#Local_News
Published 1 November 2025

▪️ ပြည်ထောင်စုနယ်မြေနေပြည်တော် ဒက္ခိဏသီရိမြို့နယ် မာရဝိဇယဗုဒ္ဓဥယျာဉ်ဝတ္ထုကံတော်အတွင်းရှိ မာရဝိဇယကျောင်းတော် ၂၀၂၅ ခုနှစ်ကထိန်သင်္ကန်းဆက်ကပ်လှူဒါန်းပွဲအခမ်းအနားကို အောက်တိုဘာလ ၃၁ ရက် နံနက်ပိုင်းတွင် အဆိုပါမာရဝိဇယကျောင်းတော်၌ကျင်းပပြုလုပ်ခဲ့ကြောင်း သိရသည်။

▪️ အခမ်းအနားသို့ ပျဉ်းမနားမြို့ ပါဠိတက္ကသိုလ်မင်္ဂလာဇေယျုံပရိယတ္တိစာသင်တိုက်ပဓာနနာယက အဂ္ဂမဟာပဏ္ဍိတ အဂ္ဂမဟာသဒ္ဓမဇောတိကဓဇ ဘဒ္ဒန္တဝိမလဗုဒ္ဓိအမှူးပြုသည့် ပင့်သံဃာတော်များနှင့် မာရဝိဇယကျောင်း တော်တွင် သီတင်းသုံးတော်မူကြသည့် ဆရာတော်ကြီးများကြွရောက်ချီးမြှင့်တော်မူကြပြီး ပြည်ထောင်စုသမ္မတ မြန်မာနိုင်ငံတော် ယာယီသမ္မတနိုင်ငံတော်လုံခြုံရေးနှင့်အေးချမ်းသာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်နှင့်ဇနီး ဒေါ်ကြူကြူလှတို့နှင့်အတူ ကော်မရှင်ဒုတိယဥက္ကဋ္ဌ ဒုတိယဗိုလ်ချုပ်မှူးကြီး စိုးဝင်းနှင့်ဇနီး ဒေါ်သန်းသန်းနွယ်၊ ကော်မရှင်အဖွဲ့ဝင် နိုင်ငံတော်ဝန်ကြီးချုပ် ဦးညိုစောနှင့်ဇနီး၊ ကော်မရှင်အဖွဲ့ဝင် အမှုဆောင်ချုပ် ဦးအောင်လင်းဒွေးနှင့်ဇနီး၊ ကော်မရှင်အတွင်းရေးမှူး တွဲဖက်အမှုဆောင်ချုပ် ဗိုလ်ချုပ်ကြီး ရဲဝင်းဦးနှင့်ဇနီး၊ ကော်မရှင်အဖွဲ့ဝင်များနှင့်ဇနီးများ၊ ပြည်ထောင်စုအဆင့်ပုဂ္ဂိုလ်များ၊ ပြည်ထောင်စုဝန်ကြီးများနှင့်ဇနီးများ၊ နေပြည်တော်ကောင်စီဥက္ကဋ္ဌ၊ ကာကွယ်ရေးဦးစီးချုပ်ရုံးမှ အဆင့်မြင့်တပ်မတော်အရာရှိကြီးများနှင့်ဇနီးများ၊ နေပြည်တော်တိုင်းစစ်ဌာနချုပ်တိုင်းမှူးနှင့် တာဝန်ရှိသူများတက်ရောက်ကြကြောင်း သိရသည်။

▪️ အခမ်းအနားကို “နမောတဿ” သုံးကြိမ်ရွတ်ဆိုဘုရားကန်တော့ဖွင့်လှစ်ပြီး နိုင်ငံတော်ယာယီသမ္မတ နိုင်ငံတော်လုံခြုံရေးနှင့်အေးချမ်းသာယာရေးကော်မရှင်ဥက္ကဋ္ဌနှင့် အခမ်းအနားတက်ရောက်လာကြသည့် ဧည့်ပရိသတ်အပေါင်းတို့သည် မာရဝိဇယကျောင်းတော် ပဓာနနာယက အဂ္ဂမဟာပဏ္ဍိတ ဘဒ္ဒန္တနေမိန္ဒထံမှ ငါးပါးသီလခံယူဆောက်တည်၍ သံဃာတော်အရှင်သူမြတ်များ ရွတ်ပွားသရဇ္ဈာယ်တော်မူသော မေတ္တသုတ် ပရိတ်တရားတော်များကိုနာယူကြကာပါဠိတက္ကသိုလ် မင်္ဂလာဇေယျုံပရိယတ္တိစာသင်တိုက် ပဓာနနာယက ဆရာတော်ကြီးထံမှ ကထိန်အနုမောဒနာ တရားနာကြားကြကြောင်း သိရသည်။

▪️ ယနေ့ကျင်းပပြုလုပ်သည့် ၂၀၂၅ ခုနှစ် မာရဝိဇယကျောင်းတော် ကထိန်သင်္ကန်းဆက်ကပ်လှူဒါန်းပွဲ အခမ်းအနားတွင် ပဒေသာပင် ၁၂ ပင်၊ တန်ဖိုးငွေကျပ် ၂၅၁၆၇၆၀၀ နှင့် လှူဒါန်းငွေကျပ် ၂၈၃၃၃၄၀၀ ဖြစ်သဖြင့် စုစုပေါင်းလှူဒါန်းမှုမှာ တန်ဖိုးငွေကျပ် ၅၃၅၀၁၀၀၀ ဖြစ်ကြောင်း သိရသည်။

#YMG/PP #Yangon_Times

#World_Health
Published 1 Nov 2025

■ ဟော်မုန်းတွေက ခန္ဓာကိုယ်ပုံမှန်အလုပ်လုပ်နိုင်ဖို့အတွက် အရေးပါတဲ့ကဏ္ဍက ပါဝင်ပါတယ်။

■ ဒါပေမဲ့ တစ်ခါတလေမှာ စိတ်အခြေအနေနဲ့ စိတ်ကျန်းမာရေးတို့အပေါ် ဆိုးကျိုးသက်ရောက်စေနိုင်ပါတယ်။

■ ဟော်မုန်းတွေဆိုတာက ဂလင်းတွေ၊ အင်္ဂါတွေ၊ တစ်ရှူးတွေကနေ ထုတ်လွှတ်တဲ့ ဓာတုသတင်းပို့ပစ္စည်းများဖြစ်ပြီး သွေးထဲဝင်ရောက်ကာ ခန္ဓာကိုယ်အနှံ့ သွားလာကြပါတယ်။

■ လူတစ်ယောက်ရဲ့ ဖွံ့ဖြိုးမှု၊ လိင်ပိုင်းဆိုင်ရာ လုပ်ဆောင်ချက်၊ မျိုးပွားခြင်း၊ အိပ်စက်ခြင်း၊ စိတ်ကျန်းမာရေး စတဲ့ဖြစ်စဉ်ပေါင်းများစွာမှာ ထိန်းချုပ်ပေးပါတယ်။

■ ဟော်မုန်းအပြောင်းအလဲများ ဖြစ်တဲ့အခါမှာ စိတ်ဓာတ်ကျခြင်း၊ စိုးရိမ်ပူပန်ခြင်း၊ စိတ်ထိခိုက်ဖိစီးခြင်း စတဲ့စိတ်ကျန်းမာရေးပြဿနာများ ဖြစ်နိုင်ပါတယ်။

■ အထူးသဖြင့် အမျိုးသမီးတွေမှာ ဟော်မုန်းအပြောင်းအလဲဖြစ်ခြင်းက စိတ်ပြဿနာဖြစ်နိုင်ခြေနဲ့ ဆက်စပ်နေပါတယ်။

■ ကော်တီဆောလိုမျိုး ဖိစီးမှုဟော်မုန်းတွေက ဦးနှောက်နေရာတွေကို ဘေးအန္တရာယ်ဖြစ်စေပြီး အောက်ဆီတိုဆင်ကတော့ ဖိစီးမှုတွေကို တန်ပြန်ပေးပါတယ်။

■ အောက်ဆီတိုဆင်နှာခေါင်းဖျန်းဆေး ရှူရှိုက်ခြင်းဖြင့် စိတ်အခြေအနေ ကောင်းမွန်စေတာကို တွေ့ရှိထားပါတယ်။

■ သိုင်းရွိုက်ဟော်မုန်းတွေက စိတ်အခြေအနေကို သက်ရောက်ပြီး ညီမျှမှုမရှိပါက စိတ်ဓာတ်ကျခြင်း၊ စိုးရိမ်ပူပန်ခြင်းတို့ ဖြစ်လာစေနိုင်ပါတယ်။

■ ဟော်မုန်းသက်ရောက်မှုကို ပစ်မှတ်ထားကုသပေးတဲ့ Brexanolone နဲ့ HRT တို့က ထိရောက်မှုရှိကြောင်း တွေ့ရှိထားပါတယ်။

Source: BBC

#World_Health
Published 1 Nov 2025

■ လူအများစုဟာ နံနက်ခင်းမှာ ဝမ်းချုပ်တဲ့ပြဿနာ ဖြစ်တတ်ကြပါတယ်။
အစာခြေခြင်းက ခန္ဓာကိုယ်ရဲ့ သဘာဝစည်းချက်လမ်းစဉ်နဲ့ အတော်လေးပတ်သက်နေတာကို မသိရှိကြပါဘူး။

■ စားပုံ၊ နေထိုင်ပုံ၊ အိပ်စက်ပုံတို့မှာ အနည်းငယ်ပြောင်းလဲရုံဖြင့် အစာခြေစနစ်ကို များစွာသက်ရောက်စေပြီး အူလမ်းကြောင်းလှုပ်ရှားမှု ကောင်းမွန်စေမှာ ဖြစ်ပါတယ်။

■ (၁) နေ့စဉ် အိပ်ရာဝင်ချိန် အိပ်ရာထချိန်ကို အမြဲတမ်းအချိန်မှန်အောင် နေထိုင်ခြင်းဖြင့် ဝမ်းတွင်းလှုပ်ရှားမှု ပုံမှန်ဖြစ်စေပါတယ်။

■ (၂) ညနောက်ကျမှ အများအပြားစားခြင်းက အစာခြေခြင်းနဲ့ အိပ်စက်မှုကို နှောင့်ယှက်နိုင်တာကြောင့် အိပ်ချိန်နဲ့ အနည်းဆုံး ၃ နာရီလောက်ခွာပြီး ပေါ့ပေါ့ပါးပါးသာ စားသောက်သင့်ပါတယ်။

■ (၃) အမျှင်ဓာတ်က အူလမ်းကြောင်းအတွက် အထူးကောင်းမွန်စေတာကြောင့် ညနေစာစားတဲ့အခါ ဂျုံအုတ်၊ ပဲ၊ ဟင်းရွက်တို့ကို ထည့်သွင်းစားသုံးခြင်းဖြင့် အမျှင်ဓာတ်ရစေပြီး ဝမ်းချုပ်ခြင်းကို ကာကွယ်ပေးပါတယ်။

■ (၄) ဆီကြော်တွေ၊ အဆင့်ဆင့်ထုတ်လုပ် စားစရာတွေက အစာခြေခြင်းကို နှောင့်နှေးစေပြီး ဝမ်းကျစ်စေတာကြောင့် ဝမ်းချုပ်စေတဲ့ အစားအစာတွေ ရှောင်ရှားသင့်ပါတယ်။

■ (၅) ရေဓာတ်က အစာခြေခြင်းမှာ အရေးပါပြီး ဝမ်းပျော့စေတာကြောင့် တစ်နေ့ကို ရေ ၁၁ - ၁၅ ခွက်ခန့် သောက်သုံးသင့်ပါတယ်။

■ (၆) ရေနွေးလိုအရာက အစာအိမ်ကို ငြိမ်သက်စေပြီး အူလမ်းကြောင်းကြွက်သားတွေ ပြေလျော့စေတာကြောင့် အိပ်ရာမဝင်ခင် ရေနွေးသောက်သင့်ပါတယ်။

■ (၇) ညစာစားပြီးနောက် ညင်သာစွာလမ်းလျှောက်ခြင်းက အူလမ်းကြောင်းလှုပ်ရှားစေရန် လှုံ့ဆော်ပေးပြီး လေပွခြင်းကို ကာကွယ်ပေးပါတယ်။

■ (၈) ဝမ်းဗိုက်ကို ညင်သာစွာ နှိပ်နယ်ခြင်းက အူလမ်းကြောင်းလှုပ်ရှားမှု ကောင်းမွန်စေကာ မအီမသာဖြစ်ခြင်းကို သက်သာစေတာကြောင့် ပုံမှန်လုပ်ပေးခြင်းဖြင့် အူလမ်းကြောင်းပုံမှန်ထောက်ပံ့ပေးပါတယ်။

■ (၉) ကော်တီဆောဟော်မုန်းများပြီး စိတ်ဖိစီးမှုမြင့်တက်နေရင် အစာခြေစနစ်ကို ပြဿနာဖြစ်စေတာကြောင့် ညနေပိုင်းမှာ တရားထိုင်ခြင်း၊ အသက်ပြင်းပြင်းရှူခြင်း၊ ယောဂကျင့်ခြင်းတို့ဖြင့် ဖိစီးမှုဖြေလျှော့သင့်ပါတယ်။

■ (၁၀) ဆီးသီးဖျော်ရည်က ဝမ်းချုပ်ခြင်းအတွက် သဘာဝကျကျ ထိရောက်တဲ့နည်းလမ်းဖြစ်ပြီး ညနေခင်းမှာ တစ်ခွက်သောက်သုံးခြင်းဖြင့် နံနက်ပိုင်းမှာ ဝမ်းသွားရန် ထောက်ကူပေးနိုင်ပါတယ်။

Source: India Today

အမေရိကန် e-commerce ကုမ္ပဏီကြီး Amazon က အင်္ဂါနေ့မှစတင်ကာ ဝန်ထမ်း (၃)သောင်းခန့် လျှော့ချသွားဖို့စီစဉ်ထားကြောင်းဒေသတွင်းမီဒီယာတစ်ခုက ဖော်ပြခဲ့ပါတယ်။

#World_Business
Published 31 October 2025
#အမေရိကန် #Amazon
#YMG #Yangon_Times #Yangon_Media_Group

သာစည်-ရွှေညောင် လူစီးရထားကိုတောင်ကြီးအထိ ဒီကနေ့ကစတင်ပြီး ပြေးဆွဲပေးသွားမယ်လို့ မြန်မာ့မီးရထားကသိရပါတယ်။

#Local_News
Published 31 October 2025
#သာစည်_ရွှေညောင် #ရထား
#YMG/NN #Yangon_Times

ငလျင်သင့်စစ်ကိုင်းတိုင်းဒေသကြီးအတွင်း ပြန်လည်ထူထောင်ရေးနဲ့ တည်ဆောက်ရေးလုပ်ငန်း‌တွေအတွက် လိုအပ်တဲ့ ဘိလပ်မြေတွေကို အထူးကုန်ရထားနဲ့ ပို့ဆောင်ပေးလျှက်ရှိတယ်လို့သိရပါတယ်။

#Local_News
Published 31 October 2025
#ငလျင် #စစ်ကိုင်းတိုင်းဒေသကြီး
#YMG/SW #Yangon_Times

ပုလဲ၊ ကျောက်မျက်နှင့် ကျောက်စိမ်းအတွဲ‌တွေကို ပြသရောင်းချမယ့် မြန်မာ့ကျောက်မျက်ရတနာပြပွဲကို နေပြည်တော်မှာကျင်းပသွားမယ်လို့ မြန်မာ့ကျောက်မျက်ရတနာပြပွဲဗဟိုကော်မတီက ယမန်နေ့က အသိပေးထုတ်ပြန်ထားပါတယ်။

#Local_News
Published 31 October 2025
#ပုလဲ #ကျောက်မျက်ရတနာ
#YMG/SW #Yangon_Times

ခြောက်ရက်အတွင်းနေရာကွက်၍ မိုးကြီးနိုင်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနက ယမာန်နေ့ကထုတ်ပြန်တဲ့ အထူးမိုး
လေဝသသတင်းအရ သိရပါတယ်။

#Local_News
Published 31 October 2025
#မိုး #မိုးလေဝသ
#YMG/NN #Yangon_Times

#Daily_News

Published 31 October 2025

၁။‌ ‎‎‎‎‎‎ပုလဲ၊ ကျောက်မျက်နှင့် ကျောက်စိမ်းအတွဲများရောင်းချမည့် မြန်မာ့ကျောက်မျက်ရတနာပြပွဲ ကျင်းပမည်
‎
၂။ ‌‌‌‌‌‎‎‎‎‎ငလျင်သင့်စစ်ကိုင်းတိုင်းဒေသကြီးအတွက် ဘိလပ်မြေများ အထူးကုန်ရထားဖြင့်ပို့ဆောင်ပေးနေ
‎
‎၃။‌‎‎ ‎သာစည်-ရွှေညောင် လူစီးရထား တောင်ကြီးအထိစတင်ပြေးဆွဲ
‎
‎‎၄။‎ ‎Amazon ကဝန်ထမ်းသုံသောင်းခန့် ထပ်မံလျှော့ချမည်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 31 October 2025

▪️ ပန်ဒါနီလေးများ တိရစ္ဆာန်ဥယျာဉ် ( ရတနာပုံ ) သို့ ရောက်ရှိလာတော့မည် ဖြစ်ကြောင်း သိရသည်။

▪️ အဆိုပါ ပန်ဒါနီလေးများကိုတိရစ္ဆာန်ဥယျာဥ် ( ရတနာပုံ )တွင် ယခင်က ထိန်းသိမ်း‌မွေးမြူ ပြသခဲ့ဖူးခြင်းမရှိ‌ကြောင်းသိရသည်။

▪️ ပန်ဒါနီလေးများသည် အအေးပိုင်းဒေသမှလာပြီး အေးချမ်းမှုကို ကြိုက်နှစ်သက်သည့် အကောင်ငယ်လေးများဖြစ်သည့်အတွက် တိရစ္ဆာန်ဥယျာဥ် ( ရတနာပုံ ) ၌ ထားရှိရာတွင်လည်း အဆင်ပြေပြေ ၊ သက်သောင့်သက်သာဖြင့် အေးချမ်းစွာနေထိုင်နိုင်ရန်အတွက်သီးသန့်
ပန်ဒါနီအိမ်လေးများကို သေသေချာချာ ပြင်ဆင်ထားလျက်ရှိကြောင်း သိရသည် ။

▪️ ယခုအခါတွင် MAI လေယာဥ် ခရီးစဉ်အမှတ် 8M-623 ဖြင့် ပန်ဒါနီလေးများကို မြစ်ကြီးနားမှ တိရစ္ဆာန်ဥယျာဥ် ( ရန်ကုန် ) သို့ ခေါ်ဆောင်လာနေပြီး ၊ တိရစ္ဆာန်ဥယျာဥ် ( ရန်ကုန် ) မှတဆင့် တိရစ္ဆာန်ဥယျာဥ် ( ရတနာပုံ ) သို့ ဂရုတစိုက်ဖြင့် ပြန်လည်ခေါ်ဆောင်သွားမည်ဖြစ်သည်။

▪️ ပန်ဒါနီလေးများသည် မျိုးသုဥ်းမည့် အန္တရာယ် နှင့် ရင်ဆိုင်နေရသည့် ကမ္ဘာပေါ်ရှိ ရှားပါးမျိုးစိတ်တွေထဲကမှ တစ်ခုအပါအဝင်ဖြစ်ပြီး တိရစ္ဆာန်ဥယျာဥ်များတွင် ပန်ဒါနီလေးများကို ထိန်းသိမ်းစောင့်ရှောက်၍ ပြသထားခြင်းသည် ပန်ဒါနီလေးများအတွက် မျိုးဆက်ထိန်းသိမ်းခြင်း ၊ သားဖောက်ခြင်း နှင့် မျိုးသုဥ်းခြင်း ဘေးအန္တရာယ်မှ ကာကွယ်နိုင်ရန် ရည်ရွယ်ချက်ကြောင့် ဖြစ်သည်။

▪️ အဆိုပါ သဘာဝအခြေအနေကြားထဲမှာ အခက်အခဲတွေကို ရင်ဆိုင်နေရသော အလွန်ချစ်စဖွယ်ကောင်းသည့် ပန်ဒါနီလေးများ တိရစ္ဆာန်ဥယျာဥ် ( ရတနာပုံ ) သို့ မကြာမှီ ‌ရောက်ရှိလာတော့မည် ဖြစ်သောကြောင့် ကိုယ်တိုင် မြင်တွေ့လိုသူတွေအတွက် တိရစ္တာန်ဥယျာဥ် ( ရတနာပုံ ) သို့ လာရောက်လည်ပတ်ရင်း ကြည့်ရှုဖို့ဖိတ်ခေါ်ထားကြောင်း သိရသည်။

#YMG/NN #Yangon_Times

၃၁ အောက်တိုဘာ ၂၀၂၅-

၁။ ထရမ့်တက်ရောက်ခဲ့သည်များနှင့် မတက်လိုက်သည်များ။

◾️APEC ထိပ်သီးအစည်းအဝေးသည် နေ့ရက်ပေါင်းများစွာ ကြာမြင့်ပြီး အစည်းအဝေးအမျိုးမျိုး ပါဝင် သည့် အစီအစဉ်တစ်ခုဖြစ်သည်။

◾️တက်ရောက်ခဲ့သည်များ သမ္မတထရန့်ပ်သည် APEC အစည်းအဝေးအတွက် တောင်ကိုရီးယားနိုင်ငံ၊ ဂျီယွန်ဂျူ (Gyeongju) သို့ သွားရောက်ခဲ့သည်။ သူသည် အောက်တိုဘာ ၂၉ ရက်နေ့တွင် ကျင်းပသော APEC စီအီးအိုများ ထိပ်သီးအစည်းအဝေး သို့ တက်ရောက်ခဲ့ပြီး၊ အလွန်အရေးပါ၍ အားလုံးက မျှော်လင့် နေကြသည့် တရုတ်သမ္မတ ရှီကျင့်ဖျင်နှင့် နှစ်နိုင်ငံအဆင့်  တွေ့ဆုံဆွေးနွေးပွဲ ကို ကျင်းပခဲ့သည်။

◾️မတက်ရောက်ခဲ့သည်များ သူသည် အောက်တိုဘာ ၃၁ ရက်နေ့တွင် စတင်သည့် အဓိကအခမ်းအနား  ဖြစ်သည့် APEC စီးပွားရေးခေါင်းဆောင်များ ထိပ်သီး အစည်းအဝေးအတွက် ဆက်လက်မနေခဲ့ပါ။ သူ သည် ရှီကျင့်ဖျင်နှင့် တွေ့ဆုံဆွေးနွေးပြီးနောက် အောက်တိုဘာ ၃၀ ရက်နေ့တွင် တောင်ကိုရီးယားမှ ထွက်ခွာခဲ့သည်။

◾️အဖွဲ့ဝင်စီးပွားရေးခေါင်းဆောင် ၂၁ ဦး တရားဝင်တွေ့ဆုံသည့် ဤအဓိက ခေါင်းဆောင်များ  ထိပ်သီး  အစည်းအဝေးသို့ "မတက်ရောက်ခြင်း" ကို လူအများက "အရေးမလုပ်ဘဲ လစ်လျူရှုခြင်း" သို့မဟုတ် "ကျော်လွှားပစ်ခြင်း" အဖြစ် ကျယ်ကျယ်ပြန့်ပြန့် သတင်းထုတ်ပြန်လျက်ရှိနေသည်။

၂။ အဓိက ထိပ်သီးအစည်းအဝေးကို အဘယ်ကြောင့် ထရမ့်ဘာကြောင့် မတက်သလဲ။

◾️အဆိုပါဆုံးဖြတ်ချက်သည် သူ၏နိုင်ငံခြားရေးမူဝါဒဖြစ်သည့် "အမေရိကန်ပထမ" ချဉ်းကပ်မှုအပေါ် အခြေခံသည်ဟု သတင်းများက ဖော်ပြသည်။

        ▪️အဓိကရည်မှန်းချက်ပြီးမြောက်- သူ့ခရီးစဉ်၏ အဓိက ရည်ရွယ်ချက်မှာ တိုးမြင့်လာနေသည့် ကုန်သွယ်ရေးစစ်ပွဲကို ဖြေရှင်းရန်အတွက် သမ္မတ ရှီကျင့်ဖျင်နှင့် တိုက်ရိုက်တွေ့ဆုံဆွေးနွေးရန်ဖြစ်သည်။ အခွန်များ၊ မြေရှားဓာတ်သတ္တုများနှင့် ဖန်တန်နိုင်းလ် (fentanyl) ဆိုင်ရာ ကိစ္စများတွင် "ကုန်သွယ်ရေး အပစ်အခတ်ရပ်စဲရေး" ရရှိခဲ့သည့် "အောင်မြင်မှုကြီး" ဟု ထရမ့်က ဖော်ပြခဲ့သောအဆိုပါ တွေ့ဆုံဆွေးနွေးပွဲအပြီးတွင် သူ၏ အဓိကရည်မှန်းချက်  ပြီမြောက်ခဲ့ပြီး ထွက်ခွာသွားခဲ့သည်။

         ▪️နှစ်နိုင်ငံအဆင့် သဘောတူညီချက်များကို ဦးစားပေး- သမ္မတထရမ့်နှင့်ပတ်သက်၍ သူသည် ကြီးမားသော ဘက်ပေါင်းစုံပါဝင်သည့် ဖိုရမ်များထက် တိုက်ရိုက် တစ်ဦးချင်း ဆွေးနွေးမှုများ ကို ပို၍ နှစ်သက်သည့်သူအဖြစ် လူသိများသည်။ ဤကြီးမားသော ထိပ်သီးအစည်းအဝေးများသည် တိုက်ရိုက်  သဘောတူညီချက်များထက် ထိရောက်မှု နည်းသည် ဟုသူ၏အစိုးရအဖွဲ့က  မကြာခဏ ရှုမြင်လေ့ရှိ  သည်။

၃။ ဘယ်လိုအဓိပ္ပာယ် (သက်ရောက်မှုများ)ရှိသလဲ။

သုံးသပ်သူများက ဤလုပ်ရပ်ကို ပုံစံအမျိုးမျိုးဖြင့် အဓိပ္ပာယ်ဖွင့်ဆိုကြသည်။

        ▪️ ခေါင်းဆောင်မှု ကွက်လပ်ကိုဖန်တီး- အဓိက ထိပ်သီးအစည်းအဝေးကို ကျော်လွှားခြင်းဖြင့် အမေရိကန်သည် အခြားနိုင်ငံများအတွက် "ကြီးမားသော အခွင့်အရေး" ကို ချန်ထားခဲ့သည်။ ထရမ့် မရှိချိန်တွင် သမ္မတ ရှီကျင့်ဖျင်သည် ကျန်ရှိနေခဲ့ပြီး တရုတ်နိုင်ငံကို လွတ်လပ်သော ကုန်သွယ်ရေးနှင့် ဘက်ပေါင်းစုံပါဝင်ရေးကို ကာကွယ်သူ အဖြစ် နေရာယူသည့် မိန့်ခွန်းကို ရှီကပြောကြားခဲ့သည်။

        ▪️ "အမေရိကန် ပထမ" မူဝါဒကို ပိုမိုခိုင်မာစေ- ဤဆုံးဖြတ်ချက်သည် အမေရိကန်နိုင်ငံသည် APEC ၏ ရည်ရွယ်ထားသည့် ဒီဇိုင်းပုံစံဖြစ်သည့် ကျယ်ပြန့်သော၊ တူညီဆန္ဒအခြေခံ ပူးပေါင်းဆောင်ရွက်မှုထက် အမေရိကန်က ယင်း၏ ကိုယ်ပိုင် အရောင်းအဝယ်ဆန်သော အကျိုးစီးပွားများကို ဦးစားပေးနေကြောင်း အချက်ပြနေသည်။

        ▪️အမေရိကန်၏ ဂုဏ်သတင်းကို ထိခိုက်စေနိုင်- ဤလုပ်ရပ်ကို အိမ်ရှင်နိုင်ငံ တောင်ကိုရီးယားနှင့် အခြား APEC ခေါင်းဆောင် ၁၉ ဦးအပေါ် "အရေးမလုပ်ဘဲ လစ်လျူရှုခြင်း" အဖြစ် များစွာသောသူတို့က ရှုမြင်ကြသည်။ ကမ္ဘာ့လူဦးရေ၏ ၄၀% နီးပါးနှင့် ကမ္ဘာ့ကုန်သွယ်ရေး၏ တစ်ဝက်ကျော်ကို ကိုယ်စား ပြုသော အာရှ-ပစိဖိတ်ဒေသတွင် ဤအပြုအမူသည် အမေရိကန်၏ ဂုဏ်သတင်းနှင့် သြဇာလွှမ်းမိုးမှုကို ထိခိုက်ပျက်စီးစေနိုင်သည် ဟု သုံးသပ်သူအတော်များများက ဆိုသည်။

Ref: Reuters နှင့်အခြားသတင်းများကို အခြေခံ၍ သုံးသပ်သည်။

#World_News
Published 31 October 2025

■ အမေရိကန်အစိုးရရဲ့ ပိတ်သိမ်းမှုတွေ၊ အစိုးရထောက်ပံ့ပေးနေတဲ့ သတင်းဌာနတွေကို ထရမ့်အစိုးရမှ ပိတ်ပင်မှုတွေကြောင့် ဘဏ္ဍာရေးအခက်အခဲ‌ေတွ ဖြစ်လာကာ လွတ်လပ်တဲ့အာရှရေဒီယို (RFA)က သတင်းထုတ်လွှင့်တင်ဆက်မှုတွေ ရပ်ဆိုင်းနေပြီလို့ သောကြာနေ့က ကြေညာလိုက်ပါတယ်။

■ RFA ဟာ ၁၉၉၆ ခုနှစ်တည်းက ရုပ်သံနဲ့ အွန်လိုင်းတို့ကနေ လွတ်လပ်စွာတင်ဆက်နေတဲ့ သတင်းဌာနဖြစ်ပါတယ်။

■ အစိုးရအဖွဲ့က ငွေကြေးဆိုင်ရာကိစ္စတွေ ချုပ်ထိန်းလာတာကြောင့် ပြီးခဲ့တဲ့ လများအတွင်း ဝန်ထမ်းအနည်းငယ်ဖြင့်သာ လည်ပတ်ခဲ့ပြီး အွန်လိုင်းကနေ သတင်းအနည်းအကျဉ်းသာ ထုတ်လွှင့်နိုင်ခဲ့ပါတယ်။

■ RFA ၊ Radio Free Europe / Radio Liberty ၊ VOA တို့လို သတင်းဌာနတွေဟာ ကောင်းစွာမလည်ပတ်နိုင်ဘဲ အစိုးရရင်းမြစ်တွေ ဆုံးရှုံးစေတယ်လို့ ထရမ့်အစိုးရက ပြောထားပါတယ်။

■ ကန့်သတ်ရရှိတဲ့ အထောက်အပံ့တွေနဲ့ ဆက်လက်လည်ပတ်ဖို့ ခက်တာကြောင့် အတတ်နိုင်ဆုံးချုံ့‌ေနရတယ်လို့ RFA ဥက္ကဌ ဘေဖန်ကပြောပါတယ်။

■ RFA အနေနဲ့ နိုင်ငံရပ်ခြားဌာနတွေမှာ စတင်ပိတ်သိမ်းသွားမှာဖြစ်ကာ ဝန်ထမ်းတွေကို လျော်ကြေးပေးသွားမယ်လို့ ဆိုပါတယ်။

■ RFA ဟာ ၂၀၂၃ မှ ၂၀၂၄ အတွင်း ဝက်ဘ်ဆိုက်သို့ ဝင်ရောက်ကြည့်ရှုသူ ၂၀ ရာခိုင်နှုန်း မြင့်တက်ခဲ့ပါတယ်။

Source: AP News