-ကောင်းမြတ်ကျော် 

 လက်နက်ကိုင်တစ်စုက အိန္ဒိယအုပ်ချုပ်မှုအောက်မှာရှိတဲ့ ကက်ရှ်မီးယားဒေသ ပါဟာဂမ်တွင် အိန္ဒိယနှင့် နီပေါ ခရီးသွားအုပ်စုတစ်စုကို ပစ်ခတ်ခဲ့ကြပါတယ်။ အဲဒီလုပ်ဆောင်မှုဟာ အပြစ်မဲ့အရပ်သားတွေရဲ့ သွေးတွေစွန်းထင်းသွားစေရုံမျှမကဘဲ  အိန္ဒိယနှင့်ပါကစ္စတန် နှစ်နိုင်ငအကြား တင်းမားမှုတွေကိုပါ အရှိန် မြင့်တက်သွားစေပါတယ်။

 ဧပြီ၂၂ရက်တိုက်ခိုက်မှုကြောင့် လူ ၂၆ဦးသေဆုံးခဲ့ပါတယ်။ အခုဆို သံခင်းတမန်ခင်းတွေ ချိနဲ့သွားတာ ကြောင့် ထိပ်တိုက်ရင်ဆိုင်မှုတွေ ခေါင်းပြန်ထောင်လာပါပြီ။

 အိန္ဒိယအစိုးရက ယင်းအပေါ် ချက်ခြင်းတုန့်ပြန်ခဲ့ပါတယ်။ ပါကစ္စတန်နှင့် သံတမန်အဆင့်လျှော့ချ ခဲ့ပါတယ်။ ပါကစ္စတန်နိုင်ငံသားတွေကို အိန္ဒိယကထွက်ခွာဖို့ အမိန့်ထုတ်ပါတယ်၊ အဲဒီအပြင် လှုပ်လှုပ် ရှားရှား အဖြစ်သွားဆုံးကတော့ အင်ဒတ်စ်ရေစာချုပ် Indus Waters Treatyကို အိန္ဒိယက ဆိုင်းငံ့လိုက် ခြင်းပဲဖြစ်ပါတယ်။ အဲဒီ ရေအရင်းအမြစ် ခွဲဝေသုံးစွဲရေးစာချုပ်ကို ၁၉၆၀ခုနှစ်က ချုပ်ဆိုခဲ့ကြပြီး နှစ်နိုင်ငံ အကြား သမိုင်းမှတ်တိုင်အထင်ကရတစ်ခုလို့ဆိုရမှာပါ။

 ပါကစ္စတန်အစိုးရကလည်း ပြန်လည်လက်တုန့်ပြန်တဲ့အနေနှင့် အိန္ဒိယရဲ့လေယာဉ်တွေကို ပါကစ္စတန် လေကြောင်းပိုင်နက်ထဲ ဖြတ်သန်းပျံသန်းခွင့်ကိုပိတ်ပစ်လိုက်ပါတယ်။ကုန်သွယ်မှုအားလုံးကိုလည်း ရပ် ဆိုင်းလိုက်ပါတယ်။

 အဲသလိုအပြန်အလှန် တုန့်ပြန်နေမှုတွေဟာ ငြိမ်းချမ်းရေးအတွက် အန္တရာယ်တစ်ခုသာမကဘဲ တောင်   အာရှရဲ့ အနာဂတ်အတွက်ပါ အန္တရာယ်ရှိလာစေနိုင်တယ်လို့ အချို့က သုံးသပ်နေပါတယ်။

 ကက်ရှ်မီးယားတိုက်ခိုက်မှုဟာ ၂၀၁၉ခုနှစ်က ပူဝါမာတိုက်ခိုက်မှုကို ပြန်သတိရစေပါတယ်။ ဒါပေမယ့် ယခုဖြစ်ရပ်ကတော့ နှစ်နိုင်ငံစလုံးအတွက် ပိုပြီးထိလွယ်ရှလွယ် ပေါက်ကွဲလွယ်အနေအထားဖြစ်နေ ပါတယ်။ နှစ်နိုင်ငံရဲ့ အမျိုးသားရေးဝါဒီတွေ ခေါင်းထောင်ထလာစေပါတယ်။ အိန္ဒိယမှာ ရွေးကောက်ပွဲက နီးလာနေပြီး  ပါကစ္စတန်နိုင်ငံမှာ စစ်တပ်က ဩဇာအရှိန်အဝါကြီးမားနေဆဲဖြစ်ပါတယ်။

 နှစ်နိုင်ငံအစိုးရတွေဟာ  ဖြစ်ရပ်ကို ခပ်တင်းတင်းမာမာတုန့်ပြန်ဖို့ ဖိအားတွေနှင့်ရင်ဆိုင်နေကြရပါတယ်။ 

 တုန့်ပြန်မှုတွေထဲမှာ အကြီးမားဆုံးစိန်ခေါ်မှုက အင်ဒတ်စ်ရေစာချုပ်ကို အိန္ဒိယက ရပ်ဆိုင်းလိုက်တာ ဖြစ်ပါတယ်။ ဒါဟာ သံတမန်ရေးရာ တုန့်ပြန်မှုထက်ပိုသွားစေပါတယ်။ ရေဟာ လက်နက်တစ်ခုဖြစ် လာနိုင်မယ့် အရိပ်လက္ခဏာလို့လည်းဆိုနိုင်ပါတယ်။

 အဲဒါကို ပါကစ္စတန်အစိုးရက စကားလုံးပြင်းပြင်းထန်ထန်နှင့်ပြန်တုန့်ပြန်ပါတယ်။ “ ရေစီးဆင်းမှုကို ပြောင်းလဲပစ်မယ်ဆိုရင် ဒါဟာ စစ်ပွဲတစ်ခုစလိုက်တာလို့ သတ်မှတ်ရလိမ့်မယ်" လို့ ပါကစ္စတန် နိုင်ငံခြား ရေးဝန်ကြီးဌာနကပြောပါတယ်။

 အဲဒီအပြင် အခြားသော ကမ္ဘာ့အငြင်းပွားမှုတွေနှင့်မတူတာက အိန္ဒိယနှင့်ပါကစ္စတန် နှစ်နိုင်ငံစလုံးဟာ နျူကလီယားစွမ်းအင်ကိုပိုင်ဆိုင်ထားခြင်းပဲဖြစ်ပါတယ်။ အဲဒီအတွက်လည်း စိတ်ပူစရာတစ်ခုပါ။ အခုဆို သံရုံးတွေမှာလူမရှိတော့ပါဘူး။ နှစ်နိုင်ငံအကြား ဆက်သွယ်ရေးတွေပြတ်သွားပါပြီ။ အုဲါကြောင့် မရည် ရွယ်တဲ့ တင်းမာမှုတွေအရှိန်တက်လာနိုင်ပါတယ်။ နယ်ခြားဒေသ ပြဿနာတစ်ခုကနေ စစ်ပွဲကြီးတစ်ခု ဖြစ်လာနိုင်မယ့် အန္တရာယ်က ရှိလာနေတာကို ကမ္ဘာ့အသိုက်အဝန်းက စိုးရိမ်နေကြပါတယ်။

 ဒါပေမယ့်အခုဖြစ်ရပ်အပေါ် ကမ္ဘာက သတိကြီးကြီးထားပြီး တုန့်ပြန်နေပါတယ်။ အမေရိကန်၊ဗြိတိန်နှင့် တရုတ် နိုင်ငံတွေက နှစ်ဘက်စလုံးကို သည်းခံကြဖို့တောင်းဆိုထားပါတယ်။ ဒါပေမယ့် နှစ်နိုင်ငံအကြား ကြားဝင်စေ့ဆပ်ပေးမယ့် အခြေအနေတော့ လက်ရှိမတွေ့ရသေးပါဘူး။

 အခြေအနေတွေကခက်ခဲနေပေမယ့် လုံးဝလက်လျှော့ရမယ့် အနေအထားကိုတော့ မရောက်သေးပါဘူး။  ပြီးခဲ့တဲ့ အတိတ်ဖြစ်ရပ်တွေတုန်းကလည်း ကန့်လန်ကာနောက်ကွယ်က သံခင်းတမန်ခင်းတွေကြောင့် အခြေအနေပုံမှန်ပြန်ဖြစ်ခဲ့တာတွေရှိခဲ့ဖူးပါတယ်။ နှစ်နိုင်ငံခေါင်းဆောင်တွေ ဘာဆက်လုပ်ကြမလဲ စောင့်ကြည့်ရပါဦးမယ်။

 နှစ်ဘက်စလုံးက နောက်ဆုတ်သွားမှာလား..၊ ဒါမှမဟုတ်ရှေ့ဆက်တိုးကြမှာလား။

ငြိမ်းချမ်းရေးဆိုတာ ပဋိပက္ခပျက်ကွက်သွားတာ မဟုတ်ပါဘူး။ ရဲရင့်မှုကို မျက်မှောက်ပြုလိုက်တာ  ဖြစ်တယ်လို့ ဆိုရိုးရှိပါတယ်။မေးစရာတော့ ရှိပါတယ်။ အဲဒါတွေကို ဘယ်သူကပြမှာလဲ။

Source: news wires

၂၂ ဧပြီ ၂၀၂၅

မြန်မာနစကအစိုးရနှင့် ကိုးကန့် MNDAA နှစ်ဖွဲ့စလုံးကဖိတ်ခေါ်တဲ့အတွက် အပစ်အခတ်ရပ်စဲမှု စောင့်ကြည့်ရေးအဖွဲ့တစ်ဖွဲ့ကို မြန်မာနိုင်ငံမြောက်ပိုင်းလားရှိုးသို့ စေလွှတ်ထားတယ်လို့ တရုတ်နိုင်ငံက အတည်ပြုပါတယ်။

Source CCTV+

၂၂ ဧပြီ ၂၀၂၅

မြန်မာနစကအစိုးရနှင့် ကိုးကန့် MNDAA နှစ်ဖွဲ့စလုံးကဖိတ်ခေါ်တဲ့အတွက် အပစ်အခတ်ရပ်စဲမှု စောင့်ကြည့်ရေးအဖွဲ့တစ်ဖွဲ့ကို မြန်မာနိုင်ငံမြောက်ပိုင်းလားရှိုးသို့ စေလွှတ်ထားတယ်လို့ တရုတ်နိုင်ငံက အတည်ပြုပါတယ်။

လားရှိုးမြို့ ပြန်လည်လွှဲပြောင်းပေးမှုအပေါ် မီဒီယာရဲ့မေးမြန်းချက်ကို တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရပုဂ္ဂိုလ် မစ္စတာ ကွမ်ကျားကွင်က ဖြေကြားခဲ့တာဖြစ်ပါတယ်။

အဲဒီအဖွဲ့ဟာ မြန်မာတပ်မတော်နှင့် MNDAA တို့အကြား အပစ်အခတ်ရပ်စဲမှုကိုကြီးကြပ်ပြီး လာရှိုးရဲ့ မြို့ပေါ်ဒေသ ချောမွေ့စွာ လွှဲပြောင်းမှုကို ကိုယ်တိုင်မျက်မြင်တွေ့ရမှာဖြစ်ပါတယ်လို့ သူကဆက်ပြော  ပါတယ်။

မြန်မာအစိုးရနှင့် ကိုးကန့်ရဲ့ Myanmar National Democratic Alliance Army (MNDAA)တို့အကြား ကူမင်းမှာကျင်းပခဲ့တဲ့ ငြိမ်းချမ်းရေးဆွေးနွေးပွဲအတွင်း ရရှိခဲ့တဲ့ သဘောတူညီချက်တွေကို အကောင် အထည်ဖော်ဖို့  နှစ်ဖွဲ့စလုံးက ဖိတ်ခေါ်ခဲ့တာလို့လည်း ဆိုပါတယ်။

လားရှိုးမြို့ပေါ်ကနေ MNDAA ဆုတ်ခွာသွားပြီး တပ်မတော်ဝင်ရောက်လာမှုတွေနှင့် တရုတ်ရဲ့ အပစ်အခတ်ရပ်စဲမှုစောင့်ကြည့်ရေးအဖွဲ့လည်းရောက်ရှိနေတယ်လို့ ယခုရက်ပိုင်းတွင် ဆိုရှယ်မီဒီယာများ တွင် သတင်းများပျံ့နှံ့ခဲ့တာဖြစ်ပါတယ်။

#ymg/knl

နေပြည်တော်၊ ၂၂ ဧပြီ ၂၀၂၅

တပ်မတော်က ၂၀၂၅ ခုနှစ်၊ ဧပြီ ၂၃ ရက်မှ ၃၀ ရက် အထိကာလကို ယာယီ ပစ်ခတ်တိုက်ခိုက် မှုရပ်စဲရေးကာလအဖြစ် ထပ်မံ တိုးမြှင့် ထုတ်ပြန်လိုက်ကြောင်း တပ်မတော်ကာကွယ်ရေးဦးစီးချုပ်ရုံးက ဧပြီ ၂၂ရက်နေ့တွင် သတင်းထုတ်ပြန်ပါတယ်။

ငလျင်ဒဏ်သင့်ဒေသများ၌ ပြန်လည်တည်ဆောက်ရေးနှင့် ပြန်လည်ထူထောင်ရေးလုပ်ငန်းများကို အရှိန် အဟုန်ဖြင့်ဆက်လက်ဆောင်ရွက်နိုင်စေရန်၊ နိုင်ငံတော်နှင့် နိုင်ငံသားအားလုံး၏ အကျိုးစီးပွားကို ပိုမို လျှင်မြန်စွာဖော်ဆောင်နိုင်ရန်၊ ရေရှည်တည်တံ့ပြီး စစ်မှန်သည့် ငြိမ်းချမ်းရေးကို ဖော်ဆောင်နိုင်စေရန်နှင့် တည်ငြိမ် အေးချမ်းမှုကို ရှေးရှုပြီး ယခုလိုသက်တမ်းတိုးလိုက်တာဖြစ်တယ်လို့ သတင်းထုတ်ပြန်ချက်မှာ ဖော်ပြထားပါတယ်။

ငလျင်ဘေးဏ်ပြန်လည်တည်ဆောက်ရေးနှင့် ပြန်လည်ထူထောင်ရေးလုပ်ငန်းများကို ပြည်ထောင်စုဖွား  တိုင်းရင်းသား မိဘပြည်သူများအားလုံး၏ စုပေါင်းအား ဖြင့် ဆောင်ရွက်မည်ဆိုပါက ပုံမှန်အခြေအနေသို့ အမြန်ဆုံး ရောက် ရှိနိုင်မယ်လို့လည်း သတင်းထုတ်ပြန်ချက်ဆိုပါတယ်။

ယာယီပစ်ခတ်တိုက်ခိုက်မှု ထုတ်ပြန်ကြေညာထားသည့်ကာလအတွင်း တိုင်းရင်း သားလက်နက်ကိုင် အဖွဲ့များနှင့် အခြားလက်နက်ကိုင်အဖွဲ့များအနေဖြင့် တိုက်ခိုက်မှုများပြုလုပ်ခြင်း၊ ငြိမ်းချမ်းရေးကို ထိခိုက်ပျက်စီးစေမည့် အင်အားစုဆောင်းခြင်း၊ ပြင် ဆင် စုဖွဲ့ခြင်း၊ နယ်မြေချဲ့ထွင်ခြင်းများကို ဆောင်ရွက်လာပါက တပ်မတော်အနေဖြင့် ပြည်သူလူထုကို ကာကွယ်သောအားဖြင့် လိုအပ်သည့်အရေးယူ တုန့်ပြန်မှုများကို ဆောင်ရွက်သွားမယ်လို့လည်း သတိပေးထားပါတယ်။
တပ်မတော်သည် ၀၂၅ ခုနှစ် ဧပြီ ၂ ရက် မှ ၂၂ ရက်အထိကာလကို ယာယီပစ်ခတ်တိုက်ခိုက်မှု  ရပ်စဲရေးကာလအဖြစ် ထုတ်ပြန်ခဲ့ပြီး ယခုထပ်မံတိုးခဲ့ခြင်းဖြစ်ပါတယ်။

Ymg/knl

Nay Pyi Taw, April 22, 2025 — The Myanmar military, also known as the Tatmadaw, has extended its temporary ceasefire until April 30, 2025, in an effort to support ongoing reconstruction and humanitarian efforts following recent earthquakes.

The Office of the Commander-in-Chief of Defence Services issued the announcement on Tuesday, stating that the ceasefire, originally scheduled to end on April 22, will now remain in effect for an additional week.

According to the statement, the extension is aimed at facilitating rehabilitation in disaster-affected regions and fostering conditions favorable for peace and national stability. The Tatmadaw emphasized the importance of unity among all ethnic groups and communities in accelerating recovery and ensuring the well-being of citizens.

“The Tatmadaw aims to facilitate swifter recovery, uphold the welfare of the nation and its citizens, and create conditions conducive to lasting peace and stability” the military said in its statement.

However, the Tatmadaw also issued a warning to ethnic armed organizations (EAOs) and other groups, cautioning against activities that could undermine the ceasefire. Any acts of aggression, military mobilization, or territorial expansion would be met with defensive measures, the military warned, reiterating its commitment to civilian protection.

This marks the second ceasefire extension in recent weeks. The initial truce, covering April 2–22, was declared in response to the devastating impact of natural disasters across several regions of the country.

#ymg/knl

၂၂ ဧပြီ ၂၀၂၅

တရုတ်နိုင်ငံအနေဖြင့်  မြန်မာနိုင်ငံ နိုင်ငံရေးပြန်လည်သင့်မြတ်ရေး ဦးတည်တဲ့ ရင်းနှီးခင်မင်သော ညှိနှိုင်း တိုင်ပင်မှုတွေဆောင်ရွက်ခြင်းကို ထောက်ခံတယ်လို့ တရုတ်နိုင်ငံ နိုင်ငံခြားရေးဝန်ကြီးဌာနက ပြောပါ

တယ်။

ဧပြီလ ၂၁ရက်က ဘေဂျင်းတွင်ကျင်းပတဲ့ တရုတ်နိုင်ငံခြားရေးဝန်ကြီးဌာနရဲ့ ပုံမှန်သတင်းစာရှင်းလင်း ပွဲတွင်  လားရှိုးမြို့ကို ကိုးကန့်MNDAAမှ နစကထံ ပြန်လည်လွှဲပြောင်းပေးမှုအပေါ် AFP သတင်းဌာနရဲ့ မေးမြန်းမှုအပေါ် ပြောရေးဆိုခွင့်ရပုဂ္ဂိုလ် မစ္စတာ ကွမ်ကျားကွင် Guo Jiakun က ပြန်လည်ဖြေကြားရာမှာ ယင်းကို ထည့်သွင်း ပြောဆိုခဲ့ ခြင်းဖြစ်ပါတယ်။

မြန်မာနိုင်ငံနိုင်ငံရေးအသွင်ကူးပြောင်းမှုလုငန်းစဉ် ပြန်လည်စတင်ခြင်းကို ထောက်ခံတယ်လို့လည်း ကွမ်ကျားကွင်က လားရှိုးကို အမည်တပ်သုံးနှုံးခြင်းမပြုဘဲ ပြောဆိုသွားပါတယ်။

“ တရုတ်နှင့်မြန်မာဟာ ရင်းနှီးတဲ့ အိမ်နီးချင်းနိုင်ငံများဖြစ်ကြပါတယ်။မြန်မာနိုင်ငံဆိုင်ရာကိစ္စရပ်တွင် တရုတ်နိုင်ငံ၏သဘောထားမှာ အလွန်ရှင်းလင်းပါသည်။ ကျွန်တော်တို့ဟာ အခြားနိုင်ငံများရဲ့ ပြည်တွင်းကိစ္စရပ်များတွင် ဝင်ရောက်စွက်ဖက်ခြင်းမပြုရန် အခြေံသဘောတရားကို လိုက်နာပါတယ်”လို့သူကပြောပါတယ်။

မြန်မာနိုင်ငံရဲ့ လွတ်လပ်ရေး၊ အချုပ်အခြာအာဏာ ၊အမျိုးသားစည်းလုံးညီညွတ်ရေးနှင့်  နယ်မြေတည်တံ့ခိုင်မြဲရေးတို့ကို ကာကွယ်စောင့်ရှောက်မှုတွေအပေါ်လည်း တရုတ်ကထောက်ခံတယ်လို့ပြောကြောင်း သတင်းထုတ်ပြန်ချက်မှာဖော်ပြထားပါတယ်။

#ymg/knl