မြန်မာနိုင်ငံမှာ ငလျင်ကြောင့်ဖြစ်ပေါ်လာတဲ့ ထိခိုက်ပျက်စီးမှုအခြေအနေ‌တွေ အတွက် JICA ကျွမ်းကျင်ပညာရှင်များအဖွဲ့ကို ဧပြီလ ၂၇ ရက်က‌နေ မေလ ၃ ရက်အထိ မြန်မာနိုင်ငံသို့ စေလွှတ်ဖို့ ဂျပန်နိုင်ငံအစိုးရက ဆုံးဖြတ်ခဲ့တယ်လို့ မြန်မာနိုင်ငံဆိုင်ရာ ဂျပန်သံရုံးမှ သိရပါတယ်။
#Local_News
Published 28 Apirl 2025
#JICAကျွမ်းကျင်ပညာရှင် #ငလျင်ထိခိုက်ပျက်စီးမှုအခြေအနေ
#YMG/SW #Yangon_Times

#Local_News
Published 28 April 2025

▪️ မတ်လ၂၈ရက်က ဖြစ်ပွားခဲ့သည့် အင်အားပြင်း‌မြေငလျင်ကြောင့် ထိခိုက်ခံစားခဲ့ ရသူများနှင့်အတူ တသားတည်းရပ်တည်လျက်ရှိကြောင်း ယူကေအစိုးရက မြေငလျင် တစ်လပြည့်နေ့တွင် ထုတ်ပြန်လိုက်သည်။

▪️ ယူကေအစိုးရအနေဖြင့် ထိခိုက်ခံစားခဲ့ရသူများနှင့်အတူ တသားတည်း ရပ်တည် လျက်ရှိသည့်အပြင် အသက်ကယ်ဆယ်ရေးနှင့် အရေးပေါ်လူသားချင်း စာနာမှုအကူ အညီများကိုလည်း ဆက်လက် ပေးအပ်ဆောင်ရွက်လျက်ရှိကြောင်း သိရသည်။ မြန်မာ့ မြေငလျင်နှင့် ပတ်သက်၍ယ‌နေ့အထိ ယူကေအစိုးအနေဖြင့် ရန်ပုံငွေ စုစုပေါင်း စတာလင်ပေါင် ၂၅ သန်းအထိ ထောက်ပံ့ထားပြီး ထိုပံ့ပိုးမှုများသည် ဒေသခံမိတ်ဖက် များမှတစ်ဆင့် အကူအညီလိုအပ်နေသူ ၁၁၆,၀၀၀ ကျော်ထံ ရောက်ရှိပြီး ဖြစ်ကြောင်း သိရသည်။

▪️ ထို့အပြင် ဖြစ်ရပ်ဆိုးကြောင့် ထိခိုက်ခံစားခဲ့ရသူအားလုံးကို အောက်မေ့သတိရဆု တောင်းပေးလျက် ရှိကြောင်း ထုတ်ပြန်ချက်တွင် ဖော်ပြထားသည်။

#YMG/SW #Yangon_Times

#Local_News
Published 28 April 2025

▪️ မန္တလေးအပြည်ပြည်ဆိုင်ရာလေဆိပ်မှ ပြည်ပခရီးစဉ်များ မေလ ၁ ရက်တွင် ပြန်လည်ပြေးဆွဲမည်ဖြစ်ကြောင်း Myanmar Airways International (MAI) မှ သိရသည်။

▪️ ထိုသို့ ပြန်လည်ပြေးဆွဲရာတွင်MAIလေကြောင်းလိုင်းမှ မေလ ၁ ရက်မှစတင်၍ မန္တလေးအပြည်ပြည်ဆိုင်ရာလေဆိပ်မှ ထိုင်းနိုင်ငံ သုဝဏ္ဏဘူမိအ ပြည်ပြည်ဆိုင်ရာလေဆိပ်နှင့် ဒွန်မောင်းအပြည်ပြည်ဆိုင်ရာလေဆိပ်များသို့ နေ့စဥ်ခရီးစဥ်များ၊ ချင်းမိုင်မြို့ဆီသို့တစ်ပတ်လျှင် ၂ကြိမ် ပြည်ပခရီးစဥ်များကို ပြန်လည်ပြေးဆွဲပေးမည်ဖြစ်‌ကြောင်း သိရသည်။

▪️ MAI အနေဖြင့် ငလျင်ကြောင့်ရပ်နားခဲ့ရသည့် ပြည်တွင်းခရီးစဥ်များဖြစ်သည့် နေပြည်တော်နှင့် မန္တလေးမြို့များသို့လည်း ဧပြီလ ၄ ရက်နှင့် ဧပြီလ ၉ ရက်က စတင်ပြန်လည်ပြေးဆွဲပေးခဲ့ကြောင်း သိရသည်။

#YMG/SW #Yangon_Times

#Local_News
Published 28 April 2025

▪️ ပဲခူးတိုင်းဒေသကြီး၊ ရေတာရှည်မြို့အနီး၌ မြေငလျင်ငယ်တစ်ခုလှုပ်ခတ်ခဲ့ကြောင်း သိရသည်။

▪️ ဧပြီ ၂၈ရက်နေ့ မနက် ၇ နာရီ ၅၇မိနစ်၅၇ စက္ကန့် အချိန်၌ ရေတာရှည်မြို့၏ အနောက်မြောက်ဘက်(၂၄) မိုင်ခန့်ကို ဗဟိုပြု၍ အနက် - ၅ ကီလိုမီတာ နေရာ၌ အင်အားပမာဏ - ၄.၀ ရစ်(ခ်)တာစကေး ရှိသည့် မြေငလျင်တစ်ခု လှုပ်ခတ်ခဲ့ကြောင်း သိရသည်။

▪️ မိုးလေဝသနှင် ဇလဗေဒညွှန်ကြားမှု ဦးစီးဌာန၏ ထုတ်ပြန်ချက်များအရ မတ်၂၈ရက်နေ့နောက်ပိုင်းတွင် လှုပ်ခတ်ခဲ့သောမန္တလေးငလျင်နောက်ဆက်တွဲများအဖြစ်ယနေ့အထိ အကြိမ်ရေ ၁၅၈ ကြိမ်အထိ လှုပ်ခတ်ခဲ့ပြီးဖြစ်ကြောင်း သိရသည်။

#YMG/NN #Yangon_Times

#Local_News
Published 28 April 2025

▪️ ယနေ့မနက်အစောပိုင်းတွင် ဒိုက်ဦးမြို့၌ သစ်စက် ဂိုဒေါင်ဟောင်းမီးလောင်မှုတစ်ခုဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ ဧပြီ ၂၈ ရက်နေ့၊ မနက်၁ နာရီ၁၂ မိနစ်အချိန်ခန့်က ပဲခူးတိုင်းဒေသကြီး၊ ပဲခူးခရိုင်၊ ဒိုက်ဦးမြို့နယ်၊ အမှတ်(၅)သံတံတားရပ်ကွက်၊ ဈေးလမ်းတွင် သစ်စက် ဂိုဒေါင်ဟောင်း(၁)လုံးမီးလောင်မှုဖြစ်ပွားခဲ့ကြောင်း သိရသည်။

▪️ အဆိုပါ သတင်းရရှိသဖြင့် ဒိုက်ဦးမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ မီးသတ်ရေသယ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် ထွက်ခွာငြှိမ်းသတ်ခဲ့ရာ ၁နာရီ ၂၅မိနစ်အချိန်၌ မီးငြိမ်းခဲ့ကြောင်း သိရသည်၊၊

#YMG/NN #Yangon_Times

၂၇ ဧပြီ ၂၀၂၅

မြန်မာနိုင်ငံ ငလျင်ဘေးပြန်လည်ထူထောင်ရေးလုပ်ငန်းများအဖြစ် ပြန်လည်တည်ဆောက်ရေး လုပ်ငန်း များ စတင်နေရတဲ့အချိန်မှာ ဆောက်လုပ်ရေးလုပ်ငန်းသုံးပစ္စည်းဈေးနှုန်းတွေ အဆမတန် မြင့်တက်  လာတဲ့အတွက် သက်ဆိုင်ရာအဏာပိုင်တွေက ဆိုင် ၆၂ဆိုင်ကိုအရေးယူခဲ့ပါတယ်။

တာဝန်ရှိသူတွေက ဆောက်လုပ်ရေး လုပ်ငန်းသုံးပစ္စည်း တင်သွင်းဖြန့်ဖြူးရောင်းချသည့် ကုမ္ပဏီများ၊ အရောင်းဆိုင်များအား ဧပြီ ၅ ရက်မှ ၁၂ ရက်အတွင်း ခေါ်ယူတွေ့ဆုံကာ ဆောက်လုပ်  ရေးလုပ်ငန်းသုံးပစ္စည်းများကို ဈေးနှုန်းအဆမတန် မြှင့်တင်ရောင်းချခြင်း၊ ဈေးနှုန်းမြှင့်တင်ရောင်းချရန် ရည်ရွယ်ချက်ဖြင့် သိုလှောင်ထားခြင်းများ မပြုလုပ်ကြရန် သတိပေးပြောကြားခဲ့ပြီး ဝန်ခံကတိပြု လက်မှတ်ရေးထိုးစေခြင်းများ ဆောင်ရွက်ခဲ့ရတယ်လို့ နစက သတင်းထုတ်ပြန်ချက်အရသိရပါတယ်။

ဒါပေမယ့် အချို့သောစီးပွားရေး လုပ်ငန်းရှင်များက လိုက်နာဆောင်ရွက်မှုမရှိဘဲ မတော်လောဘဖြင့် ဆောက်လုပ်ရေးလုပ်ငန်းသုံးပစ္စည်းများကို ဈေးနှုန်းအဆမတန် မြှင့်တင်ရောင်းချမှုများ ဆက်လက်ပြုလုပ်နေကြတဲ့အတွက် အရောင်းဆိုင်တွေကို ကွင်းဆင်းစစ်ဆေးမှုတွေပြုလုပ်ခဲ့ပါတယ်။

အဲသလိုကွင်းဆင်းစစ်ဆေးရာမှာ အရောင်းဆိုင်၆၂ ဆိုင်ဟာ အဆမတန်အမြတ်ယူရောင်းချနေကြောင်း တွေ့ရလို့ သက်ဆိုင်ရာက အဲဒီဆိုင်တွေကို အမှုဖွင့်အရေးယူထားတယ်လို့ နစက သတင်းထုတ်ပြန် ချက်မှာ ဖော်ပြထားပါတယ်။

ဆောက်လုပ်ရေးလုပ်ငန်းသုံး ပစ္စည်းအရောင်းဆိုင်များ စားသောက်ကုန်နှင့်လူသုံးကုန် ပစ္စည်းအရောင်း  ဆိုင်များအနေဖြင့် အများပြည်သူအခက်အခဲဒုက္ခများ ကြုံတွေ့နေရသည်ကို အခွင့်ကောင်းယူကာ ဈေးနှုန်းအဆမတန် မြှင့်တင်ရောင်းချခြင်းများ မပြုလုပ်ကြဖို့ အာဏာပိုင်တွေက မေတ္တာရပ်ခံထား   ပါတယ်။

အဲဒီအပြင် ထိုကဲ့သို့ ဈေးနှုန်းအဆမတန် မြှင့်တင်ရောင်းချနေသည့်သတင်းများ သိရှိရပါက တာဝန်ရှိ အုပ်ချုပ်ရေး အဖွဲ့အစည်းများထံသို့ သတင်းပေးပို့ကြဖို့ သက်ဆိုင်ရာက နှိုးဆော်ထားပါတယ်။

#ymg/knl