#Local_News
Published 9 April 2024

ရန်ကုန်တိုင်းဒေသကြီး၊ မင်္ဂလာတောင်ညွန့်မြို့နယ်၊ စက်ဆန်းရပ်ကွက်တွင် မီးလောင်မှုဖြစ်ပွားကြောင်း မီးသတ်တပ်ဖွဲ့၏သတင်း ထုတ်ပြန်ချက်အရသိရသည်။

ဧပြီ ၉ ရက် နံနက် ၁၀ နာရီ ၂၀မိနစ် အချိန်ကလောင်ကျွမ်းခဲ့သဖြင့် မင်္ဂလာတောင်ညွန့်မြို့နယ်မီးသတ်စခန်း၊ ပုဇွန်တောင်မြို့နယ်မီးသတ်စခန်းနှင့် တာမွေမြို့နယ်မီးသတ်စခန်းတို့မှ မီးသတ်ယာဉ်များဖြင့် ထွက်ခွာငြှိမ်းသတ်ခဲ့ရာ ၁၀နာရီ ၂၄မိနစ် အချိန် တွင် မီးငြှိမ်းခဲ့ကြောင်း သိရသည်။

"မီးငြှိမ်းသတ်မှုနိုင်ခဲ့တဲ့အတွက် မီးစလောင်တဲ့ နေအိမ်တစ်လုံးပဲ လောင်ကျွမ်းခဲ့တာပါ အခြားနေအိမ်တွေကို မကူးစက်ခဲ့ဘူး လူထိခိုက်ဒဏ်ရာရရှိတာလဲ မရှိပါဘူး"ဟုသွားရောက် ကူညီပေးခဲ့သည့်ရှင်သန်ရေးကူညီမှုအသင်းမှ အသင်းဝင်တစ်ဦးကပြောသည်။

မီးလောင်သည့် အကြောင်းရာနှင့်ဆုံးရှုံးမှုတန်ဖိုးကို သက်ဆိုင်ရာက စစ်ဆေးလျက်ရှိကြောင်း သိရသည်။

#Local_News #စက်ဆန်းရပ်ကွက် #မီးလောင်မှုဖြစ်ပွား #YMG/LW #Yangon_Times

#Local_News
Published_ 09 April 2024

အခုရက်ပိုင်းအတွင်း နေ့အပူချိန်များပြင်းနေသော်လည်း သင်္ကြန်နီးချိန် နောက်နှစ်ရက် အတွင်းဒေသ(၇)ခု၌ မိုးရွာမည်ဖြစ်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရသည်။

ဧပြီ(၉)ရက်ညနေပိုင်းတွင် ကချင်ပြည်နယ်တွင် နေရာကျဲကျဲနှင့် စစ်ကိုင်းတိုင်းဒေသကြီးအထက်ပိုင်း၊ တနင်္သာရီတိုင်းဒေသကြီး၊ ချင်းပြည်နယ်၊ ကယားပြည်နယ်နှင့် ကရင်ပြည်နယ်တို့တွင် နေရာကွက်ကျား မိုးထစ်ချုန်းရွာမည်ဖြစ်ပြီး ရွာရန်ရာခိုင်နှုန်း ၈၀ရှိသည်ဟုဆိုသည်။

ဧပြီ(၁၀)ရက်နှင့်(၁၁)ရက်တို့တွင် စစ်ကိုင်းတိုင်းဒေသကြီး၊ ပဲခူးတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ချင်းပြည်နယ်၊ ကရင်ပြည်နယ်နှင့် မွန်ပြည်နယ်တိုတွင် နေရာကွက်ကျားမှ နေရာကျဲကျဲ မိုးထစ်ချုန်းရွာနိုင်သည်ကြောင်း သိရသည်။

ကချင်အစရှိသည့်မြန်မာနိုင်ငံအထက်ပိုင်းတွင်မိုးရွာသွန်းမှု၊မိုးသီးကြွေမှုများရှိခဲ့ပြီးမြန်မာနိုင်ငံအောက်ပိုင်းဒေသများ၊ရန်ကုန်၊ ပဲခူး၊ ဧရာဝတီအစရှိသည့်မြစ်ဝကျွန်းပေါ်ဒေသများတွင်မိုးရွာသွန်းရန်လိုအပ်နေပြီး ယခုရက်ပိုင်း အတွင်းမြန်မာနိုင်ငံအောက်ပိုင်းနှင့်မြစ်ဝကျွန်းပေါ်ဒေသအချို၌မိုးရွာရန်ရှိကြောင်း ထုတ်ပြန်ချက်တွင်ဖော်ပြထားသည်။

#Local_News #နောက်နှစ်ရက်အတွင်းဒေသ(၇)ခု #မိုးရွာမည် #tthl #Yangon_Times

#Local_News
Published_9 April 2024
ကမ္ဘောဒီးယားနိုင်ငံ၊ ခေတ္တနိုင်ငံအကြီးအကဲနှင့် အထက်လွှတ်တော် ဥက္ကဋ္ဌ ဆမ်ဒက် ဟွန်ဆင် အား ကမ္ဘောဒီးယားနိုင်ငံဆိုင်ရာ မြန်မာသံအမတ်ကြီး ဦးကျော်စိုးမင်းသည် ဧပြီ ၈ ရက်တွင် ဖနောင်ပင်မြို့ရှိ အထက်လွှတ်တော်၌ သွားရောက်ဂါရဝပြု တွေ့ဆုံခဲ့ပါတယ်။

တွေ့ဆုံရာတွင် သံအမတ်ကြီးက မြန်မာနိုင်ငံ၏ လက်ရှိဖြစ်ပေါ်တိုးတက်မှု အခြေ အနေများကို ရှင်းလင်းပြောကြားခဲ့ပြီး မြန်မာနှင့် ကမ္ဘောဒီးယားတို့အကြား ရှိရင်းစွဲ ချစ်ကြည်ရင်းနှီးမှုအပေါ်အခြေခံ၍ နယ်ပယ်ပေါင်းစုံ၌ ပူးပေါင်းဆောင်ရွက်မှုများ တိုးမြှင့်ဆောင်ရွက်သွားနိုင်ရေး ဆွေးနွေးခဲ့ပါတယ်။

ဆမ်ဒက်ဟွန်ဆင်က ကမ္ဘောဒီးယားနိုင်ငံ၊ အထက်လွှတ်တော်ဥက္ကဋ္ဌအဖြစ် စတင်တာဝန်ယူ ထမ်းဆောင်ပြီးနောက် ပထမဆုံးလက်ခံတွေ့ဆုံသည့် သံအမတ်ကြီးဖြစ်သည့်အတွက် ဂုဏ်ယူဝမ်းမြောက်ကြောင်း ပြောကြားခဲ့ပြီး နှစ်နိုင်ငံအကြား တူညီသည့် ရိုးရာဓလေ့ထုံးတမ်းများအပေါ် အခြေခံ၍ ယဉ်ကျေးမှုဆိုင်ရာ ပူးပေါင်းဆောင်ရွက်မှုများ မြှင့်တင်ဆောင်ရွက်သွားမယ်လို့ ဆိုပါတယ်။

၂၀၂၅ ခုနှစ်တွင် ကျရောက်မည့် နှစ်(၇၀)မြောက် သံတမန်ဆက်ဆံရေး ထူထောင်မှု အထိမ်းအမှတ် လှုပ်ရှားမှုများ ပြုလုပ်နိုင်ရေးနှင့် နှစ်နိုင်ငံခေါင်းဆောင်များအကြား ထိတွေ့ ဆက်ဆံမှု တိုးမြှင့်ရေး ရင်းနှီးပွင့်လင်းစွာ ဆွေးနွေးခဲ့ကြောင်း သတင်းရရှိပါတယ်။

#Local_News #ဆမ်ဒက်ဟွန်ဆင် #မြန်မာသံအမတ်ကြီးမှသွားရောက်ဂါရဝပြုတွေ့ဆုံ #Ymg_mnn #Yangon_Media_Group

#Local_News
Published_ 9 April 2024

ကုလသမဂ္ဂ လူ့အခွင့်အရေးကောင်စီသည် ဥရောပသမဂ္ဂကိုယ်စား ဘယ်လ်ဂျီယံ နိုင်ငံကတင်သွင်းသည့် “မြန်မာနိုင်ငံလူ့အခွင့်အရေးအခြေအနေ” ခေါင်းစဉ်ပါ ဆုံးဖြတ် ချက်ကို ဧပြီလ ၄ ရက်တွင် မြန်မာနိုင်ငံမပါဝင်ဘဲ အတည်ပြုချမှတ်ခဲ့ပြီး ကုလသမဂ္ဂ၏ တစ်ဖက်သတ်ဖိအားပေးမှုသည် အပြုသဘောသော ဆောင်ပူးပေါင်းဆောင်ရွက်မှုကို အထောက်အကူဖြစ်စေမှာမဟုတ်ကြောင်း နစက ရဲ့ နိုင်ငံခြားရေးဝန်ကြီးဌာနက တုံ့ပြန် ပြောဆိုလိုက်ပါတယ်။

ကုလသမဂ္ဂလုံခြုံရေးကောင်စီ၏ တံခါးဖွင့်အစည်းအဝေးကို နယူးယောက်မြို့၌ ဧပြီလ ၄ ရက်တွင် ပြုလုပ်ခဲ့ပြီး အဆိုပါအစည်းအဝေးတွင် မြန်မာနိုင်ငံ၏ လက်ရှိအခြေအနေကို ဆွေးနွေးခဲ့တာဖြစ်ပြီး ဂျီနီဗာမြို့၌ ကုလသမဂ္ဂလူ့အခွင့်အရေးကောင်စီ၏ (၅၅) ကြိမ်မြောက် ပုံမှန် အစည်းအဝေး ကို ၂၀၂၄ ခုနှစ်၊ ဖေဖော်ဝါရီလ ၂၆ ရက်မှ ဧပြီလ ၅ ရက်အထိကျင်းပခဲ့ပါသေးတယ်။

ယင်းအစည်းအဝေးတွင် ကုလသမဂ္ဂ လူ့အခွင့်အရေးဆိုင်ရာ မဟာမင်းကြီး၏ အပြန်အလှန်ဆွေးနွေးမှုနှင့် မြန်မာနိုင်ငံ လူ့အခွင့်အရေးအခြေအနေဆိုင်ရာ အထူးအစီရင်ခံစာတင်သွင်းသူ၏ အပြန်အလှန်ဆွေးနွေးမှုတို့ကို မတ်လ ၁ ရက်နှင့် ၁၉ ရက်တို့တွင် အသီးသီးပြုလုပ်ခဲ့ပြီး အဆိုပါဆုံးဖြတ်ချက်အဆိုတွင် မြန်မာနိုင်ငံ၏ လူ့အခွင့် အရေးနှင့် လူသားချင်းစာနာ ထောက်ထားမှုဆိုင်ရာကိစ္စများနှင့်ပတ်သက်၍ အခြေအမြစ်မရှိသည့် တစ်ဖက်သတ်စွပ်စွဲဖော်ပြချက်များ ပါဝင်ခဲ့တယ်လို့ ဆိုပါတယ်။

နစကအစိုးရအနေဖြင့် လူသားချင်းစာနာ ထောက်ထားမှု အကူအညီများပေးအပ်ရေး လိုအပ်သူများထံ အချိန်နှင့် တစ်ပြေးညီပေးပို့နိုင်ရေး အလေးထားဆောင်ရွက်လျက် ရှိပြီး မြန်မာနိုင်ငံတစ်ဝန်း၌ ကုလသမဂ္ဂ အဖွဲ့အစည်း ၁၆ ဖွဲ့၏ရုံးခွဲများ ဖွင့်လှစ်ထားရှိပါတယ်။

၂ဝ၂၄ ခုနှစ် ဖေဖော်ဝါရီလအထိ ရရှိသော စာရင်းများအရ မြန်မာနိုင်ငံရှိ ကုလသမဂ္ဂအဖွဲ့အစည်းများ၌ နိုင်ငံခြားသားဝန်ထမ်း ၁၃၀ ကျော်၊ ပြည်တွင်းခန့်ဝန်ထမ်း ၁,၆၀၀ ခန့် အပါအဝင် ဝန်ထမ်းစုစုပေါင်း ၁,၇၀၀ ကျော်လုပ်ငန်းများ ဆောင်ရွက်လျက်ရှိ ကြောင်း သိရပါတယ်။

လွန်ခဲ့သော သုံးနှစ်အတွင်း အစိုးရအနေဖြင့် ကုလသမဂ္ဂအဖွဲ့အစည်းများနှင့် အစိုးရမဟုတ်သော နိုင်ငံတကာအဖွဲ့အစည်းများအား နိုင်ငံတစ်ဝန်း ခရီးသွားလာခွင့် အကြိမ် ၁ဝဝဝ ကျော်နှင့် မြန်မာနိုင်ငံအခြေစိုက်သံရုံးများအား အကြိမ် ၆ဝ ကျော် ခွင့်ပြုပေးခဲ့ပြီး ၂ဝ၂၃ ခုနှစ်အတွင်း ရခိုင်ပြည်နယ်တစ်ခုတည်းအတွက် ကုလသမဂ္ဂ အဖွဲ့အစည်းများအား စုစုပေါင်း အကြိမ် ၂၅၀ ခန့်နှင့် အစိုးရမဟုတ်သော နိုင်ငံတကာအဖွဲ့အစည်းများအား အကြိမ် ၃၀၀ ကျော် ခရီးသွားလာခွင့်ပြုခဲ့ပါတယ်။

ဥရောပသမဂ္ဂကိုယ်စား ဘယ်လ်ဂျီယံနိုင်ငံက တင်သွင်းခဲ့သည့် ဆုံးဖြတ်ချက် အဆိုကို မြန်မာနိုင်ငံအနေဖြင့် ပြတ်သားစွာခြွင်းချက်မရှိပယ်ချပြီး ကုလသမဂ္ဂနှင့် မြန်မာနိုင်ငံတို့အကြား ပူးပေါင်းဆောင်ရွက်ရာတွင် တစ်ဖက်သတ် ဖိအားပေးမှုများသည် အပြုသဘောဆောင်သော ပူးပေါင်းဆောင်ရွက်မှုများအတွက် အထောက်အကူပြုမည်မှာဟုတ်ကြောင်း ဖော်ပြထားပါတယ်။

 #Local_News #ကုလသမဂ္ဂ၏တစ်ဖက်သတ်ဖိအားပေးမှု #Ymg_mnn #Yangon_Media_Group

#World_News
Published 09 April 2024

မြောက်အမေရိကအနှံ့မှ လူအုပ်ကြီးဟာ တနင်္လာနေ့မွန်းတည့်ချိန်မှာ နေအမှောင်ဖုံးကွယ်တာကို ကြည့်ရှုခဲ့ကြပါတယ်။

၇ နှစ်အတွင်း တိုက်ကြီးတစ်ခုလုံး အမှောင်ကျစေတဲ့ ပထမဆုံးနေလုံးဝကြတ်ခြင်း ဖြစ်စဥ်မှာ တေးသီချင်းများ၊ လက်ထပ်မင်္ဂလာပွဲများဖြင့် အောင်ပွဲခံခဲ့ကြပါတယ်။

နေကြတ်ခြင်းနီးကပ်ရာ မက္ကဆီကို အပန်းဖြေကမ်းခြေကနေ အမေရိကန်-မက္ကဆီကိုနယ်စပ်ရှိ နိုင်ယာဂရာ ရေတံခွန်တန်းအကျော် မြောက်ပိုင်းစွန်းနဲ့ အိုဟိုင်ယိုမြစ် ကမ်းရိုးတန်းများအထိ လူအုပ်တွေဟာ အံ့ဩခြင်းပုံသဏ္ဍာန်များဖြင့် စောင့်ကြည့်ခဲ့ကြပါတယ်။

လူဦးရေ ၃ သောင်းခန့်ရှိတဲ့ ရပ်ဆဲလ်ဗီးလ် အာကန်ဆက်စ်မြို့မှာ စုံတွဲပေါင်း ၄၀၀ နီးပါးက အစုလိုက်လက်ထပ်ခဲ့ကြပါတယ်။

နိုင်ယာဂရာရေတံခွန်မှာ စုဝေးကြတဲ့ လူပေါင်း ၂ ထောင်ခန့်မှာ အနည်းဆုံး မင်္ဂလာပွဲ ၂ ပွဲနဲ့ လက်ထပ်ခွင့်တောင်းဆိုခြင်း ၁ ပွဲရှိခဲ့ပါတယ်။

နေလုံးဝကြတ်ခြင်းက စက္ကန့် ၃၀ လောက်ကြာမြင့်ခဲ့ပြီး လူအားလုံး အော်ဟစ်ကြွေးကြွော်ခဲ့ကြပါတယ်။

ကောင်းကင်ပြန်လင်းလာချိန်မှာ တီးဝိုင်းအဖွဲ့တစ်ဖွဲ့က Man on the Moon သီချင်း တီးခတ်ခဲ့ပါတယ်။

နိုင်ယာဂရာရေတံခွန်မြစ်တလျှောက် စင်္ကာပူ၊ လန်ဒန်တို့မှပင် လာတဲ့သူများအပါအဝင် လူ ၃၀၉ ဦးဟာ နေဝတ်စုံများ ဝတ်ဆင်လာကြတဲ့ အများဆုံးလူအုပ်ကြီး ဖြစ်ခဲ့ကြောင်း ပွဲစီစဥ်သူများက ဆိုပါတယ်။

ယခု နေလုံးဝကြတ်ခြင်းဟာ ၂၀၁၇ နောက်ပိုင်း မြောက်အမေရိကမှာ ပထမဆုံးဖြစ်ခဲ့ပြီး ၂၀၄၄ မတိုင်ခင်အထိ နောက်ဆုံးအကြိမ် ဖြစ်နိုင်ပါတယ်။

နေကွယ်ချိန်က နေရာအလိုက် ၄ မိနစ်မှ စက္ကန့် ၃၀ အထိ ကြာမြင့်ခဲ့ပြီး ထိုအချိန်အတွင်း ကောင်းကင်မှ ကြယ်များပေါ်လာပြီး ငှက်နဲ့ အခြားတိရိစ္ဆာန်များကတော့ တိတ်ဆိတ်နေပါတယ်။

နောက်ဆုံးနေကွယ်အရိပ်က နယူးဖောင်းလန်းရှိ မြောက်အမေရိကတိုက်ကနေ ထွက်ခွာသွားပါတယ်။

နေကြတ်ရာလမ်းကြောင်းရှိ အမေရိကန်နယ်မြေမှ လူပေါင်း ၃၂ သန်းနဲ့ အစိုးရအရာရှိများအပါအဝင် နောက်ထပ်လူ ၅ သန်းခန့်က အဲဒီကို သွားကြမယ်လို့ ခန့်မှန်းရပါတယ်။

ဒီဖြစ်စဥ်က တကယ်ကို သာယာကြည်နူးစရာကောင်းတဲ့ အနေအထားဖြစ်ပြီး လူတွေကျေနပ်ခဲ့ကြတယ်လို့ မာလ်ဗာနေးစတာနက်ခ်က သတင်းထောက်တွေကို ပြောပြခဲ့ပါတယ်။

#World_News #နေလုံးဝကြတ်စဉ်မင်္ဂလာပွဲများကျင်းပ #တေးသီချင်းများဖြင့်အောင်ပွဲခံ #Source: Reuters

#Local_News
Published 9 April 2024

မန္တလေးမြို့၊ ဈေးချိုဈေးတွင် ယနေ့ဧပြီ ၉ ရက်နံနက်ပိုင်းက ဈေးလာဝယ်ရင်း အမျိုးသမီးတစ်ဦး မူးလဲခဲ့ကြောင်း မဏီစလလူမှုကူညီရေးအသင်းထံမှ သိရသည်။

အဆိုပါ အမျိုးသမီးသည် ဈေးချိုတော် ၂၈လမ်းနှင့် ၂၉လမ်းကြား၊ ၈၅လမ်းနှင့် ၈၆လမ်းကြားတွင် ဈေးဝယ်နေရင်း မူးလဲခဲ့သောကြောင့် အနီးနားရှိ ပြည်သူတစ်ဦးက အသင်းထံသို့ အကူညီတောင်းခံခဲ့ခြင်းဖြစ်ကြောင်း သိရသည်။

ထိုသို့အကူညီတောင်းခဲ့သဖြင့် အသင်းက အရေးပေါ်ကားဖြင့် ထွက်ခွာကူညီပြီး ပြည်သူ့ဆေးရုံကြီး OPD သို့ ရောက်ရှိချိန်တွင် ဆုံးပါးသွားပါသဖြင့် ၎င်းအမျိုးသမီးရုပ်အလောင်းကို ရင်ခွဲရုံသို့ ပို့ဆောင်ပေးခဲ့ပါကြောင်း "မဏီစလ" လူမှုကူညီရေးအသင်း (မန္တလေး)မှ သိရသည်။

#ဈေးလာဝယ်သည့်အမျိုးသမီး #ဆေးရုံကြီးအရောက်တွင်ကွယ်လွန် #Local_News #YMG/LW #Yangon_Times

#World_Health
Published 09 April 2024

ကိုဗစ်ကပ်ရောဂါ စကတည်းက လက်သန့်စင်ဆေးရည်တွေဟာ မရှိမဖြစ်ပစ္စည်းအဖြစ် လူအများမှတ်ယူလာကြပါတယ်။

အခုဆိုရင် ကပ်ရောဂါကာလမှ လွတ်မြောက်လာပြီဖြစ်ပေမယ့် လက်သန့်စင်ဆေးရည် အသုံးပြုတဲ့ အလေ့အကျင့်ကတော့ ရှိနေကြပါသေးတယ်။

မကြာသေးမီက လေ့လာမှုတစ်ခု ပြုလုပ်ရာမှာ ပိုးသတ်ဆေးတွေမှာပါတဲ့ ဓာတုပစ္စည်းတွေက ဦးနှောက်ထဲက အထောက်အပံ့ဆဲလ်တွေကို ထိခိုက်ဖွယ်ရှိတယ်လို့ တွေ့ရှိထားပါတယ်။

အိုလီဂိုဒန်ဒရိုဆိုက်ဆဲလ်တွေက အာရုံကြော ထောက်ပံ့ဆဲလ်များဖြစ်ပြီး ဦးနှောက်အချက်ပြချက်များ အရှိန်တစ်ခုဖြင့် သွားနိုင်အောင် ပြုလုပ်ပေးပါတယ်။

လက်သန့်စင်ဆေးလိုမျိုး ပိုးသတ်ဆေးတွေနဲ့ သွားတိုက်ဆေးလိုမျိုး တစ်ကိုယ်ရည်သုံး ပစ္စည်းတွေမှာပါတဲ့ ဓာတုပစ္စည်းတွေကို အသုံးပြုနေစဥ် မျိုချမိတာမျိုး ရှူသွင်းမိတာမျိုး ဖြစ်နိုင်ပါတယ်။

နောက်တစ်မျိုးကတော့ အော်ဂန်နိုဖော့စ်ဖိတ်ဖြစ်ပြီး အထည်အလိပ်တွေ လျှပ်စစ်ပစ္စည်းတွေမှာ ပါဝင်ပါတယ်။

အဆီမှာပျော်ဝင်နိုင်တဲ့ အော်ဂန်နိုဖော့စ်ဖိတ်တွေက အရေပြားကနေ ဖြတ်သန်းပြီး ဦးနှောက်သို့ ရောက်ရှိနိုင်ပါတယ်။

ဓာတ်ခွဲခန်းထဲမှာ ကြွက်တွေကို စမ်းသပ်ပြီးနောက် ဦးနှောက်တစ်ရှူးထဲမှာ ဓာတုပစ္စည်းများ တွေ့ရှိခဲ့ပါတယ်။

ထိုဓာတုဒြပ်ပေါင်းတွေကို အော်လီဂိုဒန်ဒရိုဆိုက်တွေက တုန့်ပြန်တာတွေကို အံ့အားသင့်ဖွယ် တွေ့ရှိခဲ့ရပါတယ်။

#World_Health #လက်သန့်စင်ဆေးရည် #ဦးနှောက်ဆဲလ် #ထိခိုက်စေနိုင်ဖွယ်ရှိ #Source: WION

#World_Health
Published 09 April 2024

အပ်စိုက်ကုထုံးဆိုတာဟာ ခန္ဓာကိုယ်ရှိ သတ်မှတ်နေရာများမှာ သေးငယ်တဲ့အပ်များစိုက်ပြီး နာကျင်ကိုက်ခဲမှုကို ကုသတဲ့ နည်းလမ်းတစ်မျိုးဖြစ်ကာ တရုတ်ရိုးရာဆေးပညာကနေ အစပြုခဲ့တာ ဖြစ်ပါတယ်။

နယူးဒေလီရှိ အပ်စိုက်ကုထုံးဌာနမှ ဥက္ကဌ ဒေါက်တာရာမန်ကာပူရ်က အပ်စိုက်ကုထုံးရဲ့ အိုမင်းရင့်ရော်ခြင်းကို ဆန့်ကျင်တဲ့အာနိသင်နဲ့ အရွယ်မတိုင်ခင် အိုမင်းခြင်းကို ဖြစ်စေတဲ့ ဖိစီးမှုကို ဘယ်လိုဖြေရှင်းပေးလဲဆိုတာကို ပြောပြသွားပါတယ်။

 ယနေ့ခေတ်မှာဆိုရင် ယိုယွင်းလာတဲ့ နေထိုင်မှုစနစ်၊ အိပ်ရေးပျက်ခြင်း၊ ဖိစီးမှုများခြင်းတို့ကြောင့် အိုမင်းရင့်ရော်ဖြစ်စဥ် ပိုမိုမြန်ဆန်လာတယ်လို့ ဆိုပါတယ်။

လူသားတွေအတွက် အန္တရာယ်အပေးနိုင်ဆုံး စိတ်ဖိစီးမှုကို အပ်စိုက်ကုထုံးဖြင့် လျှော့ချနိုင်ပြီး ရောဂါများဖြစ်ပွားနိုင်ခြေကိုလည်း လျော့ကျစေကာ အိုမင်းခြင်းကို နှောင့်နှေးစေပါတယ်။

စွမ်းအင်သိုလှောင်ရာမှာ အသုံးပြုတဲ့ အာရုံကြောစနစ်ကို အပ်စိုက်ခြင်းက လှုံ့ဆော်ပေးကာ စိတ်ပြေလျော့စေတာကြောင့် နုပျိုတဲ့ပုံသဏ္ဍာန် ဖြစ်စေတယ်လို့ ဆိုပါတယ်။

အိုမင်းရင့်ရော်ခြင်းကို မြန်စေတဲ့ နောက်တစ်ချက်က အိပ်မပျော်တာဖြစ်ပြီး အပ်စိုက်ကုခြင်းက မယ်လာတိုနင်ဟော်မုန်းကို ထွက်ရှိစေကာ အိပ်စက်ခြင်းကို ကူညီပေးပါတယ်။

အပ်စိုက်ရာမှာ ကော်လာဂျင်ကို ဖြတ်သန်းသွားတာကြောင့် သဘာဝအတိုင်း အသားအရေကို ကြည်လင်ဝင်းပစေပါတယ်။

စိတ်ဖိစီးတာတွေ၊ ဟော်မုန်းမညီမျှတာတွေ၊ သွေးလှည့်မှုစနစ်တွေကို အပ်စိုက်ကုထုံးဖြင့် ဖြေရှင်းနိုင်ပေမယ့် ရောဂါပြင်းထန်တာတွေကိုတော့ ဆေးကုသမှု ခံယူသင့်ပါတယ်။

#World_Health #အပ်စိုက်ကုထုံး #အိုမင်းရင့်ရော်ခြင်းဖြစ်စဥ်ကိုဆန့်ကျင် #Source: India Today

ယခုနှစ်အတွင်း လျှပ်စစ်ကားရောင်းချရမှုနှုန်း ကျဆင်းသွားကာ အမေရိကန်မှာ လျှပ်စစ်ကားဝယ်လိုအား ယိမ်းယိုင်နေပေမယ့် ထုတ်လုပ်သူအချိုကတော့ လျှပ်စစ်ကားဈေးကွက်ရဲ့ အလားအလာတွေကို ယုံကြည်နေဆဲ ဖြစ်ပါတယ်။
#World_Industry
Published_ 08 April 2024
#လျှပ်စစ်ကား #လူအများစိတ်ဝင်စားလာရေး #ကြန့်ကြာနေဦးမည်
#YMG_News #Yangon_Times #Yangon_Media_Group

#Daily_News
Published_ 08 April 2024

၁။ သင်္ကြန်နှင့်ကထိန်အလှူပွဲများအတွက် ထိုင်း၊ မလေးရှား၊ လာအို၊ ဂျပန်၊ သြစတြေးလျတို့မှ အိုးစည်ဒိုးပတ်များအမှာများ

၂။ သင်္ကြန်ကာလ နီးသော်လည်း အာလူးဈေးဆက်တိုက်ကျဆင်းနေ

၃။ သင်္ကြန်ကာလနီးလာ၍ ရွှေဈေးကွက်အေးနေ

၄။ ဒဏ္ဍာရီလာတရုတ်ဧကရာဇ်ကို ဂုဏ်ပြုခြင်းအခမ်းအနား ဧကရာဇ်ဗိမာန်တွင်ကျင်းပ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

ထိုင်းနိုင်ငံသို့သွားရောက် အလုပ်လုပ်ကိုင်မယ့် မြန်မာ MoU အလုပ်သမားများကို ရန်ကုန်လေဆိပ်ကနေ ထိုင်းနိုင်ငံဘန်ကောက် ရှိ ဒွန်မောင်း လေဆိပ်သို့ လေကြောင်းခရီးဖြင့် ဧပြီ ၂၉ရက်မှ စတင်စေလွှတ်သွားမယ်လို့ မြန်မာပြည်ပအလုပ်အကိုင်ဝန်ဆောင်မှုလုပ်ငန်းရှင်များအသင်း (MOEAA) ထံက သိရပါတယ်။
#Local_News
Published_ 08 April 2024
#MOU လုပ်သား #တစ်ရက်လျှင်၄၀၀ ဦးခန့်စေလွှတ်
#YMG/LW #Yangon_Times

#Local_News
Published 8 April 2024

မြန်မာ့ရိုးရာသင်္ကြန်ကာလအတွင်း ယာဉ်မောင်းသူများ အရက်သေစာ သောက်စားခြင်း ရှိမရှိကို အရက်မူးတိုင်းကိရိယာ Alcohol Tester ဖြင့် စစ်ဆေးပြီး ချိုးဖောက်ပါက ထိရောက်စွာ အရေးယူဆောင်ရွက်မည်ဖြစ်ကြောင်း ရန်ကုန်တိုင်းဒေသကြီးအစိုးရအဖွဲ့၏ အသိပေးထုတ်ပြန်ချက်အရ သိရသည်။

၂၀၂၄ ခုနှစ် သင်္ကြန်ကာလဖြစ်သည့် ဧပြီ ၁၃ရက် မှ ၁၆ရက်အထိ ယာဉ်မောင်းသူများအနေဖြင့် သတိပြုရမည့်အချက်များကို ရန်ကုန်တိုင်းဒေသကြီး အစိုးရအဖွဲ့က ထုတ်ပြန်လိုက်သည်။

အဆိုပါ အချက်များတွင် မူးယစ်သောက်စားပြီးယာဉ်မောင်းနှင်ခြင်းမပြုရ၊ စည်းကမ်းမဲ့ပြိုင်မောင်းခြင်းများမပြုရ၊ ယာဉ်နံပတ်ပြား မပါရှိဘဲ မမောင်းရ၊ နိုင်ငံတကာအလံများယာဉ်တွင် တပ်ဆင်မောင်းနှင်းခြင်းမပြုရ၊ ရန်ကုန်မြို့တော်စည်ပင်သာယာနယ်နိမိတ်အတွင်း မည်သည့်မော်တော်ဆိုင်ကယ်၊ ဘေးတွဲဆိုင်ကယ်များ လုံးဝစီးနင်းခြင်း မပြုရစတဲ့ အချက်များ အပါအဝင် လိုက်နာမည့်စည်ကမ်းချက်များကို အသိပေးထုတ်ပြန်ထားသည်။

အဆိုပါ စည်းကမ်းချက်များကို ကျူးလွန်ပါက တည်ဆဲဥပဒေအရ ထိရောက်စွာအရေးယူမည်ဖြစ်ကြောင်း သိရသည်။

#Local_News #အရက်သေစာသောက်စားခြင်းရှိမရှိ #Alcohol Testerဖြင့်စစ်ဆေး #YMG/LW #Yangon_Times