Published 23 October 2023

ပဲခူးတိုင်းဒေသကြီးအတွင်း ရေကြီးနစ်မြုပ်မှုကြောင့် မွေးမြူရေးငါးကန်များ ပျက်စီးဆုံးရှုံးခဲ့သော်လည်း ဒေသထွက်
ငါးများ ရရှိမှုများတာကြောင့် မွေးမြူုရေးငါးဈေးကွက် ကို ထိခိုက်မှုမရှိခဲ့ကြောင်း ပဲခူးတိုင်းဒေသကြီးရှိ ငါးမွေးမြူရေးလုပ်ငန်းရှင်များထံက သိရသည်။

ပြီးခဲ့သည့် အောက်တိုဘာ ဒုတိယအပတ်က ပဲခူးမြစ်ရေစံချိန်တင်မြင့်တတ်ခဲခြင်းကြောင့် ပဲခူးတိုင်းအတွင်းရှိ
ငါးကန်ဧကပေါင်း၂၂၀၀ကျော် ပျက်စီးဆုံးရှုံးခဲ့ကြောင်း သိရသည်။

"ရေကြီးတဲ့အတွက် ငါးကန် ပျက်စီးဆုံးရှုံးတာတွေ များတယ်၊ ဒါပေမယ့် ဒေသထွက် ငါးတွေက မိုးများတော့ဖမ်းဆီး ရရှိမှုများတဲ့အတွက် မွေးမြူရေးငါးဈေးကွက်ကိုတော့ ထိခိုက်မှုမရှိဘူး လက်ရှိပုံမှန်ပဲ အရောင်းဝယ်ဖြစ်နေတယ် ဈေးနှုန်း အတတ်အကျ မရှိဘူး'' ဟု ငါးမွေးမြုရေး လုပ်ငန်းရှင်တစ်ဦး ကပြောသည်။

ပဲခူးတိုင်းဒေသကြီးတွင် မွေးမြူရေး ငါးကန်ဧကပေါင်းသုံးသောင်းကျော်ရှိပြီး ဈေးကွက်အနေဖြင့် တိုင်းဒေသကြီး အတွင်း ရောင်းချမှုများကာ ပိုလျှံသည့်ငါးများကို ရန်ကုန်ရှိ ဗဟိုစံပြငါးဈေးသို့ ပို့ဆောင်ရောင်းချကြောင်း ယင်းက ဆက်လက်ပြောကြားသည်။

လက်ကားဈေးအနေဖြင့် ငါးမြစ်ချင်းတစ်ပိသာလျှင် ၅၀၀၀ ကျပ် ငါးဒန်တစ်ပိသာ လျှင် ၄၅၀၀ ကျပ်စသည့် ဈေးနှုန်းများနှင့် ရောင်းချလျက်ရှိကြောင်း သိရသည်။
Yangon_Times/LW
#Local_News
#Published_ 23 October 2023
#YMG #Yangon_Times #Yangon_Media_Group

လက်တွေ့ အကောင်အထည်‌ဖော်မယ့်သူ 30 ကို ရွေးချယ်ပြီး ပြည်ပခရီးစဉ် လေ့လာရေး ရွေးချယ်စေလွတ်သွားမယ်

အုန်းသီးစိုက်ပျိုးတာနဲ့ အခြေခံထုတ်ကုန်လုပ်ငန်းရှင်တွေကို မိမိလုပ်ငန်းရဲ့အခြေအနေတွေ ဖော်ပြလို့ရအောင် Basic Business Plan ရေးဆွဲနည်း သင်တန်းပေးသွားမယ်
Yangon_Times/NN
#Local_News
#Published_ 23 October 2023
#YMG #Yangon_Times #Yangon_Media_Group

ပြည်ပအလုပ်အကိုင် အေဂျင်စီလိုင်စင်အာမခံကြေး ပြောင်းလဲမည့် နှုန်းထားလျာထားချက် လျော့ပေးဖို့ MOEAF တင်ပြထားဟုဆို

ပြည်ပအလုပ်အကိုင် အေဂျင်စီလိုင်စင် အာမခံကြေးအတွက် အလုပ်သမားဝန်ကြီးဌာနက ပြောင်းလဲသတ်မှတ်မယ့် နှုန်းထားလျာထားချက်ဟာ များနေတဲ့အတွက် အနည်းငယ်ပြန်လျော့ပေးဖို့ အေဂျင်စီများရဲ့ သဘောဆန္ဒအရ မြန်မာပြည်ပ အလုပ်အကိုင်ဝန်ဆောင်မှု လုပ်ငန်းရှင်များ အဖွဲ့ချုပ် (MOEAF) က အလုပ်သမားဝန်ကြီးဌာနကို တင်ပြထားတယ်လို့ သိရပါတယ်။
Yangon_Times/LW
#Local_News
#Published_ 23 October 2023
#YMG #Yangon_Times #Yangon_Media_Group

ဆောင်းတွင်းအေးမည့် ကွတ်ခိုင်မြို့တွင် စစ်ဘေးရှောင်များအတွက် အနွေးထည်များ လိုအပ်နေ

‘ ဆောင်းကာလကွတ်ခိုင်မှာ ရာသီဥတုအေးတဲ့အတွက် စစ်ဘေးရှောင်နေရတဲ့ ကျေးရွာသူ၊ ကျေးရွာသားတွေအတွက် အဝတ်အထည်တွေ လိုအပ်နေပါတယ်။အစားအသောက်တွေ ရှိပေမယ့် ဝတ်ဖို့ အဝတ်တွေကို လှူဒါန်းသူနည်းနေလို့ အဝတ်အထည်တွေ၊ အနွေးထည်တွေ လိုအပ်နေပါတယ် ’ လက်ဖက်ညွန့် လူမှုကူညီရေးအသင်းမှ တာဝန်ရှိသူတစ်ဦး
Yangon_Times/tthl
#Local_News
#Published_ 23 October 2023
#YMG #Yangon_Times #Yangon_Media_Group

Published 23 October 2023

ဂျပန် နိုင်ငံ တိုကျို မြို့ ရှိ မြန်မာ သံရုံး သို့ လေးလ အတွင်း နိုင်ငံကူးလက်မှတ် သက်တမ်းတိုးလျှောက် ထား သည့် မြန်မာ အလုပ်သမား ၇၀၀၀ ကျော် ရှိကြောင်း ဂျပန် နိုင်ငံဆိုင်ရာ မြန်မာသံရုံး(တိုကျို)၏ ထုတ်ပြန်ချက် အရ သိရသည်။

၂၀၂၃ ခုနှစ် ဇွန်လ အတွင်း ၁၅၇၅ ဦး၊ဇူလိုင် လ အတွင်း ၁၇၅၈ ဦး သြဂုတ် လ အတွင်း ၂၁၈၇ဦးနှင့် စက်တင်ဘာ လ အတွင်း ၂၀၄၇ ဦး အသီးသီး ရှိခဲ့ သည့် အပြင်လက်ရှိအချိန်ထိ စာတိုက်မှ တစ်ဆင့် ပေးပို့ သက်တမ်းတိုး လျှောက်ထားမှုများ နေ့စဉ် ဝင်ရောက် လျက်ရှိကြောင်း သိရသည်။

ကိုဗစ်ကာလ နောက် ပိုင်း ကစပြီး သံရုံးသို့ ကောင်စစ် ကိစ္စများ ဆောင်ရွက်ရန် အတွက် လာရောက် ကြသည့်နိုင်ငံသားများ ပိုမို များပြား လာခဲ့ ရာ အချို့ ရက်များ တွင် သံရုံး၏ ကောင်စစ် အဆောက်အဦးတွင် လက်ခံ နိုင်သည့် လူဦးရေ ထက် များစွာ ကျော် လွန်ခဲ့ သည့် အတွက် လာရောက် ကြသည့်မြန်မာနိုင်ငံသားများ အနေဖြင့် အချိန် ပေးစောင့်ဆိုင်းရမှုများ ရှိလာသလို ကျန်းမာရေး ရှုထောင့် အရ အလေးထားရမည့် အနေထား ဖြစ်လာသောကြောင့် စာအုပ် ထုတ်ယူ ချိန် ကို ယခုလကုန်မှ စပြီး ပြောင်းလဲ သတ်မှတ်လိုက် ကြောင်း သိရသည်။

ထို့ကြောင့် နိုင်ငံကူး လက်မှတ် သက်တမ်းတိုး လျောက်ထားပြီး သူများ အနေ ဖြင့် စာအုပ် လာရောက် ထုတ်ယူ ချိန်ကို ယခင် နံနက် ၁၀နာရီ မှ ၁၂နာရီ အတွင်း အစား လာမည့် နိုဝင်ဘာ ၁ရက် မှ စပြီး နေ့လယ် ၁နာရီ ခွဲ မှ ၂နာရီ ခွဲ အတွင်း ပြောင်းလဲ သတ်မှတ် လိုက်ကာ နိုင်ငံကူးလက်မှတ် သက်တမ်းတိုးလျှောက်ထားမည့် သူများအနေဖြင့် ယခင် အချိန် နံနက် ၁၀နာရီမှ ၁၂နာရီ အတွင်း လာရောက် နိုင်ကြောင်း သိရသည်။
Yangon-Times/LW
#Local_News
#YMG #Yangon_Times #Yangon_Media_Group

Published-23 October 2023

မြန်မာနိုင်ငံတွင် ကော်ဖီစိုက်ပျိုးထုတ်လုပ်မှု၏ ထက်ဝက်ခန့်ကို အမေရိကန်၊ ဥရောပ၊ ဂျပန်၊ တောင်ကိုရီးယား၊ ထိုင်း၊ တရုတ်နှင့် ထိုင်ဝမ်နိုင်ငံများသို့ တင်ပို့ရောင်းချလျက်ရှိကြောင်း စက်မှု ဝန်ကြီးဌာနပြည်ထောင်စုဝန်ကြီး ဒေါက်တာချာလီသန်းက ပြောသည်။

The Speciality Coffee Association of Japan အသင်းအဖွဲ့က ကြီးမှူး၍ ဂျပန်နိုင်ငံ တိုကျိုမြို့တွင် နှစ်စဉ် ကျင်းပသည့် World Speciality Coffee Conference & Exhibition တွင် မြန်မာနိုင်ငံ ကော်ဖီအသင်း အနေဖြင့် ကမ္ဘာ့အဆင့်မီ မြန်မာ့ကော်ဖီများပါဝင်ပြသကြောင်းလည်း သိရသည်။

မြန်မာ့ကော်ဖီများကို ကမ္ဘာ့နိုင်ငံများက အထူးစိတ်ဝင်စားကြသည့်အတွက် ကမ္ဘာ့ကော်ဖီဈေးကွက်သို့ ယခုထက် ပိုမိုထိုးဖောက်နိုင်ရန် ကော်ဖီစိုက်ပျိုးထုတ်လုပ်သူများသည် အရည်အသွေးနှင့် အဆင့်အတန်းမီကော်ဖီမျိုး ကောင်း မျိုးသန့်များကို ရွေးချယ်၍ စိုက်ပျိုးထုတ်လုပ်ခြင်း၊ ကော်ဖီကုန်ကြမ်းအဖြစ် တင်ပို့ခြင်းသာမက အမြတ် အစွန်း ကွာဟချက်ကြီးမားသည့် တန်ဖိုးမြှင့် ကော်ဖီကုန်ချောများကိလည်း ထုတ်လုပ်တင်ပို့နိုင်ခဲ့ကြောင်း ယင်းက ဆိုသည်။

ယခုအခါ ကော်ဖီသီးနှံ ပိုမိုတိုးချဲ့စိုက်ပျိုးလာရေးနှင့် အရည်အသွေး ပိုမိုကောင်းမွန်လာစေရေးအတွက် စိုက်ပျိုး ရေးဦးစီးဌာနမှ ဦးဆောင်၍ မြန်မာနိုင်ငံကော်ဖီအသင်း၊ ကော်ဖီလုပ်ငန်းရှင်များ၊ ကော်ဖီစိုက် တောင်သူများနှင့် နည်းပညာပေးဆွေးနွေးပွဲများ၊ နည်းပညာအသိပညာဖလှယ်ခြင်းလုပ်ငန်းများကို ဆောင်ရွက်လျက်ရှိကြောင်း လည်းသိရသည်။
Yangon-Times/PP
#Local_News
#YMG #Yangon_Times #Yangon_Media_Group