#World_News
Published 24 October 2024

▪️ မြောက်ကိုရီးယား တပ်သား ၃ ထောင်ကို ရုရှားထံ စေလွှတ်ထားတဲ့ အထောက်အထား တွေ့ထားတယ်လို့ အမေရိကန်က ဗုဒ္ဓဟူးနေ့မှာ ထုတ်ဖော်လိုက်ပါတယ်။

▪️ ဒါဟာ ယူကရိန်းစစ်ပွဲမှာ နေရာချဖို့ ဖြစ်နိုင်ခြေရှိကာ တင်းမာမှု သိသိသာသာ မြင့်တက်စေနိုင်ပါတယ်။

▪️ မြောက်ကိုရီးယားသာ ရုရှားနဲ့အတူ တိုက်ခိုက်ရန် ပြင်ဆင်လာပါက အတော်လေးစဉ်းစားစရာရှိတယ်လို့ အမေရိကန် ကာကွယ်ရေးဝန်ကြီး လွိုက်အော်စတင်က ရောမမြို့မှာ ပြောကြားခဲ့ကာ ယူကရိန်းကလည်း အလားတူ စွပ်စွဲလိုက်ပါတယ်။

▪️ ဒါပေမဲ့ ရုရှားမှာ မြောက်ကိုရီးယားတပ်သားတွေ ဘာလုပ်မှာလဲဆိုတာကိုတော့ စောင့်ကြည့်ရဦးမယ်လို့ ပြောပါတယ်။

▪️ မြောက်ကိုရီးယားမှ အနည်းဆုံးတပ်သား ၃ ထောင်ဟာ ရုရှားအရှေ့ပိုင်းရှိ စစ်အခြေစိုက်စခန်း ၃ ခုမှာ လေ့ကျင့်ရေးဆင်းနေတယ်လို့ အမေရိကန်က ယူဆထားကြောင်း အိမ်ဖြူတော် ပြောရေးဆိုခွင့်ရှိသူ ဂျွန်ကာဘီက သတင်းထောက်တွေကို ပြောပါတယ်။

▪️ အောက်တိုဘာလ အစောပိုင်းကနေ လဝက်လောက်မှာ မြောက်ကိုရီးယားစစ်သားတွေကို ဝန်ဆန်ဒေသကနေ ဗလာဒီဗိုစတော့ခ်သို့ သင်္ဘောဖြင့် ပို့ဆောင်ခဲ့တယ်လို့ ဆိုပါတယ်။

▪️ ဒီတပ်သားတွေသာ ယူကရိန်းနဲ့ တိုက်ခိုက်ဖို့ဆိုရင် ယင်းတို့လည်း ပစ်မှတ်ဖြစ်လာမှာဖြစ်ပြီး ရုရှားတပ်သားတွေကို ခုခံတိုက်ခိုက်သလိုမျိုး မြောက်တွေကိုလည်း ခုခံတိုက်ခိုက်ရမှာ ဖြစ်တယ်လို့ ပြောပါတယ်။

▪️ တောင်ကိုရီးယား လွှတ်တော်အမတ်များ ပြောကြားချက်အရ မြောက်ဟာ တပ်သားစုစုပေါင်း ၁ သောင်းခန့် စေလွှတ်သွားဖို့ ကတိပြုထားပြီး ဒီဇင်ဘာလောက်မှာ အပြီးသတ်မယ်လို့ သိရပါတယ်။

▪️ စက်တင်ဘာလနဲ့ အောက်တိုဘာလတို့မှာ မြောက်ကိုရီးယားနိုင်ငံအတွင်း တပ်သားများ လေ့ကျင့်နေတဲ့ အရိပ်အယောင်များ မြင်တွေ့ခဲ့ရတယ်လို့ တောင်ကိုရီးယား လွှတ်တော်ထောက်လှမ်းရေး ကော်မတီအဖွဲ့ဝင် ပတ်ဆွန်ဝမ်က ပြောပါတယ်။

▪️ ဒါတွေကို ရုရှားအစိုးရနဲ့ မြောက်ကိုရီးယားသံတမန်တို့က ငြင်းဆိုလိုက်ပြီး အခြေအမြစ်မရှိတဲ့ ကောလာဟာလတွေလို့ ဆိုပါတယ်။ ‌

▪️ မြောက်ကနေ အထူးတပ်သားစစ်မှုထမ်း ၁၅၀၀ ခန့်ကိုလည်း ရုရှားသို့ သင်္ဘောဖြင့် စေလွှတ်ထားကာ ယူကရိန်းစစ်ပွဲမှာ တိုက်ခိုက်ရန် နေရာချသွားဖွယ်ရှိတယ်လို့လည်း တောင်ကိုရီးယား ထောက်လှမ်းရေးက ပြောပါတယ်။

▪️ ယူကရိန်းသမ္မတ ဇယ်လန်စကီက ရုရှားစစ်ပွဲမှာ မြောက်ကိုရီးယား ပါဝင်လာတဲ့ အထောက်အထားကို တုန့်ပြန်ဆောင်ရွက်ရန် မဟာမိတ်များကို တောင်းဆိုလိုက်ပါတယ်။

▪️ နေတိုး(NATO) မဟာမိတ်များကလည်း ရုရှားမှာ မြောက်ကိုရီးယား တပ်စွဲတာကို အပြစ်တင်လိုက်ပါတယ်။

▪️ အမေရိကန် အောက်လွှတ်တော် ထောက်လှမ်းရေးကော်မတီ ဥက္ကဌ မိုက်ခ်တာနာက ထုတ်ပြန်ရာမှာ မြောက်ကိုရီးယားတပ်တွေသာ ရုရှားကနေ ယူကရိန်းကို တိုက်ခိုက်ပါက ဂျိုးဘိုင်ဒင်က အမေရိကန်ထောက်ပံ့လက်နက်များဖြင့် ယူကရိန်းကို တုန့်ပြန်ပစ်ခတ်ခွင့် ပြုသွားမယ်လို့ ဆိုပါတယ်။

#Source: Reuters

#World_Science
Published 24 October 2024
▪️ နာဆာ(NASA)မှ ဒါဗင်ချီ(Davinci) အာကာသမစ်ရှင်ကို ၂၀၃၀ အစောပိုင်းမှာ လွှတ်တင်ရန် စီစဉ်ထားပါတယ်။

▪️ ကမ္ဘာဂြိုဟ်ဘေးနားမှာရှိတဲ့ ဗီးနပ်စ်ဂြိုဟ် (သောကြာဂြိုဟ်)မှာ သမုဒ္ဒရာတွေ တိုက်ကြီးတွေ ရှိခဲ့ဖူးခြင်းရှိမရှိ စူးစမ်းလေ့လာပြီး ဆန်းကျယ်မှုများကို ရှာဖွေရန် ရည်မှန်းထားတာ ဖြစ်ပါတယ်။

▪️ ထိုမစ်ရှင်မှာ အာကာသယာဉ်တစ်စီးနဲ့ စူးစမ်းရေးယာဉ်တစ်စီး ပါဝင်မှာဖြစ်ကာ ရှေးအချိန်တုန်းက တိုက်ကြီးတစ်ခုလို့ ယူဆရတဲ့ အယ်လ်ဖာရက်ဂျီယို တောင်တန်းဒေသကို ဦးစားပေး လေ့လာသွားမှာ ဖြစ်ပါတယ်။

▪️ ဆယ်စုနှစ် ၅ ခုအတွင်း ပထမဆုံးအနေနဲ့ ဒါဗင်ချီစူးစမ်းရေးယာဉ်ကနေ ဗီးနပ်စ်ဂြိုဟ် ထူထဲတိမ်တိုက်တွေအောက်ရှိ နယ်မြေဒေသများကို ပုံရိပ်ရိုက်ကူးသွားမှာ ဖြစ်ပါတယ်။

▪️ ယခင်က ဗီးနပ်စ်ဂြိုဟ်ပေါ်မှာ အာကာသယာဉ်များ ပျက်စီ အရည်ပျော်ဖူးတဲ့ သမိုင်းရှိနေပြီး ဂြိုဟ်ရဲ့ပြင်းထန်တဲ့ ပတ်ဝန်းကျင်အနေအထားကြောင့် ယခုလေ့လာမှုဟာလည်း အခက်အခဲတွေ တွေ့ရဦးမှာပါ။

▪️ ဒီအန္တရာယ်အတွက် ဒါဗင်ချီအဖွဲ့က ယခင်ဗီးနပ်စ်မစ်ရှင်တွေရဲ့ အချက်အလက်ဟောင်းတွေကို ပြန်စစ်ဆေးကာ ခေတ်မီဆန်းစစ်နည်းပညာများ အသုံးပြုနေပါတယ်။

▪️ ဒါတွေကို နှိုင်းယှဉ်တဲ့အခါ အချိန်နဲ့အမျှ ပြောင်းလဲလာတဲ့ ဂြိုဟ်အကြောင်းအရာတွေကို သိရှိနိုင်ပြီး မီးတောင်လှုပ်ရှားနိုင်ဖွယ် တွေ့ရှိချက်တွေကိုပါ သိရှိလာပါတယ်။

▪️ ဗီးနပ်စ်တိမ်တိုက်အောက် အမြင့် ၂၅ မိုင်လောက် ရောက်တာနဲ့ ဒါဗင်ချီစူးစမ်းရေးယာဉ်ကနေ အယ်လ်ဖာရက်ဂျီယိုကို စတင်ရိုက်ကူးမှာ ဖြစ်ပါတယ်။

▪️ လေထုအလင်းပျံ့ကျဲမှု အခက်အခဲကြောင့် သိပ္ပံပညာရှင်တွေက ပုံရိပ်တွေ ထင်ရှားပြတ်သားစေပြီး 3D မြေပုံတွက်ချက်ဖန်တီးနိုင်မယ့် ဉာဏ်ရည်တု အဆင့်မြင့်နည်းပညာများ ဖန်တီးနေပါတယ်။

▪️ အယ်လ်ဖာရက်ဂျီယိုမှ မျက်နှာသွင်ပြင်၊ ကျောက်တုံးအမျိုးအစားတွေကို ဆန်းစစ်ပြီးတော့ ကမ္ဘာပေါ်ရှိ တောင်တန်းများ မီးတောင်များ ဖြစ်ပေါ်ပုံဖြစ်စဉ်များနဲ့ ဆင်တူလားဆိုတာကို ဆုံးဖြတ်နိုင်ဖို့ မျှော်မှန်းထားပါတယ်။

▪️ အဆိုပါမစ်ရှင်ကနေ ဗီးနပ်စ်ဂြိုဟ်ရဲ့ ဘူမိသမိုင်းကြောင်းတွေ ကမ္ဘာ့ဆင့်ကဲပြောင်းလဲပုံနဲ့ ကွဲပြားပုံတွေကို ပုံဖော်သွားနိုင်ရန် သေချာနေပါတယ်။

#Source: India Today

#World_Health
Published 24 October 2024

▪️ တစ်နေ့တာမှာ ကြာကြာမတ်တပ်ရပ်ခြင်းက အချိန်ကြာမြင့်စွာ ထိုင်ခြင်းရဲ့ ဆိုးကျိုးတွေကို သက်သာစေမယ်လို့ လူအများယုံကြည်နေကြပါတယ်။

▪️ ရုံးအလုပ်တွေမှာ မတ်တပ်ရပ်လုပ်ရတဲ့ စားပွဲတွေ လူကြိုက်များလာတာ တွေ့ရပါတယ်။

▪️ ဒါပေမဲ့ ကြာမြင့်စွာ မတ်တပ်ရခြင်းက ထင်ထားသလို မဟုတ်ပါဘူး။

▪️ ကြာမြင့်စွာ မတ်တပ်ရပ်ခြင်းကြောင့် ထိုင်ချိန်ကို လျှော့ချပေးပေမယ့် နှလုံးကျန်းမာရေး တိုးတက်စေတာမျိုးတော့ မဟုတ်ဘူးလို့ ဆစ်ဒနီတက္ကသိုလ်မှ သုတေသန တွေ့ရှိထားပါတယ်။

▪️ အချိန်ကြာရှည်စွာ မတ်တပ်ရပ်ပါက သွေးကြောထုံးခြင်း၊ သွေးခဲခြင်း စတဲ့ သွေးလည်ပတ်မှုပြဿနာများ ဖြစ်စေနိုင်ပါတယ်။

▪️ တစ်နေ့ကို ၁၀ ကျော်ကြာအောင် ထိုင်ခြင်းဖြင့် နှလုံးရောဂါနဲ့ သွေးလည်ပတ်မှု ပြဿနာများ ဖြစ်နိုင်ခြေများစေပေမယ့် မတ်တပ်ရပ်ခြင်းဖြင့် နှလုံးကျန်းမာရေး မတိုးတက်စေဘူးလို့ တွေ့ရှိထားပါတယ်။

▪️ ယူကေမှ လူပေါင်း ၈၃၀၀၀ ကျော်ကို တိုင်းတာစက်များ ဝတ်ဆင်စေပြီး နှလုံးကျန်းမာရေးနဲ့ မတ်တပ်ရပ် အလေ့အထတို့ကို ၇ နှစ်မှ ၈ နှစ်ကြာအောင် စောင့်ကြည့်လေ့လာခဲ့ပါတယ်။

▪️ လှုပ်ရှားမှုနည်းတဲ့ နေထိုင်မှုပုံစံကြောင့် ကျန်းမာရေးထိခိုက်ခြင်းကို ကြာမြင့်စွာ မတ်တပ်ရပ်ခြင်းဖြင့် မဖြေရှင်းနိုင်ဘူးလို့ ဒေါက်တာ မက်သရူးအာမက်ဒီက ပြောပါတယ်။

▪️ ကျန်းမာသန်စွမ်းဖို့အတွက်ဆိုရင် တစ်နေ့တာမှာ ပုံမှန်လှုပ်ရှားမှု ပြုလုပ်ဖို့လည်း လိုအပ်ပါသေးတယ်။

▪️ လူတွေအနေနဲ့ နည်းနည်းချင်းစီ ပြောင်းလဲပြီး လှုပ်ရှားမှုပြုလုပ်သွားဖို့ ပရော်ဖက်ဆာ အီမန်နျူယယ်စတာမာတာကစ်က အကြံပေးပါတယ်။

▪️ အချိန်မှန် အနားယူခြင်း၊ လမ်းလျှောက်ခြင်း၊ လှေကားတက်ခြင်းတို့ကစလို့ လှုပ်ရှားမှုတွေ ပြုလုပ်သွားနိုင်တယ်လို့ ဆိုပါတယ်။

▪️ ဒီနောက်မှာ လေ့ကျင့်ခန်းတွေကို နည်းနည်းစီ ပြုလုပ်သွားခြင်းဖြင့် နှလုံးရောဂါဖြစ်နိုင်ခြေကို လျှော့ချပေးနိုင်မှာ ဖြစ်ပါတယ်။

▪️ ဒါကြောင့် နှလုံးနဲ့ သွေးလည်ပတ်မှု ကောင်းမွန်စေရန် မတ်တပ်ရပ်ခြင်းအပြင် ပုံမှန်လှုပ်ရှားလေ့ကျင့်မှုများ ပြုလုပ်ဖို့ကလည်း အရေးပါပါတယ်။

#Source: India Today

၂၃ အောက်တိုဘာ ၂၀၂၄

တရုတ်နှင့်ရုရှားနိုင်ငံတွေဟာ မဟာမိတ်မဖွဲ့၊ ထိပ်တိုက်မရင်ဆိုင်၊ တတိယအဖွဲ့ကိုပစ်မှတ်မထားတဲ့၊ တစ်နိုင်ငံနှင့်တစ်နိုင်ငံသင့်မြတ်ကြတဲ့ အိမ်နီးချင်းနိုင်ငံကြီးတွေအတွက် လမ်းမှန်တစ်ခုကို ရှာတွေ့ခဲ့ပြီ လို့ တရုတ်သမ္မတ ရှီကျင့်ဖျင်က အင်္ဂါနေ့က ပြောပါတယ်။

ရုရှားနိုင်ငံ ကာဇန်မြို့မှာကျင်းပတဲ့ ၁၆ကြိမ်မြောက် BRICS ထိပ်သီးအစည်းအဝေးတက်ရောက်လာတဲ့ တရုတ်သမ္မတရှီဟာ ရုရှားသမ္မတ ဗလက်ဒီမာ ပူတင်နှင့် တွေ့ဆုံဆွေးနွေးစဉ် အဲသလိုပြောခဲ့တာပါ။

Source CCTV+

၂၃ အောက်တိုဘာ ၂၀၂၄

ပြည်ပမှယဉ်ကျေးမှုများ ထိုးဖောက်ဝင်ရောက်လာနေမှုများကို အမျိုးသားရေးအမြင်ဖြင့် ရှုမြင်ကြပြီး အန္တရာယ်ရှိသည်ကို သတိထားကြဖို့ နစက ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်က တိုက်တွန်းပြောကြားလိုက်ပါတယ်။

ယနေ့ အောက်တိုဘာ ၂၃ ရက်မနက်က နေပြည်တော်ရှိ အပြည်ပြည်ဆိုင်ရာကွန်ဗင်းရှင်းဗဟိုဌာန(၂) တွင်ကျင်းပတဲ့ (၂၅)ကြိမ်မြောက် ငွေရတုအထိမ်းအမှတ် မြန်မာ့ရိုးရာယဉ်ကျေးမှု အဆို၊ အက၊ အရေး၊အတီးပြိုင်ပွဲ ဆုချီးမြှင့်ပွဲ အခမ်းအနားတွင် ဗိုလ်ချုပ်မှူးကြီးမင်းအောင်လှိုင်က ပြောကြားခဲ့တာဖြစ်ပါတယ်။

အဆိုပါအန္တရာယ်များကို ထိထိရောက်ရောက် ခုခံတွန်းလှန်နိုင်မည့်မျက်နှာစာတစ်ခုဖြစ်သည့် ယဉ်ကျေးမှုနှင့် အနုပညာနယ်ပယ်မှ မြန်မာ့မူ၊ မြန်မာ့ဟန်၊မြန်မာ့ယဉ်ကျေးမှု ၊ အနုပညာရပ်များကို ဆက်လက်ပြီး ရှင်သန်   ဖွံ့ဖြိုးတိုးတက်စေရေးအတွက် ကြိုးပမ်းဆောင်ရွက်သွားကြရန် လိုအပ်တယ်လို့လည်း ဗိုလ်ချုပ်မှူးကြီးက ပြောပါ  တယ်။

တိုင်းတစ်ပါးယဉ်ကျေးမှု ထိုးဖောက်ဝင်ရောက်မှုအန္တရာယ်ကို တားဆီးကာကွယ်နိုင်စေရန် မြန်မာလူမျိုးတို့၏ သမိုင်းအစဉ်အလာ ကြီးမားမှု၊ မျိုးရိုးဂုဏ်ရှိန်ထည်ဝါမှု၊ ယဉ်ကျေးမှုအဆင့်အတန်း မြင့်မားမှုနှင့်ယဉ်ကျေးသိမ်မွေ့ သည့် မြန်မာ့ဂုဏ်ရည်များကို မျိုးဆက်သစ်လူငယ်များအတွင်းစိမ့်ဝင်ပျံ့နှံ့နေပြီး အမျိုးသားရေး ကိုယ်ခံစွမ်းအားများ မြင့်မားလာအောင် အနုပညာစွမ်းပကားဖြင့် ဆောင်ရွက်ပေးကြရန်လည်း ဗိုလ်ချုပ်မှူးကြီးက တိုက်တွန်းခဲ့ပါတယ်။

အခမ်းအနားတွင် ကဏ္ဍအလိုက်ဆုရရှိကြသူများကို နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်နှင့်ဇနီး၊ ဒုတိယ ဥက္ကဋ္ဌ ဒုတိယဗိုလ်ချုပ်မှူးကြီးစိုးဝင်းနှင့်ဇနီးအပါအဝင် တက်ရောက်လာကြသည့် ကောင်စီဝင်များ၊ပြည်ထောင်စု ဝန်ကြီးများနှင့်ပြည်ထောင်စုအဆင့်ပုဂ္ဂိုလ်များ၊အဆင့်မြင့်တပ်မတော်အရာရှိကြီးများနှင့် တာဝန်ရှိသူများက ဆုများ ပေးအပ် ချီးမြှင့်ခဲ့ကြပါတယ်။

ညနေပိုင်းတွင်လည်း ဂုဏ်ပြုမှတ်တမ်းလွှာများပေးအပ်ပွဲနှင့် ဂုဏ်ပြုညစာစားပွဲတစ်ရပ်ကိုပါ ဆက်လက်ကျင်းပခဲ့ ပြီး အဆိုပါအခမ်းအနားသို့ နစကဥက္ကဋ္ဌဗိုလ်ချုပ်မှူးကြီး၊ ဒုတိယဥက္ကဋ္ဌ ဒုတိယဗိုလ်ချုပ်မှူးကြီးနှင့် ကောင်စီဝင်များ၊ ပြည်ထောင်စုဝန်ကြီးများ၊ပြည်ထောင်စုအဆင့်ပုဂ္ဂိုလ်များနှင့် အဆင့်မြင့်တပ်မတော်အရာရှိကြီးများတက်ရောက် ချီးမြှင့်ပြီး ပြိုင်ပွဲကျင်းပရေးဆိုင်ရာ ကော်မတီများမှပုဂ္ဂိုလ်များ၊ အကဲဖြတ်ပညာရှင်ကြီးများ၊ တိုင်းဒေသကြီးနှင့်   ပြည်နယ်အသီးသီးမှ အုပ်ချုပ်သူများ၊နည်းပြများနှင့် ပြိုင်ပွဲဝင်များတက်ရောက်ခဲ့ကြကြောင်းသိရှိရပါတယ်။

#ymg/knl

ကိုရီးယားဟင်းပွဲတွေမှာ အသုံးများတဲ့ နာပါဂေါ်ဖီထုပ် ဈေးနှုန်းမြင့်တက်လာတာကြောင့် တောင်ကိုရီးယားမှ အိမ်ထောင်စုများနဲ့ စားသောက်ဆိုင်များ ဒုက္ခတွေ့နေကြပြီး အချို့ဆိုရင် အခြားနည်းလမ်းများနဲ့ ပြောင်းလဲသုံးစွဲဖို့ ကြိုးပမ်းလာကြပါတယ်။
#World_Economics
Published 23 October 2024
#ဂေါ်ဖီထုပ်ဈေးနှုန်းမြင့်တက် #ဂင်မ်ချီပြုလုပ်ရန်ခက်ခဲ
#YMG #Yangon_Times #Yangon_Media_Group

#Daily_News
Published 23 October 2024

၁။ အင်းလေးဒေသထွက်ကုန်များ သီတင်းကျွတ်ပိတ်ရက်မှစပြီး ရောင်းအားပြန်တက်လာ

၂။ ‌နှစ်လခွဲကျော်အတွင်း  ဒေါ်လာသန်း ၃၈၀ ကျော် အပါအဝင် နိုင်ငံခြားငွေသန်းရာချီ ထုတ်ရောင်းပေးထား

၃။ မုန်တိုင်းအရှိန်ကြောင့် ရခိုင်၊ ချင်းအပါအဝင်ဒေသ(၁၂)ခုမိုးများဦးမည်

၄။ ဂေါ်ဖီထုပ်ဈေးနှုန်းမြင့်တက်လာခြင်းကြောင့် ဂင်မ်ချီပြုလုပ်ရန် ခက်ခဲလာသည့်တောင်ကိုရီးယား ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

၂၀၂၄-၂၀၂၅ ကြံကြိတ်ခွဲရာသီအတွက် ကြံတစ်တန်ကြမ်းခင်းဈေးကို ကျပ် ၁၇၀,၀၀၀ သတ်မှတ်ပေးဖို့ စိုက်ပျိုးသူတွေက သက်ဆိုင်ရာသကြားစက်ရုံတွေကို တောင်းဆိုဖို့ ဆောင်ရွက်နေကြတယ်လို့ မြန်မာနိုင်ငံသကြားနှင့်ကြံထွက်ပစ္စည်းလုပ်ငန်းရှင်များအသင်းက သိရပါတယ်။
#Local_News
Published 23 October 2024
#ကြံကြိတ်ခွဲရာသီ #မြန်မာနိုင်ငံသကြားနှင့်ကြံထွက်ပစ္စည်း
#YMG/NN #Yangon_Times

#Local_News
Published_23 Oct 2024

▪️ လားရှိုးမြို့ကို လေကြောင်းမှ ဗုံးကြဲတိုက်ခိုက်ခဲ့သောကြောင့် မယ်ဟန် ကျေးရွာအုပ်စု ခိုဆန်တန်ကျေးရွာ၌ရှိသော ရိုးရာဆန်အရက်ချက်စက်ရုံသို့ထိမှန်ကာ မီးလောင်ပျက်စီးသွားကြောင်း သိရသည်။

▪️ ယနေ့နံနက် ၈ နာရီခွဲကျော်ခန့်အချိန်က ဖြစ်ပွားခဲ့သောယင်းဖြစ်စဉ်ကြောင့် ထိခိုက်ဒဏ်ရာရရှိသူမရှိခဲ့သော်လည်း ပေါက်ကွဲမှု၏ကြီးမားကြောင်း၊ MNDAA ကိုးကန့်အထူးဒေသ (၁)မှ မီးသတ်တပ်ဖွဲ့က သွားရောက်ငြိမ်းသတ်နိုင်ခဲ့ကြောင်း MNDAA က ထုတ်ပြန်ထားသည်။

▪️ “အဲဒီအရက်ချက်စက်ရုံမှာ MNDAA တွေနေတယ်။ ပြီးတော့ လက်နက်တွေ လှောင်ထားတာရှိတယ်၊ အဲဒီစက်ရုံကို ခိုဆမ်တန် ရိုးရာအရက်စက်ရုံလို့ခေါ်တယ်၊မနက်က ၈ နာရီ ခွဲလောက်ပေါ့၊ စစ်တပ်ကလေယာဉ်နဲ့ ဗုံးကြဲတာ။ ပြီးတော့ ၁၀ နာရီကျော်လောက်မှာတစ်ခါ ဗုံးကြဲတယ်။ ဘယ်ဘက်ကိုထိတယ်ဆိုတာ မကြားရသေးဘူး၊ လားရှိုးမှာမြေပြင်မှာတိုက်ပွဲ ပြန်ဖြစ်နေတယ်လို့ သူများတွေပြောနေကြတယ်။ သေနတ်နဲ့ အပြန်အလှန်ပစ်တာတွေ ရှိနေတယ်၊ အဲဒါအသံတွေကြားရတာရှိတာ ဟုတ်တယ်”ဟု လားရှိုးဒေသခံတစ်ဦးက YMG ကို ပြောသည်။

▪️ ယမန်နေ့အောက်တိုဘာလ ၂၂ ရက် နံနက်ကလည်း လားရှိုးမြို့တွင် လေကြောင်းမှဗုံးကြဲ တိုက်ခိုက်ခံရသောကြောင့် ၃ ဦးဒဏ်ရာရခဲ့ကြောင်း MNDAA က ထုတ်ပြန်ထားသေးသည်။

▪️ အောက်တိုဘာလ ၁၉ ရက်နှင့် ၂၀ ရက်တို့တွင် အထူးဒေသ(၁)၏ မြို့တော် လောက်ကိုင်မြို့နှင့် ကိုးကန့်ခရိုင် နမ့်ဟူးမြို့နယ်အတွင်း ဗုံးကြဲတိုက်ခဲ့ပြီးနောက် လားရှိုးကို ထပ်မံတိုက်ခိုက်ခံရခြင်းဖြစ်ကြောင်း ယင်းထုတ်ပြန် ချက်တွင် ဖော်ပြထားသည်။

▪️ ယနေ့ အောက်တိုဘာလ ၂၃ ရက်ထိ လားရှိုးမြို့လေကြောင်းတိုက်ခိုက်ခံရမှု အကြိမ် ၂၀ ကျော် ရှိပြီဖြစ်ကြောင်း MNDAA ၏ ထုတ်ပြန်ချက်တွင် ဖော်ပြထားသည်။

#Yangon_Times/PP

မုန်တိုင်းအရှိန်ကြောင့် ရခိုင်ပြည်နယ်၊ ချင်းပြည်နယ်အပါအဝင်ဒေသ(၁၂)ခုမှာမိုးများဦးမှာဖြစ်တယ်လို့ မိုးလေဝသနှင့် ဇလဗေဒညွှန်ကြားမှုဦးစီးဌာနမှ သိရပါတယ်။
#Local_News
Published 23 October 2024
#မုန်တိုင်းအရှိန် #ဒေသ(၁၂)ခုမိုးများ
#YMG/tthl #Yangon_Times

နှစ်လခွဲကျော်အတွင်း  ဒေါ်လာသန်း ၃၈၀ ကျော်အပါအဝင် နိုင်ငံခြားငွေသန်းရာချီ ထုတ်ရောင်းပေးထားတယ်လို့ မြန်မာနိုင်ငံတော်ဗဟိုဘဏ်က သိရပါတယ်။   
#Local_News
Published 23 October 2024
#နိုင်ငံခြားငွေသန်းရာချီ #ထုတ်ရောင်း
#YMG/NN #Yangon_Times

အင်းလေးဒေသထွက် စားသောက်ကုန်တွေအဖြစ် ပဲအမျိုးမျိုး၊ နေကြာအမျိုးမျိုးနဲ့‌ဒေသထွက်စားသောက်ကုန်တွေကို သီတင်းကျွတ်ပိတ်ရက်တွေမှာ အော်ဒါအမှာများခဲ့တယ်လို့ သိရပါတယ်။
#Local_News
Published 23 October 2024
#အင်းလေးဒေသထွက်ကုန် #ရောင်းအားပြန်တက်
#YMG/tthl #Yangon_Times