#World_News
Published 08 May 2024

▪️ တစ်တော့(TikTok)နဲ့ တရုတ်မူရင်းကုမ္ပဏီ ByteDance တို့က အမေရိကန်သမ္မတ ဂျိုးဘိုင်ဒင် လက်မှတ်ရေးထိုးထားတဲ့ ဥပဒေတစ်ရပ်ကို ကန့်ကွက်ရန်အတွက် အမေရိကန် ဖက်ဒရယ်တရားရုံးမှာ အင်္ဂါနေ့က တရားစွဲဆိုလိုက်ပါတယ်။

▪️ ထိုဥပဒေဟာ အမေရိကန် နိုင်ငံသား သန်း ၁၇၀ ခန့် အသုံးပြုနေတဲ့ တစ်တော့အက်ပ်လီကေးရှင်းကို ရောင်းချခြင်း ဒါမှမဟုတ် ပိတ်ပင်ခြင်းပြုလုပ်မယ့် ဥပဒေ ဖြစ်ပါတယ်။

▪️ အဆိုပါ ကုမ္ပဏီတွေက ကိုလံဘီယာခရိုင် အမေရိကန် အယူခံဝင်ရေး တရားရုံးမှာ တရားစွဲဆိုချက်များကို တင်ပြခဲ့ပြီး ထိုဥပဒေဟာ လွတ်လပ်စွာ ထုတ်ဖော်ပြောဆိုခွင့် ကာကွယ်ရေး ပထမပြင်ဆင်ချက် အပါအဝင် အမေရိကန် ဖွဲ့စည်းပုံအခြေခံဥပဒေကို ချိုးဖောက်ရာကျတယ်လို့ ဆိုလိုက်ပါတယ်။

▪️ ဧပြီ ၂၄ ရက်နေ့က ဂျိုးဘိုင်ဒင် လက်မှတ်ရေးထိုးလိုက်တဲ့ ဥပဒေဟာ တစ်တော့ကို ရောင်းချရန် ဒါမှမဟုတ် ပိတ်ပင်သွားရန် ByteDance ကို ဇန်နဝါရီ ၁၉ ရက်နေ့မတိုင်မီအထိ အချိန်ပေးထားပါတယ်။

▪️ လွတ်လပ်စွာ ဖော်ထုတ်ပြောဆိုကြတဲ့ ဆိုရှယ်အက်ပ်တစ်ခုကို အမည်တပ်ပြီး နိုင်ငံတဝှမ်း ရာသက်ပန်ပိတ်ပင်လိုက်တဲ့ ဥပဒေကို ပြဌာန်းလိုက်တာ ဒါပထမဆုံး မြင်ဖူးတာပါပဲလို့ တရားစွဲဆိုချက်တွေမှာ ဖော်ပြထားပါတယ်။

▪️ တစ်တော့အနေနဲ့ အမေရိကန်မှာ ပိတ်သိမ်းခြင်း မခံရဖို့ အခုနောက်ဆုံး တရားစွဲဆိုလာတာဖြစ်ပါတယ်။

▪️ ဒီအချိန်မှာ Snap နဲ့ Meta တို့ကတော့ တစ်တော့ရဲ့ နိုင်ငံရေးမရေရာခြင်းကို အခွင့်ကောင်းယူကာ ကြော်ငြာခတွေ ရရှိဖို့ ကြိုးပမ်းလာပါတယ်။

▪️ တရုတ်က တစ်တော့အက်ပ်ကို အသုံးပြုပြီး အမေရိကန်များထံမှ အချက်အလက်များ ရယူခြင်း၊ လျှို့ဝှက်စုံစမ်းခြင်းများ ပြုလုပ်မှာကို အမေရိကန် လွှတ်တော်အမတ်များ စိုးရိမ်နေကြသဖြင့် ဥပဒေကြမ်း အဆိုပြုပြီး ရက်သတ္တပတ်အကြာမှာပဲ မဲအပြတ်အသတ်ဖြင့် ကွန်ဂရက်ကနေ အတည်ပြုခဲ့တာ ဖြစ်ပါတယ်။

▪️ တစ်တော့ကတော့ အမေရိကန်တွေရဲ့ အချက်အလက်တွေကို အသုံးပြုမျှဝေခြင်း မရှိဘူးလို့ ငြင်းဆန်လိုက်ကာ အမေရိကန် လွှတ်တော်အမတ်တွေကို စွပ်စွဲလိုက်ပါတယ်။

▪️ ထိုကဲ့သို့ အက်ပ်တွေကနေ နိုင်ငံတော်လုံခြုံရေးကို ခြိမ်းခြောက်နေတဲ့ ပြဿနာဖြေရှင်းရန် တစ်ခုတည်းသောနည်းလမ်းက ဥပဒေရေးရာဖြင့်သာ ဖြစ်ကြောင်း၊ ByteDance အနေနဲ့ ရောင်းချဖို့အစီအစဥ် စတင်သင့်ပြီဖြစ်ကြောင်း တရုတ်ပြည်ဆိုင်ရာ အောက်လွှတ်တော်ကော်မတီ ထိပ်သီးဒီမိုကရက်တစ်ဦးဖြစ်တဲ့ ရာဂျာခရစ်ရှ်နာမူအာသီက ပြောပြသွားပါတယ်။

▪️ အမေရိကန်မှာ တစ်တော့အောင်မြင်ရခြင်းရဲ့ အဓိကအချက်ဖြစ်တဲ့ ByteDance ကို အတင်းရောင်းချခြင်းမျိုး တရုတ်အစိုးရက ခွင့်မပြုနိုင်ဘူးလို့ ရှင်းရှင်းလင်းလင်း အသိပေးထားကြောင်း တရားစွဲဆိုချက်မှာ ပါဝင်ပါတယ်။

▪️ တရုတ်ပြည်မှာ နိုင်ငံတော်လုံခြုံရေး ကာကွယ်တဲ့အနေနဲ့ Meta ရဲ့ WhatsApp နဲ့ Threads တို့ကို ဖယ်ရှားရန် တရုတ်က အမိန့်ပေးထားပါတယ်။

#Source: Reuters

#Local_News
Published_08 May 2024

▪️ မေလ ၁ရက်နေ့မှစပြီး ယာယီရပ်ဆိုင်းထားသည့် အမျိုးသားများအတွက် ပြည်ပအလုပ်ခေါ်စာ ကို မေလ၇ရက်က ပြန်လည်ခွင့်ပြုသော်လည်း အသက်၂၃နှစ်မှ ၃၁နှစ်အထိ အမျိုးသားများ ပြည်ပထွက်အလုပ်လုပ်ခွင့်မရရှိသေးကြောင်း ပြည်ပအလုပ်အကိုင်ဝန်ဆောင်ပေးသည့်လိုင်စင်ရအေဂျင်စီများထံက သိရသည်။

▪️ ဧပြီ ၃၀ရက်က အလုပ်သမားဝန်ကြီးနှင့် အေဂျင်စီများ တွေ့ဆုံရာတွင် ယခင်ခွင့်ပြုထားသည့် အလုပ်ခေါ်စာများကို စေလွှတ်ခွင့်ပြုထားပြီး မေ၁ရက်ကစပြီး အမျိုးသားလုပ်သားများကို ပြည်ပထွက်ခွာခွင့် ယာယီပိတ်ကာ အလုပ်ခေါ်စာအသစ်တွေကို လက်ခံမှုကို ယာယီရပ်ထားမည်ဟု နှုတ်ဖြင့်ပြောကြားခဲ့ရာမှ တပတ်အကြာတွင်ခေါ်စာ အသစ်များ ပြန်လည်တင်ခွင့်ပြု ကြောင်းသိရသည်။

▪️" အလုပ်ခေါ်စာ အသစ်တွေ တင်လို့ရတယ်။ ဒါပေမယ့် ထိုင်း အတွက် စာချုပ်ချုပ်ခွင့် တင်ထားတဲ့ အေဂျင်စီတွေကိုတော့ အလုပ်သမားဝန်ကြီးဌာနက အီးမေးကနေပေးပို့တဲ့ အကြောင်းကြားစာမှာ အမျိုးသား အသက် ၂၃နှစ်ကနေ၃၁နှစ် အထိ ကို စာချုပ်ချုပ်ခွင့်မပြုဘူး ဒါကြောင့် စာချုပ်ချုပ်ဖို့ တင်ထားတဲ့ လူစာရင်းကို ပြန်လည်ပြင်ဆင်ပြီးဌာနကို ပြန်ပို့ပေးပါလို့ အီးမေးကနေတစ်ဆင့် အကြောင်းကြားလာတယ်"ဟုလိုင်စင်ရအေဂျင်စီမှတာဝန်ရှိသူတစ်ဦးကပြောသည်။

▪️ ယခုကဲ့သို့ အမျိုးသားများ ပြည်ပအလုပ်ထွက်လုပ်ရန် အသက်ကန့်သက်ချက်မှာ ထိုင်းနိုင်ငံအတွက်သာ အကြောင်းကြားလာပြီး အခြားနိုင်ငံများ ပါ ပါရှိခြင်း ရှိမရှိကိုတော့ မသိရှိရသေးကြောင်း ယင်းကဆက်လက်ပြောကြားသည်။

▪️ အဆိုပါ အကြောင်းရာနှင့်ပက်သက်ပြီး အလုပ်သမားဝန်ကြီးဌာနမှ တာဝန်ရှိသူ ကို ဖုန်းဖြင့်ဆက်သွယ် မေးမြန်းသော်လည်း ပြန်လည်ဖြေကြားခြင်းမရှိပေ။

▪️ ထိုင်းနိုင်ငံသို့လုပ်သား ပို့ဆောင်ရန် အတွက် စာချုပ်ချုပ်ခွင့်တောင်းဆိုထားသည့် လိုင်စင်ရအေဂျင်စီများ အနေဖြင့် ယခုကဲ့သို့ အမျိုးသားများ ပြည်ပထွက်အလုပ်လုပ်ခွင့်အတွက် အသက်ကန့်သက်လိုက်သဖြင့် အလုပ်သမားရှာဖွေရာတွင်အခက်ခဲများ ဖြစ်စေကြောင်း သိရသည်။

#YMG/LW #Yangon_Times

#Local_News
Published_08 May 2024

▪️ EVလျှပ်စစ်သုံးယာဉ် ပြစ်ချက်ရှာဖွေနည်းနှင့် ပြုပြင်ထိန်းသိမ်းမှုသင်တန်းကို နည်းပညာ၊ သက်မွေးပညာနှင့် လေ့ကျင့်ရေးဆရာအတတ်သင်ကောလိပ် TTTC (ဘယ်လင်း) ၌ဖွင့်လှစ်ခဲ့ကြောင်း သိရသည်။

▪️ အဆိုပါသင်တန်းတွင် လျှပ်စစ်အန္တရာယ်ကင်းရှင်းရေး၊ UNR 100 ၊ လျှပ်စစ်ကား၏ ဗို့အားမြင့် မောင်းနှင်ခြင်းစနစ်၊ Battery နည်းပညာ၊ ထိန်းချုပ်မှုစနစ်များ၊ Special Hand Tools၊ လျှပ်စစ်သုံးယာဉ်စနစ်တစ်ခုလုံးအတွက် ပြစ်ချက်ရှာဖွေခြင်း၊ စမ်းသပ်ခြင်း၊ Traction Battery ကိုဖြုတ်ခြင်း၊ တပ်ဆင်ခြင်းနှင့် စမ်းသပ်ခြင်း၊ Electrical Power Train စနစ်ကိုဖြုတ်ခြင်း၊ တပ်ဆင်ခြင်းနှင့်စမ်းသပ်ခြင်းဆိုင်ရာ အကြောင်းအရာများကို လေ့ကျင့်သင်ကြားပေးလျက်ရှိသည်ဟုဆိုသည်။

▪️ လျှပ်စစ်သုံးယာဉ်ဆိုင်ရာ ပြစ်ချက်ရှာဖွေနည်းနှင့် ပြုပြင်ထိန်းသိမ်းမှုသင်တန်း (၁/၂၀၂၄) ဖွင့်ပွဲအခမ်းအနားကို သိပ္ပံနှင့်နည်းပညာဝန်ကြီးဌာန၊ဒုတိယဝန်ကြီး ၊လျှပ်စစ်သုံးယာဉ်နှင့် ဆက်စပ်ပစ္စည်းများ သုတေသနဖွံ့ဖြိုးရေးနှင့် နည်းပညာပြန့်ပွားရေးလုပ်ငန်းကော်မတီဥက္ကဋ္ဌဒေါက်တာအောင်ဇေယျတက်ရောက်အမှာစကားပြောခဲ့သည်။

▪️ ဒုတိယဝန်ကြီးက "နိုင်ငံတော်တွင် အခြားကမ္ဘာ့နိုင်ငံများနည်းတူ ရာသီဥတုဖောက်ပြန်မှုလျှော့ချနိုင်ရေး၊ ကာဗွန်ကင်းစင်ရေး၊ ရုပ်ကြွင်း‌လောင်စာအသုံးပြုမှုများမှ သက်ရောက်မှုများကို လျှော့ချနိုင်ရေး၊ ရေရှည်စဉ်ဆက်မပြတ် ဖွံ့ဖြိုးတိုးတက်မှုကို ဖော်‌ဆောင်နိုင်ရေး၊ စက်သုံးဆီအသုံးစရိတ်လျှော့ချနိုင်ရေး၊ လေထုအရည်အသွေးများကိုမြင့်မားစေပြီး ပြည်သူများအတွက် သန့်ရှင်းသောလေထုမှတစ်ဆင့် ကျန်းမာရေးကောင်းမွန်စေသည့် ဆုလာဘ်များကိုပါ ရရှိရေးတို့အတွက် EV ကဏ္ဍဖွံ့ဖြိုးရေး ဆောင်ရွက်လျက်ရှိရာကြောင်း၊

▪️ ယင်းကဲ့သို့ဆောင်ရွက်ရာတွင် အရည်အသွေးပြည့်မီသော EV နည်းပညာရှင်များကို ပျိုးထောင်ပေးရန်လည်းလိုအပ်သဖြင့် ဤသင်တန်းကို ဖွင့်လှစ်ရခြင်းဖြစ်ကြောင်း၊ 

▪️ သင်တန်းသားများအနေဖြင့် နိုင်ငံတော်နှင့်ပြည်သူ့အကျိုးပြု EV နည်းပညာရှင်များဖြစ်စေရေး ရည်မှန်းချက်ထားကာ ကြိုးပမ်းလေ့ကျင့်ကြရန်လိုအပ်ကြောင်း" တိုက်တွန်းပြောကြားခဲ့ကြောင်း သိရသည်။

#tthl #Yangon_Times

#Local_News
Published 8 May 2024

▪️ ရွှေတိဂုံစေတီတော်သို့ နှစ်လတာအတွင်း ကျပ်သိန်းပေါင်းနှစ်သောင်း  သုံးထောင်ကျော်တန်ဖိုးရှိ ရွှေပြားနှင့် အလှူငွေများအားအလှူရှင်များမှ စေတနာသဒ္ဒါတရားထက်သန်စွာ  လှူဒါန်းခဲ့ကြောင်း ရွှေတိဂုံစေတီတော်ဘဏ္ဍာတော်ထိန်းဂေါပကအဖွဲ့မှ သိရသည်။

▪️ ထိုသို့လှူဒါန်းရာတွင်  ၂၀၂၄ ခုနှစ်၊ မတ် ၁ ရက်မှ  ဧပြီ ၃၀ ရက်ထိကာလအတွင်း သုံးကျပ်သားရွှေပြား ခုနှစ်ချပ်နှင့်  တစ်ကျပ်သားရွှေပြား ၅၃ ချပ်တို့အား အလှူရှင် ၄၇ ဦးတို့ကလည်းကောင်း၊ ငွေသားအလှူရှင် ၁၁၆ ဦး အပါအဝင်  လှူဒါန်းငွေစုစုပေါင်းကျပ် ၂၃၁၆၅၀၉၅၅၇(ကျပ်သိန်းပေါင်းနှစ်သောင်း  သုံးထောင်တစ်ရာခြောက်ဆယ့်ငါးသိန်းကိုးထောင်ငါးရာငါးဆယ့်ခွန်)တို့အား လှူဒါန်းခဲ့ကြကြောင်း သိရသည်။

▪️ အဆိုပါ ရွှေတိဂုံစေတီတော်မြတ်ကြီးသို့ စေတနာသဒ္ဒါတရားထက်သန်စွာ လှူဒါန်းထားကြသည့် ကျပ်တစ် သိန်းနှင့်အထက်အလှူရှင်များအား ရွှေတိဂုံစေတီတော်ဘဏ္ဍာတော်ထိန်းဂေါပကအဖွဲ့က (၅၈၆)ကြိမ်မြောက် ထုတိအနုမောဒနာဂုဏ်ပြုလွှာ ပြန်လည်ချီးမြှင့်ခြင်းအခမ်းအနားနှင့် လှူဒါန်းမှု အစုစုအတွက် ရေစက်ချအလှူတော်မင်္ဂလာအခမ်းအနားကို ယမာန်နေ့နေ့လယ်ပိုင်းတွင် စေတီတော်ရင်ပြင်တောင်ဘက်ရှိ ရှေးဟောင်းဗုဒ္ဓရုပ်ပွားတော်များတန်ဆောင်း၌ ကျင်းပပြုလုပ်ခဲ့ရာ ရှေးဦးစွာ အခမ်းအနားကို နမောတဿသုံးကြိမ်ရွတ်ဆို ဘုရားကန်တော့၍ဖွင့်လှစ်ပြီး အလှူရှင်များက ရွှေစင်ရွှေပြားများနှင့်အလှူတော်ငွေများကိုပေးအပ်လှူဒါန်းကြရာ စေတီတော်ဘဏ္ဍာတော်ထိန်းဂေါပကအဖွဲ့ အလှည့်ကျသဘာပတိ ဦးလှမြင့်နှင့် ဂေါပကအဖွဲ့ဝင်များကလက်ခံရယူပြီး ထုတိအနုမောဒနာ ဂုဏ်ပြုမှတ်တမ်းလွှာများ ပြန်လည်ပေးအပ်ကြသည်။

▪️ ထို့နောက်ရွှေတိဂုံစေတီတော်ဘဏ္ဍာတော်ထိန်းဂေါပကအဖွဲ့သြဝါဒါစရိယ၊ တိပိဋကဓရ ဓမ္မဘဏ္ဍာဂါရိက အဂ္ဂမဟာပဏ္ဍိတ တိပိဋကဓရ တိပိဋကကောဝိဒရွေးချယ်ရေးအဖွဲ့ သြဝါဒါစရိယ  ဘဒ္ဒန္တ ဝါယာမိန္ဒာဘိဝံသ (ရေစကြိုဆရာတော်) ထံမှ အခမ်းအနားတက်ရောက်သူများက ငါးပါးသီလခံယူဆောက်တည်ကြပြီး ရေစက်ချအနုမောဒနာ တရားနာယူကာ အခမ်းအနားကိုရုပ်သိမ်းခဲ့‌ကြောင်း သိရသည်။

#YMG/ NN #Yangon-Times

#World_Health
Published 08 May 2024

▪️ စိတ်ဖိစီးစရာအဖြစ်ကို ပြန်လည်တွေးတောပြီး ဒေါသထွက်နေတာဟာ သွေးစီးဆင်းမှုအတွက် လိုအပ်တဲ့ သွေးကြောများ ပြေလျော့နိုင်စွမ်းကို ယာယီအားဖြင့် ထိခိုက်စေတယ်လို့ လေ့လာဖော်ပြထားပါတယ်။

▪️ နယူးယော့ခ်မြို့မှ လူ ၂၈၀ ဦးကို စိတ်ဆိုးစိတ်ပျက်စရာအဖြစ်များ ၈ မိနစ်ကြာအောင် ပြန်လည်စဥ်းစားခိုင်းခဲ့ပါတယ်။

▪️ ပြန်လည်စဥ်းစားခြင်းမပြုခင်နဲ့ စမ်းသပ်ပြီးနောက် သွေးကြောများရှိ ဆဲလ်များကို တိုင်းတာစစ်ဆေးခဲ့ကြပါတယ်။

▪️  သွေးစီးဆင်းမှု ကောင်းမွန်စေတဲ့ သွေးကြောကျယ်ခြင်းကို မိနစ် ၄၀ ခန့်အထိ ထိခိုက်စေကြောင်း တွေ့ရှိခဲ့ကြပါတယ်။

▪️  စိတ်ဆိုးစိတ်ပျက်စရာများ စဥ်းစားပြီးနောက် သွေးကြောနံရံတွေမှာ သိသိသာသာ ပြောင်းလဲသွားခြင်း မရှိတာကို တွေ့ရှိခဲ့ကြပါတယ်။

▪️ ဒေါသထွက်ခြင်းနဲ့ သွေးကြောများ ထိခိုက်ခြင်းတို့ကြား ဆက်စပ်မှုများကို လေ့လာခြင်းဖြင့် နှလုံးသွေးကြောပြဿနာ ဖြစ်နိုင်ခြေများတဲ့သူတွေမှာ ထိရောက်စွာ ကာကွယ်ကုသနိုင်စေမှာဖြစ်ကြောင်း ကိုလံဘီယာတက္ကသိုလ် အာဗင်းဆေးဘက်ဆိုင်ရာဌာနမှ ပရော်ဖက်ဆာ ဒေါက်တာ ဒိုင်အိချိရှင်ဘိုက ပြောပြပါတယ်။

▪️ နှလုံးနဲ့ ဦးနှောက်သို့ သွေးစီးဆင်းမှု ပိတ်ဆို့သွားတဲ့အခါ နှလုံးဖောက်ခြင်း၊ လေဖြတ်ခြင်းတို့ ဖြစ်တတ်ပါတယ်။

▪️ အမေရိကန်မှာ စက္ကန့် ၄၀ ကြာတိုင်း တစ်ယောက်နှုန်းဖြင့် နှလုံးဖောက်နေကြပြီး နှလုံးသွေးကြောရောဂါကြောင့် ၃၃ စက္ကန့်ကြာတိုင်း ၁ ယောက်နှုန်း သေဆုံးနေကြကြောင်း အမေရိကန် နှလုံးအဖွဲ့အစည်းက ဖော်ပြထားပါတယ်။

▪️ ထိုတွေ့ရှိချက်တွေက နှလုံးရောဂါရှိပြီး ဒေါသမထိန်းနိုင်တဲ့ သူတွေအနေနဲ့ ယောဂကျင့်ခြင်း၊ လေ့ကျင့်ခန်းလုပ်ခြင်း၊ အခြားကုသနည်းလမ်းတို့ဖြင့် ဒေါသထိန်းနိုင်ဖို့ အထောက်အကူ ဖြစ်စေနိုင်ကြောင်း နှလုံးအထူးကု ဒေါက်တာ ဟိုလီမစ်ဒယ်ကော့ဖ်က ဆိုပါတယ်။

▪️ စမ်းသပ်ချက်က လက်တွေ့အခြေအနေတွေမှာ စမ်းသပ်တာ မဟုတ်သလို အချိန်ကြာမြင့်စွာ စမ်းသပ်တာမျိုး မဟုတ်ပါဘူး။

#Source: New York Post

#World_Health
Published 08 May 2024

▪️ ဟောလစ်(Horlicks)နဲ့ ဘုစ်(Boost)တို့လို အမှတ်တံဆိပ်တွေ ထုတ်လုပ်နေတဲ့ ဟိန္ဒူစတန်ယူနီလီဗာ (Hindustan Unilever)ကုမ္ပဏီဟာ ယင်းရဲ့ ကျန်းမာရေးအဖြစ် သောက်စရာများဆိုတဲ့ ခေါင်းစဥ်ကို ပြုပြင်ဖော်ပြလိုက်ပါတယ်။

ဟောလစ်ရဲ့ ကျန်းမာရေးဖြစ်ဆိုတဲ့ အမှတ်အသားကို ဖြုတ်ချလိုက်ကာ ကျန်းမာရေးထောက်ကူ စားသောက်ကုန်ဆိုပြီး ပြောင်းလဲသတ်မှတ်လိုက်တာ ဖြစ်ပါတယ်။

▪️ ကုန်သွယ်ရေးနဲ့ စက်မှုဝန်ကြီးက သောက်သုံးစရာများကို ကျန်းမာရေးဖြစ်ဆိုတဲ့ ခေါင်းစဥ်အောက်နေ ဖယ်ရှားရန် တောင်းဆိုလိုက်ပြီးနောက် အခုလို ကြေညာလိုက်တာ ဖြစ်ပါတယ်။

▪️ ယခုလိုပြောင်းလဲလိုက်ခြင်းက အမျိုးအစား ဖော်ပြချက်မှာ ပိုမိုတိကျမြင်သာစေမှာ ဖြစ်တယ်လို့ ဟိန္ဒူစတန်ယူနီလီဗာ ဘဏ္ဍာရေးမှူးချုပ် ရီတက်ရှ်တီဝါရီက ဧပြီ ၂၄ ရက်နေ့ မီဒီယာကွန်ဖရင့်မှာ ပြောကြားလိုက်ပါတယ်။

▪️ ကျန်းမာရေးထောက်ပံ့ အာဟာရဖြစ် သောက်သုံးစရာ အမျိုးအစားကဏ္ဍဆိုတာဟာ အာဟာရဓာတ်ချို့တဲ့သူတွေ လိုအပ်တဲ့ ပရိုတိန်းနဲ့ အာဟာရဓာတ်ကို ဆိုလိုပါတယ်။

▪️ ထိုအမျိုးအစားဟာ အပင်၊ တိရိစ္ဆာန်၊ အဏုဇီဝတို့မှရတဲ့ ဇီဝသတ္တိကြွပစ္စည်း ပါဝင်တာကြောင့် ကျန်းမာရေးအတွက် အကျိုးကျေးဇူးများ ရရှိစေမယ့် အယ်လ်ကိုဟောမပါသော သောက်စရာများ ဖြစ်ပါတယ်။

▪️ အစားအစာ ဘေးကင်းရေးနှင့် စံနှုန်းအက်ဥပဒေ ၂၀၀၆ အရ ကျန်းမာရေးဖြစ် သောက်သုံးစရာဆိုပြီး တိကျသေချာတဲ့ သတ်မှတ်ချက် မရှိတာကြောင့် အခုလို ပြောင်းလဲပေးရန် အမိန့်ချလိုက်တာ ဖြစ်ပါတယ်။

▪️ ဟောလစ်၊ ဘွန်ဗီတာတို့လို သောက်စရာတွေမှာ သကြားဓာတ်ပါဝင်မှု မြင့်မားတာကြောင့် စိုးရိမ်မှုများ မြင့်တက်လာခဲ့ပြီး ယခုလို ထုတ်ပြန်လာကြတာ ဖြစ်ပါတယ်။

#Source: India Today

၇ မေ ၂၀၂၄

နစက ဥက္ကဋ္ဌ၊ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်သည် ကမ္ဘောဒီးယားနိုင်ငံ အထက်လွှတ်တော်(ဆီးနိတ်) ဥက္ကဋ္ဌ ဆမ်ဒက်အက်ခါမိုဟာ ဆီနာပါဒိုင်းတက်ချို ဟွန်ဆန်နှင့် မေလ ၇ ရက် ယနေ့မနက်ပိုင်းက ဗွီဒီယိုကွန်ဖရင့်စနစ်ဖြင့် တွေ့ဆုံဆွေးနွေးခဲ့တယ်လို့ နစက, က သတင်းထုတ်ပြန်ပါတယ်။

ထိုသို့ဆွေးနွေးကြရာမှာ နှစ်နိုင်ငံအကြားဆက်ဆံရေးကောင်းမွန်လျက်ရှိမှု၊ မြန်မာနိုင်ငံတွင် ကိုဗစ်-၁၉ ရောဂါဖြစ်ပွားချိန်နှင့် မိုခါမုန်တိုင်းကျရောက် ချိန်တွင် ကမ္ဘောဒီးယားနိုင်ငံမှ အကူအညီများပေးပို့ခဲ့မှု၊ မြန်မာနိုင်ငံအနေဖြင့် အာဆီယံ အဖွဲ့အတွင်း အပြုသဘောဆောင်စွာဖြင့် ပါဝင်ဆောင်ရွက်လျက်ရှိမှု၊ လွတ်လပ်ပြီးတရားမျှတသည့် ပါတီစုံဒီမိုကရေစီ အထွေထွေ  ရွေးကောက်ပွဲ ကျင်းပနိုင်ရေးတွေကိုဆွေးနွေးခဲ့ကြတယ်လို့ သတင်းထုတ်ပြန်ချက်မှာဖော်ပြထားပါတယ်။

ထို့အပြင် မြန်မာနိုင်ငံတွင် လူဦးရေနှင့်အိမ်အကြောင်းအရာသန်းခေါင်စာရင်းကောက်ယူမှုအပါအဝင် အခြား လိုအပ်သည်   များကို ကြိုတင်ပြင်ဆင်ဆောင်ရွက်လျက်ရှိမှု၊ ရွေးကောက်ပွဲကိုဖွဲ့စည်းပုံ အခြေခံဥပဒေ (၂၀၀၈ ခုနှစ်)နှင့်အညီ အောင်မြင် စွာကျင်းပနိုင်ရေး ပြင်ဆင်ဆောင်ရွက်လျက်ရှိမှု၊ ကမ္ဘောဒီးယားနိုင်ငံမှ အာဆီယံတွင် မြန်မာနိုင်ငံနှင့်စပ်လျဉ်း၍ ဆောင်ရွက်  နေမှု၊ ကမ္ဘောဒီးယားနိုင်ငံ ရွေးကောက်ပွဲအတွေ့အကြုံမျှဝေလိုမှု အခြေအနေတွေကိုလည်း ဆွေးနွေးခဲ့ကြတယ်လို့ နစကရဲ့ သတင်းထုတ်ပြန်ချက်အရသိရပါတယ်။

ဟွန်ဆန်က ဗိုလ်ချုပ်မှူးကြီးမင်းအောင်လှိုင်ကိုထပ်တွေ့ရတဲ့အတွက် ဝမ်းမြောက်မိကြောင်းနှင့် ဆီးနိတ်ဥက္ကဋ္ဌအဖြစ်  သူအရွေးချယ်ခံရခြင်းအတွက် ဂုဏ်ပြုသဝဏ်လွှာပေးပို့တဲ့အတွက် ကျေးဇူးတင်တယ်လို့ ပြောတယ်လို့ ကမ္ဘောဒီးယားမီဒီယာများကရေးသားကြပါတယ်။

ဟွန်ဆန်က တွေ့ဆုံဆွေးနွေးရတဲ့ ရည်ရွယ်ချက်ကတော့ မြန်မာနိုင်ငံရဲ့ဖွံ့ဖြိုးတိုးတက်မှုနောက်ဆုံးအခြေအနေတွေကို ဖလှယ်ဖို့နှင့် အပြန်အလှန်လည်ပတ်ရေးဖြစ်နိုင်ချေတွေကို ရှာဖွေဖို့ဖြစ်တယ်လို့ပြောတယ်လို့လည်း ကမ္ဘောဒီးယား  မီဒီယာများက သတင်းထုတ်ပြန်ပါတယ်။

ယခုတွေ့ဆုံရတဲ့အခွင့်အရေးကိုရယူပြီး ဟွန်ဆန်က သူ့အနေနှင့် အာဆီယံအရေးကိစ္စတွေမှာ နှစ်ပေါင်းများစွာ ပူးပေါင်း ဆောင်ရွက်ခဲ့တဲ့ မိတ်ဆွေတစ်ဦးဖြစ်ခဲ့တဲ့ ဒေါ်အောင်ဆန်းစုကြည်နှင့် ဗွီဒီယိုဖြင့် တွေ့ဆုံခွင့်ပေးဖို့ ဗိုလ်ချုပ်မှူးကြီးကို မေတ္တာရပ်ခံခဲ့တယ်လို့လည်း ကမ္ဘောဒီးယားမှပေးပို့တဲ့ သတင်းများမှာဖော်ပြထားပါတယ်။

ယင်းအပြင် အာဆီယံရဲ့ ဘုံသဘောတူညီချက် (၅)ချက် အကောင်အထည်ဖော်ရေး အရေးကြီးကြောင်း နှင့် မြန်မာက ဦးဆောင်မှုအခန်းကဏ္ဍကနေ ဒါကိုတိုးတက်အောင်လုပ်ရင် ငြိမ်းချမ်းရေး လုပ်ငန်းစဉ်ကို အထောက်အကူပြုမယ် လို့သူယုံကြည်တယ်လို့လည်း ဟွန်ဆန်ကပြောဆိုကြောင်းလည်း ခမာတိုင်းမ်သတင်းစာကရေးသားပါတယ်။

မြန်မာနစကအနေနှင့် ဇန်နဝါရီတုန်းကျင်းပတဲ့ အာဆီယံနိုင်ငံခြားရေးဝန်ကြီးများအစည်းအဝေးသို့ နိုင်ငံရေးမဟုတ်သူ    ကိုယ်စားလှယ်တစ်ဦးစေလွှတ်ပေးခဲ့တဲ့ ဆုံးဖြတ်ချက်ကို ဟွန်ဆန်ကကြိုဆိုလိုက်ပြီး မြန်မာအနေ နှင့် အဓိက အာဆီယံအစည်းအဝေးတွေကို ကိုယ်စားလှယ်တွေဆက်လက်ခန့်ထားပေးဖို့လည်း တိုက်တွန်းအားပေးခဲ့တယ်လို့လည်း အဆိုပါသတင်းကဆိုပါတယ်။

ဗိုလ်ချုပ်မှူးကြီးမင်းအောင်လှိုင်ကလည်း ဟွန်ဆန်ကို ဆီးနိတ်ဥက္ကဋ္ဌအဖြစ်ရွေးချယ်ခံရမှုအပေါ် ဂုဏ်ယူဝမ်းမြောက်ကြောင်း ထပ်လောင်းပြောဆိုခဲ့ပါတယ်။ မြန်မာနိုင်ငံကိုလာရောက်လည်ပတ်စဉ်အတွင်း မြန်မာနိုင်ငံအပေါ် တန်ဖိုးရှိလှတဲ့ ကူညီပံ့ပိုးမှုတွေကို ကျေးဇူးတင်ကြောင်းလည်း ဗိုလ်ချုပ်မှူးကြီးကပြောတယ်လို့ ခမာတိုင်းမ်က ရေးသားပါတယ်။

အာဆီယံဥက္ကဋ္ဌအဖြစ်တာဝန်ယူစဉ်မြန်မာ့ အရေးဖြေရှင်းရန်ကြိုးပမ်းအားထုတ်ခဲ့တာတွေကိုလည်း ဗိုလ်ချုပ်မှူးကြီးက အသိအမှတ်ပြုတယ်လို့ပြောဆိုပြီးအာဆီယံထိပ်သီးအစည်းအဝေးတွေနှင့်ဆက်စပ်အစည်းအဝေးတွေကို နိုင်ငံရေးမဟုတ်တဲ့ကိုယ်စားလှယ်တွေ ဆက်လက်စေလွှတ်ဦးမယ်လို့ ဗိုလ်ချုပ်မှူးကြီးက အတည်ပြုပြောဆိုကြောင်းလည်း အဆိုပါသတင်းကရေးသားပါတယ်။

အဲဒီအပြင် အခြားသော အဆိုပြုချက်တွေကိုလည်း သူစဉ်းစားပေးမှာဖြစ်ပြီး အဲဒီကိစ္စတွေဆက်လက်ဆွေးနွေးဖို့ မကြာသောကာလမှာ ကမ္ဘောဒီးယားနိုင်ငံသို့ အထူးကိုယ်စားလှယ်တစ်ဦးစေလွှတ်ပေးမယ်လို့လည်း ဗိုလ်ချုပ်မှူးကြီး ကပြောတယ်လို့ ခမာတိုင်းမ်ကဆိုပါတယ်။

အဲဒီအပြင် လွတ်လပ်၍တရားမျှတပြီး သိသာမြင်သာသော ရွေးကောက်ပွဲများ ဆောင်ရွက်တဲ့ ကမ္ဘောဒီးယားနိုင်ငံ အမျိုးသားရွေးကောက်ပွဲကော်မတီရဲ့ အတွေ့အကြုံတွေကို လေ့လာသင်ယူလိုပါကြောင်းလည်း ပြောကြားခဲ့တယ်လို့ သတင်းများမှာဖော်ပြထားပါတယ်။

အဆိုပါတွေ့ဆုံပွဲသို့ ဗိုလ်ချုပ်မှူးကြီးနှင့်အတူ ကောင်စီတွဲဖက်အတွင်းရေးမှူး ဒုတိယဗိုလ်ချုပ်ကြီး ရဲဝင်းဦး၊ ဒုတိယ ဝန်ကြီးချုပ်နှင့် နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးသန်းဆွေနှင့် တာဝန် ရှိသူများ တက်ရောက်ခဲ့ကြကြောင်း သတင်းရရှိပါတယ်။

Source: SAC, Khmer Times

အမြင်အာရုံချို့ယွင်းသူများအတွက်ခြေ(၆)ချောင်းပါသော စက်ရုပ်လမ်းပြခွေးအား တရုတ်သုတေသီများ တီထွင်

တရုတ်နိုင်ငံမှ ထုတ်လုပ်တဲ့ စက်ရုပ်ခွေးဟာ နိုင်ငံအတွင်း လမ်းပြခွေးရှားပါးမှုကို ကူညီပေးသွားမှာဖြစ်ပြီး အမြင်အာရုံချိုယွင်းသူများအတွက် ပိုမိုအဆင်ပြေစေမှာ ဖြစ်ပါတယ်။
#Asia_Technology
Published 07 May 2024
#စက်ရုပ်လမ်းပြခွေးတီထွင် #အမြင်အာရုံချို့ယွင်းသူများ
#Yangon_Times #YMG_News #Yangon_Media_Group

#Daily_News
Published_07 May 2024

၁။ ယခုဘဏ္ဍာနှစ်အစ၌ ဆန်နှင့် ဆန်ကွဲတန်ချိန် တစ်သိန်းကျော်စတင်တင်ပို့

၂။ ရန်ကုန်အပါအဝင်ဒေသအချို့တွင် နေ့အပူချိန်တိုး၍ မိုးထစ်ချုန်းရွာမည်

၃။ ၀င်္ဂဘော်ဆင်စခန်းကို လာ​ရောက်လည်ပတ်သူနည်းလာသော်လည်း အဝေးမှအလှူငွေပေးပို့ကာ ဆင်စာဘူဖေးကျွေးသူများပြားဟုဆို

၄။ အမြင်အာရုံချို့ယွင်းသူများအတွက် ခြေ(၆)ချောင်းပါသော စက်ရုပ်လမ်းပြခွေးအား တရုတ်သုတေသီများတီထွင် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

၇ မေ ၂၀၂၄

ထိုင်းဝန်ကြီးချုပ်ဟောင်း သက်ဆင်ရှင်နာဝါထရာနှင့် မြန်မာအတိုက်အခံအုပ်စုကိုယ်စားလှယ်တွေ တွေ့ဆုံခဲ့တယ် ဆိုတဲ့ သတင်းတွေအပေါ် သူစိတ်မပူဘူးလို့ အသစ်ခန့်အပ်ခံရတဲ့ ထိုင်း နိုင်ငံခြားရေးဝန်ကြီး မာရစ် ဆန်ဉာဏ်ပွန်က  ယနေ့(မေ၇)မှာ ပြောဆိုလိုက်ပါတယ်။

သက်ဆင်ဟာ မြန်မာနိုင်ငံ စစ်တပ်ကို တိုက်ခိုက်နေတဲ့  သူပုန်အုပ်စုတွေနှင့်တွေ့ဆုံဆွေးနွေးတာဟာ သူ့ကိုယ်ပိုင်လုပ်နိုင်စွမ်း နှင့် လုပ်တာဖြစ်တယ်လို့လည်း သူကပြောပါတယ်။

“ မြန်မာအတိုက်အခံအုပ်စုတွေက သက်ဆင်ဆီက အကူအညီရယူဖို့ဆုံးဖြတ်တယ်ဆိုရင်လည်း သူတို့လုပ်ကြပေါ့၊ ဒါသူတို့ ဆုံးဖြတ်ချက်နှင့်သူတို့ပဲ” လို့ မာရစ်က ဆက်ပြောပါတယ်။

“ သက်ဆင်နှင့်မြန်မာတွေပြောကြဆိုကြတာတွေဟာ ထိုင်းအစိုးရနှင့်ဘာမှမဆိုင်ဘူး။ ကျွန်တော် ဒီကိစ္စကို မီဒီယာတွေကနေ အခုမှသိရတာ။ အဲဒါကြောင့် ကျွန်တော့်မှာ အသေးစိတ်မရှိသေးဘူး” လို့လည်း သူက ဖြည့်စွက်ပြောပါတယ်။

ဗွီအိုအေမြန်မာက သက်ဆင်ဟာ မြန်မာသူပုန်အုပ်စုတွေနှင့် လွန်ခဲ့တဲ့ နှစ်လက ထိုင်းနိုင်ငံမြောက်ပိုင်း ချင်းမိုင်နှင့် ဘန်ကောက်တို့မှာတွေ့ဆုံခဲ့တယ်လို့သတင်းဖော်ပြခဲ့တာဖြစ်ပါတယ်။

သံအမတ်ဟောင်းတစ်ဦးဖြစ်တဲ့ မာရစ်ဟာ  အကြောင်းပြချက်ရှင်းရှင်းလင်းလင်းမရှိဘဲ သူ့ခံယူချက်နှင့်သူရပ်တည်  ထားတယ်လို့သာပြောပြီး ရာထူးမှနှုတ်ထွက်သွားတဲ့ နိုင်ငံခြားရေးဝန်ကြီး ပန်ပရီနေရာ အစားထိုးဝင်ရောက်လာသူဖြစ်ပါတယ်။

အချို့သော နိုင်ငံရေးသုံးသပ်သူတွေကတော့ ပန်ပရီနှုတ်ထွက်သွားတာဟာ သက်ဆင်က နိုင်ငံခြားရေးရာကိစ္စတွေ ဝင်ရောက်စွက်ဖွယ်နေပုံရလို့ဖြစ်တယ်လို့ ထင်ကြေးပေးထားကြပါတယ်။

ဘန်ကောက်အနေနှင့် မြန်မာနိုင်ငံမှာ ငြိမ်းချမ်းရေးနှင့် စေ့စပ်ညှိနှိုင်းခြင်းတွေပြန်လည်ဖြစ်လာဖို့ ထိုင်းရဲ့ရပ်တည်ချက်ကို ဆက်လက်ရပ်တည်နေတယ်လို့လည်း မာရစ်ကပြောပါတယ်။

“ ကျွန်တော်တို့ တိုက်ပွဲတွေဆက်လက်ဖြစ်တာကို ခွင့်ပြုနေရင်  နယ်စပ်အတူတကွရှိနေတဲ့ ထိုင်းအနေနှင့် ပြဿာတွေနှင့် ရင်ဆိုင်ရလိမ့်မယ်” လို့ သူကပြောပါတယ်။ ထိုင်းနိုင်ငံဟာ အာဆီယံအဖွဲ့ရဲ့မူဘောင်အတွင်းကနေ မြန်မာနိုင်ငံကို လူသားချင်း စာနာထောက်ထားမှုအကူအညီတွေဆက်ပေးမယ်လို့လည်း သူကဖြည့်စွက်ပြောပါတယ်။

Source PBS

ထိုင်းမြန်မာနယ်စပ်မြဝတီချစ်ကြည်ရေး တံတားအမှတ် ၂ကို ဧပြီ ၃၀ရက်က ပြန်လည်ဖွင့်လှစ်ခဲ့ပေမယ့် MOU အလုပ်သမားတွေကို ယင်းတံတားကနေ ပြန်လည်စေလွှတ်မှုမရှိသေးဘူးလို့ အလုပ်သမားဝန်ကြီးဌာနထံက သိရပါတယ်။
#Local_News
Published_07 May 2024
#အဆောက်အဦးအချို့ပြင်ဆင် #လုပ်သားစေလွှတ်မှုမရနိုင်
#YMG/LW #Yangon_Times

တရုတ်ယွမ်(၂.၅)သန်းကိုဗဟိုဘဏ်က မေလ(၇)ရက်မှာ ထပ်မံရောင်းချပေးမယ်။ တရုတ်ယွမ် (၅)သန်းနဲ့ ထိုင်းဘတ်သန်း(၃၀)ကို မေလ (၂) ရက်မှာလည်း ရောင်းပေးထားတယ်။
(မြန်မာနိုင်ငံတော်ဗဟိုဘဏ်)
#Local_News
Published_07 May 2024
#တရုတ်ယွမ်(၂.၅)သန်း #ဘတ်သန်း(၃၀)ထပ်ရောင်း
#tthl #Yangon_Times