Published 11 April 2022
မြန်မာ့ကော်ဖီအမှတ်တံဆိပ်များကို ကမ္ဘာ့ဈေးကွက်သို့ထိုးဖောက်နိုင်ရေးအတွက် ကော်ဖီစိုက်ပျိုးထုတ်လုပ်သည့် ပုဂ္ဂလိက လုပ်ငန်းများကို သက်ဆိုင်ရာဝန်ကြီးဌာနများက လိုအပ်သည့် အရင်းအနှီးတွေ ကူညီဆောင်ရွက်ပေးမယ်လို့သိရပါတယ်။
ဧပြီလ(၁၀)ရက်က မန္တလေးတိုင်းဒေသကြီး ပြင်ဦးလွင်မြို့မှာ ကော်ဖီလုပ်ငန်းရှင်တွေနှင့် တွေ့ဆုံရာတွင် နစက ဥက္ကဋ္ဌ ဗိုလ်ချူပ်မှူးကြီး မင်းအောင်လှိုင်က ပြောကြားခဲ့တာဖြစ်ပါတယ်။
“ကော်ဖီစိုက်ပျိုးမှုနှင့်ပတ်သက်ပြီး စနစ်ကျနသည့် စိုက်ပျိုးမှု စနစ်ရှိရမည်ဖြစ်သလို လိုအပ်တဲ့ သွင်းအားစုတွေကိုလည်း မှန်မှန်ကန်ကန်ထည့်သွင်းဖို့လိုပါတယ်။အဲသလိုဆောင်ရွက်မှ အရည်အသွေးကောင်းမွန်တဲ့ ကော်ဖီရရှိမည်ဖြစ်ပါတယ်။ ကော်ဖီထုတ်ကုန်တွေ ဈေးကွက်ရရှိဖို့နှင့် အရည်အသွေးမြင့် ထုတ်ကုန်ဖြစ်စေဖို့ အစိုးရက ဝိုင်းဝန်းကူညီ ဆောင်ရွက်ပေးမည်ဖြစ်ပါတယ်။ လိုအပ်တဲ့ အရင်းအနှီးတွေကိုလည်း သက်ဆိုင်ရာ ဝန်ကြီးဌာနတွေက ကူညီဆောင်ရွက်ပေးသွားမှာဖြစ်လို့ အမှန်တကယ် အောင်မြင်ပြီး မြန်မာ့ ကော်ဖီ(Myanmar Coffee Brand)ကို ကမ္ဘာ့ဈေးကွက်သို့ ထိုးဖောက်နိုင်ရေး ကြိုးပမ်းဆောင်ရွက်ကြစေလိုပါတယ်” လို့ နစကဥက္ကဋ္ဌက ပြောကြားခဲ့ပါတယ်။
ကော်ဖီလုပ်ငန်းရှင်တွေကလည်း ကော်ဖီစိုက်ပျိုးရေးစီမံကိန်းကို ဖော်ဆောင်ရာတွင် အစိုးရနှင့်သက်ဆိုင်ရာ ဝန်ကြီးဌာန တွေကတာဝန်ရှိသူတွေ၊ ကော်ဖီလုပ်ငန်းရှင်တွေအားလုံး ညီညီညွတ်ညွတ်ဖြင့် လုပ်ငန်းအောင်မြင်အောင် ဝိုင်းဝန်းဆောင်ရွက် ဖို့ လိုအပ်တဲ့အခြေအနေတွေ၊ ကော်ဖီစီမံကိန်းတွေ စတင်ဆောင်ရွက်ပေးခဲ့စဉ် လုပ်ငန်းအောင်မြင်စွာ ဆောင်ရွက်နိုင်ခဲ့ပေမယ့် နောက်ပိုင်းတွင် မြန်မာ့ဈေးကွက်နှင့် ကမ္ဘာ့ဈေးကွက် ချိတ်ဆက်ဆောင် ရွက်နိုင်ခဲ့ခြင်းမရှိတဲ့အတွက် ကော်ဖီလုပ်ငန်းရှင်များ ထိခိုက်နစ်နာခဲ့ရတာတွေ၊ မြန်မာနိုင်ငံကော်ဖီလုပ်ငန်းရှင်များအသင်းကို ဖွဲ့စည်းပြီး နိုင်ငံတကာ ကော်ဖီ ဈေးကွက်ကို ထိုးဖောက်နိုင် ရေးဆောင်ရွက်ခဲ့ပြီး လက်ရှိတွင် ကော်ဖီသည် အလားအလာကောင်းသည့် ဈေးကွက် ရရှိလာတဲ့ အနေအထား၊ ကော်ဖီလုပ်ငန်းအောင်မြင်စွာဖြစ်ပေါ်လာရေး၊ မြန်မာ့ကော်ဖီကို ကမ္ဘာ့ဈေးကွက်သို့ ထိုးဖောက်နိုင်ရေးအတွက် အစိုးရအဖွဲ့မှ တာဝန်ရှိသူတွေက ဦးဆောင်ပြီး လုပ်ငန်းရှင်တွေအားလုံး ကြိုးပမ်းဆောင်ရွက်ဖို့လိုအပ်မှုတွေ၊အစိုးရက ခွင့်ပြုပေးထားတဲ့ စိုက်ပျိုးမြေ ဧရိယာတွေအတွင်း တရားမဲ့ဝင်ရောက်နေထိုင်ခြင်း၊ ရာသီသီးနှံများ စိုက်ပျိုးခြင်းတွေကြောင့် ကော်ဖီလုပ်ငန်းရှင်တွေရဲ့ ထိခိုက်နစ်နာနေရမှုတွေကို ဖြေရှင်းဆောင်ရွက်ပေးစေလိုတာတွေကို ဆွေးနွေးတင်ပြခဲ့ကြတယ်လို့ သတင်းထုတ်ပြန်ချက်အရသိရပါတယ်။
ဆွေးနွေးပွဲမှာ ကော်ဖီစိုက်ပျိုးမည်ဆိုကာ မြေကွက်တွေရယူထားပြီး လုပ်ငန်းဆောင်ရွက်ခြင်းမရှိကြတဲ့ လုပ်ငန်းရှင်တွေကို နစကဥက္ကဋ္ဌက သတိပေးစကားပြောခဲ့ပါတယ်။
လုပ်ငန်းဆောင်ရွက်မှု မရှိတာတွေကို စည်းကမ်းနှင့်အညီ ဆောင်ရွက်သွား မည်ဖြစ်ပြီး လုပ်ငန်းဆောင်ရွက်ခြင်းရှိသော်လည်း တရားမဲ့နေထိုင်မှုများ၊ သဘာဝဘေးအန္တရာယ်များကြောင့် ထိခိုက်နစ်နာပျက်စီးခဲ့မှုများကို ပြန်လည် စိစစ်ဆောင်ရွက် ပေးသွားမည်ဖြစ်တယ်လို့သူကပြောပါတယ်။
ကျူးကျော်မှုများဖြစ်ပေါ်နေခြင်းဟာ သတ်မှတ်ကာလ အတွင်း စိုက်ပျိုးဧရိယာအတွင်း၌ လုပ်ငန်းဆောင်ရွက်မှု မရှိခဲ့ခြင်း ကြောင့်ဖြစ်တဲ့အတွက် လုပ်ငန်းရှင်များ အနေဖြင့်လည်း မှန်မှန်ကန်ကန် အသုံးချဆောင်ရွက်ရန်လိုကြောင်းနှင့် စည်းကမ်းနှင့် မညီညွတ်သည့် ခွင့်ပြု မြေဧရိယာများကို ပြန်လည်သိမ်းဆည်းပြီး နောက်ပိုင်းတွင်လည်း စနစ်တကျ စိုက်ပျိုးနိုင်ရေး ဆောင်ရွက်သွားမည်ဖြစ်ကြောင်းကို နစကဥက္ကဋ္ဌက သတိပေးခဲ့တာဖြစ်ပါတယ်။
မြန်မာနိုင်ငံဟာ ဒီနှစ်ကော်ဖီရာသီမှာ နိုင်ငံခြားကို ကော်ဖီတန်ချိန် ၄၅၀မှ ၅၀၀အကြား တင်ပို့ဖို့ရှိတယ်လို့ ပြင်ဦးလွင်မြို့က ကော်ဖီသုတေသနနှင့်နည်းပညာဖြန့်ဝေရေးစင်တာကို ကိုးကားပြီး ပြည်တွင်းမီဒီယာတစ်ခုမှာ ဇန်နဝါရီလတုန်းက သတင်းဖော်ပြခဲ့ပါတယ်။ အဲသလိုတင်ပို့ရာမှာ အမေရိကန်၊နယ်သာလန်၊ဩစတြေးလျ၊ဂျပန်၊ကိုးရီးယား၊ ပြင်သစ်၊ဂျာမနီ၊ ထိုင်းနှင့် တရုတ်နိုင်ငံတွေပါဝင်တယ်လို့ အဲဒီသတင်းမှာ ဆက်လက်ဖော်ပြခဲ့ပါတယ်။
#TV Yangon Times Mattersအစီအစဉ်
Published - 10 April 2022
အစီအစဉ်တင်ဆက်သူ ဆရာဟိန်းလတ် က ဦးခင်မောင်လွင်(လွတ်လပ်သောလူသား) နှင့်အတူ
_ ဆရာ ဦးခင်မောင်လွင်(လွတ်လပ်သောလူသား) ရေးသားတဲ့
" လွတ်လပ်သော လူသား" ဆိုတဲ့ စာအုပ်နှင့် လွတ်လပ်မှုအပေါ် ဆရာရဲ့ ခံယူချက်သဘောထား
_ "လွတ်လပ်သောစာပေအကြောင်း" နှင့်
_ "လွတ်လပ်သောဂီတအကြောင်း" စသဖြင့် စိတ်ဝင်စားဖွယ်ရာ အကြောင်းအရာတွေကို ဆွေးနွေးခဲ့ကြပါတယ်။
#Yangon_Media_Group
#TV Yangon Times Mattersအစီအစဉ်
Published - 10 April 2022
အစီအစဉ်တင်ဆက်သူ ဆရာဟိန်းလတ် က ဦးခင်မောင်လွင်(လွတ်လပ်သောလူသား) နှင့်အတူ
_ ဆရာ ဦးခင်မောင်လွင်(လွတ်လပ်သောလူသား) ရေးသားတဲ့
" လွတ်လပ်သော လူသား" ဆိုတဲ့ စာအုပ်နှင့် လွတ်လပ်မှုအပေါ် ဆရာရဲ့ ခံယူချက်သဘောထား
_ "လွတ်လပ်သောစာပေအကြောင်း" နှင့်
_ "လွတ်လပ်သောဂီတအကြောင်း" စသဖြင့် စိတ်ဝင်စားဖွယ်ရာ အကြောင်းအရာတွေကို ဆွေးနွေးခဲ့ကြပါတယ်။
#Yangon_Media_Group
#TV Yangon Times Mattersအစီအစဉ်
Published - 10 April 2022
အစီအစဉ်တင်ဆက်သူ ဆရာဟိန်းလတ် က ဦးခင်မောင်လွင်(လွတ်လပ်သောလူသား) နှင့်အတူ
_ ဆရာ ဦးခင်မောင်လွင်(လွတ်လပ်သောလူသား) ရေးသားတဲ့
" လွတ်လပ်သော လူသား" ဆိုတဲ့ စာအုပ်နှင့် လွတ်လပ်မှုအပေါ် ဆရာရဲ့ ခံယူချက်သဘောထား
_ "လွတ်လပ်သောစာပေအကြောင်း" နှင့်
_ "လွတ်လပ်သောဂီတအကြောင်း" စသဖြင့် စိတ်ဝင်စားဖွယ်ရာ အကြောင်းအရာတွေကို ဆွေးနွေးခဲ့ကြပါတယ်။
#Yangon_Media_Group
#LocalNews
Published_10 April 2022
ထိုင်းတွင် မြန်မာနိုင်ငံသားတစ်ဦး တံတားပေါ်က ခုန်ချရန် ကြံစည်၍ ကယ်ဆယ်ခဲ့ရကြောင်း ထိုင်းနိုင်ငံ မြန်မာရွှေ့ပြောင်းအလုပ်သမားများအရေး လုပ်ဆောင်နေသူများထံမှ သိရသည်။
ကြံစည်ခဲ့သူမှာ အသက် ၃၀ ခန့်အရွယ် မြန်မာနိုင်ငံသား မောင်............ဆိုသူ ဖြစ်ပြီး အင်္ကျီအဖြူရောင်၊ဘောင်းဘီတို၊ဦးထုပ်ဆောင်းထားကာ လူကူးတံတားအပြင်ဘက်ခြမ်းမှ ခုန်ချရန် ကြံစည်စဉ် ရဲတပ်ဖွဲ့ဝင်များနှင့် ကယ်ဆယ်ရေးသမားများ အုပ်ချုပ်ရေးမှူးအပါဝင် ရေဒီယို သတင်းအကြောင်းကြား၍ အခင်းဖြစ်ပွားရာနေရာတွင် သွားရောက်ပြီး လမ်းတွင် ဖြတ်သန်းလာသော ကွန်တင်နာကုန်တင်ကားကြီး တစ်စီးကိုအကူညီတောင်းကာကူညီခဲ့ကြရခြင်းဖြစ်ကြောင်း သိရသည်။
"ဧပြီလ ၇ ရက်နေ့ နေ့လယ်ပိုင်းက ဖြစ်တာ။ ထနွန်စစ်တကစ်လမ်း တမ်ဘွန်အောင်းနွဲခရိုင်ခွဲ အမ်ဖောကထွန်းဘဲင်ခရိုင် စမွတ်စခေါင်ပြည်နယ် ပတ်စွယ်စိရွန်ရာဇ်လမ်းအဝင် လူကူးတံတားပေါ်ကနေ ခုန်ချဖို့ လုပ်တာ။ရဲတွေကသိလို့ သူ့ကို ကယ်ခဲ့ကြတယ်၊ ခုန်ချမယ်လုပ်နေတဲ့ နေရာမှာကာထားတယ်။ မြန်မာနိုင်ငံသားအချင်းချင်းက အော်ဟစ်ပြီးတော့ စိတ်ကို ငြိမ်ငြိမ်ထားဖို့ ပြောဆိုကြပြီးတော့ သူ့နောက်ဘက်က ခိုးဝင်ကယ်ခဲ့ကြတယ်"ဟု မြန်မာရွှေ့ပြောင်းအလုပ်သမားများအရေး လုပ်ဆောင်နေသူတစ်ဦးကပြောသည်။
အဆိုပါ မောင်.......၏ ပြောပြချက်အရ ဇနီးဖြစ်သူ ကိုဗစ်ကူးစက်ခံရာမှ ပြန်လည်ကောင်းမွန်လာပြီးနောက် အလုပ်နေရာဟောင်းတွင် ပြန်လည်လုပ်ကိုင်၍ လင်မယားကွာစဲရန် ပြောဆိုခဲ့သောကြောင့် စိတ်ထိခိုက်မှုဖြစ်ကာ အထက်ပါအတိုင်း ကြံစည်ခြင်း ဖြစ်ကြောင်း သိရသည်။
ymg/mt
#Yangon_Media_Group
#LocalNews
Published - 10 Apr 2022
ထိုင်းနိုင်ငံအတွင်းသို့ ရောက်ရှိပြီး အကြောင်းအမျိုးမျိုးဖြင့် ပြစ်ဒဏ်ကျခံနေရသော မြန်မာနိုင်ငံသား ၁၅၃ ဦးကို မနေ့က မြန်မာနိုင်ငံသို့လွဲပြောင်းပေးခဲ့တယ်လို့ သိရပါတယ်။
ဧပြီလ ၉ ရပ်နေ့ မွန်းတည့် ၁၂ နာရီချိန်တွင် အလုပ်သမားသံအရာရှိ ဦးရဲလင်းထက်၊ ရနောင်းမြို့နယ် အုပ်ချုပ်ရေးမှူး Mr. Somkiat Srisanate ၊ နယ်ခြားကော်မတီမှ တာဝန်ရှိသူများ၊ ရနောင်းခရိုင်လူဝင်မှု ကြီးကြပ်ရေးဌာနမှ တာဝန်ရှိသူများ၊ နယ်စပ်ဖြတ်ကျော်အထူးတပ်ဖွဲ့မှ တာဝန်ရှိသူများမှ ထိုင်းနိုင်ငံတွင် အကြောင်းအမျိုးမျိုးကြောင့် ပြစ်ဒဏ်ကျခံပြီး လွတ်ရက်စေ့ မြန်မာရွှေ့ပြောင်းလုပ်သား ကျား(၈၃)ဦး၊ မ(၅၈)ဦး၊ စုစုပေါင်း (၁၄၁) ဦး၊ ကလေး ကျား(၁၀)ဦး၊ မ (၂) ဦး၊ စုစုပေါင်း (၁၂)ဦး၊ အားလုံးစုစုပေါင်း (၁၅၃) ဦးတို့အား ရနောင်းမြို့မှ ကော့သောင်းမြို့သို့ ပဲ့ချိတ်လှေ (၉) စီးဖြင့် ပြန်လည်ပို့ဆောင်ပေးခဲ့တာဖြစ်တယ်လို့ သိရပါတယ်။
မြဝတီ-မဲဆောက် မြန်မာ-ထိုင်း အမှတ် ၂ ချစ်ကြည်ရေးတံတားမှ နေရပ်ပြန်လက်ခံမှုကို မဟာသင်္ကြန်ကာလဖြစ်သည့် ၁၃-၄-၂၀၂၂ မှ ၁၇-၄-၂၀၂၂ ရက် နေ့အထိ ခေတ္တရပ်နားထားတယ်လို့ သိရပါတယ်။
ymg/hm
#Yangon_Media_Group
#Local_News
Published_ 10 April 2022
ရှမ်းပြည်နယ်(မြောက်ပိုင်း)၊ သိန်းနီမြို့ရှိ သိန်းနီစော်ဘွားကြီး ခွန်ဆန်တုန်ဟုန်း၏ နှစ်ပေါင်း ၁၀၀ ကျော်သက်တမ်းရှိ ဟော်နန်းတော် (ဟော်ခမ်းသျှမ်းဝီ) ပြန်လည်တည်ဆောက်လျက်ရှိပြီး (၇၀) ရာခိုင်နှုန်းခန့် ပြီးစီးနေပြီဖြစ်ကြောင်း သိရပါတယ်။
သိန်းနီဟော်နန်းကို အေဒီ ၁၉၁၀ ပြည့်နှစ်၊ သက္ကရာဇ် ၁၂၇၂ ခုနှစ်တွင် ဒသဓမ္မရာဇာ နိဂြောဓာ မဟာမင်းခေါင်ဘွဲ့တော်ရ သိန်းနီစော်ဘွားကြီး ခွန်ဆန်တုန်ဟုန်းက ဟော်နန်း အသစ်ကြီးအဖြစ် တည်ဆောက်ခဲ့ခြင်းဖြစ်ပြီး ကျွန်းသားအစစ်များဖြင့် မန္တလေးနန်းတော်ပုံစံအတိုင်းဆောက်လုပ်ထားပြီး အဆောက်အဦကြီးတစ်ခုထဲတွင် တစ်ခုနှင့်တစ်ခု ဆက်သွယ်ထားသော အဆောက်အဦများစွာ ပါဝင်သည့်ပုံစံဖြစ်ကြောင်း၊ အလယ်တည့်တည့်တွင် ညီလာခံခန်းမကြီးတစ်ခုနှင့် မြေပေါက်ပလ္လင်တော်တစ်ခုလည်း ပါရှိပါတယ်။
စော်ဘွား ကြီးသည် နှလုံးလေဟပ်သည့် ရောဂါဖြင့် နန်းတက်ကာလ ၃၃ နှစ်၊ အေဒီ ၁၉၁၆ ခုနှစ်၊ သက္ကရာဇ် ၁၂၇၇ ခုနှစ်၊ တန်ခူးလဆန်း ၂ ရက်၊ အင်္ဂါနေ့ ညသန်းခေါင်ကျော် နံနက် ၁ နာရီတွင် နတ်ရွာစံကံတော်ကုန်ခဲ့ပါတယ်။
အေဒီ ၁၉၄၄ ခုနှစ်တွင် အမေရိကန် စစ်လေယာဉ်များသည် သိန်းနီမြိုကို ဗုံးများကြဲချတိုက်ခိုက်ခဲ့ရာ သိန်းနီစော်ဘွားကြီး ခွန်ဆန်တုန်ဟုန်း၏ ဟော်နန်းကြီးသည်လည်း မြေခပျက်စီးခဲ့ပါတယ်။
ဟော်နန်းအဆောက်အဦသစ်ကို မူလအဆောက်အဦဟောင်းမြေနေရာ၏ လက်ဝဲဘက် ၆၃ ပေအကွာ၌ ဆောက်လုပ်လျက်ရှိပြီး လက်ရှိအချိန်တွင် ပြီးစီးမှုရာခိုင်နှုန်း (၇၀) ခန့်ပြီးစီးပြီဖြစ်ကြောင်းနှင့် ပြီးစီးပါက ဟော်နန်းပြတိုက်အဖြစ်ထားရှိ၍ ဒေသအတွင်း သမိုင်းဝင်လေ့လာစရာနေရာနှင့် ခရီးသွားလုပ်ငန်းများ ဖွံ့ဖြိုးတိုးတက်စေရေးအတွက် ဆောင်ရွက်သွားမည်ဖြစ်ကြောင်း သိရပါတယ်။
နစက ဉက္ကဌ၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ၏ လမ်းညွှန်ချက်အရ ၂၀၁၉ ခုနှစ် ဒီဇင်ဘာလ ၅ ရက်နေ့တွင် ဟော်နန်းပြန်လည် တည်ဆောက်ရေးလုပ်ငန်းကို စတင်ဆောင်ရွက်ခဲ့ခြင်းဖြစ်ပါတယ်။
သမိုင်းဝင် အဆောက်အဦများ၊ ဘာသာရေး အဆောက်အဦများကို မူလပုံစံမပျက် ပြန်လည် ပြုပြင်မွမ်းမံထိန်းသိမ်းခြင်းဖြင့် မိမိတို့နိုင်ငံ၊ မိမိတို့ဒေသ၏ သမိုင်းအစဉ်အလာ ကြီးမားမှုကို ဖော်ပြနိုင်မည်ဖြစ်ကြောင်းနှင့် ဒေသခံများ၏ လူမှုစီးပွားဖွံ့ဖြိုးတိုးတက်မှုကိုအထောက်အကူဖြစ်စေနိုင်မှာ ဖြစ်ပါတယ်။
ymg-mnn
#Yangon_Media_Group
Page 1614 of 1739