#LocalNews
Published_3 May 2022

ရခိုင်ပြည်နယ် စစ်တွေမြို့ဘောလုံးကွင်းရပ်ကွက်မှာ တည်ဆောက်နေတဲ့ ပထမဆုံး ခေတ်မီ May Yu Shopping Complex တည်ဆောက်မှု လုပ်ငန်းတွေ ၉၀ ရာခိုင်နှုန်းလောက် ပြီးနေပြီ ဖြစ်လို့ လာမယ့်သီတင်းကျွတ်မှာ ဖွင့်လှစ်နိုင်တော့မယလို့ သိရပါတယ်

#Yangon_Media_Group

#Local News
Published- 3 May 2022

လတ်တလောမှာ ကိုယ်အင်္ဂါမသန်စွမ်းသူတွေ များပြားလာပြီး ခြေတု၊ လက်တု၊ ဂျိုင်းထောက်၊ ဝှီးချဲစတဲ့ မသန်စွမ်းအထောက်အကူပြု ပစ္စည်းတွေလိုအပ်လို့ လာရောက်လျှောက်ထားတဲ့ မသန်စွမ်းဦးရေ (၉၀) ကျော်ရှိနေတယ်လို့ မြန်မာနိုင်ငံကိုယ်အင်္ဂါမသန်စွမ်းသူများအသင်းဥက္ကဌ ဒေါက်တာကိုကိုဦးက YMG ကို ပြောပါတယ်၊၊

#Yangon_Media_Group

#LocalNews
Published - 3 May 2022

ရေကြည်မြို့နယ်၌ မော်တော်ယာဥ်တစ်စီး တိမ်းမှောက်မှုဖြစ်ပွားခဲ့ပြီး ၁ ဦး သေဆုံးကာ ၈ ဦး ထိခိုက်ဒဏ်ရာရခဲ့တယ်လို့ သိရပါတယ်။

အဆိုပါ ယာဥ်တိမ်းမှောက်မှုဖြစ်စဥ်ဟာ မေ ၂ ရက် နေ့က ဧရာဝတီတိုင်းဒေသကြီး၊ ပုသိမ်ခရိုင်၊ ရေကြည်မြို့နယ်တွင် ဖြစ်ပွားခဲ့ခြင်းဖြစ်ပါတယ်။

ယာဥ်ပေါ်တွင် လေးမျက်နှာသစ်တောစိုက်ခင်းမှ ကျင်းတူးခြင်း၊ ပျိုးခင်းများပြုလုပ်ကာ အလုပ်သိမ်း၍ အလုပ်သမား အမျိုးသား (၁၉)ဦး၊ အမျိုးသမီး (၂)ဦး စုစုပေါင်း(၂၁)ဦး လိုက်ပါလာပြီး CANDA အမျိုးအစား အဖြူရောင်ခြောက်ဘီးယာဉ်ဖြစ်တယ်လို့ သိရပါတယ်။

အဆိုပါ ယာဥ်ဟာ ပန်းကုန်းလမ်းခွဲအတွင်းမှ (၂၁)မိုင် ရေနံ့သာ-ဂွကားလမ်းဘက်သို့ မောင်းနှင်လာစဥ် ငါးသိုင်းချောင်းမြို့ မိဿလင်ကျေးရွာအုပ်စု တောင်ပေါ်(၂၁)မိုင် ပန်းကုန်လမ်းခွဲ တောင်တက်လမ်းတွင် မော်တော်ယာဥ်သည် ဆက်လက်မောင်းနှင်နိုင်ခြင်းမရှိပဲ တိမ်းမှောက်ခဲ့ခြင်းဖြစ်ပါတယ်။

မော်တော်ယာဉ်တိမ်းမှောက်မှုကြောင့် ယာဉ်ပေါ်လိုက်ပါလာသူ မမိတတောင် (၃၂)နှစ် မြောက်စမ်းကျေးရွာနေသူမှာ အခင်းဖြစ်နေရာတွင် သေဆုံးခဲ့ပြီး ကျန်ဒဏ်ရာရရှိသူ ၈ ဦးအား ရေကြည်မြို့နယ် ပြည်သူ့ဆေးရုံကြီးသို့ ဒေသခံလူမှုကယ်ဆယ်ရေးအဖွဲ့တွေက ပို့ဆောင်ပေးခဲ့ရတယ်လို့ သိရပါတယ်။

ymg/kg
#Yangon_Media_Group

#LocalNews
Published - 3 May 2022

လမ်းပန်းဆက်သွယ်ရေး အခက်အခဲကြောင့် ပူတာအိုဒေသတွင် ကုန်ဈေးနှုန်းများ အဆမတန်
မြင့်တက်လာနေတယ်လို့ အဆိုပါ မြို့နေဒေသခံများထံမှ သိရပါတယ်။

#Yangon_Media_Group

#LocalNews
Published-3 May 2022

မေလ(၃)ရက်နေ့ နေ့လယ်(၁)နာရီခွဲတိုင်းတာချက်တွေအရ မေလ(၆)ရက်မှာ ကပ္ပလီပင်လယ်ပြင်တောင်ပိုင်းမှာ လေဖိအားနည်းရပ်ဝန်းတစ်ခုဖြစ်ပေါ်လာနိုင်တယ်လို့ မိုးလေဝသနှင့် ဇလဗေဒညွှန်ကြားမှုဦးစီးဌာနက ခန့်မှန်းထားပါတယ်၊၊

မြန်မာနိုင်ငံအနေနဲ့ မေလအတွင်း လေဖိအားနည်းရပ်ဝန်းသုံးကြိမ်ဖြစ်ပေါ်လာနိုင်ပြီး နှစ်ကြိမ်မှာ အားကောင်းကာ မုန်တိုင်းဖြစ်ပေါ်လာနိုင်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာန၊ညွှန်ကြားရေးမှူး ဦးလှထွန်းက ခန့်မှန်းပြောကြားထားပါတယ်၊၊

မေလ(၈)ရက်နေ့မတိုင်မီလည်း မုန်တိုင်းဖြစ်နိုင်ခြေတွေရှိသလို မေလ(၈)ရက်မှ (၁၃)ရက်အတွင်း မြန်မာနိုင်ငံတောင်ပိုင်းဒေသတွေကနေစပြီးတော့ မုတ်သုန်ဝင်ရောက်တော့မှာဖြစ်တဲ့အတွက်လည်း သတိပြုစောင့်ကြည့်ရမှာဖြစ်တယ်လို့ မိုး/ဇလက သတိပေးထားပါတယ်၊၊

ymg/tthl
#Yangon_Media_Group

#Local News
Published- 3 May 2022

ပုဂံဒေသရှိ ပုဂံစေတီ၊ ပုထိုးတွေကို ထိခိုက်ပျက်စီးနိုင်တဲ့ ညောင်ပင်တွေကို ဓာတုဆေးရည်အသုံးပြုပြီး ရှင်းလင်းတဲ့လုပ်ငန်းတွေကို Bagan Heritage Trust အဖွဲ့နဲ့ ရှေးဟောင်းသုတေသနဦးစီးဌာနတို့ ပူးပေါင်းဆောင်ရွက်လျက်ရှိပါတယ်၊၊

လတ်တလောမှာ ဝက်ကြီးအင်းဂူပြောက်ငယ်၊ ပုထိုးသားများရယ် မြင်းကပါဂူပြောက်ကြီးစတဲ့စေတီသုံးဆူမှာ ဆောင်ရွက်နေပြီး ဝက်ကြီးအင်းဂူပြောက်ငယ်၊ ပုထိုးသားများမှာတော့ဆောင်ရွက်မှုပြီးစီးခဲ့ပြီး မြင်းကပါဂူပြောက်ကြီးကတော့ လက်ရှိဆောင်ရွက်နေဆဲဖြစ်တယ်လို့ဆိုပါတယ်၊၊

"ဝက်ကြီးအင်းဂူပြောက်ငယ်၊ ပုထိုးသားများရယ် မြင်းကပါဂူပြောက်ကြီးစတဲ့ စေတီသုံးဆူမှာ ညောင်ပင်သတ်တဲ့လုပ်ငန်းတွေကို လုပ်ဆောင်နေပါတယ်၊၊ အဲဒါပြီးသွားရင် ညောင်ပင်သတ်တဲ့လုပ်ငန်းတွေ လုပ်ဆောင်နိုင်ဖို့ တိုင်းဒေသကြီးအစိုးရမှာ ဘက်ဂျက်သိန်း(၂၀၀)တောင်းထားပါတယ်၊၊ ဘက်ဂျက်ရရင်တော့ စေတီအဆူ(၂၀)လောက်မှာ ညောင်ပင်သတ်တဲ့လုပ်ငန်းတွေဆောင်ရွက်နိုင်မယ်၊၊ အရင်တုန်းက ဘက်ဂျက်သိန်း(၂၀၀)နဲ့ပဲစေတီ(၁၇)ဆူမှာ ညောင်ပင်သတ်တဲ့လုပ်ငန်းတွေ ဆောင်ရွက်နိုင်ခဲ့တယ်"လို့ Bagan Heritage Trust အဖွဲ့အတွင်းရေးမှူး ဦးမျိုးညွန့်အောင်က ပြောပါတယ်၊၊

မိုးမကျမီအမီ ညောင်ပင်သတ်တဲ့ လုပ်ငန်းတွေကို ဆောင်ရွက်နေတာဖြစ်ပြီး ညောင်ပင်နဲ့ညောင်မြစ်တွေဟာ ပုဂံရှေးဟောင်းစေတီပုထိုးတွေကို ထိခိုက်ပျက်စီးနိုင်တဲ့အတွက် အခုလိုဆောင်ရွက်နေရတာဖြစ်ပါတယ်၊၊

ပုဂံဒေသရေရှည်ထိန်းသိမ်းရေးလုပ်ငန်းဖြစ်တဲ့ ညောင်ပင်သတ်လုပ်ငန်းတွေကို ပြီးခဲ့တဲ့တစ်နှစ် လောက်ကလည်း ဆောင်ရွက်ခဲ့ပြီး (၁၇)ဆူပြီးစီးခဲ့တယ်လို့ဆိုပါတယ်၊၊

ပုဂံမှာ စေတီ၊ ပုထိုး၊ ရှေးဟောင်းအဆောက်အအုံပေါင်း (၃၀၀၀)ကျော်ရှိတဲ့အတွက် ထိန်းသိမ်းရေးလုပ်ငန်းတွေအတွက် လိုအပ်ချက်တွေများနေပြီး ပါဝင်လှူဒါန်းလိုတဲ့သူတွေအနေနဲ့ Bagan Heritage Trustအဖွဲ့နဲ့ ရှေးဟောင်းသုတေသနဦးစီးဌာနကို လှူဒါန်းနိုင်တယ်လို့ သိရပါတယ်၊၊

ymg/tthl
#Yangon_Media_Group