#Local_News
Published_ 27 April 2024

▪️ နေပြည်တော်တွင် မေလ ၁ ရက်နေ့တွင် ကျင်းပမည့် MSMEs ထုတ်ကုန်ပြပွဲ၌ ပြခန်းစုစုပေါင်း (၅၄)ခန်း ပါဝင်ပြသသွားမည်ဖြစ်ကြောင်း သိရသည်။

▪️ အလုပ်သမားနေ့ကို ဂုဏ်ပြုသည့်အနေဖြင့် အသေးစား၊ အငယ်စားနှင့် အလတ်စား စီးပွားရေးလုပ်ငန်းများ (MSMEs) ထုတ်ကုန်များ ပြပွဲကိုနေပြည်တော် ကောင်စီနယ်မြေ ဒက္ခိဏသီရိမြို့နယ် ဒက္ခိဏသီရိဈေးအတွင်း မေလ (၁) ရက်မှ မေလ (၅) ရက်အထိ ငါးရက်တိုင်တိုင် ကျင်းပမည်ဖြစ်ကြောင်း သိရသည်။

▪️ အဆိုပါ ပြပွဲတွင် နေပြည်တော် ကောင်စီနယ်မြေ (၈) မြို့နယ်မှ ပြည်တွင်း MSMEs ထုတ်ကုန်များ၊ စက်မှုထုတ်ကုန်များ၊ ဒေသထွက်ကုန်များနှင့် ဌာနဆိုင်ရာပြခန်းစုစုပေါင်း (၅၄)ခန်း ပါဝင်ပြသမည်ဖြစ်ကြောင်း သိရသည်။

#YMG/ NN #Yangon_Times

#Lcoal_News
Published 27 April 2024

▪️ ပဲခူးတိုင်းဒေသကြီး၊ ညောင်လေးပင်မြို့နယ်၊ ပြွန်တန်ဆာမြို့၊ ဘိုင်းဒါးကျေးရွာအနီး၊ ရန်ကုန်-မန္တလေးလမ်းမကြီး၊ မိုင်တိုင်အမှတ်(၈၈/၀)နှင့် (၈၈/၁)ကြားတွင် Canter (၆)ဘီးယာဉ်၊ Light truck ယာဉ် နှင့် ၂၂ဘီးယာဉ်တို့ သုံးစီးဆင့်တိုက်မှုကြောင့် ၃ဦး​ေ-သဆုံးကာ ၁၀ဦး ထိခိုက်ဒဏ်ရာရရှိခဲ့ကြောင်း မီးသတ်တပ်ဖွဲ့၏ သတင်းထုတ်ပြန်ချက်အရ သိရသည်။

▪️ ဧပြီ ၂၆ရက် မွန်းတည့် ၁၂နာရီ ၅၀မိနစ်က Canter (၆)ဘီးယာဉ်နှင့် Light truck ယာဉ်တို့ မျက်နှာချင်းဆိုင်တိုက်မိမှုဖြစ်ပွားပြီး Light truck ယာဉ်နောက်မှ ကပ်ပါလာသော Hino(၂၂)ဘီး ဘိလပ်မြေသယ်ယာဉ်သည်ရှေ့မှ Light truck ယာဉ်အား တိုက်မိကာ ဆက်လက်ပြီး လမ်းဘေးနေအိမ်သို့ ဝင်တိုက်မှုဖြစ်ပွားခဲ့ကြောင်း သိရသည်။

▪️ ယာဥ်တိုက်မှုကြောင့် Canter (၆)ဘီးယာဉ်ယာဉ်ပေါ်ပါ အမျိုးသား(၆)ဦး ထိခိုက်ဒဏ်ရာရရှိခဲ့ပြီးအမျိုးသား(၂)ဦး(သေဆုံး)နှင့် အမျိုးသမီး(၁)ဦး(သေဆုံး)ကာ Light Truckယာဉ်ပေါ်ပါ အမျိုးသား(၂)ဦး ထိခိုက်ဒဏ်ရာရ၊ Hino(၂၂) ဘီး ဘိလပ်မြေသယ်ယာဉ်ပေါ်ပါ အမျိုးသား(၁)ဦးနှင့် အမျိုးသမီး (၁)ဦးတို့ ထိခိုက်ဒဏ်ရာရရှိခဲ့ကြောင်း သိရသည်။

▪️ ယာဉ်တိုက်မှုဖြစ်ရာနေရာသို့ ညောင်လေးပင်မြို့နယ်မီးသတ်စခန်းမှ ရှာဖွေကယ်ဆယ်ရေးယာဉ်(၁)စီး၊ ဒိုက်ဦးမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ ပြွန်တန်ဆာနယ်မြေမီးသတ်စခန်းမှ မီးငြှိမ်းသတ်ယာဉ်(၁)စီး သန္ဓေမီးသတ်တပ်ဖွဲ့ဝင်များ၊ သက်ဆိုင်ရာအဖွဲ့အစည်းများနှင့် ပူပေါင်း၍ ရှာဖွေကယ်ဆယ်ရေးလုပ်ငန်းများ သွားရောက်ဆောင်ရွက်ခဲ့ကြောင်း သိရသည်။

▪️ အဆိုပါယာဉ်တိုက်မှုကြောင့် ​ေ-သဆုံးသူများနှင့် ထိခိုက်ဒဏ်ရာရရှိသူများကို ရွှေဇာမြေလူမှုကူညီရေးအသင်း၊ ရွှေရဲနွယ်လူမှုကူညီရေးအသင်းယာဉ်များဖြင့် ပြွန်တန်ဆာဆေးရုံကို ပို့ဆောင်ပေးခဲ့ကြောင်း သိရသည်။

#YMG/LW #Yangon_Times

#World_News
Published 27 April 2024

▪️ ယခုနောက်ဆုံး အပစ်အခတ်ရပ်စဲရေး အဆိုပြုချက်အပေါ် အစ္စရေးလ်ဘက်မှ တရားဝင်တုန့်ပြန်ချက်ကို ဟားမတ်စ်တို့က စနေနေ့မှာ လက်ခံရရှိခဲ့ပြီး ယင်းတို့ဘက်မှ ပြန်လည်ဖြေကြားခြင်း မပြုခင် လေ့လာသုံးသပ်သွားမယ်လို့ ဟားမတ်စ်အဖွဲ့ရဲ့ ဂါဇာလက်ထောက် အကြီးအကဲက ထုတ်ပြန်လိုက်ပါတယ်။

▪️ ဧပြီ ၁၃ ရက်နေ့က ကြားဝင်စေ့စပ်သူများဖြစ်တဲ့ အီဂျစ်နဲ့ ကာတာတို့ထံ တင်ပြခဲ့တဲ့ အဆိုပြုချက်အပေါ် အစ္စရေးလ်တို့ရဲ့ တရားဝင်တုန့်ပြန်မှုကို ဟားမတ်စ်တို့ ယနေ့ လက်ခံရရှိခဲ့တယ်လို့ လက်ရှိကာတာမှာ ရှိနေတဲ့ ခါလီအယ်လ်ဟိုင်ယာက ထုတ်ပြန်ပြောကြားလိုက်ပါတယ်။

▪️ ဂါဇာမှာ စစ်ပွဲဖြစ်ပွားနေတာ ၆ လခန့် ကြာမြင့်နေပြီဖြစ်ရာ ညှိနှိုင်းလို့မရသေးဘဲ ဟားမတ်စ်ဘက်က စစ်ပွဲအဆုံးသတ်ရမယ်ဆိုတာမျိုးကိုပဲ အလိုရှိနေပါတယ်။

▪️ အီဂျစ်မှ ကိုယ်စားလှယ်အဖွဲ့တစ်ဖွဲ့က အစ္စရေးလ်မှ တာဝန်ရှိသူများနဲ့ ဆွေးနွေးရန် သောကြာနေ့က အစ္စရေးလ်သို့ သွားရောက်ခဲ့ပြီး စစ်ပွဲအဆုံးသတ်ရေး၊ ဟားမတ်စ်တို့ ဖမ်းဆီးထားတဲ့ လက်ကျန်ဓားစာခံများ လွှတ်ပေးရေးတို့အတွက် ညှိနှိုင်းမှုများ ပြန်လည်စတင်ရန် နည်းလမ်းရှာနေပါတယ်။

▪️ အစ္စရေးလ်ဘက်က အဆိုပြုချက်အသစ် တင်ပြတာမျိုးမရှိပေမယ့် ဓားစာခံ ၃၃ ဦး လွှတ်ပေးရေး သဘောတူညီချက်မျိုးကိုတော့ စဥ်းစားလိုတယ်လို့ အမည်မဖော်လိုသူ အရာရှိတစ်ဦးက ဆိုပါတယ်။

▪️ အမေရိကန်နဲ့ အခြား ၁၇ နိုင်ငံက ပဋိပက္ခအဆုံးသတ်ရေးအတွက် ဓားစာခံအားလုံးကို ပြန်လွှတ်ပေးရန် ဟားမတ်စ်တို့ကို ကြာသပတေးနေ့က မေတ္တာရပ်ခံထားပါတယ်။

▪️ ဟားမတ်စ်တို့က နိုင်ငံတကာဖိအားတွေအောက် အလျှော့မပေးဖို့ စိတ်ဆုံးဖြတ်ထားပေမယ့် ပြည်သူတွေရဲ့ လိုအပ်ချက်၊ အခွင့်အရေးများကို ထည့်တွက်ထားတဲ့ အဆိုပြုချက်မျိုးဆိုရင်တော့ စဥ်းစားသွားမယ်လို့ သောကြာနေ့က ထုတ်ပြန်လိုက်ပါတယ်။

▪️ အစ္စရေးလ်ဘက်က ငြင်းပယ်ထားတဲ့ အချက်တွေကိုပဲ ဟားမတ်စ်တို့က ဆက်လက်အလိုရှိနေပြီး အပြီးသတ် အပစ်အခတ် ရပ်စဲရေးနဲ့ ဂါဇာမှ အစ္စရေးလ်တပ်များ ဆုတ်ခွာရန် တောင်းဆိုမှုကို မပြုလုပ်ခဲ့တဲ့ အမေရိကန်နဲ့ အခြားနိုင်ငံများကို ဝေဖန်လိုက်ပါတယ်။

▪️ အိမ်ဖြူတော် နိုင်ငံတော်လုံခြုံရေး အကြံပေး ဂျိတ်ခ်ဆာလီဗန်က စစ်ပွဲအဆုံးသတ်ရေးနဲ့ လက်ကျန်ဓားစာခံများ လွှတ်ပေးရေး ဆွေးနွေးရာမှာ အရှိန်ရနေတာကို မြင်တွေ့နေရတယ်လို့ သောကြာနေ့က ပြောပါတယ်။

#Source: Reuters

#Local_News
Published_ 27 April 2024

▪️ တရုတ်ပြည်သူ့သမ္မတနိုင်ငံကြက်ခြေနီအသင်းမှ နည်းပညာနှင့် ရန်ပုံငွေအကူအညီဖြင့် ဆောင်ရွက်သွားမည့် အစီအစဉ်များကိုမြန်မာနိုင်ငံကြက်ခြေနီ အသင်းနှင့်တွေ့ဆုံဆွေးနွေးခဲ့ကြောင်း သိရသည်။

▪️ ဧပြီလ (၂၃) ရက်နေ့ကတရုတ်ပြည်သူ့သမ္မတနိုင်ငံကြက်ခြေနီအသင်းမှ ဒုတိယဥက္ကဌ Mr. ZHANG Xiaobin နှင့် အဖွဲ့ဝင်များနှင့်မြန်မာနိုင်ငံကြက်ခြေနီအသင်း အသင်းဥက္ကဌ ပါမောက္ခဒေါက်တာမျိုးညွန့်တို့တွေ့ဆုံစဉ် ဆွေးနွေးခဲ့ခြင်းဖြစ်သည်။

▪️ ထိုသို့တွေ့ဆုံရာတွင် မြန်မာနိုင်ငံကြက်ခြေနီအသင်းမှ နိုင်ငံတစ်ဝန်း ဆောင်ရွက်လျှက်ရှိသော လူမှုကရုဏာလုပ်ငန်းများနှင့် ရှေ့လုပ်ငန်းစဉ်များကို ရှင်းလင်းတင်ပြခဲ့ပြီး နှစ်နိုင်ငံကြက်ခြေနီအသင်းများ ပူးပေါင်းဆောင်ရွက်မည့် “ကျောင်းအခြေပြု ရှေးဦးပြုစုခြင်းဆိုင်ရာ စွမ်းဆောင်ရည်များ တိုးမြှင့်ခြင်း” အစီအစဉ်အတွက် လုပ်ငန်းစီမံချက်များ၊ ၂၀၂၄-၂၀၂၅ ခုနှစ်အတွင်း ရှေးဦးပြုစုခြင်းသင်တန်းများဖွင့်လှစ်ရာတွင် တရုတ်ပြည်သူ့သမ္မတနိုင်ငံကြက်ခြေနီအသင်းမှ နည်းပညာနှင့် ရန်ပုံငွေအကူအညီဖြင့် ဆောင်ရွက်သွားမည့် အစီအစဉ်များကို ဆွေးနွေးခဲ့သည်။

▪️ အဆိုပါ တွေ့ဆုံပွဲသို့ အသင်းဥက္ကဌနှင့်အတူ ဒုတိယဥက္ကဌဒေါက်တာဒေါ်တင်တင်လေး၊ အချိန်ပြည့်/ အချိန်ပိုင်းအလုပ်အမှုဆောင်များ၊ ဒုတိယအထွေထွေအတွင်းရေးမှူးနှင့် တာဝန်ရှိသူများ တက်ရောက်ခဲ့ပြီး တရုတ်ပြည်သူ့သမ္မတနိုင်ငံကြက်ခြေနီအသင်း ဒုတိယဥက္ကဌနှင့်အတူ Deputy Supervisor of the RCSC Ms. SONG Yi နှင့် အဖွဲ့ဝင် Mr. HAI Liman၊ Mr. YIN Zheng နှင့် Ms. CHENG Xiaoqing တို့လည်း တက်ရောက်ခဲ့သည်။

▪️ ထို့နောက် တရုတ်ပြည်သူ့သမ္မတနိုင်ငံကြက်ခြေနီအသင်းမှ ဒုတိယဥက္ကဌနှင့်အဖွဲ့သည်  အသင်းရန်ကုန်ရုံးခွဲအတွင်း ကြည့်ရှုလေ့လာခဲ့ပြီး Central Hotel တွင် ဖွင့်လှစ်လျှက်ရှိသော “မူကြိုကျောင်းများမှ ဆရာ၊ ဆရာမများအတွက်စွမ်းဆောင်ရည်မြှင့်တင်ခြင်းသင်တန်း” သို့သွားရောက် ကြည့်ရှုလေ့လာခဲ့ပြီး

▪️ တရုတ်ပြည်သူ့သမ္မတနိုင်ငံကြက်ခြေနီအသင်းမှ ဒုတိယဥက္ကဌနှင့်အဖွဲသည် ဧပြီလ (၂၄) ရက်နေ့တွင် ဒဂုံမြို့သစ်(မြောက်ပိုင်း)မြို့နယ်ရှိ ကြက်ခြေနီ အသင်းခွဲသို့ရောက်ရှိပြီး ရန်ကုန်တိုင်းဒေသကြီး ကြက်ခြေနီကြီးကြပ်မှုကော်မတီ ဥက္ကဌ ဒေါက်တာဇော်ဌေးနှင့် ကော်မတီဝင်များ၊ မြို့နယ်ကြက်ခြေနီ အသင်းခွဲဥက္ကဌနှင့် ကြက်ခြေနီစေတနာလုပ်အားရှင်များအား တွေ့ဆုံခဲ့သည်။ 

▪️ ထို့နောက် ဒဂုံမြိုသစ်(မြောက်ပိုင်း) မြို့နယ် အမှတ် (၂) အခြေခံပညာအထက်တန်းကျောင်းတွင် ဖွင့်လှစ်လျက်ရှိသော ရှေးဦးပြုစုခြင်း (အခြေခံ) သင်တန်းကို ကြည့်ရှုလေ့လာခဲ့ကြောင်း သိရသည်။

▪️ ဆက်လက်၍ နေ့လည်ပိုင်းတွင် နိုင်ငံအတွင်း ပူးပေါင်းဆောင်ရွက်လျှက်ရှိသော မိတ်ဖက်ကြက်ခြေနီအသင်းများမှ တာဝန်ရှိသူများနှင့် အသင်းရန်ကုန်ရုံးခွဲ အစည်းအဝေးခန်းမ၌ တွေ့ဆုံခဲ့သည်။

▪️ ဧပြီလ (၂၅) ရက်နေ့တွင် တရုတ်ပြည်သူ့သမ္မတနိုင်ငံကြက်ခြေနီအသင်း ဒုတိယဥက္ကဌနှင့်အဖွဲ့သည် ဒဂုံဆိပ်ကမ်းမြို့နယ်ကြက်ခြေနီအသင်းခွဲမှ မြို့နယ်ကြက်ခြေနီအသင်းခွဲရုံးတွင် ကူညီဆောင်ရွက်လျှက်ရှိသော ကြက်ခြေနီအခမဲ့ဆေးခန်းတွင် ကျန်းမာရေးစောင့်ရှောက်ပေးမှုများကို ကြည့်ရှုလေ့လာခဲ့ကြောင်း သိရသည်။

#tthl #Yangon_Times

#Local_News
Published_27 April 2024

▪️ ၂၀၂၃-၂၀၂၄ ပညာသင်နှစ်တွင် တိုင်းဒေသကြီး၊ ပြည်နယ်အသီးသီးမှ နဝမတန်း လူရည်ချွန် ၁၄၀ ဦး၊ ဒသမတန်းလူရည်ချွန် ၁၄၀ ဦး၊ ဧကာဒသမတန်းလူရည်ချွန် ၁၃၇ ဦးအပြင် ဒွါဒသမတန်း ၁၃၇ ဦး၊ စုစုပေါင်း ၅၅၄ ဦး ရွေးချယ်မွေးထုတ်ပေးနိုင်ခဲ့ကြောင်း နစက ဥက္ကဌက ပြောသည်။

▪️ ဧပြီလ ၂၆ ရက်ကနေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်းဗဟို ဌာန-၂ (MICC-II)၌ နိုင်ငံတော် စီမံ အုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်က၂၀၂၄ ပညာသင်နှစ် လူရည်ချွန်မောင်မယ်များအား တွေ့ဆုံစဉ် အထက်ပါအတိုင်းပြောကြားခြင်း ဖြစ်သည်။

▪️ ယခုပညာသင်နှစ်တွင် KG+12 ပညာရေးစနစ်အရ အခြေခံပညာ၏ နောက်ဆုံးအတန်းဖြစ်သည့် ဒွါဒသမတန်းကို ဖွင့်လှစ်ခဲ့သည့်အတွက် လူရည်ချွန်ရွေးချယ်သည့်အခါ ဒွါဒသမတန်းကိုပါ ရွေးချယ်နိုင်ခဲ့ခြင်းဖြစ်ကြောင်း ၎င်းက ပြောသည်။

▪️ လူရည်ချွန် ကျောင်းသားကျောင်းသူများကို ရွေးချယ်သည့်အခါ စာပေဘာသာရပ်များကိုသာ စစ်ဆေးအကဲဖြတ်ရုံတစ်ခုတည်းမဟုတ်ဘဲ ရုပ်ပိုင်းဆိုင်ရာကျန်းမာကြံ့ခိုင်မှု၊ စိတ်ဓာတ်၊ စည်းကမ်း၊ ပညာ၊ စာရိတ္တ ပိုင်းဆိုင်ရာကောင်းမွန်မှုကိုပါ စနစ်တကျ စိစစ်ရွေးချယ်ခဲ့ကြခြင်းဖြစ်ကြောင်းလည်း သိရသည်။

▪️ ယခုနှစ် လူရည်ချွန်မောင်မယ်များကို ယခင်နှစ်များအတိုင်း နဝမတန်း လူရည်ချွန်များအား ရှေးဟောင်းအမွေအနှစ်ဒေသ ပုဂံမြို့၊ ဒသမတန်း လူရည်ချွန်များကို ရှမ်းပြည်နယ်တောင်ပေါ်ဒေသ တောင်ကြီးမြို့၊ ဧကာဒသမတန်းလူရည်ချွန်များအား ဧရာဝတီတိုင်းဒေသကြီး၊ ပင်လယ်ကမ်းခြေငွေဆောင်မြို့သို့ စေလွှတ်သကဲ့သို့ ဒွါဒသမတန်း လူရည်ချွန်များကိုလည်း ပင်လယ်ကမ်းခြေ ချောင်းသာလူရည်ချွန်စခန်း အသီးသီးကို လေ့လာရေးခရီးစဉ်စေလွှတ်သွားမည်ဖြစ်ကြောင်း ယင်းကပြောသည်။

▪️ ယင်းသို့စေလွှတ်ရန် စီစဉ်ရခြင်းမှာ လူရည်ချွန်မောင်မယ်များအချင်းချင်း ချစ်ခင်ရင်းနှီး မှုရရှိခြင်း၊ အသိပညာဗဟုသုတများ ဖလှယ်နိုင်ခြင်းအပြင် လူရည်ချွန်စခန်းအခြေစိုက်ရာဒေသများ၏ ဒေသန္တရဗဟုသုတများရရှိခြင်း၊ ရိုးရာယဉ်ကျေးမှုဓလေ့များ သိရှိနားလည်ပြီး မိမိနိုင်ငံနှင့်လူမျိုးအားချစ်မြတ်နိုးစိတ်၊ တန်ဖိုးထားထိန်းသိမ်းလိုစိတ်များ ကိန်းအောင်းရှင်သန်လာစေရန်ဖြစ်ကြောင်း သိရသည်။

#Yangon_Times/PP

#World_Health
Published 27 April 2024

▪️ ဥရောပမှာ အပူဒဏ်ပိုမိုပြင်းထန်လာပြီး လူ့ခန္ဓာကိုယ်က လိုက်ပြီး မထိန်းချုပ်နိုင်လောက်အောင် ဖြစ်နေတယ်လို့ မကြာသေးမီက ဖော်ပြလာကြကာ ပြီးခဲ့တဲ့ နှစ် ၂၀ အတွင်း အပူဒဏ်ကြောင့် သေဆုံးမှုနှုန်း ၃၀ ရာခိုင်နှုန်း မြင့်တက်ခဲ့တယ်လို့ သိရပါတယ်။

▪️ အပူလွန်ကဲခြင်းကြောင့် အပြင်မှာ အလုပ်လုပ်နေတဲ့ အလုပ်သမားများ၊ သက်ကြီးရွယ်အိုများ၊ နှလုံးသွေးကြောရောဂါ ဆီးချိုရောဂါရှိသူများမှာ ကျန်းမာရေးအန္တရာယ် ရှိနိုင်တယ်လို့ အီးယူ ရာသီဥတု စောင့်ကြည့်ရေးဌာနဲ့ ကမ္ဘာ့မိုးလေဝသ အဖွဲ့အစည်းတို့က ဧပြီ ၂၂ ရက်နေ့မှာ သတိပေးလိုက်ပါတယ်။

▪️ အပူလှိုင်းများကြောင့် ဥရောပတောင်ပိုင်းရဲ့ ၄၁ ရာခိုင်နှုန်းလောက်ဟာ အပူဒဏ်အပြင်းထန်ဆုံး ခံစားနေရပြီး ဥရောပမှာ ဒီလိုမျိုးခံစားနေရတဲ့ အကြီးမားဆုံး နေရာဒေသဖြစ်နေတယ်လို့ AFP သတင်းဌာနက ဖော်ပြထားပါတယ်။

မှတ်တမ်းများအရ ယမန်နှစ်ဟာ တစ်ကမ္ဘာလုံးမှာ အပူဆုံးနှစ်ဖြစ်ခဲ့ပြီး ဥရောပက အလျင်မြန်ဆုံးပူနွေးလာတဲ့ တိုက်ကြီးဖြစ်နေပါတယ်။

▪️ ၂၀၂၃ ဇူလိုင်လက အီတလီမှာ အပူဒဏ်ကြောင့် သေဆုံးမှု ၇ ရာခိုင်နှုန်း များလာပြီး သေဆုံးသူတွေထဲမှာ လိုဒီမြို့ လမ်းအမှတ်အသား ဆေးသုတ်သူတစ်ဦးက လဲကျသေဆုံးခဲ့ပါတယ်။

▪️ ၄၆ ဒီဂရီဆဲလ်စီးယပ်စ်လို အပူချိန်မျိုးဟာ အပူရှပ်ခြင်းနဲ့ အခြားပြဿနာတွေ ဖြစ်တတ်တဲ့အတွက် သတိထားရမယ့် အနေအထားဖြစ်ကြောင်း ဖော်ပြထားပါတယ်။

▪️ အပူလွန်ကဲခြင်း ဖြစ်ရတာဟာ ကာဗွန်ဒိုင်အောက်ဆိုဒ် ဓာတ်ငွေ့ ထုတ်လွှတ်ခြင်း၊ အယ်လ်နီညို ရာသီဥတုဖြစ်စဥ်တို့နဲ့ ပတ်သက်နေပါတယ်။

▪️ ပြီးခဲ့တဲ့လက ဥရောပသမဂ္ဂ ပတ်ဝန်းကျင် ထိန်းသိမ်းရေးအဖွဲ့က ရာသီဥတု ပြောင်းလဲမှုအတွက် ကျန်းမာရေးစောင့်ရှောက်မှု စနစ်များ ပြင်ဆင်ထားရန် အစိုးရတွေကို တိုက်တွန်းလိုက်ပြီး အပြင်မှာအလုပ်လုပ်ရတဲ့ အလုပ်သမားများ အပူဒဏ်လွန်ကဲခြင်း မဖြစ်ရအောင် ကာကွယ်ရေးအတွက် အီးယူစည်းမျဥ်းများ ထုတ်ပြန်ပေးဖို့ တောင်းဆိုလိုက်ပါတယ်။

#Source: WION

#World_Science
Published 27 April 2024

▪️ လူတွေဟာ ကိုယ်တိုင်သတိမထားမိဘဲ မျက်တောင်ခတ်နေကြပြီး အများစုက တစ်မိနစ်ကို ၁၄ - ၁၇ ကြိမ်လောက် ခတ်တတ်ကာ ညဘက်ကို အိပ်ချိန် ၈ နာရီရှိသူတွေက တစ်နေ့ကို အကြိမ် ၁၃၄၄၀ မှ ၁၆၃၂၀ အထိ မျက်တောင်ခတ်ကြပါတယ်။

▪️ မျက်တောင်ခတ်တယ်ဆိုတာ မျက်စိကို စိုစွတ်စေပြီး ဖုန်တွေအမှုန့်တွေထံမှ ကာကွယ်ပေးပါတယ်။

▪️ ရိုချက်စတာ တက္ကသိုလ်မှ သုတေသီတွေကတော့ မျက်တောင်ခတ်ခြင်းဟာ အမြင်ပိုင်းပုံဖော်ရာမှာ ပါဝင်နေတယ်လို့ တွေ့ရှိခဲ့ပါတယ်။

▪️ မျက်တောင်ခတ်ခြင်းက ပြင်ပမှပုံရိပ်ကို မျက်ကြည်လွှာပေါ် မရောက်အောင် ပြုလုပ်ပြီး အမြင်အာရုံကို ပြန်လည်ပုံဖော်ပေးတာ ဖြစ်ပါတယ်။

▪️ မျက်လုံးနဲ့မြင်ရတာကို မျက်တောင်ခတ်ခြင်းက သက်ရောက်ပုံကို မျက်ခွံများ ပိတ်ထားချိန်နဲ့ နှိုင်းယှဥ်ပြီး မြင်ကွင်းလှုံ့ဆော်ပုံကို သုတေသီများ ဆန်းစစ်ခဲ့ကြပါတယ်။

▪️ မျက်တောင်ခတ်လိုက်တဲ့အခါ ပိုမိုသိသာစွာ မြင်လာရကာ မြင်ကွင်းတစ်ခုလုံးနဲ့ ပတ်သက်ပြီး ဦးနှောက်သို့ အချက်အလက်များ ပေးပို့ပေးပါတယ်။

▪️ မျက်တောင်ခတ်လိုက်တဲ့အခါ မျက်တောင်က ဖျတ်ခနဲ ရွေ့လျားသွားပြီး အလင်းဝင်ရောက်ပုံက မျက်ကြည်လွှာကို လှုံ့ဆော်ပေးတယ်လို့ တွေ့ရှိခဲ့ပါတယ်။

▪️ ဒါဟာ မျက်လုံးဖွင့်ထားပြီး တစ်ခုတည်းကို အာရုံစိုက်ထားတာထက်စာရင် ဦးနှောက်မှာ အမြင်အာရုံအချက်ပြမှု ကွဲပြားသွားပါတယ်။

▪️ ဒါကြောင့် မျက်တောင်ခတ်တာဟာ အမြင်အာရုံကို အနှောင့်အယှက် ဖြစ်စေတာမဟုတ်ဘဲ ပိုပြီးတော့တောင် အမြင်ကောင်းစေတယ်လို့ ဘွဲ့ရကျောင်းသား ပင်ယန်က ဆိုလိုက်ပါတယ်။

▪️ မျက်တောင်ခတ်ခြင်းက မျက်ကြည်လွှာအပေါ် မြင်ကွင်းပုံရိပ် ကျရောက်ခြင်းကို ချိန်ညှိပေးပြီး ဦးနှောက်ထဲမှာ အချက်အလက်များကို ပြန်လည်ပုံဖော်ပေးပါတယ်။

# Source: The Jerusalem Post

ကမ္ဘာ့စီစဉ်ထားသိုမှုနှင့် ဖွံ့ဖြိုးဆဲနိုင်ငံများ၏ အခန်းကဏ္ဍအကြောင်း ကျွမ်းကျင်သူများဆွေးနွေး

ကမ္ဘာတဝှမ်းမှ ကျွမ်းကျင်ပညာရှင်များဟာ အင်္ဂါနေ့က ပေကျင်းမှာ စုဝေးခဲ့ကြပြီး ကမ္ဘာ့စီစဉ်ထားသိုမှု ပုံဖော်ရာမှာ နိုင်ငံတကာဥပဒေများနဲ့ ဖွံ့ဖြိုးဆဲနိုင်ငံများရဲ့ အခန်းကဏ္ဍများအကြောင်း ဆွေးနွေးခဲ့ကြပါတယ်။
#World_News
Published_ 26 April 2024
#ကမ္ဘာ့စီစဉ်ထားသိုမှု #ဖွံ့ဖြိုးဆဲနိုင်ငံများ
#Yangon_Times #YMG_News #Yangon_Media_Group

#Daily_News
Published_ 26 April 2024

၁။ ၂၀၂၅အတွက် ဂျပန်အစိုးရမှပေးမည့် ပညာသင်ဆုများ မြန်မာလူငယ်များလျှောက်ထားနိုင်

၂။ ၂၀၂၃-၂၀၂၄ ကြံကြိတ်ခွဲရာသီ ၉၀ရာခိုင်နှုန်းခန့်ပြီးစီး

၃။ ပြည်ပတင်ပို့မှုနှင့် ကုန်အဝင်နည်းလာခြင်းကြောင့် ဂျင်းတစ်ပိဿာကျပ်တစ်သောင်းဝန်းကျင်သို့ ဈေးမြင့်တက်လာ

၄။ ကမ္ဘာ့စီစဉ်ထားသိုမှုနှင့် ဖွံ့ဖြိုးဆဲနိုင်ငံများ၏ အခန်းကဏ္ဍအကြောင်း ကျွမ်းကျင်သူများဆွေးနွေး ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

၂၆ ဧပြီ ၂၀၂၄

ကရင်ပြည်နယ်နှင့်မွန်ပြည်နယ်တို့တွင် တပ်မတော်က တိုက်ခိုက်ချေမှုန်းရေး၊ မိုင်းရှင်းလင်းရေးနှင့် ပြန်လည်ထူထောင်ရေး လုပ်ဆောင်နေကြောင်း ဓမ္မသတ်ကျေးရွာကိုဧပြီလ ၂၂ ရက်တွင်လည်းကောင်း၊ ကော့ဘိန်း ကျေးရွာကို ဧပြီလ ၂၅ ရက်တွင်လည်းကောင်းပြန်လည်ထိန်းချုပ်နိုင်ခဲ့ကြောင်း နစကရဲ့သတင်းထုတ်ပြန်ချက်အရသိရပါတယ်။

ကရင်ပြည်နယ်နှင့် မွန်ပြည်နယ် တို့တွင် တပ်မတော်က တိုက်ခိုက်ချေမှုန်းရေး၊ မိုင်းရှင်းလင်းရေးနှင့် ပြန်လည်ထူထောင်ရေး လုပ်ဆောင်နေတယ်လို့လည်း အဆိုပါသတင်းထုတ်ပြန်ချက်မှာဖော်ပြထားပါတယ်။

ပြီးခဲ့သည့် မတ်လ ၂၄ ရက်မှစ၍ ကရင်ပြည်နယ်၊ ကော့ကရိတ်မြို့နယ်၊ ကော့ဘိန်းကျေးရွာ၊ မွန်ပြည်နယ်၊ ကျိုက်မ ရောမြို့နယ်၊ ဓမ္မသတ် ကျေးရွာနှင့် အနီးပတ်ဝန်းကျင်ကျေးရွာများတွင် အကြမ်းဖက်အ ဖျက် အမှောင့် လုပ်ရပ်များကို ကျူးလွန်လာခဲ့သည့် KNU အဖွဲ့မှ အကြမ်းဖက်မှုကိုလိုလားသူများ၊ NMSP AD (မွန်ခွဲ ထွက်အဖွဲ့)နှင့် PDF များကအင်အား အလွန်အကျွံ အသုံး ပြုလျက် ဌာနဆိုင်ရာ အဆောက်အဦများ၊ ရဲစခန်းများကို ဝင်ရောက်တိုက်ခိုက်ခဲ့ခြင်း ဖြစ်ကြောင်း လည်းသိရပါတယ်။

အဲဒါကြောင့် ကြောင့် နယ်မြေခံ လုံခြုံရေး တပ်ဖွဲ့များ၊ ရဲစခန်းများမှ အင်အားစုစည်း၍ ခုခံခဲ့သော်လည်း မတ်လ ၂၅ ရက်တွင် ကော့ဘိန်းကျေးရွာမှလည်းကောင်း၊ မတ်လ ၂၇ ရက်တွင် ဓမ္မသတ် ကျေးရွာမှ လည်းကောင်း၊ အသီးသီးခေတ္တခွာခဲ့ရပြီး တရနာကျေးရွာ၌ ပြန်လည်စုဖွဲ့ခဲ့ကြကြောင်း အဆိုပါ ထုတ်ပြန်ချက်တွင် ဖော်ပြထားပါတယ်၊

ထို့နောက် ဧပြီလ ၁၁ ရက်မှစတင်၍ တပ်မတော်စစ်ကြောင်း များက အကြမ်းဖက်ချေမှုန်းရေးစစ် ဆင်ရေး (Counter - Terrorism Operation) ကို စနစ်တကျဖြင့် အဆင့်ဆင့်ခြေကုတ်ယူ၍ ဆောင်ရွက်ခဲ့ရာ အကြမ်း ဖက် သမား များနှင့် စုစုပေါင်းထိတွေ့တိုက်ပွဲ ၇ ကြိမ်ဖြစ်ပွား ခဲ့ကြောင်း သတင်းအရသိရပါတယ်။

တိုက်ပွဲအတွက် တပ်မတော်၏ အရာရှိ၊ စစ်သည်အချို့ ထိခိုက် ဒဏ်ရာရရှိခဲ့ပြီး အကြမ်းဖက်သောင်းကျန်းသူ များ ထံမှ အလောင်းအချို့နှင့် လက်နက်၊ ခဲယမ်းများ နှင့် ဆက်စပ်ပစ္စည်းများ သိမ်းဆည်းရမိခဲ့ကြောင်းလည်း အဆိုပါသတင်းထုတ်ပြန်ချက်မှာဖော်ပြထားပါတယ်။

ယင်းနောက် ဓမ္မသတ်ကျေးရွာကိုဧပြီလ ၂၂ ရက်တွင်လည်းကောင်း၊ ကော့ဘိန်း ကျေးရွာကို ဧပြီလ ၂၅ ရက်တွင်လည်းကောင်းပြန်လည်ထိန်းချုပ်ထားနိုင်ခဲ့တာဖြစ်ပါတယ်။

လက်ရှိတွင် မွန်ပြည်နယ်အစိုးရအဖွဲ့၊ ကရင်ပြည်နယ်အစိုးရအဖွဲ့ တို့ကလည်း ကော့ဘိန်း ကျေးရွာ၊ ဓမ္မသတ် ကျေးရွာနှင့် အနီးပတ်ဝန်းကျင်ကျေးရွာများမှ နေရပ်စွန့်ခွာဒေသခံ ပြည်သူများ ပြန်လည်ဝင်ရောက်နေ ထိုင်နိုင် ရေး ပြန်လည်ထူထောင်ရေးလုပ်ငန်းများကို ဒေသခံပြည်သူများနှင့်အတူ အမြန်ဆုံး ဆက်လက်ဆောင် ရွက်ပေး နိုင်ရေး စီမံ ဆောင်ရွက်လျက်ရှိကြောင်း သိရပါတယ်။

Yangon_Times/PP

ရွှေသောင်ယံကမ်းခြေသို့ မဟာသင်္ကြန်ကာလအတွင်း ခရီးသွားဧည့်သည် ၁၁,၅၅၇ ဦးအထိ လာရောက်လည်ပတ်ခဲ့ကြတာဖြစ်ပြီး လက်ရှိမှာပြန်လည်နည်းသွားပေမယ့် လာမယ့် မေလ၁ရက်မှာကျရောက်မယ့် အလုပ်သမားနေ့ ရုံးပိတ်ရက်ကာလမှာလည်း ‌ ခရီးသွားဧည့်သည် ဝင်ရောက်မှုများပြားနိုင်တယ်လို့ ခရီးသွားဝန်ဆောင်မှုလုပ်ငန်းလုပ်ကိုင်သူတွေထံက သိရပါတယ်။
#Local_News
Published_ 26 April 2024
#ရွှေသောင်ယံကမ်းခြေ #ခရီးသွားဝန်ဆောင်မှုလုပ်ငန်း
#YMG/NN #Yangon-Times

Myanmar၊ Thailand၊ Malaysia၊Indonesia စတဲ့ပိုက်ကျော်ခြင်း ထိပ်တန်းနိုင်ငံ‌‌တွေရဲ့အကောင်းဆုံးလက်ရွေးစင်အသင်းတွေက Premier တန်းမှာ ယှဥ်ပြိုင်ကြရမယ်။
#Local_News
Published_ 26 April 2024
#ပိုက်ကျော်ခြင်းWorld Cupပြိုင်ပွဲ #ကမ္ဘာ့အဆင့်Rankသတ်မှတ်ပေး
#tthl #Yangon_Times