9 August 2023
နယ်စပ်ကုန်သွယ်မှုများ၌ တရားမဝင်ကုန်သွယ်မှုများကြောင့် နိုင်ငံ့ဝင်ငွေများကို ထိခိုက်နစ်နာနေရတယ်လို့ နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်ကပြောပါတယ်။
တိုင်းဒေသကြီးနှင့် ပြည်နယ်ဝန်ကြီးချုပ်များနှင့် ကိုယ်ပိုင်အုပ်ချုပ်ခွင့်ရဒေသနှင့် တိုင်းဥက္ကဋ္ဌများအား ယနေ့မွန်းလွဲပိုင်းတွင် နေပြည်တော်ရှိ နစက ဥက္ကဋ္ဌရုံး အစည်းအဝေးခန်းမ၌တွေ့ဆုံအမှာစကားပြောကြားရာမှာ ဗိုလ်ချုပ်မှူးကြီးက ထောက်ပြ ပြောဆိုခဲ့ခြင်းဖြစ်ကြောင်း နစကရဲ့ သတင်းထုတ်ပြန်ချက်အရသိရပါတယ်။
နယ်စပ်ကုန်သွယ်မှုများ၌ တရားမဝင်ကုန်သွယ်မှုများကြောင့် နိုင်ငံ့ဝင်ငွေများကို ထိခိုက်နစ်နာစေလျက်ရှိနေပြီး ပြည်ပသို့ကုန်သွယ်မှုများဆောင်ရွက်ရာတွင် တရားဥပဒေနှင့်အညီ မှန်မှန်ကန်ကန်ဖြင့် ဆောင်ရွက်ရန်ဖို့လိုတယ်လို့လည်း နစက ဥက္ကဋ္ဌက ဆက်လက်ပြောဆိုပါတယ်။ အဲဒါကြောင့်ဥပဒေကိုဖောက်ဖျက်ဆောင်ရွက်မှုများကိုဖော်ထုတ် အရေးသွားယူမယ်လို့လည်း သတိပေးပြောဆိုခဲ့ပါတယ်။
အခွန်ဆောင်မှုနှင့်ပတ်သက်၍ အခွန်ရှောင်မှုများမရှိစေရေး တာဝန်ရှိသူများအနေဖြင့်စနစ်တကျ စစ်ဆေးကြပ်မတ်ဆောင်ရွက်ရန်လိုတယ်လို့လည်း ဗိုလ်ချူပ်မှူးကြီးက ဒေသဆိုင်ရာအဆင့် တာဝန်ရှိအကြီးအကဲတွေကို ဆက်လက်မှာကြားခဲ့ပါတယ်။
ယင်းအပြင် မြေများဈေးကစားမှုမရှိစေရေးနှင့် စနစ်တကျရှိစေရေး လယ်ယာမြေဥပဒေဖြင့် ကြပ်မတ်ဆောင်ရွက်နေရန်လိုတယ်လို့လည်း ဗိုလ်ချုပ်မှူးကြီးကပြောပါတယ်။မြေယာအသုံးချမှုကိစ္စရပ်များနှင့်ပတ်သက်၍ လည်း စိုက်ပျိုးမြေများ ထိခိုက်လျော့နည်းမှုမရှိအောင်နှင့် ၊ စိုက်ပျိုးမြေများကို အခြားနည်းများဖြင့် အသုံးပြုခြင်းများမရှိစေရေး ဥပဒေ၊ စည်းမျဉ်းစည်းကမ်းများနှင့်အညီ ကြပ်ကြပ်မတ်မတ်ဖြင့် ဆောင်ရွက်သွားဖို့ ဒေသဆိုင်ရာ အစိုးရအဖွဲ့အကြီးအကဲတွေကို ဆက်လက်သတိပေးမှာကြားခဲ့တယ်လို့ သတင်းထုတ်ပြန်ချက်မှာဖော်ပြထားပါတယ်။
တွေ့ဆုံပွဲသို့ နိုင်ငံတော်စီမံအုပ်ချုပ်ရေးကောင်စီဝင် ဒုတိယဗိုလ်ချုပ်ကြီးမိုးမြင့်ထွန်း၊ ပြည်ထောင်စုဝန်ကြီးများ၊ နေပြည်တော်ကောင်စီဥက္ကဋ္ဌ၊ တိုင်းဒေသကြီးနှင့်ပြည်နယ်ဝန်ကြီးချုပ်များ၊ ကိုယ်ပိုင်အုပ်ချုပ်ခွင့်ရဒေသနှင့် တိုင်းဥက္ကဋ္ဌများ၊ တာဝန်ရှိသူများ တက်ရောက်ခဲ့ကြတယ်လို့သတင်းရရှိပါတယ်။
-ymg/knl
#yangonmediagroup
#yangontimes
#တရားမဝင်ကုန်သွယ်ရေး
#ဗိုလ်ချုပ်မှူးကြီးမင်းအောင်လှိုင်
8 August 2023
ဒီမိုကရေစီနှင့်ဖက်ဒရယ်စနစ်အခြေခံသည့်ပြည်ထောင်စုတည်ဆောက်ရေးတွင် တိုင်းရင်းသားလက်နက်ကိုင် ပဋိပက္ခတွေဟာ အဓိက ဆူးညှောင့်ခလုတ်ဖြစ်နေတယ်လို့ နစက ဥက္ကဋ္ဌ၊ နိုင်ငံတော်ဝန်ကြီးချုပ် ဗိုလ်ချူပ်မှူးကြီး မင်းအောင်လှိုင်က ပြောကြောင်း နစကရဲ့ သတင်းထုတ်ပြန်ချက်အရသိရပါတယ်။
ပြည်ထောင်စုအဆင့်ပုဂ္ဂိုလ်များနှင့် ပြည်ထောင်စုဝန်ကြီးဌာနများမှတာဝန်ရှိသူမျ ဩဂုတ်လ(၈)ရက် ယနေ့နံနက်ပိုင်းက နေပြည်တော်ရှိ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံး ငုရွှေဝါ ခန်းမ၌တွေ့ဆုံ အမှာစကားပြောကြားရာမှာ နစက ဗိုလ်ချူပ်မှူးကြီးက ယခုလိုထည့်သွင်းမှာကြားခဲ့တာဖြစ်ပါတယ်။
အဲဒါကြောင့် တိုင်းရင်းသားများ၏အခွင့်အရေးများနှင့်ပတ်သက်၍ လက်ရှိနိုင်ငံ၏ပကတိ အခြေအနေများနှင့်ကိုက်ညီစွာ စဉ်းစားဆောင်ရွက်၍ အရှည်မျှော်တွေးဆောင်ရွက် ကြရန်လိုပြီး တိုင်းရင်းသားလက်နက်ကိုင်အဖွဲ့များနှင့်ပတ်သက်၍ ဖြစ်သင့်ဖြစ်ထိုက်သည်များနှင့်ဖြစ်နိုင်သည်များကို ဆောင်ရွက်ပေးရမှာဖြစ်တယ်လို့ နစက ဥက္ကဋ္ဌက ဆက်လက်ပြောကြားပါတယ်။
တစ်နိုင်ငံလုံးပစ်ခတ်တိုက်ခိုက်မှုရပ်စဲရေး သဘောတူစာချုပ်(NCA)ကို လက်မှတ်ရေးထိုးခဲ့ခြင်းဖြစ်ကြောင်း၊ NCA မှာပြည့်စုံမှုမရှိသေးသော်လည်း တိုင်းရင်းသားများ၏ တောင်းဆိုချက်များကို သဘောတူညီချက်စာချုပ်အဖြစ် ချုပ်ဆိုခဲ့ခြင်းဖြစ်ပြီး ကတိကဝတ်ပေးထားသည့် အကြောင်းအရာများဖြစ်ကြောင်း၊ အဆိုပါစာချုပ်ကို နိုင်ငံတကာမှအသိသက်သေများ မျက်မှောက်တွင် လက်မှတ်ရေးထိုးထားခြင်းဖြစ်သဖြင့် မျက်ကွယ်ပြု၍ ဆောင်ရွက်ခြင်းမပြုရန်လိုတယ်လို့လည်း ဗိုလ်ချုပ်မှူးကြီးက ပြောဆိုခဲ့ကြောင်း သတင်းထုတ်ပြန်ချက်မှာဖော်ပြထားပါတယ်။
ဒေသအလိုက်တိုင်းရင်းသားလူမျိုးပေါင်းစုံ နေထိုင်ကြခြင်းဖြစ်သဖြင့်ဖက်ဒရယ်စနစ်ကိုဆောင်ရွက်ရာတွင် လူမျိုးကို အခြေခံ၍မရဘဲ ဒေသကို အခြေခံ၍ဆောင်ရွက်ရမည်ဖြစ်တယ်လို့လည်း နစက ဥက္ကဋ္ဌက အလေးထားပြောဆိုခဲ့ပါတယ်။
ဖွဲ့စည်းပုံအခြေခံဥပဒေကို ပြည်သူအများဆန္ဒနှင့် ကိုက်ညီမည်ဆိုပါက ပြုပြင်သင့်သည့်အချက်များ ကိုပြုပြင်ရန်အတွက် တပ်မတော်အနေဖြင့် သဘောတူညီထားပြီဖြစ်ကြောင်း၊ သို့သော်နိုင်ငံအတွက်အရေးကြီးသည့် တို့တာဝန်အရေးသုံးပါးကို
မထိခိုက်ရန်လိုပြီး ဒီမိုကရေစီအုပ်ချုပ်ရေးနှင့် ဖက်ဒရယ်လုပ်ပိုင်ခွင့်များကို ညီညွတ်မျှတစွာဖြင့် ဆောင်ရွက်နိုင်ရန် လိုတယ်လို့လည်း ဗိုလ်ချုပ်မှုးကြီးက သတိပေးပြောဆိုခဲ့ပါတယ်။
တရားဥပဒေစိုးမိုးရေးနှင့်ပတ်သက်၍ နစက ဥက္ကဋ္ဌကပြောကြားရာတွင် “မိမိတို့တာဝန်ထမ်းဆောင်ခဲ့သည့် ကာလအတွင်း တရားဥပဒေစိုးမိုးရေး တာဝန်ထမ်းဆောင်မှုနှင့်ပတ်သက်၍ အားနည်းချက်များရှိခဲ့ပြီး အုပ်ချုပ်ရေးပိုင်းဆိုင်ရာ အားနည်းချက်များသည် အစိုးရတစ်ရပ်၏ လုပ်ငန်းဆောင်ရွက်ချက်များကို ထိခိုက်စေနိုင်သဖြင့် ပြုပြင် ဆောင်ရွက်သွားရန်လိုတယ်” ဟု သုံးသပ်ပြောကြားခဲ့ပါတယ်။
ထို့အပြင် စိုက်ပျိုးမွေးမြူရေးလုပ်ငန်းများကို ခေတ်မီနည်းစနစ်များဖြင့်တိုးတက်အောင်ဆောင်ရွက်ရေး၊ MSME စက်မှုလုပ်ငန်းများကို အားပေးဆောင်ရွက်ကာ ပို့ကုန်ကဏ္ဍမြှင့်တင်ရေးနှင့် ပြည်တွင်းစားသုံးဆီဖူလုံရေးအတွက် ဆီထွက်သီးနှံစိုက်ပျိုးမှုကို အားပေးမြှင့်တင်ပြီး ပြည်ပသို့တင်ပို့နိုင်သည်အထိ ကြိုးပမ်းဆောင်ရွက်ရေး စသည့် စီးပွားရေးလုပ်ငန်းစဉ်တွေကိုလည်း ဗိုလ်ချုပ်မှူးကြီးကရှင်းလင်းပြောကြားခဲ့ပါတယ်။
ယင်းနောက်လူမှုရေးလုပ်ငန်းစဉ်များအဖြစ် လူတိုင်းလက်လှမ်းမီသည့် ဘက်စုံပညာရေးစနစ်ကိုအကောင်အထည် ဖော်ဆောင်ရေး၊ ပြည်သူအားလုံး အကျုံးဝင်မည့် ကျန်းမာရေးကဏ္ဍနှင့်အားကစားကဏ္ဍ မြှင့်တင်ဆောင်ရွက်ရေးနှင့် ဗလငါးတန်နှင့် ပြည့်စုံသောလူငယ်များ ဖြစ်စေရန် လူငယ်ကဏ္ဍကို မြှင့်တင်ဆောင်ရွက်ရေးကိစ္စများကို ဆက်လက် ရှင်းလင်းမှာကြားခဲ့တယ်လို့သိရှိရပါတယ်။
နိုင်ငံတော်တွင် အခက်အခဲ၊အကြပ်အတည်းများစွာကို စုစည်းညီညွတ်သည့်အားဖြင့်ကျော်လွှားနိုင်ခဲ့ပြီးဖြစ်တယ်လို့လည်း ဗိုလ်ချုပ်မှူးကြီးကပြောပါတယ်။သို့သော် မြန်မာနိုင်ငံအပေါ် စီးပွားရေးအရ၊ နိုင်ငံရေးအရ ပိတ်ဆို့မှုများရှိနေဆဲဖြစ်လို့ ပြည်တွင်းကုန်ထုတ်လုပ်မှုလုပ်ငန်းများကို အောင်မြင်အောင်ဆောင်ရွက်နိုင်မည်ဆိုပါက မည်သည့်အခက်အခဲ၊ အကြပ်အတည်းကိုမဆိုကျော်လွှားနိုင်မည်ဖြစ်တယ်လို့လည်း အဆုံးသတ်ပြောကြားခဲ့တယ်လို့ သတင်းထုတ်ပြန်ချက်မှာ ဖော်ပြာထားပါတယ်။
တွေ့ဆုံပွဲသို့ နစက ဒုတိယဥက္ကဋ္ဌ ဒုတိယဝန်ကြီးချုပ် ဒုတိယဗိုလ်ချုပ်မှူးကြီး စိုးဝင်း၊ နစကအဖွဲ့ဝင်များ၊ ပြည်ထောင်စုအဆင့်ပုဂ္ဂိုလ်များ၊ ပြည်ထောင်စုဝန်ကြီးများ၊ ညှိနှိုင်းကွပ်ကဲရေးမှူး(ကြည်း၊ရေ၊လေ)၊ တိုင်းဒေသကြီးနှင့် ပြည်နယ်ဝန်ကြီးချုပ်များ၊ ကာကွယ်ရေးဦးစီးချုပ်ရုံးမှ အဆင့်မြင့်တပ်မတော်အရာရှိကြီးများ၊ ဒုတိယဝန်ကြီးများ၊ ကိုယ်ပိုင်အုပ်ချုပ်ခွင့်ရဒေသနှင့်တိုင်းဥက္ကဋ္ဌများ၊ ပြည်ထောင်စုဝန်ကြီးဌာနများမှ ဌာနဆိုင်ရာအကြီးအကဲများတက်ရောက်ခဲ့ကြကြောင်းသတင်းရရှိပါတယ်။
-ymg/knl
ဩဂုတ်၈၊၂၀၂၁
မြန်မာနိုင်ငံရဲ့အကျပ်အတည်းကို ဖြေရှင်းရာတွင် ပဋိပက္ခတွင်ပါဝင်တဲ့ဘက်ပေါင်းစုံမှအားလုံး နိုင်ငံရေးဆန္ဒရှိဖို့လိုအပ်တယ်လို့ အင်ဒိုနီးရှား သမ္မတ ဂျိုကို ဝီဒိုဒိုကပြောကြားပါတယ်။
“မြန်မာနိုင်ငံရဲ့အခြေအနေဟာ စိန်ခေါ်မှုအပြည့်နှင့်ရှိနေတုန်းပဲဆိုတာ ကျွန်တော်တို့ သတိရှိရှိသိနေပါတယ်။ ပြီးတော့ ပါဝင်ပတ်သက်သူအားလုံးဆီမှာ နိုင်ငံရေးဆန္ဒရှိမှသာ အခြေအနေကိုဖြေရှင်းနိုင်လိမ့်မယ်လို့လည်း ကျွန်တော်တို့က သဘောပေါက်မိပါတယ်” လို့ ယနေ့ ဩဂုတ်လ ၈ ရက်နေ့မှာ အင်ဒိုနီးရှားနိုင်ငံ ဂျာကာတာမြို့တော်မှာကျင်းပတဲ့ အာဆီယံတည်ထောင်းခြင်း ၅၆နှစ်ပြည့်အခမ်းအနားမှာ သူက ပြောကြားခဲ့တာဖြစ်ပါတယ်။
အင်ဒိုနီးရှားခေါင်းဆောင်ဟာ မြန်မာအပါအဝင် အာဆီယံ(၁၀)နိုင်ငံအားလုံးက အကျပ်အတည်းကိုအဖြေရှာဖို့ ပူးပေါင်းလုပ်ဆောင်ကြရမယ်လို့ နိုင်ငံခြားသံတမန်တွေကို ပြောကြားခဲ့ပါတယ်။
“ အာဆီယံဟာ လှေကြီးတစ်စင်းဖြစ်တယ်။ အရှေ့ကိုရွေ့ရမယ်။ လှေကြီးဟာ ဆက်ပြီးရွက်လွှင့်နေရမယ်” လို့ သူကဆက်ပြောပါတယ်။
အင်ဒိုနီးရှားဟာ ယခုနှစ်အာဆီယံဥက္ကဋ္ဌဖြစ်ပြီး လာမယ့်စက်တင်ဘာမှာ အာဆီယံထိပ်သီးအစည်းအဝေးကို အိမ်ရှင်နိုင်ငံအဖြစ်လက်ခံကျင်းပပေးမှာ ဖြစ်ပါတယ်။ ဂျာကာတာဟာ စေ့စပ်ရေးစားပွဲဝိုင်းပေါ်ပြန်ရောက်လာရေးအတွက် မြန်မာစစ်အစိုးရနှင့် တိတ်တဆိတ်သံခင်းတမန်ခင်းလုပ်ဆောင်နေတာ ဖြစ်တယ်လို့ ဘန်ကောက်ပို့စ်က ရေးသားပါတယ်။
မြန်မာစစ်အစိုးရနှင့်သဘောတူထားတဲ့ အချက်ငါးချက်ပါ ဘုံသဘောတူညီချက်အတိုင်းပဲ အကျပ်အတည်းကို ဆက်လက်ဖြေရှင်းသွားမယ်လို့ ဝီဒိုဒိုကပြောပါတယ်။
Source BangkokPost
အာဆီယံအနေဖြင့် ပထဝီနိုင်ငံရေး အားပြိုင်မှုများ၏ ဖိအားနှင့်စိန်ခေါ်မှုတွေကို ညီညီညွတ်ညွတ် ရင်ဆိုင်ဖြေရှင်း ကြရလိမ့်မယ်လို့ နစက ဥက္ကဋ္ဌ ဗိုလ်ချူပ်မှူးကြီး မင်းအောင်လှိုင်က ပြောကြားပါတယ်။
ဩဂုတ်လ(၈)ရက် ယနေ့တွင်ကျရောက်တဲ့ (၅၆)နှစ်မြောက် အာဆီယံနှစ်ပတ်လည်နေ့သို့ ပေးပိုတဲ့ နစက ဥက္ကဋ္ဌရဲ့ သဝဏ်လွှာမှာ ယင်းကဲ့သို့ဖော်ပြထားခြင်းဖြစ်ပါတယ်။
အာဆီယံပဋိညာဉ် စာတမ်းပါအခြေခံမူများနှင့်အညီ အာဆီယံ၏ အချက်အချာကျမှုနှင့် စည်းလုံးညီညွတ်မှုကို အလေးအနက်ထားကိုင်စွဲကြရန် သတိပြုကြရမည် ဖြစ်တယ်လို့လည်း ဗိုလ်ချူပ်မှူးကြီးက ပြောပါတယ်။
အာဆီယံ၏ အချက်အချာကျမှုနှင့် အာဆီယံဦးဆောင်သော အခန်းကဏ္ဍများအပေါ် ခြိမ်းခြောက်လာနိုင်သည့် အခြေအနေများကို ရင်ဆိုင်ကျော်လွှားနိုင်ရန် ယခုထက်ပို၍ ပွင့်လင်းမြင်သာမှု၊ အားလုံးပါဝင်မှုရှိပြီး စည်းမျဉ်းအခြေပြုသည့် ဒေသဆိုင်ရာ ဖွဲစည်းတည်ဆောက်မှုပုံစံကို ဖော်ဆောင် ကြရန် လိုအပ်ကြောင်း ဗိုလ်ချူပ်မှူးကြီးက ဆက်လက်ပြောဆိုပါတယ်။
မြန်မာနိုင်ငံသည် ဥပဒေကြောင်းအရနှင့် ဘဏ္ဍာရေးအပါအဝင် လုပ်ငန်းပိုင်းဆိုင်ရာများ၌ အဖွဲဝင်နိုင်ငံတစ်နိုင်ငံအနေဖြင့် ဖြည့်ဆည်းရမည့် ဝတ္တရားများကို မပျက်မကွက် ထမ်းဆောင်လျက်ရှိနေပြီး အထူးသဖြင့် အာဆီယံ-တရုတ် ဆွေးနွေးဖက်ဆက်ဆံရေး ညှိနှိင်းရေး တာဝန်ခံနိုင်ငံအဖြစ် ဆောင်ရွက်နေပြီး အာဆီယံမဏ္ဍိုင်(၃)ရပ်နှင့် ၎င်းအောက်ရှိ နယ်ပယ်ကဏ္ဍများတွင် အသိုက်အဝန်း ထူထောင်ရေးကြိုးပမ်းဆောင်ရွက်မှုများကို ပူးပေါင်းပါဝင် ဆောင်ရွက်ပေးလျက် ရှိတယ်လို့လည်း သဝဏ်လွှာမှာဖော်ပြထားပါတယ်။
အာဆီယံအဖွဲ့ကြီးကို ၁၉၆၇ ခုနှစ် ဩဂုတ်လ (၈)ရက်နေ့တွင် ထိုင်းနိုင်ငံ ဘန်ကောက်မြို့၌ ဖွဲ့စည်းတည်ထောင်ခဲ့ပြီး အဆိုပါနေ့ကို အာဆီယံနေ့အဖြစ်သတ်မှတ်ခဲ့တာဖြစ်ပါတယ်။
-ymg/knl
Nay Pyi Taw 7 August
Senior General Min Aung Hlaing said that those delaying the election process are those who are against the will of the people.
Senior General Min Aung Hlaing said this while addressing the newly formed members of the State Administration Council (SAC) at the meeting hall of the SAC Chairman's Office in Nay Pyi Taw this morning.
If there is interference with the stability of the state, the rule of law and the development of the socio-economic life of the people, it will delay the development of the country and the process of improving the socio-economic life of the people, Senior General said.
Senior General also said that such a delay will delay the whole election process that must be done to strengthen and restore the multi-party democratic system, which is the desire of the entire people.
Since the ultimate goal of the SAC is to hold a free and fair multi-party democratic general election, in order to successfully hold the election, efforts must be made to ensure stability and peace throughout the country, he added.
In addition to this, the SAC Chairman said at the meeting that efforts are being made to ensure the right to vote without any gap between the people of the country.
It is the government's responsibility to ensure that all eligible voters have the right to vote, and that even though it is difficult to hold 100 percent of elections successfully, need to ensure that the people do not lose their right to vote, Senior General highlighted, according to press release.
Regarding the rights of the ethnic groups, the Senior General also said that as the same rights have already been given in the constitution and also paying attention to the development of the ethnic areas.
Senior General Min Aung Hlaing also said that impartial peace meetings and discussions must be carried out seriously.
There are different characteristics according to ethnic groups, therefore, it is necessary to pay attention to the opinion of a minority of people, as it must be done according to the consensus of the region and the majority, and not on the basis of individuals and ethnicities. as stated in the press release.
The meeting was attended by Deputy Chairman of the SAC Deputy Prime Minister, Vice Senior General Soe Win, Secretary of the Council, Joint Secretary and Council members.
-ymg/knl
ရွေးကောက်ပွဲလုပ်ငန်းစဉ်ကို နှောင့်နှေးအောင်လုပ်ဆောင်သူများသည် ပြည်သူ့ဆန္ဒကိုဆန့်ကျင်နေသူတွေဖြစ်ကြောင်း ဗိုလ်ချုပ်မှူးကြီးမင်းအောင်လှိုင်ကပြောတဲ့အကြောင်း နစကရဲ့ သတင်းထုတ်ပြန်ချက်အရသိရပါတယ်။
အသစ်ဖွဲ့စည်းထားသည့် နိုင်ငံတော်စီမံအုပ်ချုပ်ရေးကောင်စီအဖွဲ့ဝင်များအား ယနေ့နံနက်ပိုင်းတွင် နေပြည်တော်ရှိ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံး အစည်းအဝေးခန်းမ၌ တွေ့ဆုံအမှာစကားပြောကြားရာတွင် ဗိုလ်ချူပ်မှူးကြီး မင်းအောင်လှိုင်က ယင်းကဲ့သို့ပြောကြားခဲ့ခြင်းဖြစ်ပါတယ်။
တည်ငြိမ်အေးချမ်းရေး၊ တရားဥပဒေစိုးမိုးရေးနှင့် ပြည်သူများ၏လူမှုစီးပွားဘဝဖွံ့ဖြိုးတိုးတက်ရေး ဆောင်ရွက်နေမှုများအပေါ် နှောင့်ယှက်မှုများရှိနေမည် ဆိုပါက နိုင်ငံဖွံ့ဖြိုးတိုးတက်ရေးနှင့် ပြည်သူလူထု၏ လူမှုစီးပွားဘဝတိုးတက်ရေး လုပ်ငန်းစဉ်များကို နှောင့်နှေးကြန့်ကြာစေမည်ဖြစ်တဲ့အတွက် ထိုသို့နှောင့်နှေးစေခြင်းသည်ပြည်သူလူထုတစ်ရပ်လုံး၏ဆန္ဒဖြစ်သည့် ပါတီစုံဒီမိုကရေစီစနစ်ခိုင်မာရေးနှင့်ပြန်လည်ဖော်ဆောင်ရေးအတွက် လုပ်ဆောင်ရမည့် ရွေးကောက်ပွဲလုပ်ငန်းစဉ်အပေါ် နှောင့်နှေးစေတယ်လို့လည်း နစက ဥက္ကဋ္ဌက ပြောကြားပါတယ်။
နစကရဲ့ အန္တိမရည်မှန်းချက်မှာ လွတ်လပ်၍တရားမျှတသည့် ပါတီစုံဒီမိုကရေစီ အထွေထွေရွေးကောက်ပွဲ ကျင်းပနိုင်ရေးပင် ဖြစ်တဲ့အတွက် အဆိုပါရွေးကောက်ပွဲ အောင်မြင်စွာကျင်းပနိုင်ရေးအတွက် နိုင်ငံတစ်ဝန်း တည်ငြိမ်အေးချမ်းမှုရှိစေရေး ဆောင်ရွက်သွားရမည်ဖြစ်ကြောင်းလည်း ဗိုလ်ချူပ်မှူးကြီးမင်းအောင်လှိုင်က ပြန်လည်ဖွဲ့စည်းထားတဲ့ နစက အဖွဲ့ဝင်တွေကို တိုက်တွန်းပြောကြားခဲ့ပါတယ်။
ယင်းအပြင်တစ်နိုင်ငံလုံး အကြားအလပ်မရှိ ဆန္ဒမဲပေးပိုင်ခွင့်ရရှိစေရေး ကြိုးပမ်းဆောင်ရွက်လျက်ရှိကြောင်းလည်း နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌက တွေ့ဆုံပွဲတွင် ပြောကြားခဲ့ပါတယ်။
ဆန္ဒမဲပေးခွင့်ရှိသူအားလုံး မဲပေးခွင့်ရရှိနိုင်ရေးဆောင်ရွက်ပေးရန်မှာ အစိုးရ၏ တာဝန်ဖြစ်ကြောင်းနှင့် ရွေးကောက်ပွဲဟူသည် ရာနှုန်းပြည့်ကျင်းပ အောင်မြင်ရန်ခက်ခဲသော်လည်း ပြည်သူတို့၏ မဲပေးပိုင်ခွင့်မဆုံးရှုံးစေရေး မိမိတို့က စွမ်းအားရှိသမျှလုပ်ဆောင်ရမည်ဖြစ်ကြောင်းလည်း ဗိုလ်ချုပ်မှူးကြီးကဆက်လက်ပြောကြားခဲ့တယ်လို့ နစကရဲ့ သတင်းထုတ်ပြန်ချက်မှာဖော်ပြထားပါတယ်။
တိုင်းရင်းသားများ၏အခွင့်အရေးနှင့် ပတ်သက်၍ အခြေခံဥပဒေ၌ တူညီသည့်အခွင့်အရေးများ ပေးထားပြီးဖြစ်သကဲ့သို့ မိမိတို့အနေဖြင့်လည်း တိုင်းရင်းသားဒေသများ ဖွံ့ဖြိုးတိုးတက်ရေးအတွက် အလေးထား ဆောင်ရွက်ပေးလျက်ရှိကြောင်းလည်း ဗိုလ်ချုပ်မှူးကြီးက ဆက်လက်ပြောကြားခဲ့ပါတယ်။
သမာသမတ်ကျသည့် ငြိမ်းချမ်းရေး တွေ့ ဆုံဆွေးနွေးမှုများကို အလေးထားဆောင်ရွက်သွားရမည်ဖြစ်တယ်လို့လည်း ဗိုလ်ချူပ်မှူးကြီးမင်းအောင်လှိုင်ကပြောပါတယ်။
တိုင်းရင်းသားလူမျိုးစုအလိုက်လည်း မတူညီသည့်လက္ခဏာများရှိကြောင်း၊ ထို့ကြောင့် လူပုဂ္ဂိုလ်နှင့်လူမျိုးကို အခြေခံဆောင်ရွက်၍ရမည်မဟုတ်ဘဲ ဒေသနှင့်အများ၏သဘောဆန္ဒအတိုင်း ဆောင်ရွက်ရမည်ဖြစ်သကဲ့သို့ လူအနည်းစု၏ သဘောထားကိုလည်း အလေးထားရန်လိုတယ်လို့ နစက ဥက္ကဋ္ဌကပြောကြားခဲ့ကြောင်း သတင်းထုတ်ပြန်ချက်မှာ ဖော်ပြထားပါတယ်။
တွေ့ဆုံပွဲသို့နိုင်ငံတော်စီမံအုပ်ချုပ်ရေးကောင်စီ ဒုတိယဥက္ကဋ္ဌ ဒုတိယဝန်ကြီးချုပ် ဒုတိယဗိုလ်ချုပ်မှူးကြီး စိုးဝင်း၊ ကောင်စီအတွင်းရေးမှူး ဒုတိယ ဗိုလ်ချုပ်ကြီး အောင်လင်းဒွေး၊ တွဲဖက်အတွင်းရေးမှူး ဒုတိယဗိုလ်ချုပ်ကြီး ရဲဝင်းဦး၊ ကောင်စီအဖွဲ့ဝင်များဖြစ်ကြသည့် ဗိုလ်ချုပ်ကြီး မြထွန်းဦး၊ ဗိုလ်ချုပ်ကြီး တင်အောင်စန်း၊ဒုတိယဗိုလ်ချုပ်ကြီး မိုးမြင့်ထွန်း၊ ဒုတိယဗိုလ်ချုပ်ကြီး စိုးထွဋ်၊ ဒုတိယဗိုလ်ချုပ်ကြီးရာပြည့်၊ ဦးဝဏ္ဏမောင်လွင်၊ ဒေါ်ဒွဲဘူ၊ ပိုးရယ်အောင်သိန်း၊ မန်းငြိမ်းမောင်၊ ဒေါက်တာမှုထန်၊ ဒေါက်တာ ဘရွှေ၊ ခွန်စံလွင်၊ ဦးရွှေကြိမ်း နှင့် ဦးရန်ကျော် တို့ တက်ရောက်ခဲ့ကြပါတယ်။
-ymg/knl
#Myanmarpolitics
#SeniorGeneralMinAungHlaing
ကမ္ဘောဒီးယားဝန်ကြီးချုပ်ဟောင်း ဟွန်ဆန်ရဲ့သားဖြစ်သူ နှင့် ကမ္ဘောဒီးယား တော်ဝင်စစ်တပ်ရဲ့ ဒုတိယ ဦးစီးချုပ်ဖြစ်သူ ဒေါက်တာဟွန်မန်နက်ကို ကမ္ဘောဒီးယားဘုရင်မင်းမြတ်က ဝန်ကြီးချုပ်အသစ်အဖြစ် ခန့်အပ်ကြောင်း တော်ဝင်အမိန့် ယနေ့ ဩဂုတ်(၇)ရက်နေ့မှာ ထုတ်ပြန်ခဲ့တယ်လို့ ခမာတိုင်းမ်သတင်းစာ သတင်းအရသိရပါတယ်။
ဒေါက်တာဟွမ်မန်နက်ဟာ ဝန်ကြီးများကောင်စီကို ဖွဲ့စည်းပေးရမှာဖြစ်ပါတယ်။
သူ့အနေနှင့် အစိုးရအဖွဲ့ဖွဲ့စည်းပေးနိုင်ဖို့ ကမ္ဘောဒီးယားအမျိုးသားလွှတ်တော်ရဲ့ အယုံအကြည်ရှိကြောင်း မဲပေးထောက်ခံမှုရယူရမှာဖြစ်ပါတယ်လို့ တော်ဝင်အမိန့်မှာဖော်ပြထားပါတယ်။
ဒေါက်တာဟွန်မန်နက်ဟာ ကမ္လောဒီးယားတော်ဝင်စစ်တပ်ရဲ့ ဒုတိယဦးစီးချုပ်နှင့် တော်ဝင်ကြည်းတပ်ရဲ့ဦးစီးချုပ် အဖြစ်ဆောင်ရွက်ခဲ့တဲ့ ဗိုလ်ချူပ်ကြီး ဖြစ်ပါတယ်။ သူဟာ ကမ္ဘောဒီးယားပြည်သူ့ပါတီရဲ့ ထောက်ခံမှုကိုရရှိခဲ့ပြီး ပြီးခဲ့တဲ့ ဇူလိုင်ရွေးကောက်ပွဲမှာ ပါတီဟာ တောင်ပြိုကမ်းပြိုအနိုင်ရခဲ့ပါတယ်၊ သူ့ကို ၂၀၂၁ ဒီဇင်ဘာမှာ ပါတီက ဝန်ကြီးချုပ် လောင်းအဖြစ် ရွေးချယ်ခဲ့ပါတယ်။
သူ့ကို ၁၉၇၇ခုနှစ် အောက်တိုဘာ ၂၀ ရက်မှာ ကမ်ပေါင်းချမ်းပြည်နယ်(ယခု သဘောင်ခမမ်ပြည်နယ်) ၊ မမ်မတ်ခရိုင်၊ သမာရွာမှာ ကမ္ဘောဒီးယားကို ခမာနီတွေအုပ်စိုးစဉ်ကာလမှာ မွေးဖွားခဲ့ပါတယ်။သူဟာ ပစ်ချ်ချန်မိုနီနှင့်လက်ထပ်ပြီး သမီးနှစ်ယောက်၊သားတစ်ယောက်ရှိပါတယ်။
Source: Khmer Times
Page 77 of 202
