#WorldFestival
Published 03 May 2022

ဗုဒ္ဓဘာသာယဉ်ကျေးမှု ထွန်းကားရာ ထိုင်းနိုင်ငံမှာ တိုင်းရင်းသားမွန်လူမျိုးစုတွေက ပျံလွန်တော်မူခဲ့ကြတဲ့ ဘုန်းတော်ရဟန်းတွေကို ပူဇော်ပသတဲ့အနေနဲ့ အဝေးကနေဒုံးပစ်လွှတ်ကာ မီးသဂြိုဟ်ကြတဲ့ အစဉ်အလာရှိခဲ့ပါတယ်။

#Yangon_Media_Group

Published 3 May 2022

ဗြိတိန်ဝန်ကြီးချုပ် ဘောရစ်ဂျွန်ဆင်က ယူကရိန်းကို နောက်ထပ် စစ်ရေးအကူအညီသစ်ပေါင်စတာလင်သန်း၃၀၀ပေးမယ့် အစီအစဉ်ကို မေလ(၃)ရက်က ယူကရိန်းပါလီမန်မှာ ကြေညာသွားပါတယ်။ ရေရှည်ပန်းတိုင်မရောက်မချင်း အကူအညီတွေ ဆက်ပေးသွားမယ်လို့ သူကပြောပါတယ်။

Source AFP

#DailyNews
Published -3 May 2022

၁။ လမ်းပန်းဆက်သွယ်ရေး အခက်အခဲကြောင့် ပူတာအိုဒေသတွင် ကုန်ဈေးနှုန်းများ အဆမတန်
မြင့်တက်လာ။

၂။ မသန်စွမ်းအထောက်အကူပြုပစ္စည်းလျှောက်ထားသည့် မသန်စွမ်းဦးရေ(၉၀)ကျော်ရှိနေ။

၃။ နေ့စဉ်မိုးလေဝသသတင်း။

၄။ ရိုးရာအပျော်တမ်းဒုံးပစ်ပြိုင်ပွဲ ထိုင်းနိုင်ငံတွင်ကျင်းပ...အစရှိတဲ့သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#WorldPolitics
Published 03 May 2022

ရုရှားတို့ရဲ့ ဝင်ငွေရပေါက်ကြီးဖြစ်တဲ့ ရေနံတင်ပို့ခြင်းလုပ်ငန်းကို ဥရောပသမဂ္ဂက ယခုရက်ပိုင်းအတွင်း ဒဏ်ခတ်ပိတ်ဆို့မှု ပြုလုပ်ဖို့ပြင်ဆင်နေပါတယ်။

ရုရှားထံမှ လောင်စာဆီအများဆုံး တင်သွင်းနေရတဲ့ ဂျာမနီတို့က သဘောထားရပ်တည်ချက်ပြောင်းလဲလာခဲ့ပြီး ဥရောပသမဂ္ဂရဲ့ရုရှားရေနံအပေါ် ဒဏ်ခတ်ပိတ်ဆို့ဖို့ အဆိုကို ထောက်ခံလာတာဖြစ်ပါတယ်။

ဥရောပကော်မရှင်က ၆ ကြိမ်မြောက် အီးယူရဲ့ဒဏ်ခတ်ပိတ်ဆို့မှုတွေကို ယခုတစ်ပတ်အတွင်းအဆိုပြု တင်သွင်းသွားဖို့ မျှော်မှန်းထားရာ ရုရှားရေနံဝယ်ယူခြင်းအပေါ် ပိတ်ပင်ခြင်းကိစ္စလည်းပါဝင်လာနိုင်ပါတယ်။

ရုရှားရဲ့လောင်စာတွေကို ဥရောပသို့တင်ပို့နေတဲ့လုပ်ငန်းဟာ နိုင်ငံတကာအရေးယူ ပိတ်ဆို့မှုတွေမှ ကင်းလွတ်နေခဲ့ပြီး ရုရှားစစ်တပ်အတွက် နေ့စဉ်ယူရိုငွေသန်းနဲ့ချီရရှိနေတာဖြစ်ပါတယ်။

"အခုအဆိုတင်သွင်းချက်မှာ လောင်စာသယံဇာတတွေကနေ ရုရှားတို့ဝင်ငွေရရှိနေမှုကို ပိတ်ပင်သွားနိုင်မယ့်အချက်တွေ ပါဝင်မှရပါမယ်" လို့ ယူကရိန်းသမ္မတ 'ဗိုလိုဒီမီယာဇယ်လန်စကီ' က ဗီဒီယိုမှာ ပြောကြားသွားပါတယ်။

ရုရှားရေနံတင်သွင်းခြင်းအပေါ် ဥရောပသမဂ္ဂရဲ့ဒဏ်ခတ်ပိတ်ဆို့မှုကို ဂျာမနီကထောက်ခံဖို့ပြင်ဆင်နေကြောင်း တနင်္လာနေ့က အသိပေးလိုက်ပါတယ်။

"ရုရှားမှ ရေနံတင်သွင်းမှုပိတ်ပင်ခြင်းဒဏ်ကို ဂျာမနီအနေနဲ့ခံနိုင်ရည်ရှိလောက်တဲ့ အခြေအနေဖြစ်နေပါပြီ" လို့ ဂျာမနီဘဏ္ဍာရေးဝန်ကြီး 'ရောဘတ်ဟေဘက်ခ်'က ပြောကြားလိုက်ပါတယ်။

အခြားဥရောပခေါင်းဆောင်တွေနဲ့ယှဉ်ရင် ယူကရိန်းကိုထောက်ပံ့ရေးကိစ္စမှာ သတိထားဆောင်ရွက်လေ့ရှိတဲ့ ဂျာမနီနိုင်ငံအကြီးအကဲ 'အိုလက်ဖ်ရှော့ဇ်' ကို ပြတ်ပြတ်သားသားဆုံးဖြတ်ဖို့ ဝိုင်းဝန်း ဖိအားပေးလာကြပါတယ်။

အခုအခါမှာတော့ 'ရှော့လ်ဇ်'က ရုရှားသမ္မတ'ပူတင်'အနေနဲ့ ယူကရိန်းနဲ့ငြိမ်းချမ်းရေးရယူဖို့ သဘောတူလက်မှတ် မရေးထိုးမချင်း ဒဏ်ခတ်ပိတ်ဆို့မှုတွေကို ဖယ်ရှားသွားမှာမဟုတ်ကြောင်း ZDF ပြည်သူ့ရုပ်သံနဲ့အင်တာဗျူးမှာ ပြောကြားသွားပါတယ်။

ရုရှားဓာတ်ငွေ့ဝယ်ယူရာမှာ ရုရှားငွေရူဘယ်လ်ဖြင့်ပေးချေဖို့ ပူတင်ရဲ့တောင်းဆိုချက်ကို ဥရောပသမဂ္ဂက ငြင်းဆိုလိုက်ပါတယ်။

ပြီးခဲ့တဲ့အပတ်က ပိုလန်နဲ့ဘူလ်ဂေးရီးယားတို့ဆီ ဓာတ်ငွေ့ပေးပို့ခြင်းကို ရုရှားကဖြတ်တောက်ပစ်ခဲ့ပါတယ်။

ရုရှားရဲ့တောင်းဆိုချက်အတိုင်း ဓာတ်ငွေ့ဝယ်ယူဖို့ ရူဘယ်လ်နဲ့ပေးချေမယ်ဆိုရင် ဥရောပသမဂ္ဂရဲ့ဒဏ်ခတ်ပိတ်ဆို့မှုတွေကို ချိုးဖောက်ရာရောက်မယ်လို့ အီးယူဝန်ကြီးများက တနင်္လာနေ့ကသတိပေးခဲ့ပါတယ်။

အီးယူနိုင်ငံများမှ သံအမတ်များက ဗုဒ္ဓဟူးနေ့မှာ ရေနံဝယ်ယူမှု ပိတ်ပင်ခြင်းအဆိုပြုချက်ကို ဆွေးနွေးသွားမှာ ဖြစ်ပါတယ်။

Source: Reuters
#Yangon_Media_Group

#WorldHealth
Published 03 May 2022

အမေရိကန်လူမျိုးအများစုဟာ ရောဂါဖြစ်ပွားခြင်းနဲ့ အသေစောခြင်းတို့မှ ကာကွယ်နိုင်ရန်မျှော်လင့်ပြီး ဗိုက်တာမင်အားဆေးများကို နေ့စဉ်မှီဝဲလေ့ရှိပါတယ်။

နေ့စဉ်အားဆေးသောက်သုံးခြင်းက အချိန်ကုန်ငွေကြေးကုန်တာပဲအဖတ်တင်ကြောင်း ထိပ်သီးပညာရှင်တစ်ဦးက သတိပေးလိုက်ပါတယ်။

မာဆာချူဆက်စ် ဘော့စ်တွန်ရှိ တက်ဖ်စ်တက္ကသိုလ်မှ ကင်ဆာရောဂါပညာရှင် ဒေါက်တာ'ဖန်ဖန်ကျန်း'က ဒီလိုဖြည့်စွက်အားဆေးနေ့စဉ်သုံးစွဲခြင်းက နာတာရှည်ရောဂါကာကွယ်နိုင်တာမျိုး လူတစ်ယောက်ရဲ့အသက်ကို ဆွဲဆန့်ပေးတာမျိုးဆိုတဲ့အထောက်အထားမျိုး မတွေ့ရကြောင်း TIME သတင်းဌာနကိုပြောကြားသွားပါတယ်။

ခန္ဓာကိုယ်ကလိုအပ်တဲ့ ဗိုက်တာမင်တွေ သတ္တုဓာတ်တွေဟာ အစားအစာကနေအဓိကရရှိတာဖြစ်ပြီး ဗိုက်တာမင်အားဆေးတွေကဓာတ်တွေကို ခန္ဓာကိုယ်ကကောင်းစွာအသုံးမချနိုင်ကြောင်း မှတ်ချက်ပြုခဲ့ပါတယ်။
ဗိုက်တာမင်အားဆေးတွေမှီဝဲလေ့ရှိသူတွေဟာ ဝင်ငွေကောင်းသူတွေဖြစ်ကြပြီး ဘယ်လိုပဲဖြစ်ဖြစ် ကျန်းမာသန်စွမ်းစေတဲ့အလေ့အထပြုလုပ်သူတွေဖြစ်ကြတာကြောင့် ဖြည့်စွက်အားဆေးသုံးစွဲစရာမလိုဘူးလို ဆိုပါတယ်။

အမေရိကန်တွေနေ့စဉ်စားသောက်လေ့ရှိတဲ့ အစားအစာအများစုမှာ လိုအပ်တဲ့ဗိုက်တာမင်တွေ သတ္တုဓာတ်တွေ ပါဝင်နေပါတယ်။

ခန္ဓာကိုယ်က ဗိုက်တာမင်နဲ့ သတ္တုဓာတ်အားဆေးတွေထက်စာရင် အစားအစာကရရှိတဲ့ဓာတ်တွေကိုပိုပြီး အကျိုးရှိရှိအသုံးချနိုင်ပါတယ်။

ဖြည့်စွက်အားဆေးတွေက အစားအစာကရတဲ့ သဘာဝအဟာရဓာတ်တွေလောက် ထိရောက်မှုမရှိပါဘူး။

အချို့လူတွေမှာဆိုရင် အဟာရမညီညွတ်တဲ့ အစားအသောက်တွေနေရာမှာ ဖြည့်စွက်အားဆေးများဖြင့် အစားထိုးအသုံးပြုနေကြပါတယ်။

"အားဆေးဓာတ်စာတွေကို ကျန်းမာရေးနဲ့ညီညွတ်တဲ့ အစားအစာအလေ့အထတွေနေရာမှာ အစားထိုးပြီးအသုံးမပြုသင့်ပါဘူး။ အဲဒီလောက်အစွမ်းထက်တဲ့ဆေးမရှိပါဘူး" လို့ 'ဖန်ဖန်ကျန်း'ကဆိုပါတယ်။

အမေရိကန်လူလတ်ပိုင်း သုံးပုံတစ်ပုံခန့်ဟာ ဗိုက်တာမင်အားဆေးများ သုံးစွဲလေ့ရှိပြီး ဒီဆေးတွေက ဘေးဥပါဒ်မဖြစ်စေပေမယ့် ငွေကုန်ကြေးကျလုပ်ရပ်သာဖြစ်ကြောင်း သတိပေးသွားပါတယ်။

Source: DailyMail
#Yangon_Media_Group

#WorldHealth
Published 03 May 2022

တရုတ်ကုမ္ပဏီ Suzhou Abogen Biosciences မှ စမ်းသပ်ထုတ်လုပ်လျက်ရှိတဲ့ အိုမီခရွန်သီးသန့် mRNA ကိုဗစ်ကာကွယ်ဆေးကို ယူအေအီးနိုင်ငံမှာ လက်တွေ့စမ်းသပ်ခွင့်ရရှိခဲ့ပြီဖြစ်ကြောင်း ကုမ္ပဏီကသောကြာနေ့မှာ ထုတ်ဖော်ပြောကြားလိုက်ပါတယ်။

ဖိုင်ဇာ-ဘိုင်အိုတက်ခ်ကုမ္ပဏီနဲ့ မိုဒါနာကုမ္ပဏီတိုကလည်း အိုမီခရွန်ကိုကာကွယ်နိုင်အောင် ပြုပြင်ထုတ်လုပ်ထားတဲ့ ကိုဗစ်ကာကွယ်ဆေးများကို စမ်းသပ်ခွင့်ရရှိထားပြီဖြစ်ပြီး အခုဆိုရင် Abogen ကုမ္ပဏီရဲ့ကာကွယ်ဆေးပါ ပါဝင်လာတာဖြစ်ပါတယ်။

အလွန်ကူးစက်မြန်တဲ့ အိုမီခရွန်မျိုးဗီဇကွဲဟာ လက်ရှိကိုဗစ်ကာကွယ်ဆေးတွေကရရှိတဲ့ ပဋိပစ္စည်း(antibody)များကို ခုခံနိုင်စွမ်းမြင့်မားနေပါတယ်။

တရုတ်ပြည်မကြီးရှိလူဦးရေ ၁.၄ ဘီလီယံမှာ ၈၈ ရာခိုင်နှုန်းကျော်လောက်က mRNA အမျိုးအစားမဟုတ်တဲ့ ကိုဗစ်ကာကွယ်ဆေး ထိုးနှံထားကြတာဖြစ်ပါတယ်။

တရုတ်နိုင်ငံမှာ နိုင်ငံခြားထုတ်ကိုဗစ်ကာကွယ်ဆေးတွေကို အသိအမှတ်မပြုထားဘဲ အသုံးအများဆုံးတရုတ်နိုင်ငံထုတ်ကာကွယ်ဆေးတွေဖြစ်တဲ့ Sinopharm နဲ့ Sinovac တို့ဟာ ဖိုင်ဇာ-ဘိုင်အိုတက်ခ်နဲ့ မိုဒါနာ mRNA ကာကွယ်ဆေးတွေလောက် ကိုဗစ်ရောဂါကိုထိရောက်စွာမကာကွယ်နိုင်ကြောင်း အချက်အလက်တွေမှာတွေ့ရှိထားပါတယ်။

Abogen ကုမ္ပဏီအနေနဲ့ ယူအေအီးအပြင် တရုတ်နဲ့ အခြားနိုင်ငံတွေမှာ အိုမီခရွန်ကာကွယ်ဆေးကိုစမ်းသပ်ခွင့်ရဖို့ ဆက်သွယ်နေပါတယ်။

သက်မဲ့ကိုရိုနာဗိုင်းရပ်စ်ပါဝင်ပြီး Sinopharm မှ ထုတ်လုပ်တဲ့ အိုမီခရွန်သီးသန့်ကာကွယ်ဆေးနှစ်မျိုးနဲ့ Sinovac မှ အိုမီခရွန်သီးသန့်ကာကွယ်ဆေးတို့ကို ဟောင်ကောင်နဲ့ တရုတ်ပြည်မကြီးတို့မှာစမ်းသပ်ဖို့ ခွင့်ပြုချက်ရရှိထားပြီးဖြစ်ပါတယ်။

ယူအေအီးမှ တာဝန်ရှိသူတွေ Sinopharm ရဲ့ အိုမီခရွန်သီးသန့်ကာကွယ်ဆေး တတိယတစ်မျိုးကို စမ်းသပ်ခွင့်ပြုထားပြီဖြစ်သလို သက်မဲ့ဗိုင်းရပ်စ်အမျိုးအစား အိုမီခရွန်သီးသန့်ကာကွယ်ဆေးနှစ်မျိုးကိုလည်း စမ်းသပ်ခွင့်ပြုထားကြောင်း Sinopharm လက်ခွဲကုမ္ပဏီ China National Biotec Group က သောကြာနေ့က ပြောကြားလိုက်ပါတယ်။

Source: Reuters.
#Yangon_Media_Group