဒန်, မတ် ၂၂ (ရိုက်တာ)

ဗြိတိန်၏ ဝေလမင်းသမီး ကိတ်သည် ဇန်နဝါရီလတွင် အကြီးစား ဝမ်းဗိုက်ခွဲစိတ်မှုပြုလုပ်ခဲ့ရာမှ ကင်ဆာရှိနေကြောင်း တွေ့ရှိ ရသဖြင့် ကီမိုကုထုံးဖြင့် ကုသခံနေကြောင်း သောကြာနေ့က ပြောပါတယ်။

အသက် ၄၂နှစ်ရှိပြီဖြစ်တဲ့ ကိတ်သည် မင်းသား ဝီလျံနှင့်လက်ထပ်ထားသူဖြစ်ပြီး ကင်ဆာရှိကြောင်းသိရှိလိုက်ရ၍ အလွန် တုန်လှုပ်သွားခဲ့ရတယ်လို့ ပြောပါတယ်။ အဲဒီသတင်းဟာ ဗြိတိန်တော်ဝင်မိသားစုအတွက် နောက်ထပ် စိတ်ပူစရာ သတင်းတစ်ခု ဖြစ်ခဲ့ရပါတယ်။ ဘာဖြစ်လို့လဲဆိုတော့ ဘုရင်ချားလ်ကလည်း ကင်ဆာဖြစ်နေတဲ့အတွက် ဆေးဝါးကုသခံနေရ လို့ဖြစ်ပါတယ်။

ဇန်နဝါရီတုန်းက ကိတ်ဟာ ဆေးရုံနှစ်ပတ်တက်လိုက်ရပြီး အမည်အတိအကျမပြောတဲ့ ကင်ဆာမဟုတ်တဲ့ အခြေအနေတစ်ခု ကြောင့် ကြိုတင်စီစဉ်ထားတဲ့ ခွဲစိတ်ကုသမှုခံယူခဲ့ပြီး အောင်မြင်ခဲ့တယ်လို့ သူမရဲ့ရုံးကပြောပါတယ်။

ဒါပေမယ့် နောက်ထပ်ကျန်းမာရေးစစ်ဆေးမှုတွေမှာ ကင်ဆာကိုတွေ့ရှိခဲတာလို့ ကိတ်က ဗွီဒီယိုမက်ဆေ့ချ်မှာပြောကြားခဲ့ပြီး သူမဟာ နေကောင်းပြီး ပိုပြီး ကျန်းမာလာပါတယ်လို့ လည်းပြောပါတယ်။

“ ကျွန်မရဲ့ကျန်းမာရေးအဖွဲ့က ကျွန်မကို ကြိုတင်ကာကွယ်တဲ့အနေနှင့် ကီမိုသွင်းဖို့ အကြံပြုခဲ့လို့ ကုထုံးကိုခံယူခဲ့ပါတယ်။ ယခု ကျွန်မဟာ ကင်ဆာရဲ့အစောပိုင်းအဆင့် ကုသမှုတွေဆောင်ရွက်နေပါတယ်” လို့ ကိတ်ကပြောပါတယ်။

သူမရဲ့ဗွီဒီယိုထဲမှာ သူမဟာ ဂျင်းဘောင်းဘီနှင့် ဆွယ်တာကိုဝတ်ဆင်ထားပါပြီး ဖြူဖျော့ဖျော့ဖြစ်နေပါတယ်။

“ အကြီးအကျယ်တုန်လှုပ်တာပေါ့။ ဝီလျံနှင့် ကျွန်မတို့ဟာ ဆက်လုပ်လို့ရသမျှအကုန်လုပ်နေပါတယ်။ ငယ်ရွယ်တဲ့ မိသားစု အရေးအတွက် ကျွန်မတို့ သိုသိုသိပ်သိပ်လုပ်နေကြတာပါ” လို့ ကိတ်ကပြောပါတယ်။

ခွဲစိတ်ကုသမှုခံယူပြီးနောက် သူမဟာ ယခုလကုန်မှာကျင်းပမယ့် အိစတာပွဲတော်အထိ ရုံးတက်နိုင်ဦးမှာမဟုတ်ဘူးလို့ လည်း သိရပါတယ်။

ကိတ်ကျန်းမာစေကြောင်း မင်းသားဟယ်ရီ၊ဗြိတိန်နိုင်ငံရေးခေါင်းဆောင်တွေနှင့် အမေရိကန်သမ္မတဂျိုးဘိုင်ဒင်ရုံးတို့ကလည်း ဆုတောင်းသဝဏ်လွှာများပေးပို့ခဲ့ကြပါတယ်။

@ymg/knl

ပုဂံဒေသ၊မြင်းကပါကျေးရွာက နေရှေးဟောင်းယွန်းပညာအပြင် မံယွန်းပညာတွေနဲ့ အနုစိတ်လက်ရာအဖြစ် ပြုလုပ်ထားတဲ့  ရွှေတိဂုံ စေတီတော်နဲ့ ပုဂံဘုရားပုံစံငယ်တွေကို ပြည်တွင်း၊ပြည်ပဝယ်လက်အချို့တွေ ကြိုက်နှစ်သက်လို့ အွန်လိုင်းကပါ ရောင်းချလာတယ်လို့  မြင်းကပါ‌ကျေးရွာက ဘုရားပုံစံငယ်တွေဖန်တီးသူ ယွန်းအတတ်ပညာရှင်ဆီကနေသိရပါတယ်။
Yangon Times/NN
#Local_News
#Published_ 23 March 2024
#YMG_News #Yangon_Times #Yangon_Media_Group

ရန်ကုန်-မော်လမြိုင်ရထားပိုင်း ပြင်ဆင်ထားပြီဖြစ်လို့ ရန်ကုန်-မော်လမြိုင်ခရီးစဉ်ကို မတ်လ(၂၄) ရက် မနက် ၆နာရီခွဲမှာ စတင်ထွက်ခွာဖို့ လက်မှတ်တွေ ရောင်းခိုင်းထားပြီဖြစ်တယ်။ ရန်ကုန်-ပြည်ရထား နေ့စဉ်ရှိ။ ရန်ကုန်က‌နေပုဂံကို သောကြာနေ့ ညနေ၄နာရီ ၁၅ မိနစ်တိုင်း ရထားနဲ့ သွားရောက်နိုင်မယ်။ မြန်မာ့မီးရထားမှ တာဝန်ရှိသူတစ်ဦး
Yangon Times/tthl
#Local_News
#Published_ 23 March 2024
#YMG_News #Yangon_Times #Yangon_Media_Group

ပြည်ပဝယ်လိုအား နည်းနေတဲ့အတွက် ယခုမတ်လကုန် ပြီးတဲ့အထိ ပဲစဉ်းငုံဈေးကွက်ဟာ အကျဈေးဘက်ကိုသာ ဦးတည်နေတယ်လို့
ကုန်သည်တွေထံက သိရပါတယ်။
Yangon Times/LW
#Local_News
#Published_ 23 March 2024
#YMG_News #Yangon_Times #Yangon_Media_Group

ယခုလအတွင်း မိုးအုံ၍ ဆားအထွက်နည်းပါးနေသော်လည်း ထွက်ရှိသမျှကုန်နေတယ်လို့ မွန်ပြည်နယ်က နေလှမ်းဆားထုတ်လုပ်သူတွေဆီက သိရပါတယ်။
Yangon Times/NN
#Local_News
#Published_ 23 March 2024
#YMG_News #Yangon_Times #Yangon_Media_Group

မြန်မာအသင်းဟာ ဆီးရီးယားနဲ့ မတ်လ ၂၆ ရက်၊ ဆော်ဒီအာရေဗျနိုင်ငံ ဒါမန်းမြို့မှာ အဝေးကွင်းပွဲစဉ်ထပ်ကစားဖို့ မတ်လ(၂၂) ရက်ည‌နေပိုင်းက ရန်ကုန်လေဆိပ်မှ ထွက်ခွာသွားခဲ့ပြီး မတ်လ ၂၃ ရက်မှာ ဒါမန်းသို့ ရောက်ရှိမှာဖြစ်ပါတယ်။
Yangon Times/tthl
#Local_News
#Published_ 23 March 2024
#YMG_News #Yangon_Times #Yangon_Media_Group

Published 23 March 2024

မန္တလေးတိုင်းဒေသကြီး၊ မဟာအောင်မြေမြို့နယ်၊ စိန်ပန်းရပ်၊ ၃၈ လမ်း(၉၁x၉၂)ကြားတွင် မီးလောင်မှုဖြစ်ပွားခဲ့ကြောင်း မီးသတ်တပ်ဖွဲ့ ထံ က သိရသည်။

မတ်လ ၂၃ရက် နေ့လည် ၁၂နာရီ ခွဲ အချိန်က ဖြစ်ပွားခဲ့ခြင်း ဖြစ်ကာ မဟာအောင်မြေမြို့နယ်မီးသတ်စခန်းမှ မီးသတ်ယာဉ်များဖြင့် ထွက်ခွာငြှိမ်းသတ်ခဲ့သဖြင့် ၁၂နာရီ ၄၃ မိနစ် တွင် မီးငြိမ်း ခဲ့ကြောင်း သိရသည်။

"" ဘယ်လို လောင်တယ်တော့မသိဘူး လူနေအိမ် မီးလောင်တာ နေ့ခင်းအပူများတဲ့ အချိန်ဆိုတော့ မီးကများတယ် အိမ်၂လုံး၃လုံးလောက် မီးထဲပါသွားတယ်""ဟု ဒေသခံတစ်ဦးကပြောသည်။

မီးလောင်သည့်အကြောင်းရာနှင့်ဆုံးရှုံးမှုတန်ဖိုး များကိုသက်ဆိုင်ရာကစစ်ဆေးလျက်ရှိကြောင်းသိရသည်။
Photo - Than Htay
Yangon Times/LW
#Local_News
#Published_ 23 March 2024
#YMG_News #Yangon_Times #Yangon_Media_Group

Published_ 23 March 2024

မန္တလေးတိုင်းဒေသကြီး၊ ညောင်ဦးခရိုင်၊ ကျောက်ပန်းတောင်းမြို့နယ်ရှိ ပုပ္ပါးတောင် အမျိုးသားဘူမိဥယျာဉ် ယခုရက်ပိုင်း၌  စတင်ဖွင့်လှစ် ခဲ့ကြောင်းသယံဇာတနှင့်သဘာဝပတ်ဝန်းကျင်ထိန်းသိမ်းရေး ဝန်ကြီးဌာနမှ သိရသည် ။

ထိုသို့ဖွင့်လှစ်ရာတွင် မတ်လ ၂၀ ရက်က စတင်ဖွင့်လှစ်ခဲ့ခြင်းဖြစ်ပြီး ယင်း ဘူမိဥယျာဉ်သည် မြန်မာ နိုင်ငံ၏ ပထမဆုံးသော အမျိုးသားအဆင့်ဘူမိဥယျာဉ်လည်း ဖြစ်ပြီးဘူမိနယ်မြေ ၁၅ ခုဖြင့်  ဖွဲ့စည်းထားခြင်းဖြစ်သည့်အပြင် သယံဇာတပေါကြွယ်ဝကာ ယဉ်ကျေးမှုဓလေ့ထုံးတမ်းများ တည်ရှိသည့် နေရာများကိုလည်း ဘူမိဥယျာဉ်များ အဖြစ် အကောင်အထည်ဖော် ဆောင်ရွက်သွားမည် ဖြစ်ကြောင်း  သိရသည် ။

သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာနအနေဖြင့် နိုင်ငံဧရိယာ၏ ၁၀ ရာခိုင်နှုန်းကို သဘာဝထိန်းသိမ်းရေးနယ်မြေတွေအဖြစ် ဖွဲ့စည်းနိုင်ရန် ဆောင်ရွက်နေကြောင်း လက်ရှိအချိန်ထိ သဘာဝထိန်းသိမ်းရေး နယ်မြေ ၅၉ ခု၊ နိုင်ငံဧရိယာ၏ ၆ ဒသမ ၄၂ ရာခိုင်နှုန်းကို ဖွဲ့စည်းသတ်မှတ်ပြီး ဖြစ်ကြောင်းသိရသည် ။
Yangon Times/NN
#Local_News
#Published_ 23 March 2024
#YMG_News #Yangon_Times #Yangon_Media_Group

Published_ 23 March 2024

မနှစ်က ကလေး(၁၈)ရာခိုင်နှုန်းတွင် တီဘီပိုးတွေ့ခဲ့ပြီး တီဘီနှင့်ဆေးယဉ်ပါးတီဘီရှာဖွေစက်များတိုးချဲ့တပ်ဆင် ဆောင်ရွက်လျက်ရှိကြောင်း ကျန်းမာ ရေးဝန်ကြီးဌာနမှသိရသည်။

ယင်းကဲ့သို့ဆောင်ရွက်နေကြောင်းကို၂၀၂၄ ခုနှစ် ကမ္ဘာ့တီဘီရောဂါတိုက်ဖျက်ရေးနေ့ (World TB Day) အထိမ်းအမှတ်အခမ်းအနားတွင် ကျန်းမာရေးဝန်ကြီးဌာနပြည်ထောင်စုဝန်ကြီး၏ ပြောကြားချက်အရသိရခြင်းဖြစ်သည်။

ပြည်ထောင်စုဝန်ကြီးက"၂၀၂၃ ခုနှစ်အတွင်း တီဘီလူနာရှာဖွေတွေ့ရှိမှု၏ ၁၈ ရာနှုန်းမှာ ကလေးများတွင်ဖြစ်ပြီး အသက်(၈) နှစ်အောက်ကလေးများ၏ သလိပ်နှင့် Stool Specimen ကို GeneXpert စက်ဖြင့် တီဘီပိုးရှာဖွေစစ်ဆေးခြင်းကို ဆောင်ရွက်လျက်ရှိကြောင်း၊

 ဆေးယဉ်ပါးတီဘီရောဂါ ရှာဖွေခြင်းကို လူနာများလက်လှမ်းမီစေရန် Rapid Diagnostic Test ဖြစ်သော GeneXpert စက်အလုံး ၁၁၀ ကို တီဘီရောဂါတိုက်ဖျက်ရေးဌာန ၈၆ ခုတွင် တပ်ဆင်လွှမ်းခြုံဆောင်ရွက်လျက်ရှိပြီး အမျိုးသားမှီငြမ်းပြုတီဘီဓာတ်ခွဲဌာန (ရန်ကုန်) တွင် အဓိကဆောင်ရွက်လျက်ရှိကာ မန္တလေးနှင့်တောင်ကြီးတို့တွင် အားဖြည့်ဆောင်ရွက်လျက်ရှိကြောင်း၊ ဆေးယဉ်ပါး တီဘီရောဂါကုသမှုတွင် ခြောက်လ သို့မဟုတ် ကိုးလထိသာ ဆေးကုသမှုခံယူရမည့် ကုထုံးသစ် (BPaLM / BPaL) ကို ဆေးယဉ်ပါးတီဘီလူနာကုသမှုပေးနေသည့် ဌာနများတွင်အသုံးပြု ဆောင်ရွက်လျက်ရှိကြောင်း"ထည့်သွင်းပြောခဲ့သည်။

မြန်မာနိုင်ငံသည်  တီဘီ/အိပ်ချ်အိုင်ဗွီအဖြစ် အများဆုံးနိုင်ငံ (၃၀) တွင်ပါဝင်နေပြီး ၂၀၂၃ ခုနှစ်တွင် စုစုပေါင်းတီဘီလူနာတစ်သိန်းနှစ်သောင်းကျော် ရှာဖွေကုသပေးနိုင်ခဲ့ပြီး ဆေးကုသမှုအောင်မြင်နှုန်းမှာ ၈၈ ရာခိုင်နှုန်းရရှိခဲ့ကြောင်း၊

၂၀၂၃ ခုနှစ်အတွင်း တီဘီလူနာအားလုံး၏ ၉၃ ရာနှုန်းကို HIV ပိုးရှိမရှိ စစ်ဆေးနိုင်ခဲ့ပြီး HIV ပိုးတွေ့ တီဘီလူနာ ၇၉၃၆ ဦးအနက် ၇၆ ရာနှုန်းကို ART ဆေးရရှိအောင် ဆောင်ရွက်နိုင်ခဲ့ကြောင်း ထည့်သွင်းပြောကြားခဲ့သည်။

ထို့ပြင်၂၀၂၄ ခုနှစ် ကမ္ဘာ့တီဘီရောဂါတိုက်ဖျက်ရေးနေ့ ဆောင်ပုဒ်ဖြစ်သည့် ''Yes! We can End TB!'' “တီဘီရောဂါ ပပျောက်ဖို့၊ အားလုံး ဝိုင်းဝန်းပူးပေါင်းလို့၊ ပံ့ပိုးကူညီဆောင်ရွက်စို့။” နှင့်အညီ တီဘီရောဂါပပျောက်နိုင်ရေးအတွက် ကာကွယ်ကုသရေးလုပ်ငန်းများကို လူတိုင်းလက်လှမ်းမီရရှိနိုင်ရန် အားလုံးပူးပေါင်း၍ ပံ့ပိုးဆောင်ရွက်ရမည်ဖြစ်ကြောင်း ပြောကြားခဲ့သည်။
Yangon_Times/tthl
#Local_News
#Published_ 23 March 2024
#YMG_News #Yangon_Times #Yangon_Media_Group

Published_ 22 March 2024

ကျင်းပပြုလုပ်လျက်ရှိတဲ့ ကုလသမဂ္ဂလူ့အခွင့်အရေးကောင်စီ၏ (၅၅) ကြိမ်မြောက် ပုံမှန်အစည်းအဝေး၌ မြန်မာနိုင်ငံ လူ့အခွင့်အရေးအခြေအနေဆိုင်ရာ အထူးအစီရင်ခံစာ တင်သွင်းသူ၏ အပြန်အလှန် ဆွေးနွေးမှုကို သက်ဆိုင်ရာနိုင်ငံ၏ကိုယ်စားလှယ် မပါဝင်ဘဲ ကောင်စီ၏အခြေခံမူများဖြစ်တဲ့ ဆွေးနွေးမှုနှင့် ပူးပေါင်းဆောင်ရွက်မှုတို့မရှိဘဲ ကျင်းပပြုလုပ်ခဲ့တယ်လို့ ဆိုပါတယ်။

အထူးအစီရင်ခံစာတင်သွင်းသူသည် အဓိကအားဖြင့် ယုံကြည်စိတ်ချရခြင်းမရှိသော အရင်းအမြစ်များမှ အခြေအမြစ်မရှိသောစွပ်စွဲချက်များနှင့်စိတ်ခံစားမှုအပေါ်အခြေခံ ထားတဲ့ ဇာတ်ကြောင်းများကိုသာ အသုံးပြုထားပါတယ်။

၂၀၂၃ ခုနှစ်၊ အောက်တိုဘာလ ၉ ရက်၊ ညအချိန်တွင် ကချင်ပြည်နယ်၊ လိုင်ဇာဒေသ၊ မုန်လိုင်ချက်၌ ပေါက်ကွဲမှုများဖြစ်ပွားခဲ့ခြင်းမှာ KIA သင်တန်းကျောင်း အနီးတွင် KIA ခေါင်းဆောင်များက ထိန်းချုပ်ထားသည့် လက်နက်ခဲယမ်းသိုလှောင်ရုံမှ အမိုနီယမ် နိုက်ထရိတ်တန်ချိန် ၁၀၀ ကျော်နှင့် အခြားသောပေါက်ကွဲစေတတ်သည့် ပစ္စည်းများ ပေါက်ကွဲမှုကြောင့်ဖြစ်ပြီး အစီရင်ခံစာ၌ စွပ်စွဲဖော်ပြထားသကဲ့သို့ တပ်မတော်က ယင်းနေရာတွင် စစ်ဆင်ရေးပြုလုပ်ခဲ့ခြင်းမရှိဘူးလို့ ဆိုပါတယ်။

နစကအနေဖြင့် ပြည်သူ့စစ်မှုထမ်းဉပဒေကို ဖေဖော်ဝါရီ ၁၀ ရက်တွင် အာဏာ တည်ကြောင်း အမိန့်ကြော်ငြာစာထုတ်ပြန်ခဲ့ပြီး ပြည်တွင်းလိုအပ်ချက်များနှင့်အညီ အလားတူ စစ်မှုထမ်းဉပဒေကို ကျင့်သုံးလျက်ရှိသော အခြားနိုင်ငံများနည်းတူ မြန်မာနိုင်ငံသည်လည်း စစ်မှု ထမ်းဥပဒေကို စတင်မိတ်ဆက်ခဲ့တယ်လို့ ဆိုပါတယ်။

အထူးအစီရင်ခံစာတင်သွင်းသူသည် NUG ၊NUCC နှင့် PDF အကြမ်းဖက်အဖွဲ့များ အပြင် သောင်းကျန်းသူအဖွဲ့များ၏ ရက်စက်ကြမ်းကြုတ်မှုများကို ငြင်းဆန်နိုင်ခြင်းမရှိဘဲ အပြစ်မဲ့ပြည်သူ ၇၀၀၀ ကျော်ကိုသတ်ဖြတ်ခဲ့တဲ့အဖွဲ့များနှင့်ထိတွေ့၍ ပူးပေါင်းဆောင်ရွက် ရန် နိုင်ငံတကာအသိုက်အဝန်းကို ဆက်လက်လှုံ့ဆော်ပြီး လှည့်ဖြားနေကြောင်း ထုတ်ပြန်ချက်မှာ ဖော်ပြထားပါတယ်။

အထူးအစီရင်ခံစာတင်သွင်းသူအနေဖြင့် မြန်မာနိုင်ငံနှင့် အခြားသော နိုင်ငံများ မည်ကဲ့သို့ထိတွေ့ဆက်ဆံသင့်သည်ကို အကြံပြုပြောဆိုနိုင်ခွင့်မရှိပါ။ အထူး အစီရင်ခံစာတင်သွင်းသူ၏ ဘက်လိုက်ကာ လွတ်လပ်မှုနှင့်သမာသမတ်ကျမှုတို့ ကင်းမဲ့ပြီး အကြမ်းဖက်လုပ်ရပ်များအပေါ် ချီးကျူးအမွှမ်းတင်သည့် အပြုအမူများက ၎င်းသည် လွတ်လပ်သောကျွမ်းကျင်သူအဖြစ် ဆက်လက်လုပ်ကိုင်ရန် အရည်အချင်းပြည့်မီခြင်းမရှိဘူးလို့ ဖော်ပြထားပါတယ်။

အထူးအစီရင်ခံစာတင်သွင်းသူ၏လုပ်ပိုင်ခွင့်သည် အစိုးရကို ဂုဏ်သိက္ခာကျဆင်းစေ ရန်၊ မြန်မာပြည်သူ လူထုနှင့် အစိုးရအဖွဲ့အစည်းများအကြား စိတ်ဝမ်းကွဲပြားမှုများကို ဖန်တီးရန်နှင့် လူ့အခွင့် အရေးကောင်စီကို အသုံးချပြီး နိုင်ငံတကာအသိုက် အဝန်းကို လှည့်ဖြားရန် လက်နက်တစ်ခုအဖြစ်သာ ယုံကြည်ကြောင်း မြန်မာ အမြဲတမ်း ကိုယ်စားလှယ်အဖွဲ့ရုံး၊ ဂျီနီဗာမြို့က သတင်းထုတ်ပြန်ထားပါတယ်။
Ymg_mnn
#Local_News
#Published_ 23 March 2024
#YMG_News #Yangon_Times #Yangon_Media_Group