#Local_News
Published 10 May 2024

▪️ မလေးရှားနိုင်ငံ ဂျိုဟိုးပြည်နယ်ရှိ အလူမီနီယံစက်ရုံနှင့် ပေါင်မုန့်စက်ရုံမှာအလုပ်လုပ်ကိုင်နေသည့် တရားမဝင်မြန်မာလုပ်သား ၃၆ဦး ဖမ်းဆီးခံရကြောင်း မလေးရှားသတင်းဌာနများ၏ ဖော်ပြချက်အရ သိရသည်။

▪️ မေလ ၈ ရက်နေ့က ဂျိုဟိုးပြည်နယ်ရှိ စက်ရုံအလုပ်ရုံများကို မလေးရှားအာဏာပိုင်များက ဝင်ရောက်စစ်ဆေးရာတွင် ဖမ်းဆီးခံရခြင်းဖြစ်ကြောင်း သိရသည်။

▪️ ဖမ်းဆီးခံရသူများထဲတွင် မြန်မာနိုင်ငံသားများအပြင် အခြားနိုင်ငံမှ တရားမဝင် နိုင်ငံခြားသား အလုပ်သမားများလည်း ဖမ်းဆီးခံရကြောင်း သိရသည်။

▪️ အလူမီနီယံ စက်ရုံတွင် ဖမ်းဆီးခံရသူများ ထဲတွင် ပါကစ္စတန်မှ အမျိုးသား ၁၀ ဦး ၊ ဘင်္ဂလားဒေ့ရှ် မှ အမျိုးသား ၉ ဦး ၊ တရုတ်နိုင်ငံမှ အမျိုးသား ၄ ဦးနှင့် မြန်မာနိုင်ငံမှ အမျိုးသား ၃ ဦး ဖမ်းဆီးခံရကြောင်းသိရသည်။

▪️ ပေါင်မုန့်စက်ရုံတွင် ဖမ်းဆီးခံရသူများထဲတွင် မြန်မာနိုင်ငံမှအမျိုးသား ၁၄ ဦးနှင့် အမျိုးသမီး ၉ ဦး၊ ပါကစ္စတန်မှအမျိုးသား ၂ ဦးနှင့် နီပေါနိုင်ငံမှ အမျိုးသား ၁ ဦးတို့ဖြစ်ကြောင်း သိရသည်။

▪️ ဖမ်းဆီးခံရတဲ့ မြန်မာနိုင်ငံသားများဟာ အသက်၂၀မှ ၄၆နှစ်ကြား ရှိကြောင်းသိရသည်။

#YMG/LW #Yangon_Times

#World_News
Published 10 May 2024
▪️ အစ္စရေးလ်က ရှိသမျှဖြင့် တိုက်ခိုက်ရန် အသင့်ဖြစ်နေပြီလို့ ဝန်ကြီးချုပ် ဘင်ဂျမင်နေတန်ညာဟူက ကြာသပတေးနေ့က ပြောကြားလိုက်ကာ ဂါဇာစစ်ဆင်ရေးနဲ့ ပတ်သက်ပြီး လက်နက်ထောက်ပံ့မှုများ ရပ်ဆိုင်းမယ်လို့ အမေရိကန်သမ္မတ ဂျိုးဘိုင်ဒင် သတိပေးခဲ့တဲ့အပေါ် ခုခံတုန့်ပြန်လိုက်ပါတယ်။

▪️ အစ္စရေးလ်က ဂါဇာတောင်ပိုင်းမှ ရာဖာမြို့ကို ခြိမ်းခြောက်နေတာ ကြာရှည်နေပြီဖြစ်ပြီး ယခုသီတင်းပတ်အတွင်း အရပ်သားအချို့ တိမ်းရှောင်ထွက်ပြေးခဲ့ပြီ ဖြစ်ပါတယ်။

▪️ စစ်ပြေးရှောင်လာတဲ့ ပါလက်စ်တိုင်း ၁ သန်းကျော် ခိုလှုံနေတဲ့ရာဖာမြို့မှာ ဟားမတ်စ်တိုက်ခိုက်ရေးသမား ထောင်ဂဏန်းခန့်နဲ့ ဖမ်းဆီးခံထားရတဲ့ အစ္စရေးလ်ဓားစာခံ ဒါဇင်ခန့် ရှိနေနိုင်တယ်လို့ အစ္စရေးလ်ဘက်က ဆိုထားပါတယ်။

▪️ အရပ်သားများ ဘေးကင်းလုံခြုံရေး သေချာမှုမရှိဘဲနဲ့ ရာဖာကိုကျူးကျော်မယ့် ကိစ္စကို အမေရိကန်အစိုးရက မထောက်ခံဘူးလို့ သတိပေးထားပါတယ်။

▪️ အစ္စရေးလ်တို့ကလည်း ရာဖာကို မသိမ်းဘဲ အောင်ပွဲမရနိုင်ဘူးလို့ ဆိုထားပါတယ်။

▪️ အမေရိကန်က ဗုံးလက်နက်တင်ပို့မှုများ ရပ်ဆိုင်းထားခြင်းနဲ့ ပတ်သက်ပြီး အစ္စရေးလ်အစိုးရ နှုတ်ပိတ်နေခဲ့ကာ ရာဖာမြို့ကို မကျူးကျော်ဖို့ ဘိုင်ဒင်က လူသိရှင်ကြား သတိပေးထားပါတယ်။

▪️ အစ္စရေးလ်တို့ တစ်ဦးတည်းရပ်တည်ရမယ် ဆိုရင်လည်း ဒီတိုင်းရပ်တည်သွားမှာဖြစ်ပြီး ရှိသမျှဖြင့် တိုက်ခိုက်သွားမယ်လို့ အစ္စရေးလ်ဝန်ကြီးချုပ်က ပြောကြားလိုက်ပါတယ်။

▪️ ဂါဇာစစ်ပွဲနဲ့ ပတ်သက်ပြီး သဘောထား မတိုက်ဆိုင်တာတွေကို ဘိုင်ဒင်နဲ့အတူ ကျော်လွှားနိုင်မယ်လို့ ဝန်ကြီးချုပ်က ပြောကြားသွားပါတယ်။

▪️ အစ္စရေးလ်ရဲ့ ရန်သူတွေရော မိတ်ဆွေတွေရောကို ပြောပြချင်တာက အစ္စရေးလ်ဟာ သူများလက်အောက် အရောက်မခံနိုင်ကြောင်း၊ မားမားမတ်မတ် ရပ်တည်ပြီး ရည်မှန်းချက်တွေ အောင်မြင်အောင် ပြုလုပ်မှာဖြစ်ကြောင်း၊ ဟားမတ်စ် ဟက်ဇ်ဘိုလာတို့ကို တိုက်ခိုက်ပြီး ဘေးကင်းလုံခြုံမှု ရယူမှာဖြစ်ကြောင်း ကာကွယ်ရေးဝန်ကြီး ဂဲလန့်က ပြောကြားခဲ့ပါတယ်။

▪️ ရာဖာမြို့ကို ကျူးကျော်ဖို့အတွက်နဲ့ အခြားစစ်ဆင်ရေး အစီအစဥ်များအတွက် အစ္စရေးလ်တပ်တွေမှာ လက်နက်ခဲယမ်း အလုံအလောက်ရှိတယ်လို့ အစ္စရေးလ်စစ်တပ်မှ ပြောရေးဆိုခွင့်ရှိသူ အကြီးအကဲ ဒန်နီယယ်ဟာဂရီက ပြောပြခဲ့ပါတယ်။

#Source: Reuters

#Local_News
Published_10 May 2024

▪️ အာဆီယံ-တရုတ်ပူးပေါင်းပြီးသုတေသနအဖွဲ့အစည်းများ၊ MSMEs လုပ်ငန်းရှင်များနှင့် တက္ကသိုလ်များသို့ နည်းပညာလွှဲပြောင်းခြင်း၊  နည်းပညာဈေးကွက်မြှင့်တင်နိုင်အောင်နှင့် လူ့စွမ်းအားအရင်း အမြစ်များဖွံ့ဖြိုးတိုးတက်‌‌အောင်ဆောင်ရွက်မည်ဖြစ်ကြောင်း သိရသည်။

▪️ ယင်းကဲ့သို့ ဆောင်ရွက်ရန်ရှိကြောင်းကို “နည်းပညာလွှဲပြောင်းခြင်းနှင့် စီးပွားဖြစ်ထုတ်လုပ်နိုင်ရေးအတွက် လူ့စွမ်းအားအရင်းအမြစ်ဖွံ့ဖြိုးတိုးတက်ရေးဆိုင်ရာ အာဆီယံ-တရုတ် အလုပ်ရုံဆွေးနွေးပွဲ မှသိရခြင်းဖြစ်သည်။

▪️ ယင်းအလုပ်ရုံဆွေးနွေးပွဲကို အာဆီယံအတွင်းရေးမှူးချုပ်ရုံး (ASEAN Secre-tariat) ၊ မြန်မာနိုင်ငံ သိပ္ပံနှင့်နည်းပညာဝန်ကြီးဌာန၊ အာဆီယံသိပ္ပံ၊ နည်းပညာနှင့် ဆန်းသစ်တီထွင်မှုဆိုင်ရာကော်မတီ (ASEAN COSTI) တို့ ပူးပေါင်းဆောင်ရွက်မှုဖြင့် မေ ၉ ရက်မှ ၁၀ ရက်အထိရန်ကုန်မြို့ Lotte ဟိုတယ်တွင် မြန်မာနိုင်ငံမှအိမ်ရှင်အဖြစ် ကျင်းပခဲ့ခြင်းဖြစ်သည်။

▪️ အဆိုပါ အလုပ်ရုံဆွေးနွေးပွဲသည် အာဆီယံ - တရုတ် ပူးပေါင်းဆောင်ရွက်ရေးရန်ပုံငွေ (ASEAN-China Cooperation Fund-ACCF) ဖြင့် တက္ကသိုလ်များနှင့် သုတေသနဌာနများ၏ သုတေသနရလဒ် များအား ဓာတ်ခွဲခန်းအဆင့်မှ ဈေးကွက်တွင် စီးပွားဖြစ်ထုတ်လုပ်နိုင်ရေးအတွက် အငယ်စား၊ အသေးစားနှင့် အလတ်စား စီးပွားရေး လုပ်ငန်းရှင်များအား နည်းပညာလွှဲပြောင်းခြင်းဆိုင်ရာ လူ့စွမ်းအားအရင်းအမြစ် မွေးထုတ်ပေးရန်နှင့် စွမ်းဆောင်ရည်မြှင့်တင်ပေးရန် ရည်ရွယ်ချက်ဖြင့် ကျင်းပခြင်းဖြစ်သည်ဟုဆိုသည်။

▪️ အခမ်းအနားတွင် သိပ္ပံနှင့်နည်းပညာဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိန်းကျော်က ကြိုဆိုနှုတ်ခွန်းဆက်စကားပြောကြားပြီး မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံ သံရုံးမှ သံမှူးကြီး Dr. ကျန်းကျီဟွန်းနှင့် အာဆီယံသိပ္ပံ၊ နည်းပညာနှင့် ဆန်းသစ်တီထွင်မှု ကော်မတီဥက္ကဋ္ဌ Dr. Hul Seingheng တို့က အဖွင့်မိန့်ခွန်းပြောကြား၍ အာဆီယံအတွင်းရေးမှူးချုပ်ရုံးမှ အာဆီယံစီးပွား ရေး အသိုက်အဝန်းဆိုင်ရာ ဒုတိယအထွေထွေအတွင်းရေးမှူးချုပ် Mr. Satvinder Singh - က Video clip ဖြင့် အဖွင့်နှုတ်ခွန်းဆက်စကား ပြောကြားကြသည်။

▪️ အလုပ်ရုံဆွေးနွေးပွဲသို့ ရန်ကုန်တိုင်းဒေသကြီးဝန်ကြီးချုပ် ဦးစိုးသိန်း၊ တိုင်းဒေသကြီးဝန်ကြီးများနှင့် သိပ္ပံနှင့်နည်းပညာဝန်ကြီးဌာန အမြဲတမ်းအတွင်းဝန်၊ ညွှန်ကြားရေးမှူးချုပ်များ၊ ပါမောက္ခချုပ်များနှင့် အာဆီယံအဖွဲ့ဝင်နိုင်ငံများဖြစ်သည့် ကမ္ဘောဒီးယား၊ လာအို၊ မလေးရှား၊ ဖိလစ်ပိုင်၊ ထိုင်း၊ ဗီယက်နမ်နှင့် တရုတ်နိုင်ငံတို့မှ ကျွမ်းကျင်ပညာရှင်များ၊ မြန်မာနိုင်ငံ တက္ကသိုလ်များ၊ ဆက်စပ်ဝန်ကြီးဌာနနှင့် ဦးစီးဌာနအသီးသီးမှ ကိုယ်စားလှယ်များ တက်ရောက်ကြသည်။

▪️ အဆိုပါ အလုပ်ရုံဆွေးနွေးပွဲ၌ သုတေသနအဖွဲ့အစည်းများ၊ MSMEs လုပ်ငန်းရှင်များနှင့် တက္ကသိုလ်များအကြား နည်းပညာလွှဲပြောင်းရာတွင် တွေ့ကြုံရသော အခက်အခဲများနှင့် ကျော်လွှား ဖြေရှင်းနိုင်ရေး အမြင်များဖလှယ်ခြင်း၊

▪️ နည်းပညာလွှဲပြောင်းခြင်းနှင့် နည်းပညာဈေးကွက် မြှင့်တင်နိုင်ခြင်းဆိုင်ရာ လူ့စွမ်းအားအရင်းအမြစ် တည်ဆောက်ခြင်း၊ အစိုးရနှင့် ပုဂ္ဂလိကကဏ္ဍတွင် တရုတ်နှင့် အာဆီယံနိုင်ငံများအကြား စွန့်ဦးတီထွင်မှုဆိုင်ရာ ပူးပေါင်းဆောင်ရွက်မှု အားကောင်းစေမည့် နည်းလမ်းများ၊ 

▪️ စွန့်ဦးတီထွင် စီးပွားဂေဟစနစ်ဝန်းကျင်အတွက် လူ့စွမ်းအားအရင်းအမြစ် ဖွံ့ဖြိုးမှုကွန်ရက်နှင့် အွန်လိုင်း-အပြန်အလှန် သင်ကြားသင်ယူမှုကို အသုံးပြု၍ သုတေသနအဖွဲ့အစည်းများ၊ လုပ်ငန်းရှင်များနှင့် တက္ကသိုလ်များသို့ နည်းပညာလွှဲပြောင်းခြင်းနှင့် နည်းပညာပူးပေါင်းဆောင်ရွက်မှု အရှိန်မြှင့်တင်နိုင်မည့် နည်းလမ်းများအပေါ် တရုတ်နှင့်အာဆီယံနိုင်ငံ ကိုယ်စားလှယ်များက အုပ်စုအဖွဲ့လိုက် ဆွေးနွေးခဲ့ကြပြီး ဆွေးနွေးတင်ပြချက်များ၏ ရလဒ်များကို ရှေ့လုပ်ငန်းစဉ်များအဖြစ် သတ်မှတ်ခဲ့ကြကြောင်း သိရသည်။

#tthl #Yangon_Times

#Local_News
Published 10 May 2024

▪️ ရန်ကုန်တိုင်းဒေသကြီး၊ လှိုင်မြို့နယ်၊ (၁၅)ရပ်ကွက်တွင် လျှော်ရွေးလျှော်ထုတ်စက်ရုံဝင်းထဲရှိ ဂိုဒေါင်တစ်လုံး မီးလောင်မှုဖြစ်ပွား မြို့နယ်မီးသတ်တပ်ဖွဲ့ထံက သိရသည်။

▪️ မေလ ၉ရက် ည ၈နာရီ ၂၅မိနစ် ဝန်းကျင်က မီးလောင်မှုဖြစ်ပွားခဲ့ခြင်းဖြစ်ကာ လှိုင်မြို့နယ်မီးသတ်စခန်းမှ မီးသတ်ယာဉ်အုပ်စုများ ထွက်ခွာငြှိမ်းသတ်ခဲ့ရာ ၈နာရီ ၃၈မိနစ်တွင် မီးထိန်းနိုင်ပြီး ၈နာရီ ၄၁မိနစ်တွင်မီးငြှိမ်းခဲ့ကြောင်း သိရသည်။

▪️ အဆိုပါမီးလောင်မှုနှင့်ပတ်သက်ပြီး မီးလောင်သည့်အကြောင်းအရာနှင့်ပျက်စီးဆုံးရှုံးမှုတန်ဖိုးကို သက်ဆိုင်ရာက စစ်ဆေးလျက်ရှိကြောင်း သိရသည်။

#YMG/LW #Yangon_Times

#World_Health
Published 10 May 2024

▪️ ဒိန်ချဥ်သောက်ခြင်းဖြင့် ဆီးချိုရောဂါ ကာကွယ်နိုင်တယ်ဆိုတဲ့ အချက်ဟာ ဖြစ်နိုင်ဖွယ်ရှိတယ်လို့ အမေရိကန် FDA က ဆိုပါတယ်။

▪️ အဆိုပါ အကြောင်းအရာနဲ့ ပတ်သက်ပြီး အထောက်အထားတွေကို လေ့လာပြီးနောက် ဒိန်ချဥ်သောက်သုံးခြင်းနဲ့ ဆီးချိုရောဂါ ဒုတိယအမျိုးအစား ဖြစ်နိုင်ခြေနည်းခြင်းတို့ကြား ဆက်စပ်မှုပုံစံမျိုးကို FDA က ထောက်ခံလိုက်ပေမယ့် အထောက်အထားက နည်းပါးသေးတယ်လို့ ဖော်ပြထားပါတယ်။

▪️ အထောက်အထား မခိုင်လုံပေမယ့် လူ့ကျန်းမာရေးအတွက် အကျိုးဖြစ်စေမယ်လို့ အတ္တလန်တာ မက်ထရိုပိုလီတန်မှ အာဟာရပညာရှင် ရှယ်ရီကိုးလ်မန်းကောလင်းစ်က ဆိုပါတယ်။

▪️ ဒီလိုကျန်းမာရေး အကျိုးကျေးဇူးရဖို့ တစ်ပတ်ကို ဒိန်ချဥ် ၂ ခွက်ခန့် ပုံမှန်သောက်သင့်ပါတယ်။

▪️ ဒိန်ချဥ်ဟာ အပင်အခြေပြု စားစရာများဖြစ်တဲ့ အသီးအနှံ၊ ဟင်းရွက်၊ ဂျုံပြောင်း၊ ပရိုတိန်း၊ ပဲ၊ ပဲပိစပ်တို့လိုမျိုး ကျန်းမာရေးကို မြှင့်တင်ပေးနိုင်တယ်လို့ ကောလင်းစ်က ပြောပြပါတယ်။

▪️  ဒိန်ချဥ်မှာ ကောင်းကျိုးပြုပိုးမွှားတွေ ပါဝင်ပါတယ်။

▪️ ကျန်းမာရေးနဲ့ ညီညွတ်တဲ့ အမျိုးမျိုးသော အဏုဇီဝပိုးမွှားတွေက အူလမ်းကြောင်းကို ကျန်းမာစေကာ နာတာရှည်ရောဂါများ ဖြစ်နိုင်ခြေကို လျှော့ချပေးပါတယ်။

▪️ ဂရိဒိန်ချဥ်တွေဆိုရင် ပရိုတိန်းနဲ့ ကယ်လ်စီယမ် ကြွယ်ဝပြီး သကြားနည်းပါးတာကို ရွေးချယ်သင့်ပါတယ်။

▪️ ၂ ခွက်ထက်ပိုသောက်တာကတော့ အကျိုးကျေးဇူး ပိုမိုမရရှိနိုင်ပါဘူး။

#Source: New York Post

#Local_News
Published_10 May 2024

▪️ နေပြည်တော်ကို Green City ၊ Clean City ၊ Smart City ဖြစ်စေရန်နှင့် Smokeless Industry များအကောင် အထည်ဖော်နိုင်ရန်အပြင်ပညာရေးမြို့တော်အဖြစ်တည်ဆောက် နိုင်ရေးအတွက်လည်း ဆောင်ရွက်ခဲ့ကြောင်း နစက ဥက္ကဌက ပြောသည်။

▪️ မေလ ၉ ရက်က နေပြည်တော်၊ မြို့တော်ခန်းမ၌ပြုလုပ်သော ပြည်ထောင်စုနယ်မြေ၊ နေပြည်တော် “စာကြည့်တိုက်များ ဖွံ့ဖြိုးတိုးတက်ရေးနှင့် စာဖတ်ရှိန်မြှင့်တင်ရေး လှုပ်ရှားမှုအခမ်းအနားအတွင်း ယင်းက အထက်ပါအတိုင်း ပြောကြားခဲ့ခြင်း ဖြစ်သည်။

▪️ နေပြည်တော် ကောင်စီနယ်မြေသည် ပညာရေး ကဏ္ဍ အပါအဝင် ကဏ္ဍအသီးသီး၌ အခြားတိုင်းဒေသကြီးနှင့် ပြည်နယ်များမှ စံပြုထိုက်သည့် မြို့တော်တစ်ခု ဖြစ်ရန်လိုသောကြောင့် စာကြည့် တိုက်များ ဖွံ့ဖြိုးတိုးတက်ရေးနှင့် စာဖတ်ရှိန်မြှင့်တင်ရေးလှုပ်ရှားမှု” များကို ပြုလုပ်ခြင်း ဖြစ်ကြောင်း ယင်းကဆိုသည်။

▪️ နေပြည်တော်ကို ဗဟိုပြု၍ တိုင်းဒေသကြီးနှင့် ပြည်နယ်များအလိုက်လည်း “စာကြည့်တိုက်များ ဖွံ့ဖြိုး တိုးတက် ရေးနှင့် စာဖတ်ရှိန်မြှင့်တင်ရေးလှုပ်ရှားမှု”များကိုအားပေးကြရန်၊ ယခုနစက အစိုးရလက်ထက်တွင် နေပြည်တော်၌ တက္ကသိုလ်များတိုးချဲ့ တည်ဆောက်ဖွင့်လှစ်ပေးခဲ့ကြောင်းလည်း သိရသည်။

▪️ နေပြည်တော်ကောင်စီနယ်မြေအတွင်း၌ပင် တန်းစဉ်ကူးပြောင်းမှုများနှစ်စဉ်လျော့နည်းခဲ့သည့်အပြင် တစ်နိုင် ငံလုံးတွင်လည်း တန်းစဉ်ကူးပြောင်းမှုများလျော့နည်းခဲ့ကြောင်း၊ တန်းစဉ်ကူးပြောင်းမှု လျော့နည်းခြင်းမှာ နိုင်ငံအတွင်း ပညာတတ်ပေါကြွယ်ဝခြင်းကို ထိခိုက်စေသောကြောင့် တန်းစဉ် ကူးပြောင်းမှုမြင့်မားရေးကို အားပေးဆောင်ရွက်လျက်ရှိကြောင်း နစက ဥက္ကဌက ပြောသည်။

▪️ ယင်းအပြင်တန်းစဉ်ကူးပြောင်းရာတွင် မပါဝင်ခဲ့သည့် ကျောင်းသား၊ ကျောင်းသူများအား အသိပညာအတတ်ပညာများ လေ့လာဖတ်ရှုနိုင်ရေး အတွက် စာကြည့်တိုက်များ ဖွံ့ဖြိုးတိုးတက်ရေးကို အားပေးဆောင်ရွက်နေခြင်းဖြစ်ကြောင်းလည်း ၎င်းကပြောသည်။

▪️ အဆိုပါ အခန်းအနားတွင် ပြီးခဲ့သည့် ဧပြီလ ၁၀ ရက်ကပြုလုပ်ခဲ့သည့် မြန်မာနိုင်ငံတစ်ဝန်းလုံးရှိ စာကြည့် တိုက် များ ဖွံ့ဖြိုးတိုးတက် ရေး အလှူငွေနှင့်စာအုပ်စာစောင်များ ပေးအပ်လှူ ဒါန်းပွဲအခမ်းအနားအတွင်း လက်ခံ ရရှိခဲ့ သည့်အလှူငွေကျပ်သိန်းပေါင်း ၁၀၂၇၆၂၄၃၈၀ ၊ စာအုပ်စာစောင်ပေါင်း ၈၅၅၄၀ ကို မြန်မာနိုင်ငံစာကြည့်တိုက်များ ဖွံ့ဖြိုးတိုးတက်ရေး ပူးပေါင်းဆောင်ရွက်မှုကော်မတီဥက္ကဋ္ဌ ပြန်ကြားရေးဝန်ကြီးဌာန ပြည်ထောင်စုဝန်ကြီးထံသို့ လွှဲပြောင်း ပေးခဲ့ကြောင်း သိရသည်။

#Yangon_Times/PP

#World_Health
Published 10 May 2024

▪️ နံနက်အိပ်ရာနိုးတဲ့အခါ ပျော်ရွှင်တက်ကြွဖို့အတွက်က စနစ်ကျကျနဲ့ လက်တွေ့ကျကျလေး လုပ်တတ်ဖို့လိုတယ်လို့ မီချီဂန်မှ လိုင်စင်ရ စိတ်ရောဂါပညာရှင် ဒေါက်တာ မစ်ရှဲလ်လီနိုက ပြောပြသွားပါတယ်။

▪️ နံနက်အိပ်ရာနိုးတဲ့အခါ မပြုလုပ်သင့်တဲ့ အချက်တွေနဲ့ ပြုလုပ်သင့်တဲ့ အချက်တွေကို ဖော်ပြလိုက်ပါတယ်။

▪️ မပြုလုပ်သင့်တာတွေကတော့..
-        အိပ်ရာနိုးတာနဲ့ လက်ကိုင်ဖုန်းတန်းကြည့်တာဟာ မလိုလားအပ်တဲ့ ဖိအားများ ဝင်ရောက်စေနိုင်ပါတယ်။

-        နိုးစက်ပေးတဲ့အခါ ကျယ်လောင်ဆူညံတဲ့ အသံမျိုးက စိုးရိမ်ပူပန်စိတ်ကို ဖြစ်စေပါတယ်။

-        အိပ်ရာနိုးစ ဦးနှောက်က အထက်မြက်ဆုံး ဖြစ်မနေသေးတဲ့ အချိန်မှာ ပြဿနာတွေဖြေရှင်းခြင်းက အလုပ်မဖြစ်ပါဘူး။

-        အရင်နေ့က အဆင်မပြေခဲ့တာကို ပြန်စဥ်းစားခြင်းဟာ ပြန်ပြီးအဖတ်ဆည်နိုင်မှာ မဟုတ်ပါဘူး။

 
▪️ ပြုလုပ်သင့်တဲ့အချက်တွေကတော့..

-        နံနက်ခင်းမှာ တရားထိုင်၊ အသက်ပြင်းပြင်းရှူခြင်းက စိတ်ကိုတည်ငြိမ်စေပြီး ခေါင်းကြည်လင်စေပါတယ်။

-        ဖြစ်ချင်တာတွေ ပြီးမြောက်ချင်တာတွေကို ဦးစားပေးပြီး  မှတ်သားပါ။

-        မိမိကျေနပ်ပျော်ရွှင်စေမယ့် အရာကို အိပ်ခန်းမှာ ချိတ်ထားပါ။

-        အကြောလျှော့တာမျိုး၊ ယောဂကျင့်တာမျိုး ပြုလုပ်ပါ။

-        ပြုလုပ်ချင်တာကို တစိုက်မတ်မတ် လေ့ကျင့်ပြုလုပ်ပါ။

#Source: New York Post

အစ္စရေးလ်ထံလက်နက်ထောက်ပံ့ရေးနှင့်ပတ်သက်နေသည့် တက္ကသိုလ်များ ပွင့်လင်းမြင်သာမှုရှိရန်နှင့် ပတ်သက်မှုရုပ်သိမ်းရန် ကမ္ဘာတစ်ဝှမ်းမှကျောင်းသားများဆန္ဒပြ

မိုနက်ရှ်တက္ကသိုလ် ကလေတန်ကျောင်းဝင်းမှာ ပြီးခဲ့တဲ့ ရက်သတ္တပတ်က ဆန္ဒပြသူများ စခန်းချနေကြပြီး အစ္စရေးလ်လက်နက်ထုတ်လုပ်ရေးများနဲ့ ပတ်သက်နေတယ်လို့ စွပ်စွဲခံနေရတဲ့ တက္ကသိုလ်နဲ့ ပတ်သက်ပြီး ပွင့်လင်းမြင်သာမှုရှိဖို့နဲ့ ပတ်သက်မှုရုပ်သိမ်းပေးဖို့ တောင်းဆိုနေကြပါတယ်။
#World_News
Published 09 May 2024
#အစ္စရေးလ်လက်နက်ထုတ်လုပ်ရေး #ကမ္ဘာတစ်ဝှမ်းမှကျောင်းသားများဆန္ဒပြ
#Yangon_Times #YMG_News #Yangon_Media_Group

#Daily_News
Published_09 May 2024

၁။ ဧပြီလအတွင်းပြောင်းတင်ပို့မှုလျာထားချက်ထက်ကျော်လွန်တင်နိုင်ခဲ့ပြီး အိန္ဒိယသို့အဓိကတင်ပို့

၂။ နယ်စုံမှ ဝယ်လိုအားရှိလာသည့်အတွက် ရှမ်းခရမ်းချဉ်သီး တစ်ပိဿာကျပ် ၁၇၀၀အထိ ဈေးမြင့်တက်

၃။ မုတ်သုန်အဝင်တွင်ဖြစ်ပွားနိုင်သည့် မုန်တိုင်းနှင့်သဘာဝဘေးအတွက်အသင့်ပြင်ထားပြီဖြစ်

၄။ အစ္စရေးလ်ထံလက်နက်ထောက်ပံ့ရေးနှင့် ပတ်သက်နေသည့်တက္ကသိုလ်များ ပွင့်လင်းမြင်သာမှုရှိရန်နှင့်ပတ်သက်မှုရုပ်သိမ်းရန် ကမ္ဘာတစ်ဝှမ်းမှကျောင်းသားများဆန္ဒပြ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

ထူးခြားချက်အနေနဲ့ ကဆုန်လပြည့်နေ့မှာ ဘုရားဖွင့်ချိန် နာရီဝက်စောဖွင့်ပေးထားမှာဖြစ်ပြီး အများပြည်သူ ဘုရားဖူး‌တွေအနေနဲ့ မနက်(၄)နာရီခွဲကတည်းက ညောင်ရေသွန်းလောင်းလှူပူဇော်နိုင်မယ်။
#Local_News
Published_09 May 2024
#ကဆုန်လပြည့်နေ့ #ညောင်ရေသွန်း‌လောင်းလှူနိုင်
#tthl #Yangon_Times

ရန်ကုန်ရှိ ထိုင်းသံရုံးတွင် ဗီဇာလျောက်ထားရန် ကြိုတင်ရက်ချိန်း ရယူရာမှာ မသမာတဲ့နည်းလမ်းနဲ့ ဗီဇာရက်ချိန်းယူပြီး ရောင်းစားတာတွေရှိတဲ့အတွက် မေလ၇ရက်မှစပြီး ရက်ချိန်းပယ်ဖျက်တဲ့စနစ်ကို ရပ်ဆိုင်းလိုက်တယ်လို့ မြန်မာနိုင်ငံဆိုင်ရာ ထိုင်းသံရုံးက ထုတ်ပြန်‌ေကြညာလိုက်ပါတယ်။
#Local_News
Published_09 May 2024
#ထိုင်းသံရုံးတွင်ဗီဇာလျောက် #ဗီဇာရက်ချိန်းယူပြီးရောင်းစား
#YMG/LW #Yangon_Times

၉ မေ ၂၀၂၄

မန္တလေးတိုင်းဒေသကြီး၊ မြင်းခြံမြို့ နယ်ရှိ ဆုံရွာကျေးရွာအား ယနေ့မေလ ၉ ရက် နံနက်ပိုင်းတွင် အကြမ်းဖက်သမားများက ပစ်ခတ်တိုက်ခိုက်မှုကြောင့် ကျေးရွာနေ ဒေသခံ ပြည်သူ အမျိုးသား ၁၇ ဦး၊ အမျိုးသမီး ၁၅ ဦး၊ စုစုပေါင်း ၃၂ ဦး သေဆုံးခဲ့ရတယ်လို့ နစကသတင်းထုတ်ပြန်ရေးအဖွဲ့က သတင်းထုတ်ပြန်ပါတယ်။

မြင်းခြံမြို့နယ် ဆီမီးခုံကျေးရွာ၏ အရှေ့ဘက်မှာရှိတဲ့ အဆိုပါ ဆုံရွာကျေးရွာကို  အကြမ်းဖက်သမားများက လက်နက်ကြီး လက်နက်ငယ်များဖြင့် တိုက်ခိုက်တဲ့အတွက် အမျိုးသား ၅ ဦး၊ အမျိုးသမီး ၉ ဦး ၊ စုစုပေါင်း ၁၄ ဦး ဗုံးစထိမှန် ဒဏ်ရာများ  လည်းရရှိခဲ့တယ်လို့သိရပါတယ်။

ဆီမီးခုံကျေးရွာ၏ အရှေ့ဘက် မီတာ ၄၀၀၀ ခန့်အကွာရှိ ဆုံရွာကျေးရွာ ပြည်သူ့စစ်စခန်းအား ယနေ့ နံနက်ပိုင်းတွင် ကျေးရွာ၏   တောင်ဘက်နှင့် အရှေ့တောင်ဘက်မှနေ၍ PDF အကြမ်းဖက်သမားများက လက်နက်ကြီး များဖြင့် ပစ်ခတ်တိုက်ခိုက်ခဲ့သဖြင့် ကျေးရွာရှိ ပြည်သူ့စစ်တပ်ဖွဲ့ဝင်များက ပြန်လည်ပစ်ခတ်တိုက်ခိုက်ခဲ့ရာ အကြမ်းဖက်သမားများသည် ကျေးရွာ ပြည်သူ့  စစ်စခန်းအား သိမ်းပိုက်နိုင်ခြင်းမရှိဘဲ အရှေ့ဘက်သို့ ဆုတ်ခွာထွက်ပြေးသွားခဲ့ပြီး ဆုတ်ခွာစဉ် နီးစပ်ရာ နေအိမ်များအား မီးရှို့  ဖျက်ဆီးခဲ့တာဖြစ်တယ် လို့ အဆိုပါသတင်းထုတ်ပြန်ချက်မှာ ဖော်ပြထားပါတယ်။

ယင်းကဲ့သို့ ကျေးရွာအတွင်းသို့ လက်နက်ကြီးများဖြင့် ပစ်ခတ်ခဲ့မှုကြောင့် နေအိမ်များပေါ်သို့ လက်နက်ကြီးကျည်များ ကျရောက်ပေါက်ကွဲ ခဲ့ပြီး ကျေးရွာအတွင်း အေးချမ်းစွာ နေထိုင်လျက်ရှိသည့် ဒေသခံ ပြည်သူ အမျိုးသား ၁၇ ဦး၊ အမျိုးသမီး ၁၅ ဦး၊ စုစုပေါင်း ၃၂ ဦး သေဆုံးခဲ့ကာ အမျိုးသား ၅ ဦး၊ အမျိုးသမီး ၉ ဦး ၊ စုစုပေါင်း ၁၄ ဦး ဗုံးစထိမှန်ဒဏ်ရာများ ရရှိခဲ့ပြီး ကျေးရွာအတွင်း နေအိမ် ၅၀ခန့်မီးလောင်ပျက်စီးခဲ့တာဖြစ်တယ်လို့သိရပါတယ်။

အဆိုပါကျေးရွာနှင့်အနီးဆုံး လုံခြုံရေးတပ်ဖွဲ့ဝင်များက ကျေးရွာသို့ သွားရောက်၍ လိုအပ်သည့် မီးငြှိမ်းသတ်ရေးလုပ်ငန်းများ ဆောင်ရွက်ပေးကာ ထိခိုက်ဒဏ်ရာ ရရှိသူများအား မန္တလေးမြို့ရှိ နယ်မြေခံတပ်မတော်ဆေးရုံသို့ ပို့ဆောင်ပေးခဲ့တယ်လို့ သတင်းထုတ်ပြန်ပါတယ်။

ဆုတ်ခွာထွက်ပြေးသွားခဲ့ သည့် အကြမ်းဖက်သမားများအား လိုက်လံချေမှုန်းကာ လိုအပ်သည့် လုံခြုံရေး လုပ်ငန်းများ ဆက်လက် ဆောင်ရွက်လျက်ရှိတယ်လို့လည်းသတင်းထုတ်ပြန်ချက်မှာဖော်ပြထားပါတယ်။

@ymg/knl