၂၅ အောက်တိုဘာ ၂၀၂၄

အမေရိကန်ပြည်ထောင်စု စိုက်ပျိုးရေးဝန်ကြီးဌာနရဲ့ အစားအသောက်အန္တရာယ်ကင်းရှင်းရေး နှင့်စစ်ဆေးရေး   ဌာနက မြန်မာနိုင်ငံမှ တရားမဝင်တင်သွင်းတဲ့ အသားမျိုးစုံနှင့် ကြက်ဘဲစားသောက်ကုန်များ  နှင့်ပတ်သက်ပြီး   ပြည်သူ့ကျန်းမာရေးတပ်လှန့်မှုတစ်ခုပြုလုပ်ထားတယ်လို့သိရပါတယ်။ အဆိုပါစစ်ဆေးရေးဌာနက မြန်မာနိုင်ငံက အဲဒီအစားအသောက်တွေ အမေရိကန်နိုင်ငံထဲ ဘယ်လိုဝင်ရောက်လာ တယ်ဆိုတာကိုပါ ဆက်လက်   စုံစမ်း စစ်ဆေးနေတယ်လို့လည်းဆိုပါတယ်။

ပြည်သူ့ကျန်းမာရေးဆိုင်ရာ သတိပေးတပ်လှန့်ထားတဲ့ မြန်မာနိုင်ငံထုတ် စားသောက်ကုန်တွေဟာ မည်သည့်   ရက်စွဲနှင့် ထုတ်သည်ဖြစ်စေ မစားသုံးကြဖို့ နှိုးဆော်ထားပါတယ်။အဲဒီစားသောက်ကုန်တွေက-

“BEST” အမှတ်တံဆိပ် အမဲသားဟင်း ၁၈၀ ဂရမ် စည်သွတ်ဘူး။

“BEST” အမှတ်တံဆိပ် ကြက်သားဒန်ပေါက်  ၄၂၅ ဂရမ် စည်သွတ်ဘူး။

ထိမိဂွိ မုန့်ဟင်းခါးအခြောက်အနှစ်  ၃၆၉ ဂရမ် စည်သွတ်ဘူး။

“BEST” အမှတ်တံဆိပ် မြန်မာဘဲသွေး ၄၂၅ ဂရမ်စည်သွတ်ဘူး။

အိမ်ချက် မုန့်ဟင်းခါးရည်အနှစ် ၄၀၀ ဂရမ် စည်သွတ်ဘူး။

မင်းသားကြီး ငါးခြောက် ၁၆၀ ဂရမ် အထုတ်။

အိမ်ချက် အုန်းနို့ခေါက်ဆွဲအနှစ် ၄၀၀ ဂရမ် စည်သွတ်ဘူး။  တို့ဖြစ်ကြတယ်လို့ သတင်းထုတ်ပြန်ထားပါတယ်။

ဒီစားသောက်ကုန်တွေမှာ ဖွဲ့စည်းမှုအမှတ်လည်းမပါ အမေရိကန်စိုက်ပျိုးရေးဝန်ကြီးဌာနရဲ့ စစ်ဆေးထားတဲ့ အမှတ် အသားလည်းမပါဘူးလို့ သတင်းထုတ်ပြန်ချက်မှာရေးသားထားပါတယ်။

အဆိုပါ စားသောက်ကုန်တွေကို အာရီဇုန်နာ၊ကာလီဖိုနီးယား၊အိုင်အိုဝါ၊ကန်ဆပ်စ်၊ မာရီလန်း၊ မင်နီဆိုတာ၊ နီဘရာစကာ၊ အိုကလာဟိုးမားနှင့် တက္ကဆပ်တို့မှာရှိတဲ့ လက်လီဆိုင်တွေကို တင်ပို့ခဲ့တယ်လို့ဆိုပါတယ်။ အစား အသောက်စစ်ဆေးရေးဌာနဟာ  လက်လီဆိုင်တစ်ဆိုင်မှာ ထောက်လှမ်းစစ်ဆေးမှုတွေပြုလုပ်စဉ် အဲဒီ တရားမဝင် စားသောက်ကုန်တွေတွေ့ရှိခဲ့တာဖြစ်တယ်လို့ သတင်းထုတ်ပြန်ချက်မှာဖော်ပြထားပါတယ်။

ဒီစားသောက်ကုန်တွေစားသုံးလို့ ဘေးအန္တရာယ်ဖြစ်တဲ့ သတင်းအချက်အလက်တွေမရရှိသေးပေမယ့်  စားသုံးပြီး လို့ကျန်းမာရေးကိုစိတ်ပူကြသူတွေအနေနှင့်  ဆေးရုံဆေးခန်းတွေကို ဆက်သွယ်ကြဖို့လည်း တိုက်တွန်းထား ပါတယ်။

နီပေါနိုင်ငံတဝှမ်း ဒေသအများအပြားမှာ အဆက်မပြတ် မိုးရွာသွန်းသဖြင့် ရေကြီးခြင်း၊ မြေပြိုကမ်းပြိုခြင်းစတဲ့ သဘာဝဘေးအန္တရာယ်များ ဖြစ်ပွားပြီး စိုက်ပျိုးရေးနေရာတွေ၊ လမ်းတွေ ထိခိုက်ပျက်စီးကာ ဟင်းသီးဟင်းရွက်ဈေးကွက် ချိတ်ဆက်ထောက်ပံ့ရေး ရှားပါးပြတ်လပ်လာပါတယ်။
#World_Disaster
Published 25 October 2024
#နီပေါ #ခရမ်းချဉ်သီးဈေးနှုန်းမြင့်တက်
#YMG #Yangon_Times #Yangon_Media_Group

#Daily_News
Published 25 October 2024

၁။ တရုတ်နယ်စပ်ဂိတ်ပိတ်၍ ရွှေဈေးတက်လာခြင်းမရှိဟု YGEA ထုတ်ပြန်

၂။ ‌စက်သုံးဆီအမျိုးအစားအားလုံး ဈေးကျဆင်းလာသော်လည်း ဈေးအမြင့်တန်း၌သာဆက်ရှိနေ

၃။ ဆင်မကြီး မိုမို (၇၁)နှစ်ပြည့် မွေးနေ့ပွဲ(၃)ရက်တိုင်တိုင်ကျင်းပမည်

၄။ နီပေါတွင်အဆက်မပြတ်မိုးရွာသွန်းသဖြင့် စိုက်ကွင်းများရေကြီးကာ ခရမ်းချဉ်သီးဈေးနှုန်းအဆမတန်မြင့်တက် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

အခုရက်ပိုင်းအောက်တိုဘာ(၂၆)ရက်၊(၂၇)ရက်တို့မှာ တနင်္သာရီတိုင်း၊ ကရင်နဲ့မွန်ပြည်နယ်တို့မှာ နေရာစိပ်စိပ် မိုးထစ်ချုန်းရွာသွန်းနိုင်ပြီး စစ်ကိုင်းတိုင်းနဲ့ ကချင်ပြည်နယ်တို့မှာ မိုးတိမ်တောင်‌တွေဖြစ်ထွန်းကာ မိုးသက်လေပြင်းတိုက်ခတ်နိုင်တယ်လို့ သိရပါတယ်။
#Local_News
Published 25 October 2024
#ဒေသအချို့မိုးရွာ #မုန်တိုင်း'ဒါနာ'
#YMG/tthl #Yangon_Times

ရှမ်းပြည်နယ်တောင်ပိုင်း၊ တောင်ကြီးမြို့ရဲ့တန်ဆောင်တိုင်ပွဲတော်ကို ပုံမှန်နှစ် တွေထက်ထူးခြားတဲ့နေ့လွှတ်၊ ညလွှတ်မီးပုံးတွေနဲ့ စည်ကားသိုက်မြိုက်စွာကျင်းပသွားမယ်လို့ ရှမ်းပြည်နယ်ရိုးရာ မီးပုံးပျံပညာရှင်အသင်းက သိရပါတယ်။
#Local_News
Published 25 October 2024
#တောင်ကြီးတန်ဆောင်တိုင်ပွဲတော် #ညလွှတ်မီးပုံး
#YMG/NN #Yangon_Times

ဆင်မကြီးမိုမိုရဲ့(၇၁)နှစ်ပြည့် မွေးနေ့ပွဲကို နိုဝင်ဘာ(၁)ရက်မှ(၃)ရက်အထိ ကျင်းပဖို့ရှိပါတယ်။ ဆင်မကြီးမိုမိုအတွက် မွေးနေ့အလှူအဖြစ် နိုဝင်ဘာလ(၃) ရက်မှာ အာရုဏ်ဆွမ်းဆက်ကပ်လှူဒါန်းခြင်း၊ ဆင်မကြီးမိုမိုအတွက် Birthday Cake ခွဲတာတွေဆောင်ရွက်ပေးသွားမှာ ဖြစ်ပါတယ်။
#Local_News
Published 25 October 2024
#ဆင်မကြီးမိုမို #(၇၁)နှစ်ပြည့်မွေးနေ့
#YMG/tthl #Yangon_Times

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မ
တီရဲ့ ရန်ကုန်ဈေးကွက်အတွက် ဒီကနေ့ထုတ်ပြန်ချက်အရစက်သုံးဆီအမျိုးအစား ဈေးနှုန်းအားလုံး ကျဆင်းလာ‌ပေမယ့် ဈေးအမြင့်တန်းမှာသာဆက်ရှိနေတယ်လို့ သိရပါတယ်။
#Local_News
Published 25 October 2024
#စက်သုံးဆီအမျိုးအစား #စက်သုံးဆီစျေးအနည်းငယ်ကျဆင်း
#YMG/NN #Yangon_Times

တရုတ်နယ်စပ်ဂိတ်ပိတ်လို့ ဒေါ်လာရှားပါးလာပြီး ရွှေဈေးတက်တယ်ဆိုတဲ့သတင်းမှာမဟုတ်မှန်ဘဲ ကမ္ဘာ့ရွှေဈေးတက်လာတဲ့အတွက်ပြည်တွင်းရွှေဈေးအနည်းငယ်တက်လာရတာဖြစ်တယ်လို့  ရန်ကုန်တိုင်းရွှေလုပ်ငန်းရှင်များအသင်း(YGEA)က ထုတ်ပြန်လိုက်ပါတယ်။
#Local_News
Published 25 October 2024
#ရွှေဈေးတက်လာခြင်းမရှိ #YGEA ထုတ်ပြန်
#YMG/tthl #Yangon_Times

#World_News
Published 25 October 2024

▪️ ရုရှားလွှတ်တော်အမတ်များဟာ မြောက်ကိုရီးယားနဲ့ အပြန်အလှန် စစ်ရေးကူညီမှုပြုရန် သဘောတူညီချက်ကို ကြာသပတေးနေ့က အတည်ပြုလိုက်ပါတယ်။

▪️ ဒီမတိုင်ခင်ရက်မှာ အမေရိကန်က မြောက်ကိုရီးယားတပ်သား ၃ ထောင် ရုရှားမှာ နေရာချထားတာကို အတည်ပြုထားပါတယ်။

▪️ ရုရှားသမ္မတ ဗလာဒီမာပူတင်နဲ့ မြောက်ကိုရီးယားခေါင်းဆောင် ကင်မ်ဂျုံအန်းတို့ ဇွန်လက ပြုံယမ်းမှာ တွေ့ဆုံစဉ် လက်မှတ်ရေးထိုးခဲ့ကြတဲ့ မဟာဗျူဟာမြောက် မိတ်ဖက်လုပ်ဆောင်ရေး သဘောတူစာချုပ်ကို ရုရှားပါလီမန် အောက်လွှတ်တော်က အလျင်အမြန်ပဲ ထောက်ခံမဲပေးခဲ့ကာ အထက်လွှတ်တော်ကလည်း များမကြာမီ ထောက်ခံအတည်ပြုသွားမှာ ဖြစ်ပါတယ်။

▪️ အဆိုပါ သဘောတူညီချက်အရ ရုရှားနဲ့ မြောက်ကိုရီးယားတို့ဟာ တစ်နိုင်ငံ တိုက်ခိုက်ခံရပါက ရနိုင်သမျှ နည်းလမ်းအားလုံး အသုံးပြုပြီး ချက်ချင်း စစ်ရေးအကူအညီပေးနိုင်မှာ ဖြစ်ပါတယ်။

▪️ ဒါဟာ စစ်အေးတိုက်ပွဲနောက်ပိုင်း ရုရှားနဲ့ မြောက်ကိုရီးယားတို့ကြား အားအကောင်းဆုံး ချိတ်ဆက်မှုကြီး ဖြစ်လာပါတယ်။

▪️ ရုရှားမှာ မြောက်ကိုရီးယားတပ်သား ၃ ထောင် နေရာချထားပြီး လေ့ကျင့်နေတယ်လို့ အမေရိကန်က ဗုဒ္ဓဟူးနေ့က ထုတ်ပြန်ထားကာ ထိုတပ်သားတွေသာ ယူကရိန်းကို ဝင်တိုက်ပါက ခုခံကာကွယ်တုန့်ပြန်သွားနိုင်တယ်လို့ သတိပေးထားပါတယ်။

▪️ ရုရှား ကာဇန်မှာကျင်းပတဲ့ BRICS အစည်းအဝေးမှာ ပူတင်က မြောက်ကိုရီးယား ခေါင်းဆောင်အနေဖြင့် သဘောတူညီချက်တွေကို အလေးထားမယ်ဆိုတာ ယုံမှားစရာမရှိဘဲ ဒီသဘောတူညီချက် ဘောင်အတွင်းကနေပဲ လုပ်ဆောင်သွားကြမယ်လို့ ပြောပါတယ်။

▪️ အမေရိကန်နဲ့ မဟာမိတ်များက မြောက်ကိုရီးယားဟာ ရုရှားကို ဒုံးကျည် အမြှောက်ဆံများပေးနေတယ်လို့ စွပ်စွဲထားတာတွေကို ရုရှားနဲ့ မြောက်တို့က ငြင်းဆန်ထားပါတယ်။

▪️ စစ်ရေးအပြန်အလှန် ကူညီရေးအရ ရုရှားဟာ လက်နက်နည်းပညာများကို မြောက်ကိုရီးယားနဲ့ မျှဝေသွားနိုင်တယ်လို့ သုံးသပ်သူများက ပြောပါတယ်။

#Source: WION

#Local_News
Published 25 October 2024

▪️ မန္တလေးတိုင်းဒေသကြီး၊ မြင်းခြံမြို့တွင် မိုးသည်းထန်စွာရွာသွန်းမှုကြောင့် အုတ်တံတိုင်းပြိုကျပြီး တစ်ဦး ‌ေ-သဆုံးမှု တစ်ခု ယနေ့မနက်‌အစောပိုင်းတွင် မြန်မာနိုင်ငံမီးသတ်တပ်ဖွဲ့မှ သိရသည်။

▪️ အောက်တိုဘာ၂၅ ရက်နေ့၊ မနက် ၄ နာရီခွဲ အချိန်ခန့်က  မန္တလေးတိုင်ဒေသကြီး၊ မြင်းခြံခရိုင်၊ မြင်းခြံမြို့တွင် မိုးသည်းထန်စွာရွာသွန်းမှုကြောင့် အမှတ်(၁၀) ရပ်ကွက်၊ နယ်မြေ(၇)အတွင်းတွင် မဟာဝါဠုကာရာမ သဲပြင်ကျောင်းတိုက်ပိုင် ဘုရားလေးဆူစေတီ၏ အရှေ့ဘက်ရှိ အမြင့်(၈)ပေ၊ အလျား(၁၅၀)ပေခန့်ရှိသော အုတ်တံတိုင်းပြိုကျမှုဖြစ်ပွားခဲ့ကြောင်း သိရသည်။

▪️ အဆိုပါ  သတင်းရရှိသဖြင့် မြင်းခြံခရိုင်မီးသတ်စခန်းမှ သန္ဓေမီးသတ်တပ်ဖွဲ့ဝင်များ၊ သက်ဆိုင်ရာအဖွဲ့အစည်းများဖြင့် ပူးပေါင်း၍ ရှာဖွေကယ်ဆယ်ရေးလုပ်ငန်းများဆောင်ရွက်ပေးခဲ့ကြောင်း သိရသည်။

▪️ ယင်းဖြစ်စဉ်ကြောင့် ကျား(၁)ဦး(သေဆုံး) နှင့် ကျား(၁)ဦး ထိခိုက်ဒဏ်ရာ(မစိုးရိမ်ရ) တို့အား နာရေးကူညီမှုအသင်းကားဖြင့် မြင်းခြံခရိုင်ပြည်သူ့ဆေးရုံသို့ ပို့ဆောင်ပေးခဲ့ကြောင်း သိရသည်။

#YMG/NN #Yangon_Times

#Local_News
Published 25 October 2024

▪️ မကွေးတိုင်းဒေသကြီး၊ ပခုက္ကူမြိုနယ်၌ တိုက်ဟောင်း အုတ်နံရံပြိုကျပြီး လမ်းပိတ်ဆို့မှု တစ်ခုယနေ့မနက်ပိုင်းတွင် ဖြစ်ပွားခဲ့ကြောင်း သိရသည်။

▪️ အောက်တိုဘာ၂၅ရက်နေ့၊ မနက်၇ နာရီ ၂၅မိနစ် အချိန်ခန့်က မကွေးတိုင်းဒေသကြီး၊ ပခုက္ကူမြို့နယ်၊  အမှတ် (၉) ရပ်ကွက်၊ ဖောင်တော်ဦးလမ်းတွင် တိုက်ဟောင်း အုတ်နံရံပြိုကျပြီး လမ်းပိတ်နေကြောင်း သိရသည်။

▪️ အဆိုပါ သတင်းရရှိသဖြင့် ပခုက္ကူခရိုင်မီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များဖြင့် ရှင်းလင်းရေးလုပ်ငန်းများဆောင်ရွက်ခဲ့ကြောင်း သိရသည်။
ယင်းဖြစ်စဉ်ကြောင့် လူထိခိုက်ဒဏ်ရာရရှိမှုမရှိကြောင်း သိရသည်။

#YMG/NN #Yangon_Times

#Local_News
Published_25 Oct 2024
▪️ ရန်ကုန်တိုင်းဒေသကြီး၊ ကမာရွတ်မြို့နယ်၊ အင်းစိန်လမ်းနှင့် ဆင်ရေတွင်းလမ်းထောင့်ရှိ “မြရွှေယုံ” ရွှေဆိုင်မှကျပ်သိန်း ၂၅,၄၀၂ ကျော်တန်ဖိုးရှိ ရွှေ ၅ ပိဿာ ၂၉ ကျပ်သားခန့်နှင့်ငွေ သိန်း၅ဝကို TN ပြခြိမ်းခြောက်ရိုက်နှက်လုယက်သူ အမျိုးသားသုံးဦးကို သက်သေခံရွှေထည်ပစ္စည်း၊ ငွေများနှင့်အတူ ဖမ်းမိခဲ့ကြောင်း နစက သတင်းထုတ်ပြန်ရေးအဖွဲ့က ထုတ်ပြန်လိုက်သည်။

▪️ ပြီးခဲ့သည့် အောက်တိုဘာလ ၂၁ ရက် ၊ ည ၆ နာရီ ၂၀ မိနစ်တွင် အဆိုပါရွှေဆိုင်မှ ရွှေထည် ပစ္စည်းမျိုးစုံ ၅ ပိဿာ ၂၉ ကျပ်သားခန့်နှင့် ငွေကျပ်သိန်း ၅၀ တို့ကိုသံသေတ္တာ ၃ လုံးဖြင့် သိမ်းဆည်းကာ ယာဉ်မောင်းတစ်ဦးတည်းမောင်းနှင်သည့် ကိုယ်ပိုင်မော်တော်ယာဉ်ဖြင့် သယ်ဆောင်စဉ်လှိုင်မြို့နယ်ရှိ ရွှေဆိုင်ပိုင်ရှင်၏ နေအိမ်ရှေ့အရောက်မော်တော်ယာဉ်တစ်စီးဖြင့် အမျိုးသား ၄ ဦး ရောက်ရှိလာပြီး ‌--နတ်တစ်ချက် ပစ်ကာယာဉ်မောင်းအား ဝိုင်းဝန်းရိုက်နှက်ကာ ကားနောက်ဖုံး မှန်ကိုတူဖြင့်ထု၍ ရွှေထည်ပစ္စည်းနှင့် ငွေများထည့်ထားသည့် သေတ္တာ(၃)လုံး လုယူထွက်ပြေးသွားခဲ့ခြင်း ဖြစ်သည်။

▪️ ယင်းကြောင့် ပိတောက်ချောင်းနယ်မြေရဲစခန်း (ပ)၉၃/၂၀၂၄၊ ရာဇသတ်ကြီး ပုဒ်မ ၃၉၄ ဖြင့် အမှုရေးဖွင့် ဖော်ထုတ်ဖမ်းဆီးရမိရေးဆောင်ရွက်ခဲ့ရာအောက်တိုဘာလ ၂၃ ရက်မွန်းလွဲ ၃ နာရီခွဲတွင် တောင်ဥက္ကလာပမြို့နယ်၊ အမှတ်(၅)ရပ်ကွက်၊ ပါရမီလမ်းနှင့် သုမင်္ဂလာလမ်းဆုံတွင် စမ်းချောင်း မြို့နယ်၊ မြေနီကုန်းမြောက်ရပ်ကွက်၊ မြေနီကုန်းဈေးလမ်း၊ တိုက်အမှတ်(၄၁)၊ (၄)လွှာ၊ အခန်း(4A)နေ မသက်ထားခိုင်(ခ) ရည်မွန်အေး(၃၇) နှစ်ကို မသင်္ကာစစ်ဆေးစဉ်၎င်းလွယ်ထားသည့် ဘေးလွယ်အိတ်အတွင်းတွင် လုယက်မှုမှပါဆုံးသွားသော ပလက်တီနမ်ရွှေဖြူဆွဲကြိုး ၈ ကုံးနှင့် ငွေ ၁၀ သိန်းကျပ် တို့ကို တွေ့ရှိပြီး ၎င်း၏ ခင်ပွန်းဖြစ်သူ ထက်အောင်ခိုင်ကရောင်းချခိုင်းလိုက်ကြောင်း သိရာမှ စတင်ဖမ်းမိခဲ့ခြင်းဖြစ်ကြောင်း သိရသည်။

▪️ ကျူးလွန်သူ ထက်အောင်ခိုင်(၃၆)နှစ် ကိုဆက်လက် ဖမ်းဆီးရမိရာ ၎င်းထွက်ဆိုချက်အရ ပြစ်မှုကျူးလွန်ရာတွင် အသုံးပြုခဲ့သည့် ဒဿမ ၃၂ ဗို့ခြောက်လုံးပြူး (၁)လက်၊ S&WL ကျည်(၉)တောင့်၊ ၎င်းကျည်ခွံ(၁)ခု၊ ငွေစက္ကူရောရာ ၁၈ သိန်းကျပ်၊ လု ယက်မှုကျူးလွန်ရာမှ ရရှိခဲ့သည့် ရွှေထည်ပစ္စည်းမျိုးစုံ(စိစစ်ဆဲ)တို့ကို ဆက်လက်သိမ်းဆည်း ရမိခဲ့ကြောင်း သိရသည်။

▪️ ယင်းနောက် ကျူးလွန်ရာတွင် ပါဝင်သူများဖြစ်ကြသည့် မကွေးတိုင်း ဒေသကြီး၊ ပွင့်ဖြူမြို့နယ်၊ ပေါက်စုကျေး ရွာနေ တရားခံ ကျော်ကြီး(ခ)ကျော်ဇင်ဟိန်း(၂၂)နှစ် နှင့် ပဲခူးတိုင်းဒေသကြီး၊ ပဲခူးမြို့၊ ဥဿာမြို့သစ်၊ အမှတ် (၈) ရပ်ကွက်နေ စောပိုင်ဇော်ဦး(ခ)ပိုင်ကြီး (၃၅)နှစ် တို့အား အသီးသီးဖမ်းဆီးရမိခဲ့ကြောင်း သိရသည်။

▪️ ဖမ်းဆီးရမိသူများ ထွက်ဆိုချက်များအရ ထက်အောင်ခိုင်၊ ကျော်ဇင်ဟိန်း (ခ)ကျော်ကြီးနှင့် ဖမ်းဆီးရန်ကျန်နေသောဝေကြီးတို့(၃)ဦးသည် KNU တပ်မဟာ(၇) ဝေ့ရှမ်း ကျေးရွာတွင် ဖွင့်လှစ်သော PDF အကြမ်းဖက်သင် တန်းအပတ်စဉ်(၅/၂၀၂၄) သင်တန်းဆင်းများ ဖြစ်ကြပြီး အဆိုပါ သင်တန်းတက်ရောက်နေစဉ် ထက်အောင်ခိုင်သည် သင်တန်း၌ ငွေလွှဲလုပ်ငန်းလုပ်ကိုင်သူ ဦးမာမူ (စိစစ်ဆဲ)ထံမှ ဒဿမ ၃၂ ဗို့ခြောက်လုံးပြူးနှင့် ကျည်များကို ငွေကျပ် (၂၁)သိန်းဖြင့် ဝယ်ယူခဲ့ပြီး “မြရွှေယုံ”ရွှေဆိုင်သို့ (၃/၄)ကြိမ်ခန့် လေ့လာကာ ဆိုင်ဖွင့်ချိန်နှင့် ဆိုင်သိမ်းချိန်များတွင် ယာဉ်မောင်းတစ်ဦးတည်း ဆိုင်မှရွှေထည်ပစ္စည်းများကို သယ်ယူ ပို့ဆောင်လေ့ ရှိကြောင်း သိရှိရသဖြင့် လုယက်မှုကျူးလွန်ရန် ကြိုတင်ကြံစည်ခဲ့ခြင်းဖြစ်ကြောင်း သိရသည်။

▪️ လုယက်မှုကျူးလွန်စဉ်ထက်အောင်ခိုင်မှ Toyota Corolla အဖြူရောင်ယာဉ်ကိုမောင်းနှင်၍ အခင်းဖြစ်ခြံရှေ့တွင် ရွှေထည်ပစ္စည်းများသယ်ဆောင်လာသည့်ယာဉ်နောက်မှကပ်လျက်ရပ်တန့်ကာ ယာဉ်မောင်းဖြစ်သူအား သေ နတ်ဖြင့် ချိန်၍ တံခါးဖွင့်ခိုင်းခြင်း၊ဝေကြီး(ဖမ်းဆီးရန်ကျန်)မှ ကားတံခါးကိုတူဖြင့်ထုခြင်း၊တရားခံထက်အောင်ခိုင် က ခြံ၏အရပ်သား လုံခြုံရေးဝန်ထမ်း ဖြစ်သူကိုသေနတ်ဖြင့်ပစ် ခတ်ခဲ့ရာ ခြံဝင်းသံပန်းတံခါးထိမှန်ခဲ့ကြောင်း၊ ကျော်ဇင်ဟိန်း (ခ) ကျော်ကြီးနှင့် စောပိုင်ဇော်ဦး(ခ)ပိုင်ကြီးတို့ (၂)ဦးက မော်တော်ယာဉ်၏ နောက်ဖုံးတံခါးကို ဖွင့်၍ ရွှေထည်ပစ္စည်းများထည့်ထားသည့် သံသေတ္တာ(၃)လုံးကို၎င်းတို့စီးနင်းလာသည့် ကားပေါ်သို့တင်ဆောင်ကာ မောင်းနှင်ထွက်ပြေးခဲ့ကြခြင်းဖြစ်ကြောင်း ဖော်ထုတ်သိရှိရသည်။

▪️ လက်ရှိတွင် ယင်းဖမ်းမိသူ ၃ ဦးကို ထိရောက်သော ပြစ်ဒဏ်ရရှိရေး ဆောင်ရွက်လျက်ရှိပြီး ထွက်ပြေးတိမ်းရှောင်နေသောဝေကြီးကို အမြန်ဆုံးဖမ်းဆီးရမိရေး ဆောင်ရွက်လျက်ရှိကြောင်း သိရသည်။

#Yangon_Times/PP