၂၈ ဧပြီ ၂၀၂၄

တရုတ်နိုင်ငံရဲ့ ပထမဆုံးသော ကိုယ်တိုင်ထုတ် လူသားပုံစက်ရုပ် “ရှန်ကုံး”ကို ဧပြီ ၂၇ရက်နေ့က မြို့တော်ဘေဂျင်းရှိ စီးပွာရေးနှင့်နည်းပညာဖွံ့ဖြိုးတိုးတက်ရေးဧရိယာမှာ ထုတ်ဖော်ပြသခဲ့ပါတယ်။

Source CCTV +

#Local_News
Published 28 April 2024

▪️ ယာဉ်မောင်းနေစဉ် ဆေးလိပ်သောက်ခြင်းနှင့်၊ဖုန်းပြောခြင်းများပြုလုပ်သည့်   YBS ယာဉ်မောင်းများအား တိုင်ကြားနိုင်ကြောင်း ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေး ကြီးကြပ်မှုကော်မတီ (YRTC) မှသိရသည်။

▪️ ဆေးလိပ်သောက်ခြင်းသည် ‌ကိုယ်တိုင်သာမကတဆင့်ခံရှူရှိုက်သူအထိပါ ကျန်းမာရေးထိခိုက်စေနိုင်သည့်အပြင် ယာဉ်မောင်းစဉ်ဖုန်းပြောခြင်းသည်လည်း အန္တရာယ်ကျရောက်နိုင်သည့်အတွက်ယာဉ်စီးနင်းသူများအနေဖြင့်တွေ့ရှိပါက ဆက်သွယ်တိုင်ကြားနိုင်ကြောင်း သိရသည်။

▪️ " YBSယာဉ်မောင်းတွေကိုကားပေါ်မှာ ဆေးလိပ်မသောက်ဖို့ညွှန်ကြားထားပြီးဖြစ်ပါတယ်၊ ခရီးသွားသူတွေအနေနဲ့တိုင်ကြားနိုင်ပါတယ်၊ ယာဉ်မောင်းရင်းဖုန်းပြောတာလည်းတိုင်ကြားနိုင်ပါတယ်၊ ဆေးလိပ်သောက်တာ၊ဖုန်းပြောတာတွေ့ရင် သတ်မှတ်ဥပဒေအတိုင်း ဒဏ်ကြေးငွေသုံးသောင်းသတ်မှတ်ထားတဲ့အတိုင်းအရေးယူဆောင်ရွက်သွားပါမယ် " ဟု (YRTC)မှ တွဲဖက်အတွင်းရေးမှူး ဦးလျန်ကျင့်မန်ကပြောသည်။

▪️ ထိုသို့ဆက်သွယ်တိုင်ကြားရာတွင် ရန်ကုန်တိုင်းဒေသကြီးပုဂ္ဂလိကသယ်ယူပို့ဆောင်ရေး ကြီးကြပ်မှုကော်မတီ (YRTC) call centre 09-448147149 , 09-448147153 ဘိုင်ဘာများမှတစ်ဆင့်ဓာတ်ပုံနှင့်တကွ တိုင်ကြားနိုင်ကာ ဒဏ်ငွေကျပ်သုံးသောင်းအထိ ဒဏ်ရိုက်သွားမည်ဖြစ်ကြောင်း သိရသည်။

#YMG/NN #Yangon-Times

#Local_News
Publicshed 28 April 2024

▪️ယခု ၂၀၂၄-၂၀၂၅ ဘဏ္ဍာနှစ်အတွင်း ရန်ကုန်တိုင်းဒေသကြီး၊ထန်းတပင်မြို့နယ်၌ဒေသန္တရနှင့် ရင်းနှီးမြှုပ်နှံမှုစီမံကိန်းလုပ်ငန်း ၁၁၀ ကျော်ဖော်ဆောင်သွားမည် ဖြစ်ကြောင်း ထန်းတပင်မြို့နယ် အထွေထွေအုပ်ချုပ်ရေး ဦးစီးဌာနမှသိရသည်။

▪️ အဆိုပါ ကဲ့သို့ဆောင်ရွက်ရာ၌ ထန်းတပင်မြို့နယ်အတွင်း တိုင်းဒေသကြီး ခွင့်ပြုရန်ပုံငွေ ကျပ် ၁၀ ဒသမ ၇၁၉ ဘီလီယံဖြင့်  လုပ်ငန်း ၈၈ ခု နှင့် ပြည်ထောင်စုခွင့်ပြုငွေ ကျပ် ၄၃ ဒသမ ၅၄၉ ဘီလီယံဖြင့် လုပ်ငန်း ၂၅ ခု၊ စုစုပေါင်း လုပ်ငန်း ၁၁၃ ခုကို ငွေကျပ် ၅၄ ဒသမ ၂၆၈ ဘီလီယံ ဖြင့်  ယခု ၂၀၂၄-၂၀၂၅ ဘဏ္ဍာနှစ်အတွင်း ဆောင်ရွက်မည် ဖြစ်ကြောင်း သိရသည်။

#YMG/ NN #Yangon-Times

#Local_News
Publicshed 28 April 2024

▪️ ယခုနှစ် မိုးရာသီအတွင်းလေဖိအားနည်းရပ်ဝန်းရှစ်ကြိမ်အထိဖြစ်နိုင်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရသည်။

▪️ မိုးဦးကာလအတွင်း ဘင်္ဂလားပင်လယ်အော်တွင် လေဖိအားနည်းရပ်၀န်း ၂ ကြိမ် ဖြစ်ပေါ်နိုင်ပြီး၊ ၁ ကြိမ်တွင် ပိုမိုအားကောင်းလာကာ မုန်တိုင်းငယ် အဖြစ်သို့ ရောက်ရှိနိုင်ပြီး ယင်းကာလအတွင်း အနောက်တောင်မုတ်သုံလေသည် အားအနည်းငယ်မှ အားအသင့်အတင့် ရှိနိုင်ကြောင်းသိရသည်။

▪️ ထို့အပြင် မိုးလယ်ကာလအတွင်း ဘင်္ဂလားပင်လယ်အော်တွင် လေဖိအားနည်းရပ်၀န်း ၃ ကြိမ် ဖြစ်ပေါ်နိုင်ပြီး၊ ၂ ကြိမ်တွင် ပိုမိုအားကောင်းလာကာ မုန်တိုင်းငယ်အဖြစ်သို့ ရောက်ရှိနိုင်ကာ ယင်းကာလ အတွင်း အနောက်တောင်မုတ်သုံလေသည် အားအသင့်အတင့်မှ အားကောင်းနိုင်ကြောင်း သိရသည်။

▪️ မိုးနှောင်းကာလအတွင်း ဘင်္ဂလားပင်လယ်အော်တွင် လေဖိအားနည်းရပ်၀န်း ၃ ကြိမ် ဖြစ်ပေါ်နိုင်ပြီး၊ ၁ ကြိမ်တွင် ပိုမိုအားကောင်းလာကာ မုန်တိုင်းငယ်အဖြစ်သို့ ရောက်ရှိနိုင်ပြီး  ယင်းကာလအတွင်း အနောက်တောင်မုတ်သုံလေသည် အားအသင့်အတင့် ရှိနိုင်ကြောင်းသိရသည်။

#YMG/ NN #Yangon-Times

#Local_News
Published 28 April 2024

▪️ မြန်မာနိုင်ငံ တောင်ပိုင်းဒေသများသို့ အနောက်တောင်မုတ်သုံလေ မေလ ၂၁ရက်နေ့မှ ၂၆ ရက်နေ့အတွင်းစတင်ဝင်ရောက်မည်ဖြစ်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှသိရသည်။

▪️ ထို့အပြင် မေလ ၂၇ ရက်နေ့မှ ဇွန်လ ၂ ရက်နေ့အတွင်း မြစ်ဝကျွန်းပေါ်ဒေသများသို့လည်းကောင်း အသီးသီး၀င်ရောက်နိုင်‌‌ကြောင်း သိရသည်။

▪️ ဘင်္ဂလားပင်လယ်အော်တွင် လေဖိအားနည်းရပ်၀န်း ၁ ကြိမ် ဖြစ်ပေါ်နိုင်ပြီး၊ ပိုမိုအားကောင်းလာကာ မုန်တိုင်းငယ်အဖြစ်သို့ ရောက်ရှိနိုင်‌ေကြာင်း၊ယင်းကာလအတွင်း အနောက်တောင်မုတ်သုံလေသည် အားအနည်းငယ်မှ အားအသင့်အတင့် ရှိနိုင်ကြောင်း၊  ကပ္ပလီပင်လယ်ပြင်နှင့် ဘင်္ဂလားပင်လယ်အော်တောင်ပိုင်းတို့တွင် တိမ်အသင့်အတင့်မှ တိမ်ထူထပ်နိုင်ပြီး၊ ကျန်ဘင်္ဂလားပင်လယ်အော်တွင် တိမ်အနည်းငယ်မှ တိမ် အသင့်အတင့် ဖြစ်ထွန်းနိုင်ကြောင်းသိရသည်။

▪️ မိုးရွာသွန်းမှုအခြေအနေမှာ နေပြည်တော်၊ စစ်ကိုင်းတိုင်းဒေသကြီးအောက်ပိုင်း၊ မန္တလေးတိုင်း ဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်း ဒေသကြီး၊ တနင်္သာရီတိုင်းဒေသကြီး၊ ရှမ်းပြည်နယ်၊ ချင်းပြည်နယ်၊ ရခိုင်ပြည်နယ်၊ ကယားပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် ရွာသွန်းမြဲအောက် လျော့နည်းနိုင်ပြီး၊ စစ်ကိုင်းတိုင်းဒေသကြီးအထက်ပိုင်းနှင့် ကချင်ပြည်နယ်တို့တွင် ရွာသွန်းမြဲခန့် မိုးထစ်ချုန်းရွာနိုင်ကြောင်း၊ စစ်ကိုင်းတိုင်းဒေသကြီးအထက်ပိုင်း၊ တနင်္သာရီတိုင်းဒေသကြီး၊ ကချင်ပြည်နယ်၊ ကရင် ပြည်နယ်နှင့် မွန်ပြည်နယ်တို့တွင် ၁၇ ရက်မှ ၂၂ ရက်ခန့်၊ ပဲခူးတိုင်းဒေသကြီး(အရှေ့ပိုင်း)၊ ရန်ကုန် တိုင်းဒေသကြီး၊ ဧရာဝတီတိုင်းဒေသကြီး၊ ရှမ်းပြည်နယ်၊ ချင်းပြည်နယ်၊ ရခိုင်ပြည်နယ်နှင့် ကယား ပြည်နယ်တို့တွင် ၁၁ ရက်မှ ၁၆ ရက်ခန့်နှင့် နေပြည်တော်၊ စစ်ကိုင်းတိုင်းဒေသကြီးအောက်ပိုင်း၊ မန္တလေးတိုင်းဒေသကြီး၊ မကွေးတိုင်းဒေသကြီးနှင့် ပဲခူးတိုင်းဒေသကြီး(အနောက်ပိုင်း)တို့တွင် ၅ ရက်မှ ၁၀ ရက်ခန့် မိုးထစ်ချုန်းရွာနိုင်ကြောင်းသိရသည်။

▪️ နေ့အပူချိန် များမှာ နေပြည်တော်၊ စစ်ကိုင်းတိုင်းဒေသကြီးအောက်ပိုင်း၊ မန္တလေးတိုင်းဒေသကြီး၊ မကွေးတိုင်း ဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်း ဒေသကြီး၊ ရှမ်းပြည်နယ်၊ ရခိုင်ပြည်နယ်၊ ကယားပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် မေလ ပျမ်းမျှအပူချိန်၏ ၁.၅ ဒီဂရီဆဲလ်စီးယပ်နှင့်အထက် ပိုနိုင်ပြီး၊ စစ်ကိုင်းတိုင်းဒေသကြီး အထက်ပိုင်း၊ ကချင်ပြည်နယ်နှင့် ချင်းပြည်နယ်တို့တွင် မေလ ပျမ်းမျှအပူချိန်ခန့်သာရှိနိုင်ကြောင်း သိရသည်။

#YMG/NN #Yangon-Times

၂၈ ဧပြီ ၂၀၂၄

သူ၏ သမ္မတအုပ်ချုပ်မှုအောက်တွင် အမေရိကန်သည် အခြေခံအားဖြင့် အားလုံးကိုပြန်စဉ်းစားရမည်ဟု ပြောထားပါတယ်။ သူသာ သမ္မတပြန်ဖြစ်ခဲ့ပါက ဥရောပနှင့် ဆက်ဆံရေးကို ပြန်ပြောင်းရန် သူက စီစဉ်ထားပါတယ်။အောက်ပါအချက်အလက်များမှာ သူ သမ္မတပြန်ဖြစ်ခဲ့ပါက ထရမ့်ကျင့်သုံးမည့် နိုင်ငံခြားရေးမူဝါဒအချို့ကို သုံးသပ်ဖော်ပြထားပါတယ်။

နေတိုး၏အဆိုပြုချက်နှင့် မစ်ရှင်

သူသာ သမ္မတဖြစ်ခဲ့လျှင် ယူကရိန်းသို့ အမေရိကန်က ပေးပို့ခဲ့သည့် လက်နက်ခဲယမ်းမီးကျောက်တန်ဖိုး ဒေါ်လာ ၂၀၀ဘီလျံနီးပါးအတွက် ဥရောပထံမှ အမေရိကန်သို့ ပြန်ပေးရန် တောင်းဆိုမည်၊  ယူကရိန်း သို့ နောက်ထပ်အကူအညီပေးဖို့လည်း သူကတိမပေးနိုင်ဟု ထရမ့်ကပြောပါတယ်။

ထရမ့်ဟာ သူပထမအကြိမ် သမ္မတဖြစ်စဉ်က သက်တမ်းကုန်ခါနီးတွင်နေတိုးသို့ကူညီသည့် ကာကွယ်ရေး ရန်ပုံငွေကို ဖြတ်တောက်ခဲ့ပါတယ်။ အမေရိကန်သည် နေတိုးထံ မျှတသည့်ရှယ်ယာထက်ပိုပြီး ပေးနေ   သည်ဟု သူက မကြာဏ အပြစ်တင်ခဲ့ပါတယ်။

ယူကရိန်း

အထူးသဖြင့် ယူကရိန်းစစ်ပွဲနှင့်ပတ်သက်၍ စစ်ရှိန်လျှော့ဖို့တောင်းဆိုခဲ့ပါတယ်။ သူ သမ္မတထပ်ဖြစ်ရင် ယင်းပဋိပက္ခကို ၂၄နာရီအတွင်းဖြေရှင်းပေးမယ်လို့လည်း ဆိုပါတယ်။ သူ့တွင် ဆုပ်ကိုင်ပြနိုသည့် အဆိုပြု ချက်ရှိပြီး ငြိမ်းချမ်းရေးသဘောတူညီချက်အရ ယူကရိန်းသည် အချို့သော ပိုက်နက်များကို ပေးအပ်ရ လိမ့်မည်ဟု ပြီးခဲ့တဲ့နှစ်က ရိုက်တာနှင့် အင်တာဗျူးတွင် ထရမ့်ကပြောခဲ့ပါတယ်။

ဧပြီလစောစောပိုင်းကလည်း ယူကရိန်းကို ထပ်မံပေးမည့် အကူအညီများကို ချေးငွေအနေနှင့်သာ သူ ပေးမည်ဟုပြောခဲ့ပါတယ်။ ယခုလနှောင်းပိုင်းက ဒေါ်လာ ၆၁ဘီလျံအကူအညီကိစ္စ ကွန်ဂရက်တွင် စေ့စပ် အပေးအယူလုပ်နေသည့်အပေါ် သူက အတော်ကြီးကို နှုတ်ဆိတ်နေခဲ့ပါတယ်။

တရုတ်၊ ကုန်သွယ်ရေးနှင့် အခွန်အကောက်

တရုတ်နိုင်ငံနှင့် အချို့သော ဥရောပမဟာမိတ်များအပေါ် အခွန်စည်းကြပ်မှုအသစ်များ သို့မဟုတ် ကုန်သွယ်ရေးကန့်သတ်မှုများ အကြီးအကျယ်လုပ်ဆောင်မည်ဟု ထရမ့်က မကြခဏဆိုသလို ခြိမ်း ခြောက်နေပါတယ်။

ကုန်သွယ်ရေး အတားအဆီးတွေလုပ်ဖို့ဆုံးဖြတ်ထာသည့် နိုင်ငံတွေအပေါ် လက်တုန့်ပြန် အခွန်စည်းကြပ် မှုတွေမြှင့်တင်ဆောင်ရွက်မယ်လို့လည်း ထရမ့်ကပြောထားပါတယ်။ နိုင်ငံတကာဈေးကွက်ကြီးကို ဖြတ်တောက်ပစ်နိုင်မည့် ၁၀ရာခိုင်နှုန်း ကမ္ဘာလုံးဆိုင်ရာ အခွန်အကောက်စိတ်ကူးကိုလည်း သူက လူသိရှင်ကြားပြောခဲ့ပါတယ်။

ကုန်သွယ်ရေးဦးစားအပေးဆုံးနိုင်ငံအဆင့်ကနေ တရုတ်ကို အဆုံးသတ်ပစ်မယ်လို့လည်း ထရမ့်က       ပြောထားပါတယ်။အမေရိကန်အထဲမှာရှိတဲ့ သန်စွမ်းအားကောင်းတဲ့ တရုတ်ပိုင်ဆိုင်မှုတွေ အပေါ် ကန့်သတ်မှုအသစ်တွေလုပ်မယ်လို့လည်း ထရမ့်ကပြောခဲ့ပါတယ်။

ထရမ့်က ထိုင်ဝမ်ကိစ္စကို ပြောခဲပါတယ်။ တရုတ်က ထိုင်ဝမ်ကိုကျူးကျော်ရင်ဘာလုပ်မလိုဆိုသည့် အပေါ်လည်းတုန့်ပြန်မှုမပေးဘဲ သူသာသမ္မတဖြစ်ရင် တရုတ်ဟာ ဘယ်တော့မှ ထိုင်ဝမ်ကိုကျုးကျော်ရဲမှာ မဟုတ်ဘူးလို့ပဲပြောခဲ့ပါတယ်။

မက္ကဆီကိုနှင့် မူးယစ်ဆေးဝါး

မက္ကဆီကိုမှာ မူးယစ်လုပ်ငန်းတွေလုပ်နေကြတဲ့ မူးယစ်လုပ်ငန်းအုပ်စုတွေကို သူ့အနေနှင့် နိုင်ငံခြား အကြမ်းဖက်အဖွဲ့အစည်းတွေအဖြစ်သတ်မှတ်ကြေညာမယ်လို့ ထရမ့်ကပြောထားပါတယ်။  သူတို့ရဲ့ ခေါင်းဆောင်တွေနှင့် အခြေခံအဆောက်အဦတွေကို တိုက်ခိုက်ဖို့ အထူးတပ်ဖွဲ့ကို သင့်လျော်သလို အသုံးပြုဖို့ ပင်တဂွန်ကိုသူညွှန်ကြားမယ်လို့လည်းဆိုပါတယ်။ အဲဒီအစီအစဉ်ကိုတော့ မက္ကဆီကို အစိုးရက ချီးမွမ်းဖို့သိပ်မရှိလှပါ။

အမေရိကန်ရေတပ်ကိုလည်း သူတို့လုပ်ငန်းတွေကို ပိတ်ဆို့တားဆီးဖို့ စေလွှတ်မယ်လို့ သူကပြောပါတယ်။

အစ္စရေးပဋိပက္ခ

အစ္စရေးခေါင်းဆောင်တွေကို သူကစောစောပိုင်းမှာ တိုက်ခိုက်ပြောဆိုမှုတွေလုပ်ခဲ့ပြီး အောက်တိုဘာ ၇ ရက် မှာ အမေရိကန်နိုင်ငံသားတွေ ဟားမာ့စ်ရဲ့ တိုက်ခိုက်ခံရပြီးတဲ့နောက်ပိုင်းမှာတော့ သူက ဟားမားကို ချေမှုန်းပစ်ကိုပစ်ရမယ်လို့ပြောလာခဲ့ပါတယ်။ သို့သော် သူသည် မူဝါဒဆိုင်ရာ ဖြေရှင်းမှုအချို့ကို အဆိုပြုခဲ့ပါတယ်။

ဟားမားကိုစာနာကြတဲ့ အမေရိကန်က အမြဲတမ်းနေထိုင်ခွင့်ရသူ(ကတ်အစိမ်းကိုင်ထားကြသူ)တွေကို  မိခင်နိုင်ငံပြန်ပို့မယ်လို့လည်း ထရမ့်ကပြောထားပါတယ်။

အာဖဂန်နစ္စတန်

၂၀၂၁ခုနှစ်မှာ အမေရိကန်တပ်တွေပြန်ရုပ်သိမ်းစဉ် ကျန်ခဲ့တဲ့ စစ်ဘက်ဆိုင်ရာ ပစ္စည်းတွေကို အာဖဂန်က ပြန်လည်ပေးအပ်ဖို့ သူတောင်းဆိုမယ်လို့ မဲဆွယ်ပွဲမှာ ထရမ့်ကပြောခဲ့ပါတယ်။ ၂၀၂၁ခုနှစ်တုန်းကတော့ သူ့အနေနှင့် အဲဒီစစ်ပစ္စည်းတွေကို ဗုံးကြဲပစ်မယ်လို့တစ်ကြိမ်ပြောခဲ့ပါတယ်၊ နောက်ပိုင်းမှာတော့ အဲဒါကို သူထပ်မပြောတော့ပါဘူး။

ရာသီဥတု

သဘာပတ်ဝန်းကျင်ဆိုင်ရာ ပါရီသဘောတူညီချက်ကနေ ထရမ့်သမ္မတဖြစ်စဉ်မှာ နှုတ်ထွက်ခဲ့ပါတယ်။  ဂျိုးဘိုင်ဒင်လက်ထက် ၂၀၂၁ မှာ အဲဒီအဖွဲ့ထဲ အမေရိကန်က ပြန်လည်ဝင်ရောက်ခဲ့ပါတယ်။ သူက အဲဒီ အဖွဲ့က ပြန်ထွက်မယ်လို့ မကြာခဏထပ်ပြောနေပါတယ်။

ဒုံးကျည်ကာကွယ်ရေး

အမေရိကန်နိုင်ငံတစ်လွှားမှာ ခေတ်မီဆန်းသစ်တဲ့ ဒုံကျည်ကာကွယ်ရေးစနစ်တည်ဆောက်မယ်လို့ ထရမ့်က ကတိပေးထားပါတယ်။သူက အသေးစိတ်တော့မပြောပါဘူး။ သူ့အစိုးရက တီထွင်ဖွဲ့စည်းခဲ့တဲ့ အာကာသတပ်ဟာ အဆိုပါလုပ်ငန်းစဉ်မှာ ဦးဆောင်တဲ့ အခန်းကဏ္ဍကနေပါဝင်မယ်လို့သူကဆိုပါတယ်။

Source Reuters

@ymg/knl

ရှမ်းပြည်နယ်တောင်ပိုင်းရှိ  အာလူးဈေးကွက်မှာ ဝယ်လိုအား အလွန်နည်းတဲ့အတွက် ပွဲရုံတွေမှာ ရောင်းရတဲ့ ဈေးနှုန်းမှာ အာလူးမျိုး ဝယ်ရတဲ့ ဈေးကိုပင်မရရှိတဲ့အတွက် အာလူးစိုက်တောင်သူတွေ အရှုံးပေါ်နေတယ်လို့ ရှမ်းပြည်နယ်ရှိ အာလူးစိုက်ပျိုးတဲ့တောင်သူတွေနဲ့ ပွဲရုံတွေထံက သိရပါတယ်။
#Local_News
Published_ 28 April 2024
#အာလူးစိုက်တောင်သူတွေ #ရှမ်းပြည်နယ်တောင်ပိုင်း
#YMG/LW #Yangon_Times

#Local_News
Publicshed 28 April 2024

▪️ မန္တလေးတိုင်းဒေသကြီး၊ မြင်းခြံမြို့နယ်၌ဒီဇယ်ပေပါများ တင်ဆောင်လာသော မော်တော်ယာဉ်(၁)စီးယနေ့တွင်  မီးလောင်မှုဖြစ်ပွားခဲ့ကြောင်း မြန်မာနိုင်ငံမီးသတ်ဦးစီးဌာနမှ သိရသည်။

▪️ ဖြစ်စဉ်မှာ ဧပြီ ၂၈ ရက်နေ့၊ နေ့လယ်၁၁နာရီ ၁၂အိနစ် အချိန်က ၊ မန္တလေးတိုင်းဒေသကြီး၊ မြင်းခြံခရိုင်၊ မြင်းခြံမြို့နယ်၊ လေးအိမ်တန်းကျေးရွာအုပ်စု၊ အင်ကြင်သာကျေးရွာအနီးတွင် ဒီဇယ်ပေပါများ တင်ဆောင်လာသော မော်တော်ယာဉ်(၁)စီး မီးလောင်မှုဖြစ်ပွားကြောင်း သိရသည်။

▪️ အဆိုပါမီးလောင်းမှုဖြစ်ပွားသည့် သတင်းရရှိသဖြင့် မြင်းခြံခရိုင်မီးသတ်စခန်းမှ မီးငြှိမ်းသတ်ယာဉ်(၂)စီး၊ မီးသတ်ရေသယ်ယာဉ်(၄)စီး၊ Foam မီးငြှိမ်းသတ်ယာဉ်(၁)စီး၊ မြင်းခြံမြို့နယ်မီးသတ်စခန်းမှ မီးငြှိမ်းသတ်ယာဉ်(၂)စီး၊ မီးသတ်ရေသယ်ယာဉ်(၁)စီး၊ မြင်းခြံနယ်မြေမီးသတ်စခန်းမှ မီးငြှိမ်းသတ်ယာဉ်(၁)စီး၊ မီးသတ်ရေသယ်ယာဉ်(၁)စီး၊ အဖြူရောင်လက်များပရဟိတအသင်းမှ ရေသယ်ယာဉ်(၁)စီး၊ နတ်ကြီးပင်ပရဟိတအသင်းမှ ရေသယ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင် များဖြင့် ထွက်ခွာငြှိမ်းသတ်ခဲ့ရာ ၁၁ နာရီ မိနစ်၃၀  အချိန်၌  မီးငြိမ်းခဲ့ကြောင်းသိရသည်။

▪️ အဆိုပါဖြစ်စဉ်နှင့်ပတ်သက်၍ အသေးစိတ်စုံစမ်းလျှက်ရှိပြီး မီး‌လောင်မှုကြောင့် လူထိခိုက်မှုမရှိကြောင်း သိရသည်။

#YMG/ NN #Yangon-Times

#Local_News
Published 28 April 2024

▪️ သစ်တောဖုံးလွှမ်းမှု ပြန်လည်ကောင်းမွန်လာစေရေးအတွက် နိုင်ငံဧရိယာ၏  ၃၀ ရာခိုင်နှုန်းကို သစ်တော နယ်မြေနှင်  ၁၀ ရာခိုင်နှုန်းကို သဘာဝနယ်မြေအဖြစ် သတ်မှတ်ဖွဲ့စည်းနိုင်ရေး လျာထားဆောင်ရွက်လျက်ရှိကြောင်း သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာနမှ သိရသည်။ 

▪️မြန်မာနိုင်ငံ၏  သစ်တောဖုံးလွှမ်းမှုသည်  ၂၀၂၀ ပြည့်နှစ်တွင်  နိုင်ငံဧရိယာ၏  ၄၂ ဒသမ ၁၉ ရာခိုင်နှုန်းရှိပြီး ၂၀၁၀ ပြည့်နှစ်မှ ၂၀၂၀ ပြည့်နှစ်အတွင်း နှစ်စဉ်ပျမ်းမျှ ဧက ၇ သိန်းကျော် ပြုန်းတီးနေ ကြောင်း‌သိရသည်။

▪️ ထို့ကြောင့် သစ်တောဖုံးလွှမ်းမှု ပြန်လည်ကောင်းမွန်လာရေး၊ ကြိုးဝိုင်း/ကြိုးပြင်တောများ တိုးချဲ့ဖွဲ့စည်းရေး၊ သစ်တော စိုက်ခင်းများနှင့်  ကျေးရွာသုံး ထင်းစိုက်ခင်းများတည်ထောင်ရေး၊ သဘာဝတောများ ထိန်းသိမ်းကာကွယ်ရေး၊ ဂေဟစနစ်နှင့် ဇီဝမျိုးစုံမျိုးကွဲများ ကာကွယ်စောင့်ရှောက်ရေးနှင့်  တရားမဝင်သစ်ထုတ်လုပ်မှု တားဆီးရေးလုပ်ငန်းများကို အမျိုးသားရေး တာဝန်တစ်ရပ်အဖြစ် ဆောင်ရွက်သွားရမည် ဖြစ်ကြောင်း၊ ထို့ကြောင့် သစ်တောဖုံးလွှမ်းမှု ပြန်လည်ကောင်းမွန်လာစေရေးအတွက်  သစ်တော နယ်မြေနှင့် သဘာဝနယ်မြေအဖြစ် သတ်မှတ်ဖွဲ့စည်းနိုင်ရေး လျာထားဆောင်ရွက်လျက်ရှိခြင်းဖြစ်ကြောင်း သိရသည်။

#YMG/ NN #Yangon-Times

၂၈ ဧပြီ ၂၀၂၄

မြန်မာလှေသား (၇)ဦးပါဝင်တဲ့ ထိုင်းငါးဖမ်းစက်လှေတစ်စီး ယနေ့ ဧပြီ ၂၈ ရက် တနင်္ဂနွေနေ့ မနက်စောစောပိုင်းမှာ ကပ္ပလီ    ပင်လယ်အတွင်း မီးလောင်မှုဖြစ်ခဲ့လို့ ထိုင်းရေကြောင်းတပ်တစ်ခုက သွားရောက်ကယ်တင်ပေးနိုင်ခဲ့တယ်လို့ ထိုင်းမီဒီယာ     တွေက သတင်းဖော်ပြကြပါတယ်။ အဆိုပါ ငါးဖမ်လှေမှာ မြန်မာ ၇ဦးနှင့်အတူ ထိုင်းလူမျိုး (၂)ဦးလည်း အတူတူ  လိုက်ပါလာခဲ့  တာဖြစ်ပြီး အားလုံးကို ဘေးကင်းစွာကယ်ထုတ်နိုင်ခဲ့တာဖြစ်ပါတယ်။

ယနေ့ မနက် ၃နာရီခွဲခန့်မှာ ဆရီသွန်းပေ-၇ အမည်ရှိ ထိုင်းငါးဖမ်းစက်လှေတစ်စီးဟာ  ဖန်ငါးအနီး ခိုဆူရင်းကျွန်းများရဲ့ အနောက်တောင်ဘက် ရေမိုင် ၁၅ မိုင်အကွာခန့်မှာ  ဆီပြန်ဖြည့်ရင်း မီးလောင်နေတယ်လို့ ထိုင်းပင်လယ်ရေကြောင်းစိုးမိုးရေး ဒေသ၃ စစ်တိုင်းက သတင်းအချက်အလက်ရရှိခဲ့တာလို့ သတင်းများမှာဖော်ပြထားပါတယ်။

မနက် ၄နာရီခန့်မှာ အခြားသော ငါးဖမ်းစက်လှေတစ်စီးဖြစ်တဲ့ ချန်ယူဒွမ်ဆွမ်ဘက်-၁ ပေါ်က လှေသားတွေဟာ အဆိုပါ   စက်လှေမီးလောင်နေတာကို မြင်တွေ့လို့ မီးလောင်နေတဲ့ စက်လှေပေါ်က တစ်ဦးတစ်ယောက်မကျန် လှေသားအားလုံးကို သူတို့စက်လှေထဲ ကယ်ထုတ်တင်ဆောင်ပေး ခဲ့ကြတာဖြစ်ပါတယ်။

ရေတပ်ရဲ့ လေကြောင်းနှင့် ကမ်းခြေကာကွယ်ရေးတပ်ဟာ အဲဒီနေရာကို စပိတ်ဘုတ်ခ်တစ်စီး လွှတ်ပေးခဲ့ပြီး ချန်ယူ  ဒွမ်ဆွမ်ဘက်-၁ပေါ်မှာကယ်တင်ထားတဲ့ မြန်မာ(၇)ဦးနှင့်ထိုင်း(၂)ဦး တို့ကို သွားရောက်ခေါ်ဆောင်ခဲ့ပါတယ်။ အဲဒီနောက်သူတို့ကို ခုရာပူရီခရိုက် ငါးဖမ်းဆိပ်တစ်ခုကို ပို့ဆောင်ပေးခဲ့ပါတယ်။ထိခိုက်ဒဏ်ရာရရှိထားသူတွေကိုတော့ ဆေးရုံတင်ပေးခဲ့ပါတယ်လို့သိရပါတယ်။

မီးလောင်မှုကြာင့်  လှေသား(၅)ဦးဒဏ်ရာရရှိခဲ့ပါတယ်။ အဲဒီထဲက တစ်ဦးကတော့ အသက် ၅၄နှစ်အရွယ်ရှိ ထိုင်းလူမျိုး စက်ပြင်ဆရာ ပိုင်ရိုက်ပါလာဖြစ်ပြီး သူဟာ မီးလောင်ဒဏ်ရရရှိထားတယ်လို့သိရှိရပါတယ်။

@ymg/knl

#Local_News
Publicshed 28 April 2024

▪️ ညစ်ညမ်းသော တေးသီချင်းဗီဒီယိုများထုတ်လုပ်သူ၊ စီစဉ်ရိုက်ကူးသူ၊ သရုပ်ဆောင်သူများအား တည်ဆဲဥပဒေများနှင့်အညီ အရေးယူဆောင်ရွက်သွားမည်ဖြစ်ကြောင်းဧပြီ၂၇ရက်ကပြန်ကြားရေးဝန်ကြီးဌာနက  သတိပေးထုတ်ပြန်လိုက်သည်။

▪️ အဆိုပါသတိပေးချက်၌ အချို့သောတေးသီချင်းဗီဒီယို ရိုက်ကူးထုတ်လွှင့်သူများသည် ထင်ပေါ်ကျော်ကြားမှု ရရှိစေရန်အတွက် မြန်မာ့ယဉ်ကျေးမှုနှင့် ဖီလာဆန့်ကျင်ပြီး မောင်နှမသားချင်း၊ မိသားစုဝင်ချင်းအတူ ကြည့်ရှုရန်ပင် မသင့်လျော်သော၊ ဟီရိဩတ္တပ္ပ တရားကင်းမဲ့သော တေးသီချင်းဗီဒီယိုများကို လူမှုကွန်ရက်စာမျက်နှာများတွင် ရိုက်ကူးထုတ်လွှင့်နေကြသည်ကို တွေ့ရှိရကြောင်းဖော်ပြထားသည်။

▪️ ထို့ပြင် သက်ဆိုင်ရာအလိုက် ဖွဲ့စည်းထားသော အစည်းအရုံးများအနေဖြင့်လည်းလိုအပ်သလို ထိန်းကျောင်းတည့်မတ်ပေးနိုင်ရန်နှင့် လူမှုကွန်ရက်စာမျက်နှာများအပါအဝင် မြန်မာ့ယဉ်ကျေးမှုကို ဆန့်ကျင်သော၊ ညစ်ညမ်းသော အပြောအဆို၊ အပြုအမူများပါဝင်သည့် ရိုက်ကူးထုတ်လွှင့်ဖော်ပြမှုများနှင့်ပတ်သက်၍ ထုတ်လုပ်သူ၊ စီစဉ်ရိုက်ကူးသူ၊ သရုပ်ဆောင်သူများအား တည်ဆဲဥပဒေများနှင့်အညီ အရေးယူဆောင်ရွက်သွားမည်ဖြစ်ကြောင်း သိရသည်။

#YMG/NN #Yangon-Times

#Local_News
Published 28 April 2024

▪️ ယာယီဆိပ်ကမ်းအဖြစ် သတ်မှတ်လိုက်သည့် ရွှေမဲဆိပ်ကမ်းနှင့် မုတ္တမဆိပ်ကမ်းများမှ အိမ်နီးချင်းနိုင်ငံများနှင့်ကုန်သွယ်နိုင်ပြီဖြစ်ကြောင်းအကောက်ခွန်ဦးစီးဌာနမှ သိရသည်။

▪️ ရန်ကုန်တိုင်းဒေသကြီး ရွှေပြည်သာမြို့နယ်၌ တည်ဆောက်ထားသော ရွှေမဲဆိပ်ကမ်းနှင့် မုတ္တမဆိပ်ကမ်းတို့ကိုအိမ်နီးချင်းနိုင်ငံများနှင့်ကုန်သွယ်ရန် ယာယီဆိပ်ကမ်းအဖြစ်သတ်မှတ် လိုက်ပြီဖြစ်သည်။

▪️ ယင်းဆိပ်ကမ်းများအား အိမ်နီးချင်းနိုင်ငံများသို့ ကုန်တင်ပို့နိုင်သည့် အပြည်ပြည်ဆိုင်ရာကုန်တင်ကုန်ချ ယာယီဆိပ်ကမ်းအဖြစ် အကောက်ခွန်ဦးစီး ဌာနမှ ၂၀၂၄ ခုနှစ် ဧပြီ (၂၄) ရက်မှစ၍ စတင်ခွင့်ပြုခဲ့ပြီးဖြစ်ကြောင်း၊၎င်း ဆိပ်ကမ်းများမှ အိမ်နီးချင်းနိုင်ငံများသို့ border trade ပို့ကုန်လုပ်ငန်းများ ဆောင်ရွက်နိုင်ရေးအတွက် အကောက်ခွန်ဦးစီးဌာနအပါအဝင် ဌာနဆိုင်ရာ ပူးပေါင်းအဖွဲ့ (OSS) များက ဧပြီ (၂၄) ရက်မှစ၍ တာဝန်ချထားစစ်ဆေးဆောင်ရွက်ပေးလျက်ရှိရာ  လုပ်ငန်းရှင်များအနေဖြင့်  အိမ်နီးချင်းနိုင်ငံများနှင့် ပို့ကုန်လုပ်ငန်းများဆောင်ရွက်နိုင်ပြီဖြစ်ကြောင်း သိရသည်။

▪️ လက်ရှိအချိန်ထိ  နယ်စပ်ဒေသ အခြေအနေများကြောင့် အိမ်နီးချင်းနိုင်ငံများနှင့် အဓိကကုန်သွယ်မှု ဆောင်ရွက်နေသည့်  မူဆယ်ကုန်သွယ်ရေးစခန်း၊  မြဝတီကုန်သွယ်ရေးစခန်း ဘင်္ဂလားဒေ့ရှ်နယ်စပ်ကုန်သွယ်ရေးစခန်းများလည်း ကုန်သွယ်မှုလုပ်ငန်းများ ပုံမှန်မဆောင်ရွက်နိုင်သည့်အပြင် ယာယီရပ်ဆိုင်းထားရမှုများလည်း ဖြစ်ပေါ်လျှက်ရှိရာ ယခုကဲ့သို့ ယာယီဆိပ်ကမ်းများမှတဆင့်တင်ပို့နိုင်ရန် ထပ်မံခွင့်ပြုလိုက်သည့်အတွက် အဆင်ပြေကြောင်းပို့ကုန်လုပ်ငန်းရှင်များက ပြောသည်။

#YMG/ NN #Yangon-Times