အခုမုတ်သုန်အဝင်သဘာဝဘေးအတွက် ကယ်ဆယ်ရေးပစ္စည်းတွေ၊ လူအင်အားတွေလုံလုံလောက်လောက်ရှိတယ်။ ကူညီကယ်ဆယ်ရေးကားတွေအတွက်ဒီဇယ်၊ စက်သုံးဆီလိုအပ်ချက်တွေရှိတယ်။
#Local_News
Published 09 May 2024
#မုန်တိုင်းနှင့်သဘာဝဘေး #စက်သုံးဆီလိုနိုင်
#tthl #Yangon_Times

#Local_News
Published_09 May 2024

▪️ ရန်ကုန်တွင် မေလ(၉)ရက်ညနေပိုင်းက မိုးတိမ်တောင်များကြောင့် မြို့နယ်အချို့တွင်မိုးခြိမ်းခြင်း၊မိုးကြိုးပစ်ခြင်းများ၊ လျှပ်စီးလက်ခြင်း၊ မိုးအနည်းငယ်ရွာခြင်းများဖြစ်‌ပေါ်နေကြောင်း သိရသည်။

▪️ မိုးတိမ်တောင်ဖြစ်ပေါ်မှုအခြေအနေအဖြစ် နေပြည်တော်၊ စစ်ကိုင်းတိုင်းဒေသကြီးအထက်ပိုင်း၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ တနင်္သာရီတိုင်းဒေသကြီး၊ ကချင် ပြည်နယ်၊ ရှမ်းပြည်နယ်(တောင်ပိုင်း)နှင့် ကရင်ပြည်နယ်တို့တွင် မိုးတိမ်တောင်များ ဖြစ်ထွန်းလျက်ရှိသည်ဟုဆိုသည်။

▪️ အဆိုပါ မိုးတိမ်တောင်များ ရွေ့လျားရာ နေရာတစ်လျှောက်တွင် မိုးရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစသည့် မိုးလေဝသဖြစ်စဉ်များ ဖြစ်ပေါ်နိုင်ပါသဖြင့် ကြိုတင်သတိပြုနိုင်ပါရန်  မိုးလေဝသနှင့်ဇလဗေဒညွှန်ကြားမှုဦးစီးဌာနမှ အကြံပြုထားသည်။

▪️ နောက်(၂)ရက် မေလ(၁၀)ရက်နှင့် (၁၁)ရက်အတွက်ခန့်မှန်းချက်အဖြစ် စစ်ကိုင်းတိုင်းဒေသကြီးအထက်ပိုင်း၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်း ဒေသကြီး၊ ကချင်ပြည်နယ်၊ ရှမ်းပြည်နယ်၊ ချင်းပြည်နယ်၊ ကယားပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် နေရာကွက်ကျားမှ နေရာကျဲကျဲ မိုးထစ်ချုန်းရွာနိုင်ကြောင်း ဖော်ပြထားသည်။

#tthl #Yangon_Times

နယ်မြို့စုံကဝယ်လိုအား ပြန်များလာတဲ့အတွက် ရှမ်းခရမ်းချဉ်သီး တစ်ပိဿာကို ကျပ်၁၇၀၀ အထိ ဈေးမြင့်လာတယ်လို့ အောင်ပန်းရှိကုန်စိမ်းပွဲရုံတွေထံက သိရပါတယ်။
#Local_News
Published 09 May 2024
#ရှမ်းခရမ်းချဉ်သီးဈေးမြင့် #အောင်ပန်းရှိကုန်စိမ်းပွဲရုံ
#YMG/LW #Yangon_Times

ဧပြီလအတွင်းပြောင်းတင်ပို့မှုလျာထားချက်ထက်ကျော်လွန် တင်နိုင်ခဲ့ပြီးအိန္ဒိယသို့အဓိက တင်ပို့ခဲ့တယ်လို့ မြန်မာနိုင်ငံပြောင်းလုပ်ငန်းအသင်းကသိရပါတယ်။
#Local_News
Published 09 May 2024
#အိန္ဒိယသို့အဓိကတင်ပို့ #ပြောင်းတင်ပို့မှု
#YMG/ NN #Yangon_Times

#Local_News
Published 9 May 2024

▪️ ဆိပ်ကမ်းများရှိ တစ်နှစ်ကျော်လေလံကုန်သေတ္တာ ၅၁ လုံးရှိ ကုန်ပစ္စည်းများအား မျက်မြင်အတိုင်း  အိတ်ဖွင့်တင်ဒါစနစ်ဖြင့် လေလံတင်ရောင်းချရန်လျှောက်လွှာခေါ်ယူနေကြောင်း မြန်မာ့ဆိပ်ကမ်းအာဏာပိုင်၊ လေလံတင်ထုခွဲရောင်းချရေးကော်မတီမှ သိရသည်။

▪️ MIP, AWPT & HPT ဆိပ်ကမ်းများရှိ တစ်နှစ်ကျော် လေလံကုန်သေတ္တာ ၅၁ လုံးအတွင်းရှိ CLEAR FLOAT GLASS၊ GALVANIZED IRON WIRE၊ MACHINERY ANDACCESSORIES (USED)၊ တစ်ခါသုံးပလတ်စတစ်ခွက်များ၊ အသုံးပြုပြီးပစ္စည်းများနှင့် ကလေးအသုံးအဆောင်များ၊ သွားတိုက်ဆေးဘူးများ၊ Electrical Goods Accessories၊ BRAND NEW SANITRAY WARE AND ACCESSORIES ALUMINATE မီးခံဘိလပ်မြေအိတ်၊ REFRACTORY BRICKS (မီးခံအုတ်) & POLYESTER RING SPUN SEWING TREAD စသည့် ကုန်ပစ္စည်းများအား လက်ရှိ အမြင်အခြေအနေတိုင်း မေလ ၃၀ ရက်နေ့ နေ့လယ် ၁ နာရီတွင် အိတ်ဖွင့်တင်ဒါစနစ်ဖြင့် လေလံတင်ထုခွဲရောင်းချမည်ဖြစ်သည်။

▪️ အဆိုပါ တင်ဒါလျှောက်ထားလိုသူများအနေဖြင့် တင်ဒါပုံစံနှင့် တင်ဒါစည်းကမ်းချက်များကို ရန်ကုန်တိုင်းဒေသကြီး၊ ဗိုလ်တထောင်မြို့နယ်၊ ကမ်းနားလမ်း (ဗိုလ်တထောင်ဘုရား၊ အနောက်ဘက်၊ ကွန်ကရစ်လမ်း၊ Troll Gate အနီး) ရှိ မြန်မာ့ဆိပ်ကမ်းအာဏာပိုင်၊ ဗဟိုပစ္စည်းထိန်းဌာနတွင် မေလ ၁၀ ရက်မှ ၂၈ရက်အထိ ရုံးဖွင့်ရက်/ရုံးချိန်အတွင်း ဆက်သွယ်ဝယ်ယူနိုင်မည်ဖြစ် ကြောင်းသိရသည်။

#YMG/NN #Yangon_Times

#World_News
Published 09 May 2024

▪️ ဂါဇာတောင်ပိုင်းရှိ စစ်ဘေးရှောင်များ ခိုလှုံရာ ရာဖာမြို့ကို အစ္စရေးလ်တပ်များ ကျူးကျော်တိုက်ခိုက်ပါက အမေရိကန်မှ အစ္စရေးလ်ထံ လက်နက်ထောက်ပံ့နေတာတွေကို ရပ်တန့်ပစ်မယ်လို့ သမ္မတ ဂျိုးဘိုင်ဒင်က ဗုဒ္ဓဟူးနေ့မှာ ပထမဆုံးအနေနဲ့ လူသိရှင်ကြား သတိပေးလိုက်ပါတယ်။

▪️ ရာဖာမြို့ကို ကျူးကျော်မယ်ဆိုရင် လက်နက်တွေ ထောက်ပံ့မှာမဟုတ်ဘူးဆိုတာကို အတိအလင်း ပြောကြားလိုက်ပါပြီလို့ ဘိုင်ဒင်က CNN နဲ့အင်တာဗျူးမှာ ဆိုပါတယ်။

▪️ ဒါဟာ ရာဖာမြို့ကို အစ္စရေးလ်ကျူးကျော်မှာနဲ့ ပတ်သက်ပြီး တားဆီးဖို့အတွက် ဘိုင်ဒင်က အပြင်းထန်ဆုံး သတိပေးလာတာ ဖြစ်သလို အစ္စရေးလ်နဲ့ အမေရိကန်ကြားမှာ ဆက်ဆံရေး အက်ကွဲစပြုလာပါတယ်။

▪️ ဟားမတ်စ်တို့ကို သုတ်သင်ရန် ရည်ရွယ်ကာ အစ္စရေးလ်တို့က ဂါဇာမှာ စစ်ဆင်နွှဲရင်း အမေရိကန်မှ ထောက်ပံ့တဲ့ လက်နက်များဖြင့် ဂါဇာအရပ်သားတွေ သေစေတာကို ဘိုင်ဒင်က သတိပြုမိပါတယ်။

▪️ အစ္စရေးလ်စစ်ဆင်ရေးကြောင့် ယခုအချိန်အထိ ပါလက်စ်တိုင်းဘက်မှ ၃၄၇၈၉ ဦးသေဆုံးထားကြောင်း ဂါဇာကျန်းမာရေး ဝန်ကြီးဌာနမှ ဆိုပါတယ်။

▪️ ရာဖာမှာ အသုံးပြုဖွယ်ရှိနေတဲ့ လက်နက်များ ပေးပို့မှုကို အမေရိကန်က သေချာအကဲဖြတ်နေပြီး ပေါင် ၂၀၀၀ ရှိတဲ့ဗုံး ၁၈၀၀ နဲ့ ပေါင် ၅၀၀ ရှိတဲ့ဗုံး ၁၇၀၀ ပါဝင်တဲ့ ပေးပို့မှုကို ရပ်ဆိုင်းလိုက်ပါတယ်။

▪️ လက်နက်ပေးပို့မှုတွေ ရပ်ဆိုင်းလိုက်တဲ့ အမေရိကန်ဆုံးဖြတ်ချက်ကို အလွန်စိတ်ပျက်မိကြောင်း၊ အစ္စရေးလ်ကို လက်နက်ထောက်ပံ့ခြင်း ရပ်တန့်မယ်လို့တော့ မထင်ကြောင်း ကုလသမဂ္ဂဆိုင်ရာ အစ္စရေးလ်သံအမတ် ဂျီလက်အာဒန်က ပြောကြားလိုက်ပါတယ်။

▪️ အမေရိကန်ဟာ အစ္စရေးလ်ကို လက်နက်များ အဓိကထောက်ပံ့နေသူဖြစ်ပြီး အောက်တိုဘာ ၇ ရက်နေ့ ဟားမတ်စ်တို့ ကျူးကျော်ပြီးကတည်းက လက်နက်တင်ပို့မှုများ အရှိန်မြှင့်လာပါတယ်။

▪️ အစ္စရေးလ်ကို ကာကွယ်ရေးလက်နက်များ ဆက်လက်ထောက်ပံ့သွားမယ်လို့တော့ ဘိုင်ဒင်က ဆိုပါတယ်။

#Source: Reuters

#Local_News
Published 9 May 2024

▪️ ရာသီဥတုပူပြင်းသည့်အတွက် တောင်သမန်တံတားနှင့်အင်းသို့ ယခုလအတွင်း လာရောက်လည်ပတ်သူ တစ်ရက်လျှင် လူဦးရေ ၆၀၀ ကျော်အထိ ရှိလာကြောင်း တောင်သမန်တံတားပြုပြင်ထိန်းသိမ်းရေးအဖွဲ့မှ သိရသည်။

▪️ အဆိုပါ တောင်သမန်အင်းနှင့်တံတားသို့ ဧပြီလနောက်ဆုံးပတ်က လာရောက်လည်ပတ်ကြသော ပြည်တွင်း၊ ပြည်ပ ခရီးသွားမှာ တစ်ရက်လျှင် လူဦးရေ ၄ဝဝ ကျော်သာရှိခဲ့ခြင်းဖြစ်သည်။

▪️ ယခု မေလပထမပတ်အတွင်း၌မူ တစ်ရက်လျှင် လူဦးရေ ၆၀၀ ကျော်အထိ  ပြည်တွင်း၊ ပြည်ပ ခရီးသွားများလာရောက်လည်ပတ်နေကြကြောင်း သိရသည်။

▪️ ပြည်တွင်း၊ ပြည်ပခရီးသွားများသည် တောင်သမန်အင်းအတွင်းနေဝင်ဆည်းဆာအလှကို ငှက်လှေများဖြင့် ကြည့်ရှုလေ့ရှိကြရာ  ငှက်လှေအစီးရေ ၅ဝ ကျော်ဖြင့် ပြေးဆွဲပေးလျက်ရှိနေ ကြောင်းသိရသည်။

#YMG/ NN #Yangon_Times

#Local_News
Published_09 May 2024

▪️ 'ကမ္ဘာ့ကြက်ခြေနီနေ့အထိမ်းအမှတ် အခမ်းအနား' ကိုမေလ (၈)ရက်၊ကမ္ဘာ့ကြက်ခြေနီနေ့တွင် နေပြည်တော်၌ကျင်းပခဲ့ကြောင်း သိရသည်။

▪️ အဆိုပါအခမ်းအနားတွက်အသက် (၆၅)နှစ်ပြည့်သည်အထိ ကြက်ခြေနီသူနာပြုတပ်ဖွဲ့ဝင်များအဖြစ်တာဝန်ထမ်းခဲ့သူများကိုဂုဏ်ပြုခဲ့သလို ၂၀၂၄ ခုနှစ် ကမ္ဘာ့ကြက်ခြေနီနေ့ အထိမ်းအမှတ်  စာစီစာကုံးပြိုင်ပွဲတွင်ဆုရရှိသူများကိုလည်း ဆုချီးမြှင့်ခဲ့သည်။

▪️ ကမ္ဘာ့ကြက်ခြေနီနေ့များကို ၁၉၄၈ ခုနှစ် မှစတင်ကာ နှစ်စဉ် မေ ၈ ရက်တွင် ကမ္ဘာတစ်ဝန်း၌ ကျင်းပခဲ့ခြင်းဖြစ်ပြီး ယခုနှစ် ကမ္ဘာ့ကြက်ခြေနီနေ့ အထိမ်းအမှတ် အခမ်းအနား ဆောင်ပုဒ်သည် “လူသားချင်းစာနာမှု အစဉ်ရှင်သန်ရေး ဝိုင်းဝန်းကြိုးပမ်း ဆောင် ရွက်ပေး”( Keeping Humanity Alive) ဖြစ်သည်ဟုဆိုသည်။

▪️ ၂၀၂၄ ခုနှစ် ကမ္ဘာ့ကြက်ခြေနီနေ့ အထိမ်းအမှတ်အခမ်းအနားကို နေပြည်တော်ရှိ ဝဏ္ဏသိဒ္ဓိအားကစားကွင်း(ဘီ)ရုံ၌ ကျင်းပရာ နိုင်ငံတော်စီမံအုပ်ချုပ်ရေး ကောင်စီဝင် ဒုတိယဝန်ကြီးချုပ်နှင့် ပို့ဆောင်ရေးနှင့် ဆက်သွယ်ရေးဝန်ကြီးဌာန  ပြည်ထောင်စုဝန်ကြီး ဗိုလ်ချုပ်ကြီးမြထွန်းဦး တက်ရောက်အမှာစကားပြောကြားခဲ့သည်။

▪️ ပြည်ထောင်စုဝန်ကြီး ဗိုလ်ချုပ်ကြီးမြထွန်းဦးက ဂုဏ်ပြုအမှာ စကားပြောကြားရာတွင် "၁၈၅၉ ခုနှစ် ဆိုဖာရီနိုစစ်မြေပြင်က အစပြု၍ လူသားများ၏ လူမှုကရုဏာ လိုအပ်ချက်များကို ဆောင်ရွက်ပေးနေခဲ့သည့် ကြက်ခြေနီတည်ရှိမှု သက်တမ်းသည် ရာစုနှစ်တစ်ခုကျော် တည်ရှိခဲ့ပြီး ဖြစ်ကြောင်း၊ ယခုဆိုလျှင် နိုင်ငံပေါင်း (၁၉၁)နိုင်ငံတွင် နိုင်ငံအစိုးရများက ဖွဲ့စည်းထားသည့် အမျိုးသား ကြက်ခြေနီ/ လခြမ်းနီ အသင်းပေါင်း (၁၉၁) သင်းမှ ကြက်ခြေနီစေတနာလုပ်အားရှင်များသည် အကူအညီလိုအပ် သူများကို လူမှုကရုဏာ အကူအညီများ ပေးနိုင်နေကြပြီ ဖြစ်ကြောင်း၊ မြန်မာနိုင်ငံတွင်လည်း  မြန်မာနိုင်ငံကြက်ခြေနီ အသင်းအနေဖြင့် နိုင်ငံအတွင်း လူသားချင်းစာနာထောက်ထားမှု အကူအညီများကို ကြက်ခြေနီအခြေခံမူများနှင့်အညီ ကူညီဆောင်ရွက်ပေးနေသည်ကို သိရှိရသည့်အတွက် ဂုဏ်ယူပါကြောင်း။

▪️ နိုင်ငံတော်က လက်မှတ်ရေးထိုးထားသည့် ဂျီနီဗာသဘော တူညီချက်များ (Geneva Conventions) နှင့်  အပြည်ပြည်ဆိုင်ရာ ကြက်ခြေနီ/ လခြမ်းနီ လှုပ်ရှားမှုများ၏ ဥပဒေသများအရ မြန်မာနိုင်ငံကြက်ခြေနီအသင်းကို  နိုင်ငံအတွင်း လူသားချင်း စာနာထောက် ထားမှုလုပ်ငန်းများ လွတ်လပ်စွာ ဆောင်ရွက်ခွင့်ပေးထားပြီး ဖြစ်သည့်အတွက် ကြက်ခြေနီ အခြေခံမူများ၊ နိုင်ငံတော်၏ မူဝါဒများနှင့်အညီ ဆက်လက်လုပ်ဆောင်ပေးကြရန် တိုက် တွန်းမှာ ကြားလိုကြောင်းနှင့်ကြက်ခြေနီလှုပ်ရှားမှုတွင် ပါဝင်ကူညီသူအားလုံး ကိုယ်ကျန်းမာ စိတ်ချမ်းသာစွာဖြင့် အများအကျိုးကို ဆထက်ထမ်းပိုး ဆောင်ရွက်နိုင်ကြပါ စေကြောင်း "ပြောကြားသည်။

▪️ ထို့နောက် ကျန်းမာရေးဝန်ကြီးဌာန ပြည်ထောင်စုဝန်ကြီး ပါမောက္ခဒေါက်တာ သက်ခိုင်ဝင်းက ၂၀၂၄ ခုနှစ် ကမ္ဘာ့ကြက်ခြေနီနေ့ အထိမ်းအမှတ် ဂုဏ်ပြုစကားပြောကြား ပြီး  မြန်မာနိုင်ငံကြက်ခြေနီ အသင်းဥက္ကဋ္ဌ ပါမောက္ခဒေါက်တာမျိုးညွန့်က နှုတ်ခွန်းဆက်စကား ပြောကြားကြသည်။

▪️ ယင်းနောက် ၂၀၂၄ ခုနှစ် ကမ္ဘာ့ကြက်ခြေနီနေ့အထိမ်းအမှတ် မှတ်တမ်းဗီဒီယိုကို ပြသပြီး မွန်ပြည်နယ်ကြက်ခြေနီစေတနာလုပ်အားရှင်များ၏ ဘင်ခရာအဖွဲ့နှင့်အတူ ကြက်ခြေနီတပ်ဖွဲ့ဝင်များက “အများအတွက်ကြက်ခြေနီ” သီချင်းနှင့် လူငယ်ကြက်ခြေနီ မောင်မယ်များက “လူငယ်ကြက်ခြေနီ” သီချင်းဖြင့်  သီဆိုဖျော်ဖြေကြသည်။

▪️ ဆက်လက်၍ နိုင်ငံတော်စီမံအုပ်ချုပ်ရေးကောင်စီဝင် ဒုတိယဝန်ကြီးချုပ်နှင့် ပို့ဆောင်ရေး နှင့် ဆက်သွယ်ရေးဝန်ကြီးဌာန  ပြည်ထောင်စုဝန်ကြီး ဗိုလ်ချုပ်ကြီး မြထွန်းဦး က မြန်မာနိုင်ငံကြက်ခြေနီသူနာပြုတပ်ဖွဲ့တွင် အသက် ၆၅ နှစ်ပြည့်သည်အထိ တာဝန်ထမ်း ဆောင်ခဲ့ကြသည့် ပြည်နယ်နှင့်တိုင်းဒေသကြီးများမှ ကြက်ခြေနီသူနာပြုတပ်ဖွဲ့ဝင်များ ကိုယ်စား မကွေးတိုင်းဒေသကြီးမှ တိုင်းဒေသကြီးတပ်ဖွဲ့မှူး ဦးကျော်မြင့်ကိုလည်းကောင်း၊ ၂၀၂၄ ခုနှစ် ကမ္ဘာ့ကြက်ခြေနီနေ့ အထိမ်းအမှတ်  စာစီစာကုံးပြိုင်ပွဲတွင် မြန်မာဘာသာဖြင့် ပထမဆုရရှိသည့် မောင်ဖြိုးဝေဝင်းကိုလည်းကောင်း၊ ဒုတိယဆုရရှိသည့် ရွှေရည်ထွန်းလတ် ကိုယ်စား တာဝန်ရှိသူတစ်ဦးကလည်းကောင်း၊  တတိယဆုရရှိသည့် မအေးမြမူကိုလည်း ကောင်း ဂုဏ်ပြုဆုတံဆိပ်၊ ဂုဏ်ပြုမှတ် တမ်းလွှာနှင့် ဂုဏ်ပြုဆုငွေများ ပေးအပ်ချီး မြှင့်ခဲ့သည်။

 
▪️ ထို့နောက် နိုင်ငံတော်စီမံအုပ်ချုပ်ရေးကောင်စီဝင် ဒေါက်တာမှုထန်၊ ဒေါက်တာဘရွှေ နှင့် ဦးရန်ကျော်တို့က ၂၀၂၄ ခုနှစ် ကမ္ဘာ့ ကြက်ခြေနီနေ့အထိမ်းအမှတ် စာစီစာကုံးပြိုင်ပွဲတွင် အင်္ဂလိပ်ဘာသာဖြင့် ပထမ၊ ဒုတိယ၊ တတိယဆုရရှိကြသူများနှင့် ကဗျာပြိုင်ပွဲတွင် မြန်မာ ဘာသာ၊ အင်္ဂလိပ်ဘာဖြင့် ပထမ၊ ဒုတိယ၊ တတိယဆုရရှိကြသူများကို ဂုဏ်ပြုဆုတံဆိပ်၊ ဂုဏ်ပြုမှတ်တမ်းလွှာ နှင့် ဂုဏ်ပြုဆုငွေများ ပေးအပ်ချီးမြှင့်ကြသည်။

▪️ ယင်းနောက် နိုင်ငံတော်စီမံအုပ်ချုပ်ရေးကောင်စီဝင် ဒုတိယဝန်ကြီးချုပ်နှင့် ပို့ဆောင်ရေး နှင့် ဆက်သွယ်ရေးဝန်ကြီးဌာန  ပြည်ထောင်စုဝန်ကြီးသည် အခမ်းအနားသို့ တက်ရောက်လာ သူများနှင့်အတူ မှတ်တမ်းတင်ဓာတ်ပုံရိုက်ပြီး ကမ္ဘာ့ကြက်ခြေနီနေ့ အထိမ်းအမှတ်ပြခန်းများ ၊ကြက်ခြေနီပစ္စည်းအရောင်းကောင်တာ၊ ဘေးအန္တရာယ်ဆိုင်ရာ တုံ့ပြန်ခြင်းခြင်းပစ္စည်းများ ပြခန်းနှင့် ရှေးဦးပြုစုခြင်းဆိုင်ရာပစ္စည်းပြခန်းတို့ကို လိုက်လံကြည့်ရှုကြကြောင်း သိရသည်။

#tthl #Yangon_Times

#Local_News
Published 9 May 2024

▪️ မန္တလေးတိုင်းဒေသကြီး၊ သာစည်မြို့နယ် ၊ ကမ္ဘားမြင့်ကျေးရွာအနီး ၊ မိတ္ထီလာ-သာစည်မြို့ရှောင်လမ်း ၊ မိုင်တိုင်အမှတ် (၃၁၂/၇)တွင် (၂၂) ဘီးယာဉ်(၁)စီး တိမ်းမှောက်မှုဖြစ်ပွား ခဲ့ကြောင်း မြို့နယ်မီးသတ်တပ်ဖွဲ့ထံမှ သိရသည်။

▪️ မေလ၉ရက် မနက် ၆နာရီခွဲက ၂၂ ဘီးယာဉ်(၁)စီး တိမ်းမှောက်မှုဖြစ်ပွားပြီး အမျိုးသမီးတစ်ဦး ခေါင်းခန်းတွင်ညပ်နေသဖြင့် မိတ္ထီလာမြို့နယ်မီးသတ်စခန်းမှ ရှာဖွေကယ်ဆယ်ရေးယာဉ်(၁)စီး၊ သာစည်မြို့နယ် မီးသတ်စခန်းမှ ရှာဖွေကယ်ဆယ်ရေးယာဉ်(၁)စီးနှင့် ရှာဖွေကယ်ဆယ်ရေး တပ်ဖွဲ့ဝင်များဖြင့် ကယ်ဆယ်ရေးလုပ်ငန်းများ သွားရောက်ဆောင်ရွက်ပေးခဲ့ကြောင်း သိရသည်။

▪️ အဆိုပါယာဉ်တိမ်းမှောက်မှုကြောင့် အမျိုးသမီး (၁)ဦး ထိခိုက်ဒဏ်ရာ(မစိုးရိမ်ရ)အား မျိုးဆက်သစ်မြတ်ပါရမီအသင်းမှ သူနာတင်ယာဉ်ဖြင့် မိတ္ထီလာမြို့နယ်ပြည်သူ့ဆေးရုံသို့ ကူညီပို့ဆောင်ပေးခဲ့ကြောင်း သိရသည်။

#YMG/LW #Yangon_Times

#Local_News
Published_09 May 2024

▪️ (၆)လကျော်ကာလအတွင်း ဆန်သိုလှောင်ရုံစုစု‌‌ပေါင်း (၆၀၆)လုံးတရားဝင်မှတ်ပုံတင်ထားပြီဖြစ်ကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ သိရသည်။

▪️ ဆန်စပါးသိုလှောင်ရုံပိုင်ဆိုင်သူများ အနေဖြင့် Online Registration စနစ်ဖြင့် မှတ်ပုံတင်ခြင်းများ ဆောင်ရွက်လျက်ရှိရာ  ၂၀၂၃ ခုနှစ်၊ နိုဝင်ဘာလ ၃ ရက်နေ့မှစတင်၍၂၀၂၄ ခုနှစ်၊ မေလ ၆ ရက်နေ့အထိဆန်သိုလှောင်ရုံစုစု‌‌ပေါင်း(၆၀၆)လုံးအွန်လိုင်းစနစ်ဖြင့် မှတ်ပုံတင်ခဲ့ခြင်းဖြစ်သည်။

▪️ မေလ ၆ ရက်နေ့အထိ Myanmar Rice Online (MyRo) - www.myro.com.mm တွင် မှတ်ပုံတင်ထားသော ကုမ္ပဏီ ၉၄ ခု၏ သိုလှောင်ရုံ ၁၉၇ လုံး၊ လူပုဂ္ဂိုလ် ၂၂၁ ဦး၏ သိုလှောင်ရုံ ၄၀၉ လုံး၊ စုစုပေါင်းသိုလှောင်ရုံအရေအတွက် ၆၀၆ လုံး မှတ်ပုံတင်ဆောင်ရွက်ထားပြီးဖြစ်‌သည်ဟုဆိုသည်။

▪️ ပြည်တွင်း ဆန်စပါးဖူလုံရေး၊ ပြည်ပသို စနစ်တကျတင်ပိုရောင်းချနိုင်ရေး၊ ဆန်စပါးဈေးကွက်နှင့် ဈေးနှုန်းတည်ငြိမ်မှန်ကန်စေရေးနှင့် ဆန်စပါးသိုလှောင်မှုအခြေအနေများကို စနစ်တကျစာရင်းပြုစု မှတ်ပုံတင်ထားနိုင်ရေး၊ သိုလှောင်ရုံကုန်အပ်လက်မှတ်ကို အခြေပြုသည့် ငွေကြေးထောက်ပံ့မှုစနစ်ကို ဖော်ဆောင်နိုင်ရေးတိုအတွက်Online Registration စနစ်ဖြင့်မှတ်ပုံတင်ခြင်းများဆောင်ရွက်ရမည်ဟုအသိပေးကြေညာခဲ့ကြောင်း၊

▪️ သို့ဖြစ်ပါ၍ စီးပွားရေးလုပ်ငန်းအလိုငှာ ဆန်တန်ချိန် ၅၀ သို့မဟုတ် စပါးတင်း ၅,၀၀၀ နှင့်အထက် သိုလှောင်သည့် ဆန်စပါးသိုလှောင်ရုံပိုင်ဆိုင်သူများအနေဖြင့် မိမိတို့၏ သိုလှောင်ရုံများကို Myanmar Rice Online (MyRo) - www.myro.com.mm တွင် မဖြစ်မနေ မှတ်ပုံတင်ဆောင်ရွက်ပေးကြပါရန် ထပ်မံအသိပေးကြေညာအပ်ကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှထုတ်ပြန် ဖော်ပြထားကြောင်း သိရသည်။

#tthl #Yangon_Times

#World_Health
Published 09 May 2024

▪️ အမေရိကန်လူမျိုး ၃၆၁၆၄ ဦးရဲ့ ကယ်လ်စီယမ် စားသုံးမှုကို သုတေသီများး ဆန်းစစ်ခဲ့ကြရာ နံနက်စာနဲ့ ညစာစားချိန်အတွင်း ကယ်လ်စီယမ် စားသုံးခြင်းက နှလုံးသွေးကြောရောဂါ ဖြစ်နိုင်ခြေ လျော့ကျစေတယ်လို့ တွေ့ရှိထားပါတယ်။

▪️ ညစာစားချိန်မှာ ကယ်လ်စီယမ် စားသုံးမှု ၅ ရာခိုင်နှုန်း လျှော့ချပြီး နံနက်စာ စားချိန်မှာ ၅ ရာခိုင်နှုန်း ပိုမိုစားသုံးခြင်းဖြင့် နှလုံးသွေးကြောရောဂါ ဖြစ်နိုင်ခြေ ၆ ရာခိုင်နှုန်း ကျဆင်းစေပါတယ်။

▪️ အစားအစာထဲမှာပါတဲ့ ကယ်လ်စီယမ်က သွေးအဆီဓာတ်၊ သွေးပေါင်ချိန်တို့ကို ကောင်းမွန်စေတယ်လို့ သုတေသီများ မှတ်ချက်ပြုထားပါတယ်။

▪️ နှလုံးဖောက်ခြင်း၊ နှလုံးရပ်ခြင်း၊ လေဖြတ်ခြင်းစတဲ့ နှလုံးသွေးကြောရောဂါတွေဟာ ကမ္ဘာတဝှမ်းမှာ သေဆုံးမှုအများဆုံးဖြစ်ရတဲ့ အကြောင်းအရင်း ဖြစ်နေပါတယ်။

▪️ နေ့ပိုင်းမှာဆိုရင် ကယ်လ်စီယမ် ဖြစ်ပျက်မှုအတွက် လိုအပ်တဲ့ ဟော်မုန်းတွေ မြင့်တက်တာကြောင့် ကယ်လ်စီယမ်စုပ်ယူမှုက နေ့ပိုင်းမှာ ပိုအားကောင်းကြောင်း အာဟာရပညာရှင် မယ်လာနီမာဖီရစ်ချ်တာက ပြောပြသွားပါတယ်။

▪️ အသက် ၁၉ နှစ်မှ ၇၀ ကြား အမျိုးသားတွေနဲ့ ၁၉ နှစ်မှ ၅၀ ကြား အမျိုးသမီးတွေဟာ တစ်နေ့ကို ကယ်လ်စီယမ် ၁၀၀၀ မီလီဂရမ် သောက်သုံးသင့်ပြီး အသက် ၇၁ နှစ်အထက် အမျိုးသားတွေနဲ့ အသက် ၅၁ နှစ်အထက် အမျိုးသမီးတွေကတော့ ၁၂၀၀ မီလီဂရမ် လိုအပ်ပါတယ်။

▪️ နို့တစ်ခွက်မှာဆိုရင် ကယ်လ်စီယမ် ၃၀၀ မီလီဂရမ်ခန့် ပါဝင်ပါတယ်။

▪️ အရွက်၊ အခွံမာသီး၊ အစေ့အဆန်များ၊ နို့ထွက်ပစ္စည်းများ စားသုံးသူတွေဟာ ကယ်လ်စီယမ် ဖြည့်စွက်စာ မလိုအပ်ဘူးလို့ ရစ်ချ်တာက ဆိုပါတယ်။

#Source: New York Post

#World_Health
Published 09 May 2024
▪️ သဘာဝသစ်သီးဖျော်ရည်တွေက ကျန်းမာရေးနဲ့ ပိုမိုသင့်လျော်မယ်လို့ ယူဆထားကြပေမယ့် မကောင်းတဲ့ အချက်တွေလည်း ရှိနေနိုင်ပါတယ်။
 
▪️ (၁) သကြားပါဝင်မှုများခြင်း
သစ်သီးတွေကို ဖျော်ရည်လုပ်လိုက်တဲ့အခါ သကြားပါဝင်မှု မြင့်မားလာတာကြောင့် ရေနဲ့ရောသောက်တာမျိုး ပြုလုပ်သင့်ပါတယ်။
 
▪️ (၂) အမျှင်ဓာတ်နည်းသွားခြင်း
အသီးမှာပါဝင်တဲ့ အမျှင်ဓာတ်တွေက ဖျော်ရည်လုပ်လိုက်တဲ့အခါ နည်းပါးသွားတာကြောင့် ထွက်သွားတာ အမျှင်ဖတ်တွေကို ပြန်ထည့်သောက်သင့်ပါတယ်။
 
▪️ (၃) အာဟာရဓာတ်များ ဆုံးရှုံးခြင်း
အသီးတွေမှာပါဝင်တဲ့ ဗိုက်တာမင်နဲ့ အာဟာရဓာတ်များ၊ ဓာတ်တိုးဆန့်ကျင်ပစ္စည်းများဟာ ဖျော်ရည်လုပ်တဲ့အခါ ဆုံးရှုံးသွားတတ်ပါတယ်။
 
▪️ (၄) ကယ်လိုရီများခြင်း
အသီးဖျော်ရည်တွေမှာ ကယ်လိုရီမြင့်မားပြီး အများအပြား သောက်သုံးပါက ကိုယ်အလေးချိန် တက်စေနိုင်ပါတယ်။
 
▪️ (၅) အက်ဆစ်ဓာတ်ပါဝင်ခြင်း
အချဥ်ပါတဲ့ အသီးတွေဟာ အက်ဆစ်ဓာတ်ဖြစ်စေပြီး အစာမကြေ အက်ဆစ်လျှံတက်ခြင်းတို့ ဖြစ်တတ်ပါတယ်။
 
▪️ (၆) ရောဂါပိုးဝင်ရောက်နိုင်ခြင်း
အသီးတွေကို အရည်ညှစ်တဲ့အခါ သေချာသန့်သန့်ရှင်းရှင်း မကိုင်တွယ်ပါက အစားအစာနဲ့ ပတ်သက်တဲ့ ရောဂါများ ဝင်ရောက်နိုင်ပါတယ်။
 
▪️ (၇) ဆေးဝါးများနှင့်ဓာတ်ပြုနိုင်ခြင်း
အချို့သော အသီးနဲ့ ဖျော်ရည်တွေက ဆေးဝါးများနဲ့ ဓာတ်ပြုနိုင်ကာ အာနိသင်ကျဆင်းတာမျိုး ဘေးထွက်ဆိုးကျိုး ဖြစ်တာမျိုး ဖြစ်တတ်ပါတယ်။
 
▪️ (၈) ကုန်ကျစရိတ်များခြင်း
ဖျော်ရည်တွေကို ဝယ်သောက်ရတာဟာ ဈေးကြီးတတ်တာကြောင့် အိမ်မှာလုပ်သောက်တာက ဈေးသက်သာနိုင်ပါတယ်။
 
▪️ (၉) သွားပိုးစားနိုင်ခြင်း
အသီးဖျော်ရည်တွေက သကြားပါဝင်မှု မြင့်မားတာကြောင့် မကြာခဏ သောက်သုံးပြီး ခံတွင်းသန့်ရှင်းရေး သေချာမလုပ်ပါက သွားပိုးစားခြင်းမျိုး ဖြစ်တတ်ပါတယ်။

#Source: DoctorNDTV