#World_Health
Published 14 December 2024
▪️ နေ့စဉ်လှုပ်ရှားသွားလာရာမှာ မျက်လုံးကျန်းမာရေး ထိန်းသိမ်းဖို့က အရေးကြီးပြီး ထိခိုက်လာပါက အမြင်အာရုံပြဿနာများ ဖြစ်လာနိုင်ပါတယ်။
▪️ မျက်လုံးကျန်းမာရေးကို ထောက်ပံ့ပေးနိုင်တဲ့ အစားအစာများ စားခြင်းဖြင့် မျက်လုံးပြဿနာဖြစ်နိုင်ခြေ လျော့နည်းစေတာကြောင့် မျက်လုံးကျန်းမာရေးအတွက် အကောင်းဆုံး ဗိုက်တာမင်တွေကို ဖော်ပြလိုက်ပါတယ်။
▪️ (၁) ဗိုက်တာမင်-အေ
မျက်လုံးအပြင်ဘက်ဆုံးက မျက်ကြည်လွှာကို ထိန်းသိမ်းဖို့ အရေးပါတဲ့ ဗိုက်တာမင်ဖြစ်ပါတယ်။
▪️ မျက်လုံးခြောက်သွေ့ခြင်းမှ ကာကွယ်ပေးပြီး လုံလောက်တဲ့ စိုစွတ်မှုပေးစွမ်းကာ မုန်လာဥနီ၊ ကန်စွန်းဥ၊ ဟင်းနုနွယ်၊ ကိုက်လံ၊ ကြက်ဥ၊ သန့်စင်နွားနို့တို့မှာ ပါဝင်ပါတယ်။
▪️ (၂) ဗိုက်တာမင်-စီ
စွမ်းအားမြင့် ဓာတ်တိုးဆန့်ကျင်ပစ္စည်းဖြစ်တဲ့ ဗိုက်တာမင်ဖြစ်ပြီး မျက်လုံးထဲက သွေးကြောတွေကို ထောက်ပံ့ပေးပါတယ်။
လိမ္မော်သီး၊ စတော်ဘယ်ရီ၊ ငရုတ်ပွသီး၊ ပန်းဂေါ်ဖီစိမ်း၊ မာလကာသီး၊ ကီဝီသီးတို့မှာ ကြွယ်ဝစွာ ပါဝင်ပါတယ်။
▪️ (၃) ဗိုက်တာမင်-အီး
မျက်လုံးကဆဲလ်တွေမှာ ဓာတ်တိုးပျက်စီးခြင်းကနေ ကာကွယ်ပေးပြီး အတွင်းတိမ်ပြဿနာများ ဖြစ်နိုင်ခြေ နည်းစေပါတယ်။
ဗာဒံသီး၊ နေကြာစေ့၊ မြေပဲ၊ သစ်အယ်စေ့၊ ထောပတ်သီးတို့မှာ ဗိုက်တာမင်-အီး ကြွယ်ဝပါတယ်။
▪️ (၄) ဗိုက်တာမင်-ဒီ
မျက်လုံးအားနည်းရောဂါ ကာကွယ်ပြီး ရောင်ရမ်းခြင်းကို လျှော့ချပေးပါတယ်။
ဆော်လ်မွန်ငါးနဲ့ ငါးကွမ်းရှပ်၊ သန့်စင်ပြီးနွားနို့၊ ကြက်ဥတို့မှာ ဗိုက်တာမင်-ဒီ ကောင်းမွန်စွာ ပါဝင်ပါတယ်။
▪️ (၅) ဗိုက်တာမင်-ဘီအစုအဖွဲ့ (ဘီ၂၊ ဘီ၆၊ ဘီ၁၂)
ရောင်ရမ်းခြင်းနဲ့ မျက်လုံးအားနည်းရောဂါ ဖြစ်စေတဲ့ ဟိုမိုဆစ္စတင်း အမိုင်နိုအက်ဆစ်ကို လျှော့ချပေးပြီး အာရုံကြောတွေကို ကျန်းမာသန်စွမ်းစေပါတယ်။
ကြက်ဥနဲ့ နို့ထွက်ပစ္စည်းများ၊ ငါး၊ ကြက်ဘဲ၊ ကွေကာတို့မှာ ဗိုက်တာမင်-ဘီအုပ်စု ပါဝင်ပါတယ်။
#Source: DoctorNDTV
