#Local_News
Published - 24 August 2022

တရားမဝင်ကုန်သွယ်မှုနှင့် ပတ်သက်၍ တားဆီးဖမ်းဆီးပေးသူတွေကို ကုန်ပစ္စည်းတန်ဖိုးအပေါ်မူတည်ပြီး ဆုငွေပြန်လည်ချီးမြှင့်ပေးနေကြောင်း နစက၏ တရားမဝင်ကုန်သွယ်မှုတိုက်ဖျက်ရေး ဦးဆောင်ကော်မတီက ထုတ်ပြန်ထားသည်။

အဆိုပါ တရားမဝင် ကုန်သွယ်မှု တင်သွင်း/ တင်ပို့မှုတွေကို တားဆီး/ဖမ်းဆီးရမိသည့် ပစ္စည်းတွေအပေါ် ရွေးယူဒဏ်ငွေတပ်ရိုက်ခြင်း (သို့မဟုတ်) လေလံတင်ရောင်းချမှုမှ ရရှိလာသည့် ရရှိငွေ၏ ၃၀ ရာခိုင်နှုန်းကို ဖမ်းဆီးသူကိုလည်းကောင်း ၂၀ ရာခိုင်နှုန်းကို သတင်းပေးသူတွေကိုလည်းကောင်း ဆုငွေပြန်လည်ချီးမြှင့်နေကြောင်း ထုတ်ပြန်ထားသည်။

ယခုနှစ် ဇန်နဝါရီလကနေ ဇူလိုင်လအထိ ၇ လတာ ကာလအတွင်း တရားမဝင် ကုန်သွယ်မှုကနေ ခန့်မှန်းတန်ဖိုး ကျပ် ၃၁ ဘီလီယံကျော် ဖမ်းဆီးရမိခဲ့ကြောင်း တရားမဝင် ကုန်သွယ်မှုတိုက်ဖျက်ရေး ဦးဆောင်ကော်မတီက ထုတ်ပြန်ထားသည်။

လက်ရှိကာလတွင် မြန်မာနိုင်ငံအတွင်းကို လမ်းကြောင်းအသီးသီးကနေ စားသုံးဖို့မသင့်သည့် စားသောက်ကုန်၊ အရည်အသွေးနိမ့် လူသုံးကုန်ပစ္စည်း၊ တရားမဝင်ဆေးဝါးနှင့် အခွန်ပေးဆောင်ထားခြင်းမရှိသည့် အကောက်အခွန်မဲ့ပစ္စည်းများ ဝင်ရောက်နေကြောင်း သိရသည်။

အဆိုပါ တရားမဝင်ကုန်သွယ်မှုများအတွက် ပြည်နယ်နှင့်တိုင်းအလိုက် ဆက်သွယ်သတင်းပေးရမည့် ဖုန်းနံပါတ်တွေကိုလည်း ကော်မတီက ထုတ်ပြန်ထားပြီး တရားမဝင် တင်သွင်း/ တင်ပို့မှုတွေကို သတင်းပေးသူများအား ဆုငွေ ချီးမြှင့်နေကြောင်း သိရသည်။

အဆိုပါ သတင်းပေးပိုခြင်းကို လျှို့ဝှက်စွာ သတင်းပေးတိုင်ကြားနိုင်ပြီး သတင်းပေးပို့သူတွေ၏ အချက်အလက်တွေကို လျှို့ဝှက်ထားမည်ဖြစ်ကြောင်း ထုတ်ပြန်ထားသည်။

ymg/sth
#Yangon_Media_Group

#Local_News
Published_24 August 2022

ထိုင်းနိုင်ငံ၊ နခွန်ပထုမ်ခရိုင်၊ စိုင်ဟာ့လမ်း၊ လဲန်ထောင်ကြက်သားအလုပ်ရုံအနီး ခုံး(ဂုံး)တံတားပေါ်တွင် ထိုးသွင်းဒဏ်ရာများနှင့် သေဆုံးနေသော ရွှေ့ပြောင်းမြန်မာလုပ်သားတစ်ဦး၏ အလောင်းကို သြဂုတ်လ ၂၃ ရက်က တွေ့ရှိခဲ့ကြောင်း သိရသည်။

ယင်းမှာ ပတ်စပို့နံပတ် MD 891748 ကိုင်ဆောင်ထားသည့် ရွှေ့ပြောင်းမြန်မာလုပ်သား စောရဲမင်းဆိုသူဖြစ်ကြောင်း၊ ဖိုကေဲ့င်ရဲစခန်း ရဲအရာရှိများ၊ နယ်မြေခံဆရာဝန်များက အလောင်းကို အခြေခံစစ်ဆေးမှု ပြုလုပ်ကာ အသေးစိတ်ထပ်မံစစ်ဆေးနိုင်ရေးအတွင် စီရီရပ်ဆေးရုံကို ပို့ဆောင်ထားကြောင်း သိရသည်။

ထိုင်းနိုင်ငံ အခြေစိုက် အလုပ်သမားအရေးဆောင်ရွက်နေသည့် အဖွဲ့များ၏ ပြောပြချက်အရ အခင်းဖြစ်ပွားရသောအကြောင်းရင်းနှင့် ကျူးလွန်သည့် တရားခံကို ဆက်လက်ရှာဖွေနေကြကြောင်း သတင်းရရှိသည်။

ymg/mt
#Yangon_Media_Group

#Local_News
Published-24 August 2022

ပြည်တွင်းစက်သုံးဆီဈေးနှုန်းများဖြစ်သည့် ဓာတ်ဆီတစ်လီတာ ကျပ် ၅၀ နှင့် ဒီဇယ်မျိုးစုံတစ်လီတာ ကျပ် ၁၄၀ အထိဈေးတက်လာကြောင်း စက်သုံးဆီအရောင်းဆိုင်များ၏ ဈေးနှုန်းများအရ သိရသည်။

သြဂုတ် ၂၃ ရက်နေ့တွင် 92 တစ်လီတာလျှင် ၂၃၉၀ ကျပ်၊ ၉၅ တစ်လီတာဈေး ၂၄၈၀ ကျပ်၊ ၉၇ တစ်လီတာဈေးမှာ ၂၃၃၅ ကျပ်ရှိခဲ့ရာမှ ယနေ့တွင် 92 တစ်လီတာလျှင် ၂၄၄၀ ကျပ်၊ ၉၅ တစ်လီတာဈေး ၂၅၂၅ ကျပ်၊ ၉၇ တစ်လီတာ ၃၀၀၀ ကျပ်အထိ ဈေးမြင့်လာကြောင်းသိရသည်။

ယင်းအပြင် သြဂုတ် ၂၃ ရက်နေ့တွင် ဒီဇယ်တစ်လီတာလျှင် ၂၈၆၅ ကျပ်၊ ပရီမီယံဒီဇယ်တစ်လီတာလျှင် ၂၉၄၀ ကျပ်ရှိခဲ့ရာမှ ယနေ့တွင်(သြဂုတ်လ ၂၄ ရက်) တွင် ဒီဇယ်နှင့် ပရီမီယံဒီဇယ်တစ်လီတာလျှင် ၃၀၈၀ ကျပ်အထိ မြင့်တက်လာကြောင်း သိရသည်။

ရန်ကုန်မြို့နှင့် မန္တလေးမြို့တို့တွင် ရည်ညွှန်းလက်ကားဈေးနှုန်းများနှင့် နေပြည်တော်၊ တိုင်းဒေသကြီးနှင့် ပြည်နယ်များတွင် ရည်ညွှန်းလက်လီဈေးနှုန်းများဖြင့်လည်း ရောင်းချပေးနေကြောင်း စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်မှုကော်မတီမှ သိရသည်။

Ymg/STH
#Yangon_Media_Group

#Local_News
Published_ 24 Aug 2022

ယခင်အစိုးရ (NLD) လက်ထက် ပြည်ထောင်စုအစိုးရဝန်ကြီးဌာနများ၊ တိုင်းဒေသကြီးနှင့်ပြည်နယ် အစိုးရများမှ နိုင်ငံရေးရာထူးလက်ရှိဖြစ်ခဲ့သူများ၊ လုပ်ပိုင်ခွင့်ရှိသူများရဲ့ အဂတိလိုက်စားမှု၊ အဂတိလိုက်စားမှုနှင့်သက်ဆိုင်တဲ့ ဆောင်ရွက်မှုများကြောင့် နိုင်ငံတော်ဘဏ္ဍာ မြန်မာကျပ်ငွေ ၂၅၉,၆၇၀ သန်းနှင့် အမေရိကန်ဒေါ်လာ ၁၃၃၂၆၇၄၆ နစ်နာဆုံးရှုံးဖြစ်ပေါ်ခဲ့ကြောင်း နစကရဲ့ သတင်းထုတ်ပြန်ချက်အရ သိရပါတယ်။

၂၀၂၁ ခုနှစ် ဖေဖော်ဝါရီ(၁)ရက်မှ ၂၀၂၂ ခုနှစ် ဇူလိုင် (၃၁) ရက်အထိ အဂတိလိုက်စားခဲ့မှုများကို တိုင်တန်းမှုများအရ စိစစ်ဖော်ထုတ်ပြီး တရားစွဲတင်ပိုခဲ့သည့် ရာဇဝတ်ကြီးမှု ၁၈၆ မှုနှင့် ရာဇဝတ်အထွေထွေမှု ၄၅ မှုရှိတယ်လို့ ဆိုပါတယ်။

အဂတိလိုက်စားမှုတွင် အကျုံးဝင်သည့် အစိုးရစီမံကိန်းများ၊ တည်ဆောက်ရေး လုပ်ငန်းများ၊ တိုင်းဒေသကြီးနှင့် ပြည်နယ်ဖွံ့ဖြိုးရေးလုပ်ငန်းများအပေါ် ဘဏ္ဍာရေး စည်းမျဉ်း စည်းကမ်းများကို ဖောက်ဖျက်ခြင်း၊ နိုင်ငံတော်နှင့်ချုပ်ဆိုခဲ့သည့် သဘောတူ စာချုပ်ပါ စည်းကမ်းချက်များကို လိုက်နာမှုမရှိခြင်း၊ တည်ဆဲဥပဒေ၊ စည်းမျဉ်းစည်းကမ်းများကို ဖောက်ဖျက်ခြင်း၊ အမိန့်ညွှန်ကြားချက်များကို မလိုက်နာခြင်း၊ မိမိကိုယ်ကျိုး စီးပွားရှာခြင်း၊ နိုင်ငံတော်၏ မြေယာပိုင်ဆိုင်မှုများကို အလွဲသုံးစားပြုလုပ်ခြင်းတိုကြောင့် နိုင်ငံတော်ဘဏ္ဍာ နစ်နာဆုံးရှုးစေခဲ့သည့်အမှု ၁၀၈ မှုရှိကာ နိုင်ငံတော်အနေဖြင့် မြန်မာငွေကျပ် သန်းပေါင်း၂၅၉,၆၇၀ သန်းနှင့် အမေရိကန်ဒေါ်လာ ၁၃၃၂၆၇၄၆ တိုကို နစ်နာ ဆုံးရှုံးခဲ့ရတယ်လို့ ထုတ်ပြန်ချက်မှာ ဖော်ပြထားပါတယ်။

၂၀၁၃ ခုနှစ်၊ ဩဂုတ် ၇ ရက်တွင် အဂတိလိုက်စားမှုတိုက်ဖျက်ရေး ဥပဒေကို အတည်ပြုပြဋ္ဌာန်းခဲ့ပြီး ၂၀၁၄ ခုနှစ်တွင် အဂတိလိုက်စားမှုတိုက်ဖျက်ရေးကော်မရှင်ကို ဖွဲ့စည်းခဲ့တာ ဖြစ်ပါတယ်။

အဂတိလိုက်စားမှုများကြောင့် နိုင်ငံတော်ဘဏ္ဍာများ လေလွင့်ဆုံးရှုံးခြင်း၊ အများပြည်သူအကျိုးစီးပွားအတွက် ဘဏ္ဍာငွေခွဲဝေချထားရာတွင် ထိရောက်မှန်ကန်မှုမရှိခြင်း၊ သဘာဝသယံဇာတများ လေလွင့်ဆုံးရှုံးခြင်း၊ မြေယာများ ဖော်ထုတ်စီမံခန့်ခွဲရာတွင် ထိရောက်အကျိုးရှိစွာ အသုံးမပြုနိုင်ခြင်း၊ ပြည်သူများရသင့်သော အခြေခံအခွင့်အရေးများ နစ်နာဆုံးရှုံးခြင်း၊ ဒေသတွင်းနှင့် နိုင်ငံခြားရင်းနှီးမြှုပ်နှံမှုများအား အဟန့်အတားဖြစ်စေခြင်းတို့ကြောင့် အုပ်ချုပ်ရေး၊ စီးပွားရေး၊ လူမှုရေးကဏ္ဍများတွင် အဖက်ဖက်မှ ဆုံးရှုံးနစ်နာမှုများစွာ ဖြစ်ပေါ်ခဲ့ကြောင်း အဂတိလိုက်စားမှုတိုက်ဖျက်ရေးကော်မရှင်ရဲ့ ထုတ်ပြန်ချက်အရ သိရပါတယ်။

ygm_mnn
#Yangon_Media_Group

#Local_News
Published - 23 August 2022

တရုတ်-မြန်မာနယ်စပ်ကုန်သွယ်ရေးဟာ ပြီးခဲ့တဲ့ ၂၀၂၁ ခုနှစ်နဲ့နှိုင်းယှဉ်ပါက ၅၀ ရာခိုင်နှုန်းကုန်သွယ်မှု တိုးတက်လာတယ် မူဆယ်ကုန်စည်ဒိုင်၊ ဆန်ကုန်သည်များအသင်းကနေ သိရပါတယ်။

#Yangon_Media_Group

#World_Art
Published 23 August 2022

ဂျပန်လက်မှုပညာရှင်တွေမှ ပြုလုပ်တဲ့ ပလတ်စတစ်အစားအသောက်ရုပ်ထုများကို တိုကျိုပြပွဲတစ်ခုမှာ ယခုအပတ်အတွင်း ပြသသွားခဲ့ပါတယ်။

#Yangon_Media_Group