#LocalNews
Published_17 November 2022

ဘိန်းအစားထိုး ချောက်ကောသီးနှံစိုက်ပျိုးမှု အောင်မြင်သောကြောင့် ဒေသခံများ ဝင်ငွေတိုးခဲ့ကြောင်း မြန်မာနိုင်ငံဆိုင်ရာ တရုတ်သံရုံးက ထုတ်ပြန်လိုက်သည်။

ဘိန်းအစားထိုးစိုက်ပျိုးခြင်းသည် မြန်မာနိုင်ငံမြောက်ပိုင်း၏ စီးပွားရေး စဉ်ဆက်မပြတ်ဖွံ့ဖြိုးတိုးတက်မှုကို မြှင့်တင်ပေးရန်နှင့် ဒေသခံပြည်သူများကို အကျိုးပြုရန် အလွန်အရေးပါသောကြောင့် မြန်မာနိုင်ငံ ကချင်ပြည်နယ် အထူးဒေသ (၁) မြစ်ကြီးနားခရိုင်တွင် ချောက်ကော ဧက ၃၀၀၀၀ ကျော် (အပင် ၁၂ သန်းကျော်) စိုက်ပျိုးနိုင်ခဲ့ရာ ယင်းမှ စီမံကိန်း ပူးပေါင်းဆောင်ရွက်သည့် လုပ်ငန်းရှင်က ချောက်ကော တန်ချိန် ၈၀၀ ကျော်(ယွမ် ၁၅ သန်း)တန်ဖိုး ဝယ်ယူခဲ့သောကြောင့် ဒေသခံများ ဝင်ငွေတိုးခဲ့ကြောင်း သိရသည်။

တရုတ်-မြန်မာနယ်စပ်ဒေသတွင် ချောက်ကောထုတ်လုပ်မှုလုပ်ငန်းကို ၂၀၂၁ ခုနှစ်က စ၍ တရုတ်နိုင်ငံ အပူပိုင်းစိုက်ပျိုးရေးသိပ္ပံအကယ်ဒမီ အမွှေးနံ့သာ၊ အဖျော်ယမကာလေ့လာရေးဌာနက အာရှတိုက် ဒေသတွင်းပူးပေါင်းဆောင်ရွက်မှုအထူးရန်ပုံငွေစီမံကိန်း “မဲခေါင်မြစ်ဝှမ်းဒေသခွဲ ငရုတ်ကောင်း နှင့် ချောက်ကော (Lanxangia tsaoko) စသည့် အထူးဟင်းခတ်အမွှေးအကြိုင်သီးနှံများဆိုင်ရာ လုပ်ငန်းနည်းပညာ သရုပ်ပြခြင်းနှင့် မြှင့်တင်ခြင်း” ၏ ပံ့ပိုးမှုဖြင့် စီးပွားရေးလုပ်ငန်းရှင်များနှင့် ပူးပေါင်းဆောင်ရွက်၍ ဆောင်ရွက်ခဲ့ခြင်း ဖြစ်ကြောင်း သိရသည်။

ymg/mt
#Yangon_Media_Group

Published 17 Nov 2022

စီးပွားရေးပညာရှင် ရှောင်တာနယ်ကို လွှတ်ပေးတဲ့သတင်းတွေအတွက် ကြိုဆိုကြောင်း ဩစတြေလျ နိုင်ငံခြားရေးဝန်ကြီး ပင်နီဝေါင်းက ပြောကြားလိုက်ပါတယ်။ ဒါပေမယ့် နောက်ထပ်မှတ်ချက်တစ်စုံတစ်ရာကိုတော့ ပေးခြင်းမရှိပါဘူး။

“ ပါမောက္ခ ရှောင်တာနယ်လ်နှင့်ပတ်သက်တဲ့ သတင်းတွေကို ကျွန်မတို့ကြိုဆိုပါတယ်” လို့ ဝေါင်းက တွစ်တာမှာ ရေးခဲ့ပါတယ်။

“ ပါမောက္ခ တာနယ်လ်ဟာ ကျွန်မတို့ရဲ့ ပထမဦးစားပေးဖြစ်တယ်။ ဒီအနေအထားမှာ ကျွန်မတို့ နောက်ထပ်မှတ်ချက်ပေးမှာမဟုတ်ဘူး” လို့ သူမကပြောပါတယ်။

ရှောင်တာနယ်လ်နှင့်အတူ လွတ်မြောက်လာတဲ့ ဂျပန်ရုပ်ရှင်ဖန်တီးသူ ကူဘိုတာဟာ ယနေ့ နိုဝင်ဘာ ၁၇ ရက်ကြာသပတေးနေ့ည လေယာဉ်နှင့် မြန်မာနိုင်ငံကထွက်ခွာမှာဖြစ်တယ်လို့ ဂျပန်အစိုးရထိပ်တန်းပြောရေးဆိုခွင့်ရှိသူ ဟီရိုကာဇူမက်ဆူနိုကပြောတဲ့အကြောင်းအေပီကရေးပါတယ်။  သူဟာကျန်းမာရေးကောင်းမွန်နေတယ်လို့ ယုံကြည်ရတယ်လို့လည်း အဆိုပါပြောရေးဆိုခွင့်ရသူကဆက်ပြောပါတယ်။

Source:Reuters/AP

#Penny_Wong

#Sean_Turnell

#Myanmar_amnesty

#LocalNews
Published_17 November 2022

ရွှေညဝါဆရာတော်၊စာရေးဆရာမောင်သာချို၊NLD ပါတီရဲ့ ပြောရးဆိုခွင့်ရှိသူဒေါက်တာမျိုးညွန့် ၊ တရားလွှတ်တော်ရှေ့နေ ဦးကျော်ဟိုး ၊ ဦးလင်းနိုင်မြင့်၊ ၈၈ မျိုးဆက်ကျောင်းသားခေါင်းဆောင် ကိုမြအေးတို့ ယနေ့ နိုဝင်ဘာလ ၁၇ ရက်တွင် အင်းစိန်အကျဉ်းထောင်က ပြန်လွတ်လာကြပြီဖြစ်ကြောင်း သိရသည်။

ပြီးခဲ့သည့် ၂၀၂၁ ခုနှစ် ဖေဖော်ဝါရီလ ၁ ရက် က ထိန်းသိမ်းခြင်းခံထားရာမှ ယနေ့ကျရောက်သည့် အမျိုးသားအောင်ပွဲနေ့ကို ဂုဏ်ပြုသောအားဖြင့်လည်းကောင်း ၊ လူသားချင်းစာနာထောက်ထားမှုကို အလေးထားသောအားဖြင့်လည်းကောင်း၊ အကျဉ်းထောင်အသီးသီးတွင် ပြစ်ဒဏ်ကျခံလျက်ရှိသော အကျဉ်းသား (၅၁၉၈) ဦးနှင့် အကျဉ်းသူ (၆၇၆) ဦး စုစုပေါင်း (၅၇၇၄) ဦးအား ရာဇဝတ်ကျင့်ထုံးဥပဒေပုဒ်မ ၄၀၁၊ ပုဒ်မခွဲ (၁) အရ “နောက်တစ်ကြိမ် ပြစ်မှုထပ်မံကျူးလွန်ပါက ၎င်းပြစ်ဒဏ်အပြင် ယခုကျခံရန် ကျန်ရှိသောပြစ်ဒဏ်များကိုပါ ဆက်လက်ကျခံပါမည်" ဟူသည့် စည်းကမ်းသတ်မှတ်ချက်ဖြင့် ပြစ်ဒဏ်မှလွတ်ငြိမ်းခွင့်ပြုရာတွင် ပါဝင်လာခဲ့ကြခြင်း ဖြစ်သည်။

photo-CJ
ymg/mt
#Yangon_Media_Group

Published 17 Nov 2022

အကျဉ်းသား ၅၇၄၄ ဦးကို ပြစ်ဒဏ်မှ လွတ်ငြိမ်းချမ်းသာခွင့်ပေးလိုက်တဲ့ နစကရဲ့ အမိန့်ကြေညာအပြီးမှာ ရန်ကုန်မြို့မှာရှိတဲ့ အင်းစိန်ဗဟိုအကျဉ်းထောင်ရှေ့မှာ  ပြစ်ဒဏ်ကျခံနေရတဲ့ သူတွေရဲ့ ဆွေမျိုးသားချင်းတွေက လွတ်မြောက်လာမယ့်သူတွေကို လာရောက်စောင့်ဆိုင်းကြိုဆိုနေကြပါတယ်။

ယနေ့လွတ်မြောက်လာသူတွေအထဲမှာ ဩစတြေလျနိုင်ငံသား စီးပွာရေးအကြံပေး ရှောင်တာနယ်၊ ဗြိတိသျှသံအမတ်ဟောင်း ဗစ်ကီဘိုမန်းတို့အပါအဝင်နိုင်ငံခြားသား(၄)ဦးလည်းပါဝင်ပြီး ထိုသူတွေကို ပြည်နှင်ဒဏ်ပေးခဲ့ပါတယ်။

Video: AFP

#Myanmar_Amnesty

#Prisoners_Release_Yangon

#Myanmar_Politics

ရုပ်သံကြည့်ရှုရန်..⏭⏭⏭

✅Facebook>>> https://fb.watch/gRx7QFvR1Q/

#LocalNews
Published_17 November 2022

သတင်းစာဆရာ၊စာရေးဆရာများနှင့် ဘာသာရေးအဖွဲ့အစည်းအသီးသီး၏ ခေါင်းဆောင်များအား စည်သူဘွဲ့၊သီရိပျံချီဘွဲ့များ ချီးမြှင့်ကြောင်း နိုင်ငံတော်စီမံအုပ်ချုပ်ရေးကောင်စီ က ယနေ့ နိုဝင်ဘာလ ၁၇ ရက်တွင် ထုတ်ပြန်လိုက်သည်။

ကာကွယ်ရေးဦးစီးချုပ်(ကြည်း) ဒုတိယတပ်မတော်ကာကွယ်ရေးဦးစီးချုပ် ဒုတိယဗိုလ်ချုပ်မှူးကြီးစိုးဝင်းအားမဟာသရေစည်သူဘွဲ့ကို ပေးအပ်ချီးမြှင့်ကာစာရေးဆရာ ဦးဝန်(မင်းသုဝဏ်) နှင့် ဆရာဇော်ဂျီ(ဇော်ဂျီ)၊သတင်းစာဆရာဦးအုန်းကြိုင်(ဟံသာဝတီဦးအုန်းကြိုင်) ၊လက်ရှိ နိုင်ငံတော်စီမံအုပ်ချုပ်ရေးကောင်စီမှ ဒုတိယဗိုလ်ချုပ်ကြီး အောင်လင်းဒွေး ၊ မန်းငြိမ်းမောင်၊၊ဦးသိန်းညွန့်၊ ဦးခင်မောင်ဆွေ၊ဒေါ်အေးနုစိန်၊Jeng Phang နော်တောင်၊ဦးမောင်းဟာ၊ဦးစိုင်းလုံးဆိုင်၊စောဒန်နီယယ်၊ဒေါက်တာဗညားအောင်မိုး၊ ဦးရွှေကြိမ်းတို့ အပါအဝင် ဗိုလ်ချုပ်ကြီး၊ ဒုတိယဗိုလ်ချုပ်ကြီး၊ဗိုလ်ချုပ် စုစုပေါင်း ၃၈ ဦးကို စည်သူဘွဲ့များ ပေးအပ်ကြောင်း ထုတ်ပြန်လိုက်သည်။

ယင်းအပြင် ပြည်သူ့လွှတ်တော် ဥက္ကဋ္ဌ ဦးတီခွန်မြတ် ၊မကြာသေးမီက တာဝန်က အနားယူခွင့်ပေးလိုက်သည့် စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန ပြည်ထောင်စုဝန်ကြီး(ငြိမ်း) ဦးတင်ထွဋ်ဦးအပါအဝင် လက်ရှိ တာဝန်ထမ်းဆောင်နေကြသည့် ပြည်ထောင်စုဝန်ကြီးများ ဖြစ်ကြသည့် ဦးကိုကိုလှိုင် ၊ ဦးသောင်းဟန်၊ ဦးကိုကို၊ ဦးလှမိုး၊ဦးမျိုးမြင့်ဦး၊ဒေါက်တာချာလီသန်း၊ဒေါက်တာပွင့်ဆန်း၊ဦးမင်းသိန်းဇံ၊ဒေါက်တာသက်သက်ခိုင်၊ဦးစောထွန်းအောင်မြင့် ၊ ပြည်ထောင်စုစာရင်းစစ်ချုပ်ရုံး၏ ပြည်ထောင်စုရာထူးဝန်အဖွဲ့ဥက္ကဌ၊နေပြည်တော်ကောင်စီဥက္ကဌ၊ကချင်ပြည်နယ် ၊ ကယားပြည်နယ်၊ကရင်ပြည်နယ်၊ချင်းပြည်နယ်၊ပဲခူးတိုင်းဒေသကြီး၊မကွေးတိုင်းဒေသကြီး ၊မန္တလေးတိုင်းဒေသကြီး၊မွန်ပြည်နယ်၊ရခိုင်ပြည်နယ်အစိုးရအဖွဲ့ ဝန်ကြီးချုပ်များ၊မြန်မာနိုင်ငံတော်ဗဟိုဘဏ်ဥက္ကဌ၊အဂတိလိုက်စားမှုတိုက်ဖျက်ရေးကော်မရှင် နှင့် မြန်မာနိုင်ငံအမျိုးသားလူ့အခွင့်အရေးကော်မရှင် ဥက္ကဌ ၊ သတင်းစာဆရာကြီး ဦးခင်မောင်လေး (ဖိုးသောကြာ-ခေတ်+မိုး) ၊ မြန်မာနိုင်ငံခရစ်ယာန်အသင်းတော်များကောင်စီ ၊ မြန်မာနိုင်ငံနှစ်ခြင်းခရစ်ယာန်အသင်းချုပ် ၊ပြည်ထောင်စုမြန်မာနိုင်ငံတော် ကက်သလစ်ဆရာတော်ကြီးများအဖွဲ့ချုပ်၊ ရန်ကုန်ကလျာဏယုဝခရစ်ယာန်အသင်း၊ပြည်ထောင်စုမြန်မာနိုင်ငံတော်မက်သဒစ် အသင်းတော် (အောက်မြန်မာပြည်)၊ မြန်မာနိုင်ငံဧဝံဂေလိခရစ်ယာန်မဟာမိတ်အဖွဲ့ချုပ်၊အိုလမာအစ္စလာမ်သာသနာ့ပညာရှင်များအဖွဲ့ချုပ်၊အစ္စလာမ်သာသနာရေးရာကောင်စီဌာနချုပ်၊မြန်မာနိုင်ငံလုံးဆိုင်ရာမော်လဝီအဖွဲ့ချုပ်၊မြန်မာမွတ်စလင်လူငယ်များ (ဘာသာရေး) အဖွဲ့ (မ.မ.လ)၊မြန်မာမွတ်စလင်အမျိုးသားရေးရာအဖွဲ့ချုပ် (မ.အ.ဖ)၊မြန်မာနိုင်ငံလုံးဆိုင်ရာဟိန္ဒူ ဘာသာရေးအဖွဲ့ချုပ်၊သနန္တနဓမ္မပါလက (ဟိန္ဒူ)အဖွဲ့ချုပ်ဦးစီးနာယကဆရာတော် သီရိသျှီဝဘုရားကျောင်း၊ဟိန္ဒူဘုန်းတော်ကြီးများ ဗဟိုအဖွဲ့ချုပ်၊ဘာသာပေါင်းစုံချစ်ကြည်ညီညွတ်ရေးအဖွဲ့တို့မှ လူပုဂ္ဂိုလ်များ အား တို့အား သီရိပျံချီဘွဲ့များ ချီးမြှင့်ကြောင်းလည်း အဆိုပါ ထုတ်ပြန်ချက်တွင် ဖော်ပြထားသည်။

ယင်းအပြင် ကာကွယ်ရေးဝန်ကြီးဌာနမှ ကြည်း၊ရေ၊လေ ဗိုလ်ချုပ်များ ၁၉ ဦးအား ဇေယျကျော်ထင်ဘွဲ့များ အသီးသီး ချီးမြှင့်ခဲ့ကြကြောင်း သိရသည်။

ymg/mt
#Yangon_Media_Group

#LocalNews
Published_17 November 2022

မြန်မာနိုင်ငံမှ ဘင်္ဂလားဒေ့ရှ်ဘက်သို့ ဧပြီလ ၁ ရက်မှ နိုဝင်ဘာ ၄ ရက်နေ့အထိ ပို့ကုန်တင်ပို့မှုမှ အမေရိကန်ဒေါ်လာ ၁၇ ဒသမ ၈၆ သန်းရရှိထားကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ဖော်ပြထားသည့် ကုန်သွယ်မှုစာရင်းများအရ သိရသည်။

ဘင်္ဂလားဒေ့ရှ်သို့ တင်ပို့နေသည့် နယ်စပ်စခန်းများအနက် စစ်တွေဂိတ်မှ အမေရိကန်ဒေါ်လာ ၉၈ ဒသမ ၀၇သန်း၊ စစ်တွေ (ပုံမှန်)ဂိတ်မှ အမေရိကန်ဒေါ်လာ ၇ ဒသမ ၄၄ သန်း၊ ကျောက်ဖြူဇုန်မှ အမေရိကန်ဒေါ်လာ ၉၀ ဒသမ ၆၂ သန်း၊ မောင်တောဂိတ်မှ အမေရိကန်ဒေါ်လာ ၁၀ ဒသမ ၄၁ သန်းရရှိထားကြောင်း စာရင်းများအရ သိရသည်။

၂၀၂၂-၂၀၂၃ ဘဏ္ဍာနှစ်အတွင်း စစ်တွေနှင့် မောင်တောနယ်စပ် ကုန်သွယ်ရေးစခန်းနှစ်ခုမှ ရေထွက်ကုန်အများဆုံးတင်ပို့ခဲ့ပြီး အဆိုပါစခန်းနှစ်ခုမှ ရေထွက်ကုန် ၆၅ ရာခိုင်နှုန်းနှင့် ကုန်ခြောက် ၃၅ ရာခိုင်နှုန်း တင်ပို့နေပြီး ရေထွက်ကုန်တင်ပို့မှုတွင် မွေးမြူရေးငါးမြစ်ချင်း၊ ငါးမုန့်မည်း၊ ငါးသလောက်၊ ငါးနီတူခြောက်နဲ့ ငါးမှုန်ခြောက်များပါဝင်ကြောင်း သိရသည်။

တင်ပို့နေသည့် ကုန်ခြောက်များတွင် မန်ကျည်းသီး၊ ချင်း၊ ကြက်သွန်၊ ထန်းလျက်အစရှိသည်များပါဝင်ကြောင်း သိရသည်။ ယင်းအပြင် မြန်မာနိုင်ငံမှ လယ်ယာထွက်ကုန်တစ်ခုဖြစ်သည့် ဆန်ကို ဘင်္ဂလားဒေ့ရှ်နိုင်ငံသို့ လက်ရှိအချိန်ထိ တန်ချိန် ၆ သောင်းခွဲကျော်တင်ပို့ပြီးဖြစ်ကြောင်းလည်း သိရသည်။

#ymg/sth
#Yangon_Media_Group