#World_Health
Published 19 April 2025
▪️ ကလေးငယ်တွေ ဖုန်းအလွန်အကျွံ အသုံးပြုခြင်းက ရုပ်ပိုင်းဆိုင်ရာ စိတ်ပိုင်းဆိုင်ရာကျန်းမာရေးနဲ့ လူမှုဆက်ဆံရေးတို့မှာ ဆိုးကျိုးသက်ရောက်စေနိုင်ပါတယ်။
▪️ ဖုန်းနဲ့ ကွန်ပျူတာအသုံးပြုချိန်များပါက ကောင်းစွာမအိပ်စက်နိုင်ခြင်း၊ အဝလွန်ခြင်း၊ မျက်လုံးဒဏ်ဖြစ်ခြင်း၊ လှုပ်ရှားမှုနည်းခြင်းတို့အပြင် အာရုံစူးစိုက်မှု၊ ဦးနှောက်အသိဉာဏ်ဖွံ့ဖြိုးမှု၊ စိတ်ခံစားချက် ထိန်းသိမ်းမှုတို့မှာလည်း သက်ရောက်လာပါတယ်။
▪️ ဒါကြောင့် ကလေးငယ်တွေမှာ ဖုန်းအသုံးပြုချိန်လျှော့ချနိုင်မယ့် နည်းလမ်းများ မျှဝေလိုက်ပါတယ်။
(၁) ဖုန်းကြည့်ချိန်အကန့်အသတ်ထားပါ
▪️ ဖုန်းမှာပါတဲ့ parental controls ဒါမှမဟုတ် ဖုန်းအလွန်အကျွံ အသုံးပြုခြင်းကို ကန့်သတ်နိုင်မယ့် အက်ပ်တွေအသုံးပြုပြီး ကလေးငယ်ရဲ့ အသက်အရွယ်အလိုက် အသုံးပြုချိန်ကို ထိန်းချုပ်ပါ။
(၂) ပြင်ပနဲ့ ကိုယ်လက်လှုပ်ရှားမှုအားပေးပါ
▪️ ကလေးတွေကို အပြင်ထွက်ပြီး လှုပ်ရှားမှုပြုလုပ်ခိုင်းခြင်းဖြင့် ရုပ်ပိုင်းဆိုင်ရာသာမက ဖန်တီးဉာဏ်၊ လူမှုဆက်ဆံရေးတို့ပါ တိုးတက်စေနိုင်ပါတယ်။
(၃) အိမ်၌ဖုန်းမကိုင်ရနေရာသတ်မှတ်ပါ
▪️ အိမ်ထဲက အချို့နေရာတွေမှာ ဖုန်းအသုံးမပြုရနေရာအဖြစ် သတ်မှတ်ခြင်းဖြင့် မိသားစုကြား ဆက်ဆံရေးတိုးတက်စေနိုင်ပါတယ်။
(၄) ဝါသနာပါသည်များ ပြုလုပ်ခိုင်းပါ
▪️ စာဖတ်ခြင်း၊ ပန်းချီဆွဲခြင်း၊ သီချင်း၊ ပဟေဌိဖြေရှင်းခြင်း စတာတွေပြုလုပ်စေခြင်းဖြင့် ခန္ဓာကိုယ်လှုပ်ရှားမှုနဲ့ ဖန်တီးနိုင်စွမ်းတို့ကို မြှင့်တင်ပေးပါတယ်။
(၅) မိဘကိုယ်တိုင်စံပြဖြစ်အောင်နေပါ
▪️ ကလေးတွေက မိဘတွေရဲ့ အပြုအမူကို အတုယူတတ်တာကြောင့် မိဘတွေကိုယ်တိုင်လည်း ဖုန်းအသုံးပြုချိန်ကို ဂရုပြုသင့်ပါတယ်။
(၆) ဆုချစနစ်ကျင့်သုံးပါ
▪️ ဖုန်းအသုံးပြုချိန်နည်းတဲ့အတွက် ကလေးတွေကို အခွင့်ထူးပေးတဲ့စနစ် အသုံးပြုပါ။
(၇) အိပ်ရာမဝင်ခင် ဖုန်းကွန်ပျူတာအသုံးမပြုခိုင်းပါနှင့်
▪️ အိပ်ခါနီး ဖုန်းအသုံးပြုခြင်းဟာ အလင်းပြာထွက်စေတဲ့အတွက် အိပ်စက်မှုကို အနှောင့်အယှက်ဖြစ်စေတာကြောင့် အိပ်ရာမဝင်ခင် အနည်းဆုံး ၁နာရီခြားပြီး ဖုန်းမကိုင်ရမယ့်စည်းမျဉ်း သတ်မှတ်ပါ။
(၈) ဖုန်းအသုံးပြုချိန်များခြင်းရဲ့ ဆိုးကျိုးများကိုဆုံးမပါ
▪️ ဖုန်းအသုံးပြုချိန် ကန့်သတ်ဖို့ကို ဒီအတိုင်းပြောမယ့်အစားအကျိုးအကြောင်း ရှင်းပြပြီး သွန်သင်ပါ။
#Source: DoctorNDTV
၁၈ ဧပြီ ၂၀၂၅
ငလျင်ဒဏ်ခံခဲ့ရတဲ့ မြန်မာနိုင်ငံရဲ့မြို့တော် နေပြည်တော်ရဲ့ မြို့အကွက်ချမှုပုံစံကိုလည်း ပြန်လည် တွက်ချက်ရေးဆွဲသွားရန်စီစဉ်နေတယ်လို့ နစက ဥက္ကဋ္ဌ၊ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်ကပြောပါတယ်။
ဧပြီ၁၈ ရက်နေ့တွင် နေပြည်တော်ရှိ နစက ဥက္ကဋ္ဌ ရုံးအစည်းအဝေးခမ်းတွင်ကျင်းပခဲ့တဲ့ ပြည်ထောင်စု အစိုးရအဖွဲ့ လုပ်ငန်းညှိနှိုင်းအစည်းအဝေးမှာ ဗိုလ်ချုပ်မှူးကြီး မင်းအောင်လှိုင်က ပြောဆို ခဲ့ခြင်းဖြစ်ပါ တယ်။
အဲသလိုစီစဉ်ရာမှာ ငလျင်မကြာခဏလှုပ်ခတ်လျက်ရှိသည့်နိုင်ငံများမှ အဆောက်အဦများတည်ဆောက် ထားရှိမှုများကိုနမူနာယူ၍ တည်ဆောက်မှုများ ဆောင်ရွက်သွားဖို့လိုတယ်လို့လည်း ဗိုလ်ချုပ်မှူးကြီးက ဆက်လက်ပြောဆိုပါတယ်။ တွက်ချက်၍ရသည့် ငလျင်ကြောပေါ်တွင်တည်ရှိနေသည့် အဆောက်အဦ များကို ပြောင်းရွှေ့နေရာချထားရမယ်လို့လည်း ဗိုလ်ချုပ်မှူးကြီးက ပြောတယ်လို့ နစကသတင်း ထုတ်ပြန် ချက်မှာဖော်ပြထားပါတယ်။
ဝန်ထမ်းအိမ်ရာ များပြန်လည်တည်ဆောက်ရေး လုပ်ငန်းများဆောင်ရွက်ရာတွင်ရက်ချ်စတာစကေး ၈ အထိခံနိုင်သည့် အဆောက်အဦများဖြစ်အောင် ဆောင်ရွက်သွားရန်လည်း ဗိုလ်ချုပ်မှူးကြီးက မှာကြားပါတယ်။
အဲဒီနောက်အစည်းအဝေးတက်ရောက်လာတဲ့ ဒုတိယဝန်ကြီးချုပ် ဒုတိယဗိုလ်ချုပ်မှူးကြီးစိုးဝင်းနှင့် နစက ကောင်စီဝင်များ၊ပြည်ထောင်စုအဆင့်ပုဂ္ဂိုလ်များနှင့် ပြည်ထောင်စုဝန်ကြီးများက ငလျင်ဘေး ပြန်လည်ထူထောင်ရေးလုပ်ဆောင်နေမှုများကို ကဏ္ဍအလိုက်တင်ပြခဲ့ကြပါတယ်။
ငလျင်ဘေးပြန်လည်ထူထောင်ရေးလုပ်ငန်းများကို နိုင်ငံတကာမှလည်း ကူညီမှုများဆောင်ရွက်ပေးလျက် ရှိကြောင်းနှင့် ဧပြီ ၁၇ ရက်၌ ထိုင်းနိုင်ငံ၊ ဘန်ကောက်မြို့တွင် အာဆီယံအလှည့်ကျဥက္ကဋ္ဌ၊ မလေးရှားနိုင်ငံ ဝန်ကြီးချုပ် နှင့်တွေ့ဆုံဆွေးနွေး ခဲ့ပြီး အာဆီယံအဖွဲ့ အနေဖြင့် ကူညီဆောင်ရွက်ပေးမယ်လို့ မလေးရှားဝန်ကြီးချုပ်က ပြောကြားခဲ့တယ်လို့ ဗိုလ်ချုပ်မှူးကြီးက ပြန်လည်ဆွေးနွေးခဲ့ကြောင်း သိရှိရပါတယ်။
မြန်မာနိုင်ငံတွင် မတ်လ ၂၈ ရက်က လှုပ်ရှားခဲ့တဲ့ အင်အားပြင်းငလျင်ကြီးကြောင့် ယနေ့အထိ သေဆုံးသူ (၃၆၆၈) ဦး၊ ထိခိုက်ဒဏ်ရာရရှိသူ (၄၈၂၄) ဦး၊ ပျောက်ဆုံးသူ (၁၂၆) ဦးရှိပြီဖြစ်ပါတယ်။
#ymg/knl
Nay Pyi Taw, April 18 2025- Senior General Min Aung Hlaing, Chairman of the State Administration Council (SAC) and Prime Minister of Myanmar, has announced that Nay Pyi Taw's urban layout will be recalculated and redesigned in the aftermath of the recent earthquake that impacted the capital.
Speaking during a Union Government coordination meeting held on April 18 at the SAC Chairman’s Office in Nay Pyi Taw, the Senior General emphasized the need for updated city planning in light of seismic risks.
He stated that the redesign will draw on the experience of other earthquake-prone nations, with a focus on constructing more resilient infrastructure. Buildings currently situated along active fault lines may be relocated as part of the new urban planning strategy, he added.
The Senior General also directed that all new staff housing developments must be built to withstand earthquakes up to magnitude 8 on the Richter scale.
Deputy Prime Minister and Vice Senior General Soe Win, along with SAC council members, Union-level officials, and Union Ministers, were present at the meeting. They provided updates on earthquake recovery and rehabilitation efforts across various sectors.
Senior General Min Aung Hlaing further noted that international support for recovery efforts is ongoing. He referenced his recent meeting with Malaysian Prime Minister—who currently serves as the rotating ASEAN Chair—held on April 17 in Bangkok. During the talks, the Malaysian leader pledged ASEAN’s support for Myanmar’s earthquake recovery and reconstruction activities.
According to the latest official figures, the powerful earthquake that struck Myanmar on March 28 has so far claimed the lives of 3,668 people, left 4,824 injured, and 126 reported missing.
#ymg/knl
တရုတ်ပြည်သူ့သမ္မတနိုင်ငံ သမ္မတ ရှီကျင့်ဖျင်ဟာ မလေးရှားနိုင်ငံသို့ ပြီးခဲ့တဲ့ ဗုဒ္ဓဟူးနေ့က ချစ်ကြည်ရေးခရီးသွားရောက်ခဲ့ပြီး အေးအတူပူအမျှ အနာဂတ်အတွက် အဆင့်မြင့်မဟာဗျူဟာမြောက် တရုတ်-မလေးရှား အသိုက်အဝန်းတစ်ခုတည်ထောက်ဖို့ အဆိုပြုချက် ၃ခုကို မလေးရှားဝန်ကြီးချုပ် အန်ဝါအီဗရာဟင်ထံအဆိုပြုခဲ့တယ်လို့ သိရပါတယ်။
World_News
Published 18 Apirl 2025
#တရုတ်သမ္မတရှီကျင့်ဖျင် #တရုတ်-မလေးရှား
#YMG #Yangon_Times #Yangon_Media_Group
#Daily_News
Published 18 Apirl 2025
၁။ မန္တလေးငလျင်ကြီးကြောင့် အိမ်ခြေ ၄၀,၀၀၀ ကျော် ပျက်စီးခဲ့ပြီး လူဦးရေ ၂ သန်းခန့်အရေးပေါ် အကူအညီများလိုအပ်နေ
၂။ ဘောဂဝတီနဂါးမယ်တော်စေတီတော်ကို ပရိတ်ချဉ်မျှင်ဖြင့် ရွှေထီးတော်တင်လှူ
၃။ MCEF မှ ငလျင်ဒဏ်သင့် နေအိမ် ၈၁ လုံးကို စစ်ဆေးအကြံပြုပေးခဲ့
၄။ တရုတ်သမ္မတရှီကျင့်ဖျင်က အဆင့်မြင့်မဟာဗျူဟာအသိုက်အဝန်းတည်ထောင်ရေး အဆိုပြုချက် ၃ချက်ကို မလေးရှားနိုင်ငံသို့ အဆိုပြု ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#YMG #Yangon_Times #Yangon_Media_Group
ကမ္ဘာ့ရွှေစျေး စံချိန်တင်မြင့်တက်ခြင်းနဲ့အတူ မြန်မာ့ရွှေပြင်ပပေါက်စျေးတစ်ကျပ်သား ကျပ်သိန်း၇၃သိန်းအထိရှိလာတယ်လို့ ရွှေစျေးကွက်အတွင်းမှ စုံစမ်းသိရှိရပါတယ်။
#Local_News
Published 18 Apirl 2025
#ကမ္ဘာ့ရွှေစျေးစံချိန်တင်မြင့်တက် #မြန်မာ့ရွှေပြင်ပပေါက်စျေးမြင့်
#YMG/SW #Yangon_Times
မန္တလေးမြို့ရှိ ငလျင်ဒဏ်သင့် နေအိမ် ၈၁ လုံးကို စစ်ဆေးအကြံပြုပေးခဲ့ပြီးဖြစ်တယ်လို့ မန္တလေးတိုင်းဒေသကြီး ဆောက်လုပ်ရေးဆိုင်ရာ လုပ်ငန်းရှင်များအသင်းမှ သိရပါတယ်။
#Local_News
Published 18 Apirl 2025
#MCEF #နေအိမ်၈၁လုံးကိုစစ်ဆေး
#YMG/SW #Yangon_Times
ရန်ကုန်-မန္တလေးအမြန်လမ်း ၉၈မိုင်၊ နဂါးညီနောင်ကျောင်းတိုက်ရှိ ဘောဂဝတီ နဂါးမယ်တော်စေတီတော်ကို ဧပြီလ၁၆ ရက်၊ မဟာသင်္ကြန်အတက်နေ့က ပရိတ်ချည်မျှင် ရေဆူဆရာတော် ဒေါက်တာ ဘဒ္ဒန္တအာဒိစ္စဝံသ ဆရာတော်ကြီး ကိုယ်တိုင်ပရိတ်ချည်မျှင်နဲ့ ခုနှစ်ဆူကုန်သော ထီးပဒေသာဘင် ရွှေထီးတော်တင်လှူပူဇော်ပွဲ ပြုလုပ်ခဲ့တယ်လို့ သိရပါတယ်။
#Local_News
Published 18 Apirl 2025
#ဘောဂဝတီနဂါးမယ်တော်စေတီတော် #ပရိတ်ချဉ်မျှင်ဖြင့်ရွှေထီးတော်တင်လှူ
#YMG/NN #Yangon_Times
မြန်မာနိုင်ငံမှာ မတ်လ ၂၈ ရက်နေ့က လှုပ်ခတ်ခဲ့တဲ့ မန္တလေးငလျင်ကြီးကြောင့် အိမ်ခြေ ၄၀,၀၀၀ ကျော်ပျက်စီးခဲ့ပြီး လူဦးရေ ၂ သန်းခန့်ဟာ အရေးပေါ် အကူအညီတွေနဲ့ ကာကွယ်စောင့်ရှောက်မှုတွေ လိုအပ်လျက်ရှိနေတယ်လို့ ကုလသမဂ္ဂလူသားချင်းစာနာမှုဆိုင်ရာ ညှိနှိုင်းရေးရုံးကထုတ်ပြန်တဲ့ အစီရင်ခံစာအရ သိရပါတယ်။
#Local_News
Published 18 Apirl 2025
#လူဦးရေ၂သန်း #အကူအညီများလိုအပ်
#YMG/SW #Yangon_Times
#Local_News
Published 18 April 2025
▪️ မန္တလေးမြို့ရှိ တရုတ်ကောင်စစ်ဝန်ချုပ်ရုံးကိုယ်စား တရုတ်သံရုံးမှ ကောင်စစ်ဆိုင်ရာ လျှောက်လွှာများလက်ခံပေးမည်ဖြစ်ရာ ငလျင်ဒဏ်သင့်တရုတ်နိုင်ငံသားများ နေရပ်ပြန်ရန်အတွက်အထူးလမ်းကြောင်းဖြင့် ဆောင်ရွက်ပေးမည်ဖြစ်ကြောင်း မြန်မာနိုင်ငံဆိုင်ရာ တရုတ်သံရုံးမှ ထုတ်ပြန်ထားသည်။
▪️ ထိုသို့ ထုတ်ပြန်ရာတွင် “မတ်လ၂၈ ရက်နေ့ငလျင်” သက်ရောက်မှုကြောင့် မန္တလေးမြို့ တရုတ်ကောင်စစ်ဝန်ချုပ်ရုံးသည် ကောင်စစ်ဆိုင်ရာ ကိစ္စရပ်များအတွက် လျှောက်လွှာများကို လတ်တလောတွင် လက်ခံနိုင်ခြင်းမရှိသေးသောကြောင့် မန္တလေးမြို့ကောင်စစ်ဝန်ချုပ်ရုံးမှ လျှောက်လွှာများပြန်လည်လက်ခံနိုင်ချိန်ထိ မြန်မာနိုင်ငံဆိုင်ရာ တရုတ်သံရုံးမှ ကောင်စစ်ဆိုင်ရာ လျှောက်လွှာများကို ကိုယ်စားလက်ခံပေးမည်ဖြစ်ကြောင်း၊
ငလျင်ဒဏ်သင့်ခဲ့ရသော တရုတ်နိုင်ငံသားများ နေရပ်ပြန်ရန် ခရီးသွားလက်မှတ်များ လျှောက်ထားရာတွင် ပိုမိုအဆင်ပြေချောမွေ့စေရန် သက်ဆိုင်ရာတရုတ်နိုင်ငံသားများ၏ နိုင်ငံကူးလက်မှတ်/ ခရီးသွားလက်မှတ် လျှောက်လွှာများအတွက် "အထူးလမ်းကြောင်း" ကို သံရုံးက ဖွင့်လှစ်ပေးထားကြောင်း သိရသည်။
▪️ လျှောက်ထားလိုသူများသည် သတ်မှတ်ထားသော လုပ်ထုံးလုပ်နည်းများနှင့်လိုအပ်သောစာရွက်စာတမ်းများကို ဖုန်းခေါ်ဆိုခြင်း သို့မဟုတ် အီးမေးလ်ပို့ခြင်းဖြင့်(ဆက်သွယ်ရန်အချက်အလက်ကိုပူးတွဲတင်ပြရန်)သံရုံးသို့ ကြိုတင်ဆက်သွယ်ပြီး အချက်အလက်များအဆင်သင့်ပြင်ဆင်ကာ သံရုံးသို့လာရောက်ဆောင်ရွက်ရန်လိုကြောင်း၊
▪️ နိုင်ငံကူးလက်မှတ်နှင့် ခရီးသွားလက်မှတ်လျှောက်လွှာအတွက် “အထူးလမ်းကြောင်း” ဝန်ဆောင်မှုအကြောင်းအရာ ဆက်သွယ်မေးမြန်းရန်ဖုန်းနံပါတ်- 0095-9894853188（ဖုန်းကိုင်ချိန်-ပုံမှန်ရုံးဖွင့်ရက်ညနေ၂:၀၀-၆:၀၀）သို့ ဆက်သွယ်နိုင်ပြီးကောင်စစ်ကာကွယ်ရေးဆိုင်ရာအတွက် ဖုန်းနံပါတ်：0095-9-43209657နှင့် Email ：
#YMG/SW #Yangon_Times
#World_News
Published 18 April 2025
▪️ လက်ထောက်ရဲမှူးတစ်ဦးရဲ့ သားဖြစ်သူဟာ ကြာသပတေးနေ့က ဖလော်ရီဒါပြည်နယ်တက္ကသိုလ်မှာ လူ ၂ ဦးကိုပစ်သတ်ခဲ့ပြီး ၄ ဦးဒဏ်ရာရရှိစေခဲ့ပြီးနောက် ရဲအရာရှိများပစ်ခတ်ခဲ့ကြရာမှာ ဆေးရုံတင်ခဲ့ရတယ်လို့ အာဏာပိုင်များပြောသွားပါတယ်။
▪️ သေနတ်သမားဟာ လီယွန်ကောင်တီ လက်ထောက်ရဲမှူးတစ်ဦးရဲ့ သားဖြစ်တယ်လို့ ရဲတွေယုံကြည်ထားပြီး တစ်ဦးတည်းကျူးလွန်ခဲ့တာဖြစ်ကာ ရည်ရွယ်ချက်ကို မသိရသေးပါဘူး။
▪️ တရားခံဖြစ်သူက သူ့အမေတစ်ချိန်က အမှုထမ်းစဉ်က သေနတ်ကိုရရှိခဲ့တာပါ။
▪️ သူ့အမေဟာ ရဲဌာနကနေ ဝယ်ယူခဲ့တာဖြစ်ပြီး အခုတော့ ကိုယ်ပိုင်သေနတ်ဖြစ်နေပါတယ်။
▪️ ကံမကောင်းစွာနဲ့ပဲ သားဖြစ်သူက သူ့သေနတ်တွေထဲကတစ်ခုကို ရရှိသွားခဲ့တယ်လို့ လီယွန်ကောင်တီရဲမှူး ဝေါလ်တာမက်နေးလ်က မီဒီယာရှင်းလင်းပွဲမှာ ပြောပြပါတယ်။
▪️ အသက် ၂၀ အရွယ်တရားခံ ဖီးနစ်အစ်ကာဟာ တယ်လာဟာဆီရှိ ဖလော်ရီဒါပြည်နယ်တက္ကသိုလ်မှ ကျောင်းသားတစ်ဦးဖြစ်တယ်လို့ ယူဆရကြောင်း တက္ကသိုလ်ရဲတပ်ဖွဲ့အကြီးအကဲ ဂျေဆန်ထရမ်ဘာဝါက ပြောပါတယ်။
▪️ ရဲအရာရှိတွေက သေနတ်သမားကို လက်နက်ချဖို့ ညွှန်ကြားရာမှာ မလိုက်နာခဲ့တာကြောင့် ပစ်ခတ်ခဲ့ကြပြီး ထိန်းသိမ်းလိုက်ရတယ်လို့ အာဏာပိုင်များဆိုပါတယ်။
▪️ သေနတ်သမားအပြင် ဒဏ်ရာရသူ ၄ ဦးကို ဆေးရုံသို့ခေါ်ဆောင်သွားခဲ့ပါတယ်။
▪️ လတ်တလောနှစ်တွေမှာ အမေရိကန်ကျောင်းဝင်းတွေမှာ လူအစုလိုက်ပစ်သတ်မှုများ ပြန်လည်ဖြစ်ပေါ်နေပါတယ်။
▪️ ကြာသပတေးနေ့ နံနက် ၁၁ နာရီ ၅၀ မိနစ်ခန့်မှာ စတင်ပစ်ခတ်ခဲ့တာဖြစ်ပြီး ကျောင်းဝင်းကြီးထဲမှာ ကျောင်းသားပေါင်း ၄၂,၀၀၀ ကျော်တက်ရောက်နေခဲ့ပါတယ်။
▪️ သေနတ်အသေးအပြင် တရားခံဟာ ပြောင်းချောသေနတ်တစ်လက်ကိုလည်း ကျောင်းဝင်းထဲ ယူလာခဲ့ပြီး ထိုသေနတ်ပစ်ခတ်ခဲ့သေးလားဆိုတာတော့ အာဏာပိုင်တွေ သေချာမသိပါဘူး။
#Source: Reuters
Yangon, 17 April 2025- Myanmar’s State Administration Council (SAC) Chairman and Prime Minister, Senior General Min Aung Hlaing, met with ASEAN Chair and Malaysian Prime Minister Anwar Ibrahim in Bangkok on Wednesday evening, according to an official statement from the SAC Information Team.
The discussions focused on ASEAN’s continued support for Myanmar’s earthquake recovery efforts and enhanced cooperation between Myanmar and the regional bloc. The SAC described the talks as "cordial and open."
Notably, former Thai Prime Minister Thaksin Shinawatra joined the meeting. Thai media reported that Thaksin later hosted a dinner for Senior General Min Aung Hlaing and Prime Minister Anwar at the Rosewood Bangkok hotel.
Neither the Thai nor Malaysian governments have issued further details about the discussions.
The meeting comes as Myanmar continues to engage with ASEAN on regional matters, including disaster response and collaborative initiatives.
#ymg/knl
Page 246 of 1859
