#World_Science
Published 13 December 2025

■ ဆွစ်ဇာလန်မှ သိပ္ပံပညာရှင်တွေက မြေငလျင်ရဲ့ သဘာဝကို နားလည်ချင်တာကြောင့် အဲ့လ်ပ်တောင်တန်းအတွင်းထဲမှာ မြေငလျင်များ ဖန်တီးခဲ့ကြပါတယ်။

■ ငလျင်ချက်ချင်းဖြစ်ရခြင်းနဲ့ ပြတ်ရွေ့ကြောတွေအပေါ် သက်ရောက်ပုံတွေကို သိလိုကြပါတယ်။

■ ဒါကြောင့် သုတေသီတွေက ထိန်းချုပ်ထားတဲ့ အခြေအနေတွေဖြင့် ငလျင်တွေကို အတုဖန်တီးကြတာ ဖြစ်ပါတယ်။

■ ရထားစီမံကိန်းအတွက် တစ်ချိန်ကဆောက်လုပ်ခဲ့တဲ့ လိုဏ်ခေါင်းထဲမှာ တုန်ခါမှုတွေကို ဖန်တီးကြပါတယ်။

■ အဲ့လ်ပ်တောင်တွေဟာ ပြတ်ရွေ့ကြောနက်ရှိုင်းတဲ့အတွက် ငလျင်စမ်းသပ်ဖို့ အကောင်းဆုံးနေရာဖြစ်ပါတယ်။

■ ထိုပြတ်ရွေ့ကြောတွေဘေးကနေ ကျောက်တုံးတွေ ချော်ကျတဲ့အခါ တုန်ခါမှုငယ်လေးတွေ ဖြစ်ပေါ်ပါတယ်။

■ ပြတ်ရွေ့ကြောတစ်ခုထဲ ရေထည့်သွင်းလိုက်ခြင်းဖြင့် ငလျင်တွေ ဖန်တီးနိုင်ပါတယ်။

■ ဒီလိုငလျင်တွေက အဲ့လ်ပ်တောင်တွေမှာ တစ်ချိန်လုံးဖြစ်နေခဲ့ပြီး သုတေသီတွေကတော့ သူတို့လိုချင်တဲ့တစ်ခုကို ရွေးချယ်လှုပ်ခတ်စေတာဖြစ်တယ်လို့ ETH ဇူးရစ်မှ ငလျင်နှင့်ဘူမိရွေ့လျားမှု ပရော်ဖက်ဆာ ဒိုမီနီကိုဂီယာဒီနီက ပြောပါတယ်။

■ လှုပ်ခတ်တဲ့အခါ တိုင်းတာမှုတွေ ပြုလုပ်နိုင်ဖို့ ငလျင်တိုင်းကိရိယာတွေ မြန်နှုန်းတိုင်းကိရိယာတွေကို အများအပြား နေရာချထားပါတယ်။

■ သုတေသီတွေက ငလျင်ပေါင်း သိန်းနဲ့ချီ ဖန်တီးနိုင်ခဲ့ကြပေမယ့် ပြင်းအားအဆင့် သုညသာ ဖြစ်နေပါတယ်။

■ ဒီလေ့လာချက်တွေကနေ ငလျင်အတိုင်းအတာတစ်ခု ဖြစ်စေတဲ့အကြောင်းအရာတွေနဲ့ ဘယ်ပြတ်ရွေ့ကြောတွေက ပိုပြီးအန္တရာယ်ရှိလဲဆိုတာကို သိရှိစေမှာဖြစ်ပါတယ်။

Source: WION

#World_Health
Published 13 December 2025

■ နံနက်ခင်းမှာ လူတွေက အပြေးအလွှား လှုပ်ရှားနေရကာ မနက်စာစားဖို့ အချိန်မရှိတာကြောင့် မစားဖြစ်လေ့ရှိကြပါတယ်။

■ မနက်ပိုင်းစောစောထပြီး ၂ နာရီ ၃ နာရီလောက်အထိ ဗိုက်ထဲအစာမရှိဘဲ နေတတ်ကြပါတယ်။

■ စားဖို့ကြံတဲ့အချိန်မှာ အဆာလွန်နေပြီး ကျန်းမာရေးအတွက် မကောင်းတာတွေ စားဖြစ်ကြတာကြောင့် ကျန်းမာရေးကို အသံတိတ်ဒုက္ခပေးနေပါတယ်။

■ မနက်စာမစားတဲ့အခါ ဖြစ်ပျက်တာတွေကို အာဟာရပညာရှင် ပူဂျာမာခီဂျာက ပြောသွားပါတယ်။

■ မနက်စာ မစားလေ့ရှိသူတွေကို လေ့လာချက်ပေါင်း ၄၅ ခုဖြင့် ဆန်းစစ်ခဲ့ရာမှာ ၃၁ ရာခိုင်နှုန်းက ဝမ်းဗိုက်အဆီထွက်ခြင်း၊ ၄၈ ရာခိုင်နှုန်းက ကိုယ်အလေးချိန်များခြင်း၊ ၄၄ ရာခိုင်နှုန်းက အဝလွန်ခြင်း ဖြစ်နိုင်ခြေများတာကို တွေ့ခဲ့ရပါတယ်။

■ တစ်နေ့တာ အစပိုင်းမှာ မစားတဲ့အတွက် အာဟာရဓာတ်ချို့တဲ့ခြင်းနဲ့ ခန္ဓာကိုယ်စတင်လှုပ်ရှားရပါတယ်။

■ ဒီအခါမှာ အလွယ်တကူစားသုံးနိုင်တဲ့ ကျန်းမာရေးနဲ့ မညီညွတ်တဲ့ စားစရာတွေ စားမိပါတော့တယ်။

■ Clinical Nutrition အမေရိကန်ဂျာနယ် ဖော်ပြချက်အရ မနက်စာမစားခြင်းဖြင့် ဆီးချိုဖြစ်နိုင်ခြေ မြင့်မားစေနိုင်ပါတယ်။

■ မနက်စာကို အဓိကအားဖြင့် များများစားသုံးတဲ့ သူတွေကတော့ ညဘက်မှာ အစားများသူတွေထက် ကိုယ်အလေးချိန် ပိုကျနိုင်တာကိုလည်း တွေ့ရပါတယ်။

■ မနက်စာမစားတဲ့အခါ ခန္ဓာကိုယ်က ဆာလောင်တာကို ဖြည့်ဆည်းဖို့ နေ့လယ်စာပိုစားမိပြီး အလွန်အကျွံစားမိတဲ့ သံသရာလည်သွားနိုင်ပါတယ်။

Source: NDTV

ရုရှားတို့က ယူကရိန်းစစ်တပ်ကို ဆက်လက်ဝိုင်းရံထားတယ်လို့ တနင်္ဂနွေနေ့ကပြောထားကာ ထိုနေ့မှာပဲယူကရိန်းဘက်ကတော့ ခုခံရေးတွေ ဆက်လက်ထိန်းသိမ်းထားတယ်လို့ ဆိုပါတယ်။

#World_News
Published 12 December 2025
#ရုရှား #ယူကရိန်း
#YMG #Yangon_Times #Yangon_Media_Group

မြန်မာနိုင်ငံတော်ဗဟိုဘဏ်က စက်သုံးဆီလုပ်ငန်းရှင်တွေအတွက် ယခုလအတွင်း ဒုတိယအကြိမ်‌မြောက်အဖြစ် အမေရိကန်ဒေါ်လာ ၂၈ သန်းကို ရောင်းချပေးသွားမယ်လို့ ယမန်နေ့ကထုတ်ပြန်ကြေညာထားပါတယ်။

#Local_News
Published 12 December 2025
#စက်သုံးဆီ #အမေရိကန်ဒေါ်လာ
#YMG/SW #Yangon_Times

ရှမ်းပြည်နယ်ရှိ တောင်ကြီး - ပေါမူ၊ ပေါမူ - တောင်ကြီး ရှုခင်းကြည့်ရထားခရီးစဉ် တွေကို အပတ်စဉ်စနေ ၊တနင်္ဂနွေနေ့ နဲ့ ရုံးပိတ်ရက်တွေမှာ ပြေးဆွဲပေးနေတယ်လို့ မြန်မာ့မီးရထားကသိရပါတယ်။

#Local_News
Published 12 December 2025
#တောင်ကြီး_ပေါမူ
#YMG/NN #Yangon_Times

#Local_News
Published 12 December 2025

▪️ မြန်မာ့လက်ရွေးစင် အမျိုးသမီးအသင်းနည်းပြချုပ် Mr. Tesuro Uki သည် ၂၀၂၅ ဆီးဂိမ်းစ် အမျိုးသမီးဘောလုံးပြိုင်ပွဲတွင် မြန်မာအသင်းအုပ်စုအဆင့်မှ ကျော်လွန်နိုင်ခြင်းမရှိသည့်အတွက် ယမန်နေ့ညက နည်းပြချုပ်ရာထူးမှ နုတ်ထွက်လိုက်ပြီဖြစ်ကြောင်း မြန်မာနိုင်ငံဘောလုံးအဖွဲ့ချုပ် MFFမှ အသိပေးထားသည်။

▪️ ထိုင်းနိုင်ငံတွင် ကျင်းပလျက်ရှိသည့် ၂၀၂၅ ဆီးဂိမ်းစ်ပြိုင်ပွဲ အမျိုးသမီးဘောလုံး ပွဲစဉ်များတွင် မြန်မာအသင်းသည် နှစ်ပွဲ နိုင်၊ တစ်ပွဲရှုံး ရမှတ် ၆ မှတ်ဖြင့် ဖိလစ်ပိုင်အသင်းနှင့် အမှတ်တူသော်လည်း ဂိုးကွာခြားချက်ကြောင့် အုပ်စုအဆင့်ဖြင့်သာ ကျေနပ်ခဲ့ရကြောင်းသိရသည်။

▪️ အဆိုပါ အသက် ၅၄ နှစ်အရွယ် ဂျပန်နိုင်ငံသား နည်းပြ ယုကီ သည်၂၀၂၃ ခုနှစ်မှစ၍ မြန်မာ့လက်ရွေးစင် အမျိုးသမီးအသင်း နည်းပြချုပ်ဖြစ်လာခဲ့သူဖြစ်သည်။

▪️ မြန်မာအမျိုးသမီးအသင်းအား ၂၀၂၃ ဆီးဂိမ်းစ်တွင် ဒုတိယ၊ ၂၀၂၅ နီပေါ ဖိတ်ခေါ်ဖလား ချန်ပီယံဆု နှင့် ၂၀၂၅ အာဆီယံချန်ပီယံရှစ်တွင် ဒုတိယဆုတို့ရရှိခဲ့ပြီး အိုလံပစ်ခြေစစ်ပွဲ၊ အာရှဖလားခြေစစ်ပွဲတို့တွင် ခြေစစ်ပွဲမအောင်ခဲ့သလို ယခုနှစ်ဆီးဂိမ်းစ်တွင်လည်း အုပ်စုမှကျော်လွန်နိုင်ခြင်း မရှိခဲ့ကြောင်းသိရသည်။

▪️ မြန်မာနိုင်ငံဘောလုံးအဖွဲ့ချုပ်အနေဖြင့် Mr. Tesuro Uki ၏ အနာဂတ်တွင်အောင်မြင်မှုများ ရရှိပါစေကြောင်း ဆုမွန်ကောင်းတောင်းပေးထားကြောင်း သိရသည်။

#YMG/NN #Yangon_Times

ဆက်တိုက်ကျဆင်းနေခဲ့တဲ့ စားအုန်းဆီရည်ညွန်းဈေးဟာယခုတစ်ပတ်မှာလည်းထပ်မံကျဆင်းလာတာကို အပတ်စဉ်ထုတ်ပြန်ပေးနေတဲ့ ရည်ညွန်းဈေးနှုန်းများအရသိရပါတယ်။

#Local_News
Published 12 December 2025
#စားအုန်းဆီ
#YMG/SW #Yangon_Times

အခုတစ်ပတ်အတွက်စက်သုံးဆီဈေးအားလုံးကကျဆင်းလာပြီး တစ်လီတာကို ၃၅ကျပ် ကနေ ၁၂၀ ကျပ် အထိ ကျဆင်းလာတယ်လို့ စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီရဲ့ ဒီကနေ့ ထုတ်ပြန်တဲ့ စာရင်းတွေအရသိရပါတယ်။

#Local_News
Published 12 December 2025
#စက်သုံးဆီ
#YMG/NN #Yangon_Times

#Daily_News
Published 12 December 2025

၁။‌ ‎‎စားအုန်းဆီအခြေခံလက်ကား ရည်ညွှန်းဈေးထပ်မံကျဆင်း
‎
‎၂။ ‌‌‌‌‌‌‌‌‌‌‌‎‎တောင်ကြီး - ပေါမူ၊ ပေါမူ - တောင်ကြီး ရှုခင်းကြည့်ရထားခရီးစဉ်များကို အပတ်စဉ်ရုံးပိတ်ရက်များ၌ ပြေးဆွဲပေးနေ 
‎
‎‎‎၃။‌‌‎ ‎‎‎စက်သုံးဆီလုပ်ငန်းရှင်များအတွက်ယခုလအတွင်း ဒုတိယအကြိမ်အဖြစ်ဒေါ်လာ(၂၈)သန်း ရောင်းပေးမည်
‎
‎‎၄။‎ ‌‌‌‌‌‌‌‌‌‎ရုရှားတို့ကယူကရိန်းကိုဆက်လက်ဝိုင်းရံထားသည်ဟုဖော်ပြသလို ယူကရိန်းကလည်းဆက်လက်ခုခံထိန်းသိမ်းနေသည်ဟုထုတ်ပြန်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 12 December 2025

■ ထိုင်းနိုင်ငံသည် ကပ္ပလီပင်လယ်ပြင်အတွင်း ကမ်းလွန်ရေနံနှင့် သဘာဝဓာတ်ငွေ့ ရှာဖွေရေးအတွက် လေလံအဆိုပြုလွှာများ ဖိတ်ခေါ်သွားမည်ဖြစ်ပြီး၊ ယင်းအတွက် အစိုးရအဖွဲ့၏ အတည်ပြုချက်ကို ယခုလကုန်တွင် ရရှိရန်မျှော်လင့်ထားကြောင်း စွမ်းအင်ဝန်ကြီးဌာန အမြဲတမ်းအတွင်းဝန် Prasert Sinsukprasert က ပြောကြားခဲ့သည်။

■ ယခုပြုလုပ်မည့် (၂၆) ကြိမ်မြောက် လေလံပွဲသည် စတုရန်းကီလိုမီတာ ၆၈,၀၀၀ ကျယ်ဝန်းသည့် ရှာဖွေရေးနှင့် ထုတ်လုပ်ရေး (E&P) လုပ်ကွက်ဧရိယာ တစ်ခုတည်းကိုသာ အကျုံးဝင်မည်ဖြစ်သည်။

■ အဆိုပါတင်ဒါခေါ်ယူမှုတွင် Chevron၊ TotalEnergies၊ Eni၊ Mubadala Energy နှင့် PTT Exploration and Production (PTTEP) စသည့် ကမ္ဘာ့ထိပ်တန်းရေနံကုမ္ပဏီကြီးများက စိတ်ဝင်စားနေကြကြောင်း သူကပြောကြားခဲ့သည်။

■ ကပ္ပလီပင်လယ်ပြင်၏ ဘူမိဗေဒအနေအထားသည် ကြီးမားသော သိုက်များတွေ့ရှိထားသည့် အနီးနားရှိ အင်ဒိုနီးရှားရေပိုင်နက် ရှိဘူမိအနေအထားနှင့်တူညီမှုရှိသည်ဟု ထိုင်းစွမ်းအင်တာဝန်ရှိသူများက ယုံကြည်ထားကြသည်။

■ ၂၀၂၃ ခုနှစ်တွင် အဘူဒါဘီအခြေစိုက် Mubadala Energy ကုမ္ပဏီသည် အင်ဒိုနီးရှား နိုင်ငံ၏ တောင်ဘက် ကပ္ပလီလုပ်ကွက်တွင် သဘာဝဓာတ်ငွေ့ ကုဗပေ ၇ ထရီလီယံ တွေ့ရှိခဲ့ကြောင်း ကြေညာခဲ့သည်။

■ ရေနက်ပိုင်းရှာဖွေရေး နည်းပညာတိုးတက်လာမှုများကြောင့် မိမိတို့ပိုင်နက်အတွင်းရှိ သိုက်များကို နောက်ဆုံးတွင် ဖော်ထုတ်နိုင်လိမ့်မည်ဟု ထိုင်းနိုင်ငံတွင်းထွက်လောင်စာဌာန (DMF) က မျှော်လင့်ထားသည်။

■ ၁၉၇၁ ခုနှစ်မှ ၂၀၀၅ ခုနှစ်အကြား လိုင်စင်ပေါင်း ၁၄ ကြိမ် ချထားပေးခဲ့သော်လည်း စီးပွားဖြစ်တွေ့ရှိမှု တစ်စုံတစ်ရာမရှိခဲ့ပေ။

■ ၂၀၀၅ ခုနှစ် ဇူလိုင်လက ပြုလုပ်ခဲ့သည့် နောက်ဆုံးအကြိမ် ရှာဖွေရေးကြိုးပမ်းမှုတွင်လည်း ရေနံအစအန အနည်းငယ်သာတွေ့ရှိခဲ့ရသည်။

■ ကပ္ပလီမြစ်ဝှမ်းဒေသ တစ်ခုလုံးသည် နိုင်ငံတကာရေနံကုမ္ပဏီများ၏ အာရုံစိုက်မှုကို အသစ်တစ်ဖန် ပြန်လည် ရရှိနေသည်။

■ အိန္ဒိယနိုင်ငံတွင် နိုင်ငံပိုင် Oil and Natural Gas Corporation နှင့် Oil India တို့သည် ကပ္ပလီ ကျွန်းစုများ (Andaman Islands) တစ်ဝိုက်တွင် ကမ်းလွန်တွင်းတူးဖော်ခြင်း လုပ်ငန်းများကို လုပ်ဆောင်လျက်ရှိသည်။

■ ယင်းအတောအတွင်း မလေးရှားနိုင်ငံ၏ သက်ဆိုင်ရာဝန်ကြီးဌာနကလည်း အိမ်နီးချင်း Langkasuka မြစ်ဝှမ်း ဒေသတွင် စူးစမ်းလေ့လာခွင့်ကို Eni၊ TotalEnergies၊ BP၊ PTTEP၊ Petronas နှင့် Pertamina အပါအဝင် ကုမ္ပဏီအများအပြားအား မကြာသေးမီက ချထားပေးခဲ့သည်။

■ အခြားဖြစ်ပေါ်တိုးတက်မှုတစ်ခုအနေဖြင့် DMF သည် (၂၅) ကြိမ်မြောက် ကုန်းတွင်းပိုင်းလုပ်ကွက်လေလံပွဲ အောင်မြင်သူများကို ယခုလနှောင်းပိုင်းတွင် ကြေညာရန်ပြင်ဆင်နေသည်။

■ အဆိုပါတင်ဒါသည် အရှေ့မြောက်ပိုင်းတွင် (၇) ကွက်နှင့် အလယ်ပိုင်းဒေသတွင် (၂) ကွက် စုစုပေါင်း လုပ်ကွက် (၉) ခု ပါဝင်ပြီး စတုရန်းကီလိုမီတာ ၃၃,၀၀၀ ကျော် ကျယ်ဝန်းသည်။

■ ယခုလေလံပွဲများသည် ၂၀၀၇ ခုနှစ်နောက်ပိုင်း ထိုင်းနိုင်ငံ၏ ပထမဆုံးသော ကုန်းတွင်းပိုင်းရှာဖွေရေး လေလံပွဲများဖြစ်လာသည်။

■ နောက်ဆုံးအဆင့် လေလံဆွဲသူများတွင် Hong Kong and China Gas Co ကျောထောက် နောက်ခံပြုထားသည့် ECO Orient Companies နှင့် မလေးရှားနိုင်ငံ Dialog ပိုင်ဆိုင်သည့် Pan Orient Energy (Siam) ကဲ့သို့သော နိုင်ငံတကာကုမ္ပဏီများအပြင် CanAsia Energy နှင့် ပူးပေါင်းထားသည့် ထိုင်းနိုင်ငံမှ Sea Oil တို့လည်းပါဝင်သည်။

#Local_News
Published 12 December 2025

■ ပြင်ဦးလွင်မြို့၌ ပြင်ဦးလွင်ဘူတာအနီး မီးရထားဟိုတယ်နှင့်အဆင့်မြင့်ဈေးဝယ်စင်တာ တည်ဆောက်မည်ဖြစ်ကြောင်း ပို့ဆောင်ရေးနှင့်ဆက်သွယ်ရေးဝန်ကြီးဌာနမှသိရသည်။

■ ပြည်ထောင်စုဝန်ကြီး ဦးမြထွန်းဦးသည် တာဝန်ရှိသူများနှင့်အတူ ယမာန်နေ့မနက်ပိုင်းတွင် ပြင်ဦးလွင်မြို့ရှိ ပြင်ဦးလွင်ဘူတာအနီး မီးရထားဟိုတယ်နှင့် အဆင့်မြင့်ဈေးဝယ်စင်တာ တည်ဆောက်မည့် မြေနေရာ၊ ဘောလုံးကွင်းတည်ဆောက်မည့် မြေနေရာ၊ ရတနာပုံမြို့သစ်စီမံကိန်းရှိ ရတနာပုံ Cyber City စီမံကိန်းအဆောက်အအုံများနှင့် အိမ်ရာစီမံကိန်းနေရာများ၊ ပြင်ဦးလွင်မြို့ ပဒေသာမြို့သစ် ရပ်ကွက် ကြီး (၈) နှင့် ရပ်ကွက်ကြီး (၁၀)တို့ရှိ လမ်းများ တိုးချဲ့၊ ပြုပြင်ခြင်းလုပ်ငန်းဆောင်ရွက်မည့် အခြေအနေနှင့် ပန်းပွဲတော်ကျင်းပလျက်ရှိသည့် အမျိုးသားကန်တော်ကြီးဥယျာဉ်တို့ကို သွားရောက်ကြည့်ရှု စစ်ဆေးသည်။

■ နိုင်ငံတော်ယာယီသမ္မတ၏ လမ်းညွှန်ချက်အရ စီမံဆောင်ရွက်လျက်ရှိသည့် ပြင်ဦးလွင်ဘူတာ အနီး 3 Star အဆင့်ရှိ မီးရထားဟိုတယ်နှင့်အဆင့်မြင့် ဈေးဝယ်စင်တာ တည်ဆောက်မည့်နေရာသို့ရောက်ရှိရာ တာဝန်ရှိသူများက တည်ဆောက်မည့် အဆောက်အအုံနှင့်ပတ်သက်၍ အသေးစိတ်ရှင်းလင်းတင်ပြကြသည်။

■ တင်ပြမှုများအပေါ် ပြည်ထောင်စုဝန်ကြီးက တည်ဆောက်မည့် အဆောက်အအုံသည် အဆင့်မြင့်လေးထပ် အဆောက်အအုံဖြစ်သဖြင့် ငလျင်ဒဏ်ခံနိုင် အောင် Pile Foundation ဖြင့် တည်ဆောက်သွားရန်ဖြစ်ကြောင်း၊ အဆောက်အအုံကို သဘာဝအလင်းရောင်နှင့် လေဝင်လေထွက်ကောင်းမွန်သော၊ လက်ရှိရှေးဟောင်းအဆောင်အအုံဖြစ်သည့် ပြင်ဦးလွင်ဘူတာ၏ Design ပုံစံနှင့် လိုက်လျောညီထွေရှိစေမည့် ဗိသုကာဒီဇိုင်းပုံစံဖြင့် Conceptual Plan ပုံစံအား ရေးဆွဲတင်ပြသွားရန်ဖြစ်ကြောင်း၊ Landscaping နှင့် Drainage System မှအစ စနစ်တကျတွက်ချက် ရေးဆွဲရန်ဖြစ်ကြောင်း၊ 3 Stars အဆင့်ရှိသည့် ဟိုတယ်ဖြစ်သဖြင့် ဟိုတယ်အခန်းများသည် အဆင့်နှင့် လျော်ညီသော အကျယ်အဝန်းနှင့် Facility ရှိသည့် Design ပုံစံရှိရန် လိုအပ်ကြောင်း၊ အဆင့်မြင့် ဈေးကိုပါ ထည့်သွင်းတည်ဆောက်ရမည့် Design ပုံစံဖြစ်သဖြင့် ဟိုတယ်တွင် လာရောက်တည်းခိုမည့် ဧည့်သည်များနှင့် ဈေးဝယ်လာရောက်ကြမည့် ဧည့်သည်များအတွက် စံနှုန်းနှင့်ကိုက်ညီသော Facility ရှိရန်လိုကြောင်းမှာကြားပြီး စီမံကိန်းမြေနေရာများအား လိုက်လံကြည့်ရှုစစ်ဆေးကာ လိုအပ်သည်များပေါင်းစပ်ညှိနှိုင်းဆောင်ရွက်ပေးသည်။

■ ထို့နောက် ယာယီသမ္မတ၏လမ်းညွှန်ချက်အရ တည်ဆောက်ရန်လျာထားသည့် ပြင်ဦးလွင်မီးရထား ရိပ်သာနှင့် စက်ခေါင်းစက်ရုံအကြား ဘောလုံးကွင်း အသစ်တည်ဆောက်မည့်မြေနေရာသို့ လည်းကောင်း၊ ရတနာပုံမြို့သစ်စီမံကိန်း၏ ရတနာပုံ Cyber City အဆောက်အအုံများ၊ အိမ်ရာအဆောက်အအုံများ၊ လမ်းများကိုလည်းကောင်း ကြည့်ရှုစစ်ဆေးပြီး လုပ်ငန်းဆိုင်ရာများ မှာကြားသည်။

■ ယင်းနောက် ပြင်ဦးလွင်မြို့ ပဒေသာမြို့သစ်၊ ရပ်ကွက်ကြီး(၈)သို့ ရောက်ရှိရာ တာဝန်ရှိသူများ၏ ရပ်ကွက်ကြီး (၈) နှင့် ရပ်ကွက်ကြီး(၁၀)တို့ရှိ အဓိက လမ်းမကြီးများအား လမ်းတိုးချဲ့ရန်၊ လမ်းပြုပြင်ရန် နှင့် နိုင်လွန်ကတ္တရာခင်းရန် လျာထားသည့်လုပ်ငန်းများအား ရှင်းလင်းတင်ပြမှုများအပေါ် ပြည်ထောင်စုဝန်ကြီးက လုပ်ငန်းလိုအပ်ချက်များကို ဆွေးနွေးမှာကြားပြီး နဝရတ်လမ်း၊ သိင်္ဂီလမ်း၊ ရတနာလမ်းနှင့် ပြည်သာယာလမ်းများတစ်လျှောက် ကြည့်ရှုစစ်ဆေး သည်။

■ ဆက်လက်၍ ပြင်ဦးလွင်မြို့ ရပ်ကွက်ကြီး (၆) ရှိ အမျိုးသားကန်တော်ကြီးဥယျာဉ် အဝင်လမ်း တစ်လျှောက် ခြံစည်းရိုးနှင့်ကားလမ်းမဘေး လူသွားစင်္ကြံလမ်းနှင့် ခြံစည်းရိုးကာရံခြင်းလုပ်ငန်း၊ ခြံစည်းရိုးများအား ဆေးသုတ်ခြင်းနှင့် ချိန်းလင့်သံဆန်ခါထိပ်ပိုင်းများ၌ သံပြားများ ဖြည့်စွက်တပ်ဆင်ဆောင်ရွက်နေမှု ကိုလည်းကောင်း၊ အမျိုးသားကန်တော်ကြီးဥယျာဉ်သို့ နိုင်ငံတော်ယာယီသမ္မတ လာရောက်စစ်ဆေးခဲ့စဉ် လမ်းညွှန်မှာကြားချက်များအပေါ် အကောင်အထည် ဖော်ဆောင်ရွက်နေမှုကိုလည်းကောင်း ကြည့်ရှုစစ်ဆေးပြီး ပန်းပွဲတော်သို့ လာရောက်သူများအား ရင်းရင်းနှီးနှီးနှုတ်ဆက်ခဲ့ကြောင်းသိရသည်။

#YMG/NN #Yangon_Times

#Local_News
Published 12 December 2025
‎
‎▪️ရွေးကောက်ပွဲအောင်မြင်စွာကျင်းပနိုင်ရေးသည် နိုင်ငံ၏ဂုဏ်သိက္ခာဖြစ်၍ ရွေးကောက်ပွဲကျင်းပမည့်နေ ရာများအားလုံးတွင် အောင်မြင်စွာကျင်းပနိုင်ရေးအတွက် အားလုံးက ဝိုင်းဝန်းဆောင်ရွက်သွားကြရန်လိုကြောင်း ပြည်ထောင်စုသမ္မတမြန်မာနိုင်ငံတော် ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် ကပြောသည်။
‎
‎▪️ဒီဇင်ဘာလ ၁၁ ရက် မွန်းလွဲပိုင်းတွင် ရန်ကုန်တိုင်းဒေသကြီးအစိုးရအဖွဲ့ဝင်များ၊ တိုင်းဒေသကြီးနှင့် ခရိုင်အဆင့် ဌာနဆိုင်ရာတာဝန်ရှိသူများအား တိုင်းဒေသကြီးအစိုးရအဖွဲ့ရုံး၊ မင်္ဂလာခန်းမ၌ တွေ့ဆုံ၍ ဒေသဖွံဖြိုး တိုးတက်ရေးဆိုင်ရာများ ဆွေးနွေးပြောကြားစဉ် ယင်းကအထက်ပါအတိုင်းပြောကြားခြင်းဖြစ်သည်။
‎
‎▪️ရွေးကောက်ပွဲ ကျင်းပရာတွင် မဲမသမာမှုများပြုလုပ်၍မရနိုင်သည့် မြန်မာအီလက်ထရောနစ် မဲပေးစက်(MEVM)များ ဖြင့် မဲပေးနိုင်ရေးဆောင်ရွက်လျက်ရှိကြောင်း၊ လွတ်လပ်ပြီး တရားမျှတသည့် ရွေး ကောက်ပွဲ၊ သိက္ခာရှိသည့်ရွေးကောက်ပွဲဖြစ်စေရေး အားလုံးကဝိုင်းဝန်း ဆောင်ရွက်သွား ကြရန်လိုကြောင်းလည်း ယာယီသမ္မတက ပြောသည်။
‎
‎▪️အလားတူ ရွေးကောက်ပွဲကျင်းပပြီးစီးချိန်တွင် လွှတ်တော်ကိုခေါ်ယူ၍ အသစ် ဖွဲ့စည်းမည့်အစိုးရအား နိုင်ငံတော်၏တာဝန်များကိုလွှဲပြောင်းပေးအပ်သွားမည်ဖြစ်ကြောင်း၊ ရွေးကောက်ပွဲသည် ဒီမိုကရေစီနိုင်ငံစ နစ်အရ၊ ဖွဲ့စည်းပုံအခြေခံဥပဒေ (၂၀၀၈ ခုနှစ်)အရ မဖြစ်မနေ အောင်မြင်အောင်ဆောင်ရွက်သွားရမည့်လုပ်ငန်းရပ်ဖြစ်ကြောင်း၊ ထို့ကြောင့် ရန်ကုန်တိုင်းဒေသကြီးအစိုးရအဖွဲ့မှ တာဝန်ရှိသူများအနေဖြင့်လည်း ရွေးကောက်ပွဲ အောင်မြင်စွာကျင်းပနိုင်ရေး ဝိုင်းဝန်းဆောင်ရွက်သွားကြရန်လိုကြောင်းပြောကြားခဲ့ကြောင်း သိရသည်။
‎
‎▪️ယခု ဒီဇင်ဘာ ၂၈ ရက်တွင် ရွေးကောက်ပွဲကို ကျင်းပပြုလုပ်သွားမည်ဖြစ်ပြီး အပိုင်းသုံးပိုင်းခွဲ၍ ကျင်းပပြုလုပ်သွားမည် ဖြစ်ကြောင်း၊ ရန်ကုန်တိုင်းဒေသကြီးအတွင်း ရွေးကောက်ပွဲရာနှုန်းပြည့် အောင်မြင်စွာကျင်းပနိုင်ရေးဆောင်ရွက်သွားကြရန်လိုကြောင်း၊ လွတ်လပ်ပြီးတရားမျှတသော ပါတီစုံဒီမိုကရေစီ အထွေထွေရွေးကောက်ပွဲ အောင်မြင်စွာကျင်းပနိုင်ရေးအတွက် မဲပေးပိုင်ခွင့်ရှိသူ အား လုံး မဲပေးနိုင်ရန် အရေးကြီးသကဲ့သို့ ၂၀၂၀ ပြည့်နှစ်တွင်ကျင်းပခဲ့သည့် ရွေးကောက်ပွဲ ကဲ့သို့ မဲမသမာမှုများမဖြစ်ပေါ်စေရေးဆောင်ရွက်သွားကြရမည်ဖြစ်ကြောင်း၊ မဲမသမာမှု များဖြစ်ပေါ်ခဲ့ခြင်းသည် မိမိတို့နိုင်ငံအတွက်ဆိုးရွားသည့် ဖြစ်ရပ်တစ်ခုပင်ဖြစ်ကြောင်း၊ မိမိတို့အနေဖြင့် ‎ရွေးကောက်ပွဲတွင် မဲစာရင်းများမှားယွင်းမှုများကြောင့် တာဝန်ယူခဲ့ သည့် အစိုးရဖြစ်သဖြင့် မိမိတို့ကျင်းပသည့် ရွေးကောက်ပွဲသည် မဲစာရင်းမှားယွင်းမှု မရှိရန်လိုကြောင်း၊ ရာနှုန်းပြည့်မှန်ကန်နိုင်မည် မဟုတ်သော်လည်း အတတ်နိုင်ဆုံးမှန် ကန်အောင်ဆောင်ရွက်သွားရမည်ဖြစ်ကြောင်း၊ မဲစာရင်းတွင် ပါဝင်သူများ မဲပေးခွင့် မဆုံးရှုံးစေရေးဆောင်ရွက်ပေးရမည်ဖြစ်ကြောင်း၊ ဆန္ဒမဲပေးခြင်း မပေးခြင်းသည် မဲဆန္ဒရှင်များ၏ဆန္ဒဖြစ်ပြီး မဲပေးနိုင်အောင်ဆောင်ရွက်ပေးရမည်မှာ အစိုးရ၏ တာဝန်ပင်ဖြစ်ကြောင်းလည်း ပြောကြားခဲ့ကြောင်း သိရသည်။
‎
‎#YMG/PP #Yangon_Times