#World_Technology
Published 31 March 2024

ခွဲစိတ်စရာမလိုဘဲ ခံတွင်းကင်ဆာရှာဖွေနိုင်မယ့် ချိုချဥ်ငုံစုပ်ကို သိပ္ပံပညာရှင်များ ဖန်တီးနေကြပါတယ်။

နှာခေါင်း ပါးစပ်တို့ကနေ ကင်မရာထည့်ပြီး အသားစရယူခြင်းလိုမျိုး မသက်မသာဖြစ်ရတဲ့ နည်းလမ်းတွေကို အသုံးပြုစရာ မလိုတော့ပါဘူး။

ယခင်က နည်းလမ်းဟောင်းတွေဟာ အချိန်ကုန်ပြီး လူနာကျင်ရသလို ကျွမ်းကျင်မှုရှိဖို့လည်း လိုပါတယ်။

ဘာမင်ဂမ်တက္ကသိုလ်မှ ထုတ်လုပ်တဲ့ ဟိုက်ဒရိုဂျယ်လ်ဖြင့် ချိုချဥ်တွေကို ပြုလုပ်ထားတာ ဖြစ်ပါတယ်။

ချိုချဥ်ငုံစုပ်တံကို လူနာများ စားသုံးခြင်းဖြင့် တံတွေးတွေက ဟိုက်ဒရိုဂျယ်လ်မှာ ကပ်ငြိကာ ကင်ဆာရှာဖွေဖို့ အမှတ်အသားများ ဖြစ်လာမယ့် ပရိုတိန်းတွေကိုပါ ဖမ်းယူထားပါတယ်။

ဒီနည်းပညာက စိတ်လှုပ်ရှားစရာကောင်းပြီး နောက်တစ်ဆင့်တက်လှမ်းရန် မစောင့်နိုင်တော့ဘူးလို့ တွဲဖက်ပရော်ဖက်ဆာ ဒေါက်တာ ရူချီဂူ့ပ်တာက ပြောပြခဲ့ပါတယ်။

ယူကေကင်ဆာသုတေသနရှိ အမှုဆောင်ညွှန်ကြားရေးမှူး ဒေါက်တာလိန်းဖော့ခ်စ်က လက်ရှိရောဂါရှာဖွေရေး နည်းလမ်းများက မသက်မသာဖြစ်စေတာကို အသိအမှတ်ပြုလိုက်ပြီး ဆန်းသစ်နည်းလမ်း ထွက်ပေါ်လာမှာကို မျှော်လင့်နေပါတယ်။

ထိုနည်းလမ်းဟာ တိကျစွာ ရောဂါရှာဖွေရေးမှာကော လူနာသက်တောင့်သက်သာ ရှိမှုမှာပါ တိုးတက်စေနိုင်မှာ ဖြစ်ပါတယ်။  

#World_Technology #ခံတွင်းကင်ဆာရှာဖွေရေး #သိပ္ပံပညာရှင်များတီထွင် #Source: WION

ပြည်တွင်းစစ်အတွင်းထောင်ခဲ့ကြသည့် မြေမြှုပ်ဗုံးများသည် ယီမင်မှအပြစ်မဲ့ပြည်သူများကို ဆက်လက်ခြိမ်းခြောက်လျက်ရှိ

ယီမင်နိုင်ငံမှာ ပြည်တွင်းစစ်ကာလအတွင်း ပြိုင်ဘက်အဖွဲ့အစည်းများမှ ထောင်ထားခဲ့တဲ့ မြေမြှုပ်ဗုံးတွေဟာ ယခုထက်ထိ ဒေသခံများကို ဒုက္ခပေးနေဆဲ ဖြစ်ပါတယ်။
#World_News
Published_ 30 March 2024
#ယီမင်မှအပြစ်မဲ့ပြည်သူများ #မြေမြှုပ်ဗုံး
#YMG_News #Yangon_Times #Yangon_Media_Group

#Daily_News
Published_ 30 March 2024

၁။ ခရမ်းချဉ်သီးတစ်ပိဿာ ကျပ် ၁၀၀၀ ကျော်သို့ ဈေးပြန်မြင့်တက်လာ

၂။ တက္ကသိုလ်ဝင်စာမေးပွဲပြန်ဖြေဆိုရမည့်ရက်နှင့် စာစစ်ဌာနများကို ထုတ်ပြန်

၃။ လေပတ်ကားရွှေရောင်းဝယ်သူများဟု သံသယရှိသူများအား  ခေါ်ယူစစ်ဆေးလျှက်ရှိဟုဆို

၄။ ပြည်တွင်းစစ်အတွင်းထောင်ခဲ့ကြသည့် မြေမြှုပ်ဗုံးများသည် ယီမင်မှအပြစ်မဲ့ပြည်သူများကို ဆက်လက်ခြိမ်းခြောက်လျက်ရှိ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

#Local_News
Published_ 30 March 2024

ယနေ့မတ်လ(၃၀)ရက်တွင်လည်း ဈေးကွက်ပေါက်ဈေး ကျပ်၃၈သိန်းကျော်ဖြင့် ရွှေဈေးကွက်အတွင်း ဖြစ်ပေါ်နေသော ရွှေဈေးနှုန်းအပြောင်းအလဲမရှိကြောင်း ရန်ကုန်တိုင်းဒေသကြီးရွှေလုပ်ငန်းရှင်များအသင်း (YGEA)၏ထုတ်ပြန်ချက်အရ သိရသည်။

ရွှေဆိုင်ကြီး(၇)ဆိုင်မှ ရွှေဈေးအတိုင်း YGEA ဈေးကွက်ဈေးနှုန်း (Market Rate)ကို တစ်နေ့သုံးကြိမ်ဖော်ပြ လျက်ရှိရာ ရွှေဈေးနှုန်းအခြေအနေမှာ ၁၆ ပဲရည် ရွှေ ၁ ကျပ်သား လျှင် ၃,၈၃၄,၈၀၀/- ကျပ်ဖြစ်ပြီး ရွှေဈေးကွက်ဈေးနှုန်းသည် ယနေ့မတ်လ(၃၀)ရက်ထုတ်ပြန်သည့် (၃) ကြိမ်အတွင်း ပြောင်းလဲမှုမရှိဟုဆိုသည်။

ယင်းကဲ့သို့ ဈေးနှုန်းအပြောင်းအလဲမရှိသော်လည်း ရွှေဈေးကွက်ကို ကမောက်ကမဖြစ်စေလိုသော မသမာသူများနှင့် လေပတ်ကား ရောင်းဝယ် သူများ/ ပွဲစားများသည် ရွှေဈေးနှုန်းများ မတန်တဆမြင့် တက်စေရန်အတွက် ဈေးကွက် အတွင်းတွင် အရောင်း အဝယ်မရှိသော ဈေးနှုန်းများကို သတင်းထုတ်လွှင့်ပြီး ဈေးကစားလျက်ရှိကြောင်းတွေ့ရှိရကြောင်း၊

ယင်းမသမာသော ဆောင်ရွက်ချက်များကို အသင်းမှကန့်ကွက်ရှုတ်ချကြောင်း ၊ အသင်းဝင်များသည်လည်း ယင်းမသမာမှုများတွေ့ရှိပါက သက်ဆိုင်ရာတရား ဥပဒေစိုးမိုးရေးအဖွဲ့အစည်းများထံ သတင်းပေးပို့သွားရမည်ဖြစ်ကြောင်း။

ရန်ကုန်မြို့ရှိ ရွှေဈေးကွက်တွင် လေပတ်ကားရောင်းဝယ် ဆောင်ရွက်နေသည်ဟု သံသယရှိသူများကို တာဝန်ရှိအဖွဲ့အစည်းများက ခေါ်ယူစစ်ဆေးလျက်ရှိကြောင်း သိရှိရကြောင်း၊

ရွှေဆိုင်များနှင့် မိဘပြည်သူများအနေဖြင့်လည်း ရန်ကုန်တိုင်းဒေသကြီးရွှေလုပ်ငန်းရှင်များ အသင်းက ထုတ်ပြန်သော ဈေးကွက်ရွှေဈေးနှုန်းအတိုင်းသာ ရောင်းဝယ်ကြရန်နှင့် လေပတ်ကား ရောင်းဝယ်သူများ/ ပွဲစား များ၏ မသမာသော စိတ်ဓာတ်ဖြင့် ရွှေဈေးနှုန်း ကမောက်ကမဖြစ်စေရန် ဆောင်ရွက်မှုများတွင် ပါဝင် ပတ်သက် ခြင်းမရှိစေရေးထိန်းသိမ်းဆောင်ရွက်သွားရန် သတင်းထုတ်ပြန်ထားသည်။

အဖိုးတန်သတ္တုရောင်းဝယ်ရေး အသိအမှတ်ပြုမှတ်ပုံတင်လက်မှတ်၊ မြိုတော်စည်ပင်မှ ရွှေရောင်းဝယ် ခွင့်လုပ်ငန်းလိုင်စင်နှင့် ရွှေ အတုံး/အခဲ ရောင်းဝယ်ရေးလိုင်စင်များကို ခွင့်ပြုမိန့်လိုင်စင်လျှောက်ထားပြီး ရောင်း ဝယ်လုပ်ကိုင်ကြပါရန်လည်း အသိပေးအပ်ထားကြောင်း သိရသည်။

#Local_News #ရန်ကုန်ရွှေဈေးကွက် #သတ်မှတ်ဈေးနှုန်းကျပ်(၃၈)သိန်း #Tthl #Yangon_Times

#Local_News
Published 30 March 2024

သင်္ကြန်ကာလအတွင်းယာယီရပ်နားထားမည့် ရန်ကုန်မြို့ပတ်ရထားပြေးဆွဲခြင်းအား မြန်မာနှစ်ဆန်းတစ်ရက်နေ့မှစတင်၍ ပြန်လည်ပြေးဆွဲပေးသွားမည်ဖြစ်ကြောင်း ရန်ကုန်ဘူတာကြီးမှ သိရသည်။

အဆိုပါ ရန်ကုန်မြို့ပတ်ရထားပြေးဆွဲခြင်းအားသင်္ကြန်အကြိုနေ့ဖြစ်သည့်  ဧပြီလ ၁၃ ရက်မှ  သင်္ကြန်အတက်နေ့ (ဧပြီလ ၁၆ ရက်) အထိယာယီရပ်နားထားမည်ဖြစ်သည်။

ထို့နောက် ဧပြီလ ၁၇ ရက် မြန်မာနှစ်ဆန်းတစ်ရက်နေ့မှစတင်၍ ပုံမှန်ပြေးဆွဲပေးသွားမည်ဖြစ်သည်။

ရန်ကုန်မြို့ပတ်ရထားလမ်းပိုင်း၌  အခေါက်ရေ ၂၆ ခေါက်နှုန်း နေ့စဉ်ပြေးဆွဲလျက်ရှိပြီး ခရီးသည်ဦးရေလည်းတိုးတက်လျှက်ရှိကြောင်း သိရသည်။

#Local_News #နှစ်ဆန်းတစ်ရက်နေ့ #မြို့ပတ်ရထားပြေးဆွဲ #YMG/ NN #Yangon_Times

'ရွှေဈေးကွက်အတွင်းအရောင်းအဝယ်မရှိသည့် ဈေးနှုန်းများကို သတင်းထုတ်လွှင့်ပြီး ဈေးကစားနေပါတယ်၊ ရွှေဈေးကွက်အတွင်း လေပတ်ကားရွှေရောင်းဝယ်သူများဟု သံသယရှိသူများအား ခေါ်ယူစစ်ဆေးလျှက်ရှိပါတယ်'
#Local_News
Published_ 30 March 2024
#လေပတ်ကားရွှေရောင်းဝယ်သူ #သံသယရှိသူများအားခေါ်ယူစစ်ဆေး
#YMG/NN #Yangon_Times

တက္ကသိုလ်ဝင်စာမေးပွဲပြန်လည်ဖြေဆိုမှုကို ဧပြီလ(၂၉)ရက်ကနေ မေလ(၆)ရက်အထိ ဖြေဆိုရမှာဖြစ်တယ်။ စာမေးပွဲဖြေဖို့မှတ်ပုံတင်ထားပြီး လုံခြုံရေးအခြေအနေအရ တက္ကသိုလ်ဝင်စာမေးပွဲဖြေဆို ခွင့်မရခဲ့သူ‌တွေအတွက်ပြန်ဖြေခွင့်ရတယ်။ ဖြေဆိုခွင့်ပြုထားတဲ့စာစစ်ဌာန(၂၇)ခုအနက် မိမိတို့ဖြေဆိုလိုတဲ့ စာစစ်ဌာနတွေမှာ ဧပြီလ(၁၂)ရက် နောက်ဆုံးထားပြီး သတင်းပေးပို့ စာရင်းသွင်းထားရမှာ ဖြစ်တယ်၊၊
#Local_News
Published_ 30 March 2024
#တက္ကသိုလ်ဝင်စာမေးပွဲပြန်ဖြေဆို #စာမေးပွဲဖြေဖို့မှတ်ပုံတင်ထား
#tthl #Yangon_Times

မြေပြန့်ဒေသမှာ ခရမ်းချဉ်သီးမပေါ်တဲ့အချိန် မထွက်တော့တဲ့ အချိန်ဆိုရင် နှစ်စဉ်အောင်ပန်းဘက်က ခရမ်းချဉ်သီးဈေးက မြင့်လာတယ်။ ဒီနေ့ဈေးဆိုရင် တစ်ပိဿာ ၁၁၀၀ကျပ်ထိ ရှိတယ်။ မြစ်ကြီးနား ဗန်းမော်ဘက်ကလည်း အဝယ်ရှိတဲ့အတွက် ဈေးကတော့ သေချာပေါက်ကို တက်အုံးမှာဟု အောင်ပန်းရှိကုန်သည်တစ်ဦးကပြောသည်။
#Local_News
Published_ 30 March 2024
#ခရမ်းချဉ်သီးဈေးပြန်မြင့် #အောင်ပန်းခရမ်းချဉ်သီး
#YMG/LW #Yangon_Times

#Local_News
Published 30 March 2024

မန္တလေးမြို့၌သင်္ကြန်ရေကစားမဏ္ဍပ် ၂၅ ခု ခွင့်ပြုထားပြီး လမ်းလျှောက်သင်္ကြန်ကိုလည်း ထည့်သွင်းကျင်းပသွားမည် ဖြစ်ကြောင်း မန္တလေးမြို့တော်စည်ပင်သာယာရေး ကော်မတီမှ  သိရသည်။

လာမည့် ဧပြီလ၌ ကျင်းပမည့် မြန်မာ့ရိုးရာ အတာသင်္ကြန်ရေသဘင်ပွဲတော်ကာလကို မန္တလေးမြို့တွင်  စည်းကားသိုက်မြိုက်စွာ ကျင်းပနိုင်ရေးအတွက် ကျုံးဘေး ၂၆ လမ်းတွင်  ရေကစားမဏ္ဍပ်ကြီး ၈ ခု၊ ၆၆ လမ်းမတွင်  ရေကစားမဏ္ဍပ်ကြီး ၃ ခုနှင့် ရေကစားမဏ္ဍပ်အသေး ၁၄ ခု ခွင့်ပြုပေးထားပြီးဖြစ်ကြောင်း သိရသည်။

ထို့အပြင် ယခုနှစ်မန္တလေးမြို့သင်္ကြန်ပွဲတော်၌ ကျုံးဘေး ၂၆ လမ်းဘက်တွင် လမ်းလျှောက်သင်္ကြန်ကို ထည့်သွင်းကျင်းပသွားမည်ဖြစ်ကြောင်း သိရသည်။

အဆိုပါ လမ်းလျှောက်သင်္ကြန်ကိုမူ  ၂၆ လမ်း၊ ၆၆ လမ်းနှင့်၇၁ လမ်းအထိသာ  ကျင်းပပြုလုပ်သွားမည်ဖြစ်ကြောင်း  သိရသည်။

ထို့အပြင် မန္တလေးသင်္ကြန်ပွဲတော်ကာလ၌ ၂၆ လမ်း၊ ၇၁ လမ်းမှ လမ်း ၈၀ အထိ ကျုံးဘေး ကပ်လျက်များတွင်  ရေကစားမဏ္ဍပ်ကြီးများ ဆောက်လုပ်ကာ ရေပက်ခံကားများကို ဝင်၊ ထွက်ခွင့်ပြုပြီး ရေပက်ခံထွက်နိုင်ရန် စီစဉ်ပေးထား‌ကြောင်း သိရသည်။

၎င်းအပြင် မန္တလေးမြို့ ကျုံးတောင်ဘက် ၂၆ လမ်း နှင့်  ကျုံးအရှေ့ဘက် ၆၆ လမ်း၌  ရေကစားမဏ္ဍပ်ကြီး ဆောက်လုပ်ပြီး ရေပက်ကစားလိုသူများအနေဖြင့်လည်း မန္တလေးမြို့တော်စည်ပင်သာယာရေးကော်မတီ၊ အခွန်ဌာနကို ဧပြီ ၁၀ ရက် နောက်ဆုံးထားလျှောက်ထားနိုင်ကြောင်း သိရသည်။

#Local_News #ရေကစားမဏ္ဍပ်၂၅ခု #လမ်းလျှောက်သင်္ကြန် #YMG/NN #Yangon-Times

#Local_News
Published 30 March 2024

ရန်ကုန်တိုင်းဒေသကြီး၊ လှည်းကူးမြို့နယ်၊ ရှမ်းတဲကြီးအထက်ကျေးရွာ အမှတ်၂လမ်း၊ ထက်ဧကရီဆီဆိုင်အနီးတွင် ယာဉ်တိုက်မှုဖြစ်ပွားခဲ့ကာ အမျိုးသားတစ်ဦး ေ-သဆုံးခဲ့ကြောင်း မီးသတ်တပ်ဖွဲ့၏ သတင်းထုတ်ပြန်ချက်အရသိရသည်။

မတ်လ ၂၉ရက် ည ၁၁ နာရီ ၅၈ မိနစ်ခန့်က ဖြစ်ပွားခဲ့ခြင်းဖြစ်ကာ ယာဉ်အတွင်း အမျိုးသားတစ်ဦး ညှပ်နေသောကြောင့် ကူညီကယ်ဆယ်ပေးခဲ့ကြောင်း သိရသည်။

ယာဉ်တိုက်မှုဖြစ်ပွားရာနေရာကို လှည်းကူးမြို့နယ် မီးသတ်စခန်းမှ ရှာဖွေကယ်ဆယ်ရေးယာဉ်နှင့် Medical လူမှုကူညီရေးအသင်းတို့ သွားရောက်ကူညီခဲ့ကြပြီး သေဆုံးသူရုပ်အလောင်းကို ဒါးပိန်ဆေးရုံသို့ ပို့ဆောင်ပေးခဲ့ကြောင်း သိရသည်။

#Local_News #ယာဉ်တိုက်မှုဖြစ် #အမျိုးသားတစ်ဦး ေ-သဆုံး #YMG/LW #Yangon_Times

#World_Health
Published 30 March 2024

တန်နက်ဆီမှ ဗစ်တာရှာရာဟာ လူတွေကို မကောင်းဆိုးဝါးလို့ မြင်နေတဲ့ အလွန်ရှားပါးရောဂါတစ်မျိုး ခံစားနေရပါတယ်။

မကောင်းဆိုးဝါးမျက်နှာ မြင်ရတဲ့ ရောဂါလို့ခေါ်ပြီး ကြည့်လိုက်တဲ့လူတိုင်းဟာ မကောင်းဆိုးဝါးလို ပြုံးနေတယ်လို့ မြင်နေရတာ ဖြစ်ပါတယ်။

ထရပ်ကားယာဥ်မောင်းရှာရာက ၂၀၂၀ ခုနှစ်မှာ စတင်သတိထားမိခဲ့ပြီး သူ့အခန်းဖော်ကို မျက်နှာပုံပျက်နေတယ်လို့ မြင်ခဲ့ပြီး အပြင်ထွက်တော့လည်း အားလုံးက ထိုကဲ့သို့ဖြစ်နေပါတယ်။

အမှန်တော့ PMO လို့ခေါ်တဲ့ ရောဂါလက္ခဏာဟာ လူတွေကိုကြည့်လိုက်ရင် မျက်နှာတွေက တွန့်ခေါက်တဲ့ပုံစံ မြင်တွေ့ရတာဖြစ်ပြီး မကောင်းဆိုးဝါးပုံသဏ္ဍာန် မြင်တွေ့ရ ဖြစ်ပါတယ်။

မျက်လုံးပုံစံ၊ အရွယ်အစား၊ အရောင်၊ မျက်နှာကျပုံစံတို့က တစ်ယောက်နဲ့တစ်ယောက် မတူညီသလို ထိုလက္ခဏာဟာ ရက်တွေ လတွေ နှစ်တွေကြာအောင် ခံစားရတတ်ပါတယ်။

ဒီရောဂါကို ၇၅ ဦးသာ တွေ့ရှိထားတယ်လို့ ဒါ့မောက်ကောလိပ်မှ သုတေသီများက လေ့လာဖော်ပြထားပါတယ်။

လူမျက်နှာတွေ ကြည့်တဲ့အခါမှာ တွန့်ခေါက်တာကို မြင်တွေ့ရပေမယ့် အရာဝတ္ထုတွေကို ကြည့်တဲ့အခါမှာတော့ တွန့်ခေါက်တာ မတွေ့ရဘူးလို့ ဖော်ပြထားပါတယ်။

လူနာတွေက မျက်နှာတွန့်တာကို မြင်ရပေမယ့် မည်သူမည်ဝါဆိုတာတော့ မှတ်မိတယ်လို့ ဆိုပါတယ်။

ရှာရာမြင်တွေ့ရတဲ့ မျက်နှာတွန့်ခေါက်ပုံတွေကို ဓာတ်ပုံများဖြင့် ဖန်တီးနိုင်ခဲ့ပြီး လူအများမြင်တွေ့စေနိုင်ခဲ့ပါတယ်။

သိပ္ပံပညာရှင်များက ကွန်ပျူတာဆော့ဖ်ဝဲတစ်ခုဖြင့် ရှာရာမြင်တွေ့ရတဲ့ တွန့်ခေါက်ပုံတွေကို တိကျစွာ ဖန်တီးခဲ့ကြပါတယ်။

အချို့လူတွေကတော့ ဒီလိုမျိုး အမြင်အာရုံ ချို့ယွင်းခြင်းကို စိတ်ရောဂါတစ်မျိုးလို့ ထင်မြင်တတ်ကြပါတယ်။

ဒီရောဂါအကြောင်း သေချာမသိကြသေးပေမယ့် မျက်နှာတွကိုပုံဖတ်တဲ့ အာရုံကြောကွန်ရက်မှာ ပြဿနာရှိတယ်လို့ ထင်နေကြပါတယ်။

ရှာရာရဲ့အခြေအနေကတော့ ယခင်က ဦးခေါင်းထိခိုက်ခဲ့တဲ့ ဒဏ်ရာ ဒါမှမဟုတ် ကာဗွန်မိုနောက်ဆိုဒ်အဆိပ်တို့ကြောင့် ဖြစ်နိုင်တယ်လို့ သုတေသီများ ယုံကြည်နေကြပါတယ်။

ဦးခေါင်းဓာတ်မှန်ရိုက်ရာမှာလည်း ဦးနှောက်ဘယ်ဘက်အခြမ်းမှာ အဖုအလုံးတစ်ခု ရှိနေတာကို မြင်တွေ့ရပါတယ်။

#World_Health #မကောင်းဆိုးဝါးမျက်နှာကဲ့သို့မြင်နေရ #အလွန်ရှားပါးရောဂါတစ်မျိုး #Source: New York Post

#World_News
Published 30 March 2024

အမေရိကန် ကွန်ဂရက်မှာ အငြင်းပွားနေကြတာကြောင့် ကတိပေးထားတဲ့အတိုင်း စစ်ရေးကူညီမှုများ မရရှိပါက ယူကရိန်းတပ်တွေအနေနဲ့ ဖြည်းဖြည်းချင်း ဆုတ်ခွာသွားရလိမ့်မယ်လို့ ယူကရိန်းသမ္မတ ဗိုလိုဒီမီယာဇယ်လန်စကီက အင်တာဗျူးတစ်ခုမှာ သောကြာနေ့က ပြောကြားလိုက်ပါတယ်။

အကယ်၍ အမေရိကန်မှ အကူအညီများ မရရှိပါက ယူကရိန်းအနေနဲ့ လေကြောင်းကာကွယ်ရေးတွေ၊ ဒုံးကျည်တွေ၊ စစ်သင်္ဘောတွေ၊ အမြှောက်ကျည်ဆံတွေ ရှိမှာမဟုတ်ဘူးလို့ ဇယ်လန်စကီက ဝါရှင်တန်ပို့စ်ကို ပြောပြလိုက်ပါတယ်။

ဖြည်းဖြည်းချင်းစီ ဆုတ်ခွာသွားရမှာဖြစ်ပြီး အဲဒီလိုနောက်မဆုတ်ရဖို့ နည်းလမ်းတွေ ရှာဖွေသွားရမှာ ဖြစ်တယ်လို့ ဆိုပါတယ်။

လက်နက်ခဲယမ်းတွေ ပြတ်လပ်လာတာကြောင့် ရှေ့တန်းမှာ အင်အားလျော့ရဲလာပြီး ကျိုးပေါက်သွားမယ်ဆိုရင် ရုရှားတွေက မြို့ကြီးတွေကို ဝင်ရောက်လာနိုင်တယ်လို့ ပြောပြသွားပါတယ်။

ဒီမိုကရက်တစ်သမ္မတ ဂျိုးဘိုင်ဒင်က စစ်ရေးနဲ့ ဘဏ္ဍာရေးထောက်ပံ့မှုအတွက် အတည်ပြုပေးဖို့ ရီပတ်ဘလစ်ကန် ထိန်းချုပ်ထားတဲ့ အမေရိကန် အောက်လွှတ်တော်ကို တိုက်တွန်းနေပေမယ့် အောက်လွှတ်တော်ဥက္ကဌ မိုက်ခ်ဂျွန်ဆန်က ပြည်တွင်းရေးတွေကို အဓိကထားရမယ်ဆိုပြီး လနဲ့ချီအောင် အချိန်ဆွဲထားပါတယ်။

ကူညီထောက်ပံ့ရေးကို အတည်ပြုပေးဖို့က အလွန်အရေးကြီးကြောင်း ဇယ်လန်စကီက ဂျွန်ဆန်ကို တယ်လီဖုန်းဖြင့် ပြောကြားခဲ့ပါတယ်။

ယူကရိန်းဟာ ဒုံးကျည်ပြတ်လပ်လာတဲ့အတွက် ပြည်တွင်းထုတ် လက်နက်တွေ လေကြောင်းကာကွယ်ရေးစနစ်တွေနဲ့ အစားထိုးထားပေမယ့် လုံလောက်ခြင်းမရှိဘူးလို့ ယူကရိန်းသမ္မတက ပြောကြားထားပါတယ်။

လတ်တလောမှာ ရုရှားတို့က စွမ်းအင်နဲ့ အခြားအခြေခံ အဆောက်အအုံများကို ပစ်မှတ်ထား တိုက်ခိုက်လာပါတယ်။

ယူကရိန်းကလည်း ဒရုန်းများဖြင့် ကိုယ်ပိုင်ဒရုန်းများဖြင့် တိုက်ခိုက်နိုင်ကြောင်း၊ ရုရှားဘက်က တိုက်ခိုက်လာခဲ့ရင် ပြန်တိုက်မှာဖြစ်ပြီး ရုရှားအနေနဲ့ လောင်စာတွေ၊ လျှပ်စစ်မီးတွေမရှိဘဲ နေသွားရမှာဖြစ်ကြောင်း၊ ရုရှားတွေရပ်တန့်တဲ့အခါမှသာ ယူကရိန်းကလည်း ရပ်တန့်မှာဖြစ်ကြောင်း ပြောကြားသွားပါတယ်။

#World_News #ယူကရိန်းတပ်များဆုတ်ခွာရ #ဇယ်လန်စကီပြော #Source: Reuters