#Local_News
Published 19 April 2024

မြန်မာ-ထိုင်း နယ်စပ်ကုန်သွယ်ရေး ရန်ကုန်-ကော့သောင်း-ရနောင်းနှင့်ရနောင်း-ကော့သောင်း-ရန်ကုန် ကို ကမ်းရိုးတန်းဆိပ်ကမ်းမှ ကွန်တိန်နာစနစ်ဖြင့် ကုန်သွယ်ဆောင်ရွက်ခွင့်ပြုကြောင်း စီးပွားရေး နှင့် ကူးသန်းရောင်းဝယ်ရေး ဝန်ကြီးဌာန၊ ကုန်သွယ်ရေး ဦးစီးဌာန၏ ထုတ်ပြန်ကြေညာချက်အရသိရသည်။

ကုန်သွယ်မှုနှင့် ကုန်စည်စီးဆင်းမှုများ မှန်ကန်မြန်ဆန်စေရေးအတွက် နယ်စပ်ကုန်သွယ်ရေးနည်းလမ်းအသစ်တစ်ခုအဖြစ် ယခုလို ကုန်သွယ်မှု ဆောင်ရွက်ခွင့်ပြုခြင်းဖြစ်ကြောင်း သိရသည်။

ထို့ကြောင့် ပို့ကုန်သွင်းကုန်လုပ်ငန်းရှင်များ အနေဖြင့် ပို့ကုန်တင်ပို့ခြင်းကို ရန်ကုန်-ကော့သောင်း-ရနောင်း နှင့် သွင်းကုန်တင်သွင်းခြင်း ကို ရနောင်း-ကော့သောင်း-ရန်ကုန်မှ နယ်စပ်ကုန်သွယ်ရေးနည်းလမ်းဖြင့်ဆောင်ရွက်ခြင်း အတွက် သက်ဆိုင်ရာဌာနများ၏ လုပ်ထုံးလုပ်နည်းများနှင့်အညီ ပူးတွဲပါစံပြလုပ်ငန်းစဉ်SOP များအတိုင်း လိုက်နာဆောင်ရွက်ရမည် ဖြစ်ကြောင်း အသိပေးကြေညာထားသည်။

#Local_News #ရန်ကုန်-ကော့သောင်း- ရနောင်း #ကွန်တိန်နာစနစ်ဖြင့်ကုန်သွယ်ခွင့်ပြု #YMG/LW #Yangon_Times

Published 19 April 2024

အဆင့်မြင့်စမတ်ဖုန်းတွေ အလွယ်တကူ ရရှိနိုင်တဲ့ခေတ်ကြီးမှာ အခြေခံဖုန်းခေါ်ဆိုမှုသာ လုပ်နိုင်တဲ့ သာမန်ဆဲလ်ဖုန်းတွေကို တမင်ရွေးချယ် အသုံးပြုနေတဲ့သူတွေလည်း ရှိပါတယ်။

အွန်လိုင်းလှုပ်ရှားမှုတွေ ပိုမိုခေတ်စားလာရာမှာ စမတ်ဖုန်းတွေက မရှိမဖြစ် ပစ္စည်းဖြစ်လာပါတယ်။

အမျိုးမျိုးသော လုပ်ဆောင်ချက်တွေကို စမတ်ဖုန်းတွေနဲ့သာ အသုံးပြုနိုင်ပေမယ့် အချို့လူတွေကတော့ စမတ်ဖုန်းအသုံးမပြုဘဲ သာမန်ဆဲလ်ဖုန်းများကိုသာ သုံးနေကြပါတယ်။

ဒါပေမဲ့ ဒီဂျစ်တယ်လောကကနေ အာရုံလွှဲပြောင်းချင်သူတွေကတော့ သာမန်ဆဲလ်ဖုန်းတွေကို ပြန်လည်စွဲကိုင်လာကြပါတယ်။

ဖင်လန်နိုင်ငံနဲ့ အမေရိကန် အော်လ်တိုတက္ကသိုလ်မှ သုတေသနတစ်ခု ပြုလုပ်ကြကာ လူအနည်းငယ်ကို မေးမြန်းခဲ့ကြပါတယ်။

စမတ်ဖုန်းနဲ့ အဆက်အသွယ်ဖြတ်တဲ့ အကျိုးဆက်တွေ၊ ကျန်းမာရေးအတွက် ရည်ရွယ်တဲ့ သာမန်ဆဲလ်ဖုန်း အသုံးပြုပုံတွေကို ရှာဖွေခဲ့ကြပါတယ်။

အချို့သော ဆဲလ်ဖုန်းတွေဆိုရင် ဈေးကြီးပြီး ပြည်တွင်းဈေးကွက်မှာ မရှိတဲ့အတွက် အာဖရိကကနေ မှာယူတဲ့ ဥရောပသားတွေရှိတယ်လို့ ကွန်ပျူတာသိပ္ပံဌာနမှ ပရော်ဖက်ဆာ ယန်းလင်းဗစ်က ဆိုပါတယ်။

စမတ်ဖုန်းမသုံးချင်ကြတော့တဲ့ အကြောင်းအရင်းတွေက အမျိုးမျိုး ဖြစ်နေကြပြီး အချို့မိဘတွေဆိုရင် ကလေးတွေ စမတ်ဖုန်းစွဲလမ်းမှုမဖြစ်အောင် ယင်းတို့ကိုယ်တိုင် အသုံးမပြုကြတာ ဖြစ်ပါတယ်။

စမတ်ဖုန်းမကိုင်တဲ့ သူတွေကတော့ တီထွင်ကြံဆပြီး နေထိုင်ကြရပါတယ်။

ကပ်ရောဂါကာလမှာဆိုရင် စမတ်ဖုန်းရဲ့ သက်ရောက်မှုက အလွန်ကြီးမားတာကို မြင်တွေ့နိုင်ပါတယ်။

စမတ်ဖုန်းမပါဘဲ နေထိုင်နိုင်ဖို့ နည်းလမ်းမျိုးစုံ ကြံဆရတယ်လို့ ဆိုရမှာဖြစ်ပါတယ်။

အချို့ဆိုရင် စမတ်ဖုန်းလိုအပ်တဲ့အခါ ရင်းနှီးသူတစ်ယောက်ယောက်ရဲ့ ဖုန်းကို ငှားရမ်းအသုံးပြုကြရပါတယ်။

ဒါကြောင့် လက်တွေ့ကျကျ ပြောရမယ်ဆိုရင် စမတ်ဖုန်းမရှိဘဲ နေထိုင်ဖို့ဆိုတာ ပြောင်းလဲချင့်ချိန်တတ်ဖို့ လိုအပ်ပါတယ်။

Source: The Jerusalem Post

Published 19 April 2024

ကိုယ်အလေးချိန် ထိန်းသိမ်းဖို့ ကြိုးစားတဲ့အခါ အစားအသောက်ပုံစံနဲ့ လေ့ကျင့်ခန်းများအပြင် အခြားအရာတွေလည်း ပါဝင်ပါတယ်။

လုံလောက်စွာ အိပ်စက်ခြင်းက စိတ်ပိုင်းဆိုင်ရာရော ရုပ်ပိုင်းဆိုင်ရာ ကျန်းမာရေးအတွက်ပါ အရေးကြီးပါတယ်။

အိပ်ချိန်နည်းလွန်းခြင်းက ကိုယ်အလေးချိန်ချရာမှာ အနှောင့်အယှက် ဖြစ်စေနိုင်ပြီး ဝိတ်တက်စေနိုင်ပါတယ်။

အိပ်စက်ခြင်းစက်ဝန်းနဲ့ ကိုယ်အလေးချိန်ကြား ဆက်စပ်မှုကို အာဟာရပညာရှင် အမ်မာမီအက်ဂါဝယ်က ရှင်းပြသွားပါတယ်။

အစားမှန် လေ့ကျင့်ခန်းမှန် ပြုလုပ်တဲ့ကြားက ကိုယ်အလေးချိန် မကျဘူးဆိုရင် လုံလောက်စွာ မအိပ်စက်ရတာကြောင့် ဖြစ်နိုင်ပါတယ်။

ကိုယ်အလေးချိန်ကို အိပ်စက်ခြင်းက သက်ရောက်နေတဲ့ နည်းလမ်း ၃ မျိုးကတော့ ..

(၁) အိပ်ရေးပျက်တယ်ဆိုရင် အဆီမလောင်ကျွမ်းဘဲ အဆီသိုလှောင်လာကာ ကယ်လိုရီအနည်းငယ်သာ လောင်ကျွမ်းပါတယ်။

(၂) အိပ်ရေးပျက်ပါက ဖိစီးမှုဟော်မုန်း မြင့်တက်စေပြီး အဆီလောင်ကျွမ်းမှု နှောင့်နှေးစေပါတယ်။

(၃) ဇီဝကမ္မဖြစ်စဥ် မြန်တယ်ဆိုရင် ကယ်လိုရီပိုမိုလောင်ကျွမ်းတဲ့အတွက် အိပ်ရေးပျက်ရင်တော့ ဇီဝကမ္မဖြစ်စဥ်နှေးစေကာ ကိုယ်အလေးချိန်ကျဖို့ ခက်စေပါတယ်။

Source: NDTV

၁၈ ဧပြီ ၂၀၂၄

အစ္စရေးလ်ကို အီရန်တိုက်ခိုက်တာဟာ အကျိုးအကြောင်း ဆီလျော်ပြီး တရားဝင်ဖြစ်ကာ ဒေသတွင်းတင်းမာမှု မြင့်တက်စေလိုခြင်း မရှိဘူးလို့ အီရန်နိုင်ငံခြားရေး ဝန်ကြီးဌာနမှ ပြောရေးဆိုခွင့်ရှိသူ နက်ဆာကန်နာနီက တနင်္လာနေ့မှာ ပြောကြားလိုက်ပါတယ်။

အီရန် မီဒီယာရှင်းလင်းပွဲတစ်ခုမှာ ပြောကြားရာမှာ ကန်နာနီက အီရန်လုပ်ရပ်ဟာ တရားဝင် ကိုယ်ပိုင်ကာကွယ်ခွင့်ရှိတယ်ဆိုတဲ့ ကုလသမဂ္ဂ ပဋိဉာဥ်စည်းမျဥ်း အပိုဒ် ၅၁ နဲ့ ကိုက်ညီပြီး ဆီးရီးယားရှိ အီရန်ကောင်စစ်ဝန်ရုံးကို အစ္စရေးလ်တို့ တိုက်ခိုက်ခဲ့တဲ့အပေါ် တုန့်ပြန်တာဖြစ်တယ်လို့ ဆိုပါတယ်။

‘’အီရန်က ဒေသတွင်းတင်းမာမှု မြင့်တက်လိုခြင်းမရှိပါဘူး။ ကုလသမဂ္ဂ ပဋိဉာဥ်စည်းမျဥ်းများ၊ နိုင်ငံတကာဥပဒေများနဲ့အညီ ပြုလုပ်ခဲ့တာ ဖြစ်တယ်ဆိုတာကို အလေးပေးပြောလိုပါတယ်’’ လို့ ပြောကြားသွားပါတယ်။

ဧပြီ ၁ ရက်နေ့ ဆီးရီးယားရှိ အီရန်ကောင်စစ်ဝန်ရုံးကို အစ္စရေးလ်တိုက်ခိုက်ခဲ့တဲ့အပေါ် တုန့်ပြန်တဲ့အနေနဲ့ အီရန်တို့က အစ္စရေးလ်ဘက်ကို ဒရုန်း ၁၇၀၊ ပဲ့ထိန်းဒုံးကျည် ၃၀ ကျော်၊ တိုက်ချင်းပစ်ဒုံးကျည် ၁၂၀ ကျော်တို့ဖြင့် ပြန်လည်ပစ်ခတ်ခဲ့တာ ဖြစ်ပါတယ်။

မတိုက်ခိုက်ခင်တစ်ရက်မှာ အီရန် အစ္စလာမ်တော်လှန်ရေး အစောင့်တပ်(IRGC)က ပါရှန်ပင်လယ်ကွေ့မှာ အစ္စရေးလ်ဆက်စပ်တဲ့ ကုန်တင်သင်္ဘောတစ်စီးကို ဖမ်းဆီးထိန်းသိမ်းခဲ့ကာ အခုဆိုရင် အီရန်ရှိ ဘန်ဒါအက်ဘာဆိပ်ကမ်းအနီးမှာ ကမ်းကပ်ထားပုံကို မီဒီယာတွေမှာ ဖော်ပြထားပါတယ်။

ထိုသင်္ဘောဟာ အစ္စရေးလ်အစိုးရပိုင်ဖြစ်ပြီး နိုင်ငံတကာ ပို့ဆောင်ရေးစည်းမျဥ်းတွေကို ချိုးဖောက်ခဲ့တာကြောင့် ထိန်းသိမ်းခဲ့တာ ဖြစ်တယ်လို့ ကန်နာနီက ဆိုပါတယ်။

ဆီးရီးယားမှာ အစ္စရေးလ်တိုက်ခိုက်ဖို့ကို အမေရိကန်က ခွင့်ပြုတဲ့အတွက် အမေရိကန်မှာလည်း တာဝန်ရှိတယ်လို့ ဆိုသွားပါတယ်။

Published 18 April 2024

ဒီဇင်ဘာလတုန်းက အစ္စရေးလ်ဘက်က ပစ်လိုက်တဲ့ အမြောက်ဆံတစ်ခုဟာ ဂါဇာရှိ အကြီးဆုံး မျိုးပွားဆေးခန်းကို ထိမှန်ခဲ့ရာ ပေါက်ကွဲမှုကြောင့် သန္ဓေဌာနထောင့်တစ်နေရာမှာ သိမ်းထားတဲ့  အရည်နိုက်ထရိုဂျင်အိုး ၅ လုံး အဖုံးပွင့်သွားခဲ့ပါတယ်။

အလွန်အေးတဲ့ အရည်တွေ အငွေ့ပျံသွားပြီး နိုက်ထရိုဂျင်အိုးတွေထဲက အပူချိန်မြင့်တက်လာကာ ဂါဇာမြို့ အယ်လ်ဘက်စ်မာ ဖန်ပြွန်သန္ဓေဌာနမှာ သိမ်းထားတဲ့ သန္ဓေသားလောင်း ၄၀၀၀ ကျော်၊ သုတ်ပိုးနဲ့ သန္ဓေမဖြစ်သေးတဲ့ မမျိုးဥ ၁၀၀၀ ကျော် ပျက်စီးသွားခဲ့ပါတယ်။

ထိုပေါက်ကွဲမှုရဲ့ သက်ရောက်မှုက မခန့်မှန်းနိုင်လောက်တဲ့အထိ ထိခိုက်နေနိုင်ပါတယ်။

နိုက်ထရိုဂျင်အိုးတွေထဲက သန္ဓေသားလောင်းတွေဟာ မျိုးမပွားနိုင်ဖြစ်နေတဲ့ ပါလက်စ်တိုင်းစုံတွဲတွေအတွက်တော့ နောက်ဆုံးမျှော်လင့်ချက် ဖြစ်ခဲ့ပါတယ်။

အသက်ပေါင်း ၅၀၀၀ မကတဲ့ သန္ဓေသားတွေဟာ မိဘတွေအတွက်တော့ ဘယ်လောက်အထိ အဓိပ္ပာယ်ရှိလဲဆိုတာ အသေအချာသိထားတယ်လို့ ဆေးခန်းတည်ထောင်ခဲ့တဲ့ သားဖွားမီးယပ်ဆရာဝန် ဘာဟေးလ်ဒင်းဂယ်လာယီနီက ပြောပြခဲ့ပါတယ်။

သုတ်ပိုးတွေ မျိုးဥတွေ မထုတ်လုပ်နိုင်တော့တဲ့ စုံတွဲတွေ၊ သန္ဓေသားလောင်း မရှင်သန်နိုင်တော့တဲ့ စုံတွဲတွေကတော့ နောက်ထပ်ကိုယ်ဝန် ရနိုင်တော့မှာ မဟုတ်ဘူးလို့ ဆိုပါတယ်။

ဒီဖြစ်ရပ်နဲ့ ပတ်သက်ပြီး အစ္စရေးလ်က အရပ်ဘက် အဆောက်အအုံတွေကို တမင်ရည်ရွယ်တာမျိုး မရှိဘူးလို့ ငြင်းဆိုထားကာ ကျန်းမာရေးဌာနတွေမှာ စစ်ရေးစစ်ရာတွေ လုပ်ဆောင်နေတဲ့ ဟားမတ်စ်တို့ကို စွပ်စွဲလိုက်ပါတယ်။

ဂါဇာဒေသဟာ ဆင်းရဲနွမ်းပါးပေမယ့် ကလေးမရနိုင်တဲ့ စုံတွဲတွေဟာ ပိုင်ဆိုင်မှုတွေကို ရောင်းချပြီး ဖန်ပြွန်သန္ဓေသားနည်းလမ်းကို အသုံးပြုကြပါတယ်။

အမြောက်ဆံတစ်ခုတည်းနဲ့ အသက်ပေါင်း ၅၀၀၀ ဆုံးရှုံးသွားရတယ်လို့ ဂယ်လာယီနီက ဆိုသွားပါတယ်။

ရိုက်တာသတင်းဌာနမှ သတင်းထောက်များ ဧပြီလမှာ ထိုနေရာသို့ ရောက်ရှိခဲ့ပြီး ဓာတ်ခွဲခန်းထဲ ပျက်စီးနေဆဲဖြစ်တာတွေကို မြင်တွေ့ခဲ့ကြပါတယ်။

Source: Reuters

Published 18 April 2024

လူတွေအားလုံးဟာ ဘဝမှာ အတက်အကျမျိုးစုံ ကြုံတွေ့နေရပြီး အချို့သော အတွေ့အကြုံဆိုးတွေ၊ နာမကျန်းဖြစ်ခြင်းတွေ၊ ထိခိုက်နာကျင်ရတာတွေ၊ ခွဲခွာခြင်းမျိုးတွေဆိုရင် အမှတ်ရနေမိပြီး အတော်ကြာတဲ့အထိ အတွေးထဲဝင်နေတတ်ပါတယ်။

ဒါပေမဲ့ ဒီလိုမျိုး အဖြစ်ဆိုးတွေကနေ အကောင်းမြင်တတ်စေမယ့် နည်းလမ်း ၂ မျိုးကို သုတေသနပြုခဲ့ကြပါတယ်။

ပထမနည်းလမ်းကတော့ ပြန်လည်သုံးသပ်ခြင်း ဖြစ်ပါတယ်။

ဖြစ်ရပ်ဆိုးကို ပြန်လည်စဥ်းစားသုံးသပ်ပြီး အကောင်းမြင်ရှုထောင့်ကနေ ပိုမိုအသားပေးရမှာ ဖြစ်ပါတယ်။

ဥပမာအားဖြင့် မိမိလက်တွဲဖော်နဲ့ ရင်နာနာကွဲကွာခဲ့ရပြီး ဘယ်တော့မှ ဖြည်ဆည်နိုင်မှာ မဟုတ်ဘူးလို့ ထင်နေတယ်ဆိုရင် ပြန်လည်သုံးသပ်ခြင်းဖြင့် အဆိုးထဲကနေ အကောင်းတွေကို မြင်လာတတ်ပြီး အနာဂတ်မှာ ပိုမိုခိုင်မြဲသေချာတဲ့ မေတ္တာရေးဖြစ်လာစေရန် အထောက်အကူ ဖြစ်စေပါတယ်။

နောက်ထပ်နည်းလမ်းကတော့ အတိတ်အကြောင်း ပြန်ပြောရင်း အဖတ်ဆယ်ဖို့ပဲ ဖြစ်ပါတယ်။

မကောင်းတဲ့ အတွေ့အကြုံတွေကို ဇာတ်လမ်းထဲ ဆွဲထည့်လိုက်ရင် ပိုမိုကျယ်ပြန့်ကောင်းမွန်တဲ့ ဇာတ်လမ်းဖြစ်လာနိုင်ပါတယ်။

ဇာတ်လမ်းတိုင်းက မနာကျင်ရတာမျိုး မရှိပေမယ့် ပြန်လည်ပြောပြဖို့ ဇာတ်လမ်းမျိုးဖြစ်လာနိုင်ပါတယ်။

အဆိုပါ နည်းလမ်း ၂ မျိုးက  အတိတ်က ဖြစ်ရပ်ဆိုးတွေကို ကျော်လွှားပြီး ပိုမိုကောင်းမွန်တဲ့ စိတ်အနေအထားဖြင့် ရှေ့ဆက်နိုင်မှာ ဖြစ်ပါတယ်။

Source: WION

Published 18 April 2024

အင်္ဂါအစားထိုးခြင်းက လူတွေရဲ့ အသက်ကို ကယ်တင်နိုင်သလို လေ့လာချက်အသစ်မှာတော့ ပင်ကိုစရိုက်တွေလည်း ပြောင်းလဲနိုင်ဖွယ်ရှိတယ်လို့ ရှာတွေ့ထားပါတယ်။

အင်္ဂါအစားထိုး လက်ခံတဲ့သူတွေမှာ ပြုမူပုံတွေ၊ အတွေးအခေါ်တွေ၊ လုပ်ရပ်တွေ ဘယ်လိုပြောင်းလဲသလဲဆိုတာကို လေ့လာခဲ့ကြပါတယ်။

နှလုံးအစားထိုးသူတွေ ပြောင်းလဲသွားတဲ့ ပုံစံတွေကို လေ့လာပြီး အခြားအင်္ဂါအစားထိုးသူများနဲ့ ကွဲပြားမှုရှိသလား ဆိုတာကို ကြည့်ရှုခဲ့ပါတယ်။

၄၇ ဦးကို အွန်လိုင်းစစ်တမ်း ကောက်ယူခဲ့ကာ ၂၃ ဦးက နှလုံးအစားထိုး လက်ခံသူတွေဖြစ်ပြီး ၂၄ ဦးကတော့ အခြားအင်္ဂါအစားထိုးသူများ ဖြစ်ပါတယ်။

အားလုံးထဲက ၈၉ ရာခိုင်နှုန်းက အစားထိုးခွဲစိတ်ပြီးနောက် ပင်ကိုစရိုက်ပြောင်းလဲမှုတွေ ခံစားရတယ်လို့ ဖြေဆိုကြပါတယ်။

အစားအစာ၊ ဂီတ၊ အနုပညာ၊ အသက်မွေးဝမ်းကြောင်း၊ အပျင်းပြေ တစ်စုံတစ်ခု ပြုလုပ်ခြင်းတို့မှာ ပြောင်းလဲတယ်လို့ ဖြေဆိုကြပါတယ်။

အချို့ဆိုရင် မှတ်ဉာဏ်အသစ်များ ဖြစ်ပေါ်ခြင်း၊ အသိဉာဏ်စွမ်းရည် မြင့်တက်လာခြင်း၊ လူမှုရေးနဲ့ လိင်ပိုင်းဆိုင်ရာ လိုက်လျောညီထွေ ဖြစ်လာခြင်း၊ ဘာသာရေး ပိုမိုလိုက်စားလာခြင်း စတာတွေပါ ဖော်ပြကြပါတယ်။

ဒါ့အပြင် သောကရောက်ခြင်း၊ ပူပန်ခြင်း၊ စိတ်ဓာတ်ကျခြင်း၊ စိတ်ဖောက်ပြန်ခြင်းတို့ပါ ခံစားရတာတွေကိုလည်း ဖော်ပြထားပါတယ်။

အင်္ဂါလှူဒါန်းတဲ့ သူဆီက မှတ်ဉာဏ်တွေကို ခံစားရသကဲ့သို့ ဆက်စပ်နေပါတယ်။

Source: WION

တစ်နာရီကို ၄၀၀ ကီလိုမီတာ အမြန်နှုန်းသွားနိုင်အောင် ထုတ်လုပ်ထားတဲ့ တရုတ်နိုင်ငံရဲ့ CR450 EMU ရထား ရှေ့ပြေးပုံစံကို ယခုနှစ်အတွင်း ဆောက်လုပ်သွားနိုင်ရန် စီစဥ်ထားကြောင်း တရုတ်ပြည်မီးရထားအဖွဲ့အစည်းမှ အကြီးတန်းအရာရှိတစ်ဦးက ဆိုလိုက်ပါတယ်။

၁၇ ဧပြီ ၂၀၂၄

တိုင်းရင်းသားညီအစ်ကိုအချင်းချင်း သွေးကွဲအောင် သပ်လျှိုသွေးခွဲနေတာကို အားလုံး၏ သွေးစည်းညီညွတ်မှုနှင့် တုံ့ပြန်ပြသ    ကြဖို့ ဗိုလ်ချုပ်မှူးကြီးမင်းအောင်လှိုင်က တိုက်တွန်းပြောကြားလိုက်ပါတယ်။

မြန်မာသက္ကရာဇ် ၁၃၈၆ခုနှစ် နှစ်သစ်ကူးနှုတ်ခွန်းဆက်မင်္ဂလာစကားပြောကြားရာတွင် နစက ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်က ယင်းကဲ့သို့တိုက်တွန်းခဲ့ခြင်းဖြစ်ပါတယ်။

“ ပြီးခဲ့တဲ့နှစ်ဟောင်းကာလအတွင်းမှာ အရှည်မမြော်တွေးတဲ့ လိုအင်ဆန္ဒတွေ၊ ဘေးပယောဂတွေရဲ့ သွေးထိုးလှုံ့ဆော်မှုတွေ  ကြောင့် အချို့သော ကိုယ်ကျိုးအတ္တ လွန်ကဲတဲ့သူတွေဟာ ဒေသမတည်မငြိမ်ဖြစ်အောင် ဆောင်ရွက်ခဲ့ကြပါတယ်။ ကိုယ့်ပြည်  ထောင်စုဖွား တိုင်းရင်းသားအချင်းချင်းကို ဒုက္ခတွင်းထဲရောက်အောင် တွန်းပို့ခဲ့တာကို တွေ့ကြုံခဲ့ရပြီးဖြစ်တာကြောင့် အရှည်  ကိုမြော်တွေးပြီး ဆောင်ရွက်ကြဖို့ တိုက်တွန်းလိုပါတယ်” ဟု ဗိုလ်ချုပ်မှူးကြီးက ပြောကြားပါတယ်။

မြန်မာနိုင်ငံအနေဖြင့် ပြီးခဲ့တဲ့နှစ်ဟောင်းကာလအတွင်းမှာ ကြုံတွေ့ခဲ့ရတဲ့ အခက်အခဲနှင့် စိန်ခေါ်မှုများကို ရင်ဆိုင်  ကျော်  လွှားနိုင်ခဲ့ကြပြီးဖြစ်ကြောင်းနှင့် ယခုနှစ်သစ်မှာလည်း နစကအနေနှင့် ပြည်သူအားလုံးရဲ့ ဇွဲ၊ သတ္တိ၊ ခိုင်မာတဲ့ယုံကြည် ချက် တို့နှင့်အတူ ဘယ်လိုစိန်ခေါ်မှုမျိုးကိုမဆို အောင်မြင်အောင် ဆက်လက်ရင်ဆိုင်သွားမှာဖြစ်ကြောင်းလည်း ဗိုလ်ချုပ်မှူးကြီးက ပြောဆိုခဲ့ပါတယ်။

#Asia_News

Published 17 April 2024

ယမန်နှစ်က နိုင်ငံခြားသားများ ကွန်ဒိုဝယ်လိုအား မြင့်တက်လာရာကနေ ယခုနှစ်မှာလည်း ဆက်လက် မြင့်တက်လာမယ်လို့ ခန့်မှန်းရတာကြောင့် ထိုင်းနိုင်ငံအတွင်း အချို့နေရာတွေမှာ နိုင်ငံခြားသားများ ကွန်ဒိုပိုင်ဆိုင်ခွင့် ခွဲတမ်းတွေ မြင့်တက်လာသင့်ပါတယ်။

SETစာရင်းဝင် ဆောက်လုပ်ရေးကုမ္ပဏီ Raimon Land ရဲ့ အမှုဆောင်ချုပ် ဘရန်တန်မော်ရီယယ်လိုက နိုင်ငံခြားသားများ ကွန်ဒိုပိုင်ဆိုင်ခွင့်ခွဲတမ်းဟာ ၄၉ ရာခိုင်နှုန်းကနေ ၆၀ ရာခိုင်နှုန်းအထိ တက် လာသင့်တယ်လို့ ပြောကြားလိုက်ပါတယ်။

ဒီလိုလုပ်လိုက်ရင် ထိရောက်မှုကြီးမားမှာဖြစ်ပြီး နိုင်ငံအပေါ်မှာ ဆိုးကျိုးသက်ရောက်မှာ မဟုတ်ဘူးလို့ ဆိုလိုက်ပါတယ်။

ဖူးခက်နဲ့ ပတ္တရားတို့လို နိုင်ငံခြားသားများကြား နာမည်ကြီးတဲ့ နေရာတွေက နိုင်ငံခြားသားများ ကွန်ဒိုပိုင်ဆိုင်ခွင့်ခွဲတမ်းတွေဆိုရင် စီမံကိန်းအများအပြားမှာ ပြည့်နေပြီဖြစ်တယ်လို့ အိမ်ခြံမြေ သတင်းအချက်အလက်ဌာနမှ ယာယီညွှန်ကြားရေးမှူးချုပ် ဝီချိုင်ဝီရတ်ကပန်က ဆိုပါတယ်။

အချို့နေရာတွေဆိုရင် ပြည်တွင်းမှ ဝယ်ယူသူတွေ စိတ်မဝင်စားကြောင်း၊ ထိုနေရာတွေဆိုရင် နိုင်ငံခြားမှ ဝယ်လိုအားကို မှီခိုရတဲ့အတွက် စီးပွားရေး လှုပ်ရှားလာအောင် အစိုးရအနေနဲ့ နိုင်ငံခြားသားများ ပိုင်ဆိုင်ခွင့်ခွဲတမ်းကို မြှင့်တင်ပေးသင့်ကြောင်း မစ္စတာဝီချိုင်က ပြောပြပါတယ်။

ဖူးခက်ရှိ Laguna Lakelands လိုမျိုး စီမံကိန်းဆိုရင် ကွန်ဒိုစီမံကိန်းတစ်ခုစီမှာ အငှားပိုင်ဆိုင်မှု စာချုပ်များအတွက် ကြိုပွိုင့်ထားရှိခြင်းက ဘိုးဘေးပိုင်အိမ်များထက် ဈေးနှုန်း ၁၀-၁၅ ရာခိုင်နှုန်းလောက်အထိ သက်သာပါတယ်။

၂၀၂၃ အတွင်း နိုင်ငံခြားသားများ ကွန်ဒိုလွှဲပြောင်းပိုင်ဆိုင်မှုက အခန်းပေါင်း ၁၄၄၄၇ ရှိလာပြီး တန်ဖိုးအားဖြင့် ဘတ် ၇၃.၁ သန်းရှိခဲ့ကာ ကပ်ရောဂါ မတိုင်ခင်ကထက် ပိုများလာပါတယ်။

ထိုထဲမှာ တရုတ်တွေက အများဆုံးဖြစ်ပြီး အခန်းအားလုံးရဲ့ ၄၅.၈ ရာခိုင်နှုန်းရှိကာ သူ့နောက်မှာတော့ ရုရှား၊ အမေရိကန်၊ မြန်မာနိုင်ငံသားများ ရှိနေပါတယ်။

လူကြိုက်အများဆုံး ဈေးနှုန်းက ဘတ် ၃ သန်းနဲ့အောက်ဖြစ်ပြီး အကျယ်အဝန်းကတော့ ၃၁-၆၀ စတုရန်းမီတာ တဝိုက်ရှိပါတယ်။

နိုင်ငံခြားသားအများဆုံး ပိုင်ဆိုင်ထားတဲ့ နေရာကတော့ ချောင်ဘူရီဖြစ်ပြီး သူ့နောက်မှာ ဘန်ကောက်ရှိနေပါတယ်။

Source: Bangkok Post

Published 17 April 2024

အရက်ကြောင့် မဟုတ်သော အသည်းအဆီဖုံးရောဂါ (NAFLD)က အနောက်နိုင်ငံတွေမှာ အဖြစ်အများဆုံး ရောဂါတွေထဲက တစ်မျိုးဖြစ်ပြီး အသည်းခြောက်ခြင်း၊ အသည်းအစားထိုး ကုသခြင်းတို့ရဲ့ အဓိက အကြောင်းအရင်း ဖြစ်နေပါတယ်။

ကျန်းမာရေးနဲ့ မညီညွတ်တဲ့ စားသောက်နေထိုင်မှုပုံစံ၊ အဝလွန်ခြင်းတို့ကြောင့် ရောဂါဖြစ်ပွားမှု ပိုမြင့်တက်လာပါတယ်။

NAFLD ရောဂါက အသည်းမှာ အဆီတွေစုပြုံလာကာ ရောင်ရမ်းခြင်း၊ ထိခိုက်ဒဏ်ရာရခြင်း၊ အသည်းခြောက်ခြင်း၊ အသည်းရောဂါတို့ ဖြစ်လာနိုင်ပါတယ်။

များသောအားဖြင့် အစောပိုင်းမှာ ရောဂါလက္ခဏာ မတွေ့ရတတ်ဘဲ နောက်ပိုင်းအဆင့်ရောက်မှ အသည်းထိခိုက်ပျက်စီးနေတာကို တွေ့ရတတ်ပါတယ်။

အသည်းအဆီဖုံးခြင်း ဖြစ်ရတဲ့ အဓိကအကြောင်းအရင်းတွေက အဝလွန်ခြင်း၊ ဆီးချို၊ သွေးပေါင်ချိန်တက်ခြင်း၊ သွေးထဲ အဆီများလွန်းခြင်းတို့နဲ့ ဆက်စပ်နေပါတယ်။

ကိုယ်လက်လှုပ်ရှားမှုမရှိခြင်း၊ အချိုဓာတ်များသော အစားအစာများကြောင့်လည်း NAFLD ဖြစ်လာစေပါတယ်။

အခြေခံကုသနည်းအနေဖြင့် နေထိုင်စားသောက်မှုပုံစံ ပြောင်းလဲကာ အချိုစာများလျှော့စားခြင်း၊ ကာဗိုဟိုက်ဒရိတ်များ လျှော့ချခြင်း၊ ကိုယ်လက်လှုပ်ရှားမှု ပြုလုပ်ခြင်း၊ အရက်သေစာ ရှောင်ရှားခြင်းတို့ဖြင့် ပြောင်းလဲနိုင်ပါတယ်။

အမေရိကန် FDA မှ အသိအမှတ်ပြုထားတဲ့ ဆေးဝါးများရှိပေမယ့် စားသောက်မှုပုံစံနဲ့ နေထိုင်မှုပုံစံ ပြောင်းလဲခြင်းတို့ပါ ပြုလုပ်ပေးရမှာ ဖြစ်ပါတယ်။

NAFLD ကုသခြင်းဖြင့် အဆီစစ်ထုတ်ပေးခြင်း၊ အသည်းထိခိုက်မှု လျှော့ချပေးခြင်းတို့ ထောက်ပံ့ပေးပါတယ်။

ကျန်းမာရေးနဲ့ မညီညွတ်တဲ့ နေထိုင်စားသောက်မှုပုံစံကြောင့် အသည်းထိခိုက်ပျက်စီးနိုင်တာမို့ ထိန်းသိမ်းနေထိုင်ရန် အရေးကြီးပါတယ်။

Source: The Jerusalem Post

Published_17 April 2024
အကျဉ်းထောင်၊အချုပ်ထောင်၊စခန်းအသီးသီးတွင် ပြစ်ဒဏ်ကျခံလျက် ရှိသော အကျဉ်းသား၊အကျဉ်းသူ ၃၃၀၃ ဦးတို့ကို ရာဇဝတ်ကျင့်ထုံးဥပဒေပုဒ်မ ၄၀၁၊ ပုဒ်မခွဲ (၁) အရ “ နောက်တစ်ကြိမ်ပြစ်မှု ထပ်မံကျူးလွန်ပါက ၎င်း ပြစ် ဒဏ်အပြင် ယခုကျခံရန်ကျန်ရှိသော ပြစ်ဒဏ် များကိုပါ ဆက်လက်ကျခံပါမည် ” ဟူသော စည်းကမ်း သတ် မှတ်ချက်ဖြင့် ယင်းတို့ကျခံရန် ကျန်ရှိ သောပြစ်ဒဏ်များအပေါ်လျှော့ပေါ့ပြီး ပြစ်ဒဏ်လွတ်ငြိမ်းခွင့်ပြုလိုက် ကြောင်း နစက သတင်းထုတ်ရေးအဖွဲ့က ထုတ်ပြန်လိုက်သည်။
နိုင်ငံတော်စီမံအုပ်ချုပ်ရေးကောင်စီဥက္ကဋ္ဌအနေဖြင့် မြန်မာနှစ်သစ်မင်္ဂလာအခါသမယအထိမ်းအမှတ် အားဖြင့် လည်းကောင်း၊ ပြည်သူလူထုနှလုံးစိတ်ဝမ်းအေးချမ်းစေရေးနှင့် လူမှုရေးအရငဲ့ညှာထောက်ထား သောအားဖြင့် လည်းကောင်း၊ နိုင်ငံတော်၏မေတ္တာနှင့်စေတနာကိုနားလည်စေရန် ရှေးရှုသောအားဖြင့် လည်းကောင်း အထက်ပါအတိုင်း လွတ်ငြိမ်းခွင့်ြ့ပုခြင်း ဖြစ်ကြောင်း သိရသည်။
ယင်း ပြစ်ဒဏ်လွတ်ငြိမ်းခွင့်အမိန့်ထုတ်ပြန်ချက်တွင်၂၀၂၄ ခုနှစ် ဧပြီလ ၁၇ ရက်မတိုင်မီ လူသတ်မှု၊ မုဒိမ်းမှု၊ ပေါက်ကွဲစေတတ်သော ဝတ္ထု ပစ္စည်းများ အက်ဥပဒေအရပြစ်မှုများ၊ မတရားအသင်းများအက်ဥပဒေအရပြစ် မှုများ၊ ၁၈၇၈ ခုနှစ် လက်နက်များ အက်ဥပဒေ ပုဒ်မ ၁၉(စ) အရ ပြစ်မှုများ၊ ၁၉၄၉ ခုနှစ်လက်နက်(အရေး ပေါ်ပြစ်ဒဏ်စီရင်မှု)(ယာယီ) အက်ဥပဒေအရပြစ်မှုများ၊ ၁၉၅၁ ခုနှစ်လက်နက်(ယာယီပြင်ဆင် ချက်)အက်ဥ ပဒေ အရပြစ်မှုများ၊ ၁၉၂၄ ခုနှစ် ရှမ်းပြည် နယ် လက်နက်အမိန့်အရပြစ်မှုများ၊ ၂၀၂၃ ခုနှစ် လက်နက်ဥပဒေ အရပြစ်မှုများ၊ မူးယစ်ဆေးဝါးနှင့်စိတ် ကို ပြောင်း လဲစေသောဆေးဝါးများဆိုင်ရာဥပဒေအရ ပြစ်မှုများ၊ သဘာ ဝဘေးအန္တရာယ်ဆိုင်ရာစီမံခန့်ခွဲ မှုဥပဒေ အရ ပြစ်မှု များ၊ အကြမ်းဖက်မှုတိုက်ဖျက်ရေးဥပဒေ အရပြစ်မှု များနှင့် အဂတိလိုက်စားမှုတိုက်ဖျက်ရေးဥပ ဒေအရ ပြစ်မှု များမှအပ တည်ဆဲဥပဒေ တစ်ရပ်ရပ်အ ရပြစ်မှုတစ် ခုခုနှင့်စပ်လျဉ်း၍ ပြစ်ဒဏ်ချမှတ်ခြင်းခံရပြီး အကျဉ်း ထောင်၊အချုပ် ထောင်၊စခန်း အသီးသီးတွင် ပြစ်ဒဏ် ကျခံနေရသည့် အကျဉ်းသားသူများကို ရာဇဝတ် ကျင့်ထုံး ဥပဒေ ပုဒ်မ ၄၀၁၊ ပုဒ်မခွဲ (၁) အရ ယင်းတို့ကျ ခံရန်ကျန်ရှိသော ပြစ်ဒဏ်၏ ခြောက်ပုံတစ်ပုံကို လွတ် ငြိမ်း သက်သာခွင့်ပြုလိုက်ကြောင်း ဖော်ပြထားသည်။
နိုင်ငံခြားသားများအား ပြစ်ဒဏ်လွတ်ငြိမ်းခွင့်ပြုရာတွင် မြန်မာနှစ်သစ်မင်္ဂလာအခါသမယအထိမ်းအမှတ် အားဖြင့် လည်းကောင်း၊ နိုင်ငံအချင်းချင်းမိတ်ဝတ်မပျက်ဆက်ဆံရေးကို နှေးရှုသောအားဖြင့်လည်းကောင်း၊ လူသားချင်းစာနာထောက်ထားမှုကို အလေးထားသောအားဖြင့်လည်းကောင်း ခွင့်ပြုခဲ့ခြင်း ဖြစ်ကြောင်း သိရသည်။
အဆိုပါ နိုင်ငံခြားသား အကျဉ်းသား၊အကျဉ်းသူ များကို ရာဇဝတ်ကျင့်ထုံးဥပဒေပုဒ်မ ၄၀၁၊ ပုဒ်မခွဲ (၁)အရ “ နောက်တစ်ကြိမ်ပြစ်မှုထပ်မံကျူးလွန်ပါက ၎င်းပြစ်ဒဏ်အပြင် ယခုကျခံရန်ကျန်ရှိသော ပြစ်ဒဏ်များကိုပါ ဆက်လက်ကျခံပါမည် ” ဟူသော စည်းကမ်းသတ်မှတ်ချက်ဖြင့် ယင်းတို့ကျခံရန်ကျန်ရှိသော ပြစ်ဒဏ်များအ ပေါ်လျှော့ပေါ့ပြီး ပြစ်ဒဏ် လွတ်ငြိမ်းခွင့်ပြု၍ ပြည်နှင်ဒဏ်ပေးလိုက်ခြင်း ဖြစ်ကြောင်း သိရသည်။
Yangon_Times/PP