ငလျင်ဘေးသင့်ပြည်သူပေါင်း ၁ ဒသမ ၁ သန်း အား အဓိကထား အကူအညီပေးအပ်ဖို့ ရည်ရွယ်ထားတဲ့ ငလျင် အရေးပေါ် ကူညီရေးအစီအစဉ် အတွက် လိုအပ်တဲ့ အမေရိကန်ဒေါ်လာ ၂၇၅ သန်း အနက်မှ ဒေါ်လာ ၆၃ ဒသမ ၇ သန်းခန့်သာ လက်ခံရရှိထားသေးတယ်လို့ ကုလသမ္မဂလူသားချင်းစာနာမှုဆိုင်ရာညှိနှိုင်းရေးရုံး( OCHA Myammar) ကထုတ်ပြန်ထားပါတယ်။
#Local_News
Published 6 June 2025
#OCHA #ကန်ဒေါ်လာ ၂၇၅ သန်း
#YMG/SW #Yangon_Times

နိုင်ငံတော်ရဲ့ စက်သုံးဆီလိုအပ်ချက်ကို အတိုင်းအတာတစ်ရပ်အထိ ဖြည့်ဆည်းပေးနိုင်ဖို့ အမှတ်(၁)ရေနံချက်စက်ရုံ(သန်လျင်)ကို အသွင်သစ်နဲ့ လည်ပတ်ထုတ်လုပ်သွားမည်ဖြစ်ရာ အမှတ်(၁)ရေနံချက်စက်ရုံ(သန်လျင်)စီမံကိန်းအပိုင်း(၁)အဖြစ် တစ်နှစ်လျှင် ရေနံစိမ်းတန်ချိန် ငါးသိန်းချက်လုပ်နိုင်အောင် ဆောင်ရွက်သွားမယ်လို့ သိရပါတယ်။
#Local_News
Published 6 June 2025
#စက်သုံးဆီလိုအပ်ချက် #သန်လျင်ရေနံချက်စက်ရုံအပိုင်း(၁)
#YMG/SW #Yangon_Times

ဆန်ရည်ညွန်းဈေးတွေ နှစ်လဆက်တိုက်ဈေးတန်းနေရာကနေ အခု ဇွန်လအတွက် သတ်မှတ်လိုက်တဲ့ညွန်းဈေးနှုန်းတွေကတော့ရွှေဘိုပေါ်ဆန်းနဲ့  ဆန်ကြမ်းအချို့ဈေးအနည်းငယ်မြင့်တက်လာတယ်လို့ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ စားသုံးသူရေးရာဦးစီးဌာနက လစဉ်ထုတ်ပြန်ပေးနေတဲ့စာရင်း‌ တွေအရ သိရပါတယ်။
#Local_News
Published 6 June 2025
#ရွှေဘိုပေါ်ဆန်း #ဆန်ကြမ်းအချို့ဈေးတက်
#YMG/NN #Yangon_Times

မြေဩဇာကော်မတီအနေနဲ့  ပြည်တွင်းကို မြေဩဇာတင်သွင်းခွင့်နဲ့ ထုတ်လုပ်ခွင့်အတွက် လုပ်ငန်းပေါင်း ၇,၆၀၀ကျော်ကို လုပ်ငန်းမှတ်ပုံတင်ထုတ်ပေးထားပြီး လုပ်ကိုင်ခွင့်ပြုထားပြီး ထပ်မံလျှောက်ထားလိုသူတွေကို လည်းစိစစ်ပြီး လုပ်ငန်းမှတ်ပုံတင်ခွင့်ပြုထုတ်ပေးနေတယ်လို့ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနက  သိရပါတယ်။
#Local_News
Published 6 June 2025
#မြေဩဇာတင်သွင်းထုတ်လုပ်ခွင့် #ဆည်မြောင်းဝန်ကြီးဌာန
#YMG/NN #Yangon_Times

#Local_News
Published 6 June  2025

▪️ ပြီးခဲ့သည့်အပတ်က ပြန်လည်ကျဆင်းလာသည့် ရန်ကုန်အထိုင်စက်သုံးဆီဈေးနှုန်းများမှာ အခုတစ်ပတ်မှာတော့တစ်လီတာကို ၁၀ကျပ်ကနေ ၃၀ကျပ်အတွင်း ဆက်လက်ကျဆင်းလာကြောင်း စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ သိရသည်။

▪️ ယခုတစ်ပတ်ရည်ညွှန်းဈေးများမှာ 92တစ်လီတာကို ၂,၈၄၅ ကျပ်၊95တစ်လီတာကို ၂,၈၉၅ကျပ်၊ ဒီဇယ်ဆီတစ်လီတာကို၂,၃၇၅ ကျပ်၊ ပရီမီယံဒီဇယ်ဆီ တစ်လီတာ ကို  ၂,၉၅၀  ကျပ်အထိ ဈေးနှုန်းအသီးသီးရှိ‌ နေကြောင်း သိရသည်။

▪️ ပြီးခဲ့သည့်တစ်ပတ်က တစ်လီတာကို ၁၅ကျပ်အထိပြန်လည်ကျဆင်းခဲ့သည့် 92နှင့် 95 ဓာတ်ဆီဈေးနှုန်းများသည် ယခုတစ်ပတ်တွင် တစ်လီတာကို၁၀မှ ၁၅ကျပ် အတွင် အနည်းငယ်ဆက်လက် ကျဆင်းလာသည်။

▪️ ဒီဇယ်ဈေးနှုန်းများမှာလည်း ပြီးခဲ့သည့်တစ်ပတ်က  တစ်လီတာကို ၃၅ကျပ်မှ  ၄၅ကျပ်အထိ ကျဆင်းခဲ့သလို ယခုအပတ်တွင်လည်းတစ်လီတာကို ၂၀မှ၃၀ကျပ်အတွင်း ဆက်လက်ကျဆင်းလာကြောင်း သိရသည်။

#YMG/NN #Yangon_Times

#Local_News
Published 5 June 2025

▪️ ချင်းပြည်နယ်၊ ဟားခါး၌  မီးလောင်မှုဖြစ်ပွားခဲ့ကြောင်း သိရသည်။

▪️ ‌ဇွန်၅ ရက်နေ့၊ ည ၁၀ နာရီ ၄၅ မိနစ်အချိန်ခန့်က ချင်းပြည်နယ်၊ ဟားခါးမြို့၊ စျေးသစ်ရပ်ကွက်တွင် မီးလောင်မှုတစ်ခုဖြစ်ပွားခဲ့ကြောင်း သိရသည်။

▪️ အဆိုပါ  သတင်းရရှိသဖြင့် ဟားခါးခရိုင်/ မြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ မီးသတ်ရေသယ်ယာဉ်(၁)စီးတို့ဖြင့် ထွက်ခွာငြှိမ်းသတ်ခဲ့ရာ ၁၁နာရီ၂၀ မိနစ်အချိန်၌  မီးငြိမ်းနိုင်ခဲ့ကြောင်း သိရသည်။

#YMG/NN #Yangon_Times