Published 3 April 2022

ကာဇက်စတန်သမ္မတနှင့် အဆင့်မြင့်အရာရှိကြီးတွေကို တိုက်ခိုက်ဖို့ ကြံစည်နေတဲ့ နိုင်ငံခြားသူလျှိုတစ်ဦးကို ယင်းရဲ့ လုံခြုံရေးတပ်ဖွဲ့တွေက ဖမ်းဆီးရမိခဲ့တယ်လို့   ဧပြီ၃ ရက် တနင်္ဂနွေနေ့ကပြောပါတယ်။

“နိုင်ငံခြားသူလျှိုတစ်ဦးဖြစ်တဲ့ ကာဇက်နိုင်ငံသားတစ်ဦးကို နူလ်ဆူလ်တန်မြို့တော်မှာ တန်ပြန်ထောက်လှမ်းရေးအဖွဲ့က မတ်၂၅ရက်က ဖမ်းဆီးရမိခဲ့ပါတယ်” လို့ အမျိုးသားလုံခြုံရေးကောင်စီက သတင်းထုတ်ပြန်ပါတယ်။

အဲဒီသူဟာ ကာဇက်စတန်သမ္မတနှင့် အဆင့်မြင့်အရာရှိတော်တော်များများနှင့်အတူ အထူးတပ်ဖွဲ့နှင့် လုံခြုံရေးတပ်ဖွဲ့တွေကို  တိုက်ခိုက်ဖို့ ကြံစည်ခဲ့တယ်လို့ သတင်းထုတ်ပြန်ချက်မှာဖော်ပြထားပါတယ်။

သူ့အိမ်ကိုရှာဖွေစဉ် နိုင်ငံခြားတိုင်းပြည်လုပ်သေနတ်၊မူးယစ်ဆေးဝါးတွေနှင့် ငွေစက္ကူအများအပြား တွေ့ရှိသိမ်းဆည်းရမိခဲ့ ပါတယ်။ သူ့ကို ဖမ်းဆီးမိပြီးနောက် အကြမ်းဖက်မှုစုံစမ်းစစ်ဆေးမှုစတင်စဉ်မှာ သူက ဝန်ခံခဲ့တယ်လို့ သတင်းထုတ်ပြန်ချက်က ဆိုပါတယ်။

ကာဇက်စတန်ဟာ ဆိုဗီယက်သမ္မတနိုင်ငံဟောင်းတစ်ခုဖြစ်ပြီး အလယ်အာရှမှာ အချမ်းသာဆုံးနိုင်ငံဖြစ်ပါတယ်။ ဇန်နဝါရီ လဆန်းပိုင်းက လောင်စာဆီဈေးတက်မှုကြောင့် ငြိမ်းချမ်းစွာဆန္ဒပြနေတုန်း အကြမ်းဖက်မှုတွေဖြစ်ပြီး သွေးထွက်သံယိုမှု နှင့် လုယက်မှုတွေဖြစ်ခဲ့ရပါတယ်။

အဲဒီအကြမ်းဖက်မှုကို အကြမ်းဖက်အုပ်စုတွေရဲ့လက်ချက်လို့ ကာဇက်စတန်ကပြောပြီး နိုင်ငံခြားမီဒီယာတွေရဲ့ သတင်းဖော်ပြချက်တွေကို ဝေဖန်ခဲ့ပါတယ်။

Source AFP

Published 3 April 2022

၂၀၂၂ခုနှစ် နိုဝင်ဘာ ၂၁ရက်မှ ဒီဇင်ဘာ ၁၈ရက်အထိ ကာတာနိုင်ငံမှာ ကျင်းပမယ့် ၂၀၂၂ ကမ္ဘာ့ဖလားဘောလုံးပြိုင်ပွဲကြီးမှာ အုပ်စု၊ကွာတားဖိုင်နယ်နှင့်ဗိုလ်လုပွဲအဆင့်ဆင့်ကို ဘယ်ဘောလုံးကွင်းတွေမှာ ကစားကြမလဲဆိုတာကို ကမ္ဘာ့ဖလားဘောလုံးပွဲ ပရိဿတ်အကြီးအတွက် စုစည်းတင်ဆက်လိုက်ပါတယ်။

Source AFP

#WorldHealth
Published - 03 April 2022
အိန္ဒိယမှာမွေးဖွားခဲ့တဲ့ကလေးငယ်မှာ ခေါင်းနှစ်လုံး လက်သုံးချောင်း နှလုံးနှစ်ခုပါလာပြီး အသက်ဆက်ရှင်နေတာကြောင့် ဆရာဝန်များအံ့အားသင့်နေကြရပါတယ်။မိခင်'ရှာဟင်ခန်း'နဲ့ သူ့အမျိုးသားဖြစ်သူ'ဆိုဟေးလ်'တို့ဟာ အမွှာကလေးနှစ်ယောက်မွေးဖွားလာမယ်လို ထင်နေခဲ့ကြပေမယ့် မတ်လ ၂၈ ရက်နေ့က ရတ်လမ်မြို့ မှာမွေးဖွားခဲ့ရာမှာတော့ ခေါင်းနှစ်လုံးနဲ့ကလေးတစ်ယောက်တည်း ဖြစ်နေခဲ့ပါတယ်။

ဒီလိုအခြေအနေမျိုးကို dicephalic parapagus လို့ခေါ်ပြီး ကိုယ်ထည်တစ်ခုတည်းနဲ့ခေါင်းနှစ်လုံးပါဝင်ကာ ကလေးအသေမွေးတာမျိုးအဖြစ်များပါတယ်။

ဒါပေမဲ့ထူးဆန်းစွာနဲ့ပဲ ကိုယ်ချင်းဆက်အမွှာကလေးဟာ အခုအချိန်ထိအသက်ရှင်နေဆဲဖြစ်ပြီး အနီးအနားရှိ အင်ဒိုးမြို့ဆေးရုံကိုတင်ထားကာ ဆရာဝန်များက စောင့်ကြပ်ကြည့်ရှုပေးနေကြပါတယ်။

မိခင်ဖြစ်သူကတော့ ရတ်လန်ခရိုင်ဆေးရုံမှာပဲ ဆက်ရှိနေခဲ့ပါတယ်။
ဆရာဝန်တစ်ဦးဖြစ်တဲ့ ဒေါက်တာ'လိုဟာတီ'က "ဒီလိုမွေးဖွားမှုဟာအလွန်ရှားပါးပြီး ကလေးရဲ့အသက်ရှင်မှုအခြေအနေကလည်း မွေးဖွားပြီးစရက်တွေမှာ မသေချာပါဘူး။ ဒါကြောင့် ဒီကလေးကိုသေချာစောင့်ကြည့်နေကြပါတယ်။ ခွဲစိတ်မှုလုပ်ဖို့တော့အစီအစဉ်မရှိပါဘူး" လို့ ပြောပြလိုက်ပါတယ်။

ကိုယ်ထည်တစ်ခု ခေါင်းနှစ်လုံးနဲ့ကိုယ်ချင်းဆက်အမွှာမွေးဖွားလာခြင်းကို dicephalic paragus လို့ခေါ်ပြီး ကလေးတစ်သောင်းမွေးဖွားရင် တစ်ယောက်ဖြစ်နိုင်ချေရှိတဲ့အခြေအနေဖြစ်ပါတယ်။

အိန္ဒိယနိုင်ငံမှာ ၂၀၁၉ ခုနှစ်ကလည်း အသက် ၂၁ နှစ်အရွယ်ကလေးအမေက ခေါင်းနှစ်လုံး လက်သုံးချောင်းနဲ့ကလေးကိုမွေးဖွားခဲ့ဖူးပါတယ်။ သူတို့ရဲ့ပထမဆုံးရတဲ့ကလေးမှာ ခေါင်းနှစ်လုံးပါလာတာကြောင့် အစပိုင်းမှာတော့ မယုံကြည်နိုင်လောက်အောင်ဖြစ်ခဲ့ရပါတယ်။

ကိုယ်ဝန်ဆောင်ချိန် ၃၅ ပတ်ရှိတဲ့အချိန်မှာ ကိုယ်ချင်းဆက်အမွှာရရှိမယ်လို့ စစ်ကြည့်ခဲ့ရပေမယ့် ဗိုက်ခွဲမွေးဖွားခဲ့တဲ့အချိန်မှာတော့ ခေါင်းနှစ်လုံးနဲ့ကလေးဖြစ်နေခဲ့ပါတယ်။
နောက်ပိုင်းမှာတော့ ဒီကလေးကိုသူတို့ တတ်နိုင်သလောက် အကောင်းဆုံးဖြစ်အောင် ပြုစုစောင့်ရှောက်ပေးခဲ့ပါတယ်။

အိန္ဒိယနိုင်ငံမှာပဲ ၂၀၁၇ ခုနှစ်က ကိုယ်ချင်းဆက်ယောကျ်ားလေးမွေးဖွားခဲ့ရာမှာတော့ မွေးဖွားပြီး ၂၄ နာရီအကြာမှာပဲ အသက်မရှင်နိုင်တော့ပါဘူး။

ကလေးအဖေနဲ့အမေက သူတို့ကလေးကို ကယ်တင်ပေးဖို့တောင်းဆိုပေမယ့် ကလေးကအသက်ရှင်ဖို့ မျှော်လင့်ချက်မရှိတော့ဘူးလို့ ဆရာဝန်တွေကသတိပေးခဲ့ပါတယ်။

ခေါင်းနှစ်လုံးကိုယ်ချင်းဆက်မွေးဖွားမှုဟာ အလွန်ရှားပါးဖြစ်စဉ်ဖြစ်ပြီး မကြာခဏကလေးအသေမွေးခြင်းမျိုး ဖြစ်ပေါ်တတ်ပါတယ်။
Source: Dailymail

#WorldAgriculture
Published 02 April 2022

ခရိုအေးရှားနိုင်ငံမှာ အသစ်ဖွင့်လှစ်လိုက်တဲ့ ဆေးခြောက်ပြတိုက်မှာ ဆေးခြောက်အသုံးပြုခြင်းသမိုင်းဝင်အကြောင်းတွေ၊ ရက်ဂေးသံစဉ်နဲ့ ဆေးစွဲသူတို့ရဲ့အကြောင်းအရာတွေကို ဖော်ပြထားပါတယ်။

#Yangon_Media_Group

Published 2 April 2022

အိုမီခရွန်ကနေထပ်ခွဲလာတဲ့  ဗိုင်းရပ်မျိုးကွဲအခွဲအသစ်တစ်ခု "XE" (အိတ်စ်အီး) ကို ရှာတွေ့ခဲ့ပြီး အဲဒါဟာ လက်ရှိကူးစက်မှုအမြန်ဆုံးဖြစ်နေတဲ့ အိုမီခရွန်အခွဲ BA.2 ထက် ကူးစက်မှု ၁၀ရာခိုင်နှုန်း မြန်ဆန်တယ်လို့ ကမ္ဘာ့ကျန်းမာရေးအဖွဲ့ကပြောပါတယ်။

"XE" (အိတ်စ်အီး)ဟာ အိုမီခရွန်၊, BA.1နှင့်  BA.2 တို့ပေါင်းစပ်မိပြီး ထပ်မံပေါ်ပေါက်လာတဲ့ မျိုးကွဲအခွဲတစ်ခုဖြစ်ပြီး သိသာစွာကွဲပြားတဲ့ ရောဂါဆိုးရွားမှုအပါအဝင် ရောဂါအသွင်အပြင်တွေမပြမချင်း အိုမီခရွန်ရဲ့ အခွဲဖြစ်နေဦးမှာပါလို့ ကမ္ဘာ့ကျန်းမာရေးအဖွဲ့ရဲ့  မတ်၂၉ရက်က ထုတ်ပြန်တဲ့ ကပ်ရောဂါဆိုင်ရာ နောက်ဆုံးအစီရင်ခံစာမှာဖော်ပြထားပါတယ်။

Source CMG

#DailyNews
Published -2 April 2022

၁။ သိန်း ၂၀၀ ပတ်ချာလည်ကားများ အဝယ်လိုက်နေပြီး ကားဈေးနှုန်းတွေမြင့်တက်နေ

၂။ ကျောက်စိမ်းရိုင်းတူးဖော်ထုတ်လုပ်ခွင့်ကို အမြဲတမ်းသဘောမျိုးပိတ်သိမ်း

၃။ မိုးလေဝသ သတင်း

၄။ ဆေးခြောက်ပြတိုက် ခရိုအေးရှားတွင်ဖွင့်လှစ်ပြသ...အစရှိတဲ့သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group