သင်္ကြန်နားနီးချိန်ရွှေတိဂုံစေတီတော်ကို နိုင်ငံခြားသားခရီးသွားဝင် ရောက်မှုအနေနဲ့ တစ်ရက်ကိုတစ်ရာကျော် တစ်လကို (၆၀၀၀)ခန့်ဝင်ရောက်တယ်။ပြည်တွင်းဘုရားဖူးပုံမှန် (၁)သောင်း ၊(၂)သောင်းလောက်ဝင်ပြီး ပိတ်ရက်တွေမှာတော့ (၄)/(၅)သောင်းကနေ(၈)သောင်းအထိဝင်ရောက်တယ်။
(ရွှေတိဂုံစေတီတော်ဂေါပကအဖွဲ့ဝင်ဦးဘိုးသင်း)
#Local_News
Published_ 08 April 2024
#ရွှေတိဂုံစေတီတော် #နိုင်ငံခြားသားပုံမှန်တစ်ရက်(၁၀၀)ကျော်ဝင်
#tthl #Yangon_Times

၈ ဧပြီ ၂၀၂၄

အမေရိကန်နိုင်ငံမှာ ဆောက်သ်ဝက်စ်လေကြောင်းလိုင်းလေယာဉ်တစ်စီးဟာ တနင်္ဂနွေမနက်က လေယာဉ်ပျံတက်စဉ်မှာ လေယာဉ်အင်ဂျင်အဖုံးကွာကျသွားတဲ့အတွက် အရေးပေါ်ပြန်လည်ဆင်းသက်ခဲ့ရတယ်လို့ ဖက်ဒရယ်လေကြောင်းအာဏာပိုင်  အဖွဲ့က ပြောပါတယ်။

အဆိုပါလေယာဉ်ဟာ ဘိုအင်း ၇၃၇-၈၀၀ အမျိုးအစားလေယာဉ်ဖြစ်ပြီး ဒင်ဗာမှ ဟောက်စ်တန်သို့ ပျံသန်းတာဖြစ်ပါတယ်။  ပျံတက်အပြီးမှာ လေယာဉ်အင်ဂျင်အဖုံးကွာကျသွားပြီး တောင်ပံပေါ်မှာ ဖတ်လတ်ကျနေတဲ့အတွက် ဒင်ဗာနိုင်ငံတကာ လေဆိပ်ကို ဘေးအန္တရာယ်ကင်းစွာ ပြန်လည်ဆင်းသက်နိုင်ခဲ့ပါတယ်။လေကြောင်းလိုင်းကတော့ စက်မှုပိုင်းဆိုင်ရာပြဿနာ  ကြုံရပြီးနောက် လေယာဉ်ကို ဘေး ကင်းစွာ ဆင်းသက်နိုင်ခဲ့တယ်” လို့ သတင်းထုတ်ပြန်ထားပါတယ်။

အချို့ခရီးသည်တွေရိုက်ယူထားတဲ့ ဗွီဒီယိုတွေထဲမှာ လေယာဉ်အစိတ်အပိုင်းတစ်ခုဟာ လေထဲမှာ ဖတ်လတ်ကျနေတာကို တွေ့ကြရပါတယ်။

အင်ဂျင်စက်အုံဟာ ပျံတက်ပြီး ၁၀မိနစ်အတွင်း ကွာကျသွားတာဖြစ်တယ်လို့ ခရီးသည်တစ်ဦးဖြစ်တဲ့ လီဇာစီက အေဘီစီ သတင်းဌာနကိုပြောပါတယ်။

တွေ့ကြုံခဲ့ရတာ အတော်ထိတ်လန့်စရာပဲလို့ နောက်ခရီးသည်တစ်ဦးဖြစ်တဲ့ ကော့ပါး ဂလပ်စ်ကပြောပါတယ်။

Source ABC

@ymg/knl

သင်္ကြန်ကာလနီးလာတဲ့အတွက် ပြည်တွင်းဝယ်လိုအားများကာ အခြေခံစားသောက်ကုန်အချို့ ဈေးမြင့်လာပေမယ့် အာလူးဈေးကတော့ ဆက်လက်ကျဆင်းနေတယ်လို့ အာလူး အရောင်းဝယ်ပြုလုပ်သူတွေထံက သိရပါတယ်။
#Local_News
Published_ 08 April 2024
#အာလူးဈေးဆက်တိုက်ကျဆင်း #ပြည်တွင်းဝယ်လိုအားများ
#YMG/LW #Yangon_Times

သင်္ကြန်ကာလနီးလာ၍ရွှေဈေးကွက်အေးနေ'သင်္ကြန်နီးလာတော့  ရွှေကုန်သည်တွေက ပြည်တွင်း၊ ပြည်ပခရီးစဉ်တွေသွားလာနေကြတဲ့အတွက် ဈေးကွက်ထဲအရောင်းအေးနေတာဖြစ်ပါတယ်'
#Local_News
Published_ 08 April 2024
#ရွှေဈေးကွက်အေးနေ #သင်္ကြန်ကာလနီး
#YMG/NN #Yangon_Times

သင်္ကြန်နဲ့ကထိန်မှာ အိုးစည်ဒိုးပတ်တွေအမှာ အများဆုံးနိုင်ငံကထိုင်းနိုင်ငံဖြစ်ပြီး မလေးရှား၊ လာအို၊ ဂျပန်နဲ့ဩစတြေးလျနိုင်ငံတွေကလည်းအမှာ များနေတယ်။
(ဒို့ဗမာ အိုးစည်ဒိုးပတ်ထုတ်လုပ်ဖြန့်ချိရေးလုပ်ငန်းမှ တာဝန်ရှိသူတစ်ဦး)
#Local_News
Published_ 08 April 2024
#အိုးစည်ဒိုးပတ် #သင်္ကြန်နဲ့ကထိန်
#tthl #Yangon_Times #YMG_News #Yangon_Media_Group

၈ ဧပြီ ၂၀၂၄

ဗီဇာတစ်ခုတည်းဖြင့် မြန်မာနိုင်ငံအပါအဝင် အာဆီယံ ခြောက်နိုင်ငံကို ဝင်ရောက်နိုင်မည့် ပူးတွဲဗီဇာအစီအစဉ်တစ်ခုကို ထိုင်းနိုင်ငံက ဖြစ်မြောက်ရေးကြိုးစားနေတယ်လို့ ဘန်ကောက်ပို့စ်သတင်းအရသိရပါတယ်။

ထိုင်းဝန်ကြီးချုပ် ဆရက်သာ သာဗီဆင်းသည်  ရှန်ဂန်ပုံစံဗီဇာ Schengen-type မျိုးကို ကမ္ဘောဒီးယား၊လာအို၊ မလေးရှား၊ မြန်မာ၊ဗီယက်နမ်တို့နှင့်အတူ ဆောင်ရွက်ဖို့ ပြီးခဲ့တဲ့လတွေအတွင်း ဆွေးနွေးခဲ့တယ်လို့ သတင်းမှာဖော်ပြထားပါတယ်။

အဆိုပါ အာဆီယံခြောက်နိုင်ငံဟာ ၂၀၂၃ခုနှစ်အတွင်းမှာ နိုင်ငံခြားသားခရီးသည် စုစုပေါင်း သန်း ၇၀ ဝင်ရောက်ခဲ့တာဖြစ် တယ်လို့ တရားဝင်ကိန်းဂဏန်းများအရသိရပါတယ်။ အဲဒီအထဲမှာ ထိုင်းနှင့် မလေးရှားတို့ဆီဝင်ရောက်တဲ့ခရီးသည်က စုစုပေါင်းရဲ့ တစ်ဝက်ကျော်ရှိနေပြီး ခရီးသွားလုပ်ငန်းကနေ ဒေါ်လာ ၄၈ ဘီလျံဝင်ငွေရရှိခဲ့တာဖြစ်ပါတယ်။

ထိုင်းဝန်ကြီးချုပ် ဆရက်သာရဲ့ ခရီးသွားလုပ်ငန်း ဦးစီးဦးရွက်အစီအစဉ်တွေထဲမှာ ဗီဇာတစ်ခုတည်း အစီအစဉ်ဟာ သူ့ရဲ့ ရည်မှန်းချက်အပြင်းပျဆုံးအစီအစဉ်ဖြစ်ပါတယ်။ထိုင်းနိုင်ငံရဲ့ ဒေါ်လာ ၅၀၀ဘီလျံ စီးပွားရေးရဲ့ ၁၂ ရာခိုင်နှုန်းခန့်ဟာ ခရီးသွားကရရှိတာဖြစ်ပြီး အလုပ်အကိုင်စုစုပေါင်းရဲ့ ၂၀ရာခိုင်နှုန်းခန့်ဟာ ခရီးသွားလုပ်ငန်းတွေမှာရှိနေပါတယ်။

ဥရောပသမဂ္ဂနှင့်မတူတာက ဆရက်သာရဲ့ ခြောက်နိုင်ငံ တစ်ဗီဇာ စိတ်ကူးဟာ စိန်ခေါ်မှုတွေကြုံရနိုင်တယ်လို့ ချလာလောင်ကွန်းတက္ကသိုလ် နိုင်ငံရေးသိပ္ပံဌာန ပါမောက္ခတစ်ဦးက ထောက်ပြပါတယ်။ ဘာဖြစ်လို့လဲဆိုတော အဲဒီ ခြောက်နိုင်ငံရဲ့ လူဝင်မှုကြီးကြပ်ရေးလုပ်ထုံးလုပ်နည်းတွေဟာ မတူညီကြဘဲရှိနေတဲ့အပြင် ဗီဇာအတည်ပြုချက်အတွက်  အားလုံးက ပူးပေါင်းညှိနှိုင်းပြီး အတည်ပြုရမယ့်သဘောရှိနေတယ်လို့ သူက ဝေဖန်သုံးသပ်ထားပါတယ်။

@ymg/knl

#World_News
Published 08 April 2024

ဇာပိုရစ်ဇီယာနျူကလီးယား ဓာတ်အားပေးစခန်း ဒရုန်းများဖြင့် တိုက်ခိုက်ခံရပြီး ဘေးကင်းလုံခြုံရေးဆိုင်ရာ စိုးရိမ်ပူပန်မှု ဖြစ်ရတဲ့အတွက် ယူကရိန်းမှာ တာဝန်ရှိတယ်လို့ ရုရှားက ဧပြီ ၇ ရက်နေ့မှာ ပြောဆိုလိုက်ပါတယ်။

ပိတ်ထားတဲ့ နျူကလီးယား ဓာတ်ပေါင်းဖိုကို ဖုံးအုပ်ထားတဲ့ အမိုးခုံးကို ဒရုန်းဖြင့် ဖောက်ခွဲခဲ့ခြင်းအပေါ် ရုရှားနျူကလီးယား ဓာတ်အားပေးကော်ပိုရေးရှင်း Rosatom နဲ့ နိုင်ငံတကာ စွမ်းအင်ဆိုင်ရာ အရာရှိများက ယူကရိန်းစစ်တပ်ကို အပြစ်တင်လိုက်ပါတယ်။

ဥရောပရဲ့ အကြီးမားဆုံး နျူကလီးယားဓာတ်အားပေး စက်ရုံကြီးဖြစ်တဲ့ ဇာပိုရစ်ဇီယာရှိ ဓာတ်ပေါင်းဖိုတစ်ခုရဲ့ အမိုးခုံးနားမှာ အလိုအလျောက်ကိရိယာပစ္စည်းတစ်ခု ပေါက်ကွဲခဲ့တယ်လို့ နိုင်ငံတကာ နျူကလီးယားစွမ်းအင် အေဂျင်စီက ဖော်ပြလိုက်ပါတယ်။

ရုရှားအရာရှိများရဲ့ အဆိုအရ ဓာတ်ပေါင်းဖိုကို ကြီးကြီးမားမား ထိခိုက်မှုမရှိဘဲ ဓာတ်ရောင်ခြည်ပမာဏ ပုံမှန်အတိုင်း ရှိနေပါတယ်။

ထိုဖြစ်ရပ်ကြောင့် လူ ၃ ယောက်ဒဏ်ရာရရှိကာ ၁ ဦးက ပြင်းထန်ကြောင်း Rosatom က ဆိုပါတယ်။

ယူကရိန်းစစ်တပ်ဟာ အသေခံဖောက်ခွဲဒရုန်းများ အသုံးပြုခဲ့တယ်လို့ ရုရှားအာဏာပိုင်များက စွပ်စွဲလိုက်ပါတယ်။

ကုလသမဂ္ဂရဲ့ နျူကလီးယား စောင့်ကြည့်ရေးအေဂျင်စီ အကြီးအကဲ ရာဖေးလ်ဂရော့စီက နျူကလီးယား ဓာတ်အားပေးစက်ရုံ တိုက်ခိုက်မှုကို ရှုတ်ချလိုက်ပါတယ်။

နျူကလီးယားစက်ရုံများကို တိုက်ခိုက်ပြီး နိုင်ငံရေးအရ စစ်ရေးအရ အသာရယူတာမျိုး လုံးဝလက်မခံနိုင်ဘူးလို့ ဂရော့စီက ဆိုပါတယ်။

#World_News #ဇာပိုရစ်ဇီယာနျူကလီးယားဓာတ်အားပေးစက်ရုံ #ယူကရိန်းကဒရုန်းဖြင့်တိုက်ခိုက် #Source: WION

#Local_News
Published 8 April 2024

ရှမ်းပြည်နယ်၊ တောင်ကြီးခရိုင်၊ တောင်ကြီးမြို့နယ်၊ တောင်ကြီး-အေးသာယာအဆင်းလမ်းတွင် ဒေါင်ဖန်းအမျိုးအစား(၂၂)ဘီးယာဉ်သည် ဘရိတ်ပေါက်၍ တောင်ကြီး-အေးသာယာအတက်လမ်းအတိုင်း မောင်းနှင်လာသောယာဉ်(၃)စီးအား ဝင်တိုက်မှုဖြစ်ပွားကြောင်း မီးသတ်ဦးစီးဌာန၏ သတင်းထုတ်ပြန်ချက်အရ သိရသည်။

ဧပြီလ ၇ ရက် ညနေ ၆နာရီ ၂၅မိနစ် ခန့်က ဖြစ်ပွားခဲ့ခြင်းဖြစ်ကာ ယာဉ်တိုက်မှုကြောင့် အမျိုးသား ၁ဦး အမျိုးသမီး ၃ဦး ​ေ-သဆုံးခဲ့ကြောင်း သိရသည်။

ယာဉ်တိုက်မှုကို ရှမ်းပြည်နယ် မီးသတ်ဉီးစီးမှူးရုံးမှ သူနာတင်ယာဉ်(၁)စီး၊ တောင်ကြီးခရိုင်မီးသတ်စခန်းမှ မီးငြှိမ်းသတ်ယာဉ်(၁)စီး၊ သူနာတင်ယာဉ်(၁)စီး၊ တောင်ကြီးမြို့နယ် မီးသတ်စခန်းမှ ရှာဖွေကယ်ဆယ်ရေးယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် ကယ်ဆယ်ရေး လုပ်ငန်းများဆောင်ရွက်ခဲ့ရာ ၇နာရီ ၃၀မိနစ် အချိန် တွင် ပြီးစီးခဲ့ကြောင်း သိရသည်။

အဆိုပါ ယာဉ်တိုက်မှုကြောင့် ယာဉ်ပေါ်ပါ အမျိုးသား၅)ဦး၊ အမျိုးသမီး (၇)ဦး၊ စုစုပေါင်း (၁၂)ဦးအနက် အမျိုးသား(၄)ဦး၊ အမျိုးသမီး (၄)ဦးထိခိုက်ဒဏ်ရာ(မစိုးရိမ်ရ)နှင့် အမျိုးသား(၁)ဦး၊ အမျိုးသမီး(၃)ဦး(သေဆုံး)တို့အား အေးမေတ္တာလူမှုကူညီရေးအသင်းနှင့် ရွှေညီအကိုလူမှုကူညီရေးအသင်းပိုင် သူနာတင်ယာဉ်များဖြင့် တောင်ကြီးမြို့၊ စပ်စံထွန်းပြည်သူ့ဆေးရုံသို့ ပို့ဆောင်ပေးခဲ့ကြောင်း သိရသည်။

#Local_News #တောင်ကြီး-အေးသာယာအဆင်းလမ်း #ယာဉ်၃စီးကိုဝင်တိုက်၄ဦး ​ေ-သဆုံး #YMG/LW #Yangon_Times

 Published 08 April 2024

အသီးအနှံနဲ့ အရွက်များကို ရောစပ်သောက်သုံးခြင်းက နေမကောင်းဖြစ်တဲ့အခါ ကိုယ်ခံအားကို ထောက်ပံ့ပေးနိုင်ပါတယ်။

လိုအပ်တဲ့ ဗိုက်တာမင်နဲ့ သတ္တုဓာတ်များ ရှိမှသာ ခွန်အားရှိနေစေပြီး ကိုယ်ခံအားက အလုပ်လုပ်နေမှာ ဖြစ်ပါတယ်။

ဘယ်လိုဖျော်ရည်တွေက ကိုယ်ခံအားကို အထောက်အကူပြုလဲဆိုတော့ …
 
(၁) လိမ္မော်သီး၊ ကျွဲကောသီးနှင့် အချဥ်သီးများ
ယင်းအသီးတွေမှာ အဓိကပါဝင်တဲ့ ဗိုက်တာမင်စီက ဆဲလ်များထိခိုက်ခြင်းမှ ကာကွယ်ပေးပြီး ချို့တဲ့ပါက ရောဂါတွေကို ကာကွယ်နိုင်စွမ်း မရှိတော့ပါဘူး။
 
(၂) ပန်းသီးစိမ်း၊ မုန်လာဥနီနှင့် လိမ္မော်သီး
ထိုအသီးတွေကို ပေါင်းစပ်သောက်သုံးပါက ရောဂါကူးစက်မှုများကို တိုက်ဖျက်ပေးနိုင်သလို ဓာတ်တိုးဆန့်ကျင်ပစ္စည်း ဘီတာကယ်ရိုတင်းလည်း ရရှိစေပါတယ်။
 
(၃) သကြားမုန်လာ၊ မုန်လာဥနီ၊ ဂျင်းနှင့်ပန်းသီး
ထိုဖျော်ရည်က ကိုယ်ခံအားစနစ်ကို ကူညီပေးကာ ရောင်ရမ်းခြင်းကို သက်သာစေပြီး ရောဂါပိုးကူးစက်မှုများကို ကာကွယ်ပေးပါတယ်။
 
(၄) ခရမ်းချဥ်သီး
အခြားပါဝင်ပစ္စည်းများ မထည့်ဘဲ လတ်ဆတ်တဲ့ ခရမ်းချဥ်သီးဖျော်ရည် သောက်သုံးခြင်းက အကောင်းဆုံးဖြစ်ပြီး ပါဝင်တဲ့ ဖောလိတ်က ကိုယ်ခံအားစနစ်ကို ထောက်ပံ့ပေးပါတယ်။
 
(၅) ကိုက်လံ၊ ခရမ်းချဥ်သီးနှင့် တရုတ်နံနံ
ရောင်ရမ်းခြင်းကို ဆန့်ကျင်ပေးတဲ့ အစွမ်းသတ္တိရှိကာ ကြိတ်ပြီးသောက်သုံးခြင်းဖြင့် အာရုံကြောတွေကို နိုးထစေပါတယ်။
 
(၆) စတော်ဘယ်ရီနှင့် ကီဝီ
ထိုအသီးတွေက ဗိုက်တာမင်စီ အလွန်ကြွယ်ဝတဲ့အပြင် နို့နှင့်ရောစပ်ပါက ဗိုက်တာမင်ဒီပါ ရရှိကာ တုပ်ကွေးလိုမျိုး ရောဂါများကို ကာကွယ်ပေးပါတယ်။
 
(၇) စတော်ဘယ်ရီနှင့် သရက်သီး
သရက်သီးနဲ့ ဗာဒံစေ့မှရတဲ့ ဗိုက်တာမင်အီးဟာ ဓာတ်တိုးဆန့်ကျင်အာနိသင် ပေးစွမ်းပြီး ကိုယ်ခံအားကို ထောက်ပံ့ပေးပါတယ်။
 
(၈) ဖရဲသီးပူရှိန်း
ဖရဲသီးမှာပါဝင်တဲ့ ဗိုက်တာမင်စီနဲ့ အာဂျင်နင်းဓာတ်က ကိုယ်ခံအားကို မြှင့်တင်ပေးပါတယ်။
 
(၉) ဖရုံစေ့
ဇင့်ဓာတ်ကြွယ်ဝတာကြောင့် ရောင်ရမ်းခြင်းကို ဆန့်ကျင်ခြင်းနဲ့ ကိုယ်ခံအားစနစ်တို့အပေါ် ကူညီပေးပါတယ်။
 
(၁၀) ပန်းသီးစိမ်း၊ ကိုက်လံ၊ ဆလတ်ရွက်
အဆိုပါ ဟင်းရွက်ဖျော်ရည်ကတော့ အာဟာရဓာတ် များစွာပါဝင်ပြီး ကိုယ်ခံအားမြှင့်တင်ပေးပါတယ်။
 
တစ်ကိုယ်ရည်သန့်ရှင်းစွာ နေထိုင်ခြင်း၊ ရေဓာတ်ထိန်းသိမ်းခြင်း၊ ကောင်းစွာအိပ်စက်ခြင်း၊ စိတ်ဖိစီးမှုလျှော့ချခြင်း၊ လေ့ကျင့်ခန်းလုပ်ခြင်းတို့ဖြင့်လည်း ကိုယ်ခံအားကောင်းမွန်အောင် ပြုလုပ်နိုင်ပါတယ်။
Source: Healthline.
#World_Health
#Published_ 08 April 2024
#YMG_News #Yangon_Times #Yangon_Media_Group

Published 08 April 2024

အတိတ်က စိတ်ထိခိုက်မှုကနေ နောက်ဆက်တွဲခံစားရတဲ့ ဝေဒနာ(PTSD)ကြောင့် ဖြစ်လာနိုင်တဲ့ နောက်ကြောင်းပြန် ခံစားရမှုကို ခွေးတွေအနံ့ခံနိုင်အောင် လေ့ကျင့်ပေးနိုင်ခဲ့ကြောင်း သုတေသနအသစ်မှာ ဆိုထားပါတယ်။

လူသားတွေ ယခင်က တွေ့ကြုံခဲ့ဖူးတဲ့ ထိခိုက်ခံစားမှုများ ပါဝင်နေတဲ့ လေရှူထုတ်ခြင်းမှ အနံ့အသက်ကို ခွေးတွေသိရှိအောင် သိပ္ပံပညာရှင်များ လေ့ကျင့်ပေးနိုင်ခဲ့ပါတယ်။

တွေ့ရှိချက်များကို အသုံးပြုပြီး PTSD အထောက်အကူပြု ခွေးတွေကို ပိုမိုထိရောက်မှုရှိအောင် ပြုလုပ်နိုင်တယ်လို့ သိပ္ပံပညာရှင်များ ဆိုပါတယ်။

PTSD ဝေဒနာဆိုတာက ထိတ်လန့်ခြင်း ဒါမှမဟုတ် စိတ်ဖိစီးခြင်းဖြစ်စေတဲ့ အဖြစ်အပျက်များကြောင့် စိတ်ပိုင်းဆိုင်ရာ ပြဿနာတစ်ခုဖြစ်ပြီး အတိတ်က ထိုဖြစ်ရပ်တွေ အိပ်မက်ဆိုးတွေ ခြောက်လှန့်ခြင်းကို ခံစားကြရပါတယ်။

လူသားတွေရဲ့ အနံ့တွေမှာ အငွေ့ပျံအော်ဂဲနစ်ဒြပ်ပေါင်း (VOC)ဖြင့် ဖွဲ့စည်းထားကာ ခန္ဓာကိုယ်ကနေ အမျိုးမျိုးပုံစံဖြင့် ထွက်ရှိစေပါတယ်။

လူ ၂၆ ယောက်ဖြင့် စမ်းသပ်ခဲ့ကာ လူတဝက်ခန့်က PTSD ဝေဒနာလိုအပ်ချက်များနဲ့ ကိုက်ညီခဲ့ပါတယ်။

စမ်းသပ်ခံလူတွေကို နှာခေါင်းစည်းထဲသို့ လေရှူထုတ်ခိုင်းပြီး တစ်ချိန်တည်းမှာပဲ ယခင်က ဖြစ်ရပ်ဆိုးတွေကို စဥ်းစားခိုင်းခဲ့ပါတယ်။

အနံ့ခံခိုင်းဖို့အတွက် ခွေး ၂၅ ကောင်ကို ခေါ်ယူစမ်းသပ်ကာ အိုင်ဗီနဲ့ ကယ်လီဆိုတဲ့ ၂ ကောင်သာ စမ်းသပ်ချက်များကို ကျွမ်းကျွမ်းကျင်ကျင် ဆောင်ရွက်နိုင်ခဲ့ပါတယ်။

နှာခေါင်းစည်းများမှ အနံ့တွေကို ခွေးတွေမှတ်မိအောင် သုတေသီများက လေ့ကျင့်ပေးကြပါတယ်။

ထိုအခါမှာ စိတ်ဖိစီးမှုရှိနေတဲ့ နှာခေါင်းစည်းနမူနာများနဲ့ စိတ်ဖိစီးမှုမရှိတဲ့ နမူနာများကို ခွဲခြားသိရှိခဲ့ကြပါတယ်။

အိုင်ဗီက ၇၄ ရာခိုင်နှုန်း တိကျမှုရှိပြီး စိုးရိမ်ပူပန်စိတ်နဲ့ ပတ်သက်လို့ အနံ့ခံသိရှိကာ ကယ်လီကတော့ ၈၁ ရာခိုင်နှုန်းရှိပြီး ရှက်ရွံ့စိတ်ကို သိရှိတာဖြစ်ပါတယ်။
Source: WION.
#World_Science
#Published_ 08 April 2024
#YMG_News #Yangon_Times #Yangon_Media_Group

ယခုလအတွင်း သက်ြန်ကာလအတွက် ရဟန်းခံရှင်ပြုအလှုပွဲများ ကျင်းပချိန်ဖြစ်တာကြောင့် သကြားဈေးကောင်းရနေတယ်လို့ မြန်မာနိုင်ငံသကြားနှင့် ကြံထွက်ပစ္စည်းလုပ်ငန်းရှင်များအသင်းက သိရပါတယ်။
Yangon_Times/NN
#Local_News
#Published_ 06 April 2024
#YMG_News #Yangon_Times #Yangon_Media_Group

၇ ဧပြီ ၂၀၂၄

အီကွေဒေါနိုင်ငရှိ မက္ကဆီကိုသံရုံးကို အီကွေဒေါ လုံခြုံရေးတပ်ဖွဲ့များက သောကြာနေ့ညပိုင်းမှာ စီးနင်းဝင်ရောက်ပြီး ဒုတိယ  သမ္မတ   ဟောင်း ဂျော့ဂလက်စ်ကို ဖမ်းဆီးခေါ်ဆောင်သွားပြီးနောက် မက္ကဆီကိုနိုင်ငံက အီကွေဒေါနှင့် သံတမန်အဆက်အသွယ်ဖြတ်  တောက်ကြောင်း ကြေညာလိုက်ပါတယ်။

အီကွေဒေါလုံခြုံရေးတပ်ဖွဲ့ဟာ အီကွေဒေါနိုင်ငံ မြို့တော် ကွီတိုမှာရှိတဲ့  မက္ကဆီကိုသံရုံးထဲမှာ အီကွေဒေါနိုင်ငံက ဖမ်းဝရမ်း   ထုတ်ထားတဲ့  အီကွေဒေါဒုတိယသမ္မတဟောင်း  ဂျော့ဂလက်စ်ကို ဝင်ရောက်စီးနင်းဖမ်းဆီးခဲ့ကြတာဖြစ်ပါတယ်။

မက္ကဆီကို သမ္မတ အင်ဒရကစ်မန်နျူယယ်လိုပက် အိုဘရာဒါက အီကွေဒေါနှင့်သံတမန်ဖြတ်တောက်ဖို့ သူ့နိုင်ငံခြားရေးဝန်ကြီးကို ညွှန်ကြားခဲ့ပါတယ်။ “ ဒီလိုလုပ်ဆောင်တာဟာ နိုင်ငံတကာဥပဒေနှင့် မက္ကဆီကိုရဲ့ အချုပ်အခြာအာဏာကို ပြောင်ပြောင်တင်းတင်း ချိုးဖောက်ခြင်းဖြစ်တယ်” လို့ အိုဘရာဒါကပြောပါတယ်။

ဒုသမ္မတ ဂလက်စ်ဟာ ဒုက္ခသည်တစ်ဦးဖြစ်ပြီး သူရင်ဆိုင်နေရတဲ့ ညှင်းပန်းနှိပ်စက်ခံရမှုနှင့် အနှောက်အယှက်ပေးခံရမှုတွေ ကြောင့် ခိုလှုံခွင့်ရဖို့ကြိုးစားနေသူဖြစ်တယ်လို့ မက္ကဆီကို သမ္မတ အိုဘရာဒါကပြောပါတယ်။

အီကွေဒေါသမ္မတရုံးက ဂလက်စ်ကိုဖမ်းဆီးတာမှန်ကန်ကြောင်း အိတ်စ် X မှာ အတည်ပြုပါတယ်။

“ မည်သည့်ရာဇဝတ်သားကိုမျှ နိုင်ငံရေးအရညှင်းပန်းနှိပ်ကွပ်ခံရတဲ့သူလို့ မသတ်မှတ်နိုင်ဘူး”လို့ သမ္မတရုံးကပြောပါတယ်။ ဂလက်စ်ဟာ အဂတိလိုက်စားမှု နှစ်ကြိမ်ကျူးလွန်ခဲ့ပြီး ပြစ်ဒဏ်ချမှတ်ခံရသူဖြစ်တယ်။ပြီးတော့ သက်ဆိုင်တဲ့အာဏာပိုင်အဖွဲ့က ဖမ်းဝရမ်းထုတ်ခံထားရသူဖြစ်တယ်” လို့ အီကွေဒေါသမ္မတရုံးကဆက်ပြောပါတယ်။

ဗိုလစ်ဗီးယား၊ချီလီနှင့်ဘရာဇီးလ်တို့ကလည်း အီကွေဒေါလုပ်ရပ်ကိုရှုံ့ချထားကြပါတယ်။ ဟွန်ဒူးရပ်စ်နိုင်ငံကလည်း လက်တင်အမေ ရိကန်နှင့် ကာရစ်ဘီးယားနိုင်ငံများအဖွဲ့ အရေးပေါ်အစည်းအဝေးခေါ်ပေးဖို့ တောင်းဆိုလိုက်ပါတယ်။

မက္ကဆီကိုနိုင်ငံက သောကြာနေ့ စီးနင်းဝင်ရောက်ဖမ်းဆီးမှုမတိုင်ခင်ကလေးတင်မှာ ဂလက်စ်ကို နိုင်ငံရေးခိုလှုံခွင့်  ပေးခဲ့တာ   ဖြစ်ပါတယ်။ မက္ကဆီကိုနိုင်ငံခြားရေးဝန်ကြီးဌာနက  ဂလက်စ်အနေနှင့် အီကွေဒေါကနေ ဘေးကင်းလုံခြုံစွာထွက်ခွာခွင့် ရရှိရေး  ကြိုးစားစီစဉ်နေဆဲမှာ ယခုလို အီကွေဒေါလုံခြုံရေးတပ်ဖွဲ့က သံရုံးထဲဝင်ရောက်စီးနင်းကာ သူတို့ရဲ့ ဒုသမ္မတဟောင်း ဂလက်စ်ကို ဖမ်းဆီးခေါ်ဆောင်သွားခဲ့ခြင်းဖြစ်ပါတယ်။

Source : Agencies News

@ymg/knl