#World_Science
Published 27 October 2024

▪️ အောက်တိုဘာ ၇ ရက်နေ့က ကယ်ရိုလင်စကာတက္ကသိုလ်ရှိ နိုဘယ်လ်ညီလာခံမှာ ဇီဝကမ္မနဲ့ ဆေးဘက်ဆိုင်ရာ ၂၀၂၄ နိုဘယ်လ်ဆုကို မိုက်ခရိုအာအင်န်အေနဲ့ မျိုးဗီဇထိန်းညှိခြင်းမှာ ပါဝင်ပတ်သက်ခြင်းကို တွေ့ရှိခဲ့တဲ့ ဗစ်တာအမ်ဘရိုစ်နဲ့ ဂယ်ရီရုဗ်ကွန်တို့ ရရှိသွားပါတယ်။

▪️ သူတို့နှစ်ဦးဟာ လူသားဆဲလ်တွေမှာ တွေ့ရတဲ့ မိုက်ခရိုအာအင်န်အေကို မမျှော်လင့်ဘဲ တွေ့ရှိခဲ့ပြီး ကင်ဆာမှာ ပါဝင်ပတ်သက်ပုံနဲ့ ပတ်သက်ပြီး အကြောင်းအရာတွေ သိရှိစေနိုင်မှာ ဖြစ်ပါတယ်။

▪️ ဒါကို ၁၉၉၃ ခုနှစ်မှာ တွေ့ရှိခဲ့တာဖြစ်ပြီး သိပ္ပံပညာရှင်များအတွက် မျိုးဗီဇသုတေသနများ၊ ကင်ဆာ ရှာဖွေခြင်းနဲ့ ကုသခြင်းတို့မှာ လေ့လာခွင့်အများအပြား ရခဲ့ပါတယ်။

▪️ မိုက်ခရိုအာအင်န်အေဆိုတာက ခန္ဓာကိုယ်ထဲကဆဲလ်တွေ ဘယ်လိုအလုပ်လုပ်မလဲ ဆိုတာကို ညွှန်ကြားပေးတာမျိုး ဖြစ်ပြီး မျက်လုံးအရောင်၊ အရပ်အမြင့်၊ ကိုယ်ခံအား တိုက်ထုတ်ပုံစတာတွေကို ဖြစ်ပေါ်စေပါတယ်။

▪️ မျိုးဗီဇတွေကတော့ ခန္ဓာကိုယ် ကြီးထွားဖွံ့ဖြိုးပုံ၊ အလုပ်လုပ်ပုံတို့ကို ထိန်းချုပ်ပြီး ဒီအင်န်အေဖြင့် ဖွဲ့စည်းထားကာ လူ့ပုံစံအနေအထား ဘယ်လိုဖြစ်မလဲဆိုတာကို ဆုံးဖြတ်ပေးပါတယ်။

▪️ အာအင်န်အေက ဒီအင်န်အေထံကနေ ညွှန်ကြားချက်များကို ကြည့်ရှုသယ်ဆောင်ကာ ပရိုတိန်းများ ဖြစ်စေပါတယ်။

▪️ မိုက်ခရိုအာအင်န်အေမှာ လုပ်ဆောင်ချက်တာဝန်တွေ ရှိပြီး ကင်ဆာ၊ ဆီးချို၊ ခုခံအားရောဂါစတဲ့ လက္ခဏာများ ဖြစ်ပေါ်ရာမှာ အရေးပါတဲ့ကဏ္ဍက ပါပါတယ်။

▪️ သာမန်အာအင်န်အေနဲ့ မတူတာက မိုက်ခရိုအာအင်န်အေဟာ ပရိုတိန်းကို မလုပ်ပေမယ့် ပရိုတိန်းဘယ်လောက်လုပ်မယ် ဆိုတာနဲ့ ဖြစ်စဉ်ကို နှောင့်နှေးရပ်တန့်နိုင်ပါတယ်။

▪️ ၁၉၈၀ နှောင်းပိုင်းမှာ ဗစ်တာအမ်ဘရိုစ်နဲ့ ဂယ်ရီရုဗ်ကွန်တို့က သက်ရှိအများအပြားမှာ မိုက်ခရိုအာအင်န်အေ ရှိတယ်ဆိုတာကို သက်သေပြခဲ့ကြပါတယ်။

▪️ မိုက်ခရိုအာအင်န်အေ ထိန်းညှိမှု လွဲမှားသွားတဲ့အခါ ကင်ဆာဖြစ်လာနိုင်သလို မျိုးဗီဇတွေ ဆင့်ကဲပြောင်းလဲသွားရာကနေ မွေးရာပါ နားမကြားခြင်း၊ မျက်လုံးနဲ့ အရိုးချို့ယွင်းခြင်းတို့ ဖြစ်ပေါ်ခြင်းနဲ့ ဆက်စပ်နေတာကို တွေ့လာကြပါတယ်။

▪️ မိုက်ခရိုအာအင်န်အေဟာ ကင်ဆာရှာဖွေဖို့အတွက် အသုံးဝင်ပစ္စည်းဖြစ်သလို ခန္ဓာကိုယ်အရည်တွေထဲမှာလည်း ရှိပါတယ်။

▪️ ဒါကြောင့် ဒါကိုအသုံးပြုပြီး ကင်ဆာကို စောစီးစွာရှာဖွေတွေ့ရှိလာနိုင်ပါတယ်။
ကင်ဆာကုသရာမှာ ဆေးယဉ်ပါးခြင်းက ပြဿနာတစ်ခု ဖြစ်လာပြီး မိုက်ခရိုအာအင်န်အေက ဒီပြဿနာကို ကူညီနိုင်ဖွယ် ရှိနေပါတယ်။

▪️ နည်းပညာများ တိုးတက်လာတာနဲ့အမျှ ကင်ဆာကုသမှုပိုင်းမှာ မိုက်ခရိုအာအင်န်အေ အသုံးချနိုင်စွမ်းလည်း တိုးတက်လာမှာ ဖြစ်ပါတယ်။

#Source: India Today

#World_Science
Published 27 October 2024

▪️ နယူးဇီလန်မှ မကြာသေးမီက ဂြိုဟ်တုပုံရိပ်တစ်ခု ဖမ်းယူရရှိခဲ့ရာမှာ ထူးဆန်းတဲ့တိမ်တစ်ခုဟာ ယခင်မြင်တွေ့ခဲ့ရတဲ့ နေရာမှာပဲ ပေါ်နေပါတယ်။

▪️ 'ပတ်'တိမ်တိုက်လို့ခေါ်ပြီး ယခင်ကလည်း ပေါ်ပေါက်ခဲ့ရာမှာ ထူးဆန်းတဲ့ ပုံပန်းသဏ္ဍာန်ကြောင့် အမည်မသိယာဉ်ပျံ(UFO) ဖြစ်မယ်လို့ ယူဆခဲ့ကြပါတယ်။

▪️ ရှည်မျောမျောပုံသဏ္ဍာန်ရှိတဲ့ အဆိုပါတိမ်ဟာ ASLC အမျိုးအစားဖြစ်ပြီး နယူးဇီလန် တောင်ပိုင်းကျွန်း အော့တာဂိုဒေသရှိ မစ်ဒယ်မာ့ချ်နဲ့ ဟိုက်ဒ်မြို့တို့ကြား ပေါ်ပေါက်လေ့ ရှိပါတယ်။

▪️ အရွယ်အစားက ပြောင်းလဲနေတတ်ပေမယ့် ပုံသဏ္ဍာန်နဲ့ နေရာတို့ကတော့ နဂိုအတိုင်း ရှိနေကာ ယခုနောက်ဆုံးတိမ်က ၁၁.၅ ကီလိုမီတာ ရှည်လျားပါတယ်။

▪️ လေလှိုင်းတွေက တောင်တန်းလို အတားအဆီးကို ဖြတ်ကျော်တဲ့အခါ ရေငွေ့တွေက ထောင်လိုက်အလွှာများအဖြစ် ဖွဲ့စည်းသွားပြီး ASLC ဖြစ်လာရတယ်လို့ အမျိုးသား မိုးလေဝသဌာနက ဆိုပါတယ်။

▪️ လေလှိုင်းတွေကနေ တိမ်ဖြစ်ပေါ်လာပြီး ကောင်းကင်မှာ တည်မြဲနေကာ လေပြင်းတိုက်ခိုက်ရာကနေ ပုံစံဖြစ်ပေါ်လာတယ်လို့ နယူးဇီလန် မက်ဆားဗစ်မှ မိုးလေဝသပညာရှင် ဂျွန်လောက ပြောပါတယ်။

▪️ အချို့တိမ်တွေဟာ ပန်းကန်ပြားပျံလိုမျိုး ဖြစ်နေတာကြောင့် UFO ကဲ့သို့ မြင်တွေ့ရတတ်ပါတယ်။

▪️ ဒါတွေကြောင့်ပဲ ကမ္ဘာတဝှမ်းမှာ အမည်မသိယာဉ်ပျံများ တွေ့ရှိနေရခြင်းကို ရှင်းလင်းနိုင်မယ်လို့ ယူကေ မက်ရုံးက ပြောပါတယ်။

▪️ ဓာတ်ပုံတွေအရဆိုရင် 'ပတ်'တိမ်က အမြင့်ပေရာနဲ့ချီမြင့်ပြီး တိမ်တွေအထပ်ထပ် ဖြစ်နေတဲ့ပုံပေါ်ပါတယ်။

▪️ ဒီတိမ်တွေဟာ အပေါ်အောက် ရွေ့လျားနေတာကြောင့် လေယာဉ်ပျံတွေအတွက် အန္တရာယ်ဖြစ်စေနိုင်ပါတယ်။

▪️ ထိုအချိန်မှာ လေယာဉ်ပြင်းပြင်းထန်ထန် တုန်ခါနိုင်ပြီး အပူချိန်လျော့နည်းတာကြောင့် ရေခဲဖုံးနိုင်ပါတယ်။

#Source: WION

တရုတ်-အိန္ဒိယနှစ်နိုင်ငံနှင့်ပြည်သူ့အကျိုးစီးပွားအတွက် လမ်းကြောင်းမှန်အတိုင်းဆက်လက်ပူးပေါင်းဆောင်ရွက်ရန် ရှီနှင့်မိုဒီခေါင်းဆောင်နှစ်ဦးဆွေးနွေး

တရုတ်နဲ့ အိန္ဒိယတို့ဟာ နှစ်ဖက်နိုင်ငံနဲ့ တိုင်းသူပြည်သားများရဲ့ အခြေခံအကျိုးစီးပွားအတွက် နှစ်နိုင်ငံဆက်ဆံရေး လမ်းကြောင်းမှန်နဲ့ သမိုင်းကြောင်းလားရာအတိုင်း ဆက်လက်လျှောက်လှမ်းသင့်တယ်လို့ တရုတ်သမ္မတ ရှီကျင့်ဖင်က ဗုဒ္ဓဟူးနေ့မှာ ပြောကြားလိုက်ပါတယ်။
#World_Politics
Published 26 October 2024
#တရုတ်-အိန္ဒိယ #ရှီနှင့်မိုဒီခေါင်းဆောင်
#YMG #Yangon_Times #Yangon_Media_Group

#Daily_News
Published 26 October 2024

၁။ ရန်ကုန်၊ အရှေ့ဒဂုံရှိ ရေနစ်မြုပ်ခဲ့သည့်နေရာအချို့သို့ ထမင်းထုတ်များဆက်ဝေပေးနေရဆဲဖြစ်ဟုဆို

၂။ ‌ရွှေဈေးနှုန်းတည်ငြိမ်စေရန် ရွှေရည်ညွှန်းစျေးသတ်မှတ်ရေးကော်မတီဖွဲ့စည်း

၃။ နိုင်ငံတကာယာဉ်မတော်တမဆမှု ကယ်ဆယ်ရေးစွမ်းရည်ပြိုင်ပွဲတွင် မြန်မာမီးသတ်မှ Best Team Leader ဆုရရှိ

၄။ တရုတ်-အိန္ဒိယနှစ်နိုင်ငံနှင့် ပြည်သူ့အကျိုးစီးပွားအတွက် လမ်းကြောင်းမှန်အတိုင်း ဆက်လက်ပူးပေါင်းဆောင်ရွက်ရန် ရှီနှင့်မိုဒီ ခေါင်းဆောင်နှစ်ဦးဆွေးနွေး ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

YBSယာဉ်မောင်းတွေဟာ ပုတ်ပြတ် (ခေါက်ကြေး)ယူ၍ လုယက်‌မောင်းနှင်ကြပြီး အခေါက်ရေ များလိုစိတ်နဲ့ စည်းကမ်းမဲ့ လုယက်မောင်းနှင်နေကြတာ၊ ကျော်တက်မောင်းနှင်မရပါက  ဒေါသရန်လိုစိတ်တွေနဲ့ ခရီးသည်တွေ အပါအဝင် ယာဉ်မောင်းအချင်းချင်း မချေမငံဆက်ဆံတာ၊ ခိုက်ရန်ဖြစ်ပွားတာ‌၊ မီးနီဖြတ်မောင်းတာ၊လမ်းပြောင်းပြန်မောင်းနှင်တာတို့ ပြုလုပ်တတ်ကြတယ်လို့ (YRTC)  ဒုဥက္ကဌက ဆိုပါတယ်။
#Local_News
Published 26 October 2024
#YBS #(YRTC) 
#YMG/NN #Yangon_Times

နိုင်ငံ(၉)နိုင်ငံ ပါဝင်ယှဉ်ပြိုင်ကြတဲ့ နိုင်ငံတကာမော်တော်ယာဉ်မတော်တဆမှုကယ်ဆယ်ရေးစွမ်းရည်ပြိုင်ပွဲမှာ မြန်မာနိုင်ငံမီးသတ်တပ်ဖွဲ့မှ Best Team Leader ဆုရရှိခဲ့တယ်လို့ မြန်မာနိုင်ငံမီးသတ်တပ်ဖွဲ့မှ သိရပါတယ်။
#Local_News
Published 26 October 2024
#မြန်မာမီးသတ် #Best_Team_Leaderဆုရရှိ
#YMG/tthl #Yangon_Times

နိုင်ငံအတွင်း ရွှေစျေးနှုန်းတည်ငြိမ်မှန်ကန်စေဖို့ ရွှေရည်ညွှန်းစျေးသတ်မှတ်ရေးကော်မတီကို နစက ကဖွဲ့စည်းလိုက်ပါတယ်။
#Local_News
Published 26 October 2024
#ရွှေဈေးနှုန်းတည်ငြိမ် #ရွှေရည်ညွှန်းစျေး
#YMG/NN #Yangon_Times

ရန်ကုန်မှာ ရေနစ်မြုပ်ခဲ့တဲ့နေရာအချို့သို့ ထမင်းထုတ်တွေဆက်ဝေပေးနေရဆဲဖြစ်ပါတယ်။ ဒဂုံမြို့သစ်အရှေ့ပိုင်းမြို့နယ်မှာ အောက်တိုဘာလ(၂၅)ရက်ညနေပိုင်းအထိ ရေမကျသေးတဲ့နေရာတွေရှိသလို ထမင်းဟင်းချက်ပြုတ်စားသောက်ဖို့ အဆင်မပြေကြသေးတဲ့အတွက် ထမင်းထုတ်တွေလှူဒါန်းဖို့ လိုအပ်နေတယ်လို့ သိရပါတယ်။
#Local_News
Published 26 October 2024
#ရေနစ်မြုပ်ခဲ့သည့်နေရာအချို့ #ထမင်းထုတ်များဝေပေးနေရ
#YMG/tthl #Yangon_Times

#World_News
Published 26 October 2024

▪️ အစ္စရေးလ်က ယခုလအစောပိုင်း အီရန်တို့ တိုက်ခိုက်တဲ့အပေါ် လက်တုန့်ပြန်တဲ့အနေနဲ့ စနေနေ့အစောပိုင်းက အီရန်ရှိ စစ်ရေးနေရာများကို တိုက်ခိုက်ခဲ့ကြောင်း ပြောလိုက်ပါတယ်။

▪️ ဒါဟာ အင်အားကြီး ပြိုင်ဘက်နိုင်ငံများကြား တင်းမာမှုမြင့်တက်နေချိန်အတွင်း နောက်ဆုံးတိုက်ခိုက်မှု ဖြစ်ပါတယ်။

▪️ အီရန်မြို့တော်နဲ့ အနီးနား စစ်အခြေစိုက်စခန်းတွေမှာ နာရီများစွာတိုင်အောင် ပေါက်ကွဲမှုအများအပြား ဖြစ်ပေါ်ခဲ့ပေမယ့် ပျက်စီးဆုံးရှုံးမှုအကြောင်း မသိရသေးဘူးလို့ အီရန်မီဒီယာက ဖော်ပြထားပါတယ်။

▪️ အာရုံမတိုင်မီမှာ တိုက်ခိုက်မှု ၃ ကြိမ်ပြီးမြောက်ခဲ့ပြီး စစ်ဆင်ရေးပြီးဆုံးပြီလို့ အစ္စရေးလ်ရုပ်သံက ကြေညာပါတယ်။

▪️ အောက်တိုဘာ ၁ ရက်နေ့တုန်းက အီရန်ဟာ အစ္စရေးလ်ဘက်ကို ဒုံးကျည် ၂၀၀ ခန့်ပစ်ခတ်ခဲ့ရာ အနောက်ဘက်ကမ်းရိုးတန်းမှာ လူတစ်ဦး သေဆုံးခဲ့ပါတယ်။
အစ္စရေးလ်နဲ့ ဟားမတ်စ်တို့ ပဋိပက္ခတွေကြား အီရန်နဲ့ အမေရိကန် ပါဝင်လာမှာကို စိုးရိမ်နေရပါတယ်။

▪️ အီရန်ဘက်ကနေ ဒုံးကျည်များ တိုက်ခိုက်လာသဖြင့် အစ္စရေးလ်အနေနဲ့ ပြန်လည်တုန့်ပြန် တိုက်ခိုက်ခွင့်ရှိတယ်လို့ စစ်တပ်က ပြောပါတယ်။

▪️ ယခုပစ်မှတ်တွေထဲမှာ စွမ်းအင်နဲ့ နျူကလီးယားနေရာများ မပါဝင်ဘူးလို့ အမေရိကန် အရာရှိတစ်ဦးက ပြောပါတယ်။

▪️ အီရန်မီဒီယာမှ ဖော်ပြတဲ့ ဗီဒီယိုတွေထဲမှာ လေကြောင်းကာကွယ်ရေးတွေက ဝင်လာတဲ့ ဒုံးကျည်တွေကို အဆက်မပြတ် ပစ်ခတ်နေပြီး ဘယ်နေရာတွေ တိုက်ခိုက်ခံရလဲဆိုတာတော့ မပြောထားပါဘူး။

▪️ ဝန်ကြီးချုပ် ဘင်ဂျမင်နေတန်ညာဟူ၊ ကာကွယ်ရေးဝန်ကြီး ယိုအက်ဗ်ဂဲလန့်နဲ့ အခြားလုံခြုံရေးအရာရှိများက စစ်ကွပ်ကဲရေးဌာနကနေ စစ်ဆင်ရေးကို အနီးကပ်ကြည့်ရှုခဲ့ကြပါတယ်။

#Source: Reuters

#Local_News
Published 26 October 2024

▪️ ပဲခူးမြို့နယ်၊ ဘုရားကြီးမြို့အနီးတွင် တည်ရှိသည့်  ဝင်္ဂဘော် ECBTဆင်စခန်း၌  ဆင်အမွှာလေးများဖြစ်သည့် ပုလဲဆင့်နှင့် ကျော်ပုလဲတို့၏ နှစ်လပြည့်မွေးနေ့ကို ယနေ့အောက်တိုဘာ ၂၆ရက်တွင် ယင်းဆင်စခန်း၌ ပြုလုပ်ခဲ့ကြောင်း သိရသည်။

▪️ အဆိုပါဆင်အမွှာလေးအား ဆင်စခန်းရှိ အသက်(၂၁ )နှစ်အရွယ်ဆင်မကလေး ပုလဲစန္ဒာမှ ပထမဆုံးအကြိမ်မွေးဖွားခြင်းဖြစ်ပြီး ဩဂုတ်(၂၆) ရက်နေ့၊မနက် ၃နာရီ ၃၈ နာရီအချိန်၌ ဆင်မကလေး( အကြီး) ပုလဲဆင့်နှင့် မနက် ၃နာရီ ၄၂မိနစ် အချိန်၌ ဆင်ထီးကလေး(အငယ်) ကျော်ပုလဲတို့ကို မွေးဖွားခဲ့ခြင်းဖြစ်ကြောင်း သိရသည်။

▪️ ယခုအခါ နှစ်လပြည့်မြောက်ပြီဖြစ်သည့်အတွက်   အမွှာမောင်နှမ၏(၂)လပြည့်မွေးနေ့အထိမ်းအမှတ်အလှူကို မွေးစားမိဘများနှင့် အလှူရှင်များ၏ လှူဒါန်းမှုဖြင့်ပြုလုပ်ခဲ့ကြောင်း သိရသည်။

▪️ ထိုသို့ပြုလုပ်ရာတွင် ဆင်စခန်းရှိ ဆင်လေးများအတွက်ဆင်စာဘူဖေး ကျွေးခြင်း ၊ဆင်စခန်းရှိ ဝန်ထမ်းများအား ဆန်နှင့်ဆီ ၊ မုန့်ဟင်းခါးအလှူဒါနကုသိုလ်များပြုလုပ်ခဲ့ကြောင်း သိရသည်။

▪️ လက်ရှိတွင် အမွှာကလေးနှစ်ကောင်အပါအဝင်  ဝင်္ဂဘော်ဆင်စခန်း၌  ဆင်ထီး၂ကောင်၊ ဆင်မ ၇ကောင် စုစုပေါင်းဆင်ကိုးကောင်ရှိပြီး ပိတ်ရက်မရှိ မနက်၆နာရီ ညနေ ၆နာရီအထိဖွင့်လှစ်ထားကြောင်း သိရသည်။

#YMG/NN #Yangon_Times

#Local_News
Published 26 October 2024

▪️ ရန်ကုန်၌ အလုပ်အကိုင်အခွင့်အလမ်း ၆၀၀‌ ကျော်  လုပ်ကိုင်နိုင်မည့်  ဟိုတယ် လုပ်ငန်းနှင့် CMP အထည်ချုပ်လုပ်ငန်းများကို ရန်ကုန်တိုင်းဒေသကြီး ရင်းနှီး မြှုပ်နှံမှု ကော်မတီမှခွင့်ပြုခဲ့ကြောင်း သိရသည်။

▪️ ရင်းနှီးမြှုပ်နှံမှုကော်မတီ၏ (၁၀/၂၀၂၄) ကြိမ်မြောက်အစည်းအဝေး၌  အလုပ်အကိုင် အခွင့်အလမ်း ၆၂၂ ဦး လုပ်ကိုင်နိုင်မည့်  လုပ်ငန်းနှစ်ခုကို အတည်ပြုပေးနိုင်ခဲ့ခြင်းဖြစ်သည်။ အစည်းအဝေးတွင် တိုင်းဒေသကြီးဝန်ကြီးချုပ်နှင့် ကော်မတီအဖွဲ့ဝင်များက ရင်းနှီးမြှုပ်နှံသူလုပ်ငန်းရှင်များ၏ ထုတ်လုပ်သည့်ပစ္စည်းနမူနာ ပြသထားရှိမှုကို ဦးစွာကြည့်ရှုစစ်ဆေးခဲ့ကြောင်းသိရသည်။

▪️ ထို့နောက် တိုင်းဒေသကြီး ရင်းနှီး မြှုပ်နှံမှုကော်မတီဥက္ကဋ္ဌ တိုင်းဒေသကြီးဝန်ကြီးချုပ်က အမှာစကားပြောကြားပြီး ဟိုတယ်နှင့်ခရီးသွားလာရေး ကဏ္ဍတွင် ရာခိုင်နှုန်းပြည့် မြန်မာနိုင်ငံသားရင်းနှီးမြှုပ်နှံမှုလုပ်ငန်းတစ်ခု၊ စက်မှုကဏ္ဍတွင် ဖက်စပ်နိုင်ငံခြားရင်းနှီး မြှုပ်နှံမှုလုပ်ငန်းတစ်ခုတို့ကို အတည်ပြုပေးခဲ့ကြောင်း သိရသည်။

▪️ အဆိုပါ  အတည်ပြုပေးခဲ့သည့်  လုပ်ငန်းများမှာ ဟိုတယ်ဝန်ဆောင်မှုလုပ်ငန်းနှင့် CMP စနစ်ဖြင့် အဝတ်အထည်အမျိုးမျိုး ချုပ်လုပ်ခြင်းလုပ်ငန်းများဖြစ်ပြီး ယင်း ရင်းနှီးမြှုပ်နှံမှုလုပ်ငန်းများ၏ မတည်ငွေရင်းပမာဏမှာ ငွေကျပ်သန်း ၈၆၀ နှင့် အမေရိကန်ဒေါ်လာ ၁ ဒသမ ၁၀၃ သန်းဖြစ်ကြောင်း သိရသည်။

#YMG/NN #Yangon_Times

#World_Health
Published 26 October 2024

▪️ အမေရိကန်မှာ လည်ချောင်းကင်ဆာ ဖြစ်ပွားသူ နှစ်စဉ် ၁၈၀၀၀ ခန့်ရှိနေပြီး ဒါဟာ ပါးစပ်ဖြင့်လိင်ဆက်ဆံခြင်းကြောင့်လို့ ယူကေမှ ဦးခေါင်း၊ လည်ပင်းနှင့် သိုင်းရွိုက်ခွဲစိတ်ဆရာဝန်တစ်ဦးက ထောက်ပြသွားပါတယ်။

▪️ လည်ချောင်းကင်ဆာဟာ ဦးခေါင်းနဲ့ လည်ပင်းကင်ဆာ အမျိုးအစားတစ်ခုဖြစ်ပြီး အသက် ၅၀ မှ ၈၀ ကြားလူတွေ အဖြစ်များကြပေမယ့် လူငယ်တွေမှာလည်း HPV ဗိုင်းရပ်စ်နဲ့ ပတ်သက်လို့ အဖြစ်များလာကြပါတယ်။

▪️ HPV ဆိုတာက လိင်မှတဆင့် ကူးစက်တာဖြစ်ပြီး လည်ချောင်းကင်ဆာ ဖြစ်ပွားရခြင်းက ပါးစပ်ဖြင့် ဆက်ဆံဖော် အရေအတွက်နဲ့ သက်ဆိုင်နေတယ်လို့ ဘာမင်ဂမ်တက္ကသိုလ်မှ ပရော်ဖက်ဆာ ဒေါက်တာ ဟီရှမ်မက်ဟန်နာက ရေးသားဖော်ပြထားပါတယ်။

▪️ ဘဝမှာ ပါးစပ်ဖြင့် လိင်ဆက်ဆံဖော် ၆ ဦးထက် များတဲ့သူတွေဟာ ထိုသို့မပြုလုပ်သူတွေထက် လည်ချောင်းကင်ဆာ ဖြစ်နိုင်ခြေ ၈.၅ ဆပိုများပါတယ်။

▪️ ကင်ဆာက လည်ချောင်းရဲ့ အလယ်ပိုင်း၊ ပါးစပ်အနောက်ဘက်ကို ထိခိုက်စေကာ အာခေါင်ပျော့၊ အာသီး၊ လျှာအနောက်၊ လည်ချောင်းဘေးဘက်တွေ အနောက်ဘက်တွေ ပါဝင်ပါတယ်။

▪️ ရောဂါလက္ခဏာတွေထဲမှာ လည်ချောင်းနာတာ မသက်သာခြင်း၊ မျိုချရခက်ခဲခြင်း၊ ပါးစပ်အပြည့်အဝ မဟနိုင်ခြင်း၊ လျှာလှုပ်ရှားရ ခက်ခဲခြင်း၊ ကိုယ်အလေးချိန်ကျခြင်း၊ နားရွက်ကိုက်ခဲခြင်း၊ ပါးစပ်အနောက် လည်ချောင်း လည်ပင်းတို့မှာ အဖုအကျိတ်ဖြစ်ခြင်း၊ လျှာ ပါးစပ်တို့မှာ အဖြူကွက်ဖြစ်ခြင်း၊ ချောင်းဆိုးရင် သွေးပါခြင်းတို့ ဖြစ်တတ်ပါတယ်။

▪️ ဓာတ်ရောင်ခြည်ကုထုံး၊ ဓာတုကုထုံး၊ နှစ်မျိုးစလုံးဖြင့် ကုသခြင်း၊ ခွဲစိတ်ခြင်းတို့ဖြင့် ကုသလေ့ရှိပါတယ်။

▪️ HPV ကြောင့်ဖြစ်တဲ့ လည်ချောင်းကင်ဆာက ဆေးလိပ်အရက်တို့ကြောင့် ဖြစ်တဲ့ကင်ဆာထက် ရောဂါခန့်မှန်းရ ပိုလွယ်ကူပြီး လူနာ ၇၀ ရာခိုင်နှုန်းလောက်က ရောဂါတွေ့ပြီးနောက် ၅ နှစ်ကျော် အသက်ရှင်နိုင်ပါတယ်။

▪️ HPV ဟာ အဖြစ်အများဆုံး လိင်မှတဆင့် ကူးစက်ရောဂါတစ်မျိုး ဖြစ်ပါတယ်။
အသက် ၁၁ နှစ် ၁၂ နှစ်ဝန်းကျင်လောက်တည်းက ကာကွယ်ဆေး စတင်ထိုးနှံသင့်တယ်လို့ ရောဂါထိန်းချုပ် ကာကွယ်ရေးစင်တာက ဆိုပါတယ်။

▪️ HPV ကြောင့် ရောဂါပြင်းထန်မှုများကို ကာကွယ်ဆေးထိုးခြင်းဖြင့် ဘေးကင်းထိရောက်စွာ ကာကွယ်နိုင်မယ်လို့ နယူးယော့ခ် ကျန်းမာရေးဝန်ကြီးဌာနက ပြောပါတယ်။

#Source: New York Post