#Local_News
Published 25 December 2025

▪️ သာသနာရေးနှင့်ယဉ်ကျေးမှုဝန်ကြီးဌာနဒုတိယဝန်ကြီး ဒေါ်နုမြဇံ မြနန်းစံကျော် ရွှေနန်းတော်နှင့် ငလျင်ဒဏ်ကြောင့် ထိခိုက်ပျက်စီးခဲ့သည့် ရှေးဟောင်းစေတီဘုရားများ ကြည့်ရှုစစ်ဆေးခဲ့ကြောင်းသိရသည်။

▪️ ဒုတိယဝန်ကြီး ဒေါ်နုမြဇံသည် ယမန်နေ့နံနက်ပိုင်းတွင် မြနန်းစံကျော်ရွှေနန်းတော်ရှိ နန်းဆောင်များ ဆေးသုတ်ခြင်း၊ အမွှမ်းပန်းများ ထိန်းသိမ်းခြင်း၊ မြေနန်းပြာသာဒ်ဆောင်တွင် ယွန်းကြိုးထိုးခြင်း၊ ဝေါကြီးရိပ်ဝှဲ (ခြင်္သေ့ခံ) ပုံစံတူပြုလုပ်ပြသခြင်း၊ ရွှေတိုက်ဆောင်၊ မှန်နန်းဆောင်နှင့် ဘုရင့်အိပ်ခန်းဆောင်ရှိ နန်းသုံးပစ္စည်းများ ခင်းကျင်းပြသထားမှုများကို ကြည့်ရှုစစ်ဆေးသည်။

▪️ ထိုသို့ ကြည့်ရှုစစ်ဆေးစဉ် ဒုတိယဝန်ကြီးက မြနန်းစံကျော် ရွှေနန်းတော် မြေနန်းပြာသာဒ်ဆောင်ရှိ ငလျင်ကြောင့် ပျက်စီးသွားသော ပိုက်ကွက်များကို အသစ်ပြန်လဲရန်၊ ဝေါကြီးရိပ်ဝှဲ (ခြင်္သေ့ခံ) ပုံစံတူ ခင်းကျင်းပြသပြီးပါက ဝေါအသုံးပြုသည့်အဆင့်အလိုက် ရှင်းလင်းချက်စာသားအား ပြည့်စုံစွာရေးသားပြသရန်၊ ဝေါအပေါ်ပိုင်းကို သံအသုံးပြုမည်ဆိုပါက သံချေးမတက်သော အောက်ခံဆေးသုတ်လိမ်းပြီး အပေါ်မှသစ်သားများ ကာရံဆောင်ရွက်ရန်၊ ဝေါပေါင်လုံးအရှည်ကို ပုရပိုက်ပါအတိုင်းအတာအတိုင်း ဆောင်ရွက်ရန်၊ ဝေါကြီးရိပ်ဝှဲပုံစံတူပြသပြီးပါက ဘေးတွင် ပွတ်လုံးတိုင်အရံအတား ပြုလုပ်ထားရှိရန်၊ ရွှေတိုက်ဆောင်အုတ်နံရံဆေးများအား ညီညာအောင် ဆေးသုတ်ရန်၊ မှန်နန်းဆောင်တွင် ထားရှိသည့် ထီးတိုင်ဒေါက်အား ဆေးပြန်လည်သုတ်ရန်၊ မှန်နန်းဆောင် အိပ်ဆောင်ခန်းတွင် ပြသထားသည့် ယပ်ရိုးရှည်အား အကြီးပြုလုပ်ပေးရန်နှင့် သလွန်အောက်ခံကတ္တီပါကော်ဇောအား လဲလှယ်သွားရန်မှာကြားသည်။

▪️ ယင်းနောက် ဒုတိယဝန်ကြီး ဒေါ်နုမြဇံသည် ရွှေနန်းတော်ကျောင်းသို့ ရောက်ရှိပြီး ရှေးဟောင်းသစ်သားဘုန်းတော်ကြီးကျောင်းဖြစ်သည့်အတွက် မီးဘေးအန္တရာယ် ကြိုတင်ကာကွယ်ရေးဆောင်ရွက်ထားရှိမှုများ၊ ငလျင်ကြောင့် ထိခိုက်ပျက်စီးခဲ့သည့် လှေကားငါးစင်း ပြုပြင်ထိန်းသိမ်းမှုများကို ကြည့်ရှုစစ်ဆေးပြီး မဟာအတုလဝေယံ (အတုမရှိ) ကျောင်းတွင် ကိန်းဝပ်စံပယ်တော်မူသော စူဠာမုနိရုပ်ရှင်တော်မြတ်အား ဖူးမြော်ကြည်ညိုကာ ဂေါပကအဖွဲ့အား နဝကမ္မအလှူငွေများ ပေးအပ်လှူဒါန်းသည်။

▪️ ထို့နောက် ဒုတိယဝန်ကြီးသည် ငလျင်ကြောင့် ထိခိုက်ပျက်စီးခဲ့သည့် မဟာလောကမာရဇိန် ကုသိုလ်တော်ဘုရား ထိခိုက်ပျက်စီးမှုများကိုလည်းကောင်း၊ နန်းမြေဘုံသာ စံနန်းတော်ရာ စန္ဒာမုနိဘုရားနှင့် ဂန္ဓကုဋိတိုက်တို့၏ ထိခိုက်ပျက်စီးမှုများကို ဂေါပကအဖွဲ့မှ အများပြည်သူလှူဒါန်းမှုဖြင့် ဆောင်ရွက်နေစဉ် ဘုရားနှင့် ဗုဒ္ဓရုပ်ပွားတော်အကြား ယခင်ကနောင်မင်းသားအုတ်ဂူတည်ရှိသည့်နေရာတွင် ဘုရားပြုပြင်ရန် မြေကျင်းတူးရာမှ ကျင်းအတွင်း၌ အောက်ခံဖန်ကလပ်ပေါ်တွင် အဖုံးပါငွေဖရုံတုံးပုံစံအိုးအတွင်း လူအရိုးအိုးဟု ယူဆရသော အရိုးစအနည်းငယ်နှင့် အံသွားတစ်ချောင်းတို့ကို တွေ့ရှိခဲ့သည့် နေရာတို့ကိုလည်းကောင်း ကြည့်ရှုစစ်ဆေးပြီး စန္ဒာမုနိစေတီတော်အား မူလလက်ရာမပျက် ပြုပြင်ထိန်းသိမ်းသွားရန် မှာကြားသည်။

▪️ ဆက်လက်၍ မွန်းလွဲပိုင်းတွင် ရှေးဟောင်းသုတေသနနှင့် အမျိုးသားပြတိုက်ဦးစီးဌာန မန္တလေးဌာနခွဲ ဝန်ထမ်းအိမ်ရာဖြစ်သည့် ပယ်ပုံတော်ဝင်းသို့ ရောက်ရှိပြီး အမရပူရမြို့နန်းတည် ဘိုးတော်ဘုရားခေါ်ဗဒုံမင်းသည် နိုင်ငံတော်အတွင်း ဒေသဌာနကိုလိုက်၍ လယ်ယာမြေနှင့် သက်ဆိုင်သော ကိစ္စရပ်များတွင် ဘုရင်မင်းမြတ် ပိုင်ဆိုင်သည့် မြေကို မင်းပယ်နှင့် တိုင်းတာသတ်မှတ်၍ ပြည်သူပြည်သား (ဆင်းရဲသား) များ ပိုင်ဆိုင်သည့် မြေကိုပကတိပယ်ဖြင့် တိုင်းတာသတ်မှတ်သည့် ကျောက်စာရုံများ ထိန်းသိမ်းထားမှုများကို ကြည့်ရှုစစ်ဆေးကာ အောင်ဇေယျရိပ်သာ၊ စစ်ကိုင်းဆောင်၊ ဟံသာဝတီဆောင်၊ မန္တလေးဆောင်၊ ဟန်လင်းဆောင်၊ ဗိဿနိုးဆောင်၊ အမရပူရဆောင်၊ တကောင်းဆောင်၊ သရေခေတ္တရာဆောင်တို့၏ ငလျင်ကြောင့်ထိခိုက် ပျက်စီးခဲ့မှုများကို ကြည့်ရှုစစ်ဆေးသည်။

▪️ ယင်းနောက် ၂၀၂၅-၂၀၂၆ ဘဏ္ဍာနှစ် ဖြည့်စွက်ရန်ပုံငွေဖြင့် ဆောင်ရွက်သည့် ကြေးမြင်ကျောင်း ပြန်လည်တည့်မတ်ခြင်း၊ သွပ်အဟောင်းများ ပြန်လည်အစားထိုးပြုပြင်ခြင်းနှင့် ရေတံလျှောက်ပြန်လည်ပြုပြင်ထိန်းသိမ်းခြင်း လုပ်ငန်းများကိုလည်းကောင်း၊ အက္ကပတ်မြင်းဝန်ကျောင်း ပြုပြင်ထိန်းသိမ်းခြင်း လုပ်ငန်းများကိုလည်းကောင်း ကြည့်ရှုစစ်ဆေးပြီး ကျောင်းထိုင်ဆရာတော်အား နဝကမ္မဝတ္ထုငွေများ ကပ်လှူခဲ့ကြောင်းသိရသည်။

#YMG/NN #Yangon_Times

#World_Science
Published 25 December 2025

■ တရုတ်ပြည်မှာ နှစ်ပေါင်းသန်း ၁၁၀ သက်တမ်းရှိတဲ့ ခြေရာတစ်ခု တွေ့ရှိခဲ့ကာ အလျား ၅.၇ စင်တီမီတာသာ ရှိပါတယ်။

■ ဒါက ဒိုင်နိုဆောပေါက်လေးရဲ့ ခြေရာဖြစ်ပြီး ကြောင်တစ်ကောင်ရဲ့ ခြေရာထက် မကြီးပါဘူး။

■ ဒီခြေရာဟာ အသေးဆုံးဖြစ်တဲ့ စတီဂိုဆောခြေရာ ဖြစ်နေပြီး တရုတ်ဘူမိသိပ္ပံတက္ကသိုလ်မှ တွဲဖက်ပရော်ဖက်ဆာ လီဒါရှင်ဦးဆောင်တဲ့ သုတေသနအဖွဲ့က တွေ့ရှိခဲ့တာ ဖြစ်ပါတယ်။

■ အရွယ်ရောက်ပြီး စတီဂိုဆောတွေက ပေ ၃၀ လောက်အထိ ရှိနိုင်ပြီး ယခုရုပ်ကြွင်းငယ်လေးက မထင်မှတ်လောက်အောင် သေးငယ်တဲ့ပုံစံဖြင့် စတင်ခဲ့တဲ့သဘော ဖြစ်နေပါတယ်။

■ စတီဂိုဆောပေါက်လေးရဲ့ ခြေရာတွေကို အရွယ်ရောက်ပြီးသားအကောင်တွေ အနားမှာ တွေ့ရှိခဲ့တာ ဖြစ်ပါတယ်။

■ ဒီခြေရာက စတီဂိုဆောငယ်လေးတွေဟာ ကွဲပြားစွာ ပြုမူတတ်တယ်လို့ သုတေသီတွေ ယူဆနေကြပြီး မွေးဖွားပြီးနောက်မှာ ဒီသတ္တဝါတွေ ဘယ်လိုရွေ့လျားခဲ့လဲဆိုတာတွေကို ရှားရှားပါးပါး လေ့လာခွင့်ရတာ ဖြစ်ပါတယ်။

■ အံ့အားအသင့်ရဆုံးက စတီဂိုဆောပေါက်လေးတွေ ဘယ်လိုလမ်းလျှောက်လဲဆိုတဲ့အကြောင်းပဲ ဖြစ်ပါတယ်။

■ အရွယ်ရောက်ပြီး စတီဂိုဆောတွေက ဖနောင့်ကို မြေကြီးမှာဖိပြီး လမ်းလျှောက်တာဖြစ်ကာ စတီဂိုဆောတွေကတော့ ခြေချောင်းတွေနဲ့ လမ်းလျှောက်တာဖြစ်နိုင်ပြီး အသက်ကြီးလာတော့မှ ခြေပြားနဲ့ပိုပြီး လျှောက်လာတာ ဖြစ်နိုင်ပါတယ်။

■ ဒီတွေ့ရှိချက်က စတီဂိုဆောတွေဟာ အသက်အရွယ်မရွေး လမ်းလျှောက်ပုံဆင်တူတယ်လို့ ထင်ခဲ့တဲ့ ရှေးဟောင်းရုပ်ကြွင်းပညာရှင်တွေအတွက်တော့ စိတ်ဝင်စားစရာ ဖြစ်လာပါတယ်။

Source: Daily Galaxy

#World_Health
Published 25 December 2025

■ ကျောက်ကပ်ရောဂါဆိုတာက ပြန်မကောင်းတော့ဘဲ အခြေအနေဆိုးရွားမှု နှောင့်နှေးအောင်သာ ကုသကြရတယ်လို့ သိထားပါတယ်။

■ ယခုအခါ သုတေသီတွေက ဆယ်ရာမိုက်လှုပ်ရှားမှုတွေကို ပိတ်ဆို့ပြီးတော့ ကျောက်ကပ်ပျက်စီးခြင်းကို ပြန်ပြောင်းစေနိုင်မယ့် အလားအလာတွေ တွေ့ရှိထားပါတယ်။

■ ဆယ်ရာမိုက်ဆိုတာက အဆီမော်လီကျူးဖြစ်ပြီး ကျောက်ကပ်အတွင်း ဆဲလ်ထိခိုက်မှုနဲ့ ဆက်စပ်နေပါတယ်။

■ တိရိစ္ဆာန်စမ်းသပ်မှုတွေမှာတော့ ဆယ်ရာမိုက်တွေကို ပစ်မှတ်ထားပြီး ကျောက်ကပ်ဆဲလ်တွေ ပျက်စီးခြင်းမှ ကာကွယ်ပေးကာ လုပ်ဆောင်ချက် ပုံမှန်ပြန်ဖြစ်စေပါတယ်။

■ ဆယ်ရာမိုက်ပမာဏ မြင့်တက်လာတဲ့အခါ ကျောက်ကပ် ရောင်ရမ်းခြင်း၊ ဒဏ်ရာဖြစ်ခြင်း၊ လုပ်ဆောင်ချက် ရေရှည်ပျက်စီးခြင်းတို့ ဖြစ်လာစေပါတယ်။

■ ဆယ်ရာမိုက်လျော့နည်းအောင် ကုသခဲ့တဲ့ ကြွက်တွေမှာ ကျောက်ကပ်စွမ်းဆောင်ရည် သိသိသာသာ ဆုံးရှုံးတာမျိုး မတွေ့ခဲ့ရပါဘူး။

■ ဆယ်ရာမိုက်ကို ထိန်းချုပ်တဲ့ ကုသနည်းတွေသာ ဘေးကင်းစိတ်ချမှု ရှိတယ်ဆိုရင် ကျောက်ကပ်ထိခိုက်မှုဖြစ်ပြီးနောက် ပြန်လည်သက်သာလာနိုင်ခြင်း၊ နာတာရှည်ရောဂါ ဖြစ်မလာခြင်း၊ ကျောက်ကပ်ဆေးခြင်း မလိုအပ်တော့ခြင်း စတာတွေ အကျိုးကျေးဇူးရလာနိုင်ပါတယ်။

■ လူသားတွေမှာ စမ်းသပ်မှုထိရောက်ကြောင်း တွေ့ရှိပါက လူနာတွေရဲ့ အခြေအနေ တိုးတက်လာနိုင်ပြီး ကုန်ကျစရိတ်တွေလည်း လျှော့ချနိုင်မှာ ဖြစ်ပါတယ်။

■ သုတေသီတွေက အစောပိုင်းရောဂါရှာဖွေနိုင်မယ့် ကိရိယာတွေ ထုတ်လုပ်နိုင်ရန်နဲ့ ကျောက်ကပ်ပြုပြင်ခြင်းအတွက် ပေါင်းစပ်ကုသနည်းတွေ ရှာဖွေနိုင်ရန် ရည်မှန်းထားပါတယ်။

Source: Times of India

ရှန်ဟိုင်းမှ မကြာသေးမီက လက်တွေ့စမ်းသပ်ချက်တစ်ခုမှာ လေဖြတ်လူနာက ဘီးတပ်ကုလားထိုင်နဲ့ စက်ရုပ်ခွေးတိုကို သူ့ရဲ့အတွေးနဲ့တင် ထိန်းချုပ်နိုင်ခဲ့ပြီး ဦးနှောက်-ကွန်ပျူတာ ကြားခံမျက်နှာပြင် (BCI)နည်းပညာမှာ ထိုးဖောက်အောင်မြင်မှုဖြစ်တယ်လို့ တရုတ်သုတေသီတွေ သတ်မှတ်နေကြပါတယ်။

#Asia_Technology
Published 24 December 2025
#ရှန်ဟိုင်း #လေဖြတ်လူနာ
#YMG #Yangon_Times #Yangon_Media_Group

ရှမ်းပြည်နယ်(အရှေ့ပိုင်း) ကျိုင်းတုံမြို့နယ်၊ လွိုင်မွေဒေသ ချယ်ရီပန်းပွဲတော်ကျင်းပနေတယ်လို့ ရှမ်းပြည်နယ်(အရှေ့ပိုင်းခရီးသွားလာရေးဝန်ကြီးဌာနကသိရပါတယ်။

#Local_News
Published 24 December 2025
#ကျိုင်းတုံမြို့နယ် #ချယ်ရီပန်းပွဲတော်
#YMG/NN #Yangon_Times

#Local_News
Published 24 December 2025
#အစ်မတော်မြနန်းနွယ်
#YMG/NN #Yangon_Times

မြန်မာနိုင်ငံနဲ့ အိန္ဒိယနိုင်ငံတို့အကြား ခရီးသွားလုပ်ငန်းမြှင့်တင်ဆောင်ရွက်နိုင်ရေးအတွက် လုပ်ငန်းစီမံချက် မူကြမ်းကိုရေးဆွဲလုပ်ဆောင်သွားမယ်လို့မြန်မာ_အိန္ဒိယခရီးသွားလုပ်ငန်းမြှင့်တင်ဆောင်ရွက်နိုင်ရေးပထမအကြိမ် ညှိနှိုင်းအစည်းအဝေးမှ သိရပါတယ်။

#Local_News
Published 24 December 2025
#မြန်မာ_အိန္ဒိယ
#YMG/SW #Yangon_Times

ဆန်အကြောင်းသိကောင်းစရာပြပွဲ ၂၀၂၅ ကို ယနေ့ဒီဇင်ဘာ ၂၄ရက်နေ့ က ရန်ကုန်မြို့၊ Melia Hotel (Grand Ballroom)မှာပြုလုပ်ခဲ့ပါတယ်။

#Local_News
Published 24 December 2025
#ဆန် #Melia_Hotel
#YMG/SW #Yangon_Times

#Daily_News
Published 24 December 2025

၁။‌ ‎မြန်မာ-အိန္ဒိယ ခရီးသွားလုပ်ငန်းမြှင့်တင်နိုင်ရေး လုပ်ငန်းစီမံချက် မူကြမ်းရေးဆွဲမည်
‎
‎‎‎၂။ ‎‎"အစ်မတော်မြနန်းနွယ်" ၏ (၁၁၉) နှစ်မြောက် မွေးနေ့မင်္ဂလာကျင်းပမည်
‎
‎၃။‌‌‎ ‎‎‎‎‎‎‎‎‎‎‎‎ကျိုင်းတုံမြို့နယ် လွိုင်မွေဒေသ ချယ်ရီပန်းပွဲတော်ကျင်းပ
‎
၄။‎ ‌‌‌‌‌‌‌‌‌‎‎‎လေဖြတ်လူနာစိတ်ထဲတွေးတောရုံဖြင့်ဘီးတပ်ကုလားထိုင်နှင့်စက်ရုပ်ခွေးတိုကိုထိန်းချုပ်နိုင်အောင် တရုတ်သုတေသီများတီထွင်ဖန်တီး... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 24 December 2025

▪️ ပို့ဆောင်ရေးနှင့်ဆက်သွယ်ရေးဝန်ကြီးဌာန မြန်မာ့မီးရထားသည် ရထားလမ်းပိုင်းများ ပိုမိုကောင်းမွန်လာခြင်း၊ အချက်ပြစနစ် ပိုမိုခေတ်မီလာခြင်းနှင့်အတူ ခေတ်မီစက်ခေါင်းနှင့် လူစီးတွဲများ အသုံးပြုလာနိုင်ခြင်းကြောင့် ရန်ကုန်-မန္တလေး အဓိကရထားလမ်းပိုင်း၌ ရထားအမြန်နှုန်းများ တိုးမြှင့်ပြီး ပြေးဆွဲချိန်လျှော့ချနိုင်ခဲ့သဖြင့် ရထားစီးခရီးသွားပြည်သူများ ပိုမိုစိတ်ချမ်းမြေ့စွာ သွားလာနိုင်ရန် ရန်ကုန်-နေပြည်တော်လမ်းပိုင်း၌ ခေတ်မီလေအေးပေးစက်ပါ DEMU တွဲဆိုင်းသစ်များဖြင့် လည်းကောင်း၊ ရန်ကုန်-ပြည်နှင့် ရန်ကုန်-မော်လမြိုင်လမ်းပိုင်းတို့တွင် လေအိတ်ရထားတွဲဆိုင်းများဖြင့်လည်းကောင်း နေ့စဉ်ပုံမှန်ပြေးဆွဲပေးလျက်ရှိရာ ခရီးသည်များ ကြိုက်နှစ်သက်ကြပြီး စီးနင်းမှုများပြားသဖြင့် ခရစ္စမတ်ရုံးပိတ်ရက်ကာလအတွင်း ခရီးသွားပြည်သူများနှင့် ဌာနဆိုင်ရာဝန်ထမ်းများ အဆင်ပြေစွာ ခရီးသွားလာနိုင်စေရေးအတွက် ရန်ကုန်-နေပြည်တော်-ရန်ကုန်၊ ရန်ကုန်-ပြည်-ရန်ကုန်နှင့် ရန်ကုန်-မော်လမြိုင်-ရန်ကုန်ခရီးစဉ်များကို ပုံမှန်ရထားများအပြင် အထူးရထားများအား အောက်ပါနေ့ရက်များအတိုင်း တိုးချဲ့ပြေးဆွဲပေးသွားမည်မှာ ဖြစ်ပါတယ်။

▪️ အထက်ပါနေ့ရက်များအလိုက် အထူးရထားများအပြင် ပုံမှန်ပြေးဆွဲပေးလျက်ရှိသည့် ရထားများတွင် လည်း ဝန်ချိန်ပြည့်တွဲဆိုင်းများ ချိတ်ဆက်ပြေးဆွဲပေးသွားမည်ဖြစ်ပြီး ရထားလက်မှတ်ခနှုန်းထားနှင့် ရပ်တန့်မည့်ဘူတာများမှာ နေ့စဉ်ပုံမှန်ပြေးဆွဲပေးလျက်ရှိသည့် ရထားများအတိုင်းဖြစ်ပါတယ်။

▪️ ရထားစီးခရီးသွားပြည်သူများ အဆင်ပြေစွာသွားလာနိုင်ရေးအတွက် အထက်တန်းလက်မှတ်ကို သုံးရက်ကြိုတင်၍လည်းကောင်း၊ ရိုးရိုးတန်းလက်မှတ်ကို တစ်ရက်ကြိုတင်၍လည်းကောင်း သက်ဆိုင်ရာဘူတာများတွင် ဝယ်ယူနိုင်မှာ ဖြစ်ပါတယ်။

▪️ ထို့ပြင် ရန်ကုန်-နေပြည်တော်-ရန်ကုန်လမ်းပိုင်းအတွင်း ပြေးဆွဲလျက်ရှိသည့် ရထားများအတွက် ကြိုတင်လက်မှတ်များ ရောင်းချရာတွင် ငါးရက် ကြိုတင်ပြီး ဖုန်း ၀၉၈၈၀၉၄၂၆၀၀ (နေပြည်တော်)၊ ၀၉၈၈၀၉၄၂၆၀၁ (ပျဉ်းမနား)၊ ၀၉၈၈၀၉၄၂၆၀၈ (ရန်ကုန်) တို့အား ကြိုတင်Booking ပြုလုပ်၍ MMQR Code ဖြင့် အသုံးပြုကာ ငွေပေးချေခြင်း၊ တန်းစီခရီးသည်များ လက်မှတ်ဝယ်ယူရာတွင်လည်း လက်မှတ်ခကို ငွေသားအပြင် MMQR Code အသုံးပြု၍ ငွေပေးချေခြင်းများဆောင်ရွက်ပေးလျက်ရှိကြောင်း မြန်မာ့မီးရထားမှသိရပါတယ်။

#YMG/MNN #Yangon_Times

#Local_News
Published 24 December 2025

▪️ အရည်အသွေးပြည့်မီသည့် EV များသုံးစွဲနိုင်စေရေး ကြိုးပမ်းဆောင်ရွက်နေကြောင်း လျှပ်စစ်သုံးယာဉ်နှင့် ဆက်စပ်ပစ္စည်းများ သုတေသနဖွံ့ဖြိုးရေးနှင့် နည်းပညာပြန့်ပွားရေးလုပ်ငန်းကော်မတီမှ သိရသည်။

▪️ လျှပ်စစ်သုံးယာဉ်နှင့် ဆက်စပ်ပစ္စည်းများ သုတေသနဖွံ့ဖြိုးရေးနှင့် နည်းပညာပြန့်ပွားရေးလုပ်ငန်းကော်မတီဥက္ကဋ္ဌ သိပ္ပံနှင့်နည်းပညာဝန်ကြီးဌာန ဒုတိယဝန်ကြီး ဒေါက်တာ အောင်ဇေယျသည် ယမန်နေ့မွန်းလွဲပိုင်းက နည်းပညာ၊ သက်မွေးပညာနှင့် လေ့ကျင့်ရေးဦးစီးဌာန အစိုးရစက်မှုလက်မှုသိပ္ပံ (အင်းစိန်) ၌ ကျင်းပသည့် လျှပ်စစ်သုံးယာဉ် (Electric Vehicle ၊ EV) စစ်ဆေးခြင်းသင်တန်း (၁/၂၀၂၅) ဖွင့်ပွဲအခမ်းအနားသို့ တက်ရောက်သည်။

▪️ အဆိုပါ အခမ်းအနားတွင် ဒုတိယဝန်ကြီးက အမျိုးသားအဆင့် လျှပ်စစ်သုံးယာဉ်နှင့် ဆက်စပ်လုပ်ငန်းများ ဖွံ့ဖြိုးတိုးတက်ရေး ဦးဆောင်ကော်မတီ၏ ညွှန်ကြားချက်အရ ဆက်စပ်ဌာနများ၊ ပြည်သူတို့နှင့် ပြင်ပလုပ်ငန်းရှင်များ၏ နည်းပညာလိုအပ်ချက်များနှင့် ကိုက်ညီသောသင်တန်းကို ယနေ့ဖွင့်လှစ်ခြင်းဖြစ် ကြောင်း၊ ကမ္ဘာ့ကားဈေးကွက်သည် ၂၁ ရာစုနှစ်၌ အလျင်မြန်ဆုံး ပြောင်းလဲမှုကို ကြုံတွေ့နေရကြောင်း၊ EV ခေတ်သို့ ပြောင်းလဲမှုများ၏ အဓိကမောင်းနှင်အားသည် နည်းပညာထိပ်ဆုံးနေရာအတွက် ပြိုင်ဆိုင်မှုနှင့် စီးပွားရေးဆွဲဆောင်မှုများကို တွေ့ရှိရကြောင်း၊ ယင်းသို့ ပြိုင်ဆိုင်မှု ပြင်းထန်ကာ မြန်ဆန်စွာ ဖွံ့ဖြိုးနေသော EV ခေတ်အတွင်း မိမိတို့နိုင်ငံတွင်လည်း EV သုံးစွဲမှုများ တစ်ရှိန်ထိုးမြင့်တက်လာကြောင်း၊ သို့ဖြစ်ရာ ပြည်သူတို့ ဘေးအန္တရာယ်ကင်းရှင်းစွာ အရည်အသွေးပြည့်မီသည့် EV များကို ဝယ်ယူသုံးစွဲနိုင်ရေးအတွက် EV ဆိုင်ရာပြဋ္ဌာန်းပြီး စံချိန်စံညွှန်းများကို သိရှိနားလည်ရန်အပြင် အရည်အသွေးစစ်ဆေးခြင်းဆိုင်ရာ နည်းပညာများကို ကျွမ်းကျင်မှုရှိရန် လိုအပ်လာသဖြင့် သင်တန်းသားများသည် ပြည်သူတို့ အရည်အသွေးပြည့်မီသည့် EV များ သုံးစွဲနိုင်စေရေးအတွက် အမှန်တကယ်စစ်ဆေးပေးနိုင်သည့် ကျွမ်းကျင်ပညာရှင်များ ဖြစ်စေရေးအတွက် သင်တန်းချိန်များကို တန်ဖိုးထား၍ မဆုတ်မနစ် ကြိုးပမ်းသင်ယူလေ့ကျင့်ကြရန် လိုအပ်ကြောင်းတိုက်တွန်းမှာကြားသည်။

▪️ ထို့နောက် သင်တန်းနည်းပြတစ်ဦးက သင်တန်းဆိုင်ရာ အကြောင်းအရာများကိုလည်းကောင်း၊ သုတေသနနှင့် တီထွင်ဆန်းသစ်မှုဦးစီးဌာနမှ တာဝန်ရှိသူတစ်ဦးက သတ်မှတ်ပြီး လျှပ်စစ်သုံးယာဉ်ဆိုင်ရာ မြန်မာစံချိန်စံညွှန်း ၁၈ ခုကိုလည်းကောင်း ရှင်းလင်းတင်ပြကြပြီး ဒုတိယဝန်ကြီးသည် EV အလုပ်ရုံအတွင်း လေ့လာလေ့ကျင့်နေမှုအခြေအနေများကို လှည့်လည်အားပေးကာ လိုအပ်သည်များ မှာကြားသည်။

▪️ အဆိုပါ သင်တန်းသို့ ဘဏ္ဍာရေးနှင့်အခွန်ဝန်ကြီးဌာန အကောက်ခွန်ဦးစီးဌာနမှ သင်တန်းသား ၂၅ ဦး တက်ရောက်ပြီး သင်တန်းကာလ သုံးရက်အတွင်း တစ်ရက်လျှင် ၈ နာရီနှုန်းဖြင့် သင်တန်းချိန် ၂၄ နာရီ သင်ကြားလေ့ကျင့်ပေးမည်ဖြစ်ကြောင်း သိရသည်။

#YMG/NN #Yangon_Times

#Local_News
Published 24 December 2025

▪️ အင်းစိန်မြို့နယ်ရှိ သုတေသနဌာနဝင်းအတွင်း၌ တည်ဆောက်လျက်ရှိသည့် မူလဓာတုဗေဒဓာတ်ခွဲခန်းတည်ဆောက်နေကြောင်းသိရသည်။

▪️ အဆိုပါ အင်းစိန်မြို့နယ်ရှိ သုတေသနဌာနဝင်းအတွင်း၌ တည်ဆောက်လျက်ရှိသည့် မူလဓာတုဗေဒဓာတ်ခွဲခန်းသို့ စက်မှုဝန်ကြီးဌာန ပြည်ထောင်စုဝန်ကြီး ဒေါက်တာချာလီသန်းသည် တာဝန်ရှိသူများနှင့်အတူ ယမာန်နေ့မွန်းလွဲပိုင်းတွင် ရောက်ရှိရာ တာဝန်ရှိသူများက မူလဓာတုဗေဒဓာတ်ခွဲခန်း တည်ဆောက် ပြီးစီးမှုနှင့် စက်ပစ္စည်းများတပ်ဆင်ထားရှိမှုအခြေအနေကို ရှင်းလင်းတင်ပြကြသည်။

▪️ ထို့နောက် ပြည်ထောင်စုဝန်ကြီးက ဓာတုဗေဒပစ္စည်းများကို အမြန်ဆုံးစမ်းသပ်စစ်ဆေးနိုင်ရေး စီမံဆောင်ရွက်ရန်၊ ဓာတုဗေဒပစ္စည်းများကို စမ်းသပ်စစ်ဆေးမည့်ဝန်ထမ်းများ၏ စွမ်းဆောင်ရည်များ ကို မြှင့်တင်ပေးရန်၊ မူလဓာတုဗေဒဓာတ်ခွဲခန်း၌ ဆက်လက်ဆောင်ရွက်မည့် အစီအမံများကို စနစ် တကျ ရေးဆွဲဆောင်ရွက်သွားရန်၊ ဓာတုဗေဒပစ္စည်းများကို စမ်းသပ်စစ်ဆေးမည့် ဝန်ထမ်းများ ဘေးအန္တရာယ်ကင်းရှင်းရေးအတွက် သတ်မှတ်ထားသည့် လုပ်ငန်းစဉ်များအတိုင်း တိတိကျကျလိုက်နာ ဆောင်ရွက်ရန်မှာကြားပြီး မူလဓာတုဗေဒဓာတ်ခွဲခန်း ဖွင့်လှစ်နိုင်ရေးအတွက် ဓာတုပစ္စည်းများ၊ အဏုဇီဝပိုးမွှားများအား စစ်ဆေးနိုင်မည့် စက်ပစ္စည်းကိရိယာများ တပ်ဆင်ထားရှိမှုအခြေအနေတို့ကို လှည့်လည်ကြည့်ရှုစစ်ဆေးသည်။

▪️ မူလဓာတုဗေဒဓာတ်ခွဲခန်းကို သက်ရှိများနှင့် သဘာဝပတ်ဝန်းကျင်အရင်းအမြစ်များအပေါ် ဓာတုပစ္စည်းနှင့် ဆက်စပ်ပစ္စည်းများမှ ဖြစ်ပေါ်လာသော ထိခိုက်မှုနှင့် အန္တရာယ်ကိုကာကွယ်ရန်၊ ဓာတုပစ္စည်း နှင့် ဆက်စပ်ပစ္စည်းများနှင့်သက်ဆိုင်သည့် မြန်မာနိုင်ငံက အတည်ပြုလက်ခံထားသော အပြည်ပြည် ဆိုင်ရာ သဘောတူညီချက်များနှင့် ပြည်တွင်းလိုအပ်ချက်များအရ ဓာတုပစ္စည်းများ၏ အန္တရာယ်အဆင့်အပေါ်မူတည်၍ တားမြစ်ဓာတုပစ္စည်းနှင့် ကန့်သတ်ဓာတုပစ္စည်းစာရင်း ထုတ်ပြန်ရန်၊ “ဓာတုပစ္စည်းနှင့် ဆက်စပ်ပစ္စည်းများဆိုင်ရာ လုပ်ငန်းများမှထွက်ရှိသည့် စွန့်ပစ်ပစ္စည်းများ စွန့်ပစ်ခြင်းဆိုင်ရာအမိန့်” အရ စွန့်ပစ်ပစ္စည်းစီမံခန့်ခွဲမှုဆိုင်ရာ လုပ်ငန်းများကို ကြီးကြပ်ခြင်းအပြင် ပတ်ဝန်းကျင်ညစ်ညမ်းမှုမရှိစေရေးအတွက် စွန့်ပစ်ပစ္စည်းများကို စနစ်တကျစွန့်ပစ်စေရန်၊ ဓာတုဗေဒပညာရပ်ကို မှားယွင်းအသုံးပြုမှု မရှိစေရန်အတွက် ဓာတုပစ္စည်းနှင့် ဆက်စပ်ပစ္စည်းများဆိုင်ရာလုပ်ငန်းများကို ကြီးကြပ်လမ်းညွှန်ရန်နှင့် လုပ်ငန်းရှင်များအား လုပ်ငန်းခွင်ဘေးအန္တရာယ်ကင်းရှင်းရေးနှင့် ကြိုတင်ကာကွယ်ရေးနည်းလမ်းများနှင့် သက်ဆိုင်သော သင်တန်းများနှင့် အသိပညာပေးရန်စသည့် ရည်ရွယ်ချက်များဖြင့် တည်ဆောက်အကောင်အထည်ဖော် ဆောင်ရွက်ခြင်းဖြစ်သည်။

▪️ မူလဓာတုဗေဒဓာတ်ခွဲခန်းအနေဖြင့် Heavy Metal Element များ၊ ဓာတုပစ္စည်းများကို ဓာတ်ငွေ့အဖြစ် ပြောင်းလဲစေပြီး ဒြပ်ပေါင်းအမျိုးအစားနှင့် ပါဝင်မှုပမာဏကိုတိုင်းတာခြင်း၊ အဏုဇီဝပိုးမွှားများစသည်တို့ကို စမ်းသပ်စစ်ဆေးနိုင်ပြီး မူလဓာတုဗေဒဓာတ်ခွဲခန်းထူထောင်ခြင်းဖြင့် ပြည်ပမှတင်သွင်းလာ မည့် ဓာတုပစ္စည်းနှင့်ဆက်စပ်ပစ္စည်းများကို စနစ်တကျ ဓာတ်ခွဲတိုင်းတာ စစ်ဆေးပေးနိုင်ခြင်းအားဖြင့် သက်ရှိများ၏ အသက်အန္တရာယ်နှင့် ပတ်ဝန်းကျင်၊ ရာသီဥတုနှင့် ဂေဟစနစ်အပေါ် ဆိုးရွားသောထိခိုက်မှုများ လျော့နည်းစေခြင်း၊ ဓာတုပစ္စည်းများ၏ အန္တရာယ်အဆင့်အပေါ်မူတည်၍ တားမြစ်ဓာတုပစ္စည်းနှင့် ကန့်သတ်ဓာတုပစ္စည်းစာရင်း ထုတ်ပြန် ပေးခြင်းဖြင့် ဆိုးရွားသည့်ထိခိုက်မှုများကို ကာကွယ်ပေးနိုင်ခြင်း၊ စွန့်ပစ်ပစ္စည်း စီမံခန့်ခွဲမှုဆိုင်ရာ လုပ်ငန်း များကို ကြီးကြပ်ခြင်းဖြင့် ပတ်ဝန်းကျင်ညစ်ညမ်းမှု လျော့ပါးစေခြင်း၊ ဓာတုပစ္စည်းနှင့် ဆက်စပ်ပစ္စည်းများဆိုင်ရာလုပ်ငန်းများကို ကြီးကြပ်လမ်းညွှန်ခြင်း၊ လုပ်ငန်းရှင်များအား လုပ်ငန်းခွင်ဘေးအန္တရာယ်ကင်းရှင်းရေးနှင့် ကြိုတင်ကာကွယ်ရေးနည်းလမ်းများနှင့်သက်ဆိုင်သော သင်တန်းများနှင့်အသိပညာပေးခြင်းဖြင့် ဓာတုဗေဒပညာရပ်ကို မှားယွင်းအသုံးပြုမှု မရှိစေခြင်းစသည့် အကျိုးကျေးဇူးများရရှိမည်ဖြစ်သည်။

▪️ ထို့နောက် ပြည်ထောင်စုဝန်ကြီးသည် သုတေသနဌာနအစည်းအဝေးခန်းမ၌ တာဝန်ရှိသူများနှင့် တွေ့ဆုံပြီး သုတေသနဌာနအနေဖြင့် ဆေးဝါးအမယ်သစ်များ ပိုမိုတိုးတက်ထုတ်လုပ်နိုင်ရေး ဆောင်ရွက်ရန်နှင့် ထုပ်ပိုးမှုစနစ်များကိုလည်း ခေတ်မီဒီဇိုင်းနည်းပညာများဖြင့် ဈေးကွက်အတွင်း ထိုးဖောက်ဖြန့်ဖြူးနိုင်ရေး ဆောင်ရွက်ရန်၊ ပြည်သူများ ကျန်းမာရေးအတွက် သုံးစွဲမှုများပြားသည့် ဆေးဝါးများကို လုံလောက်စွာ ဝယ်ယူအသုံးပြုနိုင်ရေး လိုအပ်ချက်ပြည့်မီအောင် တိုးမြှင့်ထုတ်လုပ်ပေးသွားရန်၊ MSME ထုတ်ကုန်ပစ္စည်းများကိုလည်း စစ်ဆေးပေးသွားရန်နှင့် စက်မှုလုပ်ငန်းများမှ စွန့်ပစ်ပစ္စည်းများကိုလည်း အများပြည်သူ၏ ကျန်းမာရေးထိခိုက်မှုမရှိစေရေး လိုအပ်သလိုစစ်ဆေးပေးသွားရန် မှာကြားခဲ့ကြောင်းသိရသည်။

#YMG/NN #Yangon_Times