#Daily_News
Published 29 December 2025

၁။‌ ‎‎‎ပြည်တွင်းသို့ ခွင့်ဖြင့်ပြန်လာမည့်သူများရွှေ့ပြောင်းလုပ်သား အဝင် သတင်းပို့ရမည်
‎
‎‎‎၂။‎ ဒေါ်လာတစ်သန်းကျော်တန်ဖိုးရှိ ပျားရည်တန်ချိန် ၈၀၀ကျော်တင်ပို့ထား
‎
‎‎၃။‌‌‎ ‎‎‎‎‎‎‎‎‎‎‎‎‎‎‎‎YBS 117 ယာဥ်လိုင်း လမ်းကြောင်းပြောင်းလဲပြေးဆွဲမည်
‎
၄။‎ ‌‌‌‌‌‌‌‌‌‎လျှပ်စစ်သံလိုက်ပင့်တင်စနစ်တပ်ဆင်ထားသည့်တရုတ်လေယာဉ်တင်သင်္ဘော ပထမဆုံးရေကြောင်းလက်တွေ့လေ့ကျင့်ရေးပြုလုပ်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ရန်ကုန်တိုင်းအတွင်းမှာလွတ်လပ်ပြီး တရားမျှတတဲ့ ပါတီစုံဒီမိုကရေစီအထွေထွေရွေးကောက်ပွဲအပိုင်း (၂) နဲ့ (၃) ကို လာမယ့် ဇန်နဝါရီလအတွင်းမှာ မဲရုံပေါင်း ( ၂၄၀၀ ) ကျော်နဲ့ ဖွင့်လှစ်ကျင်းပသွားမယ်လို့ သိရပါတယ်။

#Local_News
Published 29 December 2025
#ရွေးကောက်ပွဲ #ရန်ကုန်တိုင်း
#YMG/NN #Yangon_Times

#Local_News
Published 29 December 2025

▪️ မန္တလေးကျုံးဘေးတွင် ၂၀၂၅ ခုနှစ်မှ ၂၀၂၆ ခုနှစ်ကိုကူးပြောင်းသည့်အထိမ်းအမှတ်အဖြစ်
လာမည့် ၂၀၂၅ခုနှစ် ၃၁ရက် ည၌ နှစ်သစ်ကူးည ပျော်ပွဲရွှင်ပွဲကိုမန္တလေးကျုံးဘေးတစ်လျှောက်တွင် ကျင်းပသွားမည် ဖြစ်ကြောင်းမန္တလေးမြို့တော်စည်ပင်သာယာရေးကော်မတီမှ အသိပေးထားသည်။

▪️ အဆိုပါ နှစ်သစ်ကူး ပျော်ပွဲရွှင်ပွဲကို ဒီဇင်ဘာ ၃၁ ရက်၊ ညနေ ၆ နာရီမှ စတင်ပြီး နှစ်စဉ်ကျင်းပနေကျအတိုင်း ကျုံးတောင်ဘက်ခြမ်း ၊အရှေ့ဘက် ၆၆ လမ်းမှ စည်ပင်ရုံးရှေ့အထိ ကျင်းပသွားမည် ဖြစ်သည်။

▪️ ထို့အပြင် စားသောက်ဆိုင်တန်းတွေကိုလည်း ခင်းကျင်းရောင်းချပေးသွားမည်ဖြစ်ပြီး ဂီတဖျော်ဖြေပွဲများ အဖြစ် နိုင်ငံကျော်အနုပညာရှင်များ၏ ဖျော်ဖြေတင်ဆက်မှုများကိုပါ ထည့်သွင်းကျင်းပသွားမည်ဖြစ်ကြောင်း သိရသည်။

▪️ ၎င်းအပြင် နှစ်ဟောင်းကုန်ဆုံး နှစ်သစ်ကူးပြောင်းစအချိန်၌ မီးရှူးမီးပန်းတစ်ထောင်ကျော် ပစ်ဖောက်ကြိုဆိုသွားမည်ဖြစ်ကြောင်း သိရသည် ။

#YMG/NN #Yangon_Times

#World_News
Published 29 December 2025

■ အမေရိကန်သမ္မတ ဒေါ်နယ်ထရမ့်က ယူကရိန်းသမ္မတ ဗိုလိုဒီမာဇယ်လန်စကီနဲ့ စစ်ပွဲအဆုံးသတ်ရေး သဘောတူညီချက်တစ်ရပ် ရရှိဖို့ အလွန့်အလွန် နီးစပ်လာနေပြီလို့ တနင်္ဂနွေနေ့က ပြောခဲ့ပြီး အငြင်းပွားဖွယ် ဒွန်ဘက်စ်ဒေသရဲ့ ကံကြမ္မာက ဒီပြဿနာကို ဖြေရှင်းရာမှာ အဓိကသော့ချက်ဖြစ်ကြောင်းကိုလည်း သိရှိထားပါတယ်။

■ ခေါင်းဆောင်နှစ်ဦးက ဖလော်ရီဒါရှိ ထရမ့်ရဲ့ Mar-a-Lago အပန်းဖြေအိမ်ရာမှာ တွေ့ဆုံခဲ့ပြီး ယူကရိန်းအတွက် လုံခြုံရေးအာမခံချက်များ ငြိမ်းချမ်းရေးဆွေးနွေးမှုများနဲ့ ဒွန်ဘက်စ်ဒေသပိုင်းခြားရေးတို့မှာ တိုးတက်မှု ရှိနေပြီလို့ ရှင်းလင်းပွဲမှာ ပြောသွားကြပါတယ်။

■ စစ်ပွဲအောင်မြင်စွာ အဆုံးသတ်ရေးအတွက် ညှိနှိုင်းမှုတွေဟာ ရက်သတ္တပတ်များအတွင်း ရှင်းလင်းသွားမှာဖြစ်ပြီး နယ်မြေကိစ္စပြဿနာတွေလည်း ပြေလည်သွားမယ်လို့ ထရမ့်က ပြောပါတယ်။

■ အမေရိကန်ရဲ့ ထောက်ပံ့မှုနဲ့အတူ ဥရောပနိုင်ငံတွေလည်း အရေးပါတဲ့ကဏ္ဍက ပါဝင်ပေးဖို့ ထရမ့်က မျှော်လင့်ထားပါတယ်။

■ ရုရှားအလိုရှိတဲ့အတိုင်း ဒွန်ဘက်စ်ကနေ ယူကရိန်းတပ်များ လုံးဝဆုတ်ခွာပေးရမယ့် အမေရိကန်ရဲ့ အကြံပြုချက်ကို ပျော့ပျောင်းပေးဖို့ ဇယ်လန်စကီက မျှော်လင့်နေပါတယ်။

■ ဒွန်ဘက်စ်ရဲ့အနာဂတ်က မသေချာပေမယ့် ဆွေးနွေးမှုတွေက လမ်းကြောင်းမှန်ပေါ်ရှိနေတယ်လို့ နှစ်ဦးစလုံးပြောခဲ့ပါတယ်။

■ ထိခိုက်ပျက်စီးထားတဲ့ ယူကရိန်းအတွက် ရုရှားသမ္မတ ဗလာဒီမာပူတင်က ပြန်လည်ဆောက်လုပ်ရေးမှာ ကူညီပြီး ဈေးသက်သာတဲ့ စွမ်းအင်တွေ ထောက်ပံ့ကူညီပေးဖို့ ကတိပြုထားပါတယ်။

■ ဒါပေမဲ့ ဥရောပနဲ့ ယူကရိန်းတို့ အဆိုပြုတဲ့ အပစ်အခတ်ရပ်စဲရေးကိုတော့ ရုရှားက ဆန့်ကျင်နေပြီး စစ်ပွဲကြာရှည်မှာကို စိုးရိမ်နေပါတယ်။

■ ဥရောပခေါင်းဆောင်တွေက လုံခြုံရေးအာမခံချက် အရေးကြီးပုံနဲ့ စစ်ပွဲအလျင်အမြန် အဆုံးသတ်ရေးတို့ကို အလေးပေးပြောနေကြပါတယ်။

Source: Reuters

#World_Health
Published 29 December 2025

■ ဆောင်းတွင်းရောက်လာချိန်မှာ ထူထည်စွာ ဝတ်ဆင်ကြပေမယ့် အချို့လူတွေကတော့ အမြဲတမ်း ခြေဖျားလက်ဖျားတွေ အေးစက်နေတဲ့ပြဿနာ ကြုံတွေ့ရတတ်ပါတယ်။

■ ခန္ဓာကိုယ်က အေးလာတဲ့အခါ အလယ်ပိုင်းနဲ့ အဝေးဆုံး ခြေတွေလက်တွေက စတင်အေးစက်လာပါတယ်။

■ ငြိမ်နေတဲ့အချိန်မှာ အတွင်းအင်္ဂါတွေက နွေးထွေးအောင် ပြုလုပ်ပေးပြီး လှုပ်ရှားတဲ့အခါမှာတော့ ကြွက်သားတွေက ပြုလုပ်ပေးပါတယ်။

■ ဒါပေမဲ့ ခြေတွေလက်တွေကတော့ အဓိကအင်္ဂါတွေ ကြွက်သားတွေ မရှိဘဲ အပူတွေ ထုတ်လွှတ်ဖို့သာ တာဝန်ယူရပါတယ်။

■ နှလုံးကနေ လှည့်ပတ်လာတဲ့ သွေးကြောကွန်ရက် အကူအညီဖြင့်သာ နွေးအောင်နေရပါတယ်။

■ အမျိုးသမီးတွေဟာ ခြေလက်သွေးကြောတွေ ပိုမိုကျုံ့သွားတတ်တာကြောင့် ပိုပြီး ခြေတွေလက်တွေ အေးစက်တတ်ပါတယ်။

■ ကိုယ်အလေးချိန်နည်းတဲ့ ကလေးတွေ လူတွေနဲ့ သက်ကြီးရွယ်အိုတွေဟာ ဒီလက္ခဏာ ခံစားရတာ များပါတယ်။

■ ဒါဟာ အအေးဒဏ်ကြောင့် ခြေလက်ကသွေးကြောတွေ ယာယီသွေးမစီးဆင်းတော့ဘဲ ခြေချောင်းလက်ချောင်းတွေ အရောင်ပြောင်းသွားတာကြောင့် ကျန်းမာရေးအတွက် စိုးရိမ်ရပါတယ်။

■ ဒါ့အပြင် ခြေထောက်၊ လက်တို့မှာ သွေးခဲတွေဖြစ်ပြီး အာရုံကြောတွေထိခိုက်ကာ ခန္ဓာကိုယ်ရဲ့ အပူချိန်အာရုံခံနိုင်စွမ်းကို သက်ရောက်စေပါတယ်။

■ ရုတ်တရက် ခံစားရခြင်း၊ အလွန်နာကျင်ခြင်း၊ အနာဖြစ်ခြင်းတို့လို လက္ခဏာတွေ ဖြစ်လာရင်တော့ ချက်ချင်းဆေးကုသမှု ခံယူသင့်ပါတယ်။

■ ခြေချောင်းလက်ချောင်းတွေကို နွေးထွေးအောင်လုပ်ခြင်း၊ လေ့ကျင့်ခန်းလုပ်ခြင်း၊ လက်အိတ်ခြေအိတ်များ ဝတ်ဆင်ခြင်းတို့ဖြင့် ခြေဖျားလက်ဖျား အေးစက်ခြင်းကို သက်သာစေနိုင်ပါတယ်။

Source: Times of India

#World_Health
Published 29 December 2025

■ ကလေးတွေ ဆိုရှယ်မီဒီယာ အသုံးများလာခြင်းကြောင့် အာရုံစူးစိုက်မှု ထိခိုက်လာပြီး အာရုံစိုက်အားနည်း ဂနာမငြိမ်ရောဂါ(ADHD) အဖြစ်များလာစေတယ်လို့ လေ့လာချက်တစ်ခုမှာ တွေ့ရှိထားပါတယ်။

■ အမေရိကန်မှ အသက် ၁၀ နှစ်မှ ၁၄ နှစ်အတွင်း ကလေး ၈,၃၀၀ ကျော်ရဲ့ ဖွံ့ဖြိုးမှုကို စောင့်ကြည့်ခဲ့ရာ ဆိုရှယ်မီဒီယာ အသုံးပြုခြင်းနဲ့ အာရုံမစိုက်နိုင်ခြင်းလက္ခဏာ အဖြစ်များလာခြင်းတို့ ဆက်စပ်နေတာကို တွေ့ခဲ့ရပါတယ်။

■ ကလေးတွေဟာ တစ်နေ့ကို ၂.၃ နာရီခန့် တီဗီကြည့်ခြင်း၊ ဆိုရှယ်မီဒီယာမှာ ၁.၄ နာရီရှိခြင်း၊ ၁.၅ နာရီခန့် ဗီဒီယိုဂိမ်းကစားခြင်းတို့ဖြင့် အချိန်ကုန်နေကြကြောင်း သုတေသီတွေ တွေ့ရှိထားပါတယ်။

■ ဒီရောဂါဟာ အာရုံကြောဖွံ့ဖြိုးမှုရောဂါတစ်မျိုးဖြစ်ကာ စိတ်လိုက်မာန်ပါဖြစ်ခြင်း၊ နေ့စဉ်လုပ်ငန်းဆောင်တာတွေ မေ့လျော့ခြင်း၊ အာရုံစူးစိုက်ရ ခက်ခဲခြင်း စတဲ့လက္ခဏာတွေ ဖြစ်တတ်ပါတယ်။

■ ဖုန်းအသုံးပြုတဲ့အထဲမှာမှ အထူးသဖြင့် ဆိုရှယ်မီဒီယာတွေက ကလေးတွေရဲ့ အာရုံစူးစိုက်မှုတွေကို ထိခိုက်စေတာဖြစ်တယ်လို့ အာရုံကြောသိပ္ပံပရော်ဖက်ဆာ တော်ကယ်ကလင်းဘာ့ဂ်က ပြောပါတယ်။

■ ဆိုရှယ်မီဒီယာတွေကနေ မက်ဆေ့ချ်တွေ၊ အသိပေးချက်တွေ ဝင်လာခြင်းကြောင့် အလွယ်တကူ အာရုံပြောင်းသွားစေပြီး ဘာမက်ဆေ့ချ်ဝင်သလဲဆိုတဲ့ အတွေးက အနှောင့်အယှက်ဖြစ်စေတယ်လို့ ဆိုပါတယ်။

■ ကလေးတွေကြား အာရုံစိုက်အားနည်း ဂနာမငြိမ်ရောဂါ အဖြစ်များလာပြီး ၂၀၀၃-၂၀၀၇ မှာ ၉.၅ ရာခိုင်နှုန်း ရှိခဲ့ရာကနေ ၂၀၂၀-၂၀၂၂ မှာ ၁၁.၃ ရာခိုင်နှုန်းသို့ မြင့်တက်လာပါတယ်။

■ ဆိုရှယ်မီဒီယာ စတင်အသုံးပြုသင့်တဲ့ အသက်အရွယ်ကို ၁၃ နှစ်လို့ အကြံပြုထားပြီး နည်းပညာကုမ္ပဏီတွေအနေနဲ့ အသက်အရွယ် ကန့်သတ်ချက်ခြင်းတွေ၊ ပြတ်သားတဲ့ လမ်းညွှန်ချက်တွေ ထည့်သွင်းဖို့ တောင်းဆိုလာကြပါတယ်။

Source: The Guardian

ပြီးခဲ့တဲ့အပတ်က အတက်အကျအနည်းငယ်ရှိခဲ့တဲ့ စက်သုံးဆီဈေးအားလုံးဟာ အခုတစ်ပတ်မှာတော့ ဈေးအားလုံးကျဆင်းလာတယ်လို့ စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီရဲ့ အခုတစ်ပတ်အတွက်ထုတ်ပြန်တဲ့စာရင်းတွေအရ သိရပါတယ်။

#Local_News
Published 27 December 2025
#စက်သုံးဆီ
#YMG/NN #Yangon_Times

#World_Science
Published 28 December 2025

■ ၂၀၂၇ ဩဂုတ် ၂ ရက်နေ့မှာဖြစ်ပေါ်မယ့် လုံးဝနေကြတ်ခြင်းဖြစ်စဉ်ဟာ ၆ မိနစ်နဲ့ ၂၃ စက္ကန့် ကြာမြင့်မှာဖြစ်ပြီး ရာစုနှစ်အတွင်း အရှည်ကြာဆုံးဖြစ်မယ်လို့ နာဆာက ဖော်ပြထားပါတယ်။

■ အီဂျစ်တောင်ပိုင်း လူဆာနဲ့ အက်စ်ဝမ်တို့မှာ အနီးကပ်ဆုံး တွေ့ရမှာဖြစ်ကာ နေရဲ့စက်ဝန်းရောင်ကို လနားမှာ မြင်နိုင်မှာဖြစ်ပြီး နေ့အလင်းရောင် သိသိသာသာ မှိန်သွားမှာဖြစ်ပါတယ်။

■ နေကြတ်ခြင်းလမ်းကြောင်းက အတ္တလန္တိတ်သမုဒ္ဒရာပေါ်ကနေ စတင်ကာ စပိန်တောင်ပိုင်း၊ မော်ရိုကို၊ အယ်ဂျီးရီးယား၊ တူနီးရှား၊ လစ်ဗျား၊ အီဂျစ်၊ ဆော်ဒီအာရေဗျ၊ ယီမင်တို့ကို ဖြတ်သန်းသွားပြီး ဆိုမာလီကမ်းရိုးတန်းတလျှောက် အဆုံးသတ်မှာဖြစ်ပါတယ်။

■ ထိုလမ်းကြောင်း အပြင်ဘက်နေရာတွေမှာတော့ တစ်စိတ်တစ်ပိုင်း နေကြတ်ခြင်းကိုသာ မြင်ရမှာပါ။

■ ကမ္ဘာ၊ လနဲ့ နေတို့ အလိုက်သင့်တန်းသွားတဲ့အတွက် နေကြတ်ချိန် ကြာရှည်မှာဖြစ်ပါတယ်။

■ ထိုဖြစ်စဉ်အတွင်း လက ကမ္ဘာနဲ့နီးစပ်ပြီး အနည်းငယ် ပိုပြီးတဲ့ပုံပေါ်ကာ ကမ္ဘာကတော့ နေနဲ့ အနည်းငယ်ကွာဝေးပြီး နေကသေးသွားသယောင် ဖြစ်ပေါ်စေမှာပါ။

■ လက နေကို ခါတိုင်းထက် ပိုပြီးပိတ်ကာနေမှာ ဖြစ်ပါတယ်။

■ ယခင်က အရှည်ကြာဆုံး နေကြတ်ခြင်းက ၁၉၉၁ ခုနှစ် ဇူလိုင် ၁၁ ရက်နေ့မှာ ၆ မိနစ် ၅၂ စက္ကန့်ရှိခဲ့ပါတယ်။

■ နေကြတ်ခြင်းကို ကြည့်ရှုလိုသူတွေအနေနဲ့ အသိအမှတ်ပြု ဆိုလာအကာအကွယ်များ မပါဘဲ တိုက်ရိုက်မကြည့်သင့်ပါဘူး။

■ လုံးဝနေကြတ်တဲ့အခါ ကောင်းကင်မှောင်မည်းသွားပြီး အပူချိန် ရုတ်တရက်ကျဆင်းခြင်း၊ အလင်းရောင် ရုတ်တရက်ပြောင်းလဲခြင်း၊ တိရိစ္ဆာန်တွေရဲ့ အပြုအမူ သိသိသာသာ ပြောင်းလဲခြင်းတို့ ဖြစ်နိုင်ပါတယ်။

■ အနာဂတ်မှာ နေကြတ်ခြင်းဖြစ်စဉ်တွေ အချိန်ကြာနိုင်မယ်လို့ ခန့်မှန်းရပေမယ့် ဇူလိုင် ၁၉၉၁ ဖြစ်စဉ်ကိုတော့ ကျော်နိုင်ဖွယ် မရှိပါဘူး။

Source: TimesNowNews

#World_Health
Published 28 December 2025

■ အက်စ်ပါတမီ၊ ဆူခရယ်လို့စ်နဲ့ အမျိုးမျိုးသော သကြားအယ်ကိုဟောတို့လို အချိုဓာတ်ပစ္စည်းတွေက သန့်စင်သကြားပါတဲ့ အစားအစာတွေထက် ကျန်းမာရေးပိုသင့်တော်မယ်လို့ ယူဆကြပါတယ်။

■ ဒါပေမဲ့ သကြားအယ်ကိုဟော ဆော်ဘီတိုလ်ဟာ အများယူဆထားသလို ဘေးအန္တရာယ်မရှိတာမျိုး မဟုတ်ဘူးလို့ သုတေသနအသစ်မှာ တွေ့ရှိလာပါတယ်။

■ ဖရပ်တို့စ်ဟာ အသည်းနဲ့ အခြားခန္ဓာကိုယ် အစိတ်အပိုင်းတွေကို ဘယ်လိုသက်ရောက်စေသလဲဆိုတာ ဝါရှင်တန်တက္ကသိုလ် ဂယ်ရီပက်တီဓာတ်ခွဲခန်းမှ လေ့လာဖော်ပြထားပါတယ်။

■ အသည်းထဲက ဖရပ်တို့စ်တွေက ကင်ဆာဆဲလ်တွေ ကြီးထွားစေတယ်လို့ တွေ့ရှိခဲ့ပါတယ်။

■ ဆော်ဘီတိုလ်က အူထဲက အင်ဇိုင်းတွေကနေ ထုတ်လုပ်ပြီး အသည်းသို့ရောက်တာနဲ့ ဖရပ်တို့စ်အဖြစ်သို့ ပြောင်းလဲသွားပါတယ်။

■ စားပြီးသောက်ပြီးနောက်မှာ ဂလူးကို့စ်ကနေ ဆော်ဘီတိုလ်ကို အူထဲမှာ သဘာဝအတိုင်း ထုတ်လုပ်ပေးပါတယ်။

■ ဆော်ဘီတိုလ်ကနေ ဇီဝဖြစ်စဉ်လမ်းကြောင်းအမျိုးမျိုးကနေ ဖရပ်တို့စ် ထုတ်လုပ်နိုင်ပြီး အစားအစာ၊ အူလမ်းကြောင်း ဘက်တီးရီးယားတို့ကလည်း သက်ရောက်နေပါတယ်။

■ ဆော်ဘီတိုလ်ဟာ ဖရပ်တို့စ်မဖြစ်ခင် တစ်ဆင့်သာလိုအပ်ပြီး အသည်းနဲ့ ဇီဝကမ္မဖြစ်စဉ်တို့မှာ အလားတူ သက်ရောက်စေနိုင်ပါတယ်။

■ အူလမ်းကြောင်း ဘက်တီးရီးယားတွေ လုပ်ဆောင်နိုင်တာထက် ဆော်ဘီတိုလ်ပမာဏ များပြားသွားတဲ့အခါ ပြဿနာတွေ ဖြစ်လာနိုင်ပြီး အသည်းထဲမှာ ဖရပ်တို့စ်အဖြစ်သို့ ပြောင်းလဲစေပါတယ်။

■ ဆီးချိုနဲ့ ဇီဝဖြစ်စဉ်ရောဂါ ရှိသူတွေအတွက် သကြားအစားထိုးပစ္စည်းတွေရဲ့ ဘေးကင်းစိတ်ချရမှုက မေးခွန်းထုတ်စရာဖြစ်လာပြီး နောက်ထပ်သုတေသနများ ပြုလုပ်ဖို့ လိုအပ်လာတာကို မြင်နေရပါတယ်။

Source: SciTechDaily

ဂျပန်နိုင်ငံမှ တိုကျိုအီလက်ထရစ်ပါဝါကုမ္ပဏီ (TEPCO)က ၂၀၂၆ ဇန်နဝါရီ ၂၀ ရက်နေ့မှာ ကာရှီဝါဇာကီ-ကာရီဝါ နျူကလီးယားဓာတ်အားပေးစက်ရုံရဲ့ အမှတ် ၆ ဓာတ်ပေါင်းဖိုကို ပြန်လည်အသုံးပြုသွားမှာဖြစ်တယ်လို့ ဥက္ကဌ တိုမိုအာကီကိုဘာယာကာဝါက ဗုဒ္ဓဟူးနေ့မှာ ပြောပါတယ်။

#Asia_Industry
Published 27 December 2025
#ဂျပန်နိုင်ငံ #TEPCO
#YMG #Yangon_Times #Yangon_Media_Group

#Local_News
Published 27 December 2025
#ကျိုက်ထီးရိုးဘုရား #ကျိုက်ထိုမြို့နယ်
#YMG/NN #Yangon_Times

#Local_News
Published 27 December 2025

▪️ အမျိုးသမီးများအား တရုတ်ဇနီးမယားအဖြစ် လက်ထပ်ပေါင်းသင်းစေကာ ရရှိသော ငွေကြေးအကျိုးအမြတ်ကို ခေါင်းပုံဖြတ်ရယူရန် ဆောင်ရွက်ကြသူများအား လူကုန်ကူးမှုဖြင့် အလုပ်နှင့်ထောင်ဒဏ် နှစ် ၂၀ ချမှတ်ခဲ့ကြောင်း မြန်မာနိုင်ငံရဲတပ်ဖွဲ့မှ သိရသည်။

▪️ ဖြစ်စဉ်မှာ မန္တလေးတိုင်းဒေသကြီး ပြင်ဦးလွင်မြို့နယ် မျှော့တော‌ကျေးရွာနေ မ---(၁၉)နှစ်အား ပြင်ဦးလွင်မြို့နယ် ရပ်ကွက်ကြီး(၂၁) မိုးကြိုးရွာမကြီးနေ မနှင်းနွယ်ဦးနှင့် မနှင်းနှင်းရွှေတို့က ပြင်ဦးလွင်မြို့နယ် ရပ်ကွက်ကြီး(၂၁) လေးအိမ်စုကျေးရွာနေ မမာမာဝင်း(တရုတ်နိုင်ငံသို့ ရောက်ရှိနေသူ)နှင့် ချိတ်ဆက်ကာ လောက်ကိုင်မြို့ရှိ အကင်ဆိုင်တွင် အလုပ်လုပ်ရန် မမာမာဝင်း၏ ခင်ပွန်း ကိုပြည့်ဖြိုးအောင်(လိပ်စာတူ)မှတစ်ဆင့် ပို့ဆောင်ခဲ့ကြောင်း၊ထို့နောက် လောက်ကိုင်မြို့ရှိ အမည်မသိ ရခိုင်အမျိုးသမီး နေထိုင်သည့် အဆောင်သို့ ရောက်ရှိခဲ့ပြီး ၎င်းအားတရုတ်အမျိုးသားနှင့် လက်ထပ်ရမည်ဖြစ်ကြောင်းပြောဆိုသဖြင့် မယူလိုကြောင်း ငြင်းဆန်ခဲ့ရာ မူဆယ်မြို့ရှိ ကိုအေးကျော်ဌေး (ခ)ဗူးသီးထံ ဆက်လက်ပို့ဆောင်ခဲ့ကြောင်း၊ ကိုအေးကျော်ဌေး(ခ)ဗူးသီးက တရုတ်နိုင်ငံ ရွှေလီမြို့ရှိ တရုတ်အမျိုးသားတစ်ဦးထံပို့ပေးမည်၊ တရုတ်ယောက်ျားယူပါက ယွမ် ၁၀၀၀ ပေးမည်ဟု ပြောဆိုသဖြင့် တရုတ်ယောကျ်ားမယူလို၍ ထွက်ပြေးခဲ့ပြီး အမည်မသိတည်းခိုခန်း၌ တည်းခိုနေစဉ် သူငယ်ချင်းဖြစ်သူ၏ အကူအညီဖြင့် မန္တလေးမြို့သို့ ပြန်လည်ရောက်ရှိခဲ့ကြောင်း စိစစ်ပေါ်ပေါက်သဖြင့် အမှတ်(၁၁) လူကုန် ကူးမှုတားဆီးနှိမ်နင်းရေး ရဲတပ်ဖွဲ့စု (မန္တလေး)မှ တရားလိုပြုလုပ် တိုင်တန်းခဲ့ရာ ပြင်ဦးလွင်မြို့မရဲစခန်း(ပ)၂၁၈/ ၂၀၁၅ လူကုန်ကူးမှု တားဆီးနှိမ်နင်းရေးဥပဒေပုဒ်မ ၃၅/၄၄ ဖြင့် အမှုရေးဖွင့် တရားစွဲတင်ခဲ့ပြီး ၂၀၂၅ ခုနှစ် ဒီဇင်ဘာ ၂၂ ရက်တွင် ပြင်လွင်ဦးမြို့ ခရိုင်တရားရုံးက မနှင်းနွယ်ဦး၊ မနှင်းနှင်းရွှေနှင့် ကိုပြည့်ဖြိုးအောင်တို့သုံးဦးအား အလုပ်နှင့်ထောင်ဒဏ် နှစ် ၂၀ စီချမှတ်ခဲ့ပြီး တိမ်းရှောင်တရားခံ မမာမာဝင်းနှင့် ကိုအေး‌ကျော်ဌေးတို့ နှစ်ဦးအား ရာဇဝတ်ကျင့်ထုံး ဥပဒေပုဒ်မ ၈၇/၈၈ ထုတ်ဆင့်အတည်ပြုကာ အမည်မသိ ရခိုင်အမျိုးသမီးမှာ နေရပ်လိပ်စာစုံစမ်းမရသဖြင့် ရာဇဝတ်ကျင့်ထုံး ဥပဒေ ပုဒ်မ ၈၇/၈၈ အတည်ပြုဆောင်ရွက်နိုင်ခြင်းမရှိခဲ့ကြောင်း သိရသည်။

▪️ ထို့အတူ မန္တလေးတိုင်းဒေသကြီး ချမ်းမြသာစည်မြို့နယ် ထွန်တုံးရပ်ကွက် နေ မ---(၂၂)နှစ်ကို မူဆယ်-မန္တလေး ခရီးသည်တင်ယာဉ်ပေါ်၌ ခင်မင်ခဲ့သည့် စစ်ကိုင်းတိုင်းဒေသကြီး ကန့်ဘလူမြို့နယ် သင်တောကျေးရွာနေ မစံပယ်ထူး(ခ)မီးမီးက တရုတ်နိုင်ငံတွင် အလုပ်လုပ်ပါက ငါးလလျှင် ငွေကျပ်သိန်း ၁၀၀ ရရှိမည်၊ လစဉ်ငွေကျပ် သိန်း ၅၀ ရရှိမည်ဟု ပြောဆိုစည်းရုံးကာ ရှမ်းပြည်နယ် (မြောက်ပိုင်း) တန့်ယန်းမြို့နယ် လွယ်ဝေါကျေးရွာအုပ်စု ကန်မိန်း‌ကျေးရွာနေ မအေးမတ်၊ မအေးညွန့်(လိပ်စာတူ)နှင့် တရုတ်နိုင်ငံဖူကျန့်ပြည်နယ် ယုံတိမြို့နယ် လုံရန်မြို့ ဟောရှင်းအုပ်စုလီရှင်းကျေးရွာနေ နိုင်ငံကူးလက်မှတ်အမှတ် EX 9981800 ကိုင်ဆောင်သူ တရုတ် နိုင်ငံသား ကျိုးဝေချန့်တို့နှင့် မန္တလေးမြို့ နေအိမ်တစ်ခု၌ တွေ့ဆုံပေးခဲ့ကြောင်း၊ထို့နောက် ၎င်းတို့လေးဦးက ကြိုတင် ငွေများထုတ်ပေးခြင်း၊ တရုတ်ဇနီးမယားအဖြစ် တရုတ်နိုင်ငံသို့ သွား‌ရောက်ရန်အတွက် မြဝတီမြို့သို့ သွားရောက်၍ ပတ်စ်ပို့ ပြုလုပ်စေခြင်း၊ တရုတ်ယောက်ျား မယူပါက ယွမ် ၁၅၀၀၀ ပေးလျော်ရမည်ဟု ခြိမ်းခြောက်ပြောဆို ရိုက်နှက်ခြင်း၊ အမည်မသိတရုတ်အမျိုးသားများနှင့် ပေါင်းသင်းနေထိုင်စေခြင်းများ စိစစ်ပေါ်‌ပေါက်သဖြင့် အမှတ်(၁၁) လူကုန် ကူးမှုတားဆီးနှိမ်နင်းရေးရဲတပ်ဖွဲ့စု (မန္တလေး)မှ တရားလိုပြုလုပ်တိုင်တန်း ခဲ့ရာ ချမ်းမြသာစည်မြို့နယ် အမှတ်(၁၁)နယ်မြေရဲစခန်း(ပ)၄၄/၂၀၁၅ လူကုန် ကူးမှုတားဆီးနှိမ်နင်းရေး ဥပဒေပုဒ်မ ၃၈(က)/၄၄ ဖြင့် အမှုရေးဖွင့်တရားစွဲတင် ခဲ့ပြီး ၂၀၂၅ ခုနှစ် ဒီဇင်ဘာ ၂၂ ရက်တွင် မဟာအောင်မြေခရိုင် တရားရုံးက မစံပယ်ထူး(ခ)မီးမီး၊ မအေးမတ်နှင့် မအေးညွန့်တို့သုံးဦးကို လူကုန်ကူးမှု တားဆီးနှိမ်နင်းရေးဥပဒေပုဒ်မ ၃၈(က)အရ အလုပ်နှင့်ထောင်ဒဏ်နှစ် ၂၀ စီ ကျခံစေရန်နှင့် တရုတ်နိုင်ငံသားကျိုးဝေချန့်အား လူကုန်ကူးမှုတားဆီးနှိမ်နင်းရေး ဥပဒေပုဒ်မ ၃၅ အရ အလုပ်နှင့် ထောင်ဒဏ် ၁၀ နှစ် ကျခံစေရန် အမိန့်ချမှတ်ခဲ့ကြောင်းသိရသည်။

#YMG/SW #Yangon_Times