#Local_News
Published 22 April  2025

▪️ ကိုရီးယားသမ္မတနိုင်ငံသို့ အစိုးရပြည်ပအလုပ် အကိုင်အေဂျင်စီ (POEA) မှတစ်ဆင့် EPS စနစ်ဖြင့် လုပ်သား၁၈၀ကျော်စေလွှတ် ခဲ့ကြောင်းဆိုးလ်မြို့ရှိ မြန်မာသံရုံးမှ သိရသည်။

▪️ အဆိုပါ စေလွှတ်သော Re-entry လုပ်သား ၁၀၂ ဦး၊ စိုက်ပျိုး/မွေးမြုရေးလုပ်သားသစ် ၅၆ ဦးနှင့် ကုန်ထုတ်လုပ်သားသစ် ၂၄ ဦး စုစုပေါင်းလုပ် သား ၁၈၂ ဦးသည် ဧပြီ  ၂၂ ရက်နေ့တွင် ရန်ကုန်မြို့မှ အင်ချွန်းအပြည်ပြည်ဆိုင်ရာလေဆိပ်သို့ ကိုရီးယားလေကြောင်းလိုင်း KE 490 ခရီးစဥ်ဖြင့် ရောက်ရှိခဲ့ကြောင်း သိရသည်။

▪️ ထို့ကြောင့်  မြန်မာသံရုံး၊ ဆိုးလ်မြို့မှ အလုပ်သမားသံအရာရှိက ကြိုဆို၍ အလုပ်သမားများ သိရှိလိုက်နာသင့်သည့် အချက်များကို မှာကြားခဲ့ပြီး လိုအပ်သည်များ ကူညီပံ့ပိုးပေးခဲ့ကြောင်း သိရသည်။

#YMG/NN #Yangon_Times

#World_Health
Published 22 April 2025

▪️ ဗိုက်တာမင်-ဒီ ချို့တဲ့ခြင်းက multiple sclerosis(MS)လို့ခေါ်တဲ့ ဦးနှောက်နဲ့ အာရုံကြောထိခိုက်ရောဂါ ဖြစ်နိုင်ခြေများစေတယ်လို့ ယခင်သုတေသနတွေမှာ တွေ့ရှိထားကာ လေ့လာချက်အသစ်မှာတော့ ဗိုက်တာမင်-ဒီ ဖြည့်စွက်ဆေး များများအသုံးပြုပါက ထိုရောဂါလက္ခဏာများ လျော့ကျစေနိုင်တယ်လို့ ယူဆနေပါတယ်။

▪️ ပြင်သစ်နိုင်ငံမှ MSရောဂါဖြစ်လာနိုင်တဲ့ အာရုံကြောလက္ခဏာများ အစပျိုးနေသူပေါင်း ၃၀၃ ဦးကို ရက် ၉၀ အတွင်း စမ်းသပ်လေ့လာခဲ့ကြပါတယ်။

▪️ စမ်းသပ်ခံအဖွဲ့တစ်ခုကို ဗိုက်တာမင်-ဒီ၃ ကိုလီကယ်စီဖရောလ် ၁ သိန်းအိုင်ယူကို ၂ ပတ်တစ်ခါဖြင့် ၂၄ လကြာအောင် ပေးခဲ့ပါတယ်။

▪️ ထိုအဖွဲ့ထဲမှာ လက္ခဏာပြန်ဖြစ်သူ၊ ဦးနှောက်ထိခိုက်မှု ဖြစ်ပွားလာသူ ၆၀.၃ ရာခိုင်နှုန်းရှိခဲ့ပါတယ်။

▪️ အာနိသင်မရှိတဲ့ဆေး အသုံးပြုတဲ့အဖွဲ့မှာတော့ ၇၄.၁ ရာခိုင်နှုန်းက ထိုလက္ခဏာမျိုး တွေ့ရတာကြောင့် ကွာခြားချက်က သိသာလွန်းတယ်လို့ CHU Nimes ၊ မွန့်ပယ်လီယာတက္ကသိုလ်မှ သုတေသီများ ဖော်ပြထားပါတယ်။

▪️ ဒီရလဒ်တွေသေချာအောင် နောက်ထပ်စစ်ဆေးစမ်းသပ်မှုများ လိုအပ်နေသေးတယ်လို့ ဆိုပါတယ်။

▪️ တွေ့ရှိချက်များအရ ဗိုက်တာမင်-ဒီ မြင့်မားတဲ့ပမာဏက MSအစောပိုင်းအဆင့်တွေမှာ ရောဂါဆိုးရွားလာမှုကို လျှော့ချပေးနိုင်ဖွယ်ရှိမယ်လို့ ဆိုပါတယ်။

▪️ ဗိုက်တာမင်-ဒီချို့တဲ့ပြီးတော့ ရောဂါအစောပိုင်းအဆင့် ရောက်နေသူတွေမှာ ဒီဖြည့်စွက်ဆေးကို ပမာဏများများအသုံးပြုရင် အထိရောက်ဆုံးဖြစ်မယ့် အထောက်အထား မြင်နေရပါတယ်။

▪️ တစ်နေ့ကို ယူနစ် ၁ သိန်းက အလွန်မြင့်မားတဲ့ ပမာဏဖြစ်ပြီး ဗိုက်တာမင်-ဒီ အလွန်အကျွံစားမိရင် အဆိပ်သင့်နိုင်တယ်လို့လည်း သတိပေးထားပါတယ်။

▪️ သွေးထဲမှာ ကယ်လ်စီယံများလာပြီး မူးဝေအော့အန်ခြင်း၊ အားနည်းခြင်း၊ မကြာခဏဆီးသွားခြင်း၊ ကျောက်ကပ်ပျက်ခြင်းတို့ပါ ဖြစ်နိုင်တာကြောင့် ကျွမ်းကျင်သူများနဲ့ ဦးစွာတိုင်ပင်သင့်ပါတယ်။

#Source: New York Post

#World_Science
Published 22 April 2025

▪️ အာရေဗျကျွန်းဆွယ်မှာ ကျယ်ပြန့်တဲ့သဲသောင်ပြင်များ၊ သဲပင်လယ်များပြည့်နေပြီး အပူရှိန်နဲ့ ခြောက်သွေ့မှု ပြင်းထန်လွန်းပါတယ်။

▪️ ဒါပေမဲ့ လတ်တလောလေ့လာချက်အရ အဆိုပါကန္တာရကြီးဟာ ယခင်အချိန်တွေတုန်းက စိမ်းလန်းစိုစွတ်ခဲ့ဖူးတယ်လို့ ဖော်ပြနေပါတယ်။

▪️ လွန်ခဲ့တဲ့ နှစ်ပေါင်း ၉ ထောင်ခန့်က မိုးရွာသွန်းမှုမြင့်မားခဲ့ပြီး ရေကန်တွေ မြစ်တွေဖြစ်ပေါ်ခဲ့ပါတယ်။

▪️ ဘူမိဗေဒမှတ်တမ်းအများအပြားအရ ယခင်က ပိုပြီးစိုစွတ်ခဲ့တဲ့ ပတ်ဝန်းကျင် အထောက်အထားများအကြောင်းကို Communications Earth & Environmentမှာ ဖော်ပြခဲ့ပါတယ်။

▪️ ဂျီနီဗာတက္ကသိုလ်မှ ဒေါက်တာ အက်ဒါလာဇာကီနဲ့ ပရော်ဖက်ဆာ ဆီဘက်ရှန်ကာစတယ်တော့၊ ကင်းအက်ဒူလာတက္ကသိုလ်မှ ပရော်ဖက်ဆာ အက်ဒူကာဒါအက်ဖီဖီတို့က ဦးဆောင်လေ့လာခဲ့တာ ဖြစ်ပါတယ်။

▪️ Holoceneကာလအစောပိုင်းမှာ မိုးရွားသွန်းမှုများခဲ့ပြီး စိုစွတ်မှုများတဲ့အချိန် ဖြစ်ခဲ့ပါတယ်။

▪️ လွန်ခဲ့တဲ့နှစ်ပေါင်း ၁၁,၀၀၀ မှ ၅,၅၀၀ အတွင်း Green Arabiaကာလမှာ ရေကန်က အများပြားဆုံးဖြစ်ခဲ့ဟန်ရှိတယ်လို့ အက်ဒါလာဇာကီက ပြောထားပါတယ်။

▪️ ရေကန်က အလွန်ကြီးမားပြီး ၁,၁၀၀ စတုရန်းမီတာအကျယ်နဲ့ ၄၂ မီတာနက်ရှိုင်းတယ်လို့ ခန့်မှန်းထားပါတယ်။

▪️ မိုးရွားသွန်းအားကြီးပြီးတော့ ရေကန်လျှံထွက်ကုန်ကာ ကန္တာရကြမ်းပြင်မှာ ၁၅၀ ကီလိုမီတာရှည်တဲ့ တောင်ကြားလမ်းဖြစ်သွားတယ်လို့ ဆီဘက်ရှန်ကာစတယ်တော့က ဆိုပါတယ်။

▪️ အကွာအဝေး ၁,၁၀၀ ကီလိုမီတာခန့်အထိ အနည်အနှစ်တွေကို ခြေရာခံကြည့်တဲ့အခါ အဆိုပါမိုးက အာဖရိကမုတ်သုံကလာတဲ့ မိုးတွေဖြစ်ပါတယ်။

▪️ မိုးရွာသွန်းခြင်းက တစ်ခါတရံမှာ ပြင်းထန်ပြီး မြေမျက်နှာပြင် ကြီးကြီးမားမား ပြောင်းလဲသွားခဲ့ပုံရပါတယ်။

▪️ ရေကန်မြစ်ချောင်းများ ဖြစ်ပေါ်လာခြင်း၊ မြက်ခြင်းပြင်များ ဖြစ်ပေါ်လာခြင်းတို့ကြောင့် အမဲလိုက်အဖွဲ့များ၊ အစုအဖွဲ့များ ထွက်ပေါ်လာကာ ယနေ့ခေတ် သဲကန္တာရပြင်ကြီး ဖြစ်လာတယ်လို့ Griffith ဩစတြေးလျသုတေသနစင်တာမှ ညွှန်ကြားရေးမှူး ပရော်ဖက်ဆာ ပက်ထရာဂလီယာက ပြောပါတယ်။

#Source: WION

အမေရိကန်အစိုးရမှ အခွန်စည်းကြပ်မှု သိသိသာသာ တိုးမြှင့်လာခြင်းဟာ ကမ္ဘာ့စီးပွားရေး မရေမရာဖြစ်စေပြီး ကမ္ဘာ့စီးပွားရေး ခံနိုင်ရည်ရှိမှုကို စမ်းသပ်သလိုဖြစ်နေတယ်လို့ နိုင်ငံတကာရန်ပုံငွေအဖွဲ့ (IMF)ရဲ့ ဦးဆောင်ညွှန်ကြားရေးမှူး ခရစ္စတယ်လီနာဂျော်ဂျီယေဗာက ကြာသပတေးနေ့က ပြောလိုက်ပါတယ်။
#World_Business
Published 21 Apirl 2025
#အခွန်တိုးမြှင့်စည်းကြပ်မှု #အမေရိကန်အစိုးရ
#YMG #Yangon_Times #Yangon_Media_Group

#Daily_News

Published 21 Apirl 2025

၁။ သကြင်္န်အပြီးအခြေခံစားသောက်ကုန်ဈေးနှုန်းများဆက်လက် မြင့်တက်

၂။ မန္တလေးစျေးချိုတော်စျေးရုံကြီးအား ရက်ပိုင်းအတွင်း ပြန်လည်ဖွင့်လှစ်သွားမည်

၃။ မိုးတိမ်တောင်များကြောင့် မွန်ပြည်နယ်နှင့် ဒေသအချို့၌လေပြင်းနှင့်မိုးသီးကြွေခြင်းများရှိနိုင်

၄။ အမေရိကန်အစိုးရ၏ အခွန်တိုးမြှင့်စည်းကြပ်မှုက ကမ္ဘာ့စီးပွားရေးမှာပါမရေမရာဖြစ်စေသည်ဟု IMFပြော... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

၂၁ ဧပြီ ၂၀၂၅

ရိုမန်ကက်သလစ်ဘုရားကျောင်းရဲ့သမိုင်းမှာ ပထမဆုံးသော လက်တင်အမေရိကန် ပုပ်ရဟန်းမင်းကြီး ဖြစ်ခဲ့တဲ့ ပုပ်ရဟန်းမင်းကြီး ဖရစ်စစ်ဟာ ဧပြီ၂၁ ရက် တနင်္လာနေ့ မနက် ၇နာရီ ၃၅ မိနစ် မှာ ကွယ်လွန်သွားရှာပြီဖြစ်ပါတယ်။ သူဟာ ကွယ်လွန်ချိန်မှာ အသက် ၈၈နှစ်ရှိပါပြီ။

ပုပ်ရဟန်းမင်းကြီး ဖရန်စစ်ဟာ မကွယ်လွန်မီ တစ်လအလိုက မတ် ၂၃ ရက်နေ့က လူကြီးရောဂါတွေနှင့် ဆေးရုံ တက်ခဲ့ရပြီး ဆေးရုံမှာ ၃၈ ရက်နေခဲ့ရပါတယ်။သူဟာ ပြီးခဲ့တဲ့ အီစတာတနင်္ဂနွေပွဲတော်မှာ လူထုပရိဿတ်ကြီးနှင့်  လေဟာပြင်မှာ တွေ့ဆုံခဲ့သေးတာကြောင့် သူသေဆုံးပြီဆိုတဲ့သတင်းကို အံအားသင့်ခဲ့ကြပါတယ်။

သူဟာ တနင်္ဂနွေနေ့တုန်းကပဲ အမေရိကန်ဒုသမ္မတ ဂျေဒီဗင့်စ်ကို ခဏတာမျှ တွေ့ဆုံခဲ့ပါသေးတယ်။

ပုပ်ရဟန်းမင်းကြီး အရိုက်အရာဆက်ခံဖို့ ဗာတီကန်အနေနှင့် နောက်ထပ် ပုပ်ရဟန်း မင်းကြီးတစ်ဦးကို ရွေးချယ်ရမှာဖြစ်ပြီး အဲဒီလုပ်ငန်းစဉ်က အချိန်ကြာတတ်ပါတယ်။

အာဂျင်းတီးနားလူမျိုးဖြစ်တဲ့ သူ့ကို ၂၀၁၃ခုနှစ် မတ်၁၃ ရက်နေ့မှာ  ပုပ်ရဟန်းမင်းကြီး ဖရန်စစ်အဖြစ် ဗာတီကန်က ရွေးချယ်ခဲ့တာဖြစ်ပါတယ်။

#Local_News
Published 21 April  2025

▪️ ရှမ်းပြည်နယ်ကျေးသီး၊ မိုင်းရယ်အနီး ၄ ကြိမ်ဆက် လှုပ်ရှားခဲ့ကြောင်း မြေငလျင်သတင်းများစင်တာမှ အသိပေးထားသည်။

▪️ ထိုသို့လှုပ်ရှားရာတွင် ယနေ့မနက်အ‌စောပိုင်းမြန်မာစံတော်ချိန် ၁နာရီ ၄၁မိနစ် အချိန်ကမန္တလေးမြို့မှအရှေ့မြောက်ဘက်ပိုင်း ၂၃ မိုင်၊ မတ္တရာမြို့အ‌ရှေ့တောင်ဘက် ၈ မိုင်ခန့်၊  မြကန်သာအနီး တောင်တန်းဒေသအောက်အနက် ၆ မိုင်ကျော်မှ မဂ္ဂနီကျု ၃.၂ အဆင့်မြေငလျင်ငယ် လှုပ်ရှားခဲ့ပြီး မနက် ၁၁နာရီ၂၈မိနစ်အချိန်ကလည်း ပြင်ဦးလွင်အနီး၊ မဂ္ဂနီကျု ၃.၉
မြေအောက်အနက် ၆ မိုင်တွင်လှုပ်ခတ်ခဲ့ကြောင်း သိရသည်။

▪️ ထို့အပြင် ယနေ့နေ့လယ်မြန်မာစံတော်ချိန် ၁နာရီ ၁၉ မိနစ် အချိန်က မန္တလေးမြို့တောင်ပိုင်း၊ ရမည်းသင်းမြို့တောင်ဘက် ၈ မိုင်ခန့်၊ အင်ဘင်ကြီးအနီး မြေအောက်အနက် ၆ မိုင်ကျော်မှ မဂ္ဂနီကျု ၂.၉ အဆင့်မြေငလျင်ငယ် ထပ်မံလှုပ်ရှားခဲ့ကာ ယနေ့ည‌နေမြန်မာစံတော်ချိန် ၂ နာရီ၄၆ မိနစ်အချိန်က မန္တလေးမြို့ အရှေ့ဘက်ပိုင်း၊ ပြင်ဦးလွင်မြို့အ‌ရှေ့ဘက် ၈၆ မိုင်ခန့်၊ လားရှိုးတောင်ဘက် ၇၂ မိုင်ခန့်ကျေးသီအနီး မြေအောက်အနက် ၆ မိုင်ကျော်မှ မဂ္ဂနီကျု ၃.၁ အဆင့်မြေငလျင်ငယ် ထပ်မံလှုပ်ရှားခဲ့ကြောင်း သိရသည်။

#YMG/NN #Yangon_Times

တရုတ်နိုင်ငံအစိုးရက မြန်မာနိုင်ငံကို ထောက်ပံ့ပေးတဲ့  သတ္တမအသုတ် အရေးပေါ် လူသားချင်းစာနာမှုဆိုင်ရာ ငလျင်ကယ်ဆယ်ရေးပစ္စည်းတွေ ယမန်နေ့ကရောက်ရှိလာတယ်လို့ မြန်မာနိုင်ငံဆိုင်ရာ တရုတ်သံရုံးကသိရပါတယ်။
#Local_News
Published 21 Apirl 2025
#ငလျင်ကယ်ဆယ်ရေးပစ္စည်းများ #သတ္တမအသုတ်ရောက်ရှိလာ
#YMG/NN #Yangon_Times

#Local_News
Published 21 April  2025

▪️ မန္တလေးမြေငလျင်ကြီးလှုပ်ခတ်မှုကြောင့် ရှမ်းပြည်နယ်၊ ညောင်ရွှေမြို့နယ်၊ အင်းလေးဖောင်တော်ဦးမြတ်စွာဘုရား ရင်ပြင်တော်၊ ရတနာစံကျောင်းတော် အချို့နေရာများ၊ ဒေသစာရီကြွချီတော်မူရာတွင် အသုံးပြုသည့် ကရဝိက်ဖောင်တော်နှင့် ဖောင်တော်ထားရှိသည့် အဆောက်အအုံထိခိုက်ပျက်စီးမှုများ ဖြစ်ပေါ်ခဲ့ရာပြုပြင်မွမ်းမံမှုလုပ်ငန်းများ ပွဲတော်ချိန်အမီ အပြီးသတ်နိုင်ရန်ဆောင်ရွက်နေကြောင်း သိရသည်။

▪️ အဆိုပါ ဖောင်တော်ဦးဘုရားမှာ ငလျင်ဒဏ်ကြောင့်ထိခိုက်ခဲ့သည့်အတွက်ဘုရားဖူးဧည့်သည်များ ဘေးအန္တရာယ်ကင်းရှင်းစေရေးအတွက် ဘုရားဂေါပကအဖွဲ့မှ ဘုရားကျောင်းတော်ပေါ်သို့ တက်ရောက်ဖူးမြော်ကြည်ညိုခွင့်ကို ယာယီရပ်ဆိုင်းထားခဲ့ခြင်းဖြစ်သည်။

▪️ ယခုအခါ ထိခိုက်ပျက်စီးမှုများဖြစ်ပေါ်ခဲ့သည့် အင်းလေးဖောင်တော်ဦးမြတ်စွာဘုရားရင်ပြင်တော်နှင့် စံကျောင်းတော်ပင်မဆောင် ပြန်လည်ပြုပြင်မွမ်းမံရေးလုပ်ငန်းများကို ယခုနှစ်သီတင်းကျွတ်ဖောင်တော်ဦး ဘုရားပွဲတော်ကာလအမီပြီးစီးနိုင်ရေးအတွက် ကျွမ်းကျင်ပညာရှင်များနှင့် လုပ်သားများဖြင့် အရှိန်အဟုန်မြှင့်ပြုပြင်မွမ်းမံလျက်ရှိကြောင်း သိရသည်။

▪️ ထို့အပြင် အနယ်နယ်အရပ်ရပ်မှ အလှူရှင်များက အလှူငွေများထည့်ဝင်လှူဒါန်းကု သိုလ်ပါဝင်ကြရာ ယခုရက်ပိုင်းအထိ စုစုပေါင်းထည့်ဝင် လှူဒါန်းငွေကျပ်သိန်းပေါင်းတစ်ထောင်ကျော်  ရရှိခဲ့ပြီဖြစ်ကြောင်း သိရသည်။

#YMG/NN #Yangon_Times

မွန်ပြည်နယ်အပါအဝင် တိုင်းနဲ့ပြည်နယ်လေးခုာ မိုးတိမ်တောင်ရွေ့လျားရာတလျောက်လေပြင်းနဲ့ မိုးသီးကြွေတာ‌တွေရှိနိုင်တယ်လို့ မိုးလေဝသနှင့်‌ဇလဗေဒညွှန်ကြားမှုဦးစီးဌာနရဲ့ ဒီက‌နေ့ထုတ်ပြန်ချက်အရသိရပါတယ်။
#Local_News
Published 21 Apirl 2025
#လေပြင်းနှင့်မိုးသီးကြွေခြင်း #မိုးတိမ်တောင်
#YMG/NN #Yangon_Times

ငလျင်ကြောင့် ယာယီပိတ်ထားရတဲ့ မန္တလေးစျေးချိုတော်စျေးရုံကြီးကို ဧပြီ၂၄ရက်နေ့ကစတင်ပြီး စျေးဖွင့်ရက်တွေအတိုင်း ပုံမှန်ပြန်လည်ဖွင့်လှစ်လည်ပတ်သွားမယ်လို့ အဆင့်မြင့်ဈေးချိုတော်နှင့် တိုက်တန်းကြီးဈေးအကျိုးတော်ဆောင်အဖွဲ့က သိရပါတယ်။
#Local_News
Published 21 Apirl 2025
#မန္တလေးစျေးချိုတော်စျေးရုံကြီး #တိုက်တန်းကြီး
#YMG/NN #Yangon_Times

#World_News
Published 21 April 2025

▪️ အမေရိကန် ကာကွယ်ရေးဝန်ကြီး ပိဟက်ဂ်ဆက်က မတ်လက အီရန်မဟာမိတ်ဖြစ်တဲ့ ယီမင်မှ ဟူသီအဖွဲ့ကို တိုက်ခိုက်ခဲ့တဲ့အသေးစိတ်အချက်အလက်များကို စာပို့ဂရုတစ်ခုမှာ မျှဝေခဲ့ပြီး ထိုဂရုထဲမှာဆိုရင် သူ့ရဲ့ဇနီး၊ ညီ၊ ပုဂ္ဂိုလ်ရေးရာရှေ့နေတစ်ဦးတို့ ပါဝင်ကြောင်း သတင်းရင်းမြစ်နီးစပ်သူက ရိုက်တာသတင်းဌာနထံ တနင်္ဂနွေနေ့က ပြောခဲ့ပါတယ်။

▪️ ဒုတိယမြောက် Signal Chatမှာ ဒီအကြောင်းတွေ ဖွင့်ချလိုက်ခြင်းက ဒီလိုမျိုး အလွန်အရေးကြီးလျှို့ဝှက်တဲ့ လုံခြုံရေးအချက်အလက်များကို သီးသန့်မဆန်တဲ့ မက်ဆေ့ချ်အဖွဲ့တစ်ခုမှာ ဟက်ဂ်ဆက်ချပြလိုက်ခြင်းအပေါ် မေးခွန်းထုတ်စရာများဖြစ်လာပြီး ပြီးခဲ့တဲ့ရက်သတ္တပတ်ကမှ အတွင်းရေးပေါက်ကြားမှု စုံစမ်းစစ်ဆေးခြင်းအနေဖြင့် ပင်တဂွန်မှ အကြီးတန်းအရာရှိများ ထုတ်ပယ်ခံရချိန်မျိုးမှာမှ ထွက်ပေါ်လာတာ ဖြစ်ပါတယ်။

▪️ ဒီမတိုင်ခင်ကလည်း Signalအက်ပ်ထဲမှ အခြား chatအဖွဲ့ထဲမှာ Atlanticမဂ္ဂဇင်း အယ်ဒီတာချုပ် ဂျက်ဖရီဂိုးလ်ဘာ့ဂ် မှားယွင်းစွာဖြင့်ပါဝင်ခဲ့ပြီး အလားတူတိုက်ခိုက်မှု အသေးစိတ်အချက်အလက်များ ဟက်ဂ်ဆက်မျှဝေမိခဲ့ကာ ပြီးခဲ့တဲ့လက အဆိုပါမဂ္ဂဇင်းမှဖော်ပြခဲ့သလို သမ္မတဒေါ်နယ်ထရမ့်ရဲ့ အကြီးတန်း နိုင်ငံတော်လုံခြုံရေးအရာရှိအားလုံးလည်း အရှက်ရဖွယ်ဖြစ်ရပ်မှာ ပါဝင်ခဲ့ပါတယ်။

▪️ အမည်မဖော်လိုသူ သတင်းနီးစပ်သူတစ်ဦး ပြောပြရာမှာ ဒုတိယမြောက် chatအဖွဲ့မှာ လူတစ်ဒါဇင်ခန့်ပါဝင်ပြီး စီမံအုပ်ချုပ်ရေးကိစ္စများ ဆွေးနွေးရန် ဖွဲ့ထားတာဖြစ်ပါတယ်။

▪️ အသေးစိတ်အချက်အလက်တွေထဲမှာ လေကြောင်းတိုက်ခိုက်မှု စာရင်းဇယားများ ပါဝင်ပါတယ်။

▪️ ဟက်ဂ်ဆက်ရဲ့ဇနီး ဂျန်နီဖာဟာ Fox Newsထုတ်လုပ်သူဟောင်းဖြစ်ပြီး နိုင်ငံခြားစစ်ရေးပုဂ္ဂိုလ်ကြီးများနဲ့ လျှို့ဝှက်ဆွေးနွေးပွဲများ တက်ရောက်ခဲ့တယ်လို့ ပင်တဂွန်မှ လူသိရှင်ကြားဖော်ပြတဲ့ ပုံရိပ်များအရ သိရပါတယ်။

▪️ ထရမ့်အစိုးရအဖွဲ့ကတော့ ပေါက်ကြားမှုများကို အပြင်းအထန် ရှာဖွေနေပါတယ်။

▪️ "မကျေနပ်တဲ့ ဝန်ထမ်းဟောင်းတွေရဲ့ မကျေနပ်ချက်များကို မီဒီယာက သတင်းရင်းမြစ်အဖြစ် လိုလိုလားလား အသုံးပြုနေတယ်" လို့ ပင်တဂွန်မှ ပြောရေးဆိုခွင့်ရှိသူ ရှောင်ပါနဲလ်က ပြောပါတယ်။

▪️ ထရမ့်ကိုမုန်းတီးတဲ့ မီဒီယာတွေက သမ္မတထရမ့်လမ်းစဉ်အတိုင်း လိုက်ပါသူမှန်သမျှကို ဖျက်ဆီးလိုစိတ်ရှိနေကြောင်း ဖော်ပြထားပါတယ်။

▪️ မကြာသေးမီက အလုပ်ထုတ်ခံရသူတွေက အရှက်ကွဲခဲ့ရတာကို ပြန်လည်ချေပဖို့ အမှန်တရားကို လွဲမှားစွာ ဖော်ပြနေကြပြီး သမ္မတလမ်းစဉ်တွေကို ပျက်ပြားအောင်လုပ်နေတယ်လို့ အိမ်ဖြူတော်မှ ပြောရေးဆိုခွင့်ရှိသူ အန်နာကယ်လီက ပြောသွားပါတယ်။

#Source: Reuters