#DailyNews
Published_ 11 February 2023
၁။ တူရကီငလျင်ကဲ့သို့ ငလျင်ကြီးများ မြန်မာမြို့ပြများတွင် လှုပ်နိုင်ခြေရှိ၍ ကြိုတင်ပြင်ဆင်ထားရန်လို
၂။ ရန်ကုန်ရွှေအရောင်းအဝယ် အရောင်းအဝယ်အနည်းငယ်ပြန်လိုက်လာ
၃။ ၇၆ နှစ်မြောက် ပြည်ထောင်စုနေ့အထိမ်းအမှတ်အဖြစ် ဖေဖော်ဝါရီ ၁၂ ရက်နေ့မှ စပြီး ၂၀၀ ကျပ်တန် တံဆိပ်ခေါင်းရောင်းချပေးမည်
၄။ ခွေးများအတွက် စားသောက်ဆိုင် ကောစတာရီကာတွင်ခေတ်စား ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Media_Group
#World_Military
Published 11 February 2023
အလက်စ်ကာပြည်နယ်ပေါ်မှာ ပေအမြင့်ကနေ ပျံသန်းနေတဲ့ အရာဝတ္ထုတစ်ခုကို အမေရိကန်တို့က ပစ်ချခဲ့တယ်လို့ အိမ်ဖြူတော်က ကြေညာလိုက်ပါတယ်။
တရုတ်ရဲ့စပိုင်ပူဖောင်းကိုလည်း အမေရိကန်တို့ပစ်ချခဲ့ပြီး ရက်ပိုင်းအတွင်းမှာပဲ အခုလိုထပ်မံပစ်ချခဲ့တာဖြစ်ကာ ပြုတ်ကျလာတဲ့အပိုင်းအစတွေကို လိုက်လံဆယ်ယူခဲ့ကြပါတယ်။
အမေရိကန် NSC ဗျူဟာမြောက်ဆက်သွယ်ရေးညှိနှိုင်းရေးမှူး 'ဂျွန်ကာဘီ'က ပြောကြားရာမှာ "ကာကွယ်ရေးဌာနက အလက်စ်ကာလေပိုင်နက်ထဲမှာ ပေအမြင့်ကနေပျံသန်းနေတဲ့အရာကို ခြေရာခံစောင့်ကြည့်ခဲ့ပြီး အမေရိကန်မြောက်ပိုင်းတိုင်းစစ်ဌာနချုပ်မှ တာဝန်ကျလေယာဉ်က မကြာသေးမီက ပစ်ချနိုင်ခဲ့ပါတယ်" လို့ ဆိုပါတယ်။
ဒီအဖြစ်အပျက်က ဂရင်းနစ်စံတော်ချိန် ည ၇ နာရီခွဲမှာ ဖြစ်ပွားခဲ့တာဖြစ်ပြီး ပစ်ချလိုက်တဲ့အစအနတွေက အလက်စ်ကာမြောက်ဘက်ပိုင်း အမေရိကန်ပိုင်နက်အာတိတ်သမုဒ္ဒရာထဲသို့ ပြုတ်ကျလာခဲ့ကြောင်း ပြောကြားခဲ့ပါတယ်။
"အဆိုပါအရာဝတ္ထုက အစိုးရပိုင်လား၊ ပုဂ္ဂလိကပိုင်လားဆိုတာ မသိရသေးပါဘူး၊ ကျွန်ုပ်တို့ပိုင်နယ်မြေထဲရှိ ရေခဲပြင်ပေါ် အပိုင်းအစတွေကျလာတာဖြစ်တဲ့အတွက် ဆယ်ယူရေးလုပ်ငန်းတွေ လုပ်ဆောင်သွားမှာပါ၊ အဲဒီကနေ တစ်ခုခုသိရှိရမယ်လို့ မျှော်လင့်နေပါတယ်" လို့ ဆိုပါတယ်။
ဒီအရာဝတ္ထုက စနေနေ့ကပစ်ချခဲ့တဲ့ တရုတ်စပိုင်ပူဖောင်းနဲ့ မတူညီဘဲ အရွယ်အစားပိုမိုသေးငယ်ပါတယ်။
သိရသလောက်တော့ ကားအသေးအရွယ်အစားမျှသာရှိပြီး ပစ္စည်းတင်ဆောင်တာမျိုး လုပ်နိုင်ဖွယ်မရှိဘူးလို့ ထင်ကြေးပေးခဲ့ပါတယ်။
ထိုအရာဝတ္ထုက အမြင့်ပေ ၄ သောင်းခန့်မှာ ပျံသန်းနေခဲ့တာဖြစ်ပြီး အရပ်ဘက်လေယာဉ်ပျံသန်းမှုတွေကို ခြိမ်းခြောက်နိုင်ဖွယ်ရှိကြောင်း၊ ပင်တဂွန်အကြံပြုချက်အတိုင်း သမ္မတဘိုင်ဒင်က ထိုအရာကိုပစ်ချဖို့ စစ်တပ်ဖို့အမိန့်ပေးခဲ့ကြောင်း ထည့်သွင်းပြောကြားသွားပါတယ်။
ပြီးခဲ့တဲ့အပတ်က အမေရိကန်လေပိုင်နက်ထဲပျံသန်းခဲ့တဲ့ တရုတ်စပိုင်ပူဖောင်းကို ထောက်ပံ့ပြီး တရုတ်စစ်တပ်နဲ့ဆက်စပ်နေတဲ့ ကုမ္ပဏီတွေဖြစ်ဖြစ် လူပုဂ္ဂိုလ်ပဲဖြစ်ဖြစ် အရေးယူဖို့ကြိုးပမ်းသွားမယ်လို့ အမေရိကန်နိုင်ငံခြားရေးဝန်ကြီးဌာနက ကြာသပတေးနေ့မှာ ပြောကြားခဲ့ပါတယ်။
ထိုတရုတ်စပိုင်ပူဖောင်းကို ထုတ်လုပ်သူဟာ တရုတ်ပြည်သူ့လွတ်မြောက်ရေးတပ်မတော်(PLA)နဲ့ တိုက်ရိုက်ပတ်သက်နေမယ်လို့ အမေရိကန်က ယုံကြည်နေပါတယ်။
အမေရိကန်ပြည်ထောင်စုနဲ့ မဟာမိတ်၊ မိတ်ဖက်နိုင်ငံများရဲ့ လုံခြုံရေးကိုခြိမ်းခြောက်နေတဲ့ တရုတ်တို့ရဲ့ထောက်လှမ်းရေးလှုပ်ရှားမှုများကို ဖော်ထုတ်နိုင်ရန် ပိုမိုကြိုးပမ်းသွားမှာဖြစ်ကြောင်း တာဝန်ရှိသူတစ်ဦးက ဆိုပါတယ်။
စပိုင်ပူဖောင်းကို FBI က စုံစမ်းစစ်ဆေးနေပေမယ့် အချက်အလက်အသေးစိတ်တော့ မသိရှိရသေးပါဘူး။
Source: WION
#Yangon_Media_Group
#World_Health
Published 11 February 2023
အိမ်ထောင်ရေးမှာ သိပ်ပြီးအဆင်မပြေကြသူတွေဟာ သွေးတွင်းသကြားဓာတ်နည်းနေနိုင်တယ်လို့ လေ့လာချက်အသစ်မှာ ဖော်ပြထားပါတယ်။
သက်တမ်းကြာရှည်လာတဲ့ အိမ်ထောင်တစ်ခုမှာ အိမ်ထောင်ရေးသာယာသည်ဖြစ်စေ မသာယာသည်ဖြစ်စေ သွေးတွင်းသကြားဓာတ်အပေါ် သက်ရောက်မှုရှိနေကြောင်း BMJ Open Diabetes Research & Care ဂျာနယ်မှာဖော်ပြထားပါတယ်။
အိမ်ထောင်ရှင်တွေနဲ့ လက်မထပ်ဘဲ အတူနေသူတွေဟာ အချိန်အတော်ကြာတဲ့အထိ စိတ်ခံစားချက်တွေမြိုသိပ်ကြရကြောင်း၊ ခံစားချက်မရှိရင် ကျန်းမာရေးထိခိုက်မှုရှိလာမှာဖြစ်ကြောင်း စာတမ်းပြုစုသူ'ကက်သရင်းဖော့ဒ်'က ဆိုပါတယ်။
၂၀၀၄ ကနေ ၂၀၁၃ အထိအသက် ၅၀ မှ ၈၉ နှစ်ကြား ဆီးချိုမရှိတဲ့ လူ ၃,၃၃၅ ယောက်ကိုလေ့လာခဲ့ပြီး သူတို့ရဲ့အိမ်ထောင်အခြေအနေက သွေးတွင်းသကြားဓာတ်ကို သက်ရောက်စေလားဆိုတာ ကြည့်ရှုခဲ့ကြပါတယ်။
စမ်းသပ်ခံသူတွေကို သူတို့အိမ်ထောင်ရေးရဲ့ အခြေအနေအကြောင်း မေးမြန်းခဲ့ကြကာ နှစ်စဥ်နှစ်တိုင်း HbA1c သွေးစစ်ဆေးနည်းပြုလုပ်ပြီး သွေးတွင်းသကြားဓာတ်ပမဏကို တိုင်းတာခဲ့ပါတယ်။
ကောက်ချက်ချခဲ့ရာမှာတော့ အိမ်ထောင်ရှိသူတွေဟာ ဘယ်လိုပဲအခြေအနေရှိသည်ဖြစ်စေ သွေးတွင်းသကြားဓာတ်ကို ထိန်းသိမ်းထားနိုင်ပါတယ်။
အိမ်ထောင်ရှိတဲ့အခြေအနေဟာ HbA1c ပမာဏကို ဆီးချိုအခြေအနေထိမရောက်အောင် ကာကွယ်ပေးနိုင်တဲ့သဘောဖြစ်ပါတယ်။
အိမ်ထောင်လက်တွဲဖော် ဆုံးရှုံးထားရသူတွေကို အားပေးထောက်ပံ့သင့်ပြီး ကျန်းမာရေးအန္တရာယ်တွေကို ဖြေရှင်းနိုင်ကြောင်း ဖော်ပြထားပါတယ်။
Source: NY Post
#Yangon_Media_Group
#World_Health
Published 11 February 2023
ကော်ဖီကို နွားနို့နဲ့သောက်ခြင်းက ကျန်းမာရေးအကျိုးကျေးဇူးများ ရရှိစေနိုင်တယ်လို့ ဒိန်းမတ်ကိုပင်ဟေဂင်တက္ကသိုလ်မှာ ပြုလုပ်ခဲ့တဲ့ လေ့လာချက်အရ သိရှိရပါတယ်။
ကော်ဖီမှာ မြင့်မားစွာပါဝင်တဲ့ ဓာတ်တိုးဆန့်ကျင်ပစ္စည်း ပိုလီဖီနောလ်နဲ့ နို့ထဲမှာပရိုတိန်းဖြစ်စေတဲ့ အမိုင်နိုအက်ဆစ်တို့ အပြန်အလှန်ဓာတ်ပြုသလားဆိုတာကို လေ့လာခဲ့ကြတာဖြစ်ပါတယ်။
ခန္ဓာကိုယ်မှာ ရောဂါပိုးကူးစက်တဲ့အခါ ကိုယ်ခံအားစနစ်ကနေ သွေးဖြူဥတွေထုတ်ပေးပြီး ပိုးမွှားတွေ၊ ဗိုင်းရပ်စ်တွေကို တိုက်ထုတ်ပါတယ်။
နို့နဲ့ကော်ဖီရောစပ်သောက်သုံးတဲ့အခါ လူတွေမှာရောဂါပိုးကူးစက်ဝင်ရောက်ခြင်းအပေါ် ကောင်းကျိုးသက်ရောက်စေပါတယ်။
ပိုလီဖီနောလ်က ရောဂ်ပိုးကူးစက်ခြင်းကို ကုသကာကွယ်ရာမှာ ထိရောက်မှုရှိတယ်လို့ ယူဆထားကြပါတယ်။
ပိုလီဖီနောလ်နဲ့ အမိုင်နိုအက်ဆစ်တို့ထိတွေ့ထားတဲ့ ဆဲလ်တွေဟာ ပိုလီဖီနောလ်တစ်ခုတည်း ရရှိထားတဲ့ ဆဲလ်တွေထက် ရောဂါပိုးကိုတိုက်ထုတ်ရာမှာ ၂ ဆပိုမိုအားကောင်းစေကြောင်း သုတေသီများ တွေ့ရှိခဲ့ကြပါတယ်။
ကော်ဖီနဲ့နို့လိုမျိုး သောက်စရာတွေထဲမှာ မော်လီကျူးတွေ ဘယ်လိုချိတ်ဆက်လဲဆိုတာကိုလည်း လေ့လာခဲ့ကြပါတယ်။
အသားနဲ့ ဟင်းသီးဟင်းရွက်၊ အသီးဖျော်ရည်နဲ့နို့ ဒါမှမဟုတ် ဒိန်ချဉ်တို့လိုမျိုး ရောစပ်စားသုံးတဲ့အခါမှာလည်း ဒီလိုအကျိုးကျေးဇူးတွေ ရရှိစေနိုင်တယ်လို့ ပြောကြားခဲ့ပါတယ်။
Source: The Jerusalem Post
#Yangon_Media_Group
#World_Technology
Published 10 February 2023
ဂျပန်နိုင်ငံမှာ ဧပြီလကစပြီး အလိုအလျောက်မောင်းနှင်တဲ့ စားစရာပစ္စည်းပို့ဆောင်ရေးစက်ရုပ်တွေကို ပြန်လည်ပြင်ဆင်ထားတဲ့ လမ်းစည်းကမ်းများဖြင့် ခွင့်ပြုပေးတော့မှာ ဖြစ်ပါတယ်။
#Yangon_Media_Group
#DailyNews
Published_ 10 February 2023
၁။ Covid ကာလ ရောင်းချမှုရပ်ထားတဲ့ မြန်မာ့ရွှေပန်းတိမ်ထည်တွေကို ဂျပန်နိုင်ငံက ပြန်လည်ဝယ်ယူဖို့ကမ်းလှမ်း
၂။ ပြည်ပပြန်များတွင် ကိုဗစ်ပိုးသစ်များတွေ့ရ၍ ကိုဗစ်ကာကွယ်ရေးပြန်လည်လုပ်ဆောင်ရန်လိုဟုဆို
၃။ အလုပ်သမားအငြင်းပွားမှုဆိုင်ရာ ဖြေရှင်းရေးနည်းဥပဒေတချို့ကိုပြန်လည်ပြင်ဆင်မည်
၄။ အားကိုးရသည့် သယ်ယူပို့ဆောင်ရေးစက်ရုပ်များ ဂျပန်တွင်မကြာမီအသုံးပြုမည် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Media_Group
#World_Disaster
Published 10 February 2023
တူရကီနဲ့ ဆီးရီးယားတို့မှာ မြေငလျင်အကြီးအကျယ်လှုပ်ခတ်ပြီး ၃ ရက်အကြာမှာ ကယ်ဆယ်ရှာဖွေရေးအဖွဲ့များက အသက်ရှင်ကျန်သူများကို အပျက်အစီးများကြား ပိုက်စိပ်တိုက်ရှာဖွေနေကြပါတယ်။
အဆိုပါငလျင်ကြောင့် သေဆုံးသူ ၂၁,၀၀၀ ကျော်ရှိကာ လူပေါင်းရာထောင်ချီ ဒဏ်ရာရ အိုးမဲ့အိမ်မဲ့ဖြစ်နေပြီး ချမ်းအေးလှတဲ့အပူချိန်ကြောင့် ရုန်းကန်နေကြရပါတယ်။
ကယ်ဆယ်ရေးလုပ်ငန်းများ ဆောင်ရွက်နေကြပေမယ့် အသက်ရှင်သူတွေကို ထပ်မံရှာတွေ့နိုင်ချေ နည်းပါးနေပါပြီ။
ငလျင်လှုပ်ပြီး ၇၂ နာရီအတွင်း အသက်ရှင်ကျန်ရစ်သူ ၉၀ ရာခိုင်နှုန်းလောက်ကို ကယ်ဆယ်နိုင်ခဲ့တယ်လို့ ယူဆရကြောင်း ကျွမ်းကျင်သူများက ဆိုပါတယ်။
ငလျင်က လူတွေကိုသေစေတာမဟုတ်ဘဲ အဆောက်အအုံတွေပြိုကျလို့ သေရတာဖြစ်ကြောင်း လန်ဒန်တက္ကသိုလ်ကောလိပ် သဘာဝဘေးအန္တရာယ်ပရော်ဖက်ဆာ'အိုင်လန်ကယ်လ်မန်း'က ပြောကြားခဲ့တယ်လို့ AFP သတင်းဌာနက ဖော်ပြထားပါတယ်။
အရေးကြီးက အပျက်အစီးတွေကြားရှိနေတဲ့ လူတွေထံ အကူအညီရောက်ဖို့ဖြစ်ကြောင်း၊ သူတို့သွေးထွက်မလွန်ခင် ကယ်နိုင်ဖို့လိုကြောင်း ပြောပြသွားပါတယ်။
ကုလသမဂ္ဂအထွေထွေအတွင်းရေးမှူး 'အန်တိုနီယိုဂူတာရက်စ်'က ငလျင်ဖြစ်ခဲ့တဲ့နေရာတွေသို့ အကူအညီများပိုမိုဆောင်ရွက်ပေးရန် တောင်းဆိုလိုက်ပါတယ်။
ကုလအနေနဲ့ နယ်စပ်တစ်ခုမကဖြတ်သန်းတဲ့နေရာမှာ သွားလာခွင့်ပြုပေးဖို့ ကုလလုံခြုံရေးကောင်စီထံမှ ခွင့်ပြုချက်တောင်းခံခဲ့ပါတယ်။
ကုလမဟုတ်တဲ့ အဖွဲ့တွေက အခြားနေရာတွေကဖြတ်ပြီး အကူအညီပေးနေပြီဖြစ်ကြောင်း၊ ရသမျှနေရာတွေကနေဖြတ်ပြီး အကူအညီတွေပေးနိုင်ရင် အလွန်ကျေနပ်ရမှာဖြစ်ကြောင်း သတင်းထောက်တွေကို ပြောကြားခဲ့ပါတယ်။
Source: WION
#Yangon_Media_Group
Page 419 of 778