#Local_News
Published 24 December 2025

▪️ ရှမ်းပြည်နယ်၊ မိုင်းဆတ်မြို့နယ်ရှိလွယ်ဆမ်ဆုန်တောင်တက်လမ်းတွင် ယာဉ်တစ်စီး ဘရိတ်ပေါက်တိမ်းမှောက်မှုကြောင့် နှစ်ဦးသေဆုံးခဲ့ကြောင်း သိရသည်။

▪️ ၂၃.၁၂.၂၀၂၅ ရက်နေ့၊ ညနေ၆နာရီ အချိန်ခန့်က ရှမ်းပြည်နယ်၊ မိုင်းဆတ်မြို့နယ်၊ မိုင်းတွမ်းနယ်မြေ၊ လွယ်ဆမ်ဆုန်တောင်တက်လမ်း မိုင်းဆတ်ဘက်မှ တာချီလိတ်သို့ မောင်းနှင်လာသော MITSUBISHI CANTER FUSOအမျိုးအစား(၆)ဘီး(အဖြူရောင်)ယာဉ်သည် ဘရိတ်ပေါက်ပြီး ယာဉ်တိမ်းမှောက်မှုဖြစ်ပွားခဲ့ခြင်းဖြစ်ပြီး အဆိုပါယာဉ်တိမ်းမှောက်မှုအားမိုင်းဆတ်ခရိုင်မီးသတ်စခန်းမှ ကရိန်းယာဉ်(၁)စီး၊ မိုင်းဆတ်မြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ မိုင်းတွမ်းနယ်မြေမီးသတ်စခန်းမှ မီးငြှိမ်းသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များဖြင့် ရှာဖွေကယ်ဆယ်ရေးလုပ်ငန်းများ သွားရောက်ဆောင်ရွက်ခဲ့‌ကြောင်း သိရသည်။

▪️ အဆိုပါဖြစ်စဉ်ကြောင့် ယာဉ်ပေါ်ပါ ကျား(၃)ဦး၊ မ(၃)ဦး စုစုပေါင်း(၆)ဦးအနက်၊ မ(၂)ဦး(‌ေ-သဆုံး)ခဲ့ပြီး ကျား(၃)ဦး ထိခိုက်ဒဏ်ရာ(မစိုးရိမ်ရ)၊ မ(၁)ဦး ထိခိုက်ဒဏ်ရာ(မစိုးရိမ်ရ)တို့အား ဗြဟ္မစိုရ်လူမှုကူညီရေးအသင်းမှ သူနာတင်ယာဉ်ဖြင့် မိုင်းဆတ်မြို့နယ် ပြည်သူဆေးရုံကြီးသို့ ပို့ဆောင်ပေးခဲ့‌ကြောင်း သိရသည်။

#YMG/SW #Yangon_Times

#World_Health
Published 24 December 2025

■ လူသားတွေဟာ တစ်နေ့ကို ၂၃ ကြိမ်ခန့် ပျမ်းမျှအားဖြင့် လေလည်ကြပြီး အမျိုးသမီးတွေ လေလည်တဲ့အနံ့က အမျိုးသားတွေထက် ပိုပြီးဆိုးရွားတယ်လို့ သုတေသနတွေ့ရှိထားပါတယ်။

■ ဒါပေမဲ့ ဒါဟာ ထိုအမျိုးသမီးက အယ်ဇိုင်းမားဖြစ်နိုင်ခြေ နည်းတဲ့လက္ခဏာ ဖြစ်ပါတယ်။

■ ၁၉၉၈ တုန်းက အစာအိမ်အူလမ်းကြောင်း အထူးကု မိုက်ကယ်လီဗစ်က အစာအိမ်ပြဿနာမရှိသူ ၁၆ ဦးကို ခေါ်ယူပြီး စအိုပြွန်ချောင်းကို အိတ်တစ်ခုနဲ့ ချိတ်ဆက်ခဲ့ပါတယ်။

■ ဒီနောက် ပဲတွေစားခိုင်းပြီး ဝမ်းပျော့ဆေးသောက်စေကာ လေလည်လိုက်တဲ့ လေတွေကို ရယူခဲ့ပါတယ်။

■ အိတ်ထဲကအရာတွေကို အတိအကျ ခွဲခြမ်းစိတ်ဖြာဖို့ ဓာတ်ငွေ့ရောင်စဉ်တိုင်းနည်းလမ်းဖြင့် ဆန်းစစ်ခဲ့ပါတယ်။

■ အဆုံးအဖြတ်ပေးသူ နှစ်ယောက်က သုညအမှတ်ကနေ ၈ မှတ်အထိ သတ်မှတ်စေပြီး ၈ က အလွန်ဆိုးရွားတဲ့အနံ့ ဖြစ်ပါတယ်။

■ ဒါပေမဲ့ သူတို့ဟာ လူတွေလည်တဲ့လေကို ရှူရမှန်း မသိခဲ့ပါဘူး။

■ အနံ့ဆိုးဖြစ်စေတဲ့ အဓိကအရာက ဟိုက်ဒရိုဂျင်ဆာလ်ဖိုက်ဖြစ်ပြီး အမျိုးသားတွေက လေများစွာ ထုတ်လွှတ်တတ်ကြပြီး အမျိုးသမီးတွေမှာတော့ ဟိုက်ဒရိုဂျင်ဆာလ်ဖိုက် မြင့်မားစွာ ပါဝင်နေပါတယ်။

■ အမျိုးသမီးတွေရဲ့လေက အမျိုးသားတွေထက် အနံ့ပိုပြင်းထန်တာကို အဆုံးအဖြတ်ပေးသူတွေ သဘောတူခဲ့ကြပါတယ်။

■ ဟိုက်ဒရိုဂျင်ဆာလ်ဖိုက်က ပမာဏများရင် အဆိပ်သင့်နိုင်ပေမယ့် ဝမ်းထဲမှာ အနည်းငယ်ပဲဆိုရင်တော့ အယ်ဇိုင်းမားရောဂါ ဖြစ်ခြင်းမှ ဦးနှောက်ဆဲလ်တွေကို ကာကွယ်နိုင်ဖွယ် ရှိပါတယ်။

■ ဒီလေ့လာချက်တွေအရ အယ်ဇိုင်းမားရဲ့ သက်ရောက်မှုတွေကို ဟိုက်ဒရိုဂျင်ဆာလ်ဖိုက် ပေးခြင်းဖြင့် ပြန်ပြောင်းပေးနိုင်ဖွယ်ရှိတယ်လို့ ယူဆလာကြပါတယ်။

Source: New York Post

#World_Health
Published 24 December 2025

■ မိမိကလေးရဲ့ အတန်းဖော်တွေ စမတ်ဖုန်းကိုင်ကြတဲ့အခါ ကိုယ့်ကလေးတွေကိုလည်း ဖုန်းပေးလိုက်ဖို့ မိဘတွေ ဖိအားများလာတတ်ပါတယ်။

■ ဒါပေမဲ့ မပေးဘဲ စောင့်ဆိုင်းခြင်းဖြင့် ကလေးကျန်းမာရေးကို ကာကွယ်နိုင်လိမ့်မယ်လို့ ကျွမ်းကျင်သူတွေ ပြောထားပါတယ်။

■ ဖုန်းအသုံးပြုတဲ့ ကလေးအယောက်တစ်သောင်းကို လေ့လာခဲ့ရာမှာ အသက် ၁၂ နှစ်အရွယ်မှာ စမတ်ဖုန်းကိုင်တဲ့ ကလေးတွေက စိတ်ဓာတ်ကျခြင်း၊ အိပ်ရေးပျက်ခြင်း၊ ကိုယ်အလေးချိန်မမှန်ခြင်း စတာတွေ ဖြစ်နိုင်ခြေ များစေတယ်လို့ ဖီလာဒယ်ဖီယာ ကလေးဆေးရုံလေ့လာချက်မှာ ဖော်ပြထားပါတယ်။

■ ဖုန်းအသုံးပြုတဲ့ အသက်အရွယ်စောလေလေ အန္တရာယ်ပိုများလေ ဖြစ်တယ်လို့ တွေ့ရှိထားပါတယ်။

■ ကလေးတွေ ဖုန်းအသုံးပြုတဲ့အတွက် ခဏခဏဖုန်းကိုကြည့်မိပြီး ပညာရေးစွမ်းဆောင်ရည်နဲ့ စိတ်အခြေအနေတို့ကို ထိခိုက်စေတယ်လို့ ဝါရှင်တန်ဒီစီ အမျိုးသားကလေးဆေးရုံမှ ဒေါက်တာ အန်နီရှာအေဘရာဟမ်က ပြောပါတယ်။

■ အိပ်စက်ခြင်းက ကျန်းမာရေးအတွက် လွန်စွာအရေးကြီးပြီး လုံလောက်စွာ မအိပ်တဲ့အခါ စိတ်ဓာတ်ကျခြင်းနဲ့ အခြားစိတ်ကျန်းမာရေး ပြဿနာတွေ ဖြစ်နိုင်ခြေ များစေပါတယ်။

■ အလယ်တန်းလောက် ရောက်တဲ့အခါမှ ဖြည်းဖြည်းချင်း အသုံးပြုစေပြီး ကန့်သတ်ချက်စည်းမျဉ်းတွေနဲ့ စတင်သင့်ပါတယ်။

■ ဒါ့အပြင် ကလေးတွေ မမြင်သင့်တာတွေ မမြင်စေရန် ဖုန်း setting တွေကို ချိန်ညှိထားသင့်ပါတယ်။

■ တတ်နိုင်သမျှ ဖုန်းအကြည့်နည်းစေဖို့ တိုက်တွန်းသင့်ပြီး စိတ်ကျန်းမာရေးနဲ့ အဝလွန်ခြင်းမှ ကာကွယ်ရန် ကိုယ်လက်လှုပ်ရှားမှုတွေ ပြုလုပ်စေသင့်ပါတယ်။

■ မိဘတွေနဲ့ အုပ်ထိန်းသူတွေအနေနဲ့လည်း စံပြအနေဖြင့် ဖုန်းကို အချိန်အနည်းဆုံး အသုံးပြုသင့်ပါတယ်။

Source: wtop news

တရုတ်ဘူမိပညာရှင်တွေက အဆင့်မြင့် နီကယ်-ကိုဘော့တွင်းတစ်ခုထဲကနေ "ကျင်ရွှက်"လိုခေါ်တဲ့ သတ္တုအသစ်တစ်မျိုး တွေ့ရှိထားကာ နိုင်ငံရဲ့ သယံဇာတဖူလုံရေး အားကောင်းလာစေဖို့ မျှော်လင့်နိုင်ပါတယ်။

#Asia_Industry
Published 23 December 2025
#နီကယ်_ကိုဘော့
#YMG #Yangon_Times #Yangon_Media_Group

#Local_News
Published 23 December 2025
#ရုက္ခဗေဒဥယျာဉ် #ပြင်ဦးလွင်
#YMG/NN #Yangon_Times

စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန ဦးဆောင်မှုဖြင့် စက်မှုလယ်ယာဦးစီးဌာနနှင့် မြန်မာနိုင်ငံလယ်ယာသုံးစက်ကိရိယာလုပ်ငန်းရှင်များအသင်းတို့ ပူးပေါင်းကျင်းပတဲ့ လယ်ယာသုံးစက်ကိရိယာပြပွဲကို ယခုလ(၂၂)ရက်မှ(၂၄)ရက်အထိ ကျင်းပလျှက်ရှိပါတယ်။

#Local_News
Published 23 December 2025
#စက်ကိရိယာပြပွဲ
#YMG/SW #Yangon_Times

ရန်ကုန် - ပဲခူး ပြေးဆွဲနေတဲ့ Diesel Electric Multiple Units DEMUs ( DEMU ) ရထားခရီးစဉ်‌ပြေးဆွဲမှုတွေကို ဒီဇင်ဘာ ၂၂ရက်နေ့က စတင်ပြီး ရပ်ဆိုင်းလိုက်တယ်လို့ မြန်မာ့မီးရထားက သိရပါတယ်။

#Local_News
Published 23 December 2025
#DEMU #ရန်ကုန်_ပဲခူး
#YMG/NN #Yangon_Times

#Daily_News
Published 23 December 2025

၁။‌ ‎‎‎‎‎ရန်ကုန်-ပဲခူး DEMU ရထားများ ပြေးဆွဲမှုရပ်ဆိုင်း
‎
‎‎၂။ ‎စက်ကိရိယာအမျိုးပေါင်း ၃၀၀ ကျော်ပြသသည့်လယ်ယာသုံးစက်ကိရိယာပြပွဲကျင်းပနေ
‎
‎၃။‌‌‎ ‎‎‎‎‎‎‎‎‎‎‎ရုက္ခဗေဒဥယျာဉ်သို့ တစ်ရက်လျှင်ပြည်တွင်း၊ပြည်ပခရီးသွား လေးသောင်းခန့် လာရောက်လည်ပတ်
‎
၄။‎ ‌‌‌‌‌‌‌‌‌‎‎နီကယ်၊ကိုဘော့၊ဘစ္စမက်တိုပါဝင်ဖွဲစည်းထားသောသတ္တုအသစ်တစ်မျိုးအား တရုတ်တောင်ပိုင်း၌တူးဖော်တွေ့ရှိ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ကမ္ဘာ့ရွှေဈေးနဲ့အတူ မြန်မာရွှေဈေးလည်း ဆက်တိုက်မြင့်တက်လျှက်ရှိရာမှာ မြန်မာ့‌ရွှေပြင်ပပေါက်ဈေးဟာ တစ်ရက်အတွင်း ကျပ်၁၄၀၀၀၀မြင့်တက်ခဲ့ပြီး တစ်ကျပ်သား ကျပ်(၉၃)သိန်းခန့်သို့ရောက်ရှိလာတယ်လို့ ရွှေဈေးကွက်အသိုင်းအဝိုင်းမှ သိရပါတယ်။

#Local_News
Published 23 December 2025
#ကမ္ဘာ့ရွှေဈေး #ရွှေ
#YMG/SW #Yangon_Times

#Local_News
Published 23 December 2025

▪️ ရှမ်းပြည်နယ်(တောင်ပိုင်း)၊တောင်ကြီးမြို့တွင် ပြည်သူ့အငှားအိမ်ရာတစ်လုံးတည်ဆောက်လျှက်ရှိကြောင်း မြို့ပြနှင့်အိမ်ရာဖွံ့ဖြိုးရေးဦးစီးဌာနမှသိရသည်။

▪️ အဆိုပါ RC(၄)ခန်းတွဲ(၄)ထပ်‌ဆောင် ပြည်သူ့အငှားအိမ်ရာတည်ဆောက်လျှက်ရှိသည့်တောင်ကြီးမြို့၊ ထီဖောင်ကျေးရွာသို့ပြည်နယ်လမ်းပန်းဆက်သွယ်ရေးဝန်ကြီး ဦးနေဝင်းအောင် ပြည်နယ်မြို့ပြနှင့် အိမ်ရာဖွံ့ဖြိုးရေးဦးစီးဌာန ပြည်နယ်ဦးစီးမှူး၊ တာဝန်ရှိသူများနှင့်အတူ ယနေ့နံနက်ပိုင်းကသွားရောက် ကွင်းဆင်းကြည့်ရှုစစ်ဆေးခဲ့‌ကြောင်းသိရသည်။

▪️ ထိုသို့ ကွင်းဆင်းစစ်ဆေးရာတွင် RC(၄)ခန်းတွဲ(၄)ထပ်ဆောင်ပြည်သူ့အငှားအိမ်ရာတည် ဆောက်ရေးလုပ်ငန်းများ ဆောင်ရွက်နေမှု အခြေအနေများနှင့်ပတ်သက်၍ မြို့ပြနှင့်အိမ်ရာ ဖွံ့ဖြိုးရေးဦးစီးဌာန ပြည်နယ်ဦးစီးမှူးနှင့် တာဝန်ရှိသူတို့က ရှင်းလင်းတင်ပြကာ တင်ပြချက်အပေါ် ပြည်နယ်လမ်းပန်းဆက်သွယ်ရေးဝန်ကြီးက လုပ်ငန်းအရည်အသွေး ပြည့်မီရေးနှင့်လုပ်ငန်းခွင် အန္တရာယ်ကင်းရှင်းရေးစနစ်တကျ ဆောင်ရွက်သွားရန်၊ သတ်မှတ်စံချိန်စံညွှန်းနှင့်အညီ အချိန်မီပြီးစီးရေး၊ သတ်မှတ်ဘဏ္ဍာရေးနှစ်အတွင်း ပြီးစီးရေး၊ တည်ဆောက်ရေးလုပ်ငန်းစဉ် တစ်ခုချင်းစီတိုင်းအား တာဝန်ရှိသူအဆင့်ဆင့်မှ ကြီးကြပ်ဆောင်ရွက်ရန် မှာကြားခဲ့ကြောင်း သိရသည်။

#YMG/SW #Yangon_Times

#Local_News
Published 23 December 2025

■ AI နည်းပညာဖြင့် ဥပဒေအသိပညာပြန့်ပွားရေးလုပ်ငန်းဆောင်ရွက်ရန် ညှိနှိုင်း ဆွေးနွေးမှုများပြုလုပ်နေကြောင်းသိရသည်။

■ ဥပဒေရေးရာဝန်ကြီးဌာနနှင့် အမျိုးသားဉာဏ်ရည်တု နည်းပညာဖွံ့ဖြိုးတိုးတက်ရေးစီမံကိန်းတို့ ပူးပေါင်း၍ AI နည်းပညာဖြင့် ဥပဒေအသိပညာပြန့်ပွားရေးလုပ်ငန်းများ ဆောင်ရွက်နိုင်ရန် အမျိုးသားကာကွယ်ရေးနှင့် လုံခြုံရေးကောင်စီရုံးက အမိန့်ကြော်ငြာစာ အမှတ် ၁၂၀/၂၀၂၅ ဖြင့် “AI နည်းပညာဖြင့် ဥပဒေအသိပညာပြန့်ပွားရေးကြီးကြပ်မှုကော်မတီ” ကို ဖွဲ့စည်းပေးခဲ့ပြီး Legal Assistant AI Model ဆောင်ရွက်လျက်ရှိရာ ဥပဒေအသိပညာအချက်အလက်များ ထည့်သွင်းပြီးစီးမှုနှင့်စပ်လျဉ်းသည့် ညှိနှိုင်းအစည်းအဝေးကို ယနေ့နံနက် ၁၀ နာရီတွင် ဥပဒေရေးရာ ဝန်ကြီးဌာနအစည်းအဝေးခန်းမ၌ ကျင်းပသည်။

■ အဆိုပါ အစည်းအဝေးသို့ ဥပဒေရေးရာဝန်ကြီးဌာန ပြည်ထောင်စုဝန်ကြီးနှင့် ပြည်ထောင်စုရှေ့နေချုပ် ဒေါက်တာသီတာဦး၊ ဒုတိယဝန်ကြီးနှင့် ဒုတိယရှေ့နေချုပ် ဒေါက်တာထိန်လင်းဦး၊ ညွှန်ကြားရေးမှူးချုပ်များနှင့် ဒုတိယညွှန်ကြားရေးမှူးချုပ်များ၊ အမျိုးသားဉာဏ်ရည်တုနည်းပညာ ဖွံ့ဖြိုးတိုးတက်ရေးစီမံကိန်းမှ စီမံကိန်းဒါရိုက်တာ ဒေါက်တာတင်ဖုန်းကျော်နှင့် အဖွဲ့ဝင်များ တက်ရောက်ကြသည်။

■ ယင်းအစည်းအဝေးတွင် ပြည်ထောင်စုဝန်ကြီးနှင့် ပြည်ထောင်စုရှေ့နေချုပ်က အဖွင့်အမှာစကား ပြောကြားပြီး အမျိုးသားဉာဏ်ရည်တုနည်းပညာ ဖွံ့ဖြိုးတိုးတက်ရေးစီမံကိန်း ဒါရိုက်တာနှင့် စီမံကိန်း အဖွဲ့ဝင်တို့က AI နည်းပညာဖြင့် ဥပဒေအသိပညာ ပြန့်ပွားရေးလုပ်ငန်း ဆောင်ရွက်ရန် data collection ပြုလုပ်ခြင်းနှင့်ရရှိပြီးသည့် data များကို Legal Assistant AI Model အတွင်း ထည့်သွင်းလေ့ကျင့် ပြီးစီးမှုအခြေအနေကို ရှင်းလင်းတင်ပြကြသည်။

■ ထို့နောက် တက်ရောက်လာကြသူများက AI နည်းပညာကို ဥပဒေအသိပညာနှင့် ချိတ်ဆက်၍ ကျယ်ပြန့်စွာ အသုံးချခြင်းဖြင့် ပြည်သူများအား ဥပဒေဗဟုသုတအသိပညာများကို ဖြန့်ဖြူးနိုင်ရေး၊ Legal Assistant AI Model ပိုမိုကောင်းမွန်စေရန် ထပ်မံထည့်သွင်းလေ့ကျင့်ရမည့် ဥပဒေများအတွက် Data စုဆောင်းနိုင်ရန် သက်ဆိုင်ရာဝန်ကြီးဌာနများနှင့် ပေါင်းစပ်ညှိနှိုင်းဆောင်ရွက်ရေးတို့ကို ဆွေးနွေးခဲ့ကြကြောင်း သိရသည်။

#YMG/NN #Yangon_Times

#Local_News
Published 23 December 2025

▪️ မန္တလေးတိုင်းဒေသကြီး၊ချမ်းအေးသာစံမြို့နယ်လူနေအိမ်မီးလောင်မှု တစ်ခု ယနေ့မနက်အစောပိုင်းက ဖြစ်ပွားခဲ့ကြောင်းသိရသည်။

▪️ ဒီဇင်ဘာ၂၃ရက်နေ့၊ ယနေ့ မနက်ပိုင်းက မန္တလေးတိုင်းဒေသကြီး၊ ချမ်းအေးသာစံမြို့နယ် ၇၃ x ၇၄ လမ်းကြား ၃၅ လမ်း မောရဂီဝရပ်ကွက်တွင် ပျဉ်ထောင်နှစ်ထပ်နံကပ် လူနေအိမ်မီးလောင်နေကြောင်း သိရသည်။

▪️ အဆိုပါသတင်းရရှိသဖြင့် ချမ်းအေးသာစံမြို့နယ် မီးသတ်ယာဉ်အုပ်စုထွက်ခွာငြှိမ်းသတ်ခဲ့ရာ မနက်၇ နာရီ ၂၂ မိနစ်အချိန်တွင်မီးထိန်းနိုင်ခဲ့ပြီး မနက် ၇ နာရီ ၂၂ မိနစ်အချိန်တွင်မီးငြိမ်းနိုင်ခဲ့ကြောင်းသိရသည်။

▪️ မီးလောင်မှုဖြစ်စဉ်နှင့်ပတ်သက်၍ ဆက်လက်စုံစမ်းနေကြောင်းသိရသည်။

#YMG/NN #Yangon_Times