#World_Health
Published 03 January 2024

ဝက်ဝံများ ဆောင်းရာသီအတွင်း ကြာရှည်စွာ အိပ်စက်ပြီး ကျန်းမာစေတဲ့ အကြောင်းအရင်းများကို သိပ္ပံပညာရှင်များနဲ့ တိရစ္ဆာန်ဆရာဝန်များက စောင့်ကြည့်လေ့လာခဲ့ကြပါတယ်။

ဆောင်းခိုသတ္တဝါတွေထဲက တစ်မျိုးဖြစ်တဲ့ ဝက်ဝံတွေဟာ ကြာရှည်နှစ်ခြိုက်စွာ အိပ်စက်ခြင်းဖြင့် မလိုလားအပ်တဲ့ ရောဂါဘယများ ဖြစ်ပွားခြင်းမှ ကာကွယ်ပြီးသား ဖြစ်နေပြီး လူသားတွေအတွက်လည်း ကျန်းမာစေတဲ့ အလေ့အထ ဖြစ်လာနိုင်ပါတယ်။

ဝက်ဝံလိုမျိုး သတ္တဝါတွေ ဆောင်းရာသီအတွင်း အသက်မသေဘဲ ကြာရှည်စွာ အိပ်စက်တာနဲ့ ပတ်သက်ပြီး အဖွဲ့အစည်းအများအပြားနဲ့ စစ်တပ်တွေက သုတေသနများ ရင်းနှီးပြုလုပ်လာကြပါတယ်။

ပုံမှန်ဆိုရင် ကြာရှည်စွာ အိပ်စက်ပါက ခန္ဓာကိုယ်မှာ ပြဿနာများ ဖြစ်လာနိုင်ကာ နှလုံးခုန်နှုန်း သိသိသာသာ ကျဆင်းတာမျိုး ဖြစ်နိုင်ပေမယ့် ဝက်ဝံတွေကတော့ အသက်ရှင်နေနိုင်ပါတယ်။

ဝက်ဝံညိုတွေက ၈ လလောက်အထိ ဆောင်းခိုတတ်ကြကာ ထိုအတိုင်း လူတွေလိုက်လုပ်ပါက ကြွက်သားသိမ်ခြင်း၊ အရိုးအားနည်းခြင်း၊ အရေပြားအနာပေါက်ခြင်းတို့ ဖြစ်လာနိုင်ပါတယ်။

တကယ်တမ်းက ဆောင်းခိုတယ်ဆိုတာဟာ အိပ်စက်ခြင်းဆိုတာထက် စွမ်းအင်ထိန်းသိမ်းခြင်း ဖြစ်စဥ်ဖြစ်ပြီး ဝက်ဝံတွေရဲ့ နှလုံးခုန်နှုန်းက တစ်မိနစ်ကို ၁၀ ကြိမ်နှုန်းထက် ပိုနည်းသွားပါတယ်။

လူသားတွေမှာတော့ အချိန်ကြာရှည်စွာ လေယာဥ်စီးရရင်တောင် သွေးခဲနိုင်တဲ့အန္တရာယ် ရှိပေမယ့် ဝက်ဝံတွေကတော့ လနဲ့ချီအိပ်စက်တာတောင် သွေးမခဲစေတဲ့အရာတွေ ထုတ်လုပ်နိုင်တယ်လို့ ဆွီဒင်နဲ့ ဒိန်းမတ်တက္ကသိုလ်တို့မှ နှလုံးအထူးကု အိုလီဖရော့ဘာ့ဂ်က ရှင်းပြသွားပါတယ်။

ဝက်ဝံသုတေသီများနဲ့ ပူးပေါင်းကာ နွေရာသီမှာ ဝက်ဝံညို ၁၃ ကောင်ကို ရဟတ်ယာဥ်ဖြင့် လိုက်ကြည့်ပြီး ဆောင်းတွင်းမှာ ဝက်ဝံများခိုအောင်းရာ နေရာတွေကို စောင့်ကြည့်ကာ သွေးနမူနာများ ရယူခဲ့ကြပါတယ်။

ထိုအခါမှာ HSP47 ဆိုတဲ့ပရိုတိန်းတစ်မျိုးကို တွေ့ရှိခဲ့ကြပြီး နွေရာသီထက်စာရင် ဆောင်းတွင်းမှာ ဝက်ဝံတွေရဲ့သွေးထဲ နည်းပါးစွာ ပါဝင်နေပါတယ်။

ထိခိုက်ဒဏ်ရာရလို့ သွေးထွက်တဲ့အခါ သွေးခဲသွားအောင် ထိုပရိုတိန်းက ကူညီပေးပါတယ်။

ဒါပေမဲ့ သွေးက သွေးကြောထဲမှာ ခဲပြီး သဘာဝအတိုင်း မပျော်ဝင်ဘူးဆိုရင် အသက်အန္တရာယ် ဖြစ်တဲ့အထိ ခဲသွားနိုင်ပါတယ်။

ဒီအတွက် ကျောရိုးမဒဏ်ရာရှိတဲ့ လူနာတွေကို လေ့လာခဲ့ကြပါတယ်။

ထိုလူနာတွေဟာ ဝက်ဝံတွေလိုပဲ သိပ်ပြီးသွေးမခဲတော့ဘဲ ခန္ဓာကိုယ်ဟာ ပရိုတိန်းနည်းသွားအောင် ပြုလုပ်သွားတယ်လို့ ယူဆရပါတယ်။

ထိုလူနာတွေဟာ သာမန်လူတွေထက် HSP47 များစွာနည်းပါးနေတာကို တွေ့ရှိခဲ့ကြပါတယ်။

လက်ရှိဆေးတွေထက် ဘေးထွက်ဆိုးကျိုး နည်းပါးတဲ့ သွေးကျဲဆေးသစ်တစ်မျိုး ထုတ်လုပ်ရန် ဓာတုပစ္စည်းတစ်ခုကို သုတေသီအဖွဲ့က ရှာဖွေနေကြပါတယ်။

#World_Health #လူသားများသက်ရှည်ကျန်းမာနိုင်ဖွယ်ရှိ #ဝက်ဝံတစ်ကောင်ကဲ့သို့အိပ်စက် #Source: WION

ကမ္ဘာ့အမြင့်ဆုံးနေရာရှိဆိုလာလျှပ်စစ်ဓာတ်အားစီမံကိန်း တရုတ်ဓာတ်အားလိုင်းတွင်ချိတ်ဆက်လည်ပတ်တော့မည်

ကမ္ဘာ့အမြင့်ဆုံးနေရာမှာရှိတဲ့ ဆိုလာလျှပ်စစ်(PV) ဓာတ်အားထုတ်လုပ်ရေး စီမံကိန်းတစ်ခုဟာ တရုတ်အနောက်တောင်ပိုင်း ရှီကျန်ဒေသရှိ ဓာတ်အားလိုင်းကို ချိတ်ဆက်ပြီး စနေနေ့ကစတင်ကာ လည်ပတ်တော့မှာ ဖြစ်ပါတယ်။
#Asia_Development
Published_2 January 2024
#ဆိုလာလျှပ်စစ်ဓာတ်အားစီမံကိန်း #တရုတ်ဓာတ်အားလိုင်းတွင်ချိတ်ဆက်လည်ပတ်
#Yangon_Times #YMG_News #Yangon_Media_Group

၂ ဇန်နဝါရီ ၂၀၂၄

ဂျပန်နိုင်ငံ တိုကျိုမြို့ ဟာနဲဒါ  လေဆိပ်တွင် ဇန်နဝါရီ(၂)ရက် အင်္ဂါနေ့ညနေပိုင်းက ဂျပန်လေကြောင်းလိုင်းမှ လေယာဉ် တစ်စင်းသည် ဆင်းသက်စဉ် ကမ်းခြေစောင့်တပ်လေယာဉ်နှင့် တိုက်မိခဲ့ပြီး ဂျက်လေယာဉ်ကို မီးတောက်ကြီးများမဝါးမြိုခင် ရာပေါင်းများစွာသော ခရီးသည်များကို ဘေးလွတ်ရာသို့ အတင်းရွှေ့ပြောင်းပေးခဲ့ရသည်။

ရုပ်မြင်သံကြားသတင်းများတွင် လေယာဉ်သည် ပြေးလမ်းပေါ်တွင် မီးလောင်နေသည်ကို တွေ့ရသည်။ အဆိုပါ လေယာဉ်သည် နိုင်ငံမြောက်ပိုင်း ဟော့ကိုင်းဒိုးကျွန်းရှိ Shin-Chitose လေဆိပ်မှ ခရီစဉ် ၅၁၆ အဖြစ် ပျံသန်းလာသည့် အဲဘတ်စ် A350 ဖြစ်သည်။

ဂျပန်လေကြောင်းလိုင်းJAL ၏ အဆိုအရ ခရီးသည်နှင့် အမှုထမ်း ၄၀၀ နီးပါးသည် လေယာဉ်ပေါ်မှ ထွက်ခွာသွားနိုင်ခဲ့ကြောင်း သိရသည်။ ဂျပန်အများပြည်သူပိုင်ရုပ်သံလိုင်း NHK က လေယာဉ်ပေါ်တွင် အနည်းဆုံး လူ ၁၇ ဦး ဒဏ်ရာရခဲ့ကြောင်း သတင်းပေးပို့သည်။

အာဏာပိုင်များက အဆိုပါ လေယာဉ်သည် ဆင်းသက်စဉ် ဂျပန်ကမ်းခြေစောင့်တပ် လေယာဉ်နှင့် တိုက်မိခဲ့သည့် အပေါ် အာဏာပိုင်များက သံသယရှိနေကြသည်။ ကမ်းရိုးတန်းစောင့်တပ် လေယာဉ်ပေါ်ပါ ခြောက်ဦးအနက် ငါးဦး သေဆုံးခဲ့ပြီး လေယာဉ်မှူးသည် အခြေအနေ စိုးရိမ်ရကြောင်း ရဲတပ်ဖွဲ့က ပြောကြားသည်။

နှစ်သစ်ကူးနေ့မှာ ဂျပန်ပင်လယ်ကမ်းရိုးတန်းမှာ လှုပ်ခတ်ခဲ့သည့် ငလျင်ကြီးကြောင့် လူအများအပြား သေဆုံးပြီး ပျက်စီးဆုံးရှုံးမှုတွေများစွာ ဖြစ်ပွားခဲ့ခြင်းအတွက် ဂျပန်နိုင်ငံက တုန်လှုပ်နေရပြီးနောက် အခုလို ဖြစ်ရပ်မျိုး ဖြစ်ပွားခဲ့တာပါ။ ကနဦးသတင်းများအရ ကမ်းခြေစောင့်တပ်လေယာဉ်သည် ငလျင်ဒဏ်သင့်ဒေသသို့ အကူအညီများ ပေးပို့ပေးရာတွင် ပါဝင်နေသည်ဟုသိရသည်။

ဂျပန်လေကြောင်းလိုင်း JAL အတွက်၊  ယခုဖြစ်ရပ်သည် ဆယ်စုနှစ်များအတွင်း ၎င်း၏ အဆိုးရွားဆုံး မတော်တဆမှုဖြစ်သည်။ လေကြောင်းလိုင်းသ်ည ၁၉၈၅ခုနှစ်တွင် အဆိုးရွားဆုံးဘေးအန္တရာယ်နှင့်ကြုံခဲ့ရပြီး ဟာနဲဒါ မှ အိုဆာကာ သို့ ပျံသန်းသည့် လေယာဉ်ခရီးစဉ်အမှတ် ၁၂၃ သည် ယင်း၏ bulkhead တစ်ခုပြန်ထွက်ကာ ဟိုက်ဒရောလစ်ကို ထိခိုက်ပျက်စီးစေခဲ့သဖြင့် လူပေါင်း ၅၂၀ ဦး သေဆုံးခဲ့ရသည်။

လေဆိပ်ရှိ ပြေးလမ်း လေးခုအနက်မှ တစ်ခုဖြစ်သည့် ပြေးလမ်း “စီ” တွင် ဖြစ်ပွားခဲ့သောမတောတဆမှုကြောင့် အရေးပေါ် ဝန်ထမ်းများက အလျင်အမြန်မီးငြှိမ်းသတ်နေရသဖြင့် အင်္ဂါနေ့ ညနေ ၆ နာရီ ဝန်းကျင်တွင် ဟာနဲဒါလေဆိပ် လေယာဉ် အဆင်းအတက် များအားလုံးရပ်တန့်ခဲ့ရသည်။

မြေယာ၊ အခြေခံအဆောက်အအုံ၊ ပို့ဆောင်ရေးနှင့် ခရီးသွားလာရေး ဝန်ကြီးဌာနက အဆိုပါ မတော်တဆမှုအား စုံစမ်းစစ်ဆေးလျက်ရှိသည်။ ဝန်ကြီးချုပ် ဖူမီယိုကီရှီဒါ က ထိခိုက်ပျက်စီးမှုကို စုံစမ်းစစ်ဆေးရန်နှင့် အများပြည်သူသို့ သတင်းအချက်အလက်များထုတ်ပြန်ပေးရန် သက်ဆိုင်ရာအေဂျင်စီများကို အမိန့်ပေးခဲ့သည်။

Source Nikkei Asia

#Daily_News
Published_2 January 2024

၁။ မှိုတန်ဖိုးမြှင့်ထုတ်ကုန်ထုတ်လုပ်သူများ လုပ်ငန်းရပ်ဆိုင်းထားရ

၂။ နဂါးနှစ်တွင် စီးပွားရေးများတိုးတက်နိုင်၊ သစ်သားနဂါးနှစ်အတွင်းမွေးဖွားမည့် ကလေးငယ်များဩဇာ၊ ကြွယ်ဝမှုများရှိနိုင်ဟုဆို 

၃။ တရုတ်နိုင်ငံမှ ၀ယ်လိုအား ကောင်းလာသည့်အတွက် မြေပဲလုံးဆံတစ်ပိဿာ ကျပ် ၇၀၀၀ကျော်သို့ ဈေးမြင့်လာ

၄။ ကမ္ဘာ့အမြင့်ဆုံးနေရာရှိဆိုလာလျှပ်စစ်ဓာတ်အားစီမံကိန်း တရုတ်ဓာတ်အားလိုင်းတွင်ချိတ်ဆက်လည်ပတ်တော့မည် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

#World_News
Published 02 January 2024

ထောင်နဲ့ချီတဲ့ အစ္စရေးလ်စစ်သားတွေဟာ ဂါဇာကမ်းမြောင်ကနေ ဆုတ်ခွာသွားကြပြီး ဒါဟာ စစ်ပွဲဖြစ်ပွားပြီးနောက်ပိုင်း ပထမဆုံးအနေနဲ့ တပ်အင်အား အများအပြား ဆုတ်ခွာခြင်း ဖြစ်ပါတယ်။

ဂါဇာကမ်းမြောင် တောင်ဘက်ခြမ်းတဝက်ရှိ အဓိကမြို့ကို ဆက်လက်ပြီး အာရုံစိုက်တိုက်ခိုက်ချင်တာကြောင့် ဒီလိုတပ်ဆုတ်လာတာပဲ ဖြစ်ပါတယ်။

အစ္စရေးလ်စစ်တပ်က မြောက်ပိုင်းတဝက်မှာ စစ်ဆင်ရေးတွေ ရပ်ဆိုင်းမယ်လို့ ဆိုထားကာ ဂါဇာအချို့နေရာတွေမှာ တိုက်ခိုက်မှုတွေ လျော့နည်းလာမယ်ဆိုတဲ့ အရိပ်အယောင် ဖြစ်ပါတယ်။

အစ္စရေးလ်ဟာ တိုက်ခိုက်မှုတွေ လျှော့ချလာဖို့ အဓိကမဟာမိတ် အမေရိကန်ကနေ ဖိအားပေးခြင်းကို ခံနေရပါတယ်။

မကြာခင်မှာ နိုင်ငံခြားရေးဝန်ကြီး အန်တိုနီဘလင်ကန် လာရောက်မှာဖြစ်ပြီး အမေရိကန်အစိုးရက အစ္စရေးလ်သို့ လက်နက်များ အရေးပေါ်ရောင်းချရန် အတည်ပြုပြီးနောက် အခုလို တပ်ဆုတ်လာတာ ဖြစ်ပါတယ်။

ဒါပေမဲ့ ဂါဇာ တောင်ပိုင်းမြို့ ခန်ယူနစ်နဲ့ အလယ်ပိုင်းဒေသတွေမှာတော့ တိုက်ခိုက်မှုတွေ ဆက်လက်ပြင်းထန်နေပါတယ်။

တပ်ရင်း ၅ ခုစာရှိတဲ့ ထောင်ချီတပ်သားတွေဟာ လေ့ကျင့်အနားယူရန်အတွက် လာမယ့်ရက်သတ္တပတ်တွေမှာ ဆုတ်ခွာလာမှာ ဖြစ်ပါတယ်။

စစ်ပွဲဦးတည်ချက်အရ ကြာရှည်လာနိုင်တာကြောင့် အစီစဥ်တကျ ပြင်ဆင်ထားဖို့ လိုအပ်တယ်လို့ အစ္စရေးလ်စစ်တပ်မှ ပြောရေးဆိုခွင့်ရှိသူ ဒန်နီယယ်ဟေဂရီက ပြောပြသွားပါတယ်။

ခန်ယူနစ်မြို့မှာ အစ္စရေးလ်တပ်သား ထောင်ချီရှိနေမယ်လို့ ယူဆရပြီး မြို့အနောက်ပိုင်းနဲ့ အလယ်ပိုင်းတို့မှာ လေကြောင်းတိုက်ခိုက်မှုများ ဖြစ်ပွားနေတယ်လို့ သိရပါတယ်။

စစ်ပွဲက လနဲ့ချီကြာဦးမယ်လို့ အစ္စရေးလ်က ဆိုလိုက်ကာ ဟားမတ်စ်စစ်သွေးကြွများ နောက်ထပ်တိုက်ခိုက်မှုများ မပြုလုပ်နိုင်စေရန် အခြေခံအဆောက်အအုံများနဲ့ လက်နက်များကို ရှင်းလင်းဖို့ အချိန်လိုအပ်တယ်လို့ ဆိုလိုက်ပါတယ်။

အစ္စရေးလ်တပ်သားများ သေဆုံးမှု မြင့်တက်နေပေမယ့် စစ်ပွဲဦးတည်ချက်တော့ ဆက်လက်လုပ်ဆောင်နေဆဲ ဖြစ်ပါတယ်။

#World_News #နည်းဗျူဟာပြောင်း #ဂါဇာမှအစ္စရေးလ်တပ်သားထောင်ချီဆုတ်ခွာ #Source: NPR

#World_Health
Published 02 January 2024

ဦးနှောက်ယိုယွင်းခြင်းရောဂါဖြစ်တဲ့ ဒီမန်ရှာရောဂါဟာ ကုသလို့မရပေမယ့် စောစီးစွာ ရောဂါတွေ့ရှိပါက ထိန်းသိမ်းစောင့်ရှောက်မှု သိသိသာသာ ပြောင်းလဲစေပါတယ်။

ဒီမန်ရှာရောဂါတွေထဲက အယ်လ်ဇိုင်းမားရောဂါဟာ အဖြစ်အများဆုံးတစ်မျိုး ဖြစ်ပြီး စိတ်ပိုင်းဆိုင်ရာ လုပ်ဆောင်ချက်များ ကျဆင်းလာတဲ့ အခြေအနေ ဖြစ်ပါတယ်။

လေ့လာတွေးတောခြင်း စွမ်းရည်များ၊ ယာယီမှတ်ဉာဏ်များ၊ တွေးခေါ်ခြင်း၊ အမြင်အာရုံသိရှိခြင်း၊ အာရုံစူးစိုက်ခြင်း၊ အချက်အလက် ဖော်ထုတ်ခြင်း၊ အကဲဖြတ်ခြင်းတို့မှာ ယိုယွင်းပျက်စီးလာတာ ဖြစ်ပါတယ်။

ပိုဆိုးလာတဲ့အခါ နေ့စဥ်အခြေခံလုပ်ဆောင်မှုများကိုပါ လုပ်ဆောင်ရန် ခက်ခဲလာပါတယ်။

အယ်လ်ဇိုင်းမား ဖြစ်နိုင်ခြေက အသက်ကြီးလာတာနဲ့အမျှ များလာပြီး အသက် ၈၅ နှစ်နဲ့အထက် လူကြီးတွေရဲ့ ၃ ပုံ ၁ ပုံခန့် ခံစားနေရပါတယ်။

ချီကာဂိုတက္ကသိုလ်မှ လေ့လာချက်အရ အနံ့အာရုံပျောက်ဆုံးခြင်းက အစောပိုင်းရောဂါလက္ခဏာတစ်ခု ဖြစ်ပါတယ်။

၅၁၅ ဦးဖြင့် အနံ့အာရုံစမ်းသပ်ရန် ရည်ရွယ်ခဲ့ကြပြီး ရေချိုးရင်း ဆပ်ပြာနံ့၊ ခေါင်းလျှော်ရည်နံ့တို့ သိရှိစေတဲ့ စွမ်းရည်ယိုယင်းလာတာကို စမ်းသပ်ခဲ့ကြပါတယ်။

မှတ်ဉာဏ်ပိုင်းဆိုင်ရာ ဦးနှောက်အစိတ်အပိုင်း လျော့ကျလာတဲ့အခါ အနံ့ခံအာရုံအပိုင်းမှာပါ လျော့ကျလာတာကို တွေ့ရှိခဲ့ကြပါတယ်။

အစောပိုင်းအဆင့်တွေမှာ ဒီမန်ရှာကို တွေ့ရှိပါက ရောဂါကိုထိရောက်စွာ ထိန်းချုပ်နိုင်မှာဖြစ်ပါတယ်။

ကုသလို့မရပေမယ့် အနံ့ခံအာရုံယိုယွင်းတာမျိုးက အစောပိုင်းလက္ခဏာတွေဖြစ်ပြီး သင့်တင့်တဲ့စောင့်ရှောက်မှု ပြုလုပ်နိုင်မှာဖြစ်ပါတယ်။

#World_Health #ဒီမန်ရှာရောဂါလက္ခဏာတစ်ခု #Source: The Jerusalem Post