#Local_News

Published-3-September-2023

ဘင်္ဂလားဒေ့ရှ်နိုင်ငံမှ ဝယ်လိုအား ကောင်းနေတာကြောင့် ဂျင်းတပိဿာလျှင် ကျပ်၇၀၀၀နီးပါး အထိ ဈေးမြင့်နေကြောင်းအောင်ပန်းရှိ ဂျင်းဝယ်ရောင်းသည့်ကုန်သည်များထံကသိရသည်။

 
ပြီးခဲ့သည့် သြဂုတ်လလယ်ပိုင်းမှစတင်၍ ပြည်ပဝယ်လိုအား ရှိလာသည့်အတွက် ဂျင်း ဈေးကွက်မှာ ဈေးမြင့်သို့ တဖြည်းဖြည်း ရောက်ရှိလာခဲ့ကြောင်းသိရသည်။

"ဂျင်း ဈေးကွက်က ပြည်ပ ဝယ်လိုအားကောင်းနေတယ် ဘင်္ဂလားဒေ့ရှ်က အဝယ် ပိုများတဲ့ ဂျင်းဥမအခက်ကြီးက ဈေးကွက်ထဲ ရှားတော့ စိုက်ပျိုးသူတွေဆီကနေ မနည်းလိုက်စုရတယ် ဒါကြောင့် အခြားအမျိုးစားဈေးအနည်းငယ်အတတ်အကျရှိပေမယ့် ဂျင်းဥမအခက်ကြီးကတော့ အခုဈေးထက် မြင့်ဖို့ပဲရှိမယ်""ဟု အောင်ပန်းမှ ဂျင်းကုန်သည်တစ်ဦးက ပြောသည်။

အောင်ပန်း ကုန်စည်ဈေးကွက်တွင် ဂျင်းဥမ အခက်ကြီး အသန့်တစ်ပိဿာလျှင် ၆၅၀၀မှ ၆၇၀၀ကျပ် ၊ ဂျင်းဥမ မြေနီ ဘောင်တုတ် အလတ်စ တစ်ပိဿလျှင် ၅၃၀၀မှ ၅၅၀၀ကျပ် ၊ ဂျင်းဥမ အသေးစတစ်ပိဿာလျှင် ၄၀၀၀ကျပ် ၊ ထိုးဂျင်း ခေါ် ဂျင်းအပယ်စ တစ်ပိဿာလျှင် ၂၈၀၀ခန့်ရှိကြောင်းသိရသည်။

#YMG/my #Local_News #ဘင်္ဂလားဒေ့ရှ်နိုင်ငံ #ဂျင်းတစ်ပိဿာ
ကျပ်၇၀၀၀နီးပါးဖြစ် #Yangon_Times

#Local_News
Published-3-September-2023

ပြည်ထောင်စုနယ်မြေ နေပြည်တော် ဒက္ခိဏသီရိမြို့နယ်တွင် တည်ထားကိုးကွယ်ထားရှိသည့် မာရဝိဇရ ဗုဒ္ဓရုပ်ပွားတော်မြတ်ကြီးအား စက်တင်ဘာ (၄)ရက်မှစတင်၍ လူဝင်ကြေးအခမဲ့ဖြင့် ဖူးမြော်ကြည်ညိုခွင့်ပေးသွားမည်ဖြစ်ကြောင်း သိရသည်။

သို့သော် မာရဝိဇရဗုဒ္ဓရုပ်ပွားတော်မြတ်ကြီးနှင့် ဉယျာဉ်တော်ရေရှည်တည်တံ့ခိုင်မြဲစေရေးအတွက် လိုအပ်သည့်ပြုပြင်ထိန်းသိမ်းရေးလုပ်ငန်းများဆောင်ရွက်ရာတွင် ကုသိုလ်တော်ပါဝင်နိုင်ရေး သတ်မှတ်ရာတွင်  ကင်မရာပါသောဖုန်းများ (keypad ဖုန်းမပါ) ကျပ် ၁,၀၀၀၊ အပျော်တမ်းကင်မရာ ကျပ် ၅,၀၀၀၊ အလှဓာတ်ပုံရိုက်ခြင်းနှင့် Pre Wadding ရိုက်ကူးလျှင် နှစ်နာရီစာ အတွက် ကျပ် ၅၀,၀၀၀(နာရီဝက်ပိုတိုင်း ကျပ် ၅၀၀၀)ပေးဆောင်ရမည်ဟုသိရသည်။

ထို့အပြင် ဥယျာဉ်တော်အတွင်း အိမ်စီးယာဉ်ငယ်များ ရပ်နားပါက ယာဉ်ငယ် တစ်စီး ကျပ် ၂၀,၀၀၀ သတ်မှတ်ထားပြီး အိမ်စီးယာဉ်များမှအပ အခြားသောယာဉ်များဝင်ခွင့်မပြုကြောင်း အသိပေးထားသည်။

Buggy စီးနင်းခြင်းနှင့်ပတ်သက်၍လည်း အသက်အရွယ်ပြီးရင့်သူများနှင့် ကျန်းမာရေးမကောင်းသူများအတွက်သာ စီးနင်းခွင့်ပြုထားကြောင်း မေတ္တာရပ်ခံထားသည်။

မာရဝိဇရ ဗုဒ္ဓရုပ်ပွားတော်မြတ်ကြီးကို ပြီးခဲ့သော ဩဂုတ် (၈)ရက်ကစ၍ အခမဲ့ဖူးမြော်ကြည်ညိုခွင့်ပြုထားရာ လာရောက်ဖူးမြော်သူ များပြားခဲ့ကြောင်း သိရသည်။

#YMG/my #Local_News #မာရဝိဇရ ဗုဒ္ဓရုပ်ပွားတော်မြတ်ကြီး
#Yangon_Times

#Local_News
Published_ 3 September 2023

ပုဂံယူနက်စကို ကမ္ဘာ့အမွေအနှစ်ဒေသ၊ အင်းလေးကန်၊ နေပြည်တော် ကျောက် မျက်ခန်းမနှင့် ကမ္ဘာ့အမြင့်ဆုံး ထိုင်တော်မူ မာရဝိဇယစကျင်ဗုဒ္ဓရုပ်ပွားတော် စသည့် ခရီးစဉ်များကို လာရောက်လည်ပတ်ရန် နေပြည်တော်မြို့တော်ဝန် ဦးသန်းထွန်းဦး က တရုတ်နိုင်ငံ ကျင်းသကျန်းမြို့မှာကျင်းပတဲ့ အပြည်ပြည်ဆိုင်ရာ ပိုးလမ်းမမြို့တော်များ ခရီးသွားလာရေးမဟာမိတ်အဖွဲ့ စတင်တည်ထောင်ခြင်းအခမ်းအနား၌ မိန့်ခွန်းပြောကြားစဉ် ဖိတ်ကြားခဲ့ပါတယ်။

နေပြည်တော်ကောင်စီဥက္ကဋ္ဌ မြို့တော်ဝန် က ယခုဖွဲ့စည်းသည့် မဟာမိတ် အဖွဲ့သည် ကမ္ဘာ့စီးပွားရေးကို အထောက်အကူဖြစ်စေရန် အလားအလာကောင်းများ ရှိနေသည်ကို တွေ့ရမည်ဖြစ်ကြောင်း၊ အတူတကွ ပူးပေါင်းဆောင်ရွက်ခြင်းဖြင့် ရေရှည်တည်တံ့ခိုင်မြဲ သော ဖွံ့ဖြိုးတိုးတက်မှုကိုမောင်းနှင်ရန်၊ အလုပ်အကိုင်အခွင့်အလမ်းများ ဖန်တီးရန်နှင့် မိမိတို့နိုင်ငံသားများ၏ လူမှုစီးပွား အခြေအနေများကိုမြှင့်တင်ရန် ခရီးသွားလုပ်ငန်း၏ စွမ်းအားကို အသုံးချနိုင်မှာ ဖြစ်တယ်လို့ ဆိုပါတယ်။

မြန်မာနိုင်ငံနှင့်တရုတ် နိုင်ငံအကြား ခရီးသွားလုပ်ငန်း ကဏ္ဍအပြင် အခြားသော ပူးပေါင်း ဆောင်ရွက်မှုများအနေဖြင့် များစွာရှိနေပြီးဖြစ်ကြောင်း၊ ယခု မဟာမိတ်အဖွဲ့၏ အဖွဲ့ဝင်နိုင်ငံများနှင့် မြို့တော်များအနေဖြင့်လည်း မြန်မာနိုင်ငံနှင့် ခရီးသွားလုပ်ငန်း ကဏ္ဍအပြင် အခြားသော ဖွံ့ဖြိုးတိုးတက်ရေး လုပ်ငန်းများတွင် ပူးပေါင်းဆောင်ရွက်မှုများ တိုးမြှင့်လုပ်ဆောင်ဖို့ ဖိတ်ခေါ်ခဲ့ပါတယ်။

အပြည်ပြည်ဆိုင်ရာ ပိုးလမ်းမ မြို့တော်များ ခရီးသွားလာရေး မဟာမိတ်အဖွဲ့စတင်တည်ထောင်ခြင်း အခမ်းအနားသို့ တရုတ်နိုင်ငံမှ မြို့တော် ၂၂ မြို့နှင့် နေပြည်တော် မြို့တော်အပါအဝင် အာရှ၊ ဥရောပ၊ အာဖရိက၊ အမေရိက ဒေသများရှိ နိုင်ငံ ၂၅ နိုင်ငံမှ မြို့တော် ၃၆ မြို့ စုစုပေါင်းအဖွဲ့ဝင်မြို့တော် ၅၈ မြို့ ဖြင့် စတင်ဖွဲ့စည်းခဲ့ခြင်းဖြစ်ပါတယ်။

#ygm_mnn #Local_News #ပုဂံဒေသ #ခရီးသွားလာရေးမဟာမိတ်အဖွဲ့
#Yangon_Media_Group

#Local_News
Published-3-September-2023

ရန်ကုန်တိုင်းဒေသကြီး သင်္ဃန်းကျွန်းမြို့နယ်၊ သံသုမာလမ်းမကြီးပေါ်ရှိ မင်းဒင်မှတ်တိုင်အနီးတွင် စက်တင်ဘာ (၂) ရက်ည (၁၀) နာရီခွဲကျော်ခန့်က အိမ်စီးကားအရှိန်မထိန်းနိုင်ဘဲ လမ်းဘေးရှိဓာတ်တိုင်အား ဝင်တိုက်မှု ဖြစ်ပေါ်ခဲ့ကြောင်း လူမှုကူညီရေးအသင်းများထံကသိရသည်။

       
အဆိုပါ ယာဥ်တိုက်မှုကြောင့် ယာဥ်ပေါ်တွင် ပါရှိသည့် အမျိုးသားလေးဦးအနက် သုံးဦးမှာ ထိခိုက်ဒဏ်ရာ ရရှိခဲ့ကြောင်းသိရသည်။

"သုံးယောက်မှာ တစ်ယောက်က အနီရောင်အဆင့် အသက်အန္တရာယ်စိုးရိမ်ရတဲ့အနေထားရှိတယ်၊တစ်ယောက်က ခြေထောက်ထက်ပိုင်းကျိုးသွားတယ်၊
ကျန်တစ်ယောက်ကတော့ ထိခိုက်ဒဏ်ရာမစိုးရိမ်ရအနေထားမှာ ရှိပါတယ်"Medical လူငယ်များလူမူကူညီရေးအသင်းမှ တာဝန်ရှိသူကပြောသည်။

    
ထိခိုက်ဒဏ်ရာ ရရှိသူများကို လူမှုကူညီရေး အသင်း ကားများဖြင့် သင်္ဃန်းကျွန်း စံပြဆေးရုံသို့ပို့ဆောင်ပေးခဲ့ကြောင်းသိရသည်။

#YMG/my #Local_News #သင်္ဃန်းကျွန်းမြို့နယ် #ဓာတ်တိုင်ကိုဝင်တိုက်၊  (၃) ဦး ထိခိုက်
#Yangon_times

၃ စက်တင်ဘာ ၂၀၂၃

နှစ်ပေါင်း သုံးဆယ်နီးပါး တိုက်ရိုက်လေကြောင်းပျံသန်းမှုများ ရပ်တန့်ခဲ့ပြီးနောက် မြန်မာနှင့်ရုရှား အကြား တိုက်ရိုက်လေကြောင်းပျံသန်းမှုကို လာမယ့် အင်္ဂါနေ့မှာ စတင်တော့မယ်လို့ ရုရှား TASSသတင်းဌာနက သတင်းရေးသားခဲ့ပါတယ်။

ရုရှားနိုင်ငံ လေကြောင်းပျံသန်းရေးဖက်ဒရယ်အေဂျင်စီရဲ့ သတင်းထုတ်ပြန်ချက်ကို ကိုးကားပြီး ရေးသားတဲ့ အဆိုပါသတင်းမှာ အေဂျင်စီဟာ မြန်မာနိုင်ငံတကာလေကြောင်းလိုင်း MAIကို မန္တလေး- နိုဗောင်းဆီဘစ်-မန္တလေး ခရီးစဉ်ပျံသန်းဖို့ခွင့်ပြုလိုက်တယ်လို့ဖော်ပြထားပါတယ်။

“ အဆိုပါခရီးစဉ်ကို မြန်မာနိုင်ငံတကာလေကြောင်းလိုင်းဟာ စက်တင်ဘာ ၅ ရက်နေ့ကစပြီး ပျံသန်းပြေးဆွဲပေးမှာဖြစ်ပါတယ်။ A319 အမျိုးအစားလေယာဉ်နှင့် တစ်ပတ်ကိုနှစ်ကြိမ်ပျံသန်းမှာ ဖြစ်ပါတယ်” လို့ အဆိုပါသတင်းထုတ်ပြန်ချက်မှာဖော်ပြထားပါတယ်။

၁၉၆၂ခုနှစ်မှ ၁၉၉၃ ခုနှစ်အထိ ရုရှားရဲ့ အေရိုဖလုပ် Aeroflot လေကြောင်းလိုင်းဟာ မြန်မာနိုင်ငံရဲ့ အကြီးဆုံးမြို့ရန်ကုန်ကို ပျံသန်းပြေးဆွဲပေးခဲ့ပါတယ်။ MAI ဟာ နိုဗောင်းဆီဘစ်နှင့် မန္တလေးကို စက်တင်ဘာ ၅ရက်မှစတင်ပျံသန်းပြေးဆွဲပါမယ်။ ခရီးစဉ်ဟာ တစ်ပတ်ကို အင်္ဂါနေ့နှင့် စနေနေ့တိုင်း နှစ်ကြိမ်ပျံသန်းပေးမှာဖြစ်ပြီး လေယာဉ်ခမှာ လူတစ်ဦးလျှင် အမေရိကန်ဒေါ်လာ ၄၀၉ ဒေါ်လာ ဖြစ်ပါတယ်လို့ သတင်းထုတ်ပြန်ချက်မှာဆိုပါတယ်။

လေယာဉ်ဟာ အင်္ဂါနှင့် စနေနေ့တိုင်းမှာ ရန်ကုန်နိုင်ငံတကာလေဆိပ်မှ မွန်းလွဲ ၂း၀၅ နာရီတွင် ထွက်ခွာပြီး မန္တလေး တံတားဦးနိုင်ငံတကာ လေဆိပ်ကို ညနေ ၃း၁၀ နာရီတွင် ဆိုက်ရောက်  မှာဖြစ်ပါတယ်။ အဲဒီကမှ  ညနေ ၄း၁၀ နာရီတွင်ထွက်ခွာပြီးနောက် ရုရှားနိုင်ငံ နိုဗောင်းဆီဘစ် လေဆိပ်ကို ဒေသစံတော်ချိန် ည ၁၁း၁၀တွင်ဆိုက်ရောက်မှာဖြစ်ပါတယ်။

အပြန်ခရီးစဉ်မှာ နိုဗောင်းဆီဗစ်မှ ညသန်းခေါင် ၁၂း၁၀ နာရီတွင်ထွက်ခွာပြီး မန္တလေး တံတားဦး အပြည်ပြည်ဆိုင်ရာလေဆိပ်သို့ မနက် ၅း၅၅ နာရီတွင်ဆိုက်ရောက်ပါလိမ့်မယ်။ မန္တလေးတံတားဦး လေဆိပ်မှ မနက် ၆း၃၅ နာရီတွင်ထပ်မံထွက်ခွာ၍ ရန်ကုန်နိုင်ငံတကာလေဆိပ်သို့ မနက် ၇း၄၀ နာရီတွင် ဆိုက်ရောက်မှာဖြစ်တယ်လို့ ထုတ်ပြန်ချက်အရသိရပါတယ်။

‘ဧရာဝတီမြစ်ထဲမှာတော့ နှစ်စဉ်မိုးတွင်းရေတက်ချိန်ရောက်တိုင်းရေဝဲတွေဖြစ်ပေါ်လေ့ရှိတယ်။ ဧရာဝတီမြစ်ကြောင်းတစ်လျှောက်ဆိုရင်အရင်တုန်းကရေဝဲသုံးခုလောက်ရှိတယ်။ လှေတွေသဗ္ဗာန်တွေ တော့မှောက်နိုင်တယ်။ သင်္ဘောတွေကတော့ရှောင်မောင်းရတာပေါ့’အငြိမ်းစားလက်ထောက် ရေလမ်းပြအရာရှိတစ်ဦး
Published_ 3 September 2023
#ရေဝဲပေါ်ခြင်း #ဧရာဝတီမြစ်
#tthl
#Yangon_Times