သကြင်္န်အပြီးမှာတော့ အခြေခံစားသောက်ကုန်ဈေးနှုန်းတွေ ဆက်လက်မြင့်တက်လာတယ်လို့ စျေးကွက်အတွင်းမှ စုံစမ်းသိရှိရပါတယ်။
#Local_News
Published 21 Apirl 2025
#အခြေခံစားသောက်ကုန်ဈေးနှုန်းမြင့်တက် #သကြင်္န်အပြီး
#YMG/SW #Yangon_Times

21 April 2025

According to an official data released at 7:00 PM on 20-4-2025, the latest updates on the earthquake-related incidents are as follows:

Casualties/Missing Persons

    Deaths: 3,735

    Injured: 5,108

    Missing: 120

International Aid

    Number of assisting countries: 25 (including Hong Kong)

    Flights: 145 trips

    Ships: 6 vessels

    Vehicles: 23 units

    Relief supplies: 2,514.6 tons

    Rescue equipment: 1,197.12 tons

    Rescue personnel: 2,094

Latest Update: The seventh batch of rescue supplies from China has arrived by plane.

Source: SAC Information team

၂၁ ဧပြီ ၂၀၂၅

၂၀-၄-၂၀၂၅ ရက် ည(၇)နာရီတွင် ထုတ်ပြန်သည့် တရားဝင်သတင်းအရ

ငလျင်နှင့်ပတ်သက်သည့် နောက်ဆုံးရသတင်းအချက်အလက်များကို ဖော်ပြပေးအပ်ပါတယ်။

သေဆုံး/ထိခိုက်/ပျောက်ဆုံး

၁။ သေဆုံး- ၃၇၃၅ဦး

၂။ ထိခိုက်ဒဏ်ရာရ- ၅၁၀၈ ဦး

၃။ ပျောက်ဆုံး- ၁၂၀ ဦး

နိုင်ငံတကာအကူအညီများ

ကူညီသည့်နိုင်ငံပေါင်း- ၂၅ နိုင်ငံ (ဟောင်ကောင်အပါအဝင်)

လေယာဉ်- ၁၄၅ ခေါက်

သင်္ဘော- ၆ စီး

ကား- ၂၃ စီး

ထောက်ပံ့ပစ္စည်း- ၂၅၁၄.၆ တန်

ကယ်ဆယ်ရေးပစ္စည်း- ၁၁၉၇.၁၂ တန်

ကယ်ဆယ်ရေးဝန်ထမ်း- ၂၀၉၄ ဦး

နောက်ဆုံးသတင်း- တရုတ်နိုင်ငံမှာ သတ္တမအသုတ် ကယ်ဆယ်ရေးပစ္စည်းများ လေယာဉ်ဖြင့် ထပ်မံရောက်ရှိ။

Source: နစကသတင်းထုတ်ပြန်ရေးအဖွဲ့

#Local_News
Published_21 April 2025

▪️ ငလျင်ကြောင့် Naypyitaw State Academy ပျက်စီးမှုမရှိခဲ့ဘဲ အုတ်နံရံအချို့ ပလာစတာ ကွဲအက်၊ ကွာကျနေခြင်းသာ ရှိ၍ ကျောင်းဖွင့်လှစ်ချိန်မတိုင်မီအပြီး ပြုပြင်သွားမည်ဖြစ်ကြောင်း သိရသည်။

▪️ ယနေ့ ဧပြီလ ၂၀ ရက်တွင် အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုကော်မတီဥက္ကဋ္ဌ နိုင်ငံတော် စီမံအုပ်ချုပ်ရေးကောင်စီဒုတိယ ဥက္ကဋ္ဌ ဒုတိယဝန်ကြီးချုပ် ဒုတိယဗိုလ်ချုပ်မှူးကြီး စိုးဝင်းက ပြည်ထောင်စု ဝန်ကြီးများ၊ နေပြည်တော်ကောင်စီဥက္ကဋ္ဌ၊ နေပြည်တော်တိုင်းစစ်ဌာနချုပ် တိုင်းမှူးနှင့်အဖွဲ့ဝင်များဖြင့် သွားရောက်ကြည့်ရှုခဲ့ကြကြောင်း သိရသည်။

▪️ ငလျင်ကြောင့် ဘွဲ့လွန်နှင့်အုပ်ချုပ်မှုဆိုင်ရာ ပင်မဆောင်အခြေအနေ၊ ဆေးပညာသင်ကြားရေးအဆောင်၊ စီးပွား ရေး ပညာသင်ကြားရေးအဆောင်၊ ဝိဇ္ဇာနှင့်သိပ္ပံ ပညာသင်ကြားရေးအဆောင်(၂)ဆောင်နှင့် စီးပွားရေးနှင့် လူမှု ရေးပညာသင်ကြားရေး အဆောင်တို့၏ ထိခိုက်ပျက်စီးမှုအခြေအနေများကို ကြည့်ရှုစစ်ဆေးရာ ပင်မ Column တိုင်နှင့် Beam တို့ကို စစ်ဆေးချက်အရ ထိခိုက်မှုလုံးဝမရှိဘဲ အဆောင်လိုက်အုတ်နံရံအချို့ ပလာစတာကွဲအက်၊ကွာကျနေခြင်းသာ ရှိ၍ ဇွန်လကျောင်းစတင်ဖွင့်လှစ်ချိန် မတိုင်မီအပြီး ပြုပြင်သွားရန်၊ ညှိနှိုင်းခဲ့ကြောင်း သိရသည်။

▪️ ၎င်းနောက်ဆောက်လုပ်ဆဲ ဘွဲ့နှင်းသဘင်ခန်းမနှင့် ဆောက် လုပ် ဆဲ (၆)ထပ် ဆောင်တို့ကို အင်ဂျင်နီယာ အသင်းချုပ်၊ အင်ဂျင်နီယာကောင်စီ နှင့် ငလျင် ပညာရှင်များ၏ စစ်ဆေးချက်အရ ထိခိုက်မှုတစ်စုံတစ်ရာ မထိခိုက်ကြောင်း သိရသည်။

▪️ Naypyitaw State Academy အတွင်းရှိ ဆောက်လုပ်ပြီး အဆောက်အဦများနှင့် ဆောက်လုပ်ဆဲ အဆောက်အဦများအား ဆောက်လုပ်ရေးဝန်ကြီးဌာနအနေဖြင့် ၂၀၂၀ ပြည့်နှစ်၊ နိုင်ငံတကာသတ်မှတ် SOP အတိုင်း ရစ်(ခ်) တာစကေး ၇ ခံနိုင်သည့် ဒီဇိုင်းပုံစံအတိုင်းဆောက်လုပ်ခဲ့ခြင်းဖြစ်ကြောင်း သိရသည်။

▪️ ယင်းကြောင့် ဆောက်လုပ်ရေးဝန်ကြီးဌာနမှ အသစ်ပြန်လည်ရေးဆွဲလျက်ရှိသည့် ရစ်(ခ်)တာစကေး ၈ အထိခံနိုင်သည့် အဆောက်အဦဒီဇိုင်းပုံစံအတိုင်း ဆောက်လုပ်နိုင်ရေး ပညာရေးဝန်ကြီးဌာနနှင့် ဆောက်လုပ်ရေး ဝန်ကြီး ဌာနတို့မှ ပေါင်းစပ်ညှိနှိုင်း၍ ဆောင်ရွက်သွားရန် နစက ဒုဥက္ကဌက မှာကြားခဲ့ကြောင်း သိရသည်။

#Yangon_Times/PP

#Local_News
Published_21 April 2025

▪️ ကရင်ပြည်နယ်၊ မြဝတီမြို့ ရွှေကုက္ကိုလ်နှင့် KK Park နယ်မြေများတွင် အွန်လိုင်းလောင်းကစားမှုများ၊ အွန်လိုင်းလိမ်လည်မှု များ၊ ဒုစရိုက်မှုများကျူးလွန်ခဲ့ကြသည့် ပြည်ပနိုင်ငံသား ၁၄ ဦးကို ယနေ့တွင် ထပ်မံစစ်ဆေး ဖော်ထုတ်ထိန်းသိမ်းနိုင်ခဲ့ကြောင်း သိရသည်။

▪️ အဆိုပါ စစ်ဆေးဖော်ထုတ်ထိန်းသိမ်းနိုင်ခဲ့သည့် ပြည်ပနိုင်ငံသားများအား သက်ဆိုင်ရာနိုင်ငံ များသို့ အမြန် ဆုံးပြန်လည်လွှဲပြောင်းပေးအပ်နိုင်ရေး ဌာနဆိုင်ရာ ပူးပေါင်းအဖွဲ့ များက လိုအပ်သည့် ကိုယ်ရေးအချက် အလက် များနှင့် မှတ်တမ်းများစာရင်းကောက်ယူခြင်းလုပ်ငန်း နေ့ချင်းပြီး ဆောင်ရွက် နေမှုကို ကရင်ပြည်နယ်၊ လူမှုရေးရာဝန်ကြီး ဦးစောထွန်းအောင်က လိုက်လံကြည့်ရှုစစ်ဆေးခဲ့ကြောင်း သိရသည်။

▪️ ဇန်နဝါရီလ ၃၀ ရက်မှ ဧပြီလ ၂၀ ရက်အထိ မြန်မာနိုင်ငံအတွင်းသို့ တရားမဝင် ဝင်ရောက်လာသည့် ပြည်ပနိုင် ငံသား စုစုပေါင်း ၉၀၃၂ ဦးကို စစ်ဆေးဖော်ထုတ်ထိန်းသိမ်းနိုင်ခဲ့ကာ ၇၂၈၈ ဦးကို ထိုင်းနိုင်ငံမှတစ်ဆင့် သက် ဆိုင်ရာနိုင်ငံများသို့ ဥပဒေလုပ်ထုံးလုပ်နည်းများနှင့်အညီ စနစ်တကျပြည်နှင်လွှဲပြောင်းပေးခဲ့ပြီး ပြည်ပနိုင်ငံသား ၁၇၄၃ ဦးကို သက်ဆိုင်ရာနိုင်ငံများသို့ လွှဲပြောင်းပေးရန် အသင့်ဖြစ်နေပြီဖြစ်ကြောင်းနှင့် ၎င်းတို့ကို ကောင်းမွန် စွာ ထိန်းသိမ်းစောင့်ရှောက် ထားရှိကြောင်း သိရသည်။

▪️ ယနေ့အထိ စစ်ဆေးဖော်ထုတ်ထိန်းသိမ်းနိုင်ခဲ့သည့် ပြည်ပနိုင်ငံသား ၉၀၃၂ ဦး သည် တရုတ်၊ အင်ဒိုနီးရှား၊ ဗီယက်နမ်၊ မလေးရှား၊ ပါကစ္စတန်၊ အိန္ဒိယ၊ ယူဂန္ဓာ၊ အီသီယိုးပီးယား၊ နီပေါ၊ ထိုင်း၊ ရဝမ်ဒါ၊ ကင်ညာ၊ ကာဇက် စတန်၊ ကမ္ဘောဒီယား၊ ဂါနာ၊ ဘင်္ဂလားဒေ့ရှ်၊ ဂျပန်၊ သီရိလင်္ကာ၊ တောင်အာဖရိက၊ တူနီးရှား၊ အယ်ဂျီးရီးယား၊ ကွန်ဂို၊ ကင်မရွန်း၊ ဥဇဘက်ကစ္စတန်၊ နိုင်ဂျီးရီးယား၊ ကာဂျစ္စတန်၊ နမီးဘီးယား၊ မာဒါဂတ်စကား၊ ရိုမေးနီးယား၊ လိုက်ဘေးရီးယား၊ ရုရှား၊ ဖိလစ်ပိုင်၊ ဇင်ဘာဘွေ၊ မော်လဝီ၊ ဆီယာရာ လီယွန်၊ ဘူရွန်ဒီနှင့် တရုတ်(တိုင်ပေ) တို့မှ နိုင်ငံသား များဖြစ်ကြကြောင်း သိရသည်။

#Yangon_Times/PP

#Local_News
Published_21 April 2025

▪️ ပြင်ဦးလွင် တပ်မတော်ဆေးရုံ၌ ကုသမှုခံယူ လျက်ရှိသည့် ငလျင်ဒဏ်ကြောင့် ထိခိုက်ဒဏ်ရာရရှိသူများအား နစက ဥက္ကဌ သွားရောက်အားပေးခဲ့ကြောင်း သိရသည်။

▪️ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် သည် ဇနီး ဒေါ်ကြူကြူလှ နှင့် အဖွဲ့ဝင်များ ၊တာဝန်ရှိသူများ က ယနေ့နံနက်ပိုင်းတွင် ပြင်ဦးလွင်မြို့၊ တပ်မတော်ဆေးရုံ သို့ သွားရောက်၍ ဆေးရုံတက်ရောက်ကုသမှုခံယူလျက်ရှိသည့် ငလျင်ဘေးဒဏ် ကြောင့် ထိခိုက်ဒဏ်ရာရရှိခဲ့ သူများနှင့် အရာရှိ၊ စစ်သည်များ၊ မိသားစုဝင်များ၊ မြန်မာ နိုင်ငံရဲတပ်ဖွဲ့ဝင်များ၏ ကျန်းမာရေးစောင့်ရှောက် မှုပေးထားသည့် အခြေအနေများကို သွားရောက်ကြည့်ရှုအားပေးခဲ့ကြခြင်း ဖြစ်ကြောင်း သိရသည်။

▪️ ယင်းတွင် မန္တလေးငလျင်ကြီးလှုပ်ခတ်မှုကြောင့် ထိခိုက်ဒဏ်ရာရရှိခဲ့သဖြင့် ဆေးရုံတက်ရောက်ကုသမှုခံယူ လျက်ရှိသည့် ဆရာတော်၊ သံဃာတော်များအား အာဟာရဖြည့်စားသောက်ဖွယ်ရာများနှင့် နဝကမ္မအလှူတော် ငွေများ ကို ဆက်ကပ်လှူဒါန်းခဲ့ကြောင်းလည်း သိရသည်။

▪️ ထို့နောက် ငလျင်ဒဏ်ကြောင့် ထိခိုက်ဒဏ်ရာရရှိခဲ့သည့် အရာရှိ၊ စစ်သည် များ၊ မိသားစုဝင်များ၊ မြန်မာနိုင် ငံရဲတပ်ဖွဲ့ဝင်များ၏ မိသားစုဝင်များအား တစ်ဦးချင်း လိုက်လံတွေ့ဆုံ၍ စားသောက်ဖွယ်ရာပစ္စည်းများ ထောက်ပံ့ပေးအပ်ခဲ့ကြောင်း သိရသည်။

▪️ အလားတူ ဆေးရုံ၌တက်ရောက်ကုသမှုခံယူလျက်ရှိသည့် နိုင်ငံတော် ကာကွယ်ရေးနှင့် လုံခြုံရေးတာဝန် များထမ်းဆောင်စဉ် ထိခိုက်ဒဏ်ရာရရှိခဲ့သော အရာရှိ၊ စစ်သည်များ၏ ထိခိုက်ဒဏ်ရာရရှိခဲ့မှု အခြေအနေများ၊ ရောဂါကုသပျောက် ကင်းမှုအခြေအနေများကို တစ်ဦးချင်းလိုက်လံတွေ့ဆုံ၍ ရင်းနှီးနွေးထွေးစွာ မေးမြန်း အားပေးစကားပြောကြားကာ အရာရှိ၊ စစ်သည်များ၏ တင်ပြချက်များအပေါ် လိုအပ် သည်များ ဖြည့်ဆည်း ဆောင်ရွက်ပေးခဲ့ကာ ဂုဏ်ပြုချီးမြှင့်ငွေနှင့် လက်ဆောင်ပစ္စည်းများပေးအပ်ခဲ့ကြောင်း သိရသည်။

▪️ ထို့နောက် ငလျင်ဘေးဒဏ်ကြောင့် ထိခိုက်ဒဏ်ရာရရှိခဲ့သဖြင့် ဆေးရုံအထူးကြပ်မတ် ကုသဆောင်အတွင်း ကုသမှုခံယူရလျက်ရှိသည့် ဆရာတော်တစ်ပါးနှင့် အရပ်သားပြည် သူများ၊အမျိုးသမီးနှင့် ကလေးကုသဆောင်၌ တက်ရောက်ကုသမှုခံယူလျက်ရှိသည့်သာသနာနွယ်ဝင်သီလရှင် ဆရာကြီးများအား အာဟာရဖြည့် စားသောက် ဖွယ်ရာများနှင့် နဝကမ္မအလှူတော်ငွေများကို ဆက်ကပ်လှူဒါန်းကြကြောင်း သိရသည်။

▪️ တပ်မတော်ဆေးရုံများ၌ ပြင်ပလူနာ အဖြစ် လာရောက်ကုသမှုခံယူခဲ့သည့် သံဃာတော် ၁၅ ပါး၊ ဝန်ထမ်းများ၊ မိသားစုများ နှင့် အရပ်သားပြည်သူ ၅၀၁၆ ဦးလိုအပ်သည့်ဆေးကုသမှုများဆောင်ရွက်ပေးနိုင်ခဲ့ပြီး ထိခိုက်ဒဏ် ရာရရှိမှုပြင်းထန်သဖြင့် လက်ရှိအချိန်အထိ ဆေးရုံတက်ရောက်ကုသမှုခံ ယူနေသူ သံဃာတော် ၅၁ ပါး၊ ဝန်ထမ်းများ၊ မိသားစုများနှင့် အရပ်သား ပြည်သူ ၄၇၆ ဦးဖြစ်ကြောင်း သိရသည်။

#Yangon_Times/PP

#World_Health
Published 21 April 2025

▪️ အမေရိကန်မှာ မကြာသေးမီက နိုင်ငံတဝှမ်း စစ်တမ်းကောက်ယူခဲ့ရာမှာ တဝက်နီးပါးလောက်က ၁၉၅၀ ဝန်းကျင်တွေမှာ ပိုမိုနေထိုင်လို့ကောင်းတယ်လို့ ထင်မြင်ကြပါတယ်။

▪️ လွန်ခဲ့တဲ့ နှစ် ၇၀ လောက်က လူအများကျန်းမာရေး သိသိသာသာ ပိုမိုကောင်းမွန်နေပါတယ်။

▪️ လက်ရှိခေတ်မှာ ခေတ်မီတိုးတက်တဲ့ နည်းပညာ၊ ဆေးဝါး၊ ဆေးပစ္စည်း၊ ကုသနည်းတွေရှိပေမယ့် အယ်လ်ကိုဟော၊ သကြား၊ စီးကရက်တို့ ထိန်းချုပ်ဖို့လိုအပ်သလို လုံလောက်တဲ့ အိပ်စက်ချိန်၊ လေ့ကျင့်ခန်း၊ အာဟာရဓာတ်တွေလည်း လိုအပ်လာတာကို သဘောပေါက်ရပါမယ်။

▪️ Stony Brook Medicineမှ တွဲဖက်ပါမောက္ခ ဂျိုဆက်ဖင်းကွန်နော်လီရှိုနင်က ၁၉၅၀ ဝန်းကျင်တွေက လေ့လာမှတ်သားရတဲ့ ကျန်းမာရေးသိဖွယ်ရာ ၅ မျိုးကို ဖော်ပြသွားပါတယ်။

(၁) အိမ်မှာချက်စားပါ
▪️ အရင်ခေတ်က မိသားစုတွေဟာ အိမ်မှာချက်ပြုတ်ကြပြီး ကလေးတွေနဲ့အတူ ပျော်ပျော်ပါးပါး စားပွဲပြင်ဆင်ကြပါတယ်။

▪️ ယနေ့ခေတ်မှာတော့ အပြင်ထွက်စားလာကြသလို ပါဆယ်ဝယ်ယူကြတာတွေ များလာကာ စားသောက်ဆိုင်တွေရဲ့ အစားအစာ အရည်အသွေးကို သေချာမသိရသလို ဈေးပေါတဲ့ကုန်ကြမ်းတွေကြောင့် ကျန်းမာရေးထိခိုက်နိုင်ပါတယ်။

(၂) အဆင့်ဆင့်ထုပ်ပိုးစားစရာများရှောင်ပါ
▪️ အဆင့်ဆင့်ထုပ်ပိုးထုတ်လုပ်ထားတဲ့ စားစရာတွေဟာ ထုတ်လုပ်ပစ္စည်းအမျိုးမျိုးဖြင့် ပြုလုပ်ထားပြီး နှလုံးရောဂါ၊ ကင်ဆာ၊ ဆီးချိုရောဂါတို့ ဖြစ်နိုင်ခြေများစေတဲ့အပြင် စောစီးစွာအသက်သေဆုံးနိုင်သည်အထိ ဖြစ်နိုင်ပါတယ်။

(၃) နည်းနည်းစီစားပါ
▪️ ယခုအချိန်မှာ ဟမ်ဘာဂါလို စားစရာတွေက ၁၉၅၀ ကထက် ၃ ဆလောက်ပိုကြီးလာပါတယ်။

▪️ ကွန်နော်လီရှိုနင်က ကျန်းမာရေးကို အလေးထားတယ်ဆိုရင် စားတဲ့အခါ ပိုမိုနည်းပါးစွာ ပိုင်းခြားစားသုံးသင့်လို့ ဆိုပါတယ်။

(၄) ဖုန်းကြည့်ချိန်လျှော့ချပါ
▪️ အရင်ခေတ်က ကလေးတွေက အပြင်ထွက်ပြီး လှုပ်ရှားကစားကြပါတယ်။
ယနေ့မှာတော့ အီလက်ထရွန်နစ်ပစ္စည်းတွေ များပြားလာကာ ဖုန်း၊ ကွန်ပျူတာ၊ တီဗီဖန်သားပြင်တို့မှ အလင်းပြာက ခန္ဓာကိုယ်ရဲ့ သဘာဝအိပ်စက်မှုစက်ဝန်းကို နှောင့်ယှက်စေပါတယ်။

(၅) အလုပ်မှာလှုပ်လှုပ်ရှားရှားနေပါ
▪️ အရင်ခေတ်က အလုပ်တွေထက်စာရင် ယနေ့ခေတ်အလုပ်တွေက ကိုယ်ကာယလှုပ်ရှားမှု နည်းပါးလာပါတယ်။

▪️ ဒါဟာ အလုပ်ကြမ်းတွေကနေ ရုံးအလုပ်တွေအဖြစ်သို့ ပြောင်းလဲလာတာကြောင့် ဖြစ်ပါတယ်။

#Source: New York Post

#Local_News
Published_21 April 2025

▪️ ပြင်ဦးလွင်မြို့နယ် တွင် လူနေထိုင်မှုပမာဏတစ်နှစ်ထက်တစ်နှစ်များပြားလာ၍ ရေအရင်းအမြစ်များ စဉ်ဆက်မပြတ်ရရှိရေး ရေရှည်စီမံကိန်း ချမှတ်၍ ဆောင်ရွက်ရန် နစက ဥက္ကဌ က ပြောသည်။

▪️ ယနေ့ ဧပြီလ ၂၀ ရက်က အမျိုးသားအထိမ်းအမှတ် ဥယျာဉ်ရှိ အစည်းအဝေးခန်းမ၌ကျင်းပပြုလုပ်သော မန္တလေးတိုင်းဒေသကြီး၊ ပြင်ဦးလွင်ခရိုင်၊ ပြင်ဦးလွင်မြို့နယ်၊ ရေဖူလုံမှုရှိစေရေး လုပ်ငန်းညှိနှိုင်းအစည်း အဝေးအတွင်း ယင်းက အထက်ပါအတိုင်းပြောကြားခြင်း ဖြစ်သည်။

▪️ ပြင်ဦးလွင်ဒေသ၏ လက်ရှိလူဦးရေနှင့် နောင်အနာဂတ်တွင် တိုးပွားလာနိုင်မည့်လူဦးရေပမာဏကိုပါ ကြိုတင် မျှော်မှန်း၍ စီမံဆောင်ရွက်ထားရှိရန် ၊ အနာဂတ်ကာလ ရေအရင်းအမြစ်လို အပ်ချက်အတွက် ရေရှိနိုင်မှု၊ ရေလှောင်တမံ များအလိုက် ရေသိုလှောင်နိုင်မှုပမာဏများနှင့် သောက်သုံးရေ၊ စိုက်ပျိုးရေပေးဝေရေး လုပ်ငန်းများဆောင်ရွက်ရန်တို့ကို ပြောကြားခဲ့ကြောင်း သိရသည်။

▪️ နစက ဥက္ကဌက လက်ရှိရေရရှိနေသည့် ရေလှောင်တမံများ၏ နှစ်စဉ်ရေရရှိနိုင်မှုနှင့် သိုလှောင်နိုင်မှုပမာဏတို့ကို ဆန်းစစ် သုတေသနပြုလုပ်ရန် ၊ ရေအရင်း အမြစ်များ ဆုံးရှုံးမှုမရှိစေရေးအတွက် ရေလှောင်တမံများအနီးရှိ ရေဝေ ရေလဲတော များကို စနစ်တကျ ထိန်းသိမ်းစောင့်ရှောက်သွားရန် ၊ ဆည်တာတမံများ အတွင်း ရာသီမရွေး ရေရှိနိုင်ရန် ၊ ရေဖူလုံစွာရရှိစေရေး တာဝန်ရှိသူများအနေဖြင့် စီမံဆောင်ရွက်သွားရန်လိုပြီး ဆည်များအတွင်းမှ ကျ ဆင်းသွားသည့် ရေများကိုလည်း အလေအလွင့်အနည်းဆုံးဖြစ်စေရေး တာ၊ တမံများ ကို သုတေသနပြု တည် ဆောက်သွားရန် ၊ သက်ဆိုင်ရာကဏ္ဍများအလိုက် သုတေသနပြုဆန်းစစ်ခြင်း၊ ကွင်းဆင်းဆောင် ရွက်ခြင်း တို့ကို ဆက်လက် ဆောင်ရွက် သွားရန်တို့ကို ပြောကြားခဲ့ကြောင်း သိရသည်။

#Yangon_Times/PP

#World_Science
Published 21 April 2025

▪️ ကမ္ဘာကြီးဟာ လွန်ခဲ့တဲ့ နှစ်ပေါင်း ၁၃.၇ ဘီလီယံခန့်က မွေးဖွားခဲ့တယ်လို့ ယူဆထားပြီး တစ်ချိန်ချိန်အဆုံးသတ်မယ်လို့ သိထားပေမယ့် ဘယ်အချိန်လဲတော့ မသိကြပါဘူး။

▪️ အိန္ဒိယဒဏ္ဍာရီအရတော့ ဒီစကြဝဠာကြီးရဲ့ သက်တမ်းဟာ ဗြဟ္မာသက်တမ်းနဲ့ ဆက်စပ်နေနိုင်ဖွယ် ရှိပါတယ်။

▪️ အူတာပရာဒက်ရှ်မှာရှိတဲ့ ကာရှီဗီရှဝါနက်ဘုရားကျောင်းမှာ ကြေးဝါပြားကြီးအပေါ်မှာ စိန်တိုင်ချောင်း ၃ ချောင်းထားရှိတယ်လို့ ယူဆထားပြီး ကမ္ဘာကြီးရဲ့ဗဟိုတည့်တည့်အဖြစ် ရှိနေပါတယ်။

▪️ ဒီဟာကို ဗြဟ္မာမျှော်စင်တိုင်လို့ခေါ်ပြီး တစ်ချောင်းစီဟာ လက်မ ၂၀ ခန့်မြင့်မားပါတယ်။

▪️ ဒီလောကကြီးကို ဘုရားသခင်ဖန်ဆင်းစဉ်က တစ်တိုင်စီမှာ ရွှေအဝိုင်းပြား ၆၄ ပြားစီထားရှိပါတယ်။

▪️ အောက်ဆုံးမှာ အကြီးဆုံးအပြားရှိပြီး အပေါ်ကအပြားတွေက တဖြည်းဖြည်းသေးသွားပါတယ်။

▪️ အပြားအားလုံးကို တတိယမြောက်တိုင်သို့ ရွှေ့ပြောင်းရမှာဖြစ်ပြီး တစ်ကြိမ်မှာ တစ်ပြားသာ ရွှေ့နိုင်ပါတယ်။

▪️ အလယ်ကတိုင်ကတော့ ကြားခံရွှေ့ပြောင်းဖို့ အသုံးပြုနိုင်ပြီး အဓိကက ပိုသေးတဲ့အပြားက ပိုကြီးတဲ့အပြားအောက်မှာ လုံးဝရှိလို့မရပါဘူး။

▪️ အိန္ဒိယပုံပြင်တွေအရဆိုရင် ဘုန်းကြီးတွေဟာ နေ့စဉ်နဲ့အမျှ ဒီပဟေဌိကို ဖြေရှင်းနေကြပြီး စည်းမျဉ်းတွေကို အပြည့်အဝလိုက်နာကာ အပြား ၆၄ ပြားစလုံး တတိယမြောက်တိုင်ကို ရွှေ့ပြောင်းပြီးတဲ့နေ့ဟာ ကမ္ဘာကြီးကြေပွပျက်စီးပြီး မိုးခြိမ်းသံနဲ့အတူ ကမ္ဘာမြေပျောက်ကွယ်သွားမှာ ဖြစ်ပါတယ်။

▪️ ဘုန်းကြီးတွေသာ နာရီစက္ကန့်တိုင်း အမှားအယွင်းမရှိ ဆက်ပြီးဖြေရှင်းနေမယ်ဆိုရင် ပြောင်းရွှေ့အကြိမ်ပေါင်း ၁၈,၄၄၆,၇၄၄,၀၇၃,၇၀၉,၅၅၁,၆၁၅ ကြိမ်ရွှေ့ရဦးမှာဖြစ်ကာ နှစ်ပေါင်း ၅၈၄ နှစ်ကြာမြင့်မှာပါ။

▪️ ဗြဟ္မာနဲ့ စကြဝဠာသက်တမ်းနှစ်က ၁၀၀ ရှိတယ်လို့ဆိုထားကာ ဒီသက်တမ်းပြည့်ရင် စကြဝဠာအဆုံးသတ်မှာဖြစ်ပေမယ့် ယခုအချိန်မှာ ဗြဟ္မာသက်တမ်းနဲ့ဆိုရင် ၅ ရက်ပဲရှိပါသေးတယ်။

▪️ ရှေးခေတ်အိန္ဒိယတွေ တွက်ချက်ကြည့်ရာမှာ အပြား ၃ ပြားထဲဆိုရင် တတိယမြောက်တိုင်ကို ရွှေ့ပြောင်းဖို့ ၇ ကြိမ်သာရွှေ့ရမှာဖြစ်ပြီး ပုံသေနည်းက 2n - 1 ဖြစ်ပါတယ်။

▪️ ၆၄ ပြားစလုံးဆိုရင်တော့ ၁.၈၄ x ၁၀အညွှန်း၁၉ ကြိမ်ဖြစ်ကာ ပဟေဌိပြီးမြောက်ဖို့အတွက် လက်ရှိစကြဝဠာသက်တမ်းရဲ့ ၄၂ ဆလောက် ကြာမြင့်နိုင်ပါတယ်။

#Source: WION

၂၀ ဧပြီ ၂၀၂၅

တရုတ်နိုင်ငံအစိုးရ၏ သတ္တမအသုတ် အရေးပေါ် လူသားချင်းစာနာမှုဆိုင်ရာ ငလျင်ကယ်ဆယ်ရေး ပစ္စည်းများ  ဧပြီ ၂၀ ရက်က မြန်မာနိုင်ငံသို့ရောက်ရှိလာကြောင်းသိရပါတယ်။

အဆိုပါ ကယ်ဆယ်ရေးပစ္စည်းများသည် ဆေးဝါးပစ္စည်းများဖြစ်ပြီး အလေးချိန် ၉၅တန်ကျော်ရှိပါတယ်။ Amoxicillin ဆေးတောင့် ၈၀၀,၀၀၀ ဗူး၊ Acetaminophen  ထိုးဆေး ၁၂၂,၀၀၀ ပုလင်း၊ Cephradine capsules ၂၂၅,၀၀၀ ဗူး  နှင့် Ibuprofen ၄၈၀,၀၀၀ ဗူး တို့ပါဝင်တယ်လို့ တရုတ်သံရုံးရဲ့ သတင်းထုတ်ပြန် ချက်မှာဖော်ပြထားပါတယ်။

အဆိုပါ ထောက်ပံ့ရေးပစ္စည်းတွေကို ငလျင်ဘေးသင့် ဒေသများသို့ နေ့ချင်းပို့ဆောင်ပေးသွားမယ်လို့ လည်း သိရပါတယ်။

တရုတ်နိုင်ငံသည် ငလျင်ကယ်ဆယ်ရေးပစ္စည်းများကို လေကြောင်းဖြင့် ဆက်တိုက်ပေးပို့လျက်ရှိရာ  ပြီးခဲ့တဲ့ ဧပြီ ၁၁ရက်က ဆဋ္ဌမမြောက်အသုတ်အဖြစ် ရွက်ဖျင်တဲ ၂၃လုံးနှင့်အတူ ချက်ပြုတ်   ပစ္စည်းများ၊ဆိုလာစွမ်းအင်သုံး စာကြည့် မီးလုံးများ၊ ဆပ်ပြာနှင့်ဆပ်ပြာရည်များ ၊ခေါင်းလျှော်     ရည်များ၊ သွားတိုက်ဆေးနှင့်သွားတိုက်သံများ၊  ဆပ်ပြာမှုန့်များပါဝင်ခဲ့ပါတယ်။

တရုတ်နိုင်ငံအပါအဝင် နိုင်ငံပေါင်း ၂၅ နိုင်ငံ သည် မြန်မာငလျင်ဘေးကူညီကယ်ဆယ်ရေးလုပ်ငန်းများ ဆောင်ရွက်ပေးလျက်ရှိကြောင်းသိရပါတယ်။

#ymg/knl

Yangon, April 20, 2025

The seventh batch of emergency humanitarian earthquake relief supplies from the Government of the People’s Republic of China arrived in Myanmar on April 20, according to official reports.

This latest consignment, comprising over 95 tons of medical supplies, includes 800,000 bottles of Amoxicillin tablets, 122,000 bottles of Acetaminophen injections, 225,000 bottles of Cephradine capsules, and 480,000 bottles of Ibuprofen. The Chinese Embassy in Myanmar confirmed the details in a press release.

Authorities have announced that the supplies will be promptly transported to regions most affected by the recent earthquake for immediate distribution and use.

This delivery follows a series of support efforts from China. The sixth batch of relief supplies, which arrived on April 11, contained 23 folding tents, cooking equipment, solar-powered reading lamps, soap and liquid soap, shampoo, toothpaste and toothbrushes, and detergent powder.

To date, China is among 25 countries providing active support for Myanmar's ongoing earthquake relief and recovery operations.

#ymg/knl

#World_Health
Published 20 April 2025

▪️ လူသုံးအများဆုံး သကြားအစားထိုးအမှုန့်တစ်မျိုးဖြစ်တဲ့ ဆူခရယ်လို့စ်က ဆာလောင်မှုကိုထိန်းချုပ်ဖို့ တာဝန်ရှိတဲ့ ဦးနှောက်အစိတ်အပိုင်းတစ်ခုကို နှောင့်ယှက်စေတယ်လို့ သုတေသနအသစ်မှာ ယူဆလာပါတယ်။

▪️ ကယ်လိုရီမတက်စေဘဲ အချိုဓာတ်ရရှိအောင် အသုံးပြုကြတဲ့ သကြားအစားထိုးအမှုန့်တွေက ကိုယ်အလေးချိန် ထိန်းသိမ်းဖို့အတွက် ထိရောက်မှုရှိလားဆိုတာကို မေးခွန်းထုတ်လာကြပါတယ်။

▪️ အမေရိကန်နှလုံးအဖွဲ့အစည်း အကြံပြုချက်အရ အမျိုးသားတွေအနေနဲ့ တစ်နေ့ကို သကြား လက်ဖက်ရည်ဇွန်း ၉ ဇွန်းထက်မပိုအောင်၊ အမျိုးသမီးတွေ ၆ ဇွန်းထက်မပိုအောင် စားသုံးသင့်ပါတယ်။

▪️ ဒီထက်ပိုများရင်တော့ ကယ်လိုရီများလာပြီး ကိုယ်အလေးချိန် တက်စေနိုင်ပါတယ်။

▪️ ဆိုဒါတွေ၊ မုန့်ဖုတ်ပစ္စည်းတွေ၊ ပီကေတို့မှာပါဝင်တဲ့ ဆူခရယ်လို့စ်ဟာ သကြားထက် အဆ ၆၀၀ လောက်ပိုချိုပါတယ်။

▪️ ဆောက်သမ်းကယ်လီဖိုးနီးယားတက္ကသိုလ်မှ သုတေသီများက စမ်းသပ်ခံ ၇၅ ဦးကို ဆူခရယ်လို့စ်ပါဝင်တဲ့ အချိုရည်နဲ့ သကြားပါဝင်တဲ့ အချိုရည်တို့ကို မတူညီတဲ့အချိန်တွေမှာ သောက်သုံးခိုင်းပြီး လေ့လာခဲ့ကြပါတယ်။

▪️ တစ်ခါသောက်ပြီးတိုင်းနဲ့ မသောက်ခင်တို့မှာ သူတို့ရဲ့ ဦးနှောက်လှုပ်ရှားပုံ၊ သွေးပမာဏ၊ ဆာလောင်စိတ်တို့ကို အနီးကပ်စောင့်ကြည့်ခဲ့ပါတယ်။

▪️ ဆူခရယ်လို့စ်သောက်တဲ့အခါမှာ ဦးနှောက်ထဲက ဆာလောင်စိတ်ကို ထိန်းချုပ်ပေးတဲ့ ဟစ်ပိုသဲလမတ်စ်ဆိုတဲ့ အစိတ်အပိုင်းကို လှုံ့ဆော်ပေးပြီး အဝလွန်သူတွေမှာ ဆာလောင်မှုကို မြင့်မားစေပါတယ်။

▪️ ရေရှည်မှာ ဆာလောင်မှုနဲ့ စားသုံးမှုပုံစံတွေ ပြောင်းလဲလာနိုင်တယ်လို့ USC သုတေသနမှ ညွှန်ကြားရေးမှူး ဒေါက်တာ ကက်သ်လင်းအယ်လန်နာပေ့ဂျ်က ရှင်းပြပါတယ်။

▪️ အမျိုးသမီးစမ်းသပ်ခံတွေမှာ အမျိုးသားတွေထက် ဦးနှောက်လှုပ်ရှားမှုပုံစံ ပိုမိုပြောင်းလဲတာကိုလည်း တွေ့ခဲ့ကြပါတယ်။

▪️ သကြားပိုမိုစားသုံးမိခြင်းက ကျန်းမာရေးအန္တရာယ်ရှိသလို သကြားအစားထိုးပစ္စည်းတွေကလည်း ဆိုးကျိုးတွေရှိနေပါတယ်။

▪️ လေ့လာချက်များအရ ဆူခရယ်လို့စ်ဟာ အူလမ်းကြောင်း ကျန်းမာရေး၊ ဒီအင်န်အေ၊ အသည်းအဆိပ်စွန့်ထုတ်ဖြစ်စဉ်တို့ကို ထိခိုက်စေတဲ့အပြင် ဆီးချိုဖြစ်နိုင်ခြေကိုပါ မြင့်မားစေနိုင်တယ်လို့ တွေ့ရှိထားပါတယ်။

#Source: New York Post